42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🔹Расейскія следчыя сцвярджаюць, што знайшлі новыя доказы датычнасці Украіны да тэракту ў Crocus City Hall
Гэтыя доказы – фотаздымкі ў тэлефонах тэрарыстаў з украінскімі сцягамі і паштовай маркаю «Русский корабль, иди нах*й».
Ну як, пераканаўча? Нашыя эксперты мяркуюць, што не вельмі 💁🏻♂️
🚖 Tesla пакажа свету «Робатаксі» 8 жніўня
Гэтую дату апублічыў у сваёй сацсетцы X Ілан Маск.
Такім чынам ён адрэагаваў на інфармацыю агенцыі Reuters аб тым, што Tesla адмаўляецца ад планаў выпуску недарагога электрамабіля для шырокага ўжывання, аднак вырабіць на ягонай платформе аўтаматызаваны аўтамабіль таксі.
🎥«Забойства напярэдадні вясны» – прэм’ера на «Белсат DOC»
Дакументальны фільм пра Яніну Палякову. 33-гадовая актывістка ў абароне правоў чалавека, скончыла жыццё самагубствам у шахцёрскім Салігорску. Яе пераследаваў мясцовы аддзел КДБ, на яе ўчынялі псіхалагічны ціск, рабілі розныя правакацыі і нават катавалі ды збівалі.
Але суд яе самую прызнаў вінаватаю ў парушэнні закону і вынес вырак «за паклёп на афіцэра міліцыі», які жорстка яе збіў. Яна Палякова мусіла заплаціць велізарную грашовую кампенсацыю. Жанчына не магла больш трываць такой несправядлівасці ды цынізму і пайшла з жыцця.
Пра жыццё, абставіны і прычыны смерці праваабаронцы разважаюць сябры, калегі, былыя палітвязні.
👀 Фільм цалкам глядзіце на YouTube-канале «БЕЛСАТ DOC»
🕯25 гадоў таму ў гэты дзень пры нявысветленых абставінах памёр Генадзь Карпенка
Карпенка быў віцэ-старшынём беларускага парламенту пасля скандальнага рэферэндуму 1996 года (які фактычна надзяліў Лукашэнку неабмежаванай уладаю ў краіне). Ён заставаўся адным з лідараў тагачаснай дэмакратычнай апазіцыі.
Палітык раптоўна памёр 6 красавіка 1999 года. Афіцыйнай прычынаю смерці называлі наступствы інсульту. Аднак шэраг далейшых знікненняў ды забойстваў дзеячаў апазіцыі прымусіў шмат каго сумнявацца, што смерць Карпенкі мела натуральны характар.
👀 Прапануем паглядзець наш дакументальны фільм «Дзень "Ч"» аўтарства рэжысёра Міхала Лойкі, прысвечаны Генадзю Карпенку.
☝️Закон аб адказным абыходжанні з жывёламі зазнаў зменаў. Іх унеслі без афішавання
Бадай, адно з самых галоўных патрабаванняў, што знікла з закону, – абавязак чыпаваць хатніх гадаванцаў. Як раней тлумачылі ў Палаце прадстаўнікоў, гэта зрабілі з увагі на «шматлікія просьбы грамадзянаў, асабліва ў сельскай мясцовасці».
Чытайце болей на нашым сайце:
✅ Праз VPN ❎ Без VPN
💁🏻♂️ Прапагандысты заклікалі накіраваць настаўніка «на ўранавыя руднікі»
Што ж такога страшнага ён зрабіў (ну, акрамя таго што выходзіў на пратэсты і не лічыць Лукашэнку найлепшым у свеце кіраўніком)? Прымусіў школьніка зняць вайсковую форму на занятках!
👀 Зміцер Лупач прааналізаваў прапагандысцкі вой з гэтай нагоды і падзяліўся сваімі думкамі ў чарговым выданні «Фельетонаў».
💔 Сабаку не пусцілі з гаспадарамі ў самалёт
Праз гэта пачаліся яго «прыгоды» даўжынёю ў год.
На шчасце, гэтая гісторыя скончылася добра. Але паглядзіце, праз якія выпрабаванні прыйшлося прайсці пухнатаму небараку☝️
📌 Беларус з Мазыра зойме адну з найвышэйшых пасадаў у вайсковай іерархіі Ізраілю
Рамана Гофмана празначылі на пасаду ваеннага аташэ прэм’ер-міністра гэтай краіны.
Гофман – нарадзінец Мазыра. У 1990-м рэпатрыяваўся ў Ізраіль. З ліпеня 2020 года стаў брыгадным генералам.
✅ Праз VPN ❎ Без VPN
🔺SMS-позвы ды асобны орган для мабілізацыі эканомікі
У Беларусі змянілі законы пра абарону, вайсковы прызыў і мабілізацыю. Адпаведная пастанова з'явілася на Нацыянальным прававым інтэрнэт-партале. Што змянілася?
🔹Грамадзяне, якія дасягнулі 16 гадоў, цяпер «маюць права» прымаць удзел у выкананні работ абароннага характару ў мірны час да ўвядзення ваеннага становішча.
🔹Згодна з законам, пра неабходнасць яўкі ў ваенкамат могуць апавяшчаць SMS-паведамленнямі. У выпадку мабілізацыі SMS-позвы будуць абавязковымі, а за няяўку на падставе іх прадугледжваецца пакаранне.
🔹Ваенкаматы цяпер змогуць абмяжоўваць выезд за межы краіны грамадзянаў, якія ўхіляюцца ад прызыву.
🔹Апроч таго, прапісанае з’яўленне ўпаўнаважанага дзяржоргану па мабілізацыйнай падрыхтоўцы эканомікі.
Што гэткія змены азначаюць і да чаго яны могуць прывесці, разбіраемся ў нашым артыкуле:
✅Праз VPN ❎Без VPN
🎸🏆 Першая беларуская музычная прэмія ў эміграцыі «Uwaga!»
Яе зладзяць у Варшаве 13га сакавіка ў клубе клубе «Scena Chmielna».
Аб'яўлена аж 11 намінацыяў. Спецыяльныя госці – Юрый Стыльскі , Алесь Францішак-Мышкевіч і гурт «Atesta». А на «afterparty» будзе Сяргей Пукст.
✅ Праз VPN ❎ Без VPN
☕️ Добрай раніцы, сябры!
🏋️♀️ Сёння міжнародны дзень спорту! Як вы? Робіце ранішнюю зарадку? Калі не, то гэта ваш шанс пачаць💪
Ну а мы традыцыйна сабралі для вас найбольш цікавыя матэрыялы «Белсату», які вы маглі прапусціць:
🔺Беларуская спартоўка Марына Зялёная ўцякла ад пераследу ў Грузію
Праз VPN
Яна распавяла, як спорт дапамагае змагацца з агрэсіяй і пра асаблівасці атрымання прытулку ў Грузіі
🔺Сярод кандыдатаў у мясцовыя органы кіравання ў Польшчы ёсць беларусы
Праз VPN
Хто яны, чым займаюцца і якіх мэтаў хочуць дасягнуць?
🔺Ізраіль рыхтуецца да нападу Ірану
Праз VPN
Пасля авіяўдару па будынку консульства Ірану ў Дамаску Ізраіль пачаў рыхтавацца да магчымага ваеннага адказу Тэгерану. Ці можа распачацца поўнамаштабная вайна?
#штопачытаць
🎼 Heartbreaking Performance прэзентаваў відэа на сінгл «Rite of Passage» польска-беларускай спявачкі AnaMova
Актывістка AnaMova стварае музыку пра тое, што баліць у грамадстве. Гэтую песню яна прысвяціла згвалтаванай беларусцы Лізе, якая памерла ў шпіталі Варшавы.
Гэтая песня нарадзілася ў той дзень, калі ў Варшаве была згвалтавана беларуская дзяўчына.
Гэтая песня – пасланне нашаму свету, дзе жанчыны знаходзяцца ў пастаяннай небяспецы
#рэпрэсіі Асноўнае за 5 красавіка
✔️ 63-гадовую жанчыну судзяць за перавод грошай зняволеным у СІЗА і заклікі да дапамогі;
✔️ Хрысціянскі прапаведнік і шматдзетны бацька Сергій Мельянец арыштаваны яшчэ на 12 содняў;
✔️ Беларуса, які адбывае тэрмін на «хіміі», арыштавалі на 15 содняў за падпіску на «Краіну для жыцця»;
✔️ У «спіс экстрэмістаў» дадалі яшчэ 28 чалавек – цяпер у ім 3960 прозвішчаў;
✔️ Сацсеткі праекту прыхільнікаў цяжкай музыкі «ByMetal» прызнаныя «экстрэмісцкімі»;
✔️ Палітзняволеныя Эдуард Кудынюк і Аляксандр Вінярскі выйшлі на волю, цалкам адбыўшы тэрмін. Іх затрымалі, калі ім яшчэ не было 18 гадоў;
✔️ Таксама на волі бацька і сын Віталь і Ягор Пракапчукі;
💔 Аляксандр Дураеў
Працаваў стаматолагам-артапедам медыка-санітарнай часткі «Горадня Азот».
На відэа ператрусу ўдома ў Аляксандра на канале ГУБАЗіКа паказалі пісталет, патроны і часопісы з аголенымі жанчынамі. Мужчына растлумачыў, што патроны ён прывёз з Манголіі, яны ў яго захоўваюцца з 1990-га. Які закон ён парушыў часопісамі і чаму на іх звярнулі ўвагу, сілавікі не абгрунтавалі.
Таксама Аляксандра вінавацілі ў размяшчэнні на асабістай старонцы ў «Аднакласніках» матэрыялаў з лагатыпамі і надпісамі «Белсат», «TUT.bу», «Зеркало», «Nexta».
У выніку, мужчыну асудзілі на 3 гады пазбаўлення волі.
📩 Падтрымайце палітвязня: ПК № 17. 213004, г. Шклоў, вул. 1-я Заводская, 8
#рэпрэсіі
🎥 Бачылі пурпурнае возера?
Такое з'явілася ў Баварыі. Ува ўсім «вінаватыя» бясшкодныя пурпурныя бактэрыі ☝️
❤️ У Лондане на базе бібліятэкі імя Скарыны з'явіцца Музей беларускага Адраджэння
Экспазіцыя будзе апавядаць пра беларускую гісторыю і культуру з канца ХІХ стагоддзя і да сённяшніх дзён. А экспанаты выставяць не толькі ў рэальнай, але і ў віртуальнай прасторы.
Пачытайце, як можна дапамагчы гэтай справе:
✅ Праз VPN ❎ Без VPN
🕷 Павук патэлефанаваў супрацоўнікам міліцыі, каб спытаць у іх, навошта тыя білі пратэстоўцаў
У большасці выпадкаў размовы атрымаліся кароткімі і агрэсіўнымі, але раптам Павук натрапіў на Якава Крыжчэнку з Лідскага РАУС!
Не, на бок блогера ён так і не перайшоў, але прынамсі здолеў канструктыўна падтрымаць размову.
🔍 Глядзіце і слухайце новае выданне «Шухер-шоў» проста цяпер!
🚌 МАЗы, якія перыядычна гараць у Расеі, ужо сталі своеасаблівым мемам
Але, як то кажуць, «мем смешны – сітуацыя страшная».
Што выклікае гэтыя пажары, якіх было ўжо не меней за дзясятак? Нашыя эксперты спрабуюць разабрацца ў прычынах ☝️
📖 Беларускія пісьменнікі ўганаравалі прэміяй «Гліняны Вялес» памерлага празаіка Юрыя Станкевіча
Гэта першы выпадак, калі прэмію ўручылі пасмяротна.
Чытайце болей:
✅ Праз VPN ❎ Без VPN
📍З Беларусі ў Польшчу зноў можна вывозіць бакалею
Забарона дзейнічала два гады – яе ўвялі ў красавіку 2022 года.
Чытайце на старонцы:
✅ Праз VPN ❎ Без VPN
У расейскім Орску прарвала дамбу. Ёсць загінулыя
Пра прарыў дамбы стала вядома ўвечары 5 красавіка. Узровень вады ў рацэ Урал падняўся вышэй за дзевяць метраў, тады як небяспечным лічыцца ўзровень у 930 сантыметраў.
У зону затаплення трапілі больш як 4 тысячы дамоў. Каля 4 тысяч чалавек эвакуяваныя. Паведамляецца, што пры прарыве дамбы ў Орску загінулі тры чалавекі.
Што адбываецца ў горадзе, глядзіце ў нашым відэа.
🌏 Беларуска, якая лётала ў космас, вярнулася назад на Зямлю
Марына Васілеўская правяла на арбіце два тыдні, сёння раніцай апарат з ёю на борце прызямліўся ў Казахстане.
Чытайце болей:
✅ Праз VPN ❎ Без VPN
🔻 Што будзе, калі Іран усё ж ударыць па Ізраілі?
Пасля авіяўдару па будынку консульства Ірану ў Дамаску Ізраіль пачаў рыхтавацца да магчымага ваеннага адказу Тэгерану. Паводле медыяў, амерыканская выведка папярэдзіла Ізраіль, што нападу з боку Ірану можна чакаць цягам 48 гадзінаў.
❓ На што здольны Іран? Як можа выглядаць супрацьстаянне Ізраілю і Ірану?
✅ Праз VPN ❎ Без VPN
◾️Ахвярамі расейскіх абстрэлаў у Харкаве і Запарожжы сталіся 10 чалавек
У Харкаве ад начной атакі беспілотнікамі загінулі шэсць чалавек. Яшчэ 10 жыхароў гораду паранены.
Яшчэ чацвёра асобаў загінулі і больш як 20 атрымалі раненні ў выніку расейскіх абстрэлаў Запарожжа 5 красавіка.
📍Кадыраўскі спецназ папоўніцца трыма тысячамі вагнэраўцаў
Пра гэта заявіў Рамзан Кадыраў. Паводле яго, гэта стала вынікам перамоваў з кіраўніцтвам ПВК Вагнэра. Кадыраў заявіў, што ў бліжэйшы час будуць вырашаны ўсе арганізацыйныя пытанні, і «байцы змогуць пачаць выкананне аператыўна-баявых задач».
Нагадаем, што ў Беларусі застаецца некалькі соцень чалавек байцоў ПВК Вагнэра, якія працягваюць навучаць лукашэнкаўскія войскі. Арганізацыя «BELPOL» расказала аб намеры ўладаў легалізаваць знаходжанне ў Беларусі расейскіх баевікоў праз службу ў войску па кантракце.
💥 #галоўнае за 5 красавіка
🔸 Сетка крамаў «Буслік» закрылася. Яе месца займае расейская кампанія;
🔸 Стала вядома пра смерць яшчэ аднаго міліцыянта;
🔸 Мандат спецдакладчыцы па правах чалавека ААН прыцягнулі Анаіс Марэн, а таксама групе з трох незалежных экспертаў;
🔸 Кіроўца атрымаў штраф за продаж месца ў чарзе на мяжы. Польшча назвала прычыну чэргаў на мяжы;
🔸 8 беларусаў і 2 беларускі бяруць удзел у польскіх мясцовых выбарах;
🔸 Новы скандал вакол беларуса ў Варшаве. Меркавана, выявілі супрацоўніка спецслужбаў;
🔸 Беларусь просіць Харчовую і сельскагаспадарчую арганізацыю ААН асудзіць ЕЗ за санкцыі і збіраецца прыпыніць дзеянне Дамовы аб звычайных узброеных сілах у Еўропе;
🔸 Больш за 40 дронаў атакавалі Растоўскую вобласць Расеі. Вынікі 772-х содняў поўнамаштабнай вайны;
🤬 Цяжарную жанчыну аштрафавалі за тое, што яна «распаўсюджвала» лагатып групы «Мая краіна Беларусь»
У пастанове суда гаворыцца, што яна «не абмежавала доступ» да прагляду лагатыпу іншым карыстальнікам, чым спрыяла яго «распаўсюджванню».
✅ Праз VPN ❎ Без VPN
#рэпрэсіі
❤️ Тры юрысты, журналістка і тэолаг. Каардынацыйная рада зацвердзіла склад выбарчай камісіі
Як гаворыцца ў паведамленні Каардынацыйнай, згодна з вызначанымі правіламі, гэтыя асобы не змогуць быць кандыдатамі на выбарах у раду. Хто гэтыя людзі і што яны будуць рабіць 👇
✅ Праз VPN ❎ Без VPN
💁 Беларусь просіць Харчовую і сельскагаспадарчую арганізацыю ААН асудзіць ЕЗ за санкцыі
Пра гэта піша Амбасада Беларусі ў Італіі на сваёй старонцы ў «Facebook»:
У сувязі з планаваным увядзеннем Еўрапейскім звязам новых абмежаванняў на свабодны гандаль харчаваннем, кармамі для жывёл і сыравінай для іх вытворчасці Рэспубліка Беларусь звярнулася да дзяржаваў-чальцоў Харчовай і сельскагаспадарчай арганізацыі Аб’яднаных Нацый (ФАО) з заклікам асудзіць эгаістычную і безадказную санкцыйную палітыку ЕЗ
🔴 «Аб’ектыў» – галоўныя падзеі дня!
У сённяшнім выданні:
🔸 Расследаванне Belpol: прычыны самаўзгарання МАЗаў.Ці можна вырашыць праблему?;
🔸 Лукашэнка выступіў за прыпыненне дамовы аб звычайных узброеных сілах у Еўропе. Што гэта азначае? Якія наступствы можа мець? ;
🔸 Расея знайшла «доказы» сувязяў тэрарыстаў з Украінай. Як могуць развівацца падзеі далей?;
🔸Міжнародны дзень супу;
Далучайцеся да эфіру ⤵️
https://www.youtube.com/watch?v=SX6oRV0l1tM
📺 Адразу пасля «Аб'ектыву» а 20.30 паводле менскага часу запрашаем да прагляду «Студыі Белсат» на youtube-канале Белсат NEWS – абмяркоўваем актуальныя падзеі дня з нашымі гасцямі!