42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
😮 «Каманда спадарыні Ціханоўскай, якая ўжо атрымлівае шчодрую фінансавую падтрымку ад Захаду, спрабавала выкарыстаць праблему зняволеных, каб атрымаць больш грошай»
Газета «The New York Times» піша, што адсутнасць беларускіх палітвязняў у вялікім абмене паміж краінамі Захаду і Расеяй, які адбыўся на мінулым тыдні, выклікала шмат пытанняў да дэмакратычнай лідаркі Беларусі Святланы Ціханоўскай.
Паводле выдання, беларускую лідарку і яе паплечнікаў папракаюць, што яны не здолелі зрабіць вызваленне беларускіх палітвязняў прыярытэтам для ЗША і іншых краінаў Захаду. У той час як расейскія апазіцыянеры за мяжой паставілі лёс зняволеных суайчыннікаў у цэнтр сваіх лабісцкіх намаганняў, беларуская апазіцыя засяродзілася на звяржэнні рэжыму Лукашэнкі.
☝️ NYT падкрэслівае, што Офіс Ціханоўскай настойвае на тым, што пытанне палітычных зняволеных застаецца прыярытэтам і звяртаецца да заходніх дыпламатаў з просьбай выдзеліць грошы для фінансавання Міжнароднага гуманітарнага фонду ў падтрымку беларускіх палітвязняў і іх сем'яў. Але, паводле аўтара матэрыялу, гэта «выклікала нараканне ў некаторых колах, што каманда спадарыні Ціханоўскай, якая ўжо атрымлівае шырокую фінансавую падтрымку з Захаду, спрабуе выкарыстоўваць праблему зняволеных, каб атрымаць больш грошай».
Якія «некаторыя колы» маюцца на ўвазе, у артыкуле NYT не тлумачыцца.
❗️Да псіхолагаў трэба звяртацца прафілактычна, а не тады, калі ўжо зусім крытычная сітуацыя
Паводле дадзеных “BELPOL”, у Беларусі колькасць дзіцячых самагубстваў вырасла ўдвая. Болей за тое, ўзрост дзяцей, якія ідуць на гэты крок, панізіўся з падлеткавага да дзіцячага.
Чаму так адбываецца, хто ў гэтым вінаваты і як можна дапамагчы дзецям?
На гэтыя пытанні нашаму каналу распавяла псіхолаг Вольга Вялічка 👇
Чытаць падрабязней
😡 «Гаманец» Лукашэнкі Аляксей Алексін абыходзіць заходнія санкцыі пры дапамозе роднасных сувязяў
Расследавальнікі «Бюро медыя» выявілі, што ў Алексіна ёсць таемныя сваякі, якіх сям’я алігарха старанна хавае. Бо частка новаспечанай радні бізнесоўца дапамагае яму пазбягаць санкцыяў.
Журналісты даведаліся, што пасля ўвядзення санкцыяў супраць сыноў бізнесоўца Дзмітрыя і Віталя ў кампаніі «Метраж» змяніўся бенефіцыяр. Цяпер гэта жонка Дзмітрыя - Вікторыя Губанава, з якой ён пабраўся шлюбам у 2017 годзе.
Сёлета ў красавіку кампанія была ліквідаваная – яе далучылі да другой фірмы Алексіных, якая Губанавай таксама дасталася ў «спадчыну» ад мужа – «Алекс Карга». Кампанія займаецца імпартам і рэалізацыяй спецый, мясных вырабаў і нікатынавых паўчаў з краін СНД, Еўропы і Азіі.
☝️Расследавальнікі сцвярджаюць, што «менавіта Вікторыя Губанава і яе радня выратавалі ад санкцыйнага дамоклава мяча некалькі актываў, запісаных раней на старэйшага сына Алексіна Дзмітрыя».
📺 Навіны за 5 хвілін
✔️ ЗСУпрасунуліся ўглыб Курскай вобласці Расеі
✔️Вызвалены ў выніку абмену вязнямі між РФ і Захадам расейскі апазіцыянер Ілля Яшын: беларускія палітвязні мусілі стаць удзельнікамі абменуВызвалены ў выніку абмену вязнямі між РФ і Захадам расейскі апазіцыянер Ілля Яшын: беларускія палітвязні мусілі стаць удзельнікамі абмену
✔️16 гадоў таму Расея напала на Грузію
✔️Колькасць дзіцячых суіцыдаў у Беларусі павялічылася ўдвая
✔️У Беларусі паўстаў штаб для барацьбы з афрыканскаю чумою свінняў
✔️Менскія ўлады будуць аплочваць праязны чальцам сем'яў ахвяраў цісканіны на станцыі Няміга і тэракту на станцыі інтро Кастрычніцкая
✔️Airbnb, MEGOGO і Battle.net больш не дасяжныя ў Беларусі?
Глядзіце ў кароткім выданні навін на Белсаце 💻
🤯 Мінадукацыі выкінула БНР з формаў беларускай дзяржаўнасці
У новай метадычцы, якую Міністэрства адукацыі штогод публікуе перад пачаткам новага навучальнага года, змены, заўважае motolkohelp .
Адным з асноўных новаўвядзенняў у навучальных праграмах па гісторыі Беларусі з'яўляецца патрабаванне да вучняў ведаць асноўныя формы дзяржаўнасці на тэрыторыі Беларусі.
☝️ Аднак БНР адтуль выключаная.
Паводле новай метадычкі ад Мінадукацыі, пасля знаходжання тэрыторыі Беларусі ў складзе Расійскай імперыі беларуская дзяржаўнасць была аформленая праз стварэнне ССРБ.
📌 Вадзім Кабанчук прапанаваў, каб беларусы прафінансавалі добраахвотнікаў
Зрабіць гэта яны змогуць з дапамогай бондаў – пазыкаў пад гарантыі ў будучай вольнай Беларуссю.
Паводле словаў Кабанчука, гэты праект ужо пачаўся.
👉 Чытаць падрабязней
📌 Не адкрываецца тэкст па спасылцы — уключыце VPN
🤔 «Заклікаем прадстаўнікоў кааліцыі Латушка-Ціханоўскай пазбягаць аўтарытарных практык і будаваць палітычнае лідарства на аснове дэмакратычных прынцыпаў»
Вадзім Пракоп'еў, Андрэй Ягораў і Аляксандр Кныровіч ад імя фракцыі КР «Беларусы» апублікавалі заяву, у якой выступілі супраць падаўжэння мандата Святланы Ціханоўскай у якасці лідаркі дэмсілаў.
«Лічым, што палажэнне аб бестэрміновым падаўжэнні мандата Святланы Ціханоўскай у якасці нацыянальнай лідаркі, замацаванае ў «Пратаколе аб узаемадзеянні КС, ОПК і ОСТ», недапушчальнае і падрывае давер да ўсіх дэмакратычных сіл Беларусі ў цэлым»
📌 Ілля Яшын: беларускія палітвязні павінны былі быць у спісе на абмен
Расейскі палітык, які быў асуджаны па палітычных матывах у Расеі і вызвалены праз абмен з ЗША, распавёў пра вязніцы ў Беларусі:
«Насколько в Беларуси подавляют, унижают людей. И Лукашенко в этом смысле абсолютно недоговороспособен. Известно, что частью этой сделки должны были стать белорусские политзаключенные. Но мы с вами уже давно не знаем, что там происходит с Марией Колесниковой, что происходит с Сергеем Тихановским».
Арыштаваны мастак Аляксей Кузьміч абвясціў галадоўку
Французскі суд, пасля інцыдэнту з магілай Ван Гога, падоўжыў тэрмін арышту Аляксея на 26 содняў. Беларус заявіў, што зняволенне не мае падставаў, а ягоныя правы парушаюцца.
Таксама мастак заявіў, што яго катавалі (ён сядзеў у белым пакоі з мігатлівым святлом каля 9 гадзін, што прывяло Аляксея, як ён сцвярджае, да галюцынацый). У знак пратэсту Кузьміч абвясціў галадоўку.
😡 У Беларусі раптоўна заблакаваны шэраг онлайн-сэрвісаў
Сярод іх: платформа для гульняў «Battle.net» (Call of Duty, Diablo, Warcraft), онлайн-кінатэатр «Megogo» і сэрвіс для вандровак «Airbnb».
Паводле тг-канала @motolkohelp, у некаторых беларусаў перасталі адчыняцца сэрвісы — з'яўляецца надпіс Міністэрства інфармацыі. З чым звязаны абмежаванні ў доступе, пакуль невядома.
Diablo 4 першапачаткова была недаступная для куплі і запампоўкі гульцам з Беларусі і РФ. Сэрвіс «Airbnb» перастаў прапаноўваць паслугі беларусам і расейцам пасля лютага 2022 года. А «Megogo» — украінскі сэрвіс, што магло паўплываць на блакаванне.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺Дзеянні для вызвалення Пачобута працягваюцца
Кіраўнік Бюро нацыянальнай бяспекі Польшчы распавёў, што падчас перамоваў па абмене зняволенымі згадваўся Анджэй Пачобут. Даведаліся, чаму ён не аказалася ў абменым спісе.
🔺Галоўныя мэмы і скандалы Алімпіяды-2024
Сённяшняя Алімпіяда ў Францыі атрымліваецца незвычайнай і нават скандальнай. За недоўгі час увесь свет абмеркаваў «турэцкага кілера», раку Сену, супермэна ад спартовай гімнастыкі і прапанову кахання. Сабралі ўсе цікавосткі ў адным месцы.
🔺Што будзе з расейскі газам пасля аперацыі ЗСУ?
Паводле расейскіх тэлеграм-каналаў, жаўнеры Украіны захапілі газавымяральную станцыю «Суджа» у Курскай вобласці. Як цяпер будуць ісці пастаўкі газу і чым гэта нашкодзіць эканоміцы РФ?
🚜 Паглядзіце, што можа беларускі трактар!
Як вам такі краш-тэст?💪
🤔 Як палякі ставяцца да закрыцця мяжы з Беларуссю?
Спыталі жыхароў Варшавы, ці падтрымліваюць яны заклікі польскіх уладаў ☝️
😢Памерла маці палітзняволеных антыфашыстаў Цімура і Тамаза Піпія
Пра гэта паведамляе @belarus_abc
Анкалагічная хвароба выявілася ў Марыны Чыкіткінай на глебе стрэсу пасля затрымання сыноў. Яна змагалася з хваробай і працягвала клапаціцца пра хлопцаў — адвакаты, суд, перадачы, спатканні, лісты і званкі, скаргі на ўмовы ўтрымання. Гэтай вясной яна была апошні раз у іх на спатканнях.
Але моцны стрэс, у тым ліку і ад праведзенага ператрусу і допыту ў перыяд масавых затрыманняў 24-25 студзеня
гэтага года, зрабілі сваю справу — арганізм не вытрымаў і 4 жніўня яна сышла.
Цімура і Тамаза затрымалі ў верасні 2020-га году. Суд прызначыў ім 6 гадоў, 3 месяцы і 2 дні пазбаўлення волі і 5 гадоў пазбаўлення волі адпаведна.
😢«Я цалкам вінавачу іх і маю на гэта права!»
Блогер і былы палітвязень Вадзім Ермашук, раскрыў свой дыягназ – гэта злаякасная меланома трэцяй стадыі, піша @hrodnaonelove.
Яшчэ да затрымання Вадзім назіраў у лекараў радзімку, збіраўся выдаліць яе ўвосень, але ўлетку яго затрымалі. У калоніі ў візіце да анколага палітвязню адмовілі.
🧾 Гэткае абыякавае стаўленне да здароўя вязня выклікала наступствы⬅️
📌 «ЕЗ застаецца з’яднаным у сваёй падтрымцы адважных людзей Беларусі»
Прадстаўніцтва Еўразвязу ў Беларусі апублікавала заяву вярхоўнага прадстаўніка ЕЗ у справах замежнай палітыкі Жузэпа Бурэля да чацвёртай гадавіны прэзідэнцкіх выбараў у Беларусі.
«Чатыры гады таму, 9 жніўня, народ Беларусі выйшаў на вуліцы, каб мірна пратэставаць супраць фальсіфікацый прэзідэнцкіх выбараў і спробы Лукашэнкі пазбавіць іх права вырашаць сваю будучыню. З таго часу, нягледзячы на жорсткія рэпрэсіі, беларускі народ неаднаразова і мужна адстойваў свае правы і дэмакратычную будучыню сваёй краіны»
«Як толькі Беларусь пачне дэмакратычны пераход, ЕЗ прадаставіць падтрымку для стабілізацыі яе эканомікі і рэфармавання яе інстытутаў, у тым ліку праз Комплексны план эканамічнай падтрымкі ў памеры да 3 мільярдаў еўра.»
❤️ Беларускі фонд культурнай салідарнасці выказаўся ў падтрымку «Белсату»
Пра гэта на сваёй старонцы Facebook паведаміў караўнік арганізацыі Сяргей Будкін.
«ЗАХАВАЦЬ «БЕЛСАТ»!Читать полностью…
З такім заклікам BCC/Belarusian Council for Culture звярнулася ў лісце да прэм'ер-міністра Donald Tusk. Мы кажам пра неабходнасць захаваць самастойнасць адзінага беларускага незалежнага тэлеканала, што надзвычай важна ў сітуацыі знішчэння беларускасці, ліквідацыі няўрадавых арганізацый і беларускай адукацыі, закрыцця выдавецтваў, вымання беларускіх кніг з бібліятэк, парушэння правоў, дыскрымінацыі і пераследу беларусаў у сваёй роднай краіне. Страта Белсат TV можа аказацца для Беларусі і беларусаў дадатковым штуршком да імперскай Расіі.»
🐈⬛ Сёння міжнародны дзень ката!
Яго ініцыятарам стаў у 2002 годзе Міжнародны фонд Animal Welfare. У гэты дзень людзі аддаюць даніну падзякі гэтым жывёлінам за іх заслугі, дэманструюць ім сваё шанаванне і любоў.
А ці ведалі вы, што:
🐱 Сярод катоў ёсць праўшы і ляўшы. Гэта можна заўважыць па тым, як яны ходзяць і якой пярэдняй лапай часцей карыстаюцца. Пры гэтым сярод катоў больш ляўшэй, а дзяўчынкі амаль усе праўшы.
🐱У катоў адсутнічае пачуццё салодкага. Марозіва яны ядуць з-за сметанковага смаку. Пры гэтым непераноснасць лактозы ў іх таксама не рэдкасць, таму варта выключыць малако з іх рацыёну ў дарослым узросце.
🐱 Мозг ката па структуры падобны на чалавечы - толькі менш памерам. За эмоцыі ў ім адказваюць тыя ж участкі.
🐱 Каты ўмеюць выдаваць цэлую сотню розных гукаў. Пры гэтым мяняюць танальнасць голасу, каб маніпуляваць чалавекам.
❤️ Маршы, мітынгі, кінапаказы: якія імпрэзы адбудуцца ў свеце з нагоды Дня салідарнасці
9 жніўня адзначаецца Міжнародны дзень салідарнасці з Беларуссю. Дату прымеркавалі да выбараў 2020 года, якія былі сфальсіфікаваныя і выклікалі масавыя акцыі пратэсту.
З нагоды Дня салідарнасці беларусы запланавалі шмат якія імпрэзы ў розных краінах свету.
👉 Падрабязней пра святкаванні
📌 Беглая прэм'ер міністарка Бангладэш Шэйх Хасіна можа папрасіць палітычнага прытулку ў Беларусі
Цяпер палітык знаходзіцца ў Індыі пад узмоцненай аховай. Раней яна планавала папрасіць прытулак у Вялікай Брытаніі. Аднак з-за магчымага расследавання масавых пратэстаў у яе краіне, якія прывялі да гібелі сотняў людзей, брытанскія ўлады далі зразумець, што не гарантуюць ёй абарону.
Таму цяпер Хасіна нібыта разглядае Аб'яднаныя Арабскія Эміраты, Беларусь, Катар, Саудаўскую Аравію і Фінляндыю.
☝️ Акцыі пратэсту ў Бангладэш пачаліся ў пачатку ліпеня. Першапачаткова ў іх удзельнічалі студэнты, якія патрабавалі змяніць існуючую ў краіне сістэму квот, якая рэзервуе 30% працоўных месцаў у дзяржсектары за сваякамі ўдзельнікаў вайны за незалежнасць ад Пакістана. Неўзабаве пачаліся сутыкненні пратэстоўцаў з прыхільнікамі захавання сістэмы квот, затым, калі пратэстоўцаў паспрабавалі разагнаць паліцыя і вайскоўцы, пратэсты перараслі ў беспарадкі.
Прэм'ер-міністарка Шэйх Хасіна, якая кіравала краінай 20 гадоў, уцякла.
Колькасць загінулых у выніку беспарадкаў у Бангладэш ацэньваецца ў некалькі сотняў чалавек, аднак дадзеныя з розных крыніц прыкметна адрозніваюцца.
💱 Курсы валютаў на 8 жніўня
Долар і еўра працягваюць расці. А вось рубель крыху страціў пазіцыі.
#курсывалютаў
🔶 Праз атаку Украіны на Курскую вобласць Расеі, дзе працуе газаразмеркавальная станцыя «Суджа», праз якую сыравіну пампуюць у ЕЗ, падаражэла паліва
Звесткі нідэрландскай біржы «ICE Endex» сведчаць, што кошт газу ў найбліжэйшых кантрактах на верасень вырас да € 38,45 за мегават-гадзіну. Гэта максімум з леташняга снежня.
Кастрычніцкія ф’ючарсы на газ на «ICE Endex» падаражэлі да € 39,14 за мегават-гадзіну.
👉 Хаця гэткае падаражанне канешне не ідзе ў параўнанне з 2022 годам, калі з пачаткам вайны ва Украіне ЕЗ злазіў з расейскай газавай іглы. Тады цэны ўзляталі да € 330 за мегават-гадзіну.
🤯 Пасля вяртання з крымскага «Артэку» дзеці пачынаюць называць украінцаў нацыстамі
Беларускіх дзяцей возяць у акупаваны Крым у якасці ўзнагароды за супрацоўніцтва з Расеяй. Аднак астатнім часам гэтую тэрыторыю ўсё больш бамбяць.
Хто тыя бацькі, якія адпраўляюць сваё дзіця ў лагер у фактычна зону баявых дзеянняў? І што там робяць з беларускімі школьнікамі, што пасля яны ў прызнаюцца ў любові да Расеі?
👉 Чытаць падрабязней
📌 Не адкрываецца тэкст па спасылцы — уключыце VPN
Беларусы сталі больш зарабляць?
Эксперты даследчага цэнтру BEROC зрабілі агляд эканомікі і сапраўды заўважылі рост заробкаў. Але адна справа — заробкі, іншая — кошты і розныя выдаткі, наконт якіх ужо ёсць пытанні.
Пра гэта, а таксама чаго чакаць беларускай эканоміцы ў будучыні, пачытайце пераказ даследвання простымі словамі — ПА СПАСЫЛЦЫ.
😵💫 «Беларусьфільм» рыхтуе прапагандысцкую стужку «Культурный код»
Галоўныя пытанні, якія паставіў рэжысёр: што значаць для моладзі дзяржаўныя сімвалы краіны і хто такія сапраўдныя патрыёты?
Па сюжэце, героі фільма раскрываюць «таямніцы» музея сучаснай беларускай дзяржаўнасці, удзельнічаюць у аўтапрабегу і становяцца адзінымі гледачамі выступлення Прэзідэнцкага аркестра.
У канцы фільма персанажы разгадваюць «культурный код» беларусаў. Стужку збіраюцца паказаць ва ўсіх кінатэатрах з 5 кастрычніка.
Паводле з тг-каналу «Священный Белавуд», аўтары скралі ідэю і кінамову стужкі ў стваральнікаў фільма «Гэта я, Мінск» Змітра Дзядка і Андрэя Грынько, які так і не выйшаў на экраны.
💥 #галоўнае за 7 жніўня
✔️Былы дэпутат Вярхоўнага Савету Сяргей Навумчык выступіў у абарону «Белсату»
✔️ЗСУ захапілі некалькі населеных пунктаў Курскай вобласці і газавымяральную станцыю
✔️Кітай прафінансуе Дзяржпамежкамітэт Беларусі
✔️Эксперты не прызналі абвінавачанага ў забойстве беларускі Лізы псіхічна хворым
✔️Іран мае намер напасці на Ізраіль?
✔️Чаму ў абменных спісах не было ніводнага беларускага палітвязня
✔️Сацыёлаг аб выніках апытання аб закрыцці мяжы з Беларуссю: «Яшчэ больш схілімся да расейскага вектару»
✔️Суд зліквідаваў Менскае роварнае таварыства
✔️У блогера і былога палітвязня Vadimati у калоніі развілася анкалагічная хвароба
#рэпрэсіі:
▫️Памерла маці палітзняволеных антыфашыстаў Цімура і Тамаза Піпія
▫️Да спісу палітвязняў у Беларусі дадалося 10 чалавек
▫️Яшчэ восем жыхароў Брэста асудзілі да калоніі за ўдзел у паслявыбарчай акцыі пратэсту
▫️«Хапун» у Кобрыне — затрымалі як мінімум 5 чалавек
💔 Вадзім Жылінскі
Жыхар Берасця, фігурант крымінальнай справы аб масавых беспарадках.
12 жніўня 2021 года ў судзе Ленінскага раёна г. Берасця Святаслаў Каліна пакараў палітвязня 4 гадамі зняволення.
📩 Падтрымайце палітвязня: ПК № 1. 211440, г. Наваполацк, вул. Тэхнічная, 8
☔️ Учора Менск зноў паплыў...
Паглядзіце, як гэта было ☝️
🔴 «Аб’ектыў» – галоўныя падзеі дня!
У сённяшнім выданні:
🔸 Прарыў ВСУ ў Курскую вобласць. Версіі бакоў розняцца.
🔸 «Яе звалі Ліза» – неўзабаве пачнецца суд над абвінавачваемым у згвалтаванні і забойстве беларускі ў Варшаве
🔸 Літоўскую кампанію аштрафавалі на 13,6 млн еўраў за пастаўкі аўтаў у Беларусь
Далучайцеся да эфіру ⤵️
https://www.youtube.com/live/vlVG5BYY5fM
📺Адразу пасля «Аб'ектыву» а 20.25 па менскім часе запрашаем да прагляду «Белсат Zoom» – агляд галоўных навінаў дня, агляд надворʼя, спартовых навінаў!
❓Вайна дайшла да Курскай вобласці Расеі?
Тлумачым, што там адбываецца і ці праўда, што ЗСУ ужо на расейскай зямлі☝🏻