42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🔴 «Аб’ектыў» – галоўныя падзеі дня!
У сённяшнім выданні:
🔸Польскі суд завочна арыштаваў траіх беларускіх функцыянераў, датычных да пасадкі самалёту Ryanair у траўні 2021-га
🔸Дзяржаўная прапаганда паказала фільм пра затрыманага «японскага шпіёна». Афіцыйны Токіа выказаў пратэст
🔸У Беларусі – аўтамабільны бум, дылеры прадаюць вялізную колькасць новых машын
🔸Павел Дураў зрабіў першую публічную заяву пасля свайго затрымання ў Францыі
Далучайцеся да эфіру ⤵️
🤔Не ўсе ведаюць, але Павел Дураў стварыў свой «адказ Біткоіну»
Гаворка ідзе пра крыптавалюту TON, якая для самога Дурава можа быць нават важнейшай за Telegram. Яна карыстаецца вялікай папулярнасцю, на падставе яе ствараюцца гульні, і шмат людзей упэўнена інвестуе ў праект грошы.
Мы разабраліся, што гэта такое і як на гэтым зарабляюць. Чытайце ПА СПАСЫЛЦЫ (праз VPN)
🇱🇹 Літва не будзе ўдзельнічаць у беларускай канферэнцыі па міграцыі
Раней кіраўнік МЗС Максім Рыжанкоў анансаваў канферэнцыю па супрацьдзеянні нелегальнай міграцыі, якая пройдзе ў Беларусі. Паводле чыноўніка, будуць запрошаныя міністры краін Еўразвязу. Літоўскі МЗС, як аказалася, мае іншыя планы:
«МЗС Літоўскай Рэспублікі не мае інфармацыі пра згаданае мерапрыемства і не плануе ў ім удзельнічаць. Мы лічым, што гэтая ініцыятыва беларускага рэжыму — чарговая спроба маніпуляваць праблемай міграцыі.
Вельмі іранічна, калі канферэнцыю па “барацьбе з нелегальнай міграцыяй” арганізуе дзяржава, якая арганізавала яе мэтанакіравана і з парушэннем міжнароднага права», — адказаў Белсату літоўскі МЗС.
У сваю чаргу, Латвійскае МЗС таксама адказала, што не атрымлівала ніякага запрашэння. Рэдакцыя чакае таксама адказаў з МЗС Польшчы і Нямеччыны.
❓Ці пойдзе рэжым на вызваленне 1000 палітвязняў?
За апошнія месяцы палітыка Лукашэнкі нібыта спрабуе паказаць Еўропе, што гатовая да перамоваў: змены ва ўрадзе, зніжэнне актыўнасці мігрантаў на мяжы, вызваленне 78 палітвязняў. Але ў ЕС чакаюць «відавочны жэст», і такім можа стаць вызваленне 1000 палітвязняў. Пры гэтым пра такую лічбу нават намякаў Васкрасенскі.
Ці адважыцца Лукашэнка на такі крок? Разабраліся ПА СПАСЫЛЦЫ (праз VPN)
📺 Навіны за 5 хвілін
🔻Афіцэра КДБ і двух беларускіх чыноўнікаў завочна арыштавалі ў Польшчы.
🔻Японія выказала пратэст Беларусі за прапагандыстскі сюжэт на «Беларусь 1».
🔻Лукашэнкаўскі Нацыянальны гістарычны музею пабудуюць на месцы Dreamland.
🔻Стваральнік «Тэлеграму» Павел Дураў упершыню пракаментаваў сваё затрыманне.
🔻ЗСУ спынілі прасоўванне расейскіх войскаў на пакроўскім кірунку.
Цалкам глядзіце ў кароткім выданні навінаў на Белсаце.
💲 Курсы валютаў на сёння
Еўра падаражэў на 5 капеек, а расейскі рубель патаннеў на адну. З доларам амаль нічога не змянілася.
#курсывалютаў
Шведскія ўлады прыпынілі рашэнні аб дэпартацыі беларусаў
Пра гэта заявілі выданню «Еўрарадыё» нашы суайчыннікі, якіх маглі прымусова адправіць у Беларусь.
Раней вакол гэтай праблемы адбыўся скандал: беларуса, якому адмовілі ў міжнароднай абароне, дэпартавалі на радзіму, дзе яго адразу затрымалі. Вядома, што Швецыя неахвотна дае прытулак беларусам, якія ўцякаюць ад рэжыму Лукашэнкі.
😐 Вось такое хочуць пабудаваць на месцы былога Dreamland
Гэта будзе Музей Нацыянальнай гісторыі. Вядома ж, паводле ідэалогіі рэжыму.
«Мы перестали стесняться некоторых периодов нашей истории. Говорим об этом открыто, так, как мы это понимаем. Так вот музей — это очередной этап в этом деле», — пракаментаваў Лукашэнка.
Акрамя таго, музей стане часткаю стварэння «Парку народнага адзінства».
Алімпіяда аказалася багатай на падзеі? Вы яшчэ не ведаеце пра Параалімпіяду!
Спаборніцтвы ў Парыжы для людзей з абмежаванымі магчымасцямі могуць нагадваць бразільскі серыял: таемнае знікненне валейбалісткі з Руанды, страта «золату» з-за падушкі, лучнік без рук і чэмпіён Беларусі, да якога ёсць пытанні.
Сабралі самыя цікавыя моманты з Параалімпіяды, пра якія мала хто ведае ПА СПАСЫЛЦЫ (праз VPN)
Прапаганда паказала затрыманага за шпіянаж выкладчыка японскай мовы
Японія выказала пратэст Беларусі.
Пратэст быў пададзены праз амбасаду адразу пасля эфіру на «Беларусь 1», дзе выйшаў сюжэт пра Масатоші Наканіші. Японскі бок выказаў асцярогі з нагоды парушэння правоў чалавека.
«Мы акажам усю магчымую падтрымку з пункту гледжання абароны нашых грамадзян», — сказаў галоўны сакратар кабінету міністраў Японіі Ёсімаса Хаясі.
Павел Дураў пракаментаваў сваё затрыманне ў Францыі
Ён заявіў, што быў здзіўлены тым, што можа несці персанальную адказнасць за незаконнае выкарыстанне Telegram іншымі людзьмі. Паводле Дурава, у ЕЗ ёсць афіцыйны прадстаўнік мэсэджара, які адказвае ў тым ліку за ўзаемадзеянне з праваахоўнымі органамі.
Таксама ён заявіў, што ва ўладаў Францыі была магчымасць звязацца з ім і папрасіць дапамогі:
«Я быў частым госцем французскага консульства ў Дубаі. Некаторы час таму, калі мяне папрасілі, я асабіста дапамог ім стварыць гарачую лінію ў Telegram для барацьбы з пагрозай тэрарызму ў Францыі»
«Аднак мы чуем галасы, якія гавораць, што гэтага недастаткова. Рэзкае павелічэнне колькасці карыстальнікаў Telegram да 950 мільёнаў выклікала праблемы росту, якія аблягчылі злачынцам магчымасць злоўжывання нашай платформай. Вось чаму я паставіў сваёй асабістай мэтай дамагчыся значнага паляпшэння сітуацыі»Читать полностью…
🎧 Прынеслі вам свежай беларускай музыкі на добры сон
Наўрад ці вы раней чулі пра гурт Homebound, але ўсё калісьці бывае ў першы раз ☝️
Вось як піша пра гурт вядомы музычны крытык, журналіст і пісьменнік Аляксандр Чарнуха:
«Homebound» – яшчэ адзін зусім свежы гурт. Мікс англамоўных і беларускамоўных песень з вельмі адчувальным брытанскім вайбам. Лаканічны, густоўны матэрыял з неблагімі мелодыямі, у якім адчуваецца і прафесійны падыход, і добрая падача. Гучыць даволі пярэста і неаднародна, каб зразумець нейкі канцэптуальны падыход, але на ўзроўні візітоўкі – добры старт».
#штопаслухаць
#рэпрэсіі Асноўнае за 5 верасня
▪️Twitter-старонка Арцёма Шрайбмана прызнаная «экстрэмісцкай».
▪️Менчука затрымалі за заклікі да пратэсту ў чатах.
▪️У Бярозе судзяць чатырох беларусаў за ўдзел у пратэстах.
▪️За дапамогу палітвязням пачалі судзіць жыхарку Менску.
▪️19-гадовага палітвязня хутка пачнуць судзіць за «здраду дзяржаве».
▪️Затрымалі айцішніка, які «пагражаў міліцыянту расправай» у Viber.
▪️Па «народным» артыкуле судзяць IT-шніка з Менску.
🤝 «Белсат» запрашае да супрацоўніцтва!
Адзіны свабодны тэлеканал для беларусаў запрашае тых, хто займаецца вытворчасцю відэа-кантэнту – праграмаў, мульцікаў, дакументальнага ці мастацкага кіно, запрапанаваць свой прадукт «Белсату»!
Не мае значэння, дзе вы цяпер знаходзіцеся, але важна, каб тое, што вы робіце, адпавядала нашай місіі і было па-беларуску. Калі трэба будзе дапамога з перакладам ці агучкай, падказкі ў справе паляпшэння якасці – можаце на нас разлічваць!
Незалежна ад таго, які будзе фармальны статус Белсату ў будучыні, мы перакананыя, што застанемся для беларускіх творцаў месцам, дзе яны змогуць паказваць шырокай публіцы свае праграмы/фільмы/рэпартажы.
🖊 З прапановамі пішыце на адрас belsat.sekretariat@tvp.pl з АБАВЯЗКОВАЙ пазнакай «Прапанова праграмы»
❗️Важна: памятайце пра сваю бяспеку і выходзьце з намі на сувязь толькі ў тым выпадку, калі вы знаходзіцеся не ў Беларусі
🎼 Украінская блогерка паказала, як спявае ва ўнісон з гукам паветранай трывогі
Адначасова сумная і прыгожая карціна, паглядзіце!
Што думаюць вайскоўцы тэрміновай службы пра вайну?
З намі падзяліліся запісам размовы з жаўнерам тэрміновай службы, які служыць блізу мяжы з Украінай. На ўмовах бяспекі мы не называем імёнаў і заяўляем, што цалкам давяраем крыніцам, якія перадалі запіс.
Пачытайце, што казаў звычайны беларускі вайсковец пра расейскія дроны і «напад Украіны» — ПА СПАСЫЛЦЫ (праз VPN)
Чаму расейскія дроны ўсё часцей залятаюць у «мірнае беларускае неба»?
Адкажа вайсковы аналітык і палітолаг👆
▪️У Львове развіталіся з загінулымі 4 верасня
Раніцай таго дня Расея нанесла ракетныя ўдары ў раён непадалёк ад мясцовага чыгуначнага вакзалу.
У адной з сямей у выніку загінулі маці ды тры ейныя дачкі. Жывым застаўся толькі бацька.
Сваякам загінулых беларускіх ваяроў перарадуць крыж «Honor Et Gloria»
Дарэчы, беларусы стануць першымі замежнікамі, якія атрымаюць гэты крыж.
Каго пасмяротна ўзнагародзіла Украіна — чытайце ПА СПАСЫЛЦЫ (праз VPN)
🤯 Афрыканскую атлетку, якая брала ўдзел у алімпійском марафоне ў Парыжы, спаліў ейны былы бойфрэнд
33-гадовая Рэбэка Чэптэгі з Уганды памерла ў шпіталі ад шматлікіх апёкаў, атрыманых пасля нападу з боку былога хлопца. Той абліў спартоўку палівам і падпаліў, калі яна ў нядзелю вярталася з царквы з двума дзецьмі.
Папярэдне, прычынаю такіх дзеянняў стаў канфлікт за кавалак зямлі, які Рэбэка Чэптэгі купіла ў Кеніі на мяжы з Угандай. Там яна планавала пабудаваць дом і жыць непадалёк ад лёгкаатлетычнага трэнавальнага цэнтру.
Месяц таму Чэптэгі брала ўдзел у Алімпійскіх гульнях у Парыжы, дзе фінішавала на 44-м месцы ў марафонскім забегу.
Гэты рух аб’яднаў дзясяткі моладзевых ініцыятываў, а цяпер прызнаны «экстрэмісцкім»
Розна 27 гадоў таму быў заснаваны Маладых фронт, арганізацыя, якая ладзіла гучныя акцыі, удзельнічала ў абароне Курапатаў і іншых палітычных падзеях нашай краіны.
Пра гісторыю фронту і лёсы ўдзельнікаў глядзіце ў нашым відэа.
😡 У Варшаве зноў напалі на беларуску
Адбылося гэта проста ў цэнтры гораду. Дзяўчына Дар'я шпацыравала з сяброўкай, калі роверыст крыкнуў ім груба сысці з дарожкі. Дзяўчына спытала ў мужчыны, што ён мае на ўвазе, але той прыпыніўся і ўдарыў Дар'ю па твары. На дапамогу дзяўчатам прыйшлі мужчыны, якія былі побач.
Калі прыехала паліцыя, высветлілася, што ў незнаёмца быў нож. Ён сказаў паліцыянтам, што з Украіны, 4 гады працуе на будоўлі і не мае грошай на аплату штрафу.
Паводле пацярпелай, дакументаў у нападніка не было. Паліцыя вырашыла яго адпусціць. Саму дзяўчыну папрасілі прыйсці ў паліцыю і зняць пабоі.
«Я ў жаху, у поўным шоку і страху ад таго, што нехта можа так сябе паводзіць», — кажа дзяўчына.
❤️ «Малады фронт» адзначае сёння дзень народзінаў
Рух паўстаў яшчэ ў 1996 годзе, калі Лукашэнка падпісаў дамову аб стварэнні «супольнасці Беларусі і Расеі». З таго часу суполка моладзі стала моцнай апазіцыйнай сілай, прадстаўнікі якой сёння ваююць ва Украіне ці прызнаны палітзняволенымі праз рэпрэсіі рэжыму.
А як пачынаўся «Малады фронт»? Спыталі тых, хто стаяў у вытоках вядомай усім арганізацыі ПА СПАСЫЛЦЫ (праз VPN)
Украінцы беглі ў Беларусь і ледзь не падарваліся на мінах
Пра гэта паведамілі ўкраінскія памежнікі, якія затрымалі парушальнікаў мяжы і, як сцвярджаюць, выратавалі ім жыцці. Паводле вайскоўцаў, выратаванне не вызваліць затрыманых ад адказнасці.
Чаму яны выбралі менавіта Беларусь — невядома.
Сталі вядомыя новыя падрабязнасці пра справе Ryanair з Пратасевічам
Як піша выданне «Wyborcza», удалося высветліць абставіны справы дзякуючы дыспетчару, які збег у Польшчу з каштоўнымі доказамі (запісамі з цэнтру кантролю за палётамі, зробленымі на тэлефон).
Паводле іх, дырэктар «Белаэранавігацыі» Леанід Чуро 23 траўня 2021 года прывёў у дыспетчарскую супрацоўніка КДБ, пасля чаго самалёту паведамілі пра бомбу і запатрабавалі сесці ў Менску.
На запісе, зробленым у дзень інцыдэнту, чуваць голас, які падказвае, як адказваць і што казаць дыспетчару. Польскі бок лічыць, што гэта быў супрацоўнік спецслужбаў. Менавіта ён загадаў дыспетчару сказаць лётчыку, што код небяспекі «чырвоны», а рэкамендацыя аб пасадцы зыходзіць ад Менску.
4 верасня акружны суд Варшавы прыняў рашэнне завочна арыштаваць былога дырэктара «Белаэранавігацыі» Леаніда Чуро, начальніка змены кантролю Яўгена Цыганова, а таксама неназванага афіцэра КДБ высокага рангу.
Дзяржаўная пракуратура Польшчы абвінавачвае трох грамадзян Беларусі ў «акце тэрарызму».
Добрай пятніцы, спадарства!
Не ведаеце, што пачытаць раніцою? Сабралі для вас найбольш цікавыя матэрыялы «Белсату», якія вы маглі прапусціць:
📝«Спецслужбы без варыянтаў»
Беларусы сышліся ў думках наконт таго, чаму і хто страляў па вокнах і рабіў абразлівыя надпісы ў Вільні.
📝«Зарабляў больш за бацькоў»
Як і чаму беларусы занепакоены зыходам сэкандаў?
📝Топ-5 папяровых кніг паводле версіі «Белсату»
Распавядаем пра лепшыя кнігі, якія можна пачытаць на беларускай мове.
#штопачытаць
💥 #галоўнае за 5 верасня
▫️У Беларусі знішчылі расейскія беспілотнікі.
▫️Супраць беларусаў у Літве зноў здзейснілі акт вандалізму (трэці за содні).
▫️Латвія будзе канфіскоўваць аўто з беларускімі нумарамі пасля 31 кастрычніка.
▫️Затрыманы «японскі шпіён» аказаўся выкладчыкам японскай мовы ў ГДУ.
▫️Былога чыноўніка асудзілі на 6 гадоў калоніі за хабар і потым амніставалі.
💬 «Такая вялікая сума не магла быць размеркаваная за месяц ці за два»
Леташні «Марафон салідарнасці» з беларускімі палітвязнямі нарэшце можна лічыць скончаным − бо толькі нядаўна былі размеркаваныя апошнія часткі сабранай велізарнай сумы.
Вынікі марафону, які стаў яскравай праяваю беларускай салідарнасці, ды анонс наступнай падобнай акцыі, у нашым сюжэце ☝️
🔴 «Аб’ектыў» – галоўныя падзеі дня!
У сённяшнім выданні:
🔸«Шахеды» зноў заляцелі ў Беларусь. Мінабароны кажа пра іх знішчэнне
🔸У Беларусі затрымалі «японскага шпіёна»
🔸Латвія будзе канфіскоўваць аўтамабілі з беларускімі нумарамі
Далучайцеся да эфіру ⤵️
🫣 Што адбываецца з Сяргеем Міхалком?
«Ляпісы» цяпер ездзяць з турам па ўкраінскіх гарадах (ужо паспелі выступіць у Кіеве ды Адэсе). Аднак многія гледачы заўважаюць, што лідар гурта страціў былую фізічную форму, да таго ж паводзіць сябе на сцэне млява і «без аганьку».
Прычым пачалося ўсё нават не з цяперашняга ўкраінскага туру, а яшчэ раней. Млявасць Міхалка на сцэне заўважалі і наведнікі летніх канцэртаў «Ляпісаў» у краінах Балтыі.
Што, на вашую думку, здарылася з Міхалком? 🤔