42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Сын Яўгенія Прыгожына ўзначаліў кампанію ў Беларусі
Экс-старшыня ПВК Вагнэра кіраваў беларускім ТАА «Канкорд Менеджмент і Кансалтынг». Цяпер кіраўніком кампаніі стаў ягоны сын Павел.
Фірма была зарэгістраваная ў вёсцы Цэль Магілёўскі аблвыканкам за месяц да загадкавай смерці Прыгожына. На той момант 100 % кампаніі належалі холдынгу «Конкорд», якая вядомая рэстарацыямі, пастаўкамі харчавання і так званай «фабрыкай троляў».
Нагадваем, 23 жніўня ў Цвярской вобласці Расеі разбіўся бізнес-джэт Прыгожына, які ляцеў з Масквы ў Санкт-Пецярбург. Усе загінулі. На думку ISW, самалёт загадаў збіць асабіста Пуцін.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺Латушка: Лукашэнка гандлюе Крыгерам. Чаго хоча наўзамен?
Асуджанага на смяротнае пакаранне Рыка Крыгера – памілавалі. Паралельна з гэтым у Расеі сталі «знікаць» вядомыя палітвязні. Павел Латушка не выключае, што гэтыя падзеі звязаныя.
🔺Венесуэла зрабілася як Беларусь?
Фальсіфікацыі на выбараў, масавыя пратэсты, вусаты аўтакрат і АМАП – паглядзелі, чым падобныя і непадобныя рэакцыі грамадства на вынікі галасавання ў Беларусі і Венесуэлы.
🔺Колькі цяпер каштуюць кватэры ў Беларусі?
Беларускі рынак нерухомасці расце. Нават пры санкцыях, саўдзелу рэжыму ў вайне і падзенню рэальных даходаў. З чым гэта звязана і як змяніліся цэны на квадратныя метры з 2020-ага?
💔 Дзмітрый Данільчык
Затрыманы ў Cлоніме ў жніўні 2023 года першапачаткова на 15 сутак, пасля чаго была ўзбуджаная крымінальная справа.
Суд Дзятлаўскага раёна 30 траўня 2024 года прызнаў яго вінаватым паводле двух артыкулаў і прызначыў пакаранне ў выглядзе пазбаўлення волі на два гады са штрафам у памеры 100 базавых велічынь.
📩 Падтрымайце палітвязня: Турма № 1. 230023, г. Гродна, вул. Кірава, 1
🦮А вы б хацелі патрапіць да такога тэрапеўта?
Паглядзіце, на гэтага мілага пухнатага супрацоўніка☝️
🤔 Навошта Пуцін запрасіў Лукашэнку ў манастыр?
Разбяром апошнюю сустрэчу ў Вааламе, адкуль мы ўбачылі рэальны выгляд Лукашэнкі (вельмі дрэнны)☝️
❗️ Лукашэнка прыняў рашэнне пра памілаванне Рыка Крыгера
Нагадаем, сёння стала вядома, што грамадзянін Нямеччыны напісаў прашэнне аб памілаванні. Пасля гэтага Лукашэнка нават збіраў адмысловую нараду.
🙅🏻♀️«Не вядзіцеся на правакацыі рэжыму»
Святлана Ціханоўская наведала краму «Кропка» ў Вільні, якую грамілі вандалы, і пракаментавала сітуацыю☝🏻
☝️ Са станцыі метро «Акадэмія навук» выносілі цела дзяўчыны. Верагодна, яна загінула
Раніцай Менскі метрапалітэн паведамляў аб спыненні руху цягнікоў на Маскоўскай лініі. Пра гэта паведамляе «Reform.news» са спасылкай на чытачоў.
Уладзімір Зяленскі пабываў на мяжы з Беларуссю
Прэзідэнт Украіны наведаў Валынскую вобласць, якая мяжуе з Беларуссю і Польшчай. Тут ён правёў нараду наконт бяспекі і праверыў будаванне фартыфікацыяў.
З пачатку поўнамаштабнага расейскага ўварвання тут былі пабудаваныя супрацьтанкавыя равы, загараджальныя платы і апорныя пункты з агнявымі пазіцыямі.
Цяпер будуюць новы металічны плот у багністых і цяжкадаступных месцах, дзе ўжываюцца жалезабетонныя піраміды, якія ў народзе называюць «зубамі цмока». Гэтыя канструкцыі разлічаны на супрацьстаянне руху цяжкай тэхнікі і ўсталёўваюцца ў месцах, дзе тэрыторыя больш сухая.
💱 Курсы валютаў на 30 ліпеня
Беларускі рубель прасеў адносна іншых валютаў: долар пацягнуў рост, еўра не гандляваўся, расейскі рубель таксама ўмацаваўся.
#курсывалютаў
🤔 Тэйлар Сўіфт дае тры канцэрты ў Варшаве. Што гэта значыць для польскай эканомікі?
Здавалася б, проста канцэрт амерыканскай спявачкі. Хіба гэта можа неяк паўплываць на эканоміку цэлай вялікай краіны? У выпадку Тэйлар Сўіфт – так. Ейны ўплыў на эканоміку кожнай краіны, куды яна прыязджае з канцэртамі, настолькі моцны, што нават атрымаў асобны тэрмін – «сўіфтаноміка».
І «сўіфтаноміка» ужо пачала працаваць у Польшчы: кошты на асобнае жытло проста адляцелі ў космас.
Якія прагнозы даюць эканамічныя аналітыкі для Польшчы – чытайце ў нашым матэрыяле.
✅ Чытаць праз VPN ❎ Без VPN
💫 Да 25 выбліскаў за гадзіну: не прапусціце сённяшні зарапад
У ноч на 31 ліпеня метэорны паток Паўднёвыя дэльта-Акварыды дасягне піка сваёй актыўнасці. Пры ясным надвор’і найлепшым часам для адсочвання выбліскаў будуць перадсвітальныя гадзіны.
Метэорны паток Паўднёвыя дэльта-Акварыды з сузор'я Вадаліў дасягае максімуму дзеяння. Чакаецца да 25 метэораў за гадзіну.
Выдатны шанец загадаць тое самае жаданне!
🫡 АМАПаўцы пакрыўдзіліся і затрымалі ўдзельнікаў гідрабольнага клуба з Слуцку
Справа ў тым, што некалькі дзён таму гідрабалісты (гідрабол – гульня, падобная да пейнтболу) арыгінальна павіншавалі свайго 15-гадовага сябра з днём нараджэння: яны імітавалі затрыманне з апрананнем кайданкоў.
Але гэткі бяскрыўдны жарт заўважылі служкі Лукашэнкі і пакрыўдзіліся, таму затрымалі ўдзельнікаў гідрабольнага клубу, склалі пратаколы за дробнае хуліганства і змясцілі ў ІЧУ.
Ці проста цяпер купіць кватэру ў Беларусі?
Насамрэч, што ні год, рынак нерухомасці б'е рэкорды. Нягледзячы на санкцыі, эміграцыю і падзенне рэальных даходаў, беларусы бяруць крэдыты і купляюць кватэры. І нават больш, чым у 2019-м.
Чаму так адбываецца і як змяніліся цэны за гэтыя 4 гады? Разбярэмся тут:
✅ Праз VPN ❎ Без VPN
💁🏼♀️ Гэтыя лічбы закрыюць рот прапагандыстам
Лукашэнкаўцы ўпіраюць на тое, што ў Беларусі з прамысловасцю ўсё выдатна, нават лічбы прыводзяць. Але што будзе, калі параўнаць гэтыя лічбы з вынікамі падобных краінаў?
Падрабязна тлумачыць Аляксандр Кныровіч у праграме «Атма$фера», паглядзіце ⬆️
❗️Расейскія дроны зноў заляцелі ў Беларусь
Сёння ноччу 6 шахедаў зайшлі ў беларускую паветраную прастору з тэрыторыі Украіны. На перахоп беспілотнікаў, як сцвярджае «Беларускі Гаюн», падымалі самалёт-знішчальнік.
Паводле кіеўскай адміністрацыі, у ноч на 31 ліпеня адбылася самая масавая атака дронамі на сталіцу Украіны за 2024 год. Былі збітыя больш за 40 расійскіх беспілотнікаў, а сама паветраная атака трывала каля 7 гадзінаў. Магчыма, дроны сутыкнуліся з моцным агнём СПА, таму змянілі маршрут і перайшлі ў паветраную прастору Беларусі. Падрабязней чытайце тут:
✅ Праз VPN ❎ Без VPN
💥 #галоўнае за 30 ліпеня
✔️ Лукашэнка вырашыў памілаваць Рыка Крыгера
✔️ Другі «аднарог» у беларускім IT: «Flo» ацанілі ў мільярд долараў
✔️ Зяленскі праінспектаваў мяжу з Беларуссю
✔️ Сёння ноччу чакаем самы багаты зарапад у паўночных шыротах
✔️ У Літве распачалі расследаванне атакі на краму былога беларускага палітвязня
#рэпрэсіі Асноўнае за 30 ліпеня
🔻 АМАПаўцы затрымалі ўдзельнікаў гідрабольнага клуба з Слуцку за розыгрыш з пераапрананнем
🔻 Палітвязня Юрыя Зянковіча будуць судзіць у трэці раз
🔻 Затрымалі адміністратарку чата «Беларусы ў ЗША»
🔻 У Магілёве звальняюць «нафтавікоў». У 2020 яны падпісваліся за незалежных кандыдатаў
🔻 У Гродне завочна судзяць журналіста і праваабаронцу Уладзіміра Хільмановіча
📺 Беларус прывозіць з гарачых кропак дакументальныя фільмы
Сяргей Марчык аб’ездзіў большасць ваенных канфліктаў і рэвалюцыяў апошняга часу: Сірыя, Ірак, Украіна, Венесуэла, Турэцкі Курдыстан, Арменія, Малдова і, вядома, Беларусь. Вынікамі паездак Сяргея сталі дакументальныя фільмы. Што прыцягвае рэжысёра на вайне?
Глядзіце ў нашай праграме Tok Dok.
🔴 «Аб’ектыў» – галоўныя падзеі дня!
У сённяшнім выданні:
🔸Беларусь трапіла ў спіс краінаў-спонсараў гандлю людзьмі
🔸Лукашэнка сабраў цэлую нараду, каб вырашыць, што рабіць з Рыка Крыгерам і ў выніку памілаваў яго
🔸Па ініцыятыве расейскага боку адбылася тэлефонная размова паміж Лукашэнкам і кіраўніком «Раснафты» Ігарам Сечыным
🔸Паслявыбарчыя пратэсты ў Венесуэле
Далучайцеся да эфіру ⤵️
https://www.youtube.com/live/Az_AWgAQths
📺Адразу пасля «Аб'ектыву» а 20.25 па менскім часе запрашаем да прагляду «Белсат Zoom» – агляд галоўных навінаў дня, агляд надворʼя, спартовых навінаў!
❗️ У Літве распачатае расследаванне праз атаку на краму былога беларускага палітвязня
«Па факце знішчэння або пашкоджання маёмасці пачата папярэдняе расследаванне»,
«Насупраць нас ёсць рэстаран, у іх ёсць камера звонку, і там відаць, што чалавек разбівае Шкло і потым фоткае. Выглядае, як замоўленая правакацыя»,
🇻🇪На прэзідэнцкіх выбарах у Венесуэле Нікаляс Мадура пайшоў шляхам Лукашэнкі?
Як 12,5 % маглі ператварыцца ў «элегантную перамогу», расказваем у нашым відэа☝🏻
🇻🇪 Чарговая «перамога» Мадуры прывяла да масавых пратэстаў
Як у гэтыя часы выглядаюць гарады Венесуэлы, глядзіце ў відэа.
📺 Навіны за 5 хвілін
✔️ Вучоны Лукашэнка "ператрахівае" навукоўцаў
✔️ «Ігар, спыніся» – у Беларусі працягвае панаваць непагадзь
✔️ АМАП не любіць шоу з пераапрананнем
✔️ Збор грошаў на беларускую краму ў Вільні. Днямі яе атакавалі вандалы
✔️ «Элегантнай перамогі» не атрымалася. У Венесуэле народ спрабуе знесці сябра Лукашэнкі
✔️ Ізраіль можа пачаць вайну з Ліванам
✔️ Беларус спрабаваў раскапаць магілу Ван Гога
Глядзіце ў кароткім выданні навін на Белсаце 💻
❗️ Асуджаны на смерць у Беларусі немец напісаў прашэнне аб памілаванні
Лукашэнка сабраў цэлую нараду, каб вырашыць, што рабіць з прашэннем ад Рыка Крыгера. Хто вырашаў і што вырашылі – не паведамляецца.
☝️ Палітвязень Юрый Зянковіч зноў прадстане перад судом. У трэці раз
Раней яго асудзілі на 11 гадоў калоніі па «справе аб захопе ўлады» і за «абразу прадстаўніка ўлады».
7 эніўня ў судзе Ленінскага раёна суддзя Вікторыя Палякова пачне разглядаць справу супраць Зянковіча за «непадпарадкаванні адміністрацыі калоніі».
😳 Стваральнік Telegram прызнаўся, што ў яго – 100 дзяцей
А жывуць яны ў 12 краінах свету.
Насамрэч, справа ў тым, што мільярдэр – донар спермы. Яшчэ 15 год таму яго сябар папрасіў дапамагчы стаць донарам для сямʼі, паколькі ў яго з жонкай не атрымлівалася завесці дзіцяці.
Паводле Дурава, у клініцы яму сказалі, што ён уласнік «высакаякаснага донарскага матэрыялу» і яго грамадзянскі абавязак – ананімна здаваць сперму, каб дапамагчы іншым парам.
Дураў сцвярджае, што да 2024 года ён стаў донарам для больш за 100 пар у 12 краінах і спыніў сваю донарскую дзейнасць, пры гэтым адна клініка па-ранейшаму працягвае выкарыстоўваць яго замарожаны матэрыял для ЭКА.
Уладальнік крамы KROPKA, на якую здзейснілі напад, заклікаў па дапамогу
«Даражэнькія, пазаўчора ноччу на Kropka адбыўся напад, хутчэй за ўсё з боку лукашыстаў, але Kropku nie raźbić, nie spynić, nie strymać!
Таму мы адчыняем рахунак на платформе buymeacoffee, каб вы маглі нам дапамагчы аднавіць шыбы і сцены крамы», – напісалі Зміцер і Вольга Фурманавы.
Дапамагчы можна ахвяраваннем на банкаўскі рахунак
MB KROPKA LT977300010185765144 (з пазнакай Parama), ці проста штосьці набыць у краме.
KROPKA знаходзіцца ў Вільні па адрасу Savičiaus g. 6.
🤨 Беларус зладзіў перфоманс – раскапаў магілу Ван Гога
Акцыяніст Аляксей Кузьміч прыйшоў на могілкі вядомага мастака з рыдлёўкай і будзільнікам. Там ён заявіў, што «не можа жыць у свеце, дзе скончыліся мастакі», але цяпер «усё зменіцца».
Мужчына пачаў раскапваць магілу, але праз некаторы час яго затрымала паліцыя.
У Венесуэле пачаліся масавыя пратэсты пасля выбараў
Тысячы праціўнікаў Мадуры выйшлі на вуліцы Каракаса і іншых гарадоў краіны. Сілавікі пачалі страляць у пратэстоўцаў пластыкавымі кулямі і гранатамі са слёзатачывым газам.
«Людзі пайшлі пешшу – некаторыя за шмат кіламетраў – у цэнтр і да прэзідэнцкага палаца», – распавядае адзін з пратэстоўцаў выданню BBC
Нагадваем, учора ўлады Венесуэлы абвясцілі пераможцам у прэзідэнцкіх выбарах – Нікаласа Мадура. Ён «набраў» 51 % і пераходзіць на трэці тэрмін (6 гадоў). Незалежныя экзіт-полы паказваюць, што за галоўнага суперніка Мадура – Гансалеса галасавалі больш за 65%.
Мадура адмаўляе абвінавачванні ў фальсіфікацыі выбараў і заявіў, што пратэсты на вуліцах – гэта спроба перавароту, якую праводзяць пры дапамозе замежных дзяржаў.