42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤔«Людзі ў Беларусі пачалі жыць даўжэй, толькі чамусьці беларусаў зрабілася менш на мільён»
Чыноўнікі перакананыя: працягласць жыцця ў Беларусі значна павялічылася. Але з гэткай гучнай заявай могуць не пагадзіцца беларускія мужчыны, якія ў сярэднім жывуць на 14 гадоў менш за жанчынаў.
Як насамрэч выглядае сітуацыя і што з ёй рабіць, распавядаем у нашым відэа. Паглядзіце!
😡 Новыя схемы тэлефонных махляроў. Цяпер яны дзейнічаюць ад імя Wildberries
Злачынцы тэлефануюць і паведамляюць, што з тэлефоннага нумара карыстальніка ў акаўнце Wildberries аферысты спрабуюць аформіць крэдыт. Пасля чаго перанакіроўваюць да нібыта супрацоўніка праваахоўных органаў, які паведамляе, што махляры адкрылі ад імя карыстальніка крэдыт у банку і «адмываюць» грошы. Па гэтай прычыне ў кватэры грамадзяніна правядуць ператрус, а таксама выключаць усе незадэклараваныя сродкі. Каб пазбегнуць гэтага, аферысты прапануюць перавесці грошы на «спецыяльны рахунак».
Яшчэ адна схема — пад выглядам падаткавай службы.
👉 Як яны гэта робяць і як асцерагчыся ад такіх злачынцаў, глядзіце ў праграме «Аб’ектыў».
▪️Больш за тры дзясяткі чалавек судзяць паводле «народнага» артыкулу на гэтым тыдні
Як мінімум 33 чалавекі будуць судзіць у Беларусі з 2 па 6 верасня паводле ч.1 арт.342 Крымінальнага кодэксу, паведамляюць праваабаронцы «Вясны». Усіх абвінавачваюць ва ўдзеле ў паслявыбарчых акцыях пратэсту ў 2020 годзе. Паралельна працягваюцца затрыманні.
Лідарамі па пераследу застаюцца Менск і Берасцейшчына. Гэтак, 4 верасня ў судзе Брэсцкага раёна будуць судзіць адразу 11 чалавек, а на наступны дзень у судзе Бярозаўскага раёна пачнецца працэс над чатырма мясцовымі жыхарамі.
📆 Паводле інфармацыі «Вясны», агулам з 2020 года паводле «народнага» палітычнага артыкулу асудзілі мінімум 2 579 чалавек.
#рэпрэсіі #лічбадня
📍«Беларускі Гаюн»: ноччу Shahed зноў залятаў на тэрыторыю Беларусі
Паводле інфармацыі маніторынгавага праекту, БПЛА заляцеў на тэрыторыю нашай краіны з боку Чарнігаўскайвобласці і рухаўся ў накірунку Брагіна, а пасля вярнуўся ва Украіну курсам на Чарнобыльскую зону.
У паветранай прасторы Беларусі Shahed правёў 20 хвілінаў.
😡У Манголіі Пуціна не арыштавалі, а сустрэлі чырвонай дарожкай
Расейскі дыктатар прыляцеў у гэтую краіну з афіцыйным візітам 2 верасня.
Манголія падпісала Рымскі статут, і мусіць выконваць ордэр Міжнароднага крымінальнага суда, які быў выдадзены 17 сакавіка 2023 года. Паводле ордэру, Пуцін нясе адказнасць за незаконную дэпартацыю дзяцей з акупаваных тэрыторыяў Украіны.
Аднак па прыездзе ў Манголію расейскага дыктатара сустрэла ганаровая варта і чырвоная дарожка.
👆На гэтую падзею адрэагаваў афіцыйны прадстаўнік МЗС Украіны Георгій Ціхі:
«Невыкананне ўрадам Манголіі абавязковага ордэру МУС на арышт Пуціна стала сур'ёзным ударам па Міжнародным крымінальным судзе і міжнароднай сістэме крымінальнага правасуддзя».Читать полностью…
Дабрыдзень, сябры!
Не ведаеце, што пачытаць раніцою? сабралі для вас найбольш цікавыя матэрыялы "Белсату", якія вы маглі прапусціць:
🔸«Усе пайшлі ў школу»?
На беларуска-польскай мяжы раптоўна знікла чарга аўтобусаў
🔸«Забіваюць голадам»
Сястра Калеснікавай просіць для палітзняволенай доступ да неабходнай ежы
🔸«Галоўны мэсанджар вайны»
Якое значэнне мае Telegram для Украіны і Расеі?
#штопачытаць
💥 #галоўнае за 2 верасня
✔️ Новыя падручнікі па гісторыі Беларусі раскажуць пра «дзяржпераварот» у 2020 годзе
✔️ У Ізраілі абвешчаны нацыянальны страйк
✔️ Пайшоў з жыцця вядомы беларускі спартовец Аляксандр Мядзведзь
✔️ Міністэрства абароны правядзе зборы ля польскай мяжы
✔️ Радослаў Сікорскі лічыць, што суседзі Украіны павінны збіваць расейскія ракеты
✔️ Паўднёвая Карэя абвінавачвае Telegram у спрыянні і падбухторванні да злачынстваў на сексуальнай глебе
✔️ Буферная зона на мяжы з Беларуссю працягне дзейнічаць яшчэ тры месяцы
✔️ Улады Бельгіі правяраюць інфармацыю пра пастаўкі беларускай драўніны у абыход санкцыяў
✔️ Што значыць «В» на ваеннай тэхніцы, прыкмечанай у Беларусі? Версія «Беларускага гаюна»
😮 У немца скралі трактар «Беларус». Наўпрост з поля
Здарэнне адбылося недалёка ад Рэны: там у мясцовага фермера выкралі старэнькі трактар «Беларус» і прэс-падборшчык саломы. Арыенціровачны кошт трактара — каля 10 000 еўра.
Пошукамі цяпер займаецца крымінальная паліцыя. Гаспадар «Беларуса» размясціў абвесткі аб пошуку трактара таксама і ў сацыяльных сетках, але пакуль што гэта не дала выніку.
🪵 Улады Бельгіі правяраюць інфармацыю пра пастаўкі беларускай драўніны у абыход санкцыяў
У сярэдзіне жніўня «Белсат» са спасылкаю на ўласную крыніцу напісаў, што беларускую драўніну пачалі пастаўляць у ЕЗ пад выглядам кітайскай.
☝️ У бельгійскай мытнай службе на запыт «Белсату» адказалі, што ў дачыненні кітайскага імпарту ўжо распачатае правяранне.
І заўважылі, што сапраўды наменклатура гэтага імпарту адрозніваецца ад той прадукцыі, якая раней пастаўлялася з Беларусі:
«У імпарце з Кітаю маюцца не тыя вырабы дрэваапрацоўвання, што раней імпартаваліся з Беларусі»
📌 Польскі МУС узгадніў праект, паводле якога буферная зона на мяжы з Беларуссю працягне дзейнічаць яшчэ тры месяцы
Кіраўнік Міністэрства ўнутраных справаў і адміністрацыі Чэслаў Мрочак кажа, што праект ужо вынесены на міжведамасныя кансультацыі і адначасова на кансультацыі з прадстаўнікамі рэгіянальнай і мясцовай адміністрацыі.
☝️ Нагадаем, што буферная зона на польска-беларускай мяжы пачала дзейнічаць з 13 чэрвеня 2024 года. Яна была ўсталяваная незабаве пасля выпадку ранення польскага памежніка адным з мігрантаў. Знаходжанне ў гэтай зоне забароненае.
😳 На памежным пераходзе «Берасце – Тэрэспаль» няма чаргі аўтобусаў
Яшчэ 1 верасня беларусы ў чатах, як звычайна, наракалі на доўгі час чакання пераходу мяжы аўтобусам праз Берасце.
А ўжо 2 верасня чарга з аўтобусаў па беларускі бок практычна знікла.
👉 Разбіраліся, што адбываецца
🐳 У Нарвегіі памёр кіт-бялуха па мянушцы Хвалдзімір, якога падазравалі ў шпіянажы на карысць Расеі
Пра гэта паведамляе New York Times. Прычына смерці не ясная.
Кіт атрымаў сваё імя ад нарвежскага hval (кіт) і папулярнага ў Расеі імяні Уладзімір.
😎 Хвалдзіміра празвалі шпіёнам, таму што на момант яго выяўлення паблізу Нарвегіі ў 2019 годзе на ім былі рамяні з адзнакай «Санкт-Пецярбург» і крапеж для камеры.
Хвалдзімір прыплыў адзін, без тыповай для бялух групы. Ён не баяўся судоў і сам набліжаўся да людзей. Па словах спецыялістаў, кіт большую частку жыцця правёў у няволі, таму цягнуўся да чалавека.
😡 На грузінска-армянскай мяжы затрымалі беларуску. На радзіме яе шукаюць па «пратэстным» артыкуле
Пра затрыманне беларускі Дзіяны Маісеенка паведаміў у сваім акаўнце на «Facebook» юрыст Алесь Міхалевіч.
Паводле Міхалевіча, дзяўчыну затрымалі праз тое, што ў Беларусі яна знаходзіцца ў вышуку паводле артыкулу 342 ч.1 КК – «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Згодна з гэтым артыкулам ёй пагражае да чатырох гадоў пазбаўлення волі.
👉 Чытаць падрабязней тут
📺 Навіны за 5 хвілін
✔️У беларускіх школах прайшлі ўрачыстыя лінейкі
✔️Лукашэнка сустрэўся з студэнтамі Віцебскага ўніверсітэту
✔️Сястра Марыі Калеснікавай заклікала зарганізаваць палітзняволенай неабходнае харчаванне
✔️Расея чарговы раз атакавала ўкраінскую сталіцу
✔️Арына EСабаленка прабілася ў чвэрцьфінал Адкрытага чэмпіянату EЗША па тэнісе
✔️Жыхары Мазыра ўсцяж сутыкаюцца з адсутнасцю вады
✔️Беларускія выпускнікі пачнуць вывучаць падзеі 2020-га як спробу дзяржаўнага перавароту
Глядзіце ў кароткім выданні навін на Белсаце 💻
🤔 Ролік «Міністэрства сепультуры» пра гурт ЛСП выдалены з YouTube праз скаргу праваўладальніка
Журналіст і крытык Аляксандр Чарнуха паведаміў у сваіх сацсетках, што новы ролік, прысвечаны гурту ЛСП, які ўчора выйшаў на яго Youtube канале «Міністэрства сепультуры» быў выдалены «праз скаргу праваўладальніка».
Чарнуха мяркуе, што гэта адбылося праз крытыку ў бок гурту.
«Гэта першы такі выпадак на канале. Тут былі розныя відэа, у тым ліку даволі крытычныя.Читать полностью…
Але сёння я атрымаў на пошту ліст пра тое, што ролік выдалены праз скаргу праваўладальніка. Не аўтаматычную, бо ў роліку выкарыстоўваюцца выключна азнаямляльныя фрагменты не больш за 5 секунд. Фармальная нагода — парушэнне аўтарскіх правоў. Але на YouTube багата кампліментарных ролікаў пра ЛСП, у якіх выкарыстоўваюцца фрагменты песень гурта. То-бок прычына менавіта ў кантэксце відэа Міністэрства сепультуры. Такога не рабілі нават сёстры Груздзевы».
«Каб праз 5 гадоў не апынуцца ў той самай кропцы». Беларускае пытанне ўзнялі на найбуйнейшым у Цэнтральнай Еўропе аналітычным форуме
У Чэхіі завяршыўся міжнародны форум у справе бяспекі «GLOBSEC». Адна з панэляў канферэнцыі была прысвечаная Беларусі.
Што казалі пра нашую краіну ды да якой стратэгіі заклікалі Еўропу, глядзіце ў сюжэце «Аб’ектыву» 🔼
🤯 12 гадоў за тое, што твой твіт сабраў больш падабаек чым твіт вярхоўнага лідара краіны
Не, гэта не навіны рэпрэсій з Беларусі. Гэта Іран.
🤦♀️ Мясцоваму блогеру Хасейну Шанбехзадэ прысудзілі 12 гадоў турмы за твіт з адной кропкай, які ён напісаў у адказ на пасаду вярхоўнага лідара краіны Алі Хамэйні. Твіт набраў значна больш падабаек, чым пост Хамэйні.
Па словах адваката блогера, Шанбехзадэ прысудзілі пяць гадоў «за прапаганду на карысць Ізраіля», чатыры — «за абразу ісламскіх святыняў», два — за «распаўсюджванне лжывай інфармацыі» і год за «антыдзяржаўную прапаганду».
🫤 У 2019 годзе Шанбехзадэ ўжо трапляў у турму. Пасля пратэстаў з-за шматразовага павелічэння цэнаў на паліва ў Іране. Тады блогера абвінавацілі ў абразе святыняў і лідара Ісламскай рэспублікі.
😐 У Беларусі ІП больш не змогуць займацца арганізацыяй культурна-відовішчных мерапрыемстваў
Такое рашэнне прыняў Саўмін пастановаю ад 20 жніўня. Згодна з дакументам, ІП не змогуць займацца:
🔹дзейнасцю ў сферы выканальніцкіх мастацтваў;
🔹дзейнасцю, якая спрыяе правядзенню культурна-відовішчных мерапрыемстваў.
Таксама з'явіліся змены для тых, хто займаецца самастойнай прафесійнай дзейнасцю. Яны не змогуць займацца «дзейнасцю, якая ажыццяўляецца па заказах спажыўцоў і звязаная з віншаваннем з днём нараджэння, Новым годам і іншымі святамі незалежна ад месца іх правядзення».
Да канца 2025 года прадпрымальнікі павінны перайсці ў юрыдычную асобу, калі яны хочуць працягваць ажыццяўляць такія віды дзейнасці.
🔺Reuters: Амерыканскія расследвальнікі выявілі імавернае месца разгортвання новай расейскай ядравай ракеты
Гаворка ідзе пра крылатую ракету з ядравым зарадам 9М370 «Буревестник».
Паводле амерыканскіх расследвальнікаў Дэкера Эвелета і Джефры Льюіса, імавернае месца разгортвання гэта ракеты знаходзіцца ў 475 км ад Масквы каля пасёлку Чэбсара ў Валагодскай вобласці.
«Гэтае месца прызначана для вялікай стацыянарнай ракетнай сістэмы, а адзіная вялікая стацыянарная ракетная сістэма, якую Расея ў цяперашні час распрацоўвае, - гэта «Буревестник»,
◾️Праз ракетны ўдар па Запарожжы загінула 8-гадовае дзіця
Расейцы абстралялі горад калі 23:00
У выніку загінула жанчына і 8-гадовы хлопчык, 12-гадовая дзяўчынка і мужчына атрымалі раненні. Цяпер дзяўчынка знаходзіцца ў рэанімацыі, яе стан цяжкі. Мужчына знаходзіцца ў стане сярэдняй цяжкасці.
Таксама ў ракетны ўдар быў у Дняпры (на фота). Праз яго загінуў 1 чалавек, яшчэ 6 атрымалі раненні.
🎹 Гурт NOCHY прэзентаваў новы сінгл «Процьма»
Па словах удзельнікаў, там падымаюцца «вострыя сацыяльныя пытанні газлайтынга і аб’юза ў стасунках да дзяўчыны».
🎧 Паслухаць тут
#штопаслухаць
#рэпрэсіі Асноўнае за 2 верасня
🔻 Сёння пачалі судзіць прадстаўнікоў мінскага стартап-хаба «Імагуру»
🔻 Менчука судзяць за ўдзел у пратэстах
🔻 Сястра Марыі Калеснікавай заклікала забяспечыць палітзняволенай неабходнае харчаванне
🔻 У Менску затрымалі мужчыну за ўдзел у паслявыбарчых пратэстах
🔻 Палітвязня, якога раней асудзілі за лайк, зноўку судзяць — цяпер яму пагражае да 15 гадоў калоніі
🔻 Сёння пачынаецца судовы працэс над палітзняволенай Марынай Гацурай
🔻 Палітвязню Арцёму Лапікаву збіраюцца ўзмацніць пакаранне
🔻Затрымалі страхавога агента кампаніі DSD Insurance
🔻За ўдзел у «масавых беспарадках» затрымалі мужчыну
❓ Што значыць «В» на ваеннай тэхніцы, прыкмечанай у Беларусі?
Паводле адной з версіяў, якая высоўвалася ў некаторых публікацыях, «В» магло абазначаць прыналежнасць тэхнікі да ПВК Вагнэра
Аднак аўтары маніторынгавага каналу «Беларускі гаюн» выдвінулі сваю версію.
👉 Чытаць падрабязней тут
🔴 «Аб’ектыў» – галоўныя падзеі дня!
У сённяшнім выданні:
🔸 Ці наблізяць намаганні Паўла Латушкі і Шымана Галоўні вызваленне палітвязняў?
🔸 Падзеі 2020 году ўключаць у школьную навучальную праграму. Але не так, як хацелася б
🔸 Беларусы сталі жыць на пяць гадоў даўжэй. Але радавацца рана
🔸Ад недахопу кадраў у некаторых школах Менску настаўнікаў пачатковых класаў пачалі прыцягваць да выкладання ў пяцікласнікаў
Далучайцеся да эфіру ⤵️
📌 Беларуска, затрыманая ў Арменіі, на волі
Да вырашэння справы Дзіяны Маісеенкі падключыўся Офіс Святланы Ціханоўскай. У ім адзначылі, што працягваюць працу з армянскім МЗС датычна выпадку дзяўчыны і іншых беларусаў, якіх вышуквае рэжым Лукашэнкі паводле палітычных прычын.
Армянскі бок запэўніў прадстаўнікоў Офісу ў тым, што Ерэван не будзе выдаваць рэжыму Лукашэнкі пераследаваных па палітычных прычынах грамадзян Беларусі.
«Дзякуючы сумесным намаганням, Дзіяна ўжо на свабодзе. Спадзяемся, што і астатнія выпадкі таксама вырашацца пазітыўна»Читать полностью…
🔥 Беларусы могуць выбраць саўндтрэк беларускага лета – 2024
Платформа «Новая Беларусь» і аўтар YouTube-канала «Міністэрства Сепультуры» Аляксандр Чарнуха прапануюць беларусам выбраць лепшы беларускі саўндтрэк гэтага лета. Для галасавання ёсць роўна тыдзень.
Як адзначаюць аўтары ідэі, імі быў створаны адмысловы плэйліст з 18 кампазіцыяў, якія беларускія музыкі выпускалі цягам трох апошніх месяцаў.
👉 Паглядзець поўны спіс намінантаў можна на YouTube.
🫥«Мне сказалі, што мяне дэпартуюць са Швецыі ў Расею»
У некаторых краінах беларусам адмаўляюць у палітычным прытулку. У некаторых атрымліваецца атрымаць прытулак у іншых краінах, некаторыя - абскарджваюць такое рашэнне ў судзе, а іншыя трапляюць за краты пасля дэпартацыі ў Беларусь.
Чаму так адбываецца і што рабіць, глядзіце ў нашым відэа.
🤔 «Лукашэнка хацеў бы сысці, але пасля ўсяго таго, што ён нарабіў, гэта не магчыма зрабіць проста так мірным шляхам»
Дык сыдзе Лукашэнка сам ці не?
Гэтае пытанне задаў вядоўца праграмы «Тыдзень» Ігар Кулей аналітыку Сяргею Чаламу і заснавальніку праекту «NEXTA» Сцяпану Пуціле.
Меркаванні разышліся 🤷♀️
Цалкам размову глядзіце на нашым youtube канале БЕЛСАТ news
🤯Ён жыве паводле распісанага Лукашэнкам плану дня, месяца і года
З 4 гадоў малодшы сын дыктатара Мікалай жыве паводле пратаколу, суправаджае свайго бацьку ў міжнародных паездках, бегаў узброены і ў поўнай экіпіроўцы падчас пратэстаў у 2020 годзе і прысутнічаў на патаемна інаўгурацыі
Распавядаем пра жыццёвы багаж 20-цігадовага Мікалая і ўяўляем ягоную будучыню. Паглядзіце! 👉
😡 «Ні па якіх законах, Божым і чалавечым, марыць голадам хворага чалавека ў турме нельга»
Сястра Марыі Калеснікавай Таццяна Хоміч просіць забяспечыць палітзняволеную неабходным харчаваннем, лячэннем, а таксама дапусціць да яе родных і аднавіць з імі перапіску.
«Карміць язвенніка баландай – гэта катаваць яго і павольна забіваць. Не даваць чалавеку права на перапіску з сям'ёй – паскараць гэтую смерць. Маша не ведае, ці жывы тата і як яго здароўе. Мы не ведаем, як яе кормяць і лечаць»