42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
😔Гэты кіт уцёк з расейскай няволі, але ўсё адно загінуў
Актывісты мяркуюць што знакамітага «кіта-шпіёна» застрэлілі, а нарвежская паліцыя мае іншае меркаванне.
Распавядаем гісторыю жывёліны, а таксама пра тое, навошта расейцы адлоўліваюць марскіх сысуноў і што з імі робяць потым.
Паглядзіце!
💱 Курсы валютаў на 20 верасня
Еўра вырас больш чым на 2,5 капейкі, крыху падрос і долар. Рубель працягвае падаць.
#курсывалютаў
📌 «Прыорбанк» прадалі інвестару з ААЭ
Пра гэта паведамляе прэс-служба банка:
У выніку транзакцыі 87, 74% акцый «Прыорбанку» пяройдзе SOVEN1. Як частка гэтага пагаднення, SOVEN 1 і Raiffeisen Bank International падпісалі дамову куплі-продажу акцый і будуць працаваць разам з «Прыорбанкам» над тым, каб дасягнуць поўнага завяршэння ўгоды ў 4 квартале 2024 года
🍄 Неверагодна рэдкі грыб знайшлі ў Белавежскай пушчы
Называецца ён - герыцый грабенчаты (Hericium erinaceus Pers) ці па народнаму «Дзедава барада» ці «Ільвіная грыва»
Упершыню грыб спаткаў вядомы міколаг Павел Кірылавіч Міхалевіч яшчэ ў 1967 годзе. Наступны раз навукоўцы знайшлі гэты ўнікальны грыб амаль праз 50 гадоў - у 2016 годзе. А ў гэтым годзе ім пашчасціла спаткаць яго адразу аж у трох месцах.
«Дзедава барада» патрабуе асаблівых умоў увільгатнення і тэмпературнага рэжыму. Расце на мёртвай драўніне(дубе альбо грабе), але часам сустракаецца і на аслабленых, яшчэ жывых дрэвах.
📌 У Вільні грамадзяніна Літвы прызналі вінаватым у шпіянажы на карысць беларускага КДБ
Мужчыну асудзілі на 9 гадоў турмы, піша «Радыё Свабода». Літоўца таксама прызналі вінаватым у спробе ўплываць на сведкаў.
Грамадзянін Літвы Мантас Данелюс з 2022 году збіраў інфармацыю пра беларускіх актывістаў у Літве, і перадаваў іх прапагандыстцы Ксеніі Лебедзевай.
Данелюса затрымалі ў Літве 28 верасня 2022 году пры спробе ўцячы ў Беларусь.
Раней мужчыну ўжо судзілі па падазрэнні ў фальсіфікацыі дакументаў.
◽️«ЗША будзе выступаць за паляпшэнне становішча Зянковіча»
Амбасада Злучаных Штатаў адрэагавала на сюжэт з палітзняволеным грамадзянінам Беларусі і ЗША Юрыем Зянковічам. Заява часовага паверанага ў справах амбасады ЗША ў Беларусі Пітэра Каўфмана была апублікаваная на старонцы амбасады:
«Я рашуча асуджаю недапушчальнае адлюстраванне беларускім рэжымам затрыманага грамадзяніна ЗША ў дзяржаўных СМІ ў прапагандысцкіх мэтах і абвяргаю беспадстаўныя заявы, якія прагучалі ў праграме. Гісторыя выкарыстання рэжымам тактыкі прымусу для вытворчасці падобнага кантэнту ставіць пад сумнеў добраахвотны характар удзелу грамадзяніна ЗША. Дзяржаўны дэпартамент не мае вышэйшага прыярытэту, чым бяспека грамадзян ЗША за мяжой, і мы будзем працягваць выступаць за паляпшэнне становішча гэтага затрыманага амерыканца».
🔺Прэзідэнтка Еўракамісіі наведала Кіеў
Пра гэта Урсула фон дэр Ляен паведаміла ў сваіх сацсетках:
«Я прыехала сюды, каб абмеркаваць падтрымку Еўропы: ад гатоўнасці да зімы да абароны, да далучэння і прагрэсу па крэдытах G7»
💥 #галоўнае за 19 верасня
✔️ Упершыню беларус стаў лаўрэатам прэміі «Салідарнасць» імя Леха Валэнсы
✔️ 33 гады таму над нашай краінай афіцыйна залунаў бел-чырвона-белы сцяг
✔️ Улады паказалі, што плануюць зрабіць на месцы аўтавакзалу «Усходні»
✔️ Эстонія гатовая біць першай, калі Расея вырашыць напасці
✔️ Лукашэнка сустрэўся з кіраўніком «ДНР»
✔️ Муж 10 гадоў напампоўваў снатворным сваю жонку, каб яе гвалтавалі староннія мужчыны, якіх ён знаходзіў у інтэрнэце
✔️ У Беларусі збіраюцца прыняць новы закон аб дапамозе беспрацоўным
✔️ Еўрапаламент ухваліў рэзалюцыю «Аб цяжкім становішчы палітвязняў у Беларусі»
✔️ Вольга Залатар выйшла на волю!
✔️ Ізраіль нанёс удары па цэлях «Хізбулы» у Ліване
🌊 Паводка ў Цэнтральнай Еўропе дабралася і да Вугоршчыны
У Будапешце ўжо заліла набярэжную Дунаю побач з вядомым будынкам парламенту.
Але вада будзе падымацца і далей, піку паводкі тут чакаюць у суботу.
Глядзіце як выглядае цяпер адзін з найбольш папулярных турыстычных гарадоў Еўропы ☝️
🇮🇱 Ізраіль нанёс удары па цэлях «Хізбулы» у Ліване
Гэта адбылося падчас выступу лідара групоўкі Хасана Насрала, на якім ён распавядаў пра атакі на сродкі сувязі «Хізбулы», якія раптам пачалі выбухаць.
Ізраільскія вайскоўцы заявілі, што «Хізбула» ператварыла паўднёвы Ліван у зону баявых дзеянняў і на працягу дзесяцігоддзяў выкарыстоўвала ў якасці зброі дамы мірных жыхароў, будавала пад імі тунэлі і выкарыстоўвала грамадзянскіх асобаў у якасці жывога шчыту.
🔺 Вольга Гарбунова раскрывае і тлумачыць тэзы, агучаныя ў нашумелым інтэрв‘ю Радыё «Свабода»
Паглядзіце, што кажа былая прадстаўніца АПК ў сацыяльнай палітыцы ☝️
💬 «Ён знаходзіцца ў найгоршай сітуацыі за ўсе свае кадэнцыі. Фактычна ідзе гаворка не пра яго палітычнае жыццё, а пра жыццё ўвогуле»
У свежым выданні «Двубою» Анатоль Котаў і Павел Усаў разважаюць пра тое, ці пойдзе Лукашэнка на чарговыя «прэзідэнцкія выбары». Пытанне дагэтуль вісіць у паветры, бо за апошнія месяцы самаабвешчаны кіраўнік РБ пасылаў на гэты конт супярэчлівыя сігналы.
Анатоль Котаў мяркуе, што Лукашэнка разумее ўсе рызыкі і ўсё ж адважыцца сысці ў цень. Усаў з ім не пагаджаецца і думае, што дыктатар выйдзе сухім з вады нават у цяперашняй няпростай геапалітычнай сітуацыі, якая склалася ў рэгіёне.
👀 Глядзіце выданне цалкам на YouTube-канале «Белсат NEWS»
🤔 Прызнавайцеся, чый баця?
Інстаграм-акаўнт backtobelarus падзяліўся рарытэтным здымкам з 1990-х гадоў. На ім мужчына, апрануты па апошнім піску тагачаснай моды, стаіць каля аўтамабіля, які нагадвае Volkswagen Golf.
Але гэта зусім не «Гольф», а легендарны польскі Polonez. Для Беларусі такія аўтамабілі былі рэдкасцю, аднак канкрэтна гэтая машына на здымку мае беларускія нумары (тыя самыя, з чырвонымі сімваламі і «Пагоняй»).
📍Дзяліцеся ў каментарах, на чым у 90-я ездзіў ваш бацька 🔽
❤️ Вольга Залатар выйшла на волю!
«Еўрарадыё» піша, што пра гэта паведамляюць яе сябры.
Шматдзетную маці пакаралі чатырма гадамі калоніі ў 2021-м годзе. Яе прызналі вінаватай паводле трох артыкулаў КК РБ, у тым ліку стварэнні экстрэмісцкага фарміравання.
Верагодна, палітзняволеная цалкам адбыла свой тэрмін.
📌 Уладзіславу Бакальчуку, мужу заснавальніцы «Wildberries», выставілі абвінавачанне ў забойстве
Акрамя таго яму выставілі абвінавачанне ў замаху на забойства, замаху на супрацоўніка праваахоўных органаў і самаўпраўстве. Мужчына затрыманы на 48 гадзінаў.
Справа ў тым, што 18 верасня кампанія «Wildberries» паведаміла, што Бакальчук разам з аховай паспрабаваў «незаконна пракрасціся» ў офіс маркетплэйсу. Каля будынку пачалася страляніна, у выніку якой загінулі двое працаўнікоў аховы.
👉 Падрабязнасці чытаць ПА СПАСЫЛЦЫ
🫤 У Беларусі больш за 5 тысячаў інтэрнэт-рэсурсаў прызнаныя экстрэмісцкімі, доступ да іх абмежаваны
Пра гэта заявіў міністр інфармацыі Марат Маркаў, перадае БелТА.
«Міністэрствам інфармацыі на 1 верасня 2024 года прынятыя пастановы аб абмежаванні доступу амаль да 14 тысячаў інтэрнэт-рэсурсаў, з якіх больш за 5 тысячаў былі прызнаныя экстрэмісцкімі»
🤯 Блудны «маг» з 90-тых вярнуўся: на сустрэчы Кашпіроўскага прыходзяць сотні людзей
У Расеі Анатоль Кашпіроўскі зноў праводзіць свае «сеансы». Ён абяцае вылекаваць людзей ад раку, бясплоддзя і... сівізны, прадае «чароўную соль», а для таго, каб палепшыць людзям зрок, Кашпіроўскі прапануе з заплюшчанымі вачыма слухаць песні Аляксандра Малініна.
На адзін з яго першых «сеансаў» у Маскве прышлі каля 300 чалавек. Каштуюць такія сустрэчы 35-100 долараў, а індывідуальны «сеанс» - каля 270 долараў. «Маг» сцвярджае, што каб цалкам вылекавацца, неабходна прайсці 4 «сеансы» запар.
👆У часы нявызначанасці і хутказменлівага свету людзі шукаюць падтрымку і сэнсы. А таксама часта «ўцякаюць» ад рэальнасці. Таро, астралогія і сеансы «Кашпіроўскіх» прапануюць альтэрнатыўны погляд на свет і часова адцягваюць ад паўсядзённых праблемаў.
⚡️ Новае расследаванне BELPOL: Як Лукашэнка санаторый у Кіславодску прадаваў
Гаворка пойдзе пра недабудаваны санаторый ў Кіславодску, які прадалі расейскаму бізнэсоўцу, а сродкі ад продажу распілавалі.
👉 Падрабязнасці ПА СПАСЫЛЦЫ
🔖 Дэмсілы прэзентавалі новы Міжнародны гуманітарны фонд дапамогі палітвязням
Ён з’явіўся ў 2024 годзе і ўжо мае пацверджаных унёскаў на 1,4 мільёна еўраў.
👉 Што гэта за фонд і чым ён будзе адрознівацца ад ужо існых ініцыятываў можна пачытаць ПА СПАСЫЛЦЫ
🐍 У Тайландзе чатырохметровы пітон спрабаваў задушыць мясцовую жыхарку
Жанчына дзве гадзіны змагалася за сваё жыццё і ў выніку выжыла.
😱 64-гадовая жанчына вечарам мыла посуд у сябе дома, калі на яе напала 20-кілаграмовая змяя. Пітон прабраўся на кухню і ўкусіў жанчыну за нагу, затым стаў увінацца вакол яе цела.
Ахвяра клікала на дапамогу, спрабавала адбіцца ад змяі, схапіўшы яе за галаву, але нічога не дапамагала… Праз паўтары гадзіны крыкі пачула суседка і выклікала паліцыю і ратавальнікаў. Яны вызвалілі жанчыну, пасля чаго яе даставілі ў бальніцу.
📌 Міністры замежных справаў Беларусі і Ірану абмеркавалі праекты па лагістыцы, транспарце і адукацыі
Учора міністр замежных спраў Беларусі Максім Рыжанкоў сустрэўся з Надзвычайным і Паўнамоцным Паслом Ірана ў Беларусі Алірэзай Санеі.
Прэс-служба беларускага МЗС адзначае, што падымаліся «пытанні развіцця і перспектывы беларуска-іранскіх адносін у розных сферах».
«У рамках сустрэчы разгледжаны пытанні бягучага выканання двухбаковых праектаў па лагістыцы, транспарце, адукацыі, а таксама шляхі іх актывізацыі. Акрамя таго, міністр і Іранскі дыпламат абмяняліся думкамі аб падзеях, якія адбываюцца ў блізкаўсходнім рэгіёне»Читать полностью…
Вітаем, паважаныя чытачы!
Прынеслі вам ранішні дайджэст. Сабралі тры найбольш цікавыя матэрыялы «Белсату», якія вы маглі прапусціць:
⭕️ Муж 10 гадоў напампоўваў жонку наркотыкамі, каб яе гвалтавалі староннія
Ён усё здымаў на камеру, а старонніх мужчынаў знаходзіў у інтэрнэце.
⭕️ Еўрапарламент прыняў рэзалюцыю пра Беларусь і Лукашэнку
Дэпутаты заклікалі вызваліць палітвязняў, увесці новыя санкцыі супраць рэжыму Лукашэнкі, а таксама выказалі занепакоенасць лёсам беларусаў у эміграцыі.
⭕️ Што будзе на месцы аўтавакзалу «Усходні» ў Менску
Будынак былога аўтавакзалу «Усходні» ўжо рэканструююць, каб зрабіць там гарадскі цэнтр тэхнічнай творчасці дзяцей і моладзі.
#штопачытаць
#рэпрэсіі Асноўнае за 19 верасня
🔻 У Глыбокім масавы «хапун»
🔻 Сцэнарыста з Барысава будуць судзіць за «заклікі да санкцыяў»
🔻 У Століне затрымалі як мінімум 5 чалавек
🔻 Актывістку з Рэчыцы Бажэну Жолудзь будуць завочна судзіць у Магілёве
🔻 Старонка з беларускімі мемамі ў Instagram прызнаная «экстрэмісцкай»
🔻 Як кантралююць палітвязняў, якіх вызвалілі па памілаванні
💬 «Яны з гэтай краіны робяць не прыязную "Сакартвэла", а "Грузінскую ССР"»
Гісторыя беларускага журналіста Андрэя Мялешкі, якога ў панядзелак адмовіліся пускаць у Грузію, абурыла многіх беларусаў-эмігрантаў (прычым не толькі тых, хто сам жыве ў Грузіі).
Цяпер Андрэй з адной з дачок знаходзіцца ў Беластоку і пакуль не вельмі добра ўяўляе, як будзе будаваць жыццё на новым месцы. У Грузіі пакуль застаюцца ягоная жонка і яшчэ адна дачка.
☝️Паслухайце, што Андрэй расказаў у каментары «Белсату»
📌 Радослаў Сікорскі падчас выступу ў Кіеве прапанаваў перадаць Крым на 20 гадоў пад міжнародны мандат ААН
Міністр замежных спраў Польшчы адзначыў, што акупаваны Крым «адыгрывае ключавую ролю ў магчымых перамовах паміж Украінай і Расеяй, і адным з варыянтаў магла б стаць перадача паўвыспы пад міжнародны мандат ААН».
Сікорскі падкрэсліў, што няма «ніякай магчымасці дасягнення міру без дэмілітарызацыі Крыма»:
«Мы маглі б перадаць гэта пад мандат ААН з місіяй арганізацыі справядлівага рэферэндуму з законным насельніцтвам ... а маглі б адкласці яго на 20 гадоў»Читать полностью…
🔴 «Аб’ектыў» – галоўныя падзеі дня!
У сённяшнім выданні:
🔸Лукашэнка сустрэўся з Пушыліным. І заявіў, што гатовы супрацоўнічаць не толькі з «ДНР», але і з Украінай
🔸Літва заблакавала ў сябе дзясяткі YouTube-каналаў, якія належаць дзяржаўнай прапагандзе РБ. А ці можна заблакаваць іх у самой Беларусі?
🔸Беларусь знаходзіцца на 10-м месцы ў антырэйтынгу смяротнасці
Далучайцеся да эфіру ⤵️
📌 Еўрапарламент ухваліў рэзалюцыю аб Украіне з заклікам да краін ЕЗ неадкладна зняць усе абмежаванні на ўдары Кіева ўглыб Расеі
Дакумент падтрымалі 425 парламентарыяў, 131 выказаўся супраць, яшчэ 63 устрымаліся.
У тэксце дакументу ўтрымліваецца заклік «неадкладна зняць абмежаванні на выкарыстанне заходніх сістэм узбраенняў, якія пастаўляюцца Украіне, супраць вайсковых мэтаў на расейскай тэрыторыі». На думку аўтараў рэзалюцыі, гэта перашкаджае Кіеву «ў поўнай меры ажыццяўляць права на самаабарону».
👉 Пуцін папярэдзіў, што выкарыстанне дальнабойнай зброі будзе азначаць, што краіны NATO ваююць з Расеяй.
📌 Еўрапаламент ухваліў рэзалюцыю «Аб цяжкім становішчы палітвязняў у Беларусі»
Дакумент падтрымалі 549 парляментарыяў, 21 супраць, 37 устрымаліся. У ім ад беларускіх уладаў патрабуюць неадкладнага вызваленьня ўсіх палітвязьняў.
Асаблівую заклапочанасць выклікаюць палітвязні, з якімі ўжо шмат часу няма ніякай сувязі: Марыя Калесьнікава, Сяргей Ціханоўскі, Мікола Статкевіч, Алесь Бяляцкі, Максім Знак, Віктар Бабарыка, Ігар Лосік, Паліна Шарэнда-Панасюк, Павал Севярынец, Аляксандар Ярашук, Мікіта Залатароў і Яна Пінчук.
Таксама дакумент змяшчае заклік да ЕЗ пашырыць і ўзмацніць санкцыі супраць асобаў і арганізацый, адказных за рэпрэсіі ў Беларусі.
Святлана Ціханоўская выказала падзяку еўрапейскім парламентарыям за прыняцце дакументу:
Мы шчыра ўдзячныя Еўрапейскаму парламенту за прыняцце рэзалюцыі, якая падкрэслівае цяжкае становішча палітвязняў у Беларусі. Гэта ясны сігнал рэжыму Лукашэнкі, што міжнародная супольнасць не заплюшчвае вочы на рэпрэсіі, катаванні і несправядлівыя суды. Асабліва важна, што ў рэзалюцыі згадваюцца імёны тых, хто стаў сімваламі гэтай барацьбы: Алесь Бяляцкі, Ігар Лосік, Марыя Калеснікава і многія іншыя. Усе яны павінны быць неадкладна вызваленыя, а рэпрэсіі спыненыя.Читать полностью…
📌 «Беларуськалій» паспрабаваў аспрэчыць уведзеныя ЕЗ санкцыі. Цяпер прадпрыемства мусіць яшчэ і аплаціць усе судовыя выдаткі
Еўрапейскі суд разгледзеў пазоў «Беларуськалій» аб скасаванні санкцый, якія ўвялі супраць прадпрыемства.
👉 Юрысты кампаніі дамагаліся адмены санкцыяў, настойваючы, што іх увядзеннем Рада ЕЗ парушыла асноўныя правы чалавека і акты міжнароднага права. А таксама патрабавалі ад Рады аплаты панесеных выдаткаў.
Аднак 18 верасня суд у Люксембургу адхіліў пазоў, палічыўшы яго довады недастатковымі для анулявання ўведзеных захадаў. Таксама былі адхіленыя пазовы дырэктара «Беларуськалія» Івана Галаватага і «Беларускай калійнай кампаніі», якія дамагаліся зняцця абмежаванняў у судзе. Таксама суд абавязаў прадпрыемства аплаціць усе судовыя выдаткі.
🤯 У Беларусі збіраюцца прыняць новы закон аб дапамозе беспрацоўным, у якім... змяншаюць гэтую дапамогу
А яшчэ, паводле яго, памеры выплат будзе зацвярджаць Лукашэнка.
Што там збіраюцца памяняць і паменшыць, распавядаем у нашым відэа.