42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Аграфюрэр папужаў ядравай кнопкай
Паслухаць яго – суцэльны патрыятызм. Толькі плата за гэта ў адных – турмой і катаваннямі, а ў другіх – у доларавым эквіваленце.
☝️Сяргей Падсасонны аналізуе ў сваёй калонцы свежае інтэрв'ю Лукашэнкі прапагандысту з каналу «Россия 1».
📍ЗСУ знішчаюць масты ў Курскай вобласці, войскі РФ працягваюць паслядоўны наступ на Данбасе. Падсумоўваем чарговы тыдзень вайны
Расейскае камандаванне сцягвае на Куршчыну рэзервы з поўначы Харкаўскай вобласці, спрабуючы выбіць са сваёй тэрыторыі ЗСУ. У той жа час на сітуацыю ў Данбасе гэтыя падзеі ніяк не ўплываюць: там расейцы, як і раней, досыць хутка ідуць наперад.
🔍 Чытайце разбор сітуацыі на фронце ВОСЬ ТУТ
💰Як сілавікі выкрылі «рэкордны хабар у гісторыі краіны». Што вядома пра арышты чыноўнікаў чыгункі, метрапалітэну і Гаррэмаўтадару
Новая чарада рэйдаў пачалася 20 траўня – з намесніка начальніка БЧ Пятра Дулуба, якога «спалілі» на атрыманні хабару. Аднак увага сілавікоў аказалася прыкаваная не толькі да чыгункі.
🔍 Чытайце матэрыял ПА СПАСЫЛЦЫ
◾️ 4 гады таму сілавікі забілі Генадзя Шутава
Адбылося гэта падчас мірных пратэстаў у Берасці. 11 жніўня ўвечары лукашэнкаўскія вайскоўцы пачалі зачыстку — сілавікі бегалі па дварах, хапалі і збівалі людзей, кідалі іх у зялёныя гарадскія аўтобусы. Менавіта тады і прагучалі два стрэлы: адна куля трапіла ў галаву Шутава.
Як гэта было — чытайце аповед нашага берасцейскага журналіста ПА СПАСЫЛЦЫ.
Таксама глядзіце наш рэпартаж пра Генадзя.
«Вы сур'ёзна?» — Маск зноў заявіў, што не дарыў сваю машыну
Гэтым разам кіраўнік Чачэніі Кадыраў пахваліўся новым кібертракам, які нібыта падарыў Ілон Маск. Мільярдэру зноў давялося апраўдвацца ў сацсетках:
«Вы настолькі афэлкі, што думаеце, быццам я падарыў Cybertruck расейскаму генералу? Гэта неверагодна!» — напісаў Маск.
Але нельга не ўзгадаць яшчэ адзін «падарунак»: у 2019 годзе на сустрэчы са школьнікамі Лукашэнка распавёў, што ў яго ёсць аўтамабіль Tesla, які нібыта падарыў Ілон Маск.
«У мяне ёсць электрычная машына Tesla, я часам яе тэстую. Маск падарыў», — сказаў Лукашэнка.
Карыстальнікі «Твітэра» спыталі пра гэта ў Маска наўпрост. Ён быў здзіўлены.
Прапагандысты прапанавалі замест «европейских обносок» — нацыянальны легпрам
На тэлеканале СТВ абмеркавалі нядаўнія еўрапейскія санкцыі, якія закранулі адзенне секанд-хэнд. У сюжэце вельмі пахвалілі беларускую вопратку:
«Без абновак не застанемся: свая кашуля бліжэй да цела, а беларускі легпрам працуе на поўную катушку. Нашы тавары надзвычай якасныя і выраблены сапраўды з добрага сыравіны».
А вось як, на думку тэлеканала, выглядае партрэт кліента секанд-хэнду:
«З аднаго боку — пенсіянеры, мамы з дзецьмі, дачнікі, а з другога — моладзь, якая, як у квэсце, палюе на брэнды. Прычым гэта становіцца асобным баўленнем часу ў падлеткаў. А хтосьці зазірае, як у музей, паглядзець, а раптам нешта спадабаецца, аматары шопінгу і адэпты разумнага спажывання».
Раней на гэтую ж тэму выйшаў сюжэт на «Беларусь 1». Там распавялі, што не бачаць праблемы ў санкцыях супраць еўрапейскага адзення секанд-хэнд і заявілі, што ёсць сусветны рынак, а не толькі еўрапейскі.
💥 #галоўнае за 18 жніўня
✔️Параўналі цэны ў беларускіх крамах тры гады таму і цяпер. Вынікі несуцяшальныя
✔️Лукашэнка даў інтэрв'ю каналу «Россия 1». Сабралі галоўнае, што ён сказаў
✔️BELPOL выпусціў расследаванне аб тым, як клан Лукашэнкі крадзе грошы БелАЗу
✔️ЗСУ атакавалі беспілотнікамі склад нафтапрадуктаў у Растоўскай вобласці
✔️Сёння – дзень народзінаў Сяргея Ціханоўскага
✔️Ці зможа Пуцін абараніць Лукашэнку ў выпадку вайсковага ўварвання ў Беларусь? Чытайце нашую аналітыку
✔️На трасе М1 патрапіў у аварыю аўтобус, які ехаў па маршруце «Масква-Берасце». 9 чалавек пацярпелі
✔️Памёр адзін з сэкс-сімвалаў сусветнага кіно Алэн Дэлон
🤦🏻♂️ Італьянская паліцыя хоча аштрафаваць на €16,5 тысячаў маладога ўкраінца, які надрапаў сваё імя на Калізеі
Хуліганскія дзеянні хлопца заўважыла жанчына, якая выклікала праваахоўнікаў. Маладзён надрапаў сваё імя («Dima») на сцяне паміж уваходам і першым кальцом Калізею.
Мэр Рыму Рабэрта Гуальт'еры пракаментаваў здарэнне так:
«У горадзе, які з'яўляецца сусветнай спадчынай, горадзе поўным скарбаў, дакладна няма месца хуліганам ды ідыётам».
🤯 У Нямеччыне загарэлася кола агляду з людзьмі ў кабінах
Паглядзіце, што было далей ☝️
💉 Сусветная арганізацыя здароўя абвясціла ва ўсім свеце надзвычайную сітуацыю
Спыталі экспертаў: ці гатовыя беларускія медыкі да новай пандэміі?
📢 Не паспелі ўсачыць за навінамі на выходных?
У нас маецца дадатковы канал з максімальна сціслым апісаннем асноўных падзеяў ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
📍Лукашэнка даў інтэрв'ю каналу «Россия 1». Сабралі галоўнае, што ён сказаў
Найбольш увагі, безумоўна, самаабвешчаны кіраўнік Беларусі прысвяціў тэме Украіны ды вайны. Але закрануў і асабістыя тэмы: напрыклад, узгадаў пра свае стасункі з малодшым сынам Мікалаем.
🔍 Чытайце матэрыял ПА СПАСЫЛЦЫ
💣 Крэмль зноў абвінавачвае Украіну ў намеры выкарыстаць «брудную бомбу». І кажа пра планы ўдараў па сховішчах адпрацаванага ядравага паліва
Палітолаг Яўген Магда мяркуе, што такім чынам РФ спрабуе наляпіць на Украіну ярлык «тэрарыста», бо раней у спробах стварэння «бруднай бомбы» была заўважаная, напрыклад, «Ісламская дзяржава».
🔍 Чытайце болей каментароў па тэме ВОСЬ ТУТ
📷 Галоўныя фатаздымкі тыдня
Эвакуацыя насельніцтва з пацярпелых ад лясных пажараў тэрыторыяў Грэцыі, працяг наступу ЗСУ ў Курскай вобласці, наступствы трапічнага ўрагану ў Пуэрта-Рыка...
...ды іншыя кадры, якія задакументавалі жыццё нашай планеты на гэтым тыдні.
☝️ЗСУ атакавалі беспілотнікамі склад нафтапрадуктаў у Растоўскай вобласці
Спачатку кадры пажару на паліўным сховішчы з'явіліся ў расейскіх тэлеграм-каналах. Пазней удар пацвердзіў Генштаб ЗСУ.
Як сцвярджаецца, атацы падвергнуўся камбінат «Каўказ». На відэазапісах відаць як мінімум два ачагі загарання на яго тэрыторыі.
📹 Відэа: @etorostov
🔹Кітайскі прэм'ер на гэтым тыдні плануе сустрэцца з Пуціным. Амаль паралельна прэм'ер Індыі прыедзе ў Кіеў
Нягледзячы на заходнія санкцыі супраць Расеі за вайну ва Украіне, як Індыя, гэтак і Кітай працягвалі гандляваць з ёю. Індыя ўстрымалася ад наўпроставага абвінавачвання Расеі, адначасова заклікаючы суседзяў вырашыць канфлікт шляхам дыялогу і дыпламатыі. Кітай жа часам увогуле вінавацяць у спрыянні расейскай агрэсіі.
🔍 Чытайце падрабязнасці ПА СПАСЫЛЦЫ
💬 «Напад Польшчы на Беларусь або Расею – гэта нонсэнс з пункту гледжання логікі. Калі людзі задаволены сваім жыццём, то менш за ўсё на свеце яны хочуць на кагосьці нападаць»
Так пракаментаваў «Белсату» палітык і вайсковец Валер Сахашчык новы ўсплёск заяваў Лукашэнкі пра пагрозу «ўварвання з заходняй мяжы».
🤔 Навошта самаабвешчаны ў чарговы раз нагнятае атмасферу «ваеннага псіхозу»?
🔍 Аналізуем апошнія заявы ды супастаўляем іх з ранейшымі выпадамі РБ і РФ у бок Захаду
💬 «Мы вельмі ўдзячныя за ўклад «Белсату» ў інфармацыйную вайну супраць лукашысцкай і расейскай прапаганды»
Ваяры Палка Каліноўскага Павел Шурмей і Ян Мельнікаў звярнуліся да польскіх уладаў з просьбаю захаваць «Белсат» у актуальным выглядзе.
💪 Дзякуем за падтрымку!
Стала вядома пра затрыманне святара Паўла Ярашэвіча
Сёння над ім імаверна адбудзецца суд. Ксёндз з 16 жніўня знаходзіцца ў ізалятары – паведамляе @christianvision.
Павел з'яўляецца Пружанскім дэканам і пробашчам мясцовай парафіі Унебаўзяцця Найсвяцейшай Панны Марыі (Пінская дыяцэзія).
Расейцы могуць трапіць у атачэнне пасля апошняй аперацыі ЗСУ
3 дні таму ў Курскай вобласці ЗСУ знішчылі пралёт мосту праз раку Сейм у Глушкаве. Неўзабаве быў пашкоджаны і другі мост праз гэтую раку, у вёсцы Званнае.
Уночы 19 жніўня расейскі ваенкар «Romanov Лайт» паведаміў пра знішчэнне ўкраінскімі жаўнерамі трэцяга мосту праз раку Сейм. Які менавіта мост – ён не ўдакладніў.
«Калі пацвердзіцца знішчэнне трэцяй пераправы, то падраздзяленні УС РФ, якія знаходзяцца на поўдзень, апынуцца ў „катле“, а арыентыровачная плошча атачэння складзе амаль 700 кв. км», – адзначае дарадца кіарўніка МУС Украіны Антон Герашчанка.
Нагадваем, з 6 жніўня Украіна вядзе баявая дзеянні на тэрыторыі Курскай вобласці. Як піша The Economist, ЗСУ разглядалі некалькі сцэнароў нападу на рэгіёны РФ. Якія – чытайце ПА СПАСЫЛЦЫ
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺Лукашэнка распавёў, як Коля ў 2020 паляцеў з ім на верталёце, каб «абараняць бацьку»
19 жніўня самазваны прэзідэнт даў інтэрв'ю прапагандыстам з «Россия 1». Чаму ўкраінцы былі б рады выкарыстанню ядзернай зброі, як Коля паляцеў абараняць свайго бацьку ад «змагароў», і ці будзе кіраўніком Беларусі іншы чалавек? Сабралі найбольш цікавыя заявы.
🔺Што азначае нядаўняе памілаванне 30 палітвязняў?
Рэжым апошнім часам пачаў амністыраваць палітвязняў, але хвалі рэпрэсій не сканчваюцца і нават павялічваюцца. Відавочна, што Лукашэнка робіць гэта з сваіх інтарэсаў, тым больш, што ў наступным годзе «выбары». Спыталі ў палітычнага аглядальніка, што гэтае памілаванне можа азначаць.
🔺Расея зноў загаварыла пра «брудную бомбу»
Памятаеце, як восенню 2022 года, калі ЗСУ паспяхова наступалі ў Херсонскай вобласці, Расея пачала казаць пра нейкую «брудную бомбу»? Зусім нядаўна рыторыка паўтарылася. Ці сапраўды Расія можа яе выкарыстаць? Спыталі ўкраінскага палітолага.
✈️ Пад санкцыямі – сын і самалёт
Сын дыктатара і самалёт дыктатара папоўнілі санкцыйныя спісы.
Як ішло змаганне за санкцыі супраць лятака і колькі часу той яшчэ правядзе ў небе? За што ў спісы трапіў Мікалай Лукашэнка?
👀 Глядзіце сюжэт цалкам ПА СПАСЫЛЦЫ
💥СТРЫМ. Нядзельнае вечаровае шоў «Тыдзень»
У сённяшнім выданні:
🔸 Што адбываецца пад Курскам і як там выкарыстоўваюць жаўнераў тэрміновай службы
🔸 Сын дыктатара і самалёт дыктатара папоўнілі санкцыйныя спісы
🔸 BELPOL выпусціў фільм-расследаванне аб тым, як сям'я Лукашэнкі «доіць» БелАЗ
🔸 Прэзідэнцкія выбары ўжо 23-га лютага? Каго можам пабачыць у бюлетэнях і што плануюць рабіць дэмакратычныя сілы
Далучайцеся да эфіру ⤵️
https://www.youtube.com/live/sepGaIbT3tI
💁🏻♂️ «Мясцовыя жыхары кажуць, што ўлады іх кінулі»
Украінскі фатограф Ян Дабраносаў паказаў, што адбываецца ў Суджы.
«У адрозненні ад ворага, нашыя, калі заходзілі, не руйнавалі дамы цывільных. Нашыя траплялі выключна ў адміністратыўныя будынкі, дзе базаваліся вайсковыя. На фота ёсць згарэлыя аўто – гэта вораг, калі бег, абстраляў КАБамі. Асобная тэма – мясцовыя жыхары. Усе як адзін кажуць, што ўлады іх кінулі, і што яны ўдзячныя ЗСУ, бо хлопцы прыносяць ежу, ваду ды іншыя патрэбныя рэчы», - распавядае аўтар фотаздымкаў.
📍Сёння – дзень народзінаў Сяргея Ціханоўскага
Палітвязню споўнілася 46 гадоў. Гэта ўжо пяты дзень народзінаў, які ён вымушаны сустракаць у няволі.
Жонка Сяргея і лідарка беларускіх дэмсілаў Святлана Ціханоўская апублікавала ў сваіх сацсетках кранальны пост з гэтай нагоды:
«Мяне часта пытаюць: «Адкуль у вас столькі сілаў на працу і гэтую барацьбу?». Але кожны раз я сціскаю ў руках тэчку з тваім партрэтам і паўтараю, што гэта не мая сіла, а твая. Менавіта твае сіла і трываласць дапамагаюць мне працягваць змагацца за цябе і за ўсіх нашых герояў... Нягледзячы на адсутнасць навінаў пра цябе больш за год, я ведаю, што ты не апусціў рукі, не здаўся».
🔹Ці зможа Пуцін абараніць Лукашэнку ў выпадку вайсковага ўварвання ў Беларусь?
Сам Лукашэнка неаднаразова казаў, што менавіта так і будзе. Праўда, апошнія падзеі паказваюць: здараецца так, што Расея няздольная абараніць нават сама сябе.
Лёс жа саюзнікаў па АДКБ у такім выпадку наогул выглядае нявызначаным. Шмат чаго пра гэта можа расказаць, напрыклад, армянскі прэм'ер Нікол Пашыньян, які ўжо адкрытым тэкстам заяўляе, што сяброўства ў згаданым вайсковым саюзе не мае для ягонай краіны ніякага сэнсу.
👀 Чытайце наш аналітычны матэрыял ВОСЬ ТУТ
💰Патаннелі толькі кукуруза і чарэшні. Параўналі цэны ў беларускіх крамах тры гады таму і цяпер
Многія цяперашнія беларускія эмігранты з'ехалі з краіны акурат у 2021 годзе. Адпаведна, менавіта тады і наведвалі магазіны на радзіме апошні раз.
Аднак тыя кошты на прадукты, якія засталіся ў памяці гэтых людзей, ужо сталі гісторыяй. Кошты ў Беларусі ўзору-2024 істотна адрозніваюцца.
🔍 Чытайце наш параўнальны аналіз і глядзіце інфаграфіку ПА СПАСЫЛЦЫ
🔍 Як клан Лукашэнкі крадзе грошы БелАЗу
BELPOL выпусціў вялікае расследаванне, прысвечанае карупцыі на адным з найбуйнейшых заводаў краіны. Здавалася б, такі гігант павінен падпітваць беларускі бюджэт вялізнымі грашовымі сродкамі, аднак па факце ён сядзіць у даўгах.
Схемы, дакументы ды факты таго, як Лукашэнка разам са сваёй сям'ёй ды «набліжанымі да цела» крадзе прыбытак БелАЗу ды спрыяе карупцыі на ўсіх узроўнях кіравання заводам.
📍На трасе М1 ледзь не перакуліўся аўтобус, які ехаў па маршруце «Масква-Берасце»
ДТЗ здарылася сёння каля 6-й гадзіны раніцы ў Дзяржынскім раёне. За рулём знаходзіўся 51-гадовы мужчына. Ён, папярэдне, не даў рады кіраванню, пасля чаго аўтобус з'ехаў у кювет ды сутыкнуўся з прыдарожнымі дрэвамі.
Згодна з інфармацыяй @minzdravbelarus, у выніку аварыі пацярпелі 9 чалавек, трое з іх былі шпіталізаваныя. Адзін знаходзіцца ў стане сярэдняй цяжкасці ў рэанімацыі Дзяржынскай ЦРБ.
Усяго ў салоне было 46 пасажыраў ды два кіроўцы.
▪️На 89-м годзе жыцця не стала знакамітага актора Алэна Дэлона
Цягам сваёй кар'еры ён зняўся амаль у 80 фільмах, а таксама выступаў у ролі кінарэжысёра ды прадусара. Дэлон лічыўся адным з «сэкс-сімвалаў» сусветнага кіно.
У 2019 годзе актор перанёс інсульт. Таксама ў апошнія гады ў яго было дыягнаставана анкалагічнае захворванне.