42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💶 Еўракамісія пастанавіла павялічыць кошт Шэнгенскай візы
Новаўвядзенне набудзе сілу з 11 чэрвеня. Вось колькі давядзецца плаціць за візу пачынаючы ад гэтай даты:
✅ Праз VPN ❎ Без VPN
🔴 «Аб’ектыў» – галоўныя падзеі дня!
У сённяшнім выданні:
🔸 Міжнародны дзень салідарнасці з беларускімі палітвязнямі і дзень памяці Вітольда Ашурка
🔸 У Польшчы затрымалі падазраваных у дыверсіях і сабатажы. Сярод іх ёсць беларусы
🔸 Паліна Шарэнда-Панасюк не выйшла на волю
🔸 У Беларусі даражэе аўтамабільнае паліва
Далучайцеся да эфіру ⤵️
https://www.youtube.com/live/rXAmPi_wSZo
📺Адразу пасля «Аб'ектыву» а 20.30 па менскім часе запрашаем да прагляду «Студыя Белсат» – абмяркоўваем актуальныя падзеі дня з нашымі гасцямі!
🚌 У сталіцы зноў задыміліся МАЗы
Літаральна на выходных такое ўжо здарылася ў цэнтры Менску. А раней беларускія МАЗы рэгулярна гарэлі ў Санкт-Пецярбургу.
Гэтым разам зафіксаваныя адразу два выпадкі: ва Уруччы і каля метро «Пятроўшчына». У першай сітуацыі (на відэа) да загарання прывяло закліньванне генератара. Кіроўца самастойна патушыў полымя, а пасля аўтобус адбуксіравалі ў парк.
У другім выпадку спрацавала аўтаматычная сістэма пажаратушэння. У абодвух здарэннях абыйшлося без пацярпелых.
💦 Халодны душ у менскім гандлёвым цэнтры
Сведкамі гэткай карціны ўчора ўвечары сталі наведвальнікі рэстарану «Васількі» ў ГЦ Galileo. Плыні вады, якія ўтварыла магутная залева, прабілі столь і паліліся на сталы і падлогу. На шчасце, ніхто не пацярпеў.
Учора ўвечары Менск накрылі моцныя дажджы, у выніку якіх быў падтоплены шэраг вуліцаў.
📹 Відэа: чытачы Onliner
📍Да выбараў у Каардынацыйную раду засталося ўсяго чатыры дні. Прапануем вам паўдзельнічаць у рэпетыцыі галасавання ў нашым тэлеграм-канале
Учора мы сфармавалі два паўфіналы (у кожным было па 6 спісаў). Згодна з вынікамі галасавання ў паўфіналах сёння мы робім фінальнае галасаванне. У яго патрапілі па чатыры найлепшыя спісы з кожнага паўфіналу (таксама будуць варыянты «іншы спіс» і «супраць усіх»).
👀 Пазнаёміцца бліжэй з прадстаўнікамі кожнага спісу можна, пераходзячы па спасылках вось у гэтым пасце
😨 На борце самалёту, які ляцеў з Лондана ў Сінгапур, загінуў адзін з пасажыраў. Прычына – моцная турбулентнасць
Яшчэ каля 30 чалавек атрымалі траўмы. Хутчэй за ўсё, і загінулы, і параненыя не былі прышпіленыя рамянямі бяспекі.
Звычайна ў выпадку набліжэння да зоны турбулентнасці пілот папярэджвае пасажыраў аб неабходнасці заставацца на месцах і прышпіліць рамяні. Але бывае і так, што турбулентнасць узнікае рэзка і раптоўна. Імаверна, так здарылася ў гэтым выпадку.
Пасля трагедыі пілот здзейсніў пасадку ў Бангкоку. Там дактары канстатавалі смерць пасажыра. Singapore Airlines выказаў спачуванні сям'і загінулага.
🔍 Эканамічны погляд на вайну: аналізуем, колькі грошай выдаткоўваюць на баявыя дзеянні РФ, Украіна і Захад
Нядаўна Міхаіл Хадаркоўскі зрабіў гучную заяву: ён зазначыў, што Масква траціць на вайну значна больш грошай, чым Кіеў ды ягоныя заходнія саюзнікі. І што Украіна разам з Захадам вайну ўжо фактычна прайгралі.
Разбіраліся, наколькі абгрунтаваныя гэтыя разлікі і як выглядае сітуацыя насамрэч:
✅ Праз VPN ❎ Без VPN
🚀 У Міжнародны дзень космасу адпраўляемся ў далёкія і нязведаныя галактыкі
Сабралі для вас прыгожыя і гістарычныя фота ад Нацыянальнага ўпраўлення па аэранаўтыцы і даследаванню касмічнай прасторы ЗША.
🪐 Ніякага кефіру ну борце! 1...2...3...Паехалі!
☝️На Паліну Шарэнду-Панасюк заведзеная новая крымінальная справа
Пра гэта піша ейны муж Андрэй. Таксама ён паведаміў, што Паліна знаходзіцца ў гомельскім СІЗА №3.
Раней стала вядома, што Шарэнду-Панасюк не выпусцілі на волю, хоць сёння скончыўся тэрмін яе зняволення.
#рэпрэсіі
🤔 Навошта нам Каардынацыйная рада?
У новым выданні ток-шоу «План: Б» разбіраем выбары ў Каардынацыйную раду і разважаем, навошта яна патрэбная.
📺 Паслухайце, ці бяспечным будзе галасаванне, ці варта браць у ім удзел і ці шмат людзей аддадуць свае галасы. А таксама размаўляем пра тое, што адбываецца ў дэмакратычных сілах Беларусі і чаму Ціханоўская не можа прыкаваць сабе кайданкамі да рэек, каб паўплываць на вызваленне палітвязняў?
▶️ https://youtu.be/ae_9wlrRAoo
🇵🇱 У Польшчы затрымалі дзевяць асобаў, якія маглі планаваць дыверсіі на загад Расеі
Сярод іх ёсць і беларусы.
Дональд Туск назваў усіх іх наймітамі з крымінальнага свету. Ён дадаў, што справа не мае «нацыянальнага характару».
Паводле прэмʼера Польшчы, затрыманыя спрабавалі падпаліць завод у горадзе Вроцлаў і датычныя да падпалу склада «Ікеі» ў Літве. Туск заявіў, што гэта бясспрэчна было даручэнне расейскіх спецслужбаў.
❗️Паліна Шарэнда-Панасюк не выйшла з калоніі
Палітзняволеная беларуска мусіла пакінуць калонію 21 траўня.
«Паліна не выйшла. Яшчэ 19 траўня яе этапавалі з калоніі № 24, куды дакладна – хаваюць», – напісаў муж палітзняволенай.
Нагадваем, Паліна Шарэнда-Панасюк была асуджана да двух гадоў пазбаўлення волі за нібыта гвалт у дачыненні да сілавіка і абразу Лукашэнкі. Адбываць пакаранне яе адправілі ў жаночую калонію № 4 у Гомелі. У жанчыны два дзіцяці.
#рэпрэсіі
Святлана Ціханоўская звярнулася да беларусаў у дзень салідарнасці з палітвязнямі
«Я не магу проста прамовіць слова «палітвязень» – яго хочацца крычаць ад болю і злосці. Злосць жа перапаўняе мяне ад таго, што рэпрэсіі працягваюцца – і людзей бяруць у закладнікі. Мы імкнуліся шмат што зрабіць, каб змяніць сітуацыю – публічна і не публічна. Але рэжым не мае цікавасці ў вызваленні палітвязняў».
Паводле абранай Прэзідэнткі, кожны беларус павінен падтрымліваць палітвязняў
«Мы – голас беларускіх палітвязняў, і нам нельга маўчаць ні дня. Мы можам быць стомленымі і разгубленымі ад таго, што адбываецца навокал. Але людзі, якія знаходзяцца за кратамі, ахвяруюць кожным днём жыцця за вольную Беларусь. І сёння мы з вамі – іх голас, іх надзея. Мы не маем права падвесці нашых герояў».
Лідарка падчас прамовы таксама нагадала, што ўжо больш за год няма звестак пра некаторых палітвязняў. Сярод іх: Сяргей Ціханоўскі, Марыя Калеснікава, Мікалай Статкевіч, Ігар Лосік і Віктар Бабарыка.
🎵 Цікавай музыкі на ноч
Спявачка МASHA разам з кампазітарам Мікітам Залатаром робяць незвычайную электронную музыку, сумяшчаючы яе з беларускімі народнымі песнямі.
Песня «VOL» – гэта электронная інтэрпрэтацыя беларускай народнай песні «Вол бушуе – вясну чуе». Вакал Марыі тут аказвае медытатыўны эфект, у адрозненне ад самой музыкі. Таксама рэліз дапоўнены відэашэрагам, зробленым з выкарыстаннем ШІ.
#штопаслухаць
🥰 Рэдкая з'ява: у Беларусі заўважылі пару белага і чорнага буслоў
Звычайна гэтыя птушкі не ствараюць пары паміж сабою (такое здараецца хіба што ў заапарках, дзе няма выбару партнёра). Аднак у апошні час у дзікай прыродзе таксама сталі фіксавацца падобныя выпадкі.
Канал @wildlifebelarus піша, што белая бусліха звычайна сядзіць у гняздзе, а чорны бусел аблюбаваў для сябе слуп побач з ёй. Мясцовыя жыхары нават бачылі, як ён біўся за сваю «дзяўчыну» з самцамі белых буслоў.
🕯Тры гады з дня смерці Вітольда Ашурка. Папрасілі ягонага брата Андрэя падзяліцца ў гэты дзень сваімі ўспамінамі і пачуццямі
Палітвязням, якія цяпер знаходзяцца за кратамі, наш суразмоўца хацеў бы перадаць, што яны не забытыя.
Чытайце размову на старонцы:
✅ Праз VPN ❎ Без VPN
🤔 У Крамлі лічаць Уладзіміра Зяленскага нелегітымным
Але прававая сістэма Украіны дае канкрэтны адказ ☝️
📷 Беларускія фатографы Юлія Лейдзік і Жэня Канаплёў зрабілі партрэт Ганны Канавалавай, якая з'ехала з Беларусі з двума ўнукамі. Бацькі дзяцей – у турме
«У мяне не было з сабой тэлефона, каб нас не адсачылі. Мы так хутка сабраліся, што замест сумкі я ўзяла чахол для падушкі. У кішэні толькі 90 долараў. Сябры прывезлі мяне з дзецьмі да мяжы з Украінай. Яны везлі нас, унучка Насця спявала пратэстныя песні, а мы ўмольвалі хаця б на мяжы не спяваць. Уначы прайшлі пешшу два кіламетры па нейтральнай паласе. Я ніколі не думала, што гэта так доўга – наперадзе няма святла, ідзем навобмацак. Адзінае, вось тады Ваня спытаў упершыню "Бабуля, наша мама ў турме?"», — расказала Ганна Канавалава.
Сёння, 21 мая – Дзень салідарнасці з палітвязнямі ў Беларусі.
🔍 Нашае інтэрв'ю з Юліяй Лейдзік ды Жэням Канаплёвым чытайце тут
📍Стала вядома, паводле якога артыкулу заведзеная чарговая справа на Паліну Шарэнду-Панасюк
Ужо трэці раз яе будуць судзіць за «непадпарадкаванне адміністрацыі калоніі». Пра гэта піша @mediazona_by са спасылкаю на мужа палітзняволенай Андрэя.
«Прывялі нейкага дзяжурнага адваката і пры ім усё зрабілі», – адзначыў Андрэй Шарэнда.
📺 Навіны за 5 хвілін
✔️Дзень салідарнасці з беларускімі палітвязнямі. Святлана Ціханоўская звярнулася да беларусаў
✔️Паліну Шарэнду-Панасюк не выпусцілі на волю
✔️У Польшчы затрымалі 9 чалавек, якія, меркавана, супрацоўнічалі з расейскімі спецслужбамі
✔️У Іране адбываецца цырымонія развітання з загінулым прэзідэнтам Раісі
✔️На Гарадзеншчыне затрымалі мужчыну з дронам
✔️На ўсіх удзельнікаў выбараў у КР завялі крымінальныя справы і пагражаюць забраць маёмасць у Беларусі
Глядзіце ў кароткім выданні навін на Белсаце 💻
😨 Узламаны папулярны беларускі партал Realt.by. Персанальныя звесткі карыстальнікаў, імаверна, выцеклі ў інтэрнэт
Пра парушэнне сістэмы абароны персанальных звестак ТАА «РыэлтБай» паведаміў Нацыянальны цэнтр абароны персанальных звестак.
Чытайце падрабязней:
✅ Праз VPN ❎ Без VPN
💱Курсы валютаў на 21 траўня
Вынікам сённяшніх таргоў стаў невялікі рост расейскага рубля і невялікае зніжэнне вартасці долара. Курс еўра застаўся без зменаў.
#курсывалютаў
🤡 Следчы камітэт Лукашэнкі анансаваў арышты маёмасці ва ўсіх удзельнікаў выбараў у Каардынацыйную раду
Прадстаўнік гэтага ведамства заявіў, што «в противостоянии за позиции в преступной иерархии принимает участие 257 человек имена которых достоверно известны следователям». На іх заведзеныя крымінальныя справы паводле чатырох крымінальных артыкулаў.
«По устоявшемуся алгоритму, уже получена информация о принадлежащих фигурантам объектах недвижимости и имуществе на территории нашей страны. В настоящее время проводятся следственные действия, в том числе осмотры, обыски, наложение ареста», – гаворыцца ў заяве лукашэнкаўскага СК.
#рэпрэсіі
🏘️ У Нідэрландах ёсць вёска, усе жыхары якой пакутуюць на адзін і той жа сіндром
Аднак, нягледзячы на гэта, намагаюцца весці паўнавартаснае жыццё 💪
Глядзіце ў нашым відэа, у чым справа ⬆️
🇺🇦🇪🇺 Перамовы аб далучэнні Украіны да ЕЗ могуць пачацца 25 чэрвеня
Як сцвярджаюць журналісты Politico, Кіеў і Брусэль спрабуюць пераканаць Вугоршчыну даць сваю згоду на старт гэтых перамоваў. Складанасці звязаны з праблемай венгерскіх меншасцяў ва Украіне.
Паводле крыніцы выдання, на пачатку перамоваў настойваюць афіцыйныя асобы Брусэля. Яны могуць пачацца 25 чэрвеня – у дзень саміту Еўрапейскага савету.
Акрамя таго, у гэты дзень могуць пачацца перамовы аб уступленні Малдовы ў ЕЗ.
У дачкі Паўла Латушкі арыштавалі кватэру
Увечары 20 траўня прапагандысты паказалі сюжэт пра тое, як сілавікі ламалі дзверы ў кватэрах беларускіх актывістаў, якія жывуць за мяжой. Адна з кватэраў – нерухомасць Яны Латушкі, дачкі вядомага палітыка.
Таксама КДБ арыштавала кватэру актывіста Аляксандра Шышко, за нібыта заклік да санкцыяў.
«Квартира будет изъята в счет компенсации потерь государства из-за санкций, к которым господин Шишко и призывал. Арендаторам придется съезжать», – заявілі прапагандысты.
#рэпрэсіі
Расея ноччу атакавала ўкраінскія гарады дронамі-камікадзы
Усяго было запушчана 29 дронаў. Паводле СПА, з боку Расеі таксама ляцела балістычная ракета. Агулам пацярпелі 7 чалавек.
У выніку начной атакі, толькі ў Харкаве былі пашкоджаны жылыя і офісныя будынкі, тры аўтамабіля, 25 грузавікоў і аўтобусаў. Мэр гораду Ігар Тэрэхаў зазначыў, што акупанты ўдарылі па адным з любімых месцаў адпачынку харкаўчан.
Вітаем, дарагія сябры!
Сёння – Дзень салідарнасці з палітвязнямі ў Беларусі. Менавіта 21 траўня 2021 года рэжым Лукашэнкі забіў палітвязня Вітольда Ашурка. На жаль, беларусы працягваюць паміраць за кратамі. Пра некаторых палітвязняў мы не маем звестак больш за год.
У гэты дзень за мяжой адбудуцца акцыі ў падтрымку тых, каго рэжым асудзіў за жаданне жыць ў вольнай краіне. Мы сабралі для вас акцыі ва ўсіх гарадах. Таксама прапануем пачытаць цікавыя аналітычныя матэрыялы з нашага сайту:
🔺Куды прыйсці, каб паўдзельнічаць у акцыях салідарнасці з палітвязнямі?
Праз VPN
У гадавіну смерці палітвязня Вітольда Ашурка беларусы ладзяць Дзень салідарнасці з палітвязнямі. Белсат распавядае, дзе за мяжой будуць адбывацца мерапрыемствы.
🔺Ці зменіцца рэжым у Іране пасля смерці прэзідэнта Раісі?
Праз VPN
Кіраўнік Ірану, які падтрымліваў рэпрэсіі, мае датычнасць да масавых смяротных пакаранняў і даваў згоды на атакі суседніх краінаў – памёр. Што будзе з краінай далей?
🔺Арганізацыя выбраў у Каардынацыйную раду рыхтавалася наспех – так мяркуе палітолаг Анатоль Котаў
Праз VPN
Узялі каментар у эксперта, які крытычна ставіцца да выбараў у КР і спыталі, чаму ён так лічыць.
💥 #галоўнае за 20 траўня
✔️Прэзідэнта Ірану Эбрагіма Раісі знайшлі мёртвым на месцы ўчорашняй аварыі верталёту. Разам з ім загінулі некаторыя іншыя высокапасадоўцы краіны
✔️Ці зменіцца нешта ў палітычнай сістэме Ірану пасля загібелі прэзідэнта? Тлумачаць нашыя эксперты
✔️Лукашэнка зладзіў «ператрах» у КДБ. Аднак каго зняў і каго прызначыў – загадка
✔️Карпянкоў стварае фонд «Маладая гвардыя», які аб'яднае «вайскова-патрыятычныя» дзіцячыя клубы ў адно цэлае
✔️Зборку трактароў МТЗ могуць арганізаваць у занятых Расеяй тэрыторыях Запарожскай вобласці
✔️Чаму выбары ў Каардынацыйную раду не будуць мець 100%-га прызнання?
✔️Беларусы замежжа ладзяць акцыі да Дня салідарнасці з палітвязнямі. У планах – дзясяткі лакацыяў
✔️«Белнафтахім» зноў будзе штотыднёва падвышаць кошт паліва на капейку, як у «старыя добрыя часы»
#рэпрэсіі:
▫️У Берасці за «агентурную дзейнасць» асудзілі грамадзяніна Украіны, які 15 гадоў пражывае ў Беларусі
▫️Лукашэнкаўцы прызналі «экстрэмісцкім фармаваннем» тэлеграм-чат, які складаецца ўсяго з аднаго ўдзельніка
▫️За «распальванне варожасці» і «заклікі да санкцыяў» судзяць былога тэлеаператара дзяржаўнага каналу АНТ
🤔 Ці будуць бяспечнымі выбары ў КР і ці будуць збірацца звесткі пра ўдзельнікаў?
Нагадаем, што журналісты «Белсату» правялі тэставанне аплікацыі «Belarus ID», праз якую будзе праходзіць галасаванне, паспрабаваўшы яе падмануць… І сістэма прыняла гэтую фальшыўку.
👀 Глядзіце размову з нашай праграмы «Тыдзень» цалкам
Чытайце каментар на старонцы:
✅ Праз VPN ❎ Без VPN