42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤔 Квадроберы могуць быць Божым промыслам?
Пра гэта заявіў протаерэй з Беларусі Сергій Лепін:
«Ведайце, дарагія мае, што дзесьці сёння падрастаюць на палянках будучыя бацюшкі і матушкі з квадробераў і хобіхорсінгш. У гэтым – я падазраю - і заключаецца дзівосны Божы Промысел…»
«Вось у нас у БПЦ ёсць, напрыклад, аж цэлы Сінадальны аддзел па ўзаемадзеянні з казацтвам. Чаму не зрабіць такое ж падраздзяленне, але зарыентаванае на квадробераў? Іх і больш, і... я не ведаю, карацей»
🔥 У Менску пасля трох гадовага перапынку зноў пачалі рэгістраваць ІП
Пра гэта паведамляецца на сайце Мінгарвыканкама.
з 2021 года рэгістрацыя індывідуальных прадпрымальнікаў у Менску была прыпыненая быццам бы «па тэхнічных прычынах»
📌 «BELPOL»: мільёны долараў ад даходу «БелАЗ» ідуць у кішэні набліжаных да Лукашэнкі, а прадпрыемства амаль нічога не зарабляе
З аднаго самазвала «БелАЗ» коштам ад $2 млн да $7 млн прадпрыемства губляе палову ад названай сумы.
А ўсё з-за адной фірмы-пасярэдніка, набліжанай да сям'і дыктатара, паведамляе «BELPOL».
👉 Працяг вялікага расследавання «BELPOL» чытаць ПА СПАСЫЛЦЫ.
Дабрыдзень, дарагія чытачы!
Гэта дастаўка ранішняй прэсы. Сабралі для вас найбольш цікавыя матэрыялы «Белсату», які вы маглі прапусціць:
⭕️«Фенікс беларушчыны»
Што беларусы кажуць пра нацыянальную ідэнтычнасць?
⭕️«Болей не можам сядзець склаўшы рукі»
Літва растлумачыла зварот у суд у Гаазе супраць Лукашэнкі.
⭕️«BELPOL»: «БелАЗ» амаль нічога не зарабляе – мільёны долараў у набліжаных да Лукашэнкі
«БелАЗ» недаатрымлівае мільёны долараў даходаў, а беларускі бюджэт падаткаў праз пасрэдніцкія схемы набліжаных да сям'і Аляксандра Лукашэнкі.
#штопачытаць
🏀 У тэатры на Мангэтане прэзентавалі спектакль, галоўную ролю ў якім грае баскетбалістка Кацярына Сныціна
Прычым грае яна самую сябе, таму вялікіх высілкаў для пераўвасаблення ў сцэнічны вобраз не спатрэбілася.
Пра якую пастаноўку гаворка і як яна нагадвае публіцы пра праблему беларускіх палітвязняў – глядзіце ў нашым відэа ☝️
💁🏻♂️ Футбаліст гарадзенскага «Нёмана» быў так расчараваны заменаю, што ўдарыў нагою ў рэкламны банэр каля поля і паламаў яго
Такое раз-пораз здараецца ў футболе, але тут банэр быў не звычайны, а вельмі важны для сучаснай беларускай ідэалогіі. На ім была згадка пра 80 гадоў вызвалення Беларусі ад нямецка-фашысцкіх захопнікаў.
Ягор Зубовіч гэтага не заўважыў. А калі даведаўся, давялося запісваць відэа з выбачэннямі. Таксама Зубовіч паабяцаў адрамантаваць рэкламную канструкцыю за ўласны кошт.
🔴 «Аб’ектыў» – галоўныя падзеі дня!
У сённяшнім выданні:
🔸 Літва перадала матэрыялы аб злачынствах рэжыму Лукашэнкі ў Міжнародны крымінальны суд у Гаазе
🔸Змітру Дашкевічу дадалі новы тэрмін зняволення
🔸Ва Узброеных сілах РБ зноў праверка баегатовасці
🔸На беларуска-польскай мяжы змяняюцца правілы чакання ў чарзе
Далучайцеся да эфіру ⤵️
«Больш не можам сядзець склаўшы рукі»
Спачатку ордэр на Пуціна, цяпер на Лукашэнку — Літва ўжо другі раз звяртаецца да Гаагі дзеля арышту узурпатараў.
Ці атрымаецца ў іх гэтым разам? Каментуе міністарка Літвы ПА СПАСЫЛЦЫ (праз VPN)
«Мы сапраўды гэтага не ведалі, бо гэта вельмі мілая сястра»
Рэакцыя сястры Свята-Елісавецінскага манастыра на простае пытанне нашага журналіста – як меней дзіўная. Паглядзіце!
Артыкул пра тое, як Свята-Елісавецінскі манастыр гандлюе ў Польшчы, чытайце ПА СПАСЫЛЦЫ (праз VPN)
«Лукашэнка ж не Пуцін, яго можна выдаць»
Палітычны аналітык Аляксандр Фрыдман, падзяліўся сваім меркаваннем па перадачы ў Гаагу дакументаў па злачынствах рэжыму
Паглядзіце!
❤️ «Паклон табе, мой беларускі краю!..»
Сёння нарадзіўся Ніл Гілевіч — народны паэт, перакладчык, літаратуразнаўца і фалькларыст.
Пісаць вершы ён пачаў, калі яму было ўсяго дзевяць гадоў. А легендарная беларуская паэтка Ларыса Геніюш, якая была даволі крытычная да многіх беларускіх пісьменнікаў, пра Гілевіча яна выказвалася з нязменнай любоўю і пашанай.
Сабралі для вас яшчэ некалькі цікавых фактаў з жыцця паэта.
❗️Літва перадала ў Міжнародны суд у Гаазе дакументы па злачынствах рэжыму Лукашэнкі
Гэта азначае, што Лукашэнка і прадстаўнікі рэжыму могуць атрымаць міжнародны ордэр на арышт. Доказы злачынстваў збірала каманда НАУ і перадала іх Мінюстыцыі Літвы.
Пасля падачы дакументаў пракурору ў Міжнароднага крымінальнага суда з'явіцца магчымасць расследаваць сітуацыю са злачынствамі супраць чалавечнасці ў Беларусі. Дакументы ўключаюць такія злачынствы, як дэпартацыя і пераслед рэжымам беларусаў за мяжой.
«Мы стварылі гістарычны прэцэдэнт – бо ўпершыню ў гісторыі ў фокусе ўвагі Міжнароднага крымінальнага суда будзе кантэкст маштабных міжнародных злачынстваў у Беларусі. І гэты крок, гэты прэцэдэнт і гэты працэс ужо нельга спыніць», – заявіў Павел Латушка.
Калі Лукашэнка «атрымае» ордэр, яго могуць арыштаваць у любой краіне-ўдзельніцы Рымскага статута. Раней такі ордэр «атрымаў» Пуцін.
Падрабязней чытайце ПА СПАСЫЛЦЫ (праз VPN)
Ого, гэта сапраўдны парад павертаных шароў з кантрабандай
Аказваецца, Літоўскія службы толькі за месяц зафіксавалі 250 парушэнняў мяжы шарамі з Беларусі. Найчасцей такім чынам незаконна перамяшчаюцца менавіта цыгарэты.
Учора, напрыклад, адзін з такіх паветраных шароў вылецеў з Беларусі і прызямліўся проста ў аэрапорце Вільнюса, везучы 20 кг цыгарэт.
#лічбадня
Навальнага маглі атруціць яшчэ раз у турме
Выданне The Insider вывучыла афіцыйныя дакументы аб смерці палітыка і знайшло сімптомы, падобныя на дзеянне «Навічка».
«Афіцыйная прычына смерці — парушэнне сардэчнага рытму — ніяк не тлумачыла б тыя сімптомы, якія мы бачым у пастанове: рэзкі боль у жываце, ваніты і сутаргі. Няўжо такія сімптомы можна растлумачыць чымсьці, акрамя атручэння?»
Паводле лекара, гэта мог быць той самы «Навічок», толькі не пры наскурным ужыванні, а пры ўнутраным.
Лідарам «Хізбулы» стаў стрыечны брат Хасана Насралы
Яго завуць Сафі ад-Дзін, і яго называюць «ценявым кіраўніком» групоўкі. Раней ён займаўся фінансавымі пытаннямі баявікоў.
Сафі ад-Дзін з 2017 года знаходзіцца ў спісе вышукваемых тэрарыстаў ЗША.
🔥 Прэс-канферэнцыя ў Гаазе аб злачынствах Лукашэнкі
Трансляцыю прэс-канферэнцыі з амбасады Літвы ў Гаазе з удзелам літоўскага намеснікі міністра юстыцыі, Святланы Ціханоўскай ды Паўла Латушкі можна глядзець ТУТ 👈
🔥 «Расейскі Фелікс супраць беларускага Фенікса»
Беларуская аналітычная майстэрня пад кіраўніцтвам прафесара Андрэя Вардамацкага запытала беларусаў пра нацыянальныя каштоўнасці.
У выніку даследавання сацыёлагі параўналі нацыянальную ідэнтычнасць беларусаў «Феніксам», бо колькі б разоў яе не спрабавалі зруйнаваць, яна ўсё роўна адраджалася.
👉 Чытаць падрабязней ПА СПАСЫЛЦЫ
🔺Цагаль пачаў наземную аперацыю на поўдні Лівана
Пра гэта паведамляе Міністэрства абароны Ізраілю:
«Некалькі гадзінаў таму Цагаль распачаў абмежаваныя, лакалізаваныя і мэтавыя наземныя рэйды супраць тэрарыстычных аб'ектаў і інфраструктуры «Хізбулы» на поўдні Лівана. Гэтыя мэты размешчаны ў вёсках непадалёк ад мяжы і ўяўляюць непасрэдную пагрозу грамадам на поўначы Ізраілю».
💥 #галоўнае за 30 верасня
▫️Літва перадала ў Міжнародны суд у Гаазе дакументы па злачынствах рэжыму Лукашэнкі.
▫️Немец, на плантацыях якога працуюць палітвязні, магчыма звязаны з колам Лукашэнкі.
▫️250 паветраных шароў з кантрабандай прыляцелі ў Літву з Беларусі. І гэта толькі за месяц.
▫️Навальнага маглі атруціць яшчэ раз у турме. Падобна на дзеянне «Навічка».
▫️У Аўстрыі перамагла Партыя Свабоды, якая выступае за зняцце санкцый з Расеі.
І навіны рэпрэсіяў:
▪️Змітру Дашкевічу прысудзілі яшчэ 1 год і 3 месяцы.
▪️У Магілёве судзяць мужчыну за «камеру на выбарчым участку».
▪️Дваіх сяброў затрымалі за ўдзел у паслявыбарчых акцыях пратэсту.
▪️Сям'ю з Баранавічаў асудзілі на 12 і 8 гадоў за «здраду дзяржаве». У іх на волі засталіся трое дзяцей.
▪️Праўладнага блогера судзяць за «дыскрэдытацыю Беларусі».
▪️Менскага бізнесоўца будуць судзіць па трох артыкулах за данаты.
📍Падчас крушэння расейскага верталёту ў Пакістане загінуў грамадзянін Беларусі
Прычым мужчына быў не простым пасажырам, а камандзірам паветранага судна. Тэлеграм-канал @aviatorshina паведамляе, што яго звалі Сяргей Кошалеў і яму было 58 гадоў. Другі пілот ды борт-інжынер былі грамадзянамі РФ.
Прычынаю катастрофы Мі-8, які 28 верасня ўзлятаў з пасадачнай пляцоўкі Шэва, стала адмова аднаго з рухавікоў на вышыні прыкладна 200 метраў. Экіпаж паспрабаваў пасадзіць верталёт, аднак у працэсе развалілася хваставая балка ды лопасці нясучага вінту. Усе чальцы экіпажу загінулі, таксама мёртвымі знайшлі трох пасажыраў.
Усяго на борце было 18 чалавек.
☝️Мала хто ведае, але ля вытокаў штучнага інтэлекту стаялі не толькі вядомыя сусветныя карпарацыі кшталту Google, але і Лукашэнка
Ён бы, безумоўна, ужо выйшаў у адзінаасобныя лідары ў гэтай галіне, калі б эксперта ва ўсіх сферах на свеце не «кінуў» арабскі інвестар.
🔍 Пра больш удалыя стартапы ў сферы высокіх тэхналогіяў глядзіце ў свежым выданні «Навінаў з будучыні» на канале «Белсат LIFE»
🫥 «Калгас – гэта чорная дзірка»
Чумы свіней у Беларусі няма, але ў гаспадарках на магільнікі адпраўляюць цэлыя пагалоўі, а паморак быдла з прычынаў кепскай ежы і ўмоваў утрымання стаўся проста рэкордным. Па гэта стала вядома з дакументаў, якімі з намі падзяліўся «BELPOL».
Распавядаем, як ідуць справы ў беларускай сельскай гаспадарцы ў нашым відэа, паглядзіце!
Cюжэт цалкам глядзіце ў праграме «Тыдзень» 🎬
😡 Змітру Дашкевічу прысудзілі яшчэ 1 год і 3 месяцы
Палітвязня абвінавацілі ў «парушэнні грамадскага парадку» і «непадпарадкаванні патрабаванням адміністрацыі калоніі». Новы тэрмін яму прызначыла «суддзя» Анастасія Кулік.
Нагадваем, у 2022 годзе Дашкевіча асудзілі на 1,5 года калоніі, яго жонку — на тры гады хатняй «хіміі». У 2023 годзе ён павінен быў выйсці, але яго зноў арыштавалі і дадалі яшчэ год.
#рэпрэсіі
Катастрофа, якую хавае Белстат
Наша краіна знаходзіцца на 210 месцы з 228 па нараджальнасці! Акрамя таго, за 30 годаў беларусаў стала на мільён асобаў менш. І гэта без прыродных катаклізмаў і ваенных канфліктаў!
Ці азначае гэта, што праз стагоддзі Беларусь можа проста знікнуць? Разабраліся разам з Кныровічам: youtu.be/S5P9G12yemA
Тэкставую версію чытайце ПА СПАСЫЛЦЫ (праз VPN)
📺 Навіны за 5 хвілін
🔻Фэйкавы дакумент нібыта ад Лукашэнкі на сайце БТ.
🔻Сябра Пуціна і Орбана - распавядзем пра пераможцаў выбараў у парламент Аўстрыі.
🔻250 паветраных шароў з цыгарэтамі за месяц зафіксавалі літоўскія памежнікі.
🔻У Хізбулы будзе новы лідар замест ліквідаванага.
Глядзіце ў кароткім выданні навін на Белсаце.
Расейскі рубель патаннеў, калі даведаўся пра Гаагу і Лукашэнку
Жартуем :) Сёння ў нас звычайныя навіны курсаў валютаў: долар з еўра падаражэлі, а расейскі рубель патаннеў.
#курсывалютаў
Немец, на плантацыях якога працуюць палітвязні, магчыма звязан з колам Лукашэнкі
Дэпутат Ёрг Дорнаў з правапапулісцкай партыі «Альтэрнатыва для Нямеччыны» частна наведвае Беларусь. Тут ён валодае кампаніяй «Цыбулька-Бел», з цыбулёвымі плантацыямі. Як стала нядаўна вядома — на іх працуюць асуджанные беларусы, у тым ліку па палітычных матывах.
«Мяркуючы па ўсім, Ёрг заручыўся падтрымкай свайго бізнэсу з колаў Лукашэнкі», — піша выданне ntv.
Сам Ёрг пазбягае журналістаў і не з’яўляецца ў парламенце. Ён не адказвае на пісьмовыя запыты і на тэлефанаванні.
🤩 У Кітаі зладзілі эпічнае шоу дронаў, якое патрапіла ў Кнігу рэкордаў Гінэса
Нават на відэа гэтая карціна моцна ўражвае, а можаце ўявіць як яна выглядала ў рэальнасці?
Паглядзіце!
«России нужно было объяснить, что беларусов и украинцев не существует»
Доктар навук распавёў, як пачыналася каланіальная палітыка Расеі
Хто і навошта прыдумаў ідэю, што Украіны не існуе, чытайце ПА СПАСЫЛЦЫ (праз VPN)
Валер Цапкала прапануе прагаласаваць на «выбарах» 2025 за любую альтернатыву
«Калі з’явіцца які-небудзь чалавек, які апынецца не баязліўцам, які-небудзь беспрацоўны, “бомж”, і так далей, то такога ў першую чаргу трэба будзе падтрымліваць», — мяркуе палітык.
Акрамя таго, Цапкала заявіў, што Лукашэнка знаходзіцца на гарманальных прэпаратах, мае тромбаўтварэнне і ў любым момант можа трапіць у больніцу.