42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
😍 Мілыя істоты, якія растопяць кожнае сэрцайка
Абвешчаны шорт-ліст прэміі Nikon Comedy Wildlife Awards 2024 года.
Паглядзіце, якія дзіўныя і непасрэдныя прадстаўнікі свету жывёлаў трапілі ў яго. Фатографы змаглі схапіць імгненне, дзе пухнатыя і пярнатыя выглядаюць яшчэ і смешна, або дзіўна.
Хто перамог — стане вядома 10 снежня.
#рэпрэсіі Асноўнае за 8 красавіка
🔻 Аляксандр Азараў: сілавікі пачалі спецаперацыю для выкрыцця каналаў эвакуацыі з Беларусі
🔻 Навучальны год у Беларусі пачаўся з палітычнага прэсінгу
🔻 Хапун у Гомельскай вобласці
🔻 Праваабаронцы дадалі ў спіс палітвязняў сем чалавек
🔻 Прыхільніцу Лукашэнкі адправілі на прымусовае лячэнне ў псіхілячэбніцу
🔻 Памілаваных палітвязняў «масава і гвалтоўна вярбуюць» беларускія сілавікі
🔻 За каментары пра сілавікоў і Лукашэнку затрыманы мужчына
🔻Палітзняволенага ўраджэнца Херсона сёння пачынаюць судзіць па чатырох крымінальных артыкулах
🔻 Жыхара Менска Дзмітрыя Жлоба збіраюцца судзіць завочна
🔻 Палітзняволенага «рэйкавага партызана» Уладзіміра Аўрамцава зноў судзілі
🔻 У Рэчыцы, імаверна, судзілі намесніцу гендырэктара аб’яднання «Рэчыцадрэў»
🔻 Затрымалі мужчыну, які пракаментаваў навіну пра магілёўца, які з нажом абараняўся ад губазікаўцаў
🔻 Палітзняволеную праваабаронцу Насту Лойку этапуюць у мінскае СІЗА
⚽️ У беларускім футболе працягваюцца спрэчкі вакол столі заробкаў
Уведзенае летась абмежаванне на выплаты для гульцоў і трэнерскага штабу мелася дапамагчы клубам падтрымліваць фінансавую стабільнасць. Але з таго часу футбольная супольнасць усцяж абмяркоўвае: ці патрэбная столь заробкаў? За яе адмену выказаўся нават старшыня Асацыяцыі беларуская федэрацыя футболу Мікалай Шарснёў.
Аляксандр Апейкін, выканаўчы дырэктар Беларускага фонду спартовай салідарнасці, падзяліўся з «Белсатам» сваім меркаваннем. Чытайце ПА СПАСЫЛЦЫ 👈
🌪️ Ураган Гэлен абрынуўся на Флорыду
Паглядзіце, што ён нарабіў 🤯
🔴 «Аб’ектыў» — галоўныя падзеі дня!
У сённяшнім выданні:
🔸Лукашэнка анансаваў беларускі мабільнік, дроны, беспілотныя трактары і шмат іншага. Пакуль на шматлікай тэхніцы з беларускага толькі налепка
🔸У Польшчы беларуса прыгаварылі да 2 гадоў і 10 месяцаў зняволення ў рамках шпіёнскай справы
🔸 Мінэканомікі падрыхтавала план стратэгіі для дасягнення мэтаў устойлівага развіцця да 2040 года. Там і «Карта беларуса» і рост ВУП у два разы, і рэцэпт вяртання беларусаў з-за мяжы. Ці рэальна?
🔸 Святлана Ціханоўская атрымала прэмію lantos human rights prize
🔸 Уладзімір Зяленскі ў ЗША сустрэўся з Байдэнам і Гарыс, Белы Дом запэўніў Украіну ў падтрыманні і вылучыў мільярды дапамогі. Але пакуль не дазволіў біць амерыканскай зброяй па ваенных аб’ектах у Расеі
🔸 Затанула кітайская навейшая атамная падлодка
🔸 На Гомельшчыне затрымалі прынамсі 10 чалавек
🔸 Лукашысты з’ехаліся на першы форум блогераў Беларусі.
Далучайцеся да эфіру ⤵️
🫤 Жанчыну, якую абвінавачвалі ў дыскрэдытацыі Беларусі, асудзілі да прымусовага лячэння ў псіхіятрычнай лячэбніцы
Наталля Мікуліч абвінавачвала зяця ў гвалце над уласнай дачкой, яе ўнучкай. У маі 2023 года зяць жанчыны падаў супраць яе пазоў аб абароне гонару і годнасці і выйграў яго.
Таксама ў сацсетках жанчына абвінавачвала сілавікоў і дзяржаўныя структуры, што тыя пакрываюць педафілаў. 14 лютага яна сустракалася з міністрам унутраных спраў Іванам Кубраковым. Аднак, праз 2 месяцы пасля гэтай сустрэчы праз яе арыштавалі.
👉 Мікуліч абвінавацілі ў дыскрэдытацыі Беларусі, распальванні варожасці і паклёпе. Дакладныя вынікі суда невядомыя. Але 27 верасня МУС унесла Мікуліч у спіс «экстрэмістаў», а ў графе«рашэнне суда» значыцца прымусовае лячэнне.
❓Навошта Лукашэнка «ператрахвае» беларускае войска?
📍Якія сігналы дасылае ў свет рэжым Лукашэнкі?
📍Навошта дыктатар пагражае вайной і сустракаецца з кіраўніком тэрарыстычнай арганізацыі ДНР?
📍І як на гэта адказваюць дэмакратычныя сілы Беларусі?
Пра гэта і не толькі ў сённяшнім выданні праграмы «ПраСвет» са Змітром Міцкевічам. У студыі Рыгор Ніжнікаў, эксперт Фінскага інстытуту міжнародных стасункаў.
Цалкам выданне глядзіце на YouTube-канале «Белсат NEWS» ▶️
🔷 Праваслаўны манах-беларус з Падляшша заснаваў скіт, дзе пражыў некалькі гадоў без электрычнасці, водаправоду і сувязі з вонкавым светам
Праз пяць гадоў мясцовыя праваслаўныя дапамаглі паставіць там драўляную царкву, дом для манахаў ды гаспадарчыя пабудовы.
Неардынарная асоба манаха-пустэльніка прыцягвае паломнікаў. З кожным ён імкнецца знайсці агульную мову, дае карысныя духоўныя парады ці лечыць зёлкамі.
Але найбольшы клопат для архімандрыта – немагчымасць знайсці сабе пераемніка, бо ў сучасным свеце людзям цяжка адмовіцца ад камфорту цывілізацыі, кантактаў з аднагодкамі…
Рэжысёр Юры Каліна зняў фільмпра гэтага незвычайнага чалавека - «АРХІМАНДРЫТ, пчаляр, зяляр, чалавек...». Паглядзець яго можна на нашым Youtube-канале БЕЛСАТ DOC 👈
😢 Праваабаронцы дадалі ў спіс палітвязняў сем чалавек
Людзі ці ўжо былі асуджаныя ці яшчэ чакаюць прысуду паводле палітычна матываваных артыкулаў.
👉 Спіс імёнаў можна знайсці ПА СПАСЫЛЦЫ
🔥 Раман Альгерда Бахарэвіча «Сабакі Эўропы» увайшоў у шорт-ліст Літаратурнай прэміі Гамбурга-2024 у катэгорыі «Кніга года»
Пра гэта паведаміў сам аўтар на сваёй старонцы ў Facebook.
Пераможцаў абвесцяць у лістападзе.
🤷♀️ Нявестку Лукашэнкі Ганну зрабілі галоўнай па падрыхтоўцы «Марафона адзінства»
«Марафон адзінства» - гэта працяг фестывалю «Беларусь-мая песня». Па словах Наталлі Эйсмант, гэта была «ідэя сабраць найлепшае з гэтых канцэртаў у адзін вялікі творчы праект».
У рамках мерапрыемства анансуюць нейкія «маштабныя сустрэчы» і канцэрты ў рэгіёнах, адкрыты конкурс малюнка вучняў пачатковай школы і іншыя.
Жонку Змітра Лукашэнкі Ганну на гэтым свяце жыцця зрабілі кіраўніцай працоўнай групы па падрыхтоўцы.
💱 Курсы валютаў на 27 верасня
Еўра страціў амаль 2 капейкі. Долар і рубель трошкі падраслі.
#курсывалютаў
🤡 Лукашэнка анансаваў распрацоўку беларускага мабільніка
Не паспелі нарадавацца на беспілотныя трактары, як Лукашэнка палічыў, што Беларусь здольна самастойна распрацаваць і мабільны тэлефон з уласным праграмным забеспячэннем:
«Ёсць дасягненні ў мікраэлектроніцы, нават ноўтбук свой зрабілі, у інфармацыйных тэхналогіях, фармацэўтыцы, біятэхналогіях. Гэта я толькі малую частку назваў. Краіна развіваецца, людзі таксама развіваюцца»
«Гэтых дзяцей вучаць бачыць ворагаў ва ўсіх, хто не згодны з дзейнай уладай»
Паводле Лукашэнкі вучні ў школе павінны «трапятаць», а настаўнікі «быць бездакорнымі». Менавіта такімі бачыць рэжым ідэальных грамадзянаў нашай краіны.
Па загадзе дыктатара па ўсёй краіне ствараюць «сілавыя» класы , велізарную колькасць ваенна-патрыятычных кружкоў і нават водзяць дзяцей на экскурсіі ў калоніі…
👉 Да чаго рыхтуюць нашых дзяцей, у каго ператварыліся настаўнікі і як выжываюць у новай рэчаіснасці бацькі чытайце ПА СПАСЫЛЦЫ
👆Святлана Ціханоўская атрымала прэмію Lantos Human Rights Prize
Гэта адбылося падчас ейнага візіту ў ЗША.
Прэмія Lantos Human Rights Prize штогод прысуджаецца за актыўную барацьбу за правы чалавека.
«Сёння я прымаю гэтую прэмію не за сябе, а за ўсіх тых, хто працягвае змагацца за Беларусь»,
💥 #галоўнае за 27 верасня
✔️ Найноўшы атамны падводны човен Кітаю затануў
✔️ Ліміт на інтэрнэт-пасылкі плануюць знізіць да 50 еўраў
✔️ Польскі суд вынес прысуд беларусу і украінцу, якія шпіёнілі на карысць Расеі
✔️ Лукашэнка анансаваў распрацоўку беларускага мабільніка
✔️ Пайшла з жыцця акторка Мэгі Сміт
✔️ «Беларускі хельсінкскі камітэт» прэзентаваў даклад «Правы чалавека ў Беларусі: асноўныя трэнды дзяржаўнай палітыкі»
✔️ У Беларусі амаль у 15 разоў вырасла колькасць выпадкаў гепатыту А
✔️ Пасля маштабных паводак у Еўропе ў Беларусі могуць з'явіцца аўтамабілі, што пацярпелі ад вады
✔️ Што рабіць беларусам, калі «Google», як расейцам, забароніць ім заводзіць новыя акаўнты
🤔 Прапаганда трубіць, што айцішнікі вяртаюцца ў Беларусь
Але гэта недакладна
Спыталі эксперта – паглядзіце ☝️
🤦 «Магло быць горш. Маглі адправіць Азаронка»
Павел Свярдлоў, галоўны рэдактар «Еўрарадыё», падзяліўся меркаваннем, ці можа Пратасевіч стаць пасярэднікам з апазіцыяй☝️
🚗 «Тапелец абавязкова сябе пакажа»
Пасля маштабных паводак у Еўропе ў Беларусі могуць з'явіцца аўтамабілі, што пацярпелі ад вады
Як не купіць ката ў мяху – глядзіце ў нашым відэа ☝️
😡 А ці было сапраўды памілаванне беларускіх палітвязняў?
Што адбываецца з людзьмі, якія вышлі апошнім часам па памілаванні Лукашэнкі? Dissidentby паведамляюць, што гэтых людзей цяпер «масава і гвалтоўна вярбуюць» беларускія сілавікі.
Пад пагрозамі новага пераследу і ціскам на сям'ю, КДБ патрабуюць ад палітвязняў згоды на ўдзел у прапагандысцкіх відэа, прымушаюць да супрацы ў якасці сваіх агентаў і забараняюць выезд з краіны.
🦠 У Беларусі амаль у 15 разоў вырасла колькасць выпадкаў гепатыту А
Большасць заражаецца «кантактна-бытавым» шляхам – дома і на працы.
Улічваючы пачатак навучальнага года, медыкі мяркуюць, што рызыкі распаўсюджвання захворвання ў арганізаваных калектывах падвышаюцца, у сувязі з чым разаслалі «азнаямленчы ліст» з просьбай прыняць меры.
👉 Чытаць падрабязней ПА СПАСЫЛЦЫ
🐊 Беларуская дзяржава – як кракадзіл, які «адкусіў» вялікі кавалак правоў беларусаў, а цяпер ператраўлівае наступствы
«Беларускі хельсінкскі камітэт» правёў прэзентацыю дакладу «Правы чалавека ў Беларусі: асноўныя трэнды дзяржаўнай палітыкі». У ім робіцца агляд асноўных зменаў у падыходзе ўладаў Беларусі да рэпрэсіяў і парушэнняў правоў чалавека.
Беларускія ўлады ў дакладзе параўноваюцца з кракадзілам, які «адкусіў» вялікі кавалак правоў і свабодаў беларусаў у 2023 годзе і раней, а цяпер «ператраўлівае» яго, разбірае наступствы і пашырае рэпрэсіўныя практыкі.
👉 ПА СПАСЫЛЦЫ сабралі для вас асноўнае з гэтага дакладу.
🕯 Пайшла з жыцця акторка Мэгі Сміт
Пра гэта са спасылкай на сваякоў паведамляе «BBC». Ёй было 89 гадоў.
Мэгі Сміт гуляла ў кіно і тэатры з 1952 года. Яна двойчы атрымала «Оскар», тры разы — «Залаты глобус», сем разоў - ўзнагароду BAFTA.
☝️ У 1990 годзе акторка атрымала ганаровае званне Дамы-камандора Ордэна Брытанскай імперыі.
Сміт вядомая роляй прафесара МакГонагал ў фільмах пра Гары Потэра, таксама яна гуляла ў серыяле «Абацтва Даўнтан».
📺 Навіны за 5 хвілін
✔️Лукашэнка выказаўся пра пераемніка, выступаючы перад студэнтамі
✔️Хапун на Гомельшчыне
✔️Пратасевіч стане пасярэднікам з апазіцыяй?
✔️Ціханоўская атрымала прэмію Lantos Human Rights Prize
✔️Праблемы з вадой у Менску
✔️У Менску працуе пенсіянер, якому 93 гады
Глядзіце ў кароткім выданні навін на Белсаце 💻
«Google» абмежаваў стварэнне новых акаўнтаў для карыстальнікаў з расейскімі тэлефоннымі нумарамі
Блакаванне, імаверна, звязанае з пакетам санкцый ЗША, які ўвайшоў у дзеянне 12 верасня і забараняе IT-кампаніям аказваць свае паслугі ў Расеі.
Мінцыфры Расеі рэкамендуе карыстальнікам Google-акаўнтаў рабіць рэзервовыя копіі дадзеных і змяніць спосаб двухфакторнай аўтэнтыфікацыі замест нумара тэлефона на іншы.
👉 «Белсат» даведаўся ў эксперта, наколькі гэта эфектыўныя санкцыі і што рабіць беларусам, калі для іх таксама «закрыюць» пошту і іншыя сэрвісы «Google» ПА СПАСЫЛЦЫ
🐹 Відэагульня «Hamster Kombat» нарэшце раздала натапаныя грошы
Відэагульня «Hamster Kombat» была запушчаная ў фармаце Telegram-бота 26 сакавіка 2024 года. Усё, што трэба было рабіць - гэта клікаць (на тэлефонах – тапаць) па віртуальнаму хамяку тысячы разоў, а на гэтым зарабляць віртуальныя манеткі, якія абяцалі канвертаваць у сапраўдную крыптавалюту.
Абяцанне выканалі, 22 верасня «Hamster Kombat» падвяла вынікі першага сезону і размеркавала між гульцоў сваю крыптавалюту, а 26 верасня крыптавалюта HMSTR з’явілася на біржах.
👉 Колькі зарабілі самыя руплівыя гульцы чытайце ПА СПАСЫЛЦЫ
😡 Хапун у Гомельскай вобласці
Telegram-канал блізкі да сілавікоў паведаміў, што мінімум 10 чалавек затрымалі ў Гомельскай вобласці.
Затрыманых назваюць «дэструктыўнымі персанажамі», а на відэа, запісаных сілавікамі, адзін з затрыманых кажа, што пазнаёміўся праз інтэрнет з украінцамі і праз іх уплыў пачаў «абражаць прэзідэнта».
🤔 У Беларусі плануюць сабраць амаль 100 «Асвеяў»...але пакуль няма нават дзе...
У Беларусі хочуць наладзіць сумесную з Расеяй серыйную вытворчасць лёгкіх самалётаў. Планы грандыёзныя, але іх выкананне выклікае сумневы.
👉 ПА СПАСЫЛЦЫ расказваем, што вядома пра беларуска-расейскі самалёт і якія перспектывы ў праекта.
⚡️ Польскі суд вынес прысуд беларусу і украінцу, якія шпіёнілі на карысць Расеі
Беларус Уладзіслаў П. і украінец Максім Л. былі сярод 16 грамадзян Беларусі, Украіны і Расеі, арыштаваных Агенцтвам унутранай бяспекі Польшчы ў рамках расследвання дзейнасці шпіёнскай сеткі, якая займалася зборам інфармацыі аб транспарціроўцы ваеннай тэхнікі ва Украіну.
Акруговы суд у Любліне вынес ім прысуд.
👉 Да якіх срокаў прыгаварылі шпіёнаў чытайце ПА СПАСЫЛЦЫ
🫥 Кепская навіна для тых, хто атрымлівае інтэрнэт-пасылкі: ліміт на іх плануюць знізіць да 50 еўраў
Такое рашэнне хочуць прыняць для ўсіх краін ЕАЭЗ – Беларусі, Арменіі, Казахстана, Кыргызстана і Расеі.
Памяншаць ліміт ЕАЭК прапануе паступова: не мяняць яе ў 2025 годзе, у 2026 годзе паменшыць да 100 еўра, а ў 2027 годзе – да 50 еўра. Аднак праект рашэння, размешчаны на сайце, пакуль не падпісаны.
Пакуль гэты ліміт складае 200 еўра і 31 кілаграм.