42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🐱🐶 Ад спёкі пакутуюць не толькі людзі, але і жывёліны
Вось некалькі важных парадаў, як дапамагчы хатнім гадаванцам ды бесхацінцам ☝🏻
А парады ад лекаркі, як не памерці ў спёку людзям, чытайце тут ⬅️
🚗«Калі едзеш без ватаў і не пад столь завалены новымі скрынкамі, то палякі не шукаюць спецыяльна нічога»
Польскія памежнікі перасталі пускаць у Беларусь аўтамабілі амаль з усімі таварамі, спасылаючыся на санкцыі. Гэтая забарона датычыцца ў тым ліку новых тавараў, набытых фізічнымі асобамі ў розніцу.
Як цяпер беларусы праходзяць мяжу і якія тавары правозяць, чытайце ў нашым артыкуле:
✅Праз VPN ❎Без VPN
💥 #галоўнае за 11 ліпеня
✔️ У Беларусі хочуць забараніць вэйпы
✔️ Беларусам, якія маюць доступ да дзяржаўных таямніцаў, за выезд за мяжу можа пагражаць турма
✔️ Цяпер бацькі ў Беларусі змогуць самі аддаваць дзіця ў спецшколу «з мэтай рэабілітацыі»
✔️ ФСБ ладзіць допыты тым, хто едзе ў Беларусь праз Калінінград
✔️ Літва абвінаваціла рэжым Лукашэнкі ў выкраданні літоўскіх грамадзянаў
✔️ У Японіі прынялі закон, які заклікае жыхароў смяяцца хаця б раз на дзень
✔️ Лідскія кеды выйшлі з банкруцтва
✔️ ФБР раскрыла расейскую ботаферму ў «Twitter»
✔️ З-за анамальнай спёкі турысты пачалі больш ездзіць на Поўнач чым на Поўдзень
✔️ У ШІЗА да 15 сутак і дзве рэчавыя перадачы ў год. У Беларусі мяняюць правілы для людзей, якія асуджаныя паводле крымінальных артыкулаў
✔️ У Ватыкане знайшлі сады Калігулы ўзростам 2000 гадоў
😍Гэта проста нейкі сабачы рай
Паглядзіце, як выглядае падрыхтоўка да сну, калі ў доме жыве 18 сабак. Раім даглядзець гэта відэа да канца☝🏻
🤡 Прапагандысту Прыдыбайла не спадабалася, што ў Беларусі YouTube выдае яму ў рэкамендацыях Шрайбмана і «Радыё Свабода»
Прыдыбайла прыехаў на «Славянскі Базар» і запэўнівае, што не глядзіць падобны кантэнт:
«Я ў Віцебску. Устаўленая беларуская сім-картка. Заходжу ў ютуб і што я бачу на галоўнай. Кантэнт упіраў, экстрэмістаў, падонкаў, здраднікаў і мразей. Я не гляджу іх каналы аб некаторых нават не ведаю нічога. І вось ютуб мне «разумна рэкамендуе». Можа замарудзім яго, ну на самай справе»Читать полностью…
🔴 «Аб’ектыў» – галоўныя падзеі дня!
У сённяшнім выданні:
🔸 НАТО абяцае Украіне 40 мільярдаў еўраў дапамогі цягам году, новыя сістэмы СПА і F-16
🔸 Увялі крымінальную адказнасць за выезд без дазволу за мяжу — хто падпадае пад забарону
🔸 У Беларусі хочуць забараніць электронныя цыгарэты
🔸 Год таму ў турме загінуў Алесь Пушкін
🔸 Цяпер бацькі ў Беларусі могуць здаваць дзяцей у закрытыя спецшколы
Далучайцеся да эфіру ⤵️
https://www.youtube.com/live/eckHwMvvYmM
📺 Адразу пасля «Аб'ектыву» а 20.25 паводле менскага часу запрашаем да прагляду «Белсат Zoom»
🎞 А 20:45 (час менскі) глядзіце фільм «Вертыкаль Кадырава». Гэта вычарпальна падрабязнае апавяданне пра жыццё і злачынствы Рамзана Кадырава, багатае на зусім новыя і страшныя факты.
😢 У ШІЗА да 15 содняў і дзве рэчавыя перадачы ў год
У Беларусі мяняюць правілы для людзей, якія асуджаныя паводле крымінальных артыкулаў. 12 ліпеня набывае моц закон «Аб змяненні кодэксаў па пытаннях крымінальнай адказнасці».
Вось некаторыя змены:
✔️ Павялічваюць тэрмін памяшкання ў ШІЗА з 10 да 15 содняў
✔️ Кароткатэрміновае спатканне можна будзе замяняць тэлефоннай размовай да шасцідзесяці хвілін пад відэаназіраннем
✔️ За тымі, хто пакараны «хіміяй» стануць больш жорстка сачыць
Якія яшчэ змены чакаць, чытайце ў нашым артыкуле 👇
✅ Праз VPN ❎ Без VPN
☃️ Ф'ёрды замест пустыні: чаму падарожнікі пачалі больш ездзіць на Поўнач чым на Поўдзень?
Агенцтва Bloomberg адзначае, што ўсё больш падарожнікаў накіроўваецца ў Данію, Нарвегію, Швецыю і Фінляндыю. Для гэтага трэнду нават прыдумалі назву – coolcation (cool – прахалодны, vacation – адпачынак).
☝️ Гэта звязваюць з тым, што людзі турбуюцца з-за анамальнай спёкі ў цёплых краінах.
Аднак, трэнд coolcation зʼявіўся не толькі дзякуючы кліматычным зменам. Дэвальвацыя валюты ў Нарвегіі і Швецыі зрабіла гэтыя краіны больш прывабнымі для замежнікаў.
🤔 Паводле ацэнак экспертаў, Грэцыя, якая моцна пакутуе ад спёкі і пажараў, можа сутыкнуцца з падзеннем турыстычнага попыту на 7% у параўнанні з 2019 годам, а вось у Швецыі, Даніі і Фінляндыі ён, наадварот расце.
📺 Навіны за 5 хвілін
✔️Расейскія сілавікі пачалі дапытваць беларусаў, якія едуць з Польшчы ў Калінінградскую вобласць Расеі
✔️Вынікі Саміту NATO для Украіны
✔️ЗША размесцяць у Нямеччыне ракеты далёкасцю да 2,5 тыс. км
✔️Польская памежная служба падпісала дамову аб умацаванні плоту на мяжы з РБ
✔️«Час сэканд-хэнд» Святланы Алексіевіч трапіў у топ-100 найбольш значных кніг першай чвэрці 21 стагоддзя
✔️Першая лэдзі Зімбабвэ сустрэлася з меркаванай маці Мікалая Лукашэнкі
✔️Год назад у гарадзенскай турме памёр мастак АлесьПушкін
Глядзіце ў кароткім выданні навін на Белсаце 💻
👆«Польшча паказвае сваю станоўчасць, каб спыніць штучны міграцыйны крызіс»
Польшча ўзмацніла кантроль грузаў на мяжы з Беларуссю. Раней узмоцнены кантроль уводзіўся і ў мытным тэрмінале «Малашэвічы».
Ці зможа Польшча дамагчыся спынення міграцыйнага крызісу? Спыталі ў экспертаў, паглядзіце!
❤️🩹Сапраўднае сяброўства існуе нават у свеце жывёлін
Каток з Маларыты прыбег да ветэрынарнай клінікі, каб паклікаць на дапамогу сваёй параненай сяброўцы.
Паглядзіце гэтую кранальную гісторыю!
🇵🇱 Большасць палякаў падтрымлівае закрыццё чыгуначнага пункту пропуску на мяжы з Беларуссю
Паводле апытання IBRIS, праведзенага па даручэнні выдання «Rzeczpospolita», за такое рашэнне выступаюць 71,8% рэспандэнтаў.
Супраць – усяго 13,2%.
☝️ «Rzeczpospolita» замовіла гэткае даследаванне пасля заявы польскіх уладаў аб магчымасці поўнага закрыцця мяжы з Беларуссю, у тым ліку – спынення чыгуначных зносінаў.
😱 «На мой погляд, беларускі рэжым без усялякай нагоды перайшоў да выкрадання грамадзянаў Літвы»
Прынамсі так заявіў кіраўнік Дэпартаменту дзяржбяспекі Літвы Дарыус Яўнішкіс, каментуючы прысуд Элене Раманаўскіене – грамадзянцы Літвы, якую асудзілі ў Беларусі да 6 гадоў пазбаўлення волі за «агентурную дзейнасць».
☝️ Паводле кіраўніка Дэпартаменту, абвінавачанне, высунутае ў адрас Элены – «поўная лухта».
Яўнішкіс перасцярог грамадзянаў Літвы ад паездак у Беларусь:
«Людзей спыняюць на мяжы, забіраюць тэлефоны і камп'ютары, скачваюць інфармацыю, распытваюць пра месца працы, настроі, палітычныя падзеі»Читать полностью…
🤯 Цяпер бацькі ў Беларусі змогуць самі аддаваць дзіця ў спецшколу «з мэтай рэабілітацыі»
Раней адправіць падлетка ў спецшколу можна было толькі па рашэнні суду і толькі пасля таго, як яго некалькі разоў лавілміліцыя на ўжыванні наркотыкаў, а таксама калі ён стаяў на ўліку ў нарколага.
👉 Цяпер жа бацькі ці апекуны змогуць звярнуцца наўпрост у спецыяльную выхаваўчую ўстанову і падаць заяву «аб арганізацыі комплекснай рэабілітацыі няпоўнагадовага».
🫤 Бацькі таксама могуць вызначыць пажаданы тэрмін утрымання дзіцяці ва ўстанове – ад школьнай чвэрці да каляндарнага года. Пры жаданні бацькі змогуць забраць дзіця дамоў раней.
Дырэктар спецустановы павінен узгадніць рашэнне аб прыёме дзіцяці з Міністэрствам адукацыі.
💔Год без Алеся Пушкіна
Год таму ў зняволенні памер мастак, перформер і палітвязень Алесь Пушкін. Гэта была адна з самых яскравых асобаў сучаснага беларускага мастацтва.
Менавіта ён зладзіў вядомы перформанс «Гной для прэзідэнта», а таксама на сцяне царквы намаляваў Лукашэнку ў пекле. Якім быў Алесь Пушкін, глядзіце ў нашым відэа.
Пра жыццёвы шлях мастака і абставіны ягонай гібелі можна пачытаць у нашым артыкуле:
✅Праз VPN ❎Без VPN
🤨Віктар Орбан сустрэўся з Дональдам Трампам у рамках свайго «мірнага турнэ»
Сустрэча адбылася ў доме Дональда Трампа Мар-а-Лага ў Флорыдзе. Віктар Орбан назваў гэтую сустрэчу чарговым прыпынкам ягонай міратворчай місіі.
Місію «міратворца» Віктар Орбан усклаў на сябе адразу пасля таго, як Вугоршчына стала старшыняваць у Радзе ЕЗ.
Нагадаем, што вугорскі прэм’ер ужо зрабіў візіты ва Украіну, Расею і Кітай, дзе сустрэўся з лідарамі гэтых краін. Гэта выклікала раздражненне хаўруснікаў па NATO, галоўным чынам такая рэакцыя з’явілася на сустрэчу Орбана з Уладзімірам Пуціным.
Добрай пятніцы, сябры!
Не ведаеце, што пачытаць раніцою? Сабралі для вас найбольш цікавыя матэрыялы «Белсату», якія вы маглі прапусціць:
🔺Макс Корж – наш гонар, наш сорам ці наогул не наш?
Пытанні аб тым, як ставіцца да Каржа і папулярнасці ягонай «пацанскай» музыкі, не сціхаюць у байнэце. «Белсат» паспрабаваў разабрацца ў гэтым з музычнымі журналістамі Аляксандрам Чарнухам і Марынай Савіцкай.
🔺«Еўра-2024»: Англія згуляе з Іспаніяй, такога фіналу свет яшчэ не бачыў
Іспанія можа стаць першай камандай у гісторыі якой удалося чатыры разы выгуляць чэмпіянат Еўропы.
🔺«Веру, што мастацтва змяняе свет»
Год, як у зняволенні памёр мастак Алесь Пушкін. «Белсат» узгадвае шлях выбітнога беларуса і абставіны яго трагічнай смерці.
#штопачытаць
#рэпрэсіі Асноўнае за 11 ліпеня
🔻 Год таму ў зняволенні памёр мастак, перформер і палітвязень Алесь Пушкін
🔻 Палітзняволеную Паліну Шарэнду-Панасюк зноў прывезлі на экспертызу ў Навінкі
🔻 У Віцебску ліквідавалі грамадскае аб'яднанне «Беларуская федэрацыя спорту чанбара»
🔻 За данат «Палку Каліноўскага» затрымалі мужчыну
🔻 Апеляцыйную скаргу сустаршыні цэнтру «Мемарыял» Алега Арлова пакінулі без задавальнення
🔻 Масавы суд за ўдзел у акцыях пратэсту ў Мінску
🔻 Пачаўся працэс над палітвязнем Дзмітрыем Загалаўцом
🔻 У Мазыры за «распаўсюд экстрэмізму» пакаралі галоўную рэдактарку заводскай газеты і спецыяліста нафтаперапрацоўчага завода
🔻 Беларуса затрымалі за тое, што назваў супрацоўніка ДАІ «чык чырыкам»
💔Яўген Афнагель
Каардынатар «Еўрапейскай Беларусі», адзін са стваральнікаў апазіцыйнага руху «Зубр». Неаднаразова падвяргаўся рэпрэсіям: штрафам, арыштам, збіццю, запалохванням і ціску.
Яўген быў затрыманы 25 верасня 2020 года ў межах крымінальнай справы. 25 траўня 2021 года ў Магілёўскім абласным судзе яму прысудзілі 7 гадоў калоніі ўзмоцненага рэжыму.
📩 Падтрымайце палітвязня: ПК № 1. 211440, г. Наваполацк, вул. Тэхнічная, 8
🚜«Прадукцыя МТЗ не канкурэнтаздольная на міжнародным рынку»
МТЗ плануе экспансію ў Расею, а таксама шукае новыя рынкі збыту ў Афрыцы і краінах ШАС.
Ці сапраўды ўсё так добра на прадпрыемстве? Разбіраемся ў нашым відэа.
🔥 Непадалёк ад Ватыкана будаўнікі наткнуліся на сады, якія належалі рымскаму імператару Калігуле
Гістарычны помнік, якому больш за 2000 гадоў, выявілі падчас будаўніцтва новай развязкі на плошчы П'яцца Піа. Археолагі, якія далучыліся да раскопак, выявілі свінцовую водаправодную трубу з надпісам на латыні. Надпіс паказаў на Гая Цэзара Аўгуста Германіка, вядомага ў гісторыі як Калігула.
☝️ Знойдзеныя сады пацвярджаюць аповед егіпецкага філосафа Філона Александрыйскага. Ён апісвае сустрэчу Калігулы з прадстаўнікамі Александрыйскіх габрэяў менавіта ў садзе каля Тыбра.
Калігула кіраваў Рымскай імперыяй з 37 па 41 год нашай эры. Імператар праславіўся тыраніяй і здзекаваннямі над сенатарамі, што ў канчатковым выніку прывяло да яго забойства.
🤔На што гатовы пайсці чалавек, які вельмі любіць птушак
Калі вы лічыце, што вам не пашанцавала з суседзямі, паглядзіце гэта відэа☝🏻
📌 ФБР раскрыла расейскую ботаферму ў «Twitter»
Яна распаўсюджвала фэйкі, якія «адпавядаюць мэтам расейскага ўрада». Курыравала ферму ФСБ Расеі.
«Сённяшнія дзеянні ўяўляюць сабой першы выпадак разбурэння ботафермы, якая спансавалася Расеяй. Расея мела намер выкарыстоўваць гэтую ботаферму для распаўсюджвання замежнай дэзынфармацыі, якая генеруецца штучным інтэлектам, маштабуючы сваю працу з дапамогай ШІ для падрыву нашых партнёраў ва Украіне і ўплыву на геапалітычныя наратывы, спрыяльныя для расейскага ўрада»
👟 Лідскія кеды выйшлі з банкруцтва
З 2016-га лідская абутковая фабрыка знаходзілася на стадыі фінансавага аздараўлення.
Цяпер на прадпрыемстве выпускаюць больш за 100 мадэляў абутку.
За некалькі дзясяткаў гадоў мы сталі закладнікамі ладу. Прыйшлося перагледзець некаторыя моманты. З-за сыравіны «лідскачы» фарбавалі ногі. Гэты момант вырашылі. Змяніліся фасон калодкі, падэшва, вусцілкі, упакоўка, пашырылася колеравая гама абутку. Тыя самыя дзве белыя палоскі, па якіх пазнаюць Лідскі абутак, мы запатэнтавалі
Задача са зорачкай – правільна сфармаваць сыравінную базу, каб паставіць» лідскачы « на паток. Патрэбныя свае прэс-формы для вырабу падэшвы. Мы хочам закупляць іх у Кітаі і вырабляць у Лідзе падэшвыЧитать полностью…
😁 Пішы ўказ: усім смяяцца!
Парламент японскай прэфектуры Ямагата прыняў пастанову, якая заклікае жыхароў смяяцца хаця б раз на дзень, каб «умацоўваць фізічнае і псіхалагічнае здароўе».
😊 Акрамя таго, у пастанове ўтрымліваецца заклік да працадаўцаў «ствараць на працоўным месцы атмасферу, напоўненую смехам».
Мясцовы парламент таксама абвясціў восьмы дзень кожнага месяца «днём, калі жыхары могуць умацоўваць здароўе з дапамогай смеху».
🤷♀️ Аднак, згодныя з такой пастановай былі не ўсе. Некаторыя дэпутаты заявілі, што пастанова ўшчамляе правы тых, каму цяжка смяяцца.
💱 Курсы валютаў на 11 ліпеня
Усе валюты працягваюць губляць пазіцыі.
#курсывалютаў
⛔️Што нельга вывозіць з Польшчы ў Беларусь
Афіцыйная прычына абмежаванняў – новыя санкцыі Еўразвязу, прынятыя ў канцы чэрвеня.
Польскія ўлады ўпэўненыя, што гэта балюча ўдарыць па рэжыме Лукашэнкі, але пакуль скардзяцца звычайныя беларусы☝️
😳 «Усё, уліп ты па самыя вушы, капец табе, рыхтуйся да падвалаў КДБ»
Нашыя калегі з «Вот Так» даведаліся, што цяпер шлях у Беларусь праз Калінінград стаў небяспечны.
☝️ У чатах пра пераход мяжы з'явіліся паведамленні, што расейскія сілавікі пачалі дапытваць тых, хто неяк звязаны з Украінай (пячатка ў пашпарце аб ранейшых паездках, месца нараджэння...).
Калі сувязь знойдуць, можа пагражаць шматгадзінны допыт супрацоўнікамі расейскіх спецслужбаў.
Падрабязней👇
✅ Праз VPN ❎ Без VPN
😕Беларусам, якія маюць доступ да дзяржаўных таямніцаў, за выезд за мяжу можа пагражаць турма
Інфармацыя пра адпаведныя дапаўненні ў Крымінальны кодэкс з’явілася на Нацыянальным прававым інтэрнэт-партале.
Паводле гэтых дапаўненняў, прадугледжанае пакаранне ў выглядзе штрафу ці арышту, ці абмежавання волі на тэрмін да трох гадоў, ці пазбаўлення волі на той жа тэрмін.
🔹У Беларусі хочуць забараніць вэйпы
На апошняй сесіі Савету Рэспублікі разглядалася пытанне аб поўнай забароне электронных цыгарэтаў – вэйпаў. Старшыня Савету Рэспублікі паставіў задачу распрацаваць адпаведны законапраект.
Паводле Віктара Кандратовіча, які таксама з’яўляецца галоўным лекарам Менскага гарадскога клінічнага анкалагічнага цэнтру, вэйпы могуць выклікаць не толькі сардэчна-сасудзістыя захворванні, але і анкалагічныя. Галоўную рызыку, паводле Кандратовіча, прадстаўляе не нікацін, а цяжкія металы – нікель, свінец, і фармальдэгід, якія ўтрымліваюцца ў вэйпах.