42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺Што беларусы за мяжой просяць родных прывесці з радзімы?
«Белсат» спытаў у беларусаў, якія жывуць у Польшчы, пра якія прадукты яны сумуюць у эміграцыі. Адказы могуць здзівіць.
🔺У Літве зноў адбылася спроба пасварыць беларусаў з літоўцамі
У сталіцы Літвы невядомы разбіў шыбы ў краме «Kropka» і напісаў па-літоўску «Вяртайцеся дадому, беларускія свінні». Ці звязаны з гэтай правакацыяй лукашысты? Спыталі сузаснавальніка той самай крамы.
🔺Чым шкодныя вэйпы, якія сабраліся забараніць у Беларусі?
Вельмі падобна, што яны куды менш шкодныя за звычайныя цыгарэты, якія ў Беларусі не збіраюцца забараняць. Але ўсё роўна гэта небяспечная рэч. Сабралі ўсё, што варта ведаць пра вэйпы.
✍🏻У калоніях і турмах зноў збіраюць прашэнні аб памілаванні
«Вядома, што ў некаторых установах за адмову падпісаць прашэнне людзей змяшчаюць у ШІЗА. Тым не менш, палітвязняў, якія адмаўляюцца ад падпісання, шмат», – піша @dissidentby
Папярэдняя хваля была напярэдадні 3 ліпеня. Праваабаронцы зафіксавалі, што ў гэтую дату 18 чалавек выйшлі па памілаванні.
✅ Праз VPN ❎ Без VPN
😱 Вострая кішачная інфекцыя выяўленая ў 7 дзяцей і 4 работнікаў харчаблока дзіцячага рэабілітацыйнага цэнтру «Сасновы Бор»
Дзяцей з інфекцыяй змясцілі ў ізалятар пад назіранне лекара. Адзначаецца, што іх стан здавальняючы і ўскладненняў удалося пазбегнуць. Работнікі «адхіленыя ад працы».
З астатнім персаналам «праведзены пазапланавы занятак», паведамляе Міністэрства аховы здароўя.
😮 Гэта не кадры з амерыканскага хорару «Сайлент Хіл»
Гэта аграгарадок Ула Віцебскай вобласці
😻 Натхняльны прыклад вернасці свайму гадаванцу
Паглядзіце, як паступіла гаспадыня, даведаўшыся пра цяжкую хваробу сваёй коткі ☝️
❗️ У Валынскай вобласці заблакавалі канал увозу кантрафактных медычных прэпаратаў Расеі і Беларусі
Пра гэта паведаміў офіс генеральнага пракурора Украіны.
👉 Паводле звестак следства, падробкі ўвозілі праз Польшчу. Кіраваў схемай жыхар Валыні з паплечнікамі. Распаўсюджваліся лекі праз «інтэрнэт-крамы, сацыяльныя сеткі і каналы мэсэнджараў».
Акрамя кантрафакту, праваахоўнікі канфіскавалі грашовыя сродкі, эквівалентныя больш за 2 млн грн. (амаль 50 тысяч амерыканскіх долараў), а таксама «чорныя запісы, грузавыя і транспартныя рахункі аб паштовай адпраўцы лекаў».
Вядзецца следства.
😇 Добрыя навіны тыдня
Сярод таго трэшу, які адбываецца навокал, можна не заўважыць, што здараецца і нешта прыемнае. Каб вы не прапусцілі, мы зрабілі невялікую падборку:
🔅 Беларускую мову зноў пачнуць вывучаць у Кіеўскім нацыянальным універсітэце імя Тараса Шаўчэнкі
🔅 Ва Украіне з’явілася яшчэ адна вуліца імя Кастуся Каліноўскага
🔅 На волі палітзняволеныя Дар'я Лосік і Мікалай Казлоў
🔅 У Беларусь прыйшоў новы спорт – хобіхорсінгбол
🔅 Беларусы згуртаваліся дзеля дапамогі пацярпелым ад урагану птушкам
🔅 У цэнтры Менску ўсталююць помнік новы помнік... качцы
🔅 А ў чорных буслоў здарыўся «бэбі-бум»
📢 Не паспелі ўсачыць за навінамі на выходных?
У нас маецца дадатковы канал з максімальна сціслым апісаннем асноўных падзеяў ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
🤯 Эрдаган даў аплявуху дзіцяці, якое не пацалавала яму руку
Гэта адбылося пад час урачыстай цырымоніі ў яго родным горадзе Рызе, піша партал T24.
🤦♀️ Пасля прамовы, прысвечанай праекту па абнаўленні гарадской інфраструктуры на плато Айдэр, на сцэну падняліся дзеці, каб атрымаць падарунак ад прэзідэнта. Маленькі хлопчык падышоў да Эрдагана і моўчкі ўтаропіўся на яго. Палітык даў яму лёгкую аплявуху.
Пасля гэтага малы паціснуў яму руку, патрос яе, а затым, пасля падказкі дарослых, пацалаваў і прыціснуўся да яе галавой. У гэты час падышоў старэйшы хлопчык і абняў прэзідэнта. Эрдаган адпусціў дзяцей і нават даў ім кішэнныя грошы.
☝️ Раней паведамлялася, што падчас урачыстай цырымоніі адкрыцця тунэлю ў Турцыі Эрдаган ударыў дзіця за тое, што той не ўтрымаўся і разрэзаў блакітную стужачку раней часу.
Ізраіль нанёс авіяўдары па сямі аб’ектах арганізацыі «Хазбула» на тэрыторыі Лівану
Увечары 27 ліпеня ваенізаваная ліванская групоўка «Хазбула» атакавала ракетамі ізраільскі пасёлак Маджаль-Шамс на Галанскіх вышынях. Адна з ракет трапіла на спартовую пляцоўку, дзе дзеці гулялі ў футбол. На дадзены момант вядома пра 12 загінулых.
👉 У адказ 28 ліпеня ізраільскія вайскоўцы атакавалі 7 аб’ектаў арганізацыі «Хазбула» на тэрыторыі Лівану.
У паведамленні Цагалю адзначаецца, што былі атакаваныя цэлі ў глыбіні і на поўдні краіны. Сярод гэтых аб’ектаў – «сховішчы зброі і тэрарыстычная інфраструктура».
☝️ ВВС падкрэслівае, што цяпер супрацьстаянне паміж Ізраілем і арганізацыяй «Хазбула», якая фактычна кіруецца Іранам, можа выліцца ў маштабную вайну.
✅ Праз VPN ❎ Без VPN
🤬 «Вяртайцеся дадому, беларускія свінні»
На будынку беларускай крамы Kropka у Вільні зрабілі абражальныя надпісы на літоўскай мове і пабілі шкло, паведамляе паведамляе «Новая газета.Балтия»
Крама з беларускімі сувенірамі і сімволікай у цэнтры Вільні адкрыў былы палітвязень Дзмітрый Фурманаў і яго жонка Вольга. Пара працуе ў тым ліку з майстрамі, якія вымушана пакінулі Беларусь.
🤯 «Гэта трэш поўны!!!»
Амаль 200 аўтаў стаяць у чарзе ў Тэрэспалі, час чакання – 12–14 гадзінаў.
🤷♀️ «Улезуны» і гандляры месцамі нікуды не падзеліся, сведчаць падарожнікі. У чатах публікуюць фота машынаў, што намагаюцца ўціснуцца без чаргі – такое адбываецца па абодвух баках мяжы.
Пішуць з чаргі ў Берасці:
«Машыны на першым рэгіёне прадаюць чаргу. Інспектар ДАІ стаіць і не хоча аніякіх захадаў прымаць! Гэта трэш поўны!!!»
«Адзін трымае чаргу, астатнія закупляюцца раніцою, каб потым улезці да таго, хто трымае. Перагружаюцца – і наперад увозіць тавар «для асабістага карыстання»»
📌 Літоўскія кампаніі аблажылі мытам за шэраг працэдураў, звязаных з легалізацыяй замежных грамадзянаў, якіх бяруць на працу
Новае мыта пачнуць браць з 1 жніўня. Плаціць давядзецца за пасярэдніцкія лісты пры выдачы або змене дазволу на часовае жыхарства або нацыянальнай візы, а таксама за заявы аб змене працадаўцы замежнага грамадзяніна.
Кожная такая працэдура будзе каштаваць 50 еўраў. Запоўніць адмысловую форму працадаўца зможа толькі пасля аплаты.
☝️ У выпадках працаўладкавання выкладчыкаў або даследчыкаў плаціць не трэба.
🔹 Наколькі і ці шкодныя вэйпы?
У Беларусі плануюць забароніць электронныя цыгарэты – вэйпы. Падобна, што вэйпы могуць быць шкодныя, але «жалезных» доказаў як значнай шкоды, так і адсутнасці шкоды няма, бо электронныя цыгарэты на масавым рынку толькі 20 гадоў.
«Белсат» сабраў тое, што варта ведаць пра вэйпы і іх небяспеку 👇
✅ Праз VPN ❎ Без VPN
🦮 Глухі пёсік сабраў мільёны падабаек у TikTok менш чым за месяц
І вось чаму.
💥 #галоўнае за 28 ліпеня
✔️ Беларуска дала жорсткі адпор гвалтаўніку
✔️ Выпускнікоў беларускіх ВНУ хочуць размяркоўваць у Расею
✔️ У Літве для кампаніяў увялі мыта за легалізацыю замежнікаў, якіх бяруць на працу
✔️ У Венесуэле на выбарах апазіцыя можа перамагчы
✔️ На будынку беларускай крамы Kropka у Вільні зрабілі абражальныя надпісы на літоўскай мове
✔️ Ізраіль нанёс авіяўдары па сямі аб’ектах арганізацыі «Хазбула» на тэрыторыі Лівану
✔️ Беларускі мастак трапіў у лік фіналістаў прэстыжнай італьянскай прэміі
✔️ Эрдаган даў аплявуху дзіцяці, якое не пацалавала яму руку
✔️ Ва Украіне ліквідавалі канал увозу падробленых беларускіх лекаў
✔️ Вострая кішачная інфекцыя выяўленая ў дзіцячым цэнтры пад Берасцем
#рэпрэсіі:
▪️Сілавікі затрымалі жыхарку Бабруйску
▪️Чарговы прысуд па так званай «карагоднай» справе. Асудзілі яшчэ 2 чалавек
😔«Навіна нас прыбіла»
Вернікі заступаюцца за ксяндза Уладзіслава Завальнюка, які быў пробашчам Чырвонага касцёла больш за 30 гадоў. Расказваем, чаму яго звольнілі і пры чым тут палітыка👆🏻
🥫 У Польшчу – хлеб і шкарпэткі, у Беларусь – кармы для жывёлін і красоўкі
«Белсат» спытаў у беларусаў, якія жывуць у Польшчы, што яны просяць прывезці сваіх родных і знаёмых з Беларусі, а што перадаюць падарункамі на радзіму.
🍲 З нечаканага – журэк у слоіках у абмен на закаткі памідораў, а яшчэ насенне кветак, гуральскі сыр і антыбіётыкі.
Пры гэтым амаль усе суразмоўцы прызнаюцца, што не разумеюць, ці можна нешта з гэтага перавозіць праз мяжу зараз, пасля новага пакета санкцыяў.
✅ Праз VPN ❎ Без VPN
💥СТРЫМ. Нядзельнае вечаровае шоў «Тыдзень»
У сённяшнім выданні:
🔸Самая закрытая сустрэча Лукашэнкі і Пуціна
🔸Лукашэнкаўцы працягваюць заклікаць паверыць ім: пісаць прашэнні аб памілаванні і вяртацца на Радзіму
🔸Траціна ўкраінцаў гатовая да замірэньня з саступкамі
🔸Што адбываецца ў Палку Каліноўскага
🔸Камала Харыс неўзабаве вызначыцца з кандыдатам на віцэ-прэзідэнта, а Трамп заклікае прагаласаваць за сябе ў апошні раз
🔸Выбары ў Венесуэле: Мадуро будзе спрабаваць ператварыць свае 10% падтрымкі ў элегантную перамогу
Далучайцеся да эфіру ⤵️
https://www.youtube.com/live/LLlHJNxYceQ
🤡 Лукашэнка вырашыў дамагчы свайму сябру набраць 97%?
Чатыры чалавекі з Беларусі паехалі назіральнікамі на выбары ў Венесуэле, якія праходзяць 28 ліпеня.
👉 Гэта член ЦВК Аляксандр Южык, дэпутат Палаты прадстаўнікоў Павел Папко, першы сакратар Цэнтральнага Камітэту Камуністычнай партыі Беларусі Сяргей Сыранкоў і загадчык міжнароднага аддзелу КПБ Андрэй Красільнікаў.
Усяго ў Венесуэлу прыехала 749 назіральнікаў з 97 краін.
☝️ Прадстаўнікоў Еўразвязу сярод міжнародных назіральнікаў няма. Венесуэла адклікала іх запрашэнні з-за санкцый ЕЗ у дачыненні да членаў ураду і Нацыянальнага выбарчага камітэту Венесуэлы.
✅ Праз VPN ❎ Без VPN
👽 Масоны, рэптылоіды і ілюмінаты
Калі людзі не маюць адказаў на свае пытанні, у ход ідуць тэорыі змовы...
🤖 ШІ дасягнуў узроўню срэбнага медаліста на матэматычнай алімпіядзе
Штучныя інтэлект–сістэмы Alpha Pro і Alpha Geometry 2, распрацаваныя Google, вырашылі чатыры з шасці задач на міжнароднай матэматычнай алімпіядзе. Гэта дасягненне ўзроўню срэбнага медаліста. І гэта першы такі поспех для ШІ ў гісторыі гэтага спаборніцтва.
☝️ Сістэма AlphaProof, створаная на аснове мадэлі Gemini Deep Mind, аўтаматычна перакладае задачы з натуральнай мовы ў фармальныя матэматычныя выразы, палягчаючы іх рашэнне. Alpha Geometry 2 спецыяльна адаптаваная для працы з геаметрычнымі задачамі і задачамі, звязанымі з рухам аб'ектаў.
Віцэ–прэзідэнт Google DeepMind Пушміт Колі падкрэсліў, што раней не існавала сістэм штучнага інтэлекту, здольных вырашаць задачы з такой высокай дакладнасцю і ўніверсальнасцю. Аднак Alpha Pro і Alpha Geometry 2 змаглі пераадолець гэтыя праблемы дзякуючы інтэнсіўнаму навучанню і выкарыстанню фармальных моў праграмавання.
😡 «Гэта тыя ж самыя замоўцы, каб пасварыць паміж сабою літоўцаў і беларусаў»
Сузаснавальнік крамы «Kropka» Зміцер Фурманаў даў «Белсату» каментар наконт вандалізму ў іх краме.
☝️ Ён лічыць гэта правакацыяй лукашыстаў і падкрэслівае, што з самой крамы нічога не знікла, акрамя разбітых шыбаў, іншай шкоды няма.
Да таго ж:
«З паліцыяй быў перакладчык, ён заўважыў дзве памылкі ў двух словах. Не ведаю, ці адмыслова гэта зроблена»Читать полностью…
🏆 Карціна беларускага мастака Аляксандра Некрашэвіча «Грыбны сезон» была абраная ў фінал італьянскай прэміі Arte Laguna
Малюнак пра ядравую пагрозу з «Апакаліптычнай серыі» можна будзе ўбачыць на выставе фіналістаў конкурсу сучаснага мастацтва ў лістападзе гэтага года ў прасторы Arsenale Nord у Венецыі, паведамляе reformby.org.
🥇 Італьянская прэмія візуальнага мастацтва Arte Laguna ладзіцца раз на два гады. Карціны фіналістаў будуць выстаўляцца ў прэстыжнай прасторы Arsenale Nord у Венецыі ў лістападзе – снежні 2024 года.
Аляксандр Некрашэвіч – Мастак, які родам з Палесся, працуе на стыку такіх мастацкіх напрамкаў як гістарычны жанр, поп-арт і contemporary art. Аўтар палатна «Чужыя» да вядомага твора польскага жывапісца Яна Матэйкі.
💔«Мы словы кахання даўно забылі
Таму што столькі гадоў маўчалі»
На фестывалі ў Юрмале Макс Пакроўскі з гурту «Ногу свело» паказаў кадры з беларускіх пратэстаў
🤯 «Чаго ламаешся, давай»: і зноў у Варшаве напалі на беларуску
Падпісчыца выдання The Warsaw распавяла пра напад на яе. Дзяўчына ішла дадому позна вечарам. Да яе наблізіўся мужчына, які, мяркуючы па знешнасці, быў выхадцам з Сярэдняй Азіі. Спачатку ён проста ішоў побач, але потым пачаў прыставаць з рознымі пытаннямі, у тым ліку і асабістага характару: наяўнасць мужа і прычыны, па якіх яна ходзіць адна так позна.
🤬 Калі дзяўчына падышла да свайго пад'езду і дастала ключы, незнаёмы тузануў за яе завушніцу, спрабаваў задраць майку і пачаў прыставаць, кажучы: «чаго ламаешся, давай». Потым схапіў яе за валасы.
Аднак дзяўчына не разгубілася і ўдарыла нападніка локцем, а потым кулаком. Хлопец спалохаўся і ўцёк.
Пацярпелая пакуль не звярталася ў паліцыю. Але напад трапіў на камеру назірання.
👉 Раім пачытаць наш артыкул пра самаабарону.
⚔️ 28 ліпеня 1914 года пачалася Першая сусветная вайна
На першай паласе «Нашай Нівы» тады напісалі прароцкія словы:
«Вось цяпер ідзе на нас навальніца, якой наш край ад часу французскай вайны не бачыў. З усходу плывуць хвалі аграмаднай расейскай арміі, з захаду – нямецкай, і хто ведае, ці не тут, на нашых палях, адбудзецца страшная бітва народаў, такая крывавая, якой свет даўно не бачыў»
🇻🇪 У Венесуэле на выбарах апазіцыя можа перамагчы, але Мадура наўрад ці гэта прызнае
У Венесуэле 28 ліпеня адбудуцца прэзідэнцкія выбары – першыя пасля скандальнай кампаніі 2019 года і перыяду двоеўладдзя.
☝️ Апазіцыя мае рэальныя шанцы на электаральную перамогу, аднак Нікаляс Мадура наўрад ці аддасць уладу добраахвотна.
«Belsat.eu» распавядае, што адбываецца цяпер у Венесуэле і чым сітуацыя ў гэтай краіне адрозніваецца ад сітуацыі ў Беларусі пасля 2020 года 👇
✅ Праз VPN ❎ Без VPN
🤦♀️ Рэжым прыдумаў новы спосаб утрымаць моладзь у краіне
Беларусі і Расеі разглядаюць магчымасць размеркавання выпускнікоў сярэдніх і вышэйшых навучальных установаў на прадпрыемствы, задзейнічаныя ў прыярытэтных галінах эканомікі Саюзнай дзяржавы.
☝️Размеркавання ў Расею змогуць пазбегнуць студэнты, якія маюць ільготы па размеркаванні.
Выпускнікоў сярэднеспецыяльных установаў забяспечаць працай на тры гады, а тых, хто скончыў ВНУ – на пяць гадоў.
Абяцаюць добры заробак і жытло для мэтавікоў.
☕️ Вітаем вас ў гэты нядзельны паранак!
І спяшаемся падзяліцца з вамі трыма найбольш цікавымі матэрыяламі «Белсату», якія варта пачытаць:
🔻Распальванне міжрэгіянальнай варожасці. На польска-беларускай мяжы – абразы на адрас берасцейцаў і бойкі
Нервы здаюць праз доўгае чаканне і «ўлезуноў» – пераважна, як пішуць у Telegram-чатах, машынаў з нумарамі Берасцейскай вобласці. Падарожнікі не шкадуюць абразаў на адрас жыхароў гэтага рэгіёну.
🔻Латушка просіць дапамогі з пошукам звестак пра вывезеных у Беларусь ўкраінскіх дзяцей
Павел Латушка звярнуўся да беларусаў з просьбай дапамагчы ў пошуку інфармацыі пра ўкраінскіх дзяцей, якіх незаконна вывезлі ў Беларусь
🔻Што рабіць, калі ў Беларусі «запаволяць» YouTube?
У Расеі даўно ідуць размовы аб тым, каб заблакаваць ці хаця б «запаволіць» Youtube. Часам у такіх прапановах згадваюць і Беларусь. Але ёсць некалькі шляхоў доступу да гэтага відэасэрвісу ў абыход перашкодаў. «Белсат» расказвае, як падрыхтавацца да «запавольвання»
#галоўнае