42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
😵💫 У Беларусі прыдумалі замену YouTube – видео.бел
Там будуць представлены ўсе прапагандысцкія медыі, іх праграмы, трансляцыі і шоў. Гендырэктар БелТА абмяркоўвае новы праект заявіла, што прагляды ў дзяржаўных СМІ растуць, але «YouTube – гэта не наш інструментарый».
Новы «беларускі відэахосцінг» зʼявіцца ў канцы жніўня.
🇺🇸 Джо Байдана на выбарах можа замяніць віцэ-прэзідэнтка Камала Гэрыс
Яна ўжо выконвала паўнамоцтвы прэзідэнта ЗША ў 2021 годзе, калі Байдан быў пад наркозам. Дзеючы прэзідэнт ЗША прапанаваў вылучыць яе ў кандыдаты ад Дэмакратычнай партыі.
«Мне аказаны вялікі гонар – атрымаць падтрымку ад прэзідэнта. Я зраблю ўсё, што ў маіх сілах для таго, каб абʼяднаць нашу нацыю і каб перамагчы Дональда Трампа. У нас ёсць 107 дзён да дня выбараў. Мы будзем змагацца разам і пераможам-разам», – заявіла Камала.
Пакуль афіцыйна не пацверджана, хто будзе прадстаўляць дэмакратаў на выбарах, аднак Камалу ўжо падтрымалі ўсе 50 старшыняў партыі і сям'я Клінтанаў.
Тым часам, Дональд Трамп заявіў, што Гэрыс будзе лягчэй перамагчы, чым Байдана.
На працы памёр памочнік гендырэктара мазырскага НПЗ Валерый Бойша
Яму было 59 год.
Вядома, што нядаўна яго судзілі па адміністратыўным артыкулу за «распаўсюд экстрэмізму». Гэтая гісторыя, паводле праваабаронцаў, магла паўплываць на ягоны стан здароўя.
Разам з ім судзілі другога супрацоўніка НПЗ – рэдактарку завадской газеты Святлану Богуш.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺Ці стане сітуацыя на мяжы для беларусаў яшчэ горш?
Разабраліся, як цяпер выглядае мяжа Беларусі з Еўразвязам і пра якія новыя абмежаванні з боку літоўцаў абмяркоўваюць у чатах?
🔺Экс-кандыдатка ў Еўрапарламент пахваліла рэжым Лукашэнкі і звярнулася да беларусаў
У сваім звароце актывістка з Латвіі параўнала Беларусь з Вялікай Брытаніяй ды Латвіяй і зрабіла выснову, што ўрад Беларусі, на адрозненне ад іншых краінаў, спрабуе абараніць беларусаў...
🔺Андрэй Гнёт папрасіў дапамогі ў беларусаў за мяжой
Журналіст і рэжысёр Андрэй Гнёт застаецца пад хатнім арыштам у Бялградзе. Ён працягвае змагацца за адмену экстрадыцыі ў Беларусь, і для гэтага яму патрэбныя сродкі. Як дапамагчы – чытайце на старонцы.
😍Дыснэйлэнд у Парыжу так адзначыў нацыянальнае свята Францыі, што адразу трапіў у кнігу рэкордаў Гінэса
Проста паглядзіце, наколькі гэта цудоўна!
🇺🇸 Прэзідэнт ЗША Джо Байдан не будзе ўдзельнічаць у наступных выбарах
«Для мяне было найвялікшым гонарам у жыцці служыць вашым прэзідэнтам. І хоць я меў намер дамагацца перавыбрання, мяркую, што ў інтарэсах маёй партыі і краіны я павінен адмовіцца ад вылучэння і засяродзіцца выключна на выкананні сваіх абавязкаў прэзідэнта цягам астатняга тэрміну», – заявіў Байдан у звароце да амерыканцаў.
Галоўным супернікам Байдана зʼяўляецца Дональд Трамп. Хто будзе прадстаўляць дэмакратычную партыю на выбарах – пакуль невядома.
💥СТРЫМ. Нядзельнае вечаровае шоў «Тыдзень»
У сённяшнім выданні:
🔸 У краіны Балтыі перасталі пускаць машыны на беларускіх нумарах. Як гэта тлумачаць у Літве?
🔸 Непагадзь ударыла па Беларусі.
🔸 Рэкордная партыя наркотыкаў ішла праз нашую краіну – у Расею.
🔸 Прыглядаемся да завяршэння ўступнай кампаніі ў беларускія ВНУ.
🔸 Разбіраемся з канчатковым вылучэннем Трампа ў кандыдаты на прэзідэнта і шанцамі Байдана застацца ў гонцы.
https://www.youtube.com/live/eN5oPJ9fgwA?si=h32GJjAntwVOhBj8
🤬 Прапагандысты пахваліліся апаганьваннем мемарыялаў у Курапатах
На крыжы закатаваным палякам, лавачцы Клінтана і камяні з лікам святых з'явіліся брудныя допісы. Помнік Вацлаву Ластоўскаму з дрэва так і не адмылі пасля мінулага набегу вандалаў. Пра гэта стала вядома з ганарлівай публікацыі ў адным з пралукашэнкаўскіх паблікаў.
На жаль, у 21-м стагоддзі так выглядаюць іх «скрэпы» і павага да памяці.
🤪 У Расеі мужчына абезгаловіў кувалдай Сталіна і напаў на Леніна
У Падмаскоўі невядомы мужчына з залівістым смехам абезгаловіў і без таго шматпакутны помнік Сталіну. Манумент усталявалі ў 2023 годзе за прыватны кошт, але ўжо паспелі выправіць імя на «Сралін» і заліць фарбаю. Ці адрамантуюць помнік цяпер – невядома.
😲 Беларускі міліцыянт зламаў сістэму і сам звязаўся з блогерам Павуком
Навошта і што з гэтага атрымалася – глядзіце ў нашай праграме «Шухер-шоу».
📷 Многія беларускія журналісты не змогуць асвятляць Алімпіяду
Гэткае рашэнне прынятае ўладамі Францыі з мэтай перадухіліць магчымасць доступу да кампутарных сетак і здзяйснення кібератакі.
Вядома, што ў спіс «няўзгодненых» да асвятлення падзей Алімпіяды трапілі таксама журналісты з іншых краін, але якіх менавіта – кіраўнік МУС Францыі не ўдакладніў. Дакладна вядома, што Расея таксама ўваходзіць у гэты спіс.
Са словаў міністра, усяго да пачатку Алімпіяды плануецца правесці каля мільёна праверак удзельнікаў.
👨🎨 «Я пафарбаваў у чырвоны колер тачку, апрануў нацыянальную кашулю, вянок з васільком, белыя пальчаткі. Гной узяў у майго суседа Валодзі, які трымае карову»
25 гадоў таму мастак Алесь Пушкін зрабіў свой самы вядомы перформанс пад адміністрацыяй Лукашэнкі. Вось як творца прыгадваў тагачасныя падзеі:
«На гной паклаў партрэт Лукашэнкі, дэвальваваныя грошы, кайданкі, каланіяльную сімволіку. Забыўся толькі пакласці туды ягоную Канстытуцыю 1996 года»,
🏆 Рэкорд: у чэрвені ў Беларусі пабудавалі самую вялікую з пачатку года колькасць кватэр
Больш за ўсё новых квадратаў з'явілася ў Менскай вобласці. Менш за ўсё – у Віцебскай. Пры гэтым траціна ўсяго новабудаў знаходзіцца ў даволі незвычайных месцах. Дзе? Чытайце ў нашым матэрыяле.
✅ Чытаць праз VPN ❎ Без VPN
💥 #галоўнае за 20 ліпеня
▫️8 гадоў таму загінуў Павел Шарамет.
▫️У Беларусі не хапае 164 тысячы працаўнікоў.
▫️30 гадоў таму Лукашэнка афіцыйна стаў прэзідэнтам Беларусі.
▫️Яшчэ адзін рэйтынг, у якім Беларусь апошняя. Ён — прэзідэнтцкі.
▫️Польскія спецслужбы высветлілі асобу меркаванага забойцы салдата на беларускай мяжы.
▫️Суд у Беларусі прыгаварыў вайсковага доктара з Нямеччыны, да смяротнага пакарання.
🤔Санкцыі не працуюць? Бізнесмен Лукашэнкі спакойна набывае для Расеі самыя люксавыя еўрапейскія машыны
«Lamborghini», «Porsche», «Mercedes» і «Bentley» на мільёны долараў прыязджаюць з Літвы і Латвіі чыгункай у Беларусь. Паводле выдання @motolkohelp, за такімі схемамі стаіць «гаманец Лукашэнкі» Аляксей Алексін – у дакументах ён лічыць атрымальнікам грузаў.
Паведамляецца, што цяпер машыны стаяць у Воршы і далей мелі быць пастаўленыя ў Расею.
Дарэчы, зусім нядаўна Латвія і Літва ўвялі забароны на ўезд у Еўразвяз машынаў на беларускіх нумарах. Тады балтыйскія краіны абгрунтавалі гэта санкцыямі. Тым часам, рэжым Лукашэнкі гэтыя санкцыі паспяхова абыходзіць.
🤬 Рэжым адбірае кватэру. Што рабіць?
Прадаць або падарыць нерухомасць у Беларусі магчыма цяпер толькі пры асабістай прысутнасці або з дапамогай даверанасці, аформленай унутры краіны. Да таго ж рэжым пачаў канфіскоўваць і прадаваць уласнасць людзей, якія з’ехалі з прычыны рэпрэсіяў і накіроўваць грошы ў дзяржаўны бюджэт.
Ці засталіся ўсё ж варыянты выратавання ўласнасці, што апынулася ў «закладніках» рэжыму?
✅Праз VPN ❎Без VPN
Павел Латушка: смяротны вырак у Беларусі вынесены на заданне Крамля
19 ліпеня стала вядома пра смяротны прысуд для грамадзяніна Нямеччыны Рыка Крыгера. Рэжым Лукашэнкі абвінаваціў яго паводле некалькіх крымінальных артыкулаў, сярод якіх – акт тэрарызму.
Кіраўнік НАУ Павел Латушка мяркуе, што такі прысуд вынесены спецыяльна, каб абмяняць замежніка на афіцэра расейскіх спецслужбаў Вадзіма Красікава, які адбывае пажыццёвы тэрмін у Нямеччыне.
«Цяпер Лукашэнка разам з Пуціным пастанавілі не пакідаць Берліну выбару і ўзялі ў закладнікі грамадзяніна Нямеччыны і прыгразілі яму карай смерцю. Павысілі стаўкі», – сказаў Латушка.
Паводле палітыка, наступствамі такога шантажу Нямеччыны можа стаць сапраўдная жалезная заслона паміж Беларуссю і ЕЗ, прычым як для людзей, гэтак і для тавараў.
Старшыня Вярхоўнага суда не выключыў новыя памілаванні палітвязняў
Прадстаўнік рэжыму адзначыў у дзяржаўных медыях, што ў законе аб амністыі, які набыў моц напачатку ліпеня, «нічога не сказана» пра ўдзельнікаў пратэстаў 2020 года, аднак «гэтыя людзі могуць быць памілаваныя»
«14 было асобаў, мяркую, яшчэ рыхтуюцца некаторыя прапановы памілавання. Але прымае рашэнне кіраўнік дзяржавы строга індывідуальна».
Паводле чыноўніка, амністыя будзе ўжывацца цягам 6 месяцаў і датычыцца тых, хто «не здзейсніў цяжкіх злачынстваў».
💥 #галоўнае за 21 ліпеня
▫️Прэзідэнт ЗША Джо Байдан не будзе ўдзельнічаць у наступных выбарах.
▫️25 гадоў таму мастак Алесь Пушкін зрабіў свой самы вядомы перформанс пад адміністрацыяй Лукашэнкі.
▫️Загінулага беларускага добраахвотніка Дзмітрыя Рубашэўскага «Ганс» узнагародзілі ва Украіне.
▫️Экс-кандыдатка ў Еўрапарламент пахваліла рэжым Лукашэнкі.
▫️Прапагандысты пахваліліся апаганьваннем мемарыялаў у Курапатах.
▫️У Беларусі мяняюць Інструкцыю па ахове грамадскага парадку. Гэта можа быць падрыхтоўкай да 2025.
▫️Многім беларускім журналістам забаранілі асвятляць Алімпіяду.
▫️Святлана Ціханоўская выказалася пра наступствы шторму ў Беларусі.
▫️Вайну можна завяршыць дыпламатыяй за сталом перамоваў – лічыць прэзідэнт Украіны.
😐 Латвійская актывістка Вольга Чарняўская заявіла, што рэжым Лукашэнкі дзейнічае ў інтарэсах беларусаў
Яна звярнулася да беларусаў і апазіцыі на на YouTube-канале БелТА:
«Я не кажу, што вы не мусіце змагацца за свае нейкія правы і свабоды. Напрыклад, вы кажаце, што вам нельга гаварыць, вам нельга… Паглядзіце, з якой мэтай нешта забараняецца. Гэта робіцца, каб перадухіліць пераварот у краіне і незаконную змену ўлады», – сказала кандыдатка ад Латвіі ў Еўрапарламент 10-га склікання Вольга Чарняўская.
Дзяўчына таксама параўнала стан рэчаў у Беларусі з Латвіяй, Мексікай, Ірландыяй і Вялікай Брытаніяй. Паводле яе, урад Беларусі, на адрозненне ад іншых краінаў, спрабуе абараніць беларусаў.
Святлана Ціханоўская выказалася пра наступствы шторму ў Беларусі
«Рэжым не змог аператыўна зрэагаваць і забяспечыць усім неабходным тых, хто пацярпеў. Яму куды прасцей абвінаваціць ва ўсім беларусаў. Гэта ізноў паказвае, што рэжым здольны толькі на рэпрэсіі».
Беларуская лідарка таксама захапілася тым, як беларусы самі адолелі разбуральны ўраган:
«Не перастаю здзіўляцца, як вы годна і з гумарам перамагаеце ўсе праблемы і складанасці. Бачыла відэа, дзе вы танчыце пад дажджом, рассякаеце ваду на самакатах, і захапляюся кожным. Вы адолелі шторм лепш, чым гэта рабіла дзяржава».
На думку Ціханоўскай, праблема ўладаў палягае на працоўнай міграцыі і недахоп кваліфікаваных кадраў. Паводле яе, гэтыя праблемы рана ці позна пачынаюць адбівацца на ўсіх сферах жыцця краіны.
Нагадваем, 13–14 ліпеня на Беларусь абрынуўся вялікі шторм. Электраэнергіі дагэтуль няма ў 122 паселішчах, паведаміла сёння Мінэнерга.
📢 Не паспелі ўсачыць за навінамі на выходных?
У нас маецца дадатковы канал з максімальна сціслым апісаннем асноўных падзеяў ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
🤩 Такога рэйву вы яшчэ дакладна не бачылі
Ды што там... Такое і ўявіць нават складана! У Манголіі прайшоў рэйв на конях.
🐎 Толькі паглядзіце, як гэта было! Танчаць усе (нават каняшкі)!
Загінулага беларускага добраахвотніка Дзмітрыя Рубашэўскага «Ганс» узнагародзілі ва Украіне
Ордэн «Крыж Героя» атрымала ягоная дачка і жонка. Цырымонія прайшла ў Гарнізонным храме Львова.
Дзмітрый загінуў 12 красавіка 2022 года падчас баёў з расейцамі ў Луганскай вобласці. Сам беларус ваяваў за Украіну яшчэ з 2015 года. Ён ужо меў узнагароды «Народны герой Украіны», за абарону шахты «Бутаўка», ордэн «За мужнасць» і ордэн «Крыж Храбрых».
Расею можна пераканаць сесці за стол перамоваў – лічыць прэзідэнт Украіны
Паводле Зяленскага, трэба каб краіны Захаду аказалі ціск на Маскву. Пасля гэтага будуць перамовы пра спыненне агню і вяртанне акупаваных тэрыторыяў
«Я лічу, што гэтага можна дамагчыся з дапамогай сродкаў дыпламатыі», – сказаў украінскі лідар. Ён таксама распавёў, што хоча атрымаць дазвол ад Вялікай Брытаніі на выкарыстанне зброі для ўдараў па тэрыторыі Расеі – без абмежаванняў па далёкасці.
«Мы проста хочам біць дакладна па той кропцы, з якой яны страляюць па нас», – заявіў Зяленскі.
Прэзідэнт Украіны дадаў, што дапускае магчымасць сыходу з пасады, але толькі пасля заканчэння вайны.
👀 Падрыхтоўка да 2025: у Беларусі мяняюць Інструкцыю па ахове грамадскага парадку
Самаабвешчаныя ўлады хочуць усё больш кантролю над беларусамі. І хоць новага дакументу ў адкрытым доступе пакуль няма, аднак пра некаторыя новаўвядзенні даведацца ўсё ж удалося.
Што зменіцца – чытайце ў нашым матэрыяле.
✅ Чытаць праз VPN ❎ Без VPN
😯 Усё, цяпер дыван-самалёт гэта не проста казка
Прафесійны пілот так захапіўся гісторыяй Аладзіна, што сам паляцеў на дыване-самалёце.
Паглядзіце, як гэта крута выглядае!
☀️ Добры дзень усім, хто пачынае яго разам з Белсатам! Трымайце самыя цікавыя матэрыялы, якія вы маглі прапусціць:
🗞 Беларусы ў Польшчы просяць Анджэя Дуду адмяніць апастыль для беларускіх дыпломаў і атэстатаў
Аўтары петыцыі тлумачаць, што шмат беларусаў, якія ўцяклі з радзімы ад палітычнага пераследу, не могуць зрабіць апастыль на сваіх атэстатах ці дыпломах, бо не маюць магчымасці вярнуцца ў Беларусь дзеля гэтай працэдуры – там ім пагражае затрыманне і турма.
🗞 МЗС Беларусі і Нямеччыны вядуць кансультацыі паводле справы асуджанага да смяротнага пакарання Рыка Крыгера
Беларусь прапанавала «канкрэтныя развязанні адносна варыянтаў развіцця сітуацыі», з улікам просьбы МЗС Нямеччыны. Што за развязанні, не ўдакладняецца.
🗞 З’явілася відэа люксавых машынаў, што завезлі з Латвіі і Літвы ў абыход санкцыяў
У Беларусь паставілі «Lamborghini», «Porsche», «Mercedes» і «Bentley» на мільёны долараў.
#штопачытаць
У Беларусі цяпер такая спякота, што буслы купаюцца разам з людзьмі
Паглядзіце, як гэты міла выглядае!
❌Першы ў Беларусі паводле артыкулу за «Наёмніцтва» прысудзілі грамадзяніну Нямеччыны
Суд у Беларусі прыгаварыў Рыка Крыгера, вайсковага доктара з Нямеччыны, да смяротнага пакарання.
За што Рыка Крыгера так жорстка пакаралі і што вядома пра яго? Глядзіце ў нашым відэа👆