42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Долар з еўра падаражэлі, а расейскі рубель патаннеў — такія навіны курсаў валютаў на панядзелак 16 верасня
#курсывалютаў
Ого, расейцы «заданацілі» ўкраінскай арміі больш за мільярд долараў!
Насамрэч, яны не хацелі такіх ахвяраванняў. Усе гэтыя грошы — вынік махлярства, пад якое трапілі грамадзяне Расеі. За 2024 год расейцы перадалі $2,8 млрд невядомым асобам. 40% ад гэтых грошаў пайшлі на дапамогу ЗСУ.
Паводле «Сбербанку», махляры звычайна тэлефануюць праз мэсенджары і прадстаўляюцца супрацоўнікамі МУС, ФСБ або Цэнтрабанку. Нярэдка яны просяць перакласці грошы на «бяспечны рахунак» або паведаміць код з СМС.
Вядома, што летась «украінскія кол-цэнтры» выманілі ў беларусаў больш за пяць мільёнаў долараў.
#лічбадня
Мужчыну са Стаўбцоў затрымалі за лічбы на цішотцы
Сілавікі выклалі відэа з футбольным заўзятарам, якога арыштавалі проста на працы. Прычына — лічбы 1312 на цішотцы (лічбы першых літараў антыміліцэйскай абрэвіятуры).
Вядома, што мужчына працаваў зваршчыкам на Менскім маторным заводзе. Дзе цяпер знаходзіцца беларус — невядома.
#рэпрэсіі
На Трампа маглі зладзіць яшчэ адзін замах
Інцыдэнт адбыўся падчас гульні ў гольф у Фларыдзе. Як сцвярджае перадвыбарчы штаб Трампа, было зроблена некалькі стрэлаў «у блізкасці» ад кандыдата.
Кангрэсменка Марджоры Тэйлар-Грын заявіла пра замах на Трампа і паведаміла, што падазраваны ўжо затрыманы. У кустах, адкуль вялася стральба, знайшлі аўтамат Калашнікава.
«Яны спрабуюць забіць яго!!! Яны зробяць усё, каб перашкодзіць яму перамагчы», — напісала яна.
ФБР лічыць, што інцыдэнт «выглядае як спроба замаху». У той жа час, выданне «The New York Post» піша, што стралялі не па Трампе, а двое мужчын проста абмяняліся стрэламі побач з полем для гольфа. Паводле газеты, раён, дзе адбылася перастрэлка, адрозніваецца высокім узроўнем злачыннасці.
🔺«Закрылі ў пакоі, забралі пашпарты». Беларускага журналіста не пусцілі ў Грузію
Журналіст Андрэй Мялешка жыў у Батумі пасля эміграцыі з палітычных прычынаў з Беларусі. Ён вяртаўся з дачкой з Польшчы ў Грузію, дзе яго чакаюць жонка і яшчэ адно дзіця, але ў краіну яго не пусцілі.
Журналіст распавёў выданню «Позірк», што яго дэпартуюць у Польшчу на бліжэйшым рэйсе.
«Да 15-ай гадзіны я магу даведацца, чаму мяне не пусцілі. Я нічога не разумею, што ў гэтым дакуменце, які мне далі, напісана «іншыя прычыны»,
💥 #галоўнае за 15 верасня
✔️ У Нью-Ёрку ўлады выплацяць нашчадкам пацярпелых ад рабства кампенсацыі
✔️ Драмачычная сітуацыя на паўднёвым захадзе Польшчы - развіваецца моцны павадак
✔️ МЗС Польшчы заклікае спыніць выплату дапамогі ўкраінскім мужчынам-уцекачам у ЕЗ
✔️ Першыя непрафесійныя астранаўты, якія здзейснілі выхад у адкрыты космас, вярнуліся на зямлю
✔️ У Клайпедзе захраслі 2700 машынаў. Літва тлумачыць чаму
✔️ Інтэрв'ю з былым палітвязнем і аўтарам кнігі «Костерок из наших страниц» Аляксеем Гайшуном
✔️ Як Дажынкі з народнага свята сталі прапагандысцкім агратрэшам
✔️ У Варшаве паставяць спектакль пра канфлікт творцы і ўлады
✔️ у ЗША выявілі восаў, якія гадуюцца ў целах жывых пладовых мушак, як ксенаморф з фільму «Чужы»
✔️ Politico: ЗША баяцца паразы Украіны ўжо гэтай зімой і гатовыя «змяніць правілы»
#рэпрэсіі:
▪️ 60-гадовую псіхалагіню з вялікім стажам судзяць за «садзейнічанне экстрэмізму»
▪️ Ураджэнца Херсона будуць судзіць у Мінску па 4 крымінальных артыкулах
☝️ У Польшчу прыйшла вялікая вада
Поўдзень краіны затаплівае. Апошні раз такое было ў 1997 годзе — пра тагачасныя падзеі Netflix нават зняў кіно.
Але для жыхароў некаторых польскіх гарадоў павадак цяпер — нібыта фільм жахаў у рэальным жыцці — вядома ўжо пра адну чалавечую ахвяру.
Тым часам праводзяцца эвакуацыйныя працы — людзей ратуюць нават з дапамогай верталётаў і вайсковай тэхнікі, а простыя жыхары спрабуюць талакою назбіраць сродкаў на дапамогу землякам.
Паглядзіце нашае відэа пра тое, як Польшча дае рады з паводкаю. І беражыце сябе!
💥СТРЫМ. Нядзельнае вечаровае шоў «Тыдзень»
У сённяшнім выданні:
🔸Як манашкі Свята-Лізавецінскага манастыру збіраюць грошы ў Еўропе на дапамогу расейскім жаўнерам і як іх заўважылі
🔸 Талібы на БелАЗах - як і навошта беларускае прадпрыемства саромеецца, але супрацоўнічае Талібанам
Апдэйт франтавых падзеяў
🔸Дэмаграфічная трагедыя ў Беларусі
🔸 Ці вызначыўся Лукашэнка з удзелам у выбарах?
🔸 Трамп vs Гэрыс - новых дэбатаў кандыдатаў на прэзідэнта ЗША не будзе?
🔸Паводка ідзе па Еўропе. Польшча з Чэхіяй пацярпелі наймацней
Далучайцеся да эфіру ⤵️
🥳 Учора Купалаўскі тэатр адзначыў 104-годдзе
Як прайшло святкаванне і чаму ў тэатра няшмат нагодаў для гонару — глядзіце ў нашым відэа.
Цікава, як адрэагаваў бы Янка Купала, пабачыўшы, што стала з тэатрам.
🎭 Усё як у жыцці: у Варшаве паставяць спектакль пра канфлікт творцы і ўлады
Пастаноўку па матывах твора Уладзіміра Арлова «Ордэн Белай Мышы» плануюць паказаць больш за 10 разоў у Варшаве і іншых польскіх гарадах, а таксама выехаць на гастролі па Еўропе.
Дапамагчы праекту можа кожны. Як — глядзіце ў нашым відэа.
🌾 Дажынкі: агратрэш ці народнае свята?
Як спрадвечнае святкаванне збору ўраджаю пераўтварылася ў інструмент прапаганды? І ці ёсць шанец, што Дажынкі зноў зробяцца традыцыйным святам?
😢 «Варта вымавіць слова «амністыя» – і пачыналася»
Чаму блізкія людзі пакідаюць нас у цяжкія часіны – сваякі адгароджваюцца, а жонкі разводзяцца? І хто становіцца пераможцам у бязлітасным унутраным двубоі паміж летуценным рамантыкам і цынічным зэкам, калі мы выходзім на свабоду?
«Белсат» разважае пра гэта з былым палітвязнем і аўтарам кнігі «Костерок из наших страниц» Аляксеем Гайшуном.
👉 Чытаць інтэрв’ю ПА СПАСЫЛЦЫ
🌪У Еўропе ужо некалькі дзён пануе «Барыс»
Гэта цыклон, які прынёс непагадзь у еўрапейскія гарады. Залевы назіраюцца ў Польшчы, Украіне, Чэхіі, Румыніі і Малдове. Варта прыгатавацца таксама Нямеччыне, Аўстрыі і Славакіі.
Вядома, што цыклон «Барыс» ужо забраў жыцці аднаго жыхара Польшчы, чацвёра жыхароў Чэхіі лічацца зніклымі.
Беражыце сябе і сачыце за паведамленнямі ў СМІ.
📌 МЗС Польшчы заклікае спыніць выплату дапамогі ўкраінскім мужчынам-уцекачам у ЕЗ. Кіеў ідэю падтрымаў
Акрамя таго міністр замежных спраў Польшчы Радослаў Сікорскі заявіў, што адмена сацыяльных ільгот для ўкраінскіх мужчын-уцекачоў таксама пойдзе на карысць дзяржаўным фінансам краін Захаду, якія прымаюць бежанцаў:
«Спыніце гэтыя выплаты па сацыяльным забеспячэнні людзям, якія маюць права на ўдзел ва ўкраінскім прызыве. Ва Украіне не павінна быць фінансавых стымулаў для ўхілення ад прызыву. Гэта не права чалавека - атрымліваць грошы за тое, каб пазбегнуць прызыву ў войска, абараняць сваю краіну. Мы ў Польшчы гэтага не робім»
«Прыйшоў час сапраўды падняць пытанне аб тым, каб Еўразвяз распрацаваў праграмы па вяртанні ўкраінцаў дадому. Безумоўна, для гэтага павінны быць створаныя адпаведныя ўмовы. Але гэта павінна быць на парадку дня. І я падтрымліваю ідэю міністра Сікорскага»
🏎 Сабраны з Lego ў натуральную велічыню гіперкар McLaren P1 Technic праехаў па гоначнай трасе
Каб стварыць поўнапамерную мадэль гіперкара спатрэбілася 8344 гадзіны, 342817 дэталяў і 23 адмыслоўца.
Машына працуе на электрычнай батарэі.
🔥 На гоначнай трасе гоншчыку завадской каманды McLaren ў Формуле 1 Ландо Норысу ўдалося разагнаць Lego-гіперкар да 64 км/г.
😳 Менскі манастыр замест малітваў будуе бізнес-імперыю
Вялікія офісы з камп'ютарамі, манашкі, якія вядуць сацсеткі дзеля данатаў, майстэрні і крамы ў Заходняй Еўропе — пачытайце, як вядомы Свята-Елісавецінскі манастыр зарабляе грошы на дапамогу Расеі ПА СПАСЫЛЦЫ (праз VPN).
Падазраваны ў «замаху» на Трампа — актыўны прыхільнік Украіны
Яго завуць Раян Рут, і яму 58 гадоў. У 2022 годзе мужчына ездзіў ва Украіну, шмат пісаў пра падтрымку і нават быў гатовы ахвяраваць сабой дзеля барацьбы з Расеяй, але яго не ўзялі.
Раян таксама заклікаў афганскіх вайскоўцаў удзельнічаць у баявых дзеяннях на баку Украіны.
Мужчына ўжо сутыкаўся з крымінальнымі абвінавачваннямі: у 2002 годзе ў яго былі праблемы з захоўваннем зброі. Тады Раян забарыкадаваўся ў будынку на тры гадзіны, узброены аўтаматам. А ў 25 гадоў ён абараніў жанчыну ад гвалтаўніка.
Чыноўнікам Лукашэнкі будзе праца ў Новай Беларусі?
Павел Латушка выказаў думку, што ў новы дзяржапарат не павінны трапіць толькі чыноўнікі з вышэйшага кадравага рэзерву Лукашэнкі і толькі тыя, хто здзяйсняў злачынствы.
Кіраўнік НАУ таксама прапанаваў падзяліць чыноўнікаў на тры катэгорыі: прарасейскія і дзве катэгорыі прадзяржаўных (тыя, каму блізкае нацыянальнае адраджэнне, і тыя, каму не). Прарасейскія, на думку Латушкі, «павінны сысці, але ёсць пытанне, як іх вызначаць».
🤔 Ці згодныя вы з такімі прапановамі? Пішыце нам у каментарах (калі гэта для вас бяспечна).
😔Роўна 25 гадоў таму зніклі без вестак палітык Віктар Ганчар і прадпрымальнік Анатоль Красоўскі.
16 верасня 1999 году сябры Ганчар і Красоўскі хадзілі ў лазню, а дадому больш ніколі не вярнуліся.
Чаму праўды пра іх знікненне дагэтуль не высветлілі? Гэтае пытанне ўжо 25 гадоў застаецца без адказу.
Паглядзіце фільм-расследванне аб крывавай дзейнасці «эскадронаў смерці», датычных да знікнення Ганчара і Красоўскага.
Добрага панядзелку, шаноўныя!
Гэта дастаўка ранішняй прэсы! Сабралі для вас найбольш цікавыя матэрыялы «Белсату», якія вы маглі прапусціць:
🔹У Клайпедзе захраслі 2700 аўтаў
Літва растлумачыла, чаму іх не аддаюць беларусам.
🔹Вялікая вада ў Польшчы
Крытычная сітуацыя праз моцныя дажджы складваецца на поўдні і паўднёвым захадзе краіны. Распавядаем, што адбываецца.
🔹«Варта вымавіць слова «амністыя» – і пачыналася»
Аляксей Гайшун распавядае пра сваю кнігу аб зняволенні.
#штопачытаць
🐻 Хлопец трапіў у казку «Маша і мядзведзі» залез у бярлогу … І выжыў!
Але гэта ўсё ж было не так лёгка.
Спойлер: мядзведзі нават не пашкодзілі яго.
📌 Politico: рызыка таго, што Украіна можа прайграць энергетычную вайну ўжо гэтай зімой, прымусіла Вашынгтон і Лондан перагледзець сваю пазіцыю на выкарыстанне Кіевам ракетаў далёкага дзеяння
Выданне адзначае, што расейскія камандзіры мяняюць тактыку авіяўдараў для знішчэння энергетычнай сістэмы Украіны.
Украінскія чыноўнікі лічаць, што паралізацыя трох атамных электрастанцый можа разбурыць эканоміку і аслабіць пазіцыі краіны пры мірных перамовах.
☝️ Менавіта гэтыя асцярогі паўплывалі на пастанову адміністрацыі Байдэна перагледзець абмежаванні на перадачу ўзбраенняў, такіх як ATACMS і Storm Shadow, піша газета.
😱 Жахі са свету інсектаў: у ЗША выявілі восаў, якія гадуюцца ў целах жывых пладовых мушак, як ксенаморф з фільму «Чужы»
Восы-паразіты адкладаюць яйкі ўнутры жывой дарослай асобіны, а затым выкідаюцца з брушка гаспадароў, пакуль тыя яшчэ жывыя.
«Яны фактычна выходзяць з цела мухі. І каб дадаць яшчэ больш жаху, муха, як правіла, застаецца жывая яшчэ некалькі гадзінаў пасля гэтага»
📢 Не чыталі навіны пару дзён, а цяпер лянота гартаць «кіламетры» стужкі тэлеграму?
То запрашаем на наш канал ➡️ (НЕ)АПОШНІЯ НАВІНЫ, дзе ўсё толькі сцісла і па справе.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
🤔 Якую рэвалюцыю запланаваў Лукашэнка ў 2025 годзе?
Як выглядае брытанскі робат-калгаснік і разумная зброя і як стварыць сабе ідэальнага партнёра са штучным інтэлектам?
👉 Адказы на гэтыя пытанні знойдзеце ў новым выпуску праграмы «Навіны з будучыні» на нашым youtube канале БЕЛСАТ LIFE
🕊 У Міжнародны дзень дэмакратыі Святлана Ціханоўская падзялілася сваімі разважаннямі пра тое, для чаго беларусам дэмакратыя
«Дэмакратыя дасць беларусам доўгачаканую свабоду, у якой нарэшце не будзе страху. А там, дзе няма страху ёсць сілы мяняць жыццё да лепшага - сваё і сваёй краіны»
🫤 «Кожны другі аўтамабіль, што экспартуецца з ЕЗ у трэція краіны, трапляе на расейскі рынак»
У Клайпедзе захраслі 2700 машынаў. Міністэрства фінансаў Літвы мяркуюе, што толькі 10 % з іх купленыя для выкарыстання ў Беларусі
☝️ Як заявілі «Белсату» ў ведамстве, мытня краіны «прымае ўзмоцненыя захады кантролю разам з рэгіянальнымі партнёрамі, забяспечваючы адзіны кантроль за выкананнем санкцыяў на вонкавай мяжы ЕЗ»
У Мінфіне Літвы таксама адзначылі, што, нягледзячы на абмежаванні, пастаўкі аўтаў у Беларусь працягваюцца і завезці іх можна іншымі шляхамі.
👉 Падрабязней пра гэтую магчымасць чытаць ПА СПАСЫЛЦЫ
🚀 Першыя непрафесійныя астранаўты, якія здзейснілі выхад у адкрыты космас, вярнуліся на зямлю
Капсула карабля «Крю Дрэган» прываднілася ў Мексіканскім заліве 15 верасня.
👉 12 верасня кампанія SpaceX паспяхова ажыццявіла першы ў гісторыі выхад непрафесійных астранаўтаў у адкрыты космас у рамках місіі Polaris Dawn.
Першая камерцыйная даследчая місія Polaris Dawn стартавала 10 верасня. З мыса Канаверал у штаце Фларыда быў запушчаны карабель «Крю Дрэгон».
😟 Драмачычная сітуацыя на паўднёвым захадзе Польшчы - развіваецца моцны павадак
На відэа мястэчка Глухолазы і Быстшыца-Клодзка
🇺🇸 У Нью-Ёрку ўлады выплацяць нашчадкам пацярпелых ад рабства кампенсацыі
Заканадаўчы сход штата Нью-Ёрк прагаласаваў за стварэнне камісіі, якая складзе план рэпарацый пацярпелым ад рабства і вывучыць яго «разбуральныя наступствы».
У якасці кампенсацыі нашчадкі пацярпелых атрымаюць не толькі фінансавую дапамогу, але і публічныя прабачэнні ад уладаў, паляпшэнне доступу да адукацыі і аховы здароўя.
☝️ Рабства ў ЗША фактычна было адмененае ў 1865 годзе, калі была прынятая адпаведная папраўка да Канстытуцыі краіны. Унясенне аналагічных паправак таксама ў Канстытуцыі асобных штатаў расцягнулася на дзесяцігоддзі. Пры гэтым папраўка да Федэральнай канстытуцыі дапускала і па-ранейшаму дапускае заняволенне чалавека ў якасці пакарання за даўгі. Папраўкі да канстытуцый Штатаў, як правіла, закрывалі і гэтую магчымасць, у большасці выпадкаў падобная практыка з часам знікла сама. Пры гэтым палажэнні, якія дазваляюць прымяненне такой меры, або адсутнасць відавочнай яе забароны засталіся ў некаторых рэгіёнах.