42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤔 «ШАС для Беларусі не проста міжнародная арганізацыя. Гэта стратэгічная перспектыва»
У чацвер, 4 ліпеня Беларусь стане паўнапраўным членам Шанхайскай арганізацыі супрацы.
На думку Лукашэнкі патэнцыял гэтых стасункаў велізарны.
«ШАС для Беларусі не проста міжнародная арганізацыя. Гэта стратэгічная перспектыва. Перш за ўсё ў гандлёва-эканамічным і інвестыцыйным узаемадзеянні, развіцці транспартна-лагістычнай, інфармацыйна-камунікацыйнай і іншай інфраструктуры»
🤔 «Беларускае войска будзе бяздзейнічаць, калі прыйдуць нацыянальныя вайсковыя часткі»
Якое самае слабое месца ў беларускай арміі: тэхніка ці якасць вайскоўцаў?
Адказвае былы дэсантнік і адзін з стваральнікаў Паспалітага рушэння Сяржук Кедышка.
😳 Праз турбулентнасць пасажыра закінула ў багажную паліцу
Падчас палёту ва Уругвай самалёт патрапіў у вобласць наймацнейшай турбулентнасці.
Людзі літаральна ламалі галовамі ўнутраную ашалёўку салона....а аднаго пасажыра прыйшлося даставаць з багажнай паліцы.
🤷♀️ «Гэта шоу для Лукашэнкі»
3 ліпеня прайшоў парад да Дня Незалежнасці РБ.
Рэпетыцыі праходзілі пад праліўнымі дажджамі, а Арменія адмовілася прыняць у ім удзел.
🫤 «Свята» гэтае даўно выклікае пытанні. Дык навошта з году ў год на яго трацяць грошы беларускіх падаткаплацельшчыкаў?
Сваім меркаваннем на гэты конт падзяліўся адзін са стваральнікаў Паспалітага рушэння Сяржук Кедышка.
😢 Польшча можа закрыць усе грузавыя пункты пропуску на мяжы з Беларуссю
Міністр замежных спраў Польшчы Радаслаў Сікорскі зноў выказаўся аб магчымым закрыцці мяжы з Беларуссю. Гаворка праўда ідзе аб спыненні пропуску грузаў, «аб пераходах для людзей не гаворым, не будзем ускладняць жыццё звычайным палякам і беларусам»
«Ад Беларусі залежыць, хоча мець лепшыя добрасуседскія адносіны з Польшчай або горшыя. У нас ёсць асноўныя пастулаты: павінен выйсці Анджэй Пачобут і павінна скончыцца акцыя сілавога высылання мігрантаў [...] не выключаю любых варыянтаў»Читать полностью…
🔥 Ірына Шчасная на волі
Пра гэта паведамляе тэлеграм канал «Мая краіна Беларусь»
Нашая Іра на волі! ✊
29 чэрвеня 2024 года, мы з радасцю і палёгкай віншуем Ірыну Шчасную з яе днём нараджэння і вызваленнем з лукашэнкаўскай катавальні (турмы), дзе яна правяла амаль 4 гады! Дзякуй усім СМІ, якія вытрымалі цішыню і далі Іры пакінуць Беларусь.
Іра, ты сімвал мужнасці і стойкасці. Мы ганарымся табою і тваім нязломным духам. Твой шлях да свабоды нагадвае нам, што разам мы зможам пераадолець любыя цяжкасці. Беларусь будзе вольнай!
Сардэчна запрашаем дадому, Іра! Мы з табою
📌 Чацвёра беларусаў пацярпелі ў аварыі ў Турэччыне
Ранкам 3 ліпеня аўтобус, які вёз турыстаў, урэзаўся ў слуп на ўездзе на мост у Манаўгаце, што ў правінцыі Анталья.
У лякарні даставілі 16 расейцаў і 4 беларусаў. Медыі адзначаюць, што некаторыя пацярпелыя адмаўляліся ісці ў лякарні, нягледзячы на траўмы.
Кіроўцу змаглі дастаць з кабіны і таксама даставіць у лякарню, але яго жыццё не ўдалося ўратаваць.
🤐 7 хвілін калектыўнага маўчання
Гэта маштабная акцыя Марыны Абрамовіч на музычным фестывалі «Гластанбэры» ў Англіі.
❗️ Дзяўчынка, якую шукалі ў Камянецкім раёне, загінула
Сёння ноччу 4-гадовую Маю Любімцаву знайшлі ў штучным вадаёме на тэрыторыі аднога з аграпрадпрыемстваў.
Нагадаем, дзяўчынка пражывала ў аграгарадку Пелішча Камянецкага раёна і 1 ліпеня сышла з двара ўласнага дому. Пошукі дзяўчынкі былі пачаты практычна адразу. Яны працягваліся больш за суткі.
Добрага дня, сябры! Зычым вам файнага дня і прапануем пачытаць найцікавейшыя матэрыялы, якія вы маглі прапусціць.
🗞 Лукашэнка паабяцаў вызваліць цяжкахворых. Хто з палітвязняў уваходзіць у гэтую катэгорыю?
Агулам ПЦ «Вясна» вядома не менш чым пра 254 палітвязняў, якія знаходзяцца за кратамі ў асаблівай рызыцы. Як мінімум 91 чалавек пакутуе на цяжкія захворванні. Прынамсі 16 палітвязняў маюць інваліднасць.
🗞 «Глядзець на яго было балюча». Былая палітзняволеная расказала пра сустрэчу з Ціханоўскім на этапе
Былая палітзняволеная Алеся Буневіч спаткала Сяргея Ціханоўскага на этапе, і, як прызнаецца, не пазнала б яго, «каб не голас і размова пра грошы за канапай».
🗞 «Вось да чаго мяжа давяла. Усе здзічэлі». У чарзе з Польшчы ў Беларусь даводзіцца стаяць амаль содні
Падчас абмеркаванняў чэргаў на мяжы ў Telegram-чатах акцэнт ссунуўся на ўезд у Беларусь з Польшчы, хоць звычайна часцей пісалі пра чэргі з боку Берасця.
#штопачытаць
💔 Дзмітрый Каханоўскі
Супрацоўнік «Белтэлекаму» з Магілёва, быў затрыманы на працоўным месцы 28 кастрычніка 2021 года. Мае дзіця.
Згодна з абвінавачваннем, ён нібыта здабываў з базы асабістыя дадзеныя сілавікоў, дзяржслужачых, суддзяў. Следства сцвярджае, што ўсяго было 46 падобных эпізодаў.
Суддзя Яўген Буруноў прызнаў палітвязня вінаватым і прызначыў яму 6,5 гадоў зняволення ва ўмовах агульнага рэжыму.
📩 Падтрымайце палітвязня: ПК № 1. 211440, г. Наваполацк, вул. Тэхнічная, 8
🤯 Рэжым Лукашэнкі рыхтуецца да вайны супраць Украіны?
Спыталі экспертаў, што адбываецца на мяжы ☝️
🔍 Актыўней за ўсіх па «бязвізе» ў Беларусь ездзяць літоўцы
З пачатку году грамадзяне Літвы заязджалі ў нашую краіну амаль 50 тысяч разоў. У любым выпадку лічба вельмі сціплая, аднак на фоне іншых замежнікаў з Еўразвязу выглядае рэкорднай.
Грамадзяне Польшчы ездзілі за згаданы перыяд радзей за іншых – усяго 23,4 тысячы наведванняў.
Болей статыстыкі:
✅ Праз VPN ❎ Без VPN
🔴 «Аб’ектыў» – галоўныя падзеі дня!
У сённяшнім выданні:
🔸 «Захаду не церпіцца ўцягнуць нас у вайну» – гарачая сітуацыя на мяжы з Украінай
🔸 Ад палітвязня Рыгора Кастусёва два месяцы як няма ніякай інфармацыі
🔸 У Камянецкім раёне шукаюць зніклую чатырохгадовую дзяўчынку
🔸 Непагадзь накрыла Беларусь. На некалькі гадзінаў спазняліся цягнікі, за содні электрычнасць адключалі ў 788 населеных пунктах
Далучайцеся да эфіру ⤵️
https://www.youtube.com/live/gnbhCpNG2PA
📺Адразу пасля «Аб'ектыву» а 20.25 па менскім часе запрашаем да прагляду «Белсат Zoom» – агляд галоўных навінаў дня, агляд надворʼя, спартовых навінаў!
🧙 Яны называюць сябе баявымі ведзьмамі ды трэнуюцца абараняць неба
На Кіеўшчыне фармуюць жаночыя мабільныя агнявыя групы ☝️
📌 «Стратэгія павінна быць у падтрымцы беларускага грамадства»
Кіраўнік НАУ Павел Латушка абмеркаваў у Міністэрстве замежных справаў Польшчы пытанні супрацьдзеяння расейскай дэзынфармацыі, адказнасці Лукашэнкі за злачынствы супраць беларусаў, а таксама падтрымкі беларускага тэлеканалу «Белсат».
☝️Латушка падтрымаў ідэю закрыцця памежных гандлёвых пераходаў, але толькі дзеля таго, каб зрабіць максімальны націск на рэжым, спыніць нелегальную міграцыю на межах і вызваліць палітычных зняволеных.
✅ Праз VPN ❎ Без VPN
📺 Навіны за 5 хвілін
✔️Раніцай на волю пачалі выходзіць палітвязні з цяжкімі захворваннямі
✔️ЭнтаніБлінкен заклікаў вызваліць палітвязняў
✔️Беларускія беспілотнікі паказалі на парадзе
✔️Польшча плануе ўвесці пільны кантроль грузаў, якія прыбываюць з Беларусі
✔️Лукашэнка заяўляе, што не збіраецца спыняць мігрантаў на беларуска-польскай мяжы
✔️Зніклая 4-гадовая Мая Любімцава загінула
✔️Рэакцыя Зяленскага на прапанову Орбана аб перамір'і з Расеяй
Глядзіце ў кароткім выданні навін на Белсаце 💻
🙈 Расея і Кітай разглядаюць магчымасць дастаўкі на Месяц ядравай энергаўстаноўкі
Пра гэта паведаміў кіраўнік «Роскосмоса» Юрый Барысаў. Паводле яго, гэта трэба зрабіць у аўтаматычным рэжыме – робататэхнічнымі сродкамі.
«Сёння сур'ёзна разглядаем праект дзесьці на мяжы 2033-2035 гадоў дастаўку і мантаж на месяцавай паверхні разам з нашымі кітайскімі калегамі энергетычнай устаноўкі»
💔 У Варшаве памерла 18-гадовая беларуска Лізавета Брылеўская. Яна змагалася з анкалагічным захворваннем
Лізавета праходзіла лячэнне ў Варшаўскім дзіцячым цэнтры здароўя. У маі 2024 года для яе быў арганізаваны збор у 138,6 тысячаў еўра, неабходных на лячэнне ў нямецкай клініцы Шарытэ. Пасля збору сродкаў дзяўчыну павінны былі транспартаваць з Варшавы ў Берлін. Але стан Лізы пагоршыўся, і транспарціроўка стала немагчымай.
Пра смерць дзяўчыны паведаміў Honda.life са спасылкай на дабрачынную арганізацыю Kindervital.
Цела дзяўчыны ўжо перавезена ў Беларусь. Пахаваюць яе на новых могілках у Радуні 4 ліпеня ў 16:00.
🚕 Правайдарам даюць 4 гадзіны на блакаванне сайту
Савет Міністраў Беларусі ўхваліў пастанову пра абмежаванне доступу да інтэрнэт-сэрвісаў.
👉 Цяпер правайдары маюць заблакаваць сайт перавозніка цягам 4 гадзінаў ад далучэння ў адпаведны рэестр.На разгляд заявы пра разблакаванне чыноўнікам даюць 15 каляндарных дзён.
Указ супраць перавознікаў Лукашэнка анансаваў яшчэ мінулай восенню. Паводле ўказу плануецца стварыць рэестр перавознікаў, якім можна працаваць, абавязаць іх усталёўваць сістэму відэаназірання ў кожным транспартавым сродку, захоўваць цягам года інфармацыю пра паездкі пасажыраў.
☝️ Пад забарону фактычна можа трапіць любы перавознік.
✅ Праз VPN ❎ Без VPN
🔥 Дзяржаўны сакратар ЗША павіншаваў беларусаў з афіцыйным Днём незалежнасці
У сваім віншаванні ён заклікаў да вызвалення палітвязняў:
«Ад імя Злучаных Штатаў Амерыкі я дасылаю свае сардэчныя віншаванні народу Беларусі з афіцыйным Днём Незалежнасці...
Мы шануем адвагу 1500 беларускіх палітвязняў, якія застаюцца ў палоне толькі за спробы скарыстацца свабодамі, што мусіць даць незалежнасць. Мы заклікаем да іх безумоўнага вызвалення, і ў гэты дзень мы думкамі асабліва з іхнымі блізкімі...»
☝️ Упершыню прызыў ва Украіне можа ўключаць зняволеных у турмах і калоніях
Згодна з новым законам,яны змогуць атрымаць умоўна-датэрміновае вызваленне ☝️
👆 Учора дыктатар паабяцаў вызваліць частку палітвязняў. Але каго ён выпусціць насамрэч?
Амністыя, якую анансавалі яшчэ 11 студзеня, набыла канчатковую форму: 3 ліпеня быў афіцыйна апублікаваны закон «Аб амністыі», які Аляксандр Лукашэнка падпісаў днём раней. Закон не тычыцца большай часткі палітычных зняволеных.
Пачытайце, каго закране амністыя.
✅ Праз VPN ❎ Без VPN
😊 Энергетыкі дапамаглі буслянятам вярнуцца дадому
Пазаўчорашняя бура, якая наляцела ўвечары на Холмічы (Берасцейскі раён), разбурыла гняздо з птушанятамі.
Энергетыкі паднялі яго і паставілі на спецыяльнай платформе, а супрацоўнікі МНС злавілі буслянят ды вярнулі іх у гняздо.
💥 #галоўнае за 2 ліпеня
✔️Лукашэнка заявіў, што праз некалькі дзён на волю выйдуць некаторыя палітвязні. Ён удакладніў, што гэта будуць людзі з анкалагічнымі захворваннямі
✔️Валер Кавалеўскі назваў прычынаю сыходу з Аб'яднанага пераходнага кабінету супярэчнасці са Святланай Ціханоўскай
✔️Што стане з легітымнасцю Святланы Ціханоўскай у 2025 годзе? Чытайце нашую аналітыку
✔️Віктар Орбан наведаў Кіеў упершыню з 2012 года. Ён прапанаваў Зяленскаму спыніць агонь па цяперашняй лініі фронту
✔️У панядзелак на КПП «Тэрэспаль-Берасце» бегаў цалкам аголены мужчына. Вось падрабязнасці
✔️Казахстанскі апазіцыянер, у якога стралялі ў Кіеве два тыдні таму, памёр у шпіталі
✔️У Партызанскім раёне Менску правялі «плац-парад дзіцячых садкоў»
✔️У Полацку на сцяне 9-павярховіка стварылі мурал з выяваю Усяслава Чарадзея
#рэпрэсіі:
▫️Фаната салігорскага «Шахцёра» затрымалі за тату з надпісам «ACAB». Сілавікі чамусьці прыехалі на бусіку з расейскімі нумарамі
▫️За перадачы і грашовыя пераводы палітвязням пачалі судзіць жыхарку Берасця. Ёй інкрымінуюць «садзейнічанне экстрэмісцкай дзейнасці»
▫️Палітзняволены анархіст Ігар Аліневіч патрапіў у шпіталь для вязняў у Калядзічах. Прычына невядомая
🔺Забойства трохгадовага дзіцяці ў Слуцку: новы суд у справе
На лаве падсудных – два міліцыянты, якіх вінавацяць у бяздзейнасці і нядбайнасці.
📍На сайце ўраду з'явіўся спіс відаў дзейнасці, дазволенай індывідуальным прадпрымальнікам. У пералік не патрапілі некаторыя папулярныя паслугі
Напрыклад, там адсутнічаюць маркетынгавыя і юрыдычныя паслугі, гуртовы гандаль. ІПшнікам, якім не пашанцавала, давядзецца або рэгістраваць юрыдычную асобу, або закрывацца. Часу на тое, каб прыняць рашэнне, яшчэ шмат – да канца 2025 года.
Чытайце на старонцы:
✅ Праз VPN ❎ Без VPN
☝️Лукашэнка анансаваў выхад на волю некаторых палітвязняў «праз некалькі дзён»
«На волю выйдуць вельмі цяжкахворыя, як пішуць, нашы, якія не паспелі збегчы і знаходзяцца ў месцах на такіх аддаленых, якія ламалі і разбуралі краіну ў 2020 годзе. Але гэта, сапраўды, цяжкахворыя. У асноўным, з ракавымі захворваннямі», – заявіў самаабвешчаны кіраўнік Беларусі, выступаючы сёння перад сваімі прыхільнікамі.
Чытайце на старонцы:
✅ Праз VPN ❎ Без VPN
☝️Палітзняволены анархіст Ігар Аліневіч знаходзіцца ў шпіталі для вязняў у Калядзічах
У сувязі з чым ён туды патрапіў – пакуль невядома. Пакаранне Аліневіч адбывае ў жодзінскай турме.
Чытайце болей:
✅ Праз VPN ❎ Без VPN
🇱🇹 «Зубы дракона», прастора для дронаў, нямецкая брыгада: як плануюць абараняць Вільню на выпадак агрэсіі з боку рэжыму Лукашэнкі
План палітыкі па абароне літоўскай сталіцы сёння прэзентаваў мэр Вільні Валдас Бенкунскас.
Чытайце на сайце:
✅ Праз VPN ❎ Без VPN