42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💪 Беларусы зноў даказалі сваю салідарнасць
Музыка Аляксандр Памідораў захварэў і папрасіў грошовай дапамогі бо не можа выступаць і выконваць фізічную працу. Неабходную суму ён сабраў за рэкордныя тры гадзіны.
«180 хвілінаў. Столькі спатрэбілася, каб сабраць больш за € 3500 для Аляксандра Памідорава, які перажывае не найлепшы час у эміграцыі і “зарабіў” сабе хваробы на будоўлях. Моц нашай салідарнасці чарговы раз зачароўвае мяне», — пракаментаваў Андрэй Стрыжак.
Аляксандр быў вымушаны з’ехаць з Беларусі ў снежні 2021 года. За мяжой ён выступае на канцэртах і працуе на будоўлі. Цяпер стала вядома, што ён захварэў на двухбаковы сярэдні атыт.
Ён папрасіў € 3000, але ўжо сабраў € 4,2 тысячы.
Атрымаць Карту Паляка беларусам стане складаней
Магчыма, гэта закране і вас. Змены таксама датычацца і атрымання грамадзянства. Што здарылася, чытайце ПА СПАСЫЛЦЫ (праз VPN)
Рэжым артыштаваў нерухомасць журналісткі Таццяны Каравянковай
Пад арышт трапіла 1/3 частка дома, дзе дзяўчына жыла са сваякамі. Такое рашэнне прынялі праз пастанову следчага ўпраўлення. Прычыну яны не паведамляюць, а на звароты Таццяны не адказваюць.
Журналістка ў 2021 годзе вымушана з’ехала з Беларусі, цяпер жыве і працуе за мяжой.
#рэпрэсіі
❗️Прадстаўнік ЗША таемна прыязджае ў Беларусь і абмяркоўвае палітвязняў
Пра гэта стала вядома «Белсат» ад нашых крыніцаў. Хто гэта — разабраліся ПА СПАСЫЛЦЫ (праз VPN)
🧐 Чыноўнікі зацікавіліся вяртаннем культурных каштоўнасцяў
У спісе Генеральнай пракуратуры ажно 700 страчаных артэфактаў
Паглядзіце!
Беларусы з міжнароднай абаронай змогуць зрабіць візы для сваякоў
Толькі для гэтага патрабуюцца натарыяльныя запрашэнні. МЗС Польшчы у адказ на запыт «блока Пракопьева-Ягорава» падцвердзіў легітымнасць гэтага спосабу:
«Запрашэнні, завераныя натарыяльна, з`яўляюцца легітымным дакументам для атрымання візаў»
Паводле міністэрства, цяпер важна загадзя ўзгадняць працэс падачы дакументаў. Таксама ідзе праца, каб натарыяльныя запрашэнні можна было падаваць непасрэдна праз кансулаты, а не візавыя цэнтры.
«Гэта важна для абароны персанальных звестак, якія змяшчаюцца ў такіх запрашэннях, і прадухілення іх перадачы трэцім асобам», — заявілі ў блоку Пракоп’ева-Ягорава.
😊 Трэці Статут ВКЛ 1588 перададуць у Беларусь
Гістарычны дакумент набыла беларуская дыяспара і збіраецца вярнуць на радзіму. Гэта асобнік на польскай мове, выдадзены ў Віленскай друкарні ў 1693-м.
«Хутка ён будзе выстаўляцца на адмысловых мерапрыемствах па-за Беларуссю, але праз некаторы час яго перададуць у першую меркаваную сталіцу ВКЛ — Навагрудак, у мясцовы гісторыка-краязнаўчы музей, у якасці грамадскага падарунка», — заявіла ініцыятыва MALDZIS.
«У інтэрнэт пратачыліся фатаграфіі абвінавачанага. Было публічнае лінчаванне...»
Адвакат падазраванага ў забойстве Лізы прадставіў новыя ўмовы перад судом, і, здаецца, польскі пракурор можа на іх пагадзіцца. Чаго чакаць ад паседжання, распавядзем ПА СПАСЫЛЦЫ (праз VPN).
😱 У Польшчы ля мяжы з Беларуссю прызямліўся паветраны шар з 1 200 пачкамі цыгарэтаў
І гэты выпадак не адзіны: у пачатку кастрычніка і ў верасні падобныя шары знаходзілі на тэрыторыі памежнага Падляскага ваяводства.
Цяпер Служба аховы дзяржаўнай мяжы ініцыюе папраўкі ў заканадаўства, каб атрымаць права ўжываць агнястрэльную зброю супраць невядомых аб'ектаў, якія залятаюць на тэрыторыю краіны па паветры.
💥 #галоўнае за 17 кастрычніка
▫️У Беларусь зноў заляталі расейскія дроны.
▫️Вялікая Брытанія не прызначыла свайго абмасадара ў Беларусь.
▫️Украіна будзе чальцом NATO — новы кіраўнік альянску.
▫️Вялікая Брытанія ўвяла санкцыі супраць «ценявога флоту» Пуціна.
▫️Паўночная Карэя можа адправіць 10 000 салдат дзеля дапамогі Расеі.
▫️Забіты новы лідар ХАМАСу Ях'я Сінвар.
▫️Беларуску намінавалі на міжнародную прэмію па дзіцячай літаратуры.
▫️Польшча створыць спецпадраздзяленне для «фізічнай аховы мяжы».
🫠 Рэжым «згубіў ключы ад раю, таму дзверы цяпер адчыненыя ўвесь час»: «камісія па вяртанні» цяпер будзе пастаяннай
Раней тэрмін яе дзеяння быў абмежаваны 31 снежня 2024 года. Таксама яна будзе разглядаць звароты беларускіх грамадзян, якія знаходзяцца не толькі за мяжой, але і на тэрыторыі Беларусі.
Ды і гэта яшчэ не ўсе змены ў працы «камісіі». Што там намяняў Лукашэнка, чытайце ў нашым артыкуле (праз VPN).
❓Як думаеце, ці стане там больш зваротаў?
🐧Лукашэнка збіраецца ў Антарктыду. Што ён там забыў?
Пра гэта сёння ў «ПраСвеце» з Юліяй Лабанавай. Госці праграмы палітычны каментатар Сяргей Пеляса і Юрый Дракахруст, журналіст радыё «Свабода». А таксама ў новым ваданні⤵️
🔹Чаму ён пачаў падкупаць свой жа электарат
🔹Чаму Ксенія Сабчак прыехала ў Беларусь да Пратасевіча?
🔹Навошта злілі інфармацыю пра сакрэтныя перамовы эмісара Лукашэнкі са спецслужбамі ЗША?
🔹Ці ліст Стралкова-Гіркіна з калоніі мог напужаць Лукашэнку?
Цалкам выданне глядзіце на YouTube-канале «Белсат NEWS» ▶️
🔴 «Аб’ектыў» — галоўныя падзеі дня!
У сённяшнім выданні:
📌20 гадоў таму ў Беларусі прайшоў рэферэндум. У выніку Лукашэнка атрымаў магчымасць балатавацца неабмежаваную колькасць разоў.
📌Паседжанне Еўрапейскай Рады на ўзроўні лідараў краінаў. У Брусель выправіўся Уладзімір Зяленскі каб прадставіць свой план.
📌Генпракуратура пачала пошукі Крыжа Еўфрасінні Полацкай, Слуцкіх паясоў ды іншых каштоўнаўнасцяў, якія вывезлі з Беларусі. Пры гэтым не кажуць, што асноўная частка артэфактаў можа быць у Расеі.
📌Белстат: Тэмпы росту ВУП у верасні запаволіліся да 4,5 %
https://www.youtube.com/watch?v=p0am6_AX7js
Грузія ўжо не тая? Чаму беларусы больш не выбіраюць гэты накірунак?
Усё проста: пачытайце, што сталася з праектамі нашых суайчыннікаў у Грузіі і самі ўсё зразумееце — ПА СПАСЫЛЦЫ (праз VPN)
«Давайце шчыра: ніхто не ведае, шантажуюць Пратасевіча ці не»
Рэдактарка «Белсату» пракаментавала сітуацыю вакол Рамана Пратасевіча. Ці можна яго лічыць закладнікам рэжыму і што яшчэ варта ведаць — чытайце ПА СПАСЫЛЦЫ (праз VPN)
«Збірай рэчы, ты сюды больш не вернешся»
Беларус папрасіў прытулак у Славаччыне, але яго затрымала паліцыя. Раней ён знаходзіўся ў лагеры для ўцекачоў і скардзіўся на кепскія ўмовы.
«Белсат» патэлефанаваў беларусу, пакуль ён ехаў у паліцэйскім аўто і даведаўся падрабязнасці. Што з ім будзе далей — чытайце ПА СПАСЫЛЦЫ (праз VPN)
🤔 Сілавікі рыхтуюцца замяніць Лукашэнку?
Падрыхтаваліся ўсе, апроч беларусацэнтрычных, а вярхушка сілавікоў ужо робіць крокі да перадзелу ўлады. Пра гэта ў праграме «Двубой» разважае Сяргей Бульба, паслухайце ☝🏻
Выданне цалкам глядзіце на YouTube-канале «Белсат NEWS» 🎬
📺 Навіны за 5 хвілінаў
🔻Ноччу ў Беларусь зноў заляцелі расейскія «Шагэды».
🔻Беларусы набылі трэці СтатУт Вялікага Княства Літоўскага.
🔻У Берасцейскім ліцэі выявілі вострую кішачную інфекцыю — 14 дзяцей шпіталізавалі.
🔻Вядомага правакатара асудзілі свае ж па палітычных артыкулах.
Глядзіце ў кароткім выданні навінаў на Белсаце.
Дык у чым быў сэнс інтэрв'ю з Пратасевічам?
Мы паглядзелі той скандальны выпуск і ў нас з'явілася шмат пытанняў, якія мы задалі медыяэксперту.
Атрымалаўся вельмі цікавы аналіз пра тое, як цяпер танчэй працуе прапаганда, спрабуючы ўсіх нас адбурыць. Пачытайце і вы ПА СПАСЫЛЦЫ (праз VPN)
😉А яшчэ мы распавядзем усялякія штукі, як не весціся на лухту.
Долар пачаў таннець і згубіў гадавы максімум, а расейскі рубель падаражэў
Такія навіны курсаў валютаў у Беларусі на 18 кастрычніка.
#курсывалютаў
💁♂️ Беларускага правакатара асудзілі свае ж паводле двух палітычных артыкулаў
Яму прызначылі 1,5 года калоніі.
Як так атрымалася? З 2020 года Яўген Катляроў распаўсюджваў фэйкі ў незалежных СМІ, а таксама даносіў на некалькіх гамяльчан, што прывяло да іх пераследу. Адной з яго ахвяр стаў палітзняволены Леанід Судаленка.
У 2023 годзе Катляроў раптам пачаў крытыкаваць мясцовыя ўлады ў Беларусі. За гэта яго абвясцілі ў вышук і змясцілі ў ІЧУ. Пасля некалькіх відэа з крытыкай Гомельскага выканкаму яго затрымалі і асудзілі на 1,5 года зняволення.
Наша старонка з дакументальнымі стужкамі прызнана «экстрэмісцкай»
Суд у Маладечна забараніў Instragram акаўнт «belsat_doc», дзе можна глядзець кіно пра асабістыя гісторыі беларусаў, рэпартажы і дакументалкі пра падзеі ў нашай краіне.
Калі вы жывеце ў Беларусі — калі ласка адпішыцеся дзеля вашай бяспекі. Але мы ўсё роўна раім працягваць глядзець і цікавіцца гісторыяй разам з намі (толькі без падпісак, лайкаў ці каментараў).
Што яшчэ прызналі «экстрэмісцкім» і ад чаго варта адпісацца беларусам унутры краіны — чытайце ПА СПАСЫЛЦЫ (праз VPN)
#рэпрэсіі #штопаглядзець
😡 Гэтай ноччу восем «шахедаў» прыляцелі ў Беларусь
Усе яны атакавалі Украіну.
Паводле ЗСУ, Расея выпусціла каля 135 баявых беспілотнікаў, з якіх былі збітыя 80. Частка астатніх якраз прыляцела ў нашу краіну.
Каля 23:13 «шахед» зайшоў у раёне Любеча і паляцеў на поўдзень ад Брагіна. У адказ беларуская авіяцыя нават падняла знішчальнік.
Затым яшчэ адзін расейскі дрон рухаўся ў бок Любеча. Каля 00:29 два беспілотнікі зайшлі ў Беларусь з Чарнігаўскай вобласці, а ў 00:44 яшчэ два дроны — праз Камарын.
Дабрыдзень, сябры!
Не ведаеце, што раніцай пачытаць па дарозе на працу? Прапануем вам 3 найбольш цікавыя матэрыялы «Белсату», які вы маглі прапусціць:
✅ «Нарастанне нявызначанасці». Захад не разумее, як інтэрпрэтаваць паводзіны ўладаў Беларусі
Ці атрымліваецца ў Лукашэнкі гуляць з Захадам?
✅ «Экстрэмісцкі Нобэль»
Як эканамісты паказалі, чаму Беларусь бедная, а іншыя краіны багатыя.
✅ «Беларусы з’язджаюць, плануем закрывацца»
Што з культурніцкімі прасторамі ў Грузіі?
#штопачытаць
#рэпрэсіі Асноўнае за 17 кастрычніка
▪️У верасні 170 чалавек асуджаны па палітычных матывах.
▪️Сілвікі затрымалі грамадзяніна Ізраіля за каментары пра Лукашэнку.
▪️Ксёндз Павел Лемех з Шуміліна вымушана пакінуў Беларусь.
▪️Жыхара Барысава будуць судзіць, меркавана, за падтрымку Украіны.
▪️У Віцебску затрымалі мужчыну з пашпартамі Украіны і ЗША.
▪️У Беларусі +4 новыя палітвязні.
▪️Палітзняволены Руслан Ліннік не выйшаў на волю з калоніі па адбыцці тэрміну.
🤔 Чым адрозніваюцца месца, места і мястэчка?
Сярод іх хаваюцца ілжэсябры перакладчыка. Як не заблытацца ў гэтых словах тлумачыць Віктар Шукеловіч, паслухайце ☝🏻
Цалкам выданне праграмы «Мова нанова» глядзіце на YouTube-канале «Белсат LIFE» 🎬
☺️ Файнай музыкі вам на вечар
Новы трэк «Дадому» ад гурта KRIWI, які распавядае тое, пра што мы так марым…
Паглядзіце! youtu.be/WPcQtRFIch4
#штопаслухаць
📍Польшча створыць спецпадраздзяленне для «фізічнай аховы мяжы»
Пра гэта заявіў міністр унутраных справаў і адміністрацыі Польшчы Томаш Семоняк. Таксама ён падкрэсліў, што Польшча мусіць «аднавіць кантроль над тым, хто заязджае і выязджае з краіны».
«Кожны дзень мы сутыкаемся са спробамі [нелегальнага] мінання мяжы, – сказаў ён. – Верасень быў найгоршым месяцам [у гэтым сэнсе]. Гэтая тэндэнцыя пагоршылася. Аднак мы лічым, што інвестыцыі, укладзеныя ў загароду [на мяжы з Беларуссю], прыносяць вынікі».Читать полностью…
❤️ Беларуску намінавалі на міжнародную прэмію па дзіцячай літаратуры
Мастачку Кацярыну Дубовік могуць узнагародзіць прэміяй Астрыд Ліндгрэн за афрамленне кнігі для дзяцей.
Раней дзяўчына ўжо атрымлівала прэмію Цёткі за найлепшую ілюстрацыю. Ці стане яна лаўрэаткай новай прэміі стане вядома 1 красавіка 2025 года.
Дарэчы, прэмія скаладае пяць мільёнаў шведскіх кронаў і з’яўляецца найбуйнейшай у гэтай сферы.
❗️Забіты лідар ХАМАСу Ях'я Сінвар
Менавіта ён быў галоўным арганізатарам тэрарыстычнага ўварвання ў Ізраіль 7 кастрычніка 2023 года.
Сінвар быў ліквідаваны жаўнерамі Цагаль падчас аперацыі ў Газе. Ён стаў кіраўніком палітбюро групоўкі пасля Ісмаіла Ханіі.
👆На фота Ях'я Сінвар трымае дзіцё з аўтаматам.