42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💱 Курсы валютаў 11 лістапада
Еўра, як заўсёды па панядзелках, не гандляваўся. Долар жа і расейскі рубель падраслі. Амерыканская валюта амаль на капейку, а расейская – зусім незаўважна.
#курсывалютаў
☝️Былая дырэктарка «Белсату» Агнешка Рамашэўская атрымала ўзнагароду ад прэзідэнта Польшчы Анджэя Дуды
Узнагарода мае назву «Крыж Афіцэрскі Ордэну Адраджэння Польшчы».
Агнешцы Рамашэўскай яе ўручылі за заслугі па развіцці незалежнай журналістыкі ды вольных медыяў.
Таксама Анджэй Дуда ўзнагародзіў іншых дзеячаў. Цырымонія прымеркаваная да Дня незалежнасці Польшчы, які адзначаецца сёння.
🤖 «Ці можа робат напісаць сімфонію?»
Напісаць, здаецца, пакуль яшчэ не. А вось паўдзельнічаць у выступу сімфанічнага аркестру ўжо можа.
Нядаўна менавіта гэта адбылося ў Швецыі, дзе робат паказаў, як умее ўпраўляцца з віяланчэллю!
👀 Болей навінаў пра высокія тэхналогіі ды штучны інтэлект глядзіце ў новым выданні нашай праграмы «Навіны з будучыні» на YouTube-канале «Белсат LIFE»
🤔 Летась Лукашэнка «ўзяўся» за чэргі на эндапратэзаванне. Ці нешта змянілася з таго часу?
Спойлер: амаль нічога. Людзям, якім патрэбная замена суставаў, усцяж даводзіцца чакаць сваёй аперацыі месяцамі, а часам і гадамі.
📍Чытайце па спасылцы, як выглядае сітуацыя з гэтымі чэргамі ў розных медычных установах краіны
⛴ Амерыканцам, якім не падабаецца Трамп, прапанавалі на 4 гады «эміграваць» у круіз вакол свету
Круіз на караблі Villa Vie Odyssey, які выступіў з такой прапановаю для хэйтэраў Трампа, акурат цягнецца 4 гады (працягласць прэзідэнцкага тэрміну ў ЗША). Карабель на працягу сваёй вандроўкі наведвае 140 краінаў на ўсіх кантынентах. Праўда, давядзецца заплаціць немалую суму – $256 000 за каюту для аднаго чалавека альбо $320 000 для двух. Гэта кошт за ўсе чатыры гады.
Прапанова хоць і выглядае дзіўна, але ахвочыя могуць знайсціся: пасля перамогі Трампа ў сацсетках сталі з'яўляцца відэа і допісы ад ягоных праціўнікаў, якія выказвалі жаданне з'ехаць са Злучаных Штатаў на час кіравання свежаабранага прэзідэнта.
👆«Наша ніва»: спявак Іван Вабішчэвіч знаходзіцца ў СІЗА
Гэтую інфармацыю пацвердзілі выданню сябры спевака і шоўмэна, які выступаў пад псеўданімам Дзядзя Ваня.
📍У чым абвінавачваюць Вабішчэвіча, дагэтуль невядома.
Нагадаем, пра затрыманне спевака стала вядома нядаўна, але свае сацсеткі, якія актыўна вёў, не абнаўляе з канца верасня. Раней крыніца «Нашай нівы» выказвала меркаванне, што да шоўмена маглі прыйсці праз палітычныя прычыны. Таксама знаёмыя Вабішчэвіча тэарэтычна дапускалі, што прычынай арышту маглі стацца і іншыя пытанні – напрыклад, грашовыя.
🕊Трохі мілаты: у Берасці быў заўважаны ганарлівы голуб-багацей
А што за багацце ён здабыў, глядзіце ў нашым відэа 🔍
🎤 Да «выбараў» у Беларусі гатовае амаль усё: ужо ёсць спіс кандыдатаў, зарэгістраваныя ініцыятыўныя групы, сілавікі зноў узяліся актыўнічаць... Але нечага не хапае
Ну вядома – перадвыбарчага хіта, які б агітаваў людзей ісці на ўчасткі!
Каманда нашай праграмы «Хай Так TV» прапаноўвае свой варыянт ☝️ Паслухайце 🎧
📍Выпуск цалкам глядзіце на YouTube-канале «Белсат LIFE»
🇬🇪 Новыя пратэсты ў Тбілісі супраць вынікаў парламенцкіх выбараў: наш фотарэпартаж
Удзельнікі перакрылі абодва берагі ракі Кура. Яны патрабуюць правесці новыя парламенцкія выбары, бо лічаць, што папярэднія былі сфальсіфікаваныя.
📍Чытайце рэпартаж і глядзіце здымкі ПА СПАСЫЛЦЫ
💥СТРЫМ. Нядзельнае вечаровае шоу «Тыдзень»
У сённяшнім выданні:
🔸Якім будзе наш рэгіён, калі спыняцца актыўныя баявыя дзеянні ва Украіне і дзе там месца для Беларусі
🔸Пакуль міру няма, Беларусь працягвае падтрымліваць Расею ў ейнай вайне. Распавядаем, хто абшывае расейскае мінабароны
🔸Як у Беларусі актыўна рыхтуюцца да выбараў і перапаўняюць Акрэсціна
🔸Пра тое, што засталося ад беларускага футболу, пагаворым з Аляксандрам Івуліным
Далучайцеся да нашага эфіру! 🔽
https://www.youtube.com/live/fhHeEElYPZU
💬 «Педагоги продемонстрировали патриотический настрой, высокую исполнительность и креативный подход к любой задаче»
Міністэрства адукацыі Варонежскай вобласці адначасова пахваліла ды паўшчувала настаўнікаў, якія павяліся на пранк беларуса Уладзіслава Бохана. Той, нагадаем, даслаў ім электронны ліст з загадам правесці «патрыятычную акцыю» ў шапачках з фольгі.
☝️Чыноўкі з мясцовага ведамства заявілі, што цэняць патрыятычны настрой і гатовасць педагогаў да выканання пастаўленых задачаў, аднак параілі «адрозніваць жарт ад сапраўднай партыйнай ініцыятывы» і памятаць пра «інфармацыйную бяспеку».
📢 Адпачылі ад навінаў на выходных, а цяпер хочаце зноў вярнуцца ў павестку?
У нас маецца дадатковы канал з максімальна сціслым апісаннем асноўных падзей ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
☕️ Сярод найлепшых кавярняў свету апынуліся ажно тры з Менску
Гаворка пра рэйтынг «The World’s 100 Best Coffee Shop», які быў створаны экспертамі і энтузіястамі. У ім улічваюцца атмасфера ва ўстанове, узровень сервісу і падрыхтоўкі барысты, а таксама якасць напояў.
📍Падрабязней чытайце на нашым сайце
💁🏻♂️ Канапацкая пахвалілася, як у 2020-м годзе ўдала ўклалася ў біткоін (тады ён каштаваў $18 тысяч)
Прычым зрабіла гэта на сродкі, якія не былі вытрачаныя падчас выбарчай кампаніі:
«Отвечая на вопрос: "Чем вам запомнился 2020 год?", первым делом на ум приходят две вещи: попытка государственного переворота в нашей стране кучкой самозванцев, под управлением и за деньги российских олигархических структур, и то, как удачно вошла, через надежных партнёров, в BTC по 18.0 на средства, не израсходованные в ходе избирательной кампании. Теперь – как нашла, вскоре понадобятся»
📍Калі сярод нашых чытачоў таксама ёсць паспяховыя крыптаінвестары, дзяліцеся ў каментарах, колькі каштаваў «біток», калі ў яго ўклаліся вы ⬇️
#грошы
💁🏻♂️ Ужо традыцыйная справаздача па «Шагэдах» у беларускім небе: 10 заляцелі, тры кудысьці зніклі
Іх фіксавалі ў перыяд з апоўначы да 3-й гадзіны ночы.
👀 Чытайце болей на нашай старонцы:
😳 Некалі Менск «падняўся» на гандлі рабамі ды нават займеў амбіцыі стаць сталіцаю Русі!
Аднак гэтыя памкненні перакрэсліў Уладзімір Манамах 💁🏻♂️
У сённяшнім выданні «Вусоў Скарыны» гаворка пойдзе пра Глеба Менскага, які рабіў усё, каб зрабіць свой горад магутным і ўплывовым. Дзеля гэтай мэты давялося нават ваяваць з братамі.
Скончылася гэтая гісторыя для Глеба палонам ды смерцю ў Кіеве...
👀 Глядзіце новы выпуск «Вусоў Скарыны» на YouTube-канале «Белсат HISTORY»
💬 «Перадамо Статут у Навагрудак, калі будзем цалкам упэўненыя, што людзі, якія яго прымуць, не трапяць пад пераслед»
Былы кіраўнік амбасады Беларусі ў Швейцарыі Павел Мацукевіч у нейкім сэнсе і цяпер працягвае займацца дыпламатыяй. Цяпер – культурнай.
Паводле ягоных словаў, цяпер за межамі Беларусі знаходзіцца 99% беларускай культурнай спадчыны. Таму адшукаць у свеце нейкі гістарычны артэфакт, звязаны з нашымі землямі, не так ужо і складана.
🔍 Чытайце на нашай старонцы вялікую гутарку з Паўлам Мацукевічам, дзе ён расказвае пра нашыя гістарычныя скарбы, іхныя пошукі і надзею калісьці перадаць гэта ўсё ў Беларусь
🔹Расея сабрала ў Курскай вобласці 50-тысячную групоўку вайскоўцаў
У яе ўваходзяць у тым ліку «легіянеры» з Паўночнай Карэі.
📍Чытайце на старонцы, што вядома пра планы РФ па адбіцці сваёй тэрыторыі на Куршчыне
🫡 Адмін віцебскага каналу ГУБАЗіКа выпадкова запісаў «кружочак», у якім «спаліў» свой твар
Каб асэнсаваць свой фэйл, яму спатрэбіліся долі секунды − гэта відаць па выразе твару і па тым, што «кружочак» быў аператыўна выдалены. Але інтэрнэт, як вядома, усё памятае 💁🏻♂️
@nashaniva высветліла, што чалавек на відэа − 33-гадовы супрацоўнік міліцыі Андрэй Прыстаўка. Некалі ён працаваў у Першамайскім РУУС Віцебску, але пасля падзеяў 2020-га перайшоў на працу ў ГУБАЗіК.
🔹Трамп патэлефанаваў Пуціну і параіў яму не абвастраць сітуацыю ва Украіне
Размова паміж імі адбылася яшчэ 7 лістапада, паведамляе «The Washington Post». Трамп і Пуцін абмеркавалі ўсталяванне міру на еўрапейскім кантыненце, і Трамп выказаў зацікаўленасць у правядзенні наступных размоваў, каб абмеркаваць «хуткае развязанне вайны ва Украіне».
Таксама «The Washington Post» сцвярджае, што ўрад Украіны быў праінфармаваны аб званку Пуціна і не пярэчыў супраць правядзення размовы.
Добрага панядзелку, сябры!
Гэта дастаўка ранішняй прэсы! Сабралі для вас найбольш цікавыя матэрыялы «Белсату», які вы маглі прапусціць:
⭕️ Дональд Туск: Заявы пра спыненне агню ва Украіне прагучаць вельмі хутка
Туск падкрэсліў, што Еўропа і Польшча будуць вымушаныя браць на сябе большую адказнасць за сваю бяспеку, незалежна ад таго, які курс прыме новая адміністрацыя ЗША.
⭕️ Фатаграфіі тыдня
Прэзідэнцкія выбары ў ЗША і лясны пажар у Каліфорніі.
⭕️ Хто можа рэпрэзентаваць Беларусь на перамовах, датычных Украіны?
Ціханоўская дала інтэрв’ю «Белсату».
#штопачытаць
💥 #галоўнае за 10 лістапада
✔️Пра амерыканскія выбары і магчымы ўдзел прадстаўнікоў Беларусі ў будучых мірных перамовах. Вялікая размова са Святланай Ціханоўскай
✔️У Вільні прайшла акцыя да 4-й гадавіны смерці Рамана Бандарэнкі
✔️Ужо традыцыйная справаздача па «Шагэдах» у беларускім небе: 10 заляцелі, тры кудысьці зніклі
✔️Польскі прэм'ер намякае, што неўзабаве ЗША падрыхтуюць план заканчэння вайны ва Украіне
✔️ У Тбілісі − зноў пратэсты супраць вынікаў парламенцкіх выбараў
✔️Маргарыта Ляўчук паскардзілася, што праз украінскую бюракратыю яны з мужам не могуць даць імя нованароджанаму сыну
✔️Канапацкая пахвалілася, як у 2020-м годзе ўдала ўклалася ў біткоін
✔️Міністэрства адукацыі Варонежскай вобласці адначасова пахваліла ды паўшчувала настаўнікаў, якія павяліся на пранк з шапачкамі з фольгі
💃🏼 А вы ведалі, што бываюць падводныя танцы?
Менавіта імі займацца спартоўка Крысціна Макушэнка.
Відовішча проста неверагоднае!
😇 Добрыя навіны тыдня
Сярод таго трэшу, які адбываецца навокал, можна не заўважыць, што здараецца і нешта прыемнае. Каб вы не прапусцілі, мы зрабілі невялікую падборку:
🔅У Будслаўскім касцёле знайшлі раней невядомыя роспісы
🔅У Драгічынскім раёне адрэстаўравалі капліцу Ажэшкаў
🔅Памілаваны яшчэ 31 палітвязень
🔅Гурт J:Морс адсвяткаваў 25-годдзе ды сабраў аншлаг у адным з найвялікшых клубаў Варшавы
🔅 «Irdorath» прэзентаваў кліп «Vaukalak». Песня была напісаная яшчэ ў 2020 годзе, але яе выхад быў адкладзены праз падзеі 2020 года і арышт музыкаў.
🔅А Гурт NOCHY выпусціў новы кліп «Pialiostak». Слухачы ўжо ацанілі трэк, як «кранальны» і «далікатны»
🔅Апарат NASA Juno зрабіў новыя фатаграфіі Юпітэра
🔅У рэйтынг найлепшых кавярняў свету дадалі ажно тры з беларускай сталіцы
🕯Ён выйшаў, каб абараніць нашыя сімвалы
У Вільні прайшла акцыя да 4-й гадавіны смерці Рамана Бандарэнкі. У мерапрыемстве ўзяла ўдзел Святлана Ціханоўская.
💪«Усю валанцёрскую на мяжы Украіны і Польшчы працу на пачатку вайны арганізавалі менавіта беларусы»
Беларускі ваяр Вітаўт у пачатку вайны быў валанцёрам на польска-ўкраінскай мяжы, а пасля задумаўся: як яшчэ ён можа дапамагчы Украіне. Так Вітаўт далучыўся да палка Каліноўскага, а цяпер служыць у аэравыведцы.
Ён распавёў журналістам нашай праграмы «Ваяры», як выглядае ягоная праца, як ваююць расейцы, а таксама пра свой эксклюзіўны сцяг. Паглядзіце!
👀 Цалкам праграму глядзіце ў плэйлісце «Ваяры» на YouTube-канале «Белсат LIFE»
🕍 У Драгічынскім раёне адрэстаўравалі капліцу Ажэшкаў. Глядзіце, як яна цяпер выглядае
Капліца прастаяла закінутай шмат дзесяцігоддзяў. Толькі ў 2008-м каля яе правялі археалагічныя раскопкі. А рамантаваць пачалі 5 гадоў таму, калі ўзнікла пагроза разбурэння помніка архітэктуры.
👀 Чытайце падрабязней на старонцы
💬 «Нашая задача – каб беларускі аспект быў у любых перамовах паміж Расеяй і Украінай. Каб Беларусь не аддалі Пуціну»
Вынікі амерыканскіх прэзідэнцкіх выбараў, будучыя «выбары» у Беларусі ды ўдзел прадстаўнікоў нашай краіны ў магчымых перамовах па міры ва Украіне.
Усё гэта (і яшчэ некаторыя тэмы) нашыя журналісты абмеркавалі са Святланай Ціханоўскай у свежым інтэрв'ю.
🔍 Чытайце ПА СПАСЫЛЦЫ
🤷♀️Беларуская прапаганда запусціла флэш-моб падтрымкі заўзятаркі з чырвона-зялёным сцягам
Таццяна прыйшла з гэтым сцягам на матч «Легія» – «Дынама» ў Варшаве. У выніку відэазвароты з падтрымкай дзяўчыны запісалі не толькі футбалісты ФК «Дынама», але і вельмі нечаканыя ведамствы.
Што за яны і ў чым сутнасць флэш-мобу, распавядаем у нашым відэа ▶️
☝️Польскі прэм'ер намякае, што неўзабаве ЗША падрыхтуюць план заканчэння вайны ва Украіне
Ён таксама падкрэсліў, што Еўропа і Польшча будуць вымушаныя браць на сябе большую адказнасць за сваю бяспеку, незалежна ад таго, які курс прыме новая адміністрацыя ЗША.
🔍 Падрабязней па спасылцы