42764
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤯 Ва ўкраінскім урадзе – вялікі міністрапад
У адстаўку падаў нават міністр замежных спраў Дмытро Кулэба
Улады кажуць, што гэта вялікая перазагрузка ☝️
Невядомы пачаў страляць каля консульства Ізраілю ў Мюнхене
Падазраванага застрэлілі. Пра пацярпелых пакуль невядома.
Верагодна, страляніна звязана з гадавінай тэракту на Алімпіядзе ў 1972 годзе, калі палестынскія тэрарысты забілі 11 ізраільскіх спартоўцаў.
У канцы траўня ў Генконсульства Ізраілю ў Мюнхене кінулі бутэльку, падобную да «кактэйлю Молатава», з куляй унутры. Два дні пазней у амбасаду Ізраілю ў Бруселі кінулі страйкбольную гранату.
Вось так выглядаюць наступствы расейскіх дронаў у Беларусі
Паводле МНС, пасля знішчэння беспілотнікаў адзін з іх трапіў у будынак склада і пашкодзіў дах. Іншы дрон упаў за краму «Соседи». У абодвух выпадках адбыліся пажары.
Ратавальнікі паведамілі, што ўсе ачагі патушаны, ніхто не пацярпеў.
🤡 Дзяржсакратар «Саюзнай Дзяржавы» Мезенцаў назваў збітыя расейскія дроны ў Беларусі — правакацый
Паводле яго, мэта такіх дзеянняў: «паменшыць ролю Беларусі і Расеі на міжнароднай арэне і выкрасліць нашу культуру».
«Гэта такая махровая русафобія, якая праяўляецца ў тым ліку праз дроны, правакацыі на мяжы, інфармацыйны ціск — усё гэта звёны адной стратэгіі ціску на Расею», — заявіў Мезенцаў.
❗️У Беларусі знішчылі расейскія беспілотнікі
Ноччу ў Гомельскую воблась з боку Украіны заляцелі два дроны-«Шахед». Праз 20 хвілін з аўрадрому быў узняты беларускі знішчальнік, які збіў беспілотнікі.
Мінабароны Беларусі падцвердзіла парушэнне паветранай прасторы і заявіла, пра знішчэнне ўсіх дронаў.
🫥У войсках МУС збіраюцца стварыць атрыды аператараў дронаў і снайпераў
Таксама САБР атрымаў статус цэнтра спецыяльнага назначэння.
Пра гэта паведаміла прэс-служба ўнутраных войскаў:
«СОБР получил статус центра специального назначения и отвечает за подготовку и служебно-боевое применение всех 10 вновь сформированных спецподразделений и 2 добровольческих отрядов спецназа. Работа в этом направлении продолжается, в ближайшее время планируется создание отдельных отрядов снайперов и операторов дронов».Читать полностью…
☝️ «Беларускі Гаюн»: над Гомлем гэтай ноччу збілі «шахеды»
Папярэдне, два беспілотнікі зайшлі ў паветраную прастору Беларусі з Чарнігаўскай вобласці Украіны каля 1-й гадзіны ночы. Прыкладна праз 20 хвілінаў з аэрадрому ў Баранавічах вылецеў дзяжурны вынішчальнік, які збіў «шахеды» каля 1:30.
На відэа, якое распаўсюджвае @flagshtok, збітыя дроны падаюць у раёне Гомля.
☺️ Супакоіцца перад сном вам дапаможа гэты блогер
Толькі паглядзіце: здаецца, што нішто ў гэтым свеце не зможа яго засмуціць.
У апісанні да акаўнту гэтага дзядулі пазначана: «жыццё — бясконцая практыка. Вялікая мудрасць жыцця — развіваць цярпенне».
Жадаем вам спазнаць такі ж спакой, як гэты блогер.
🤔 Што агульнага ў Беларусі і Вільні? І там, і там бацькі дамагаюцца адкрыцця беларускамоўных класаў у школах
Беларусаў у Вільні стала столькі, што адзіная школа з беларускай мовай навучання ўжо не змяшчае ўсіх жадаючых.
Паглядзіце, на што гатовыя беларусы, каб іх дзеці навучаліся на роднай мове.
😮 «Я Насця і мяне ўжо няма ў жывых»: у tiktok з’явіўся першы мёртвы блогер?
На кожным відэа дзяўчына, якая распавядае гісторыі з жыцця і подпіс «Насці з намі ўжо няма, на відэа яе лічбавы аватар».
❓ Што гэта было насамрэч? Глядзіце ў нашым відэа.
🍻 Купі піва, блаславёнае святаром — дапамажы адрамантаваць мячэць
Святар Эдгар Клара з Партугаліі прыдумаў спосаб зарабіць грошы, каб дапамагчы аднавіць стары будынак мячэці - вытворчасць блаславёнага піва.
Клара служыць у адной з найстарэйшых цэркваў Лісабона, побач з якой знаходзіцца старадаўняя мячэць, дзе, як кажуць, адбылася першая Імша пасля адваявання Лісабона крыжакамі.
🍺 Каб дапамагчы «аднавіць, папулярызаваць і выставіць на ўсеагульны агляд спадчыну гэтага будынка», святар запусціў вытворчасць піва ІРА пад назвай Santa Cruz.
Піва запраўленае кардамонам і блаславёнае непасрэдна святаром.
На аднаўленне алтароў мячэці Клара неабходна сабраць каля 2000 еўра.
Гэты ўкраінскі горад стаў сапраўднай зонай адчужэння
Жыхары Вуглядару кожны дзень літаральна слухаюць неба. У людзей няма вады, будынкі разбураны, у небе лётаюць дроны, а загінулых хаваюць проста ў дварах.
Нашыя калегі з @vottaktv пабывалі ў горадзе на лініі фронту.
«Дзеці ідуць у школу і фатаграфуюць руіны. Гэта страшна»
Беларуская рэжысёрка Ксенія Галубовіч, якая апынулася ў Львове, распавяла пра атмасферу ў горадзе пасля расейскага абстрэлу.
📺 Навіны за 5 хвілін
🔻Яшчэ 30 палітвязняў выйдуць на волю.
🔻«Беларускі Гаюн»: у Беларусь заляцелі расейскія беспілотнікі.
🔻У жаночы інтэрнат у Лоеве засялілі спецназ.
🔻Стала вядома, дзе цяпер працуе Раман Пратасевіч.
🔻Украіна хоча выйсці з 14-ці пагадненняў з Беларуссю.
Цалкам глядзіце ў кароткім выданні навінаў на Белсаце.
◾️Ад сённяшняй расейскай атакі па Львову загінула амаль ўся сям'я
Застаўся ў жывых толькі бацька Яраслаў. Жонка Яўгенія і тры дачкі (Ярына, Дар'я і Эмілія) памёрлі ў сваім доме.
«Не ведаю, якімі словамі падтрымаць Яраслава. Сёння мы ўсе з вамі. Шчырыя спачуванні і светлая памяць», – напісаў мэр Львова.
Былога чыноўніка асудзілі на 6 гадоў калоніі
Але ён адразу трапіў пад амністыю (яго часткова вызвалілі ад пакарання на адзін год).
Міхаіл Міхадзюк, які кіраваў БелАЭС і быў экс-намеснікам міністра энергетыкі, асуджаны за хабар пры рэалізацыі праектаў Мінэнерга.
Паводле абвінавачанняў, былы чыноўнік лабіраваў інтарэсы прыватнай кампаніі пры закупцы еўрапейскага абсталявання. Ён нібыта атрымаў ад прадстаўніка кампаніі RIKO хабар у 35 тысяч еўра.
Міхадзюк цалкам прызнаў сваю віну, вярнуў сродкі і перадаў 5 тысяч рублёў у РНПЦ дзіцячай анкалогіі.
«Беларускі Гаюн»: 8 расейскіх «Шахедаў» ноччу заляцелі ў Беларусь
«Першыя 2 беспілотнікі перасеклі мяжу з Беларуссю каля 01:08 і рухаліся ў бок Гомля. Праз паўгадзіны сістэмы СПА Расеі збілі як мінімум адзін.
Наступныя дроны заходзілі ў паветраную прастору Беларусі ў 02:28, 03:10, 06:47, 06:56 і 07:54. Частка з іх вярнулася ва Украіну, іншыя паляцелі ў бок Мазыра і Хойнікаў.
Беларускія знішчальнікі выляталі ноччу і збілі 2 «Шахеды». Астатнія альбо зніклі, альбо вярнуліся ва Украіну», — паведамляе ініцыятыва «Беларускі Гаюн»
Нагадваем, беларуская авіацыя ўжо другі раз знішчыла расейскія дроны над нашай краінай.
Затрыманы «агент японскай разведкі» — выкладчык японскай мовы
Наканішы Масатошы выкладаў студэнтам у Інстытуце дадатковай адукацыі пры Гомельскім дзяржаўным універсітэце. Мужчына таксама жанаты з гамяльчанкай.
Прапагандысты сцвярджаюць, што ён меў «самыя шырокія інтарэсы» ў Беларусі: збіраў інфармацыю пра сітуацыю ў краіне і на беларуска-ўкраінскай мяжы, пра кітайскую ініцыятыву «Адзін пояс — адзін шлях», а таксама займаўся здымкамі ваеннай інфраструктуры.
На відэа японец «прызнаецца», што яго дзейнасць магла быць «вельмі небяспечнай для Беларусі». На камеры «агент» кажа пра «магчымую атаку ракетай па Беларусі» (ад Японіі ці іншай краіны, незразумела).
Урад Японіі паабяцаў аказаць затрыманаму максімальна магчымую падтрымку.
🇱🇻 Латвія плануе канфіскоўваць аўто з беларускімі нумарамі пасля 31 кастрычніка
Такі законапраект цяпер на разглядзе ў Сейме. Канфіскацыю беларускіх аўтамабіляў ужо ўхваліла Камісія па навакольным асяроддзі і рэгіянальнай палітыцы.
Згодна з дакументам, да 31 кастрычніка неабходна вывезці аўтамабіль з Латвіі або перааформіць на латвійскія нумары.
Пасля 31 кастрычніка аўто з беларускімі нумарамі змогуць уязджаць у Латвію толькі калі прадстаўляюць дыпслужбы, у гуманітарных мэтах ці для аднаразовага перасячэння тэрыторыі краіны транзітам (патрэбна звяртацца ў Дырэкцыю бяспекі дарожнага руху Латвіі).
😡 Супраць беларусаў у Літве зноў здзейснілі акт вандалізму
Уначы каля беларускай арганізацыі «Дапамога» невядомыя пакінулі абразлівы надпіс па-літоўску: «Беларусам-паразітам тут не месца». На думку кіраўніцтва арганізацыі, гэта магла быць правакацыя спецслужбаў рэжыму.
За апошнія дні акты вандалізму пачасціліся:
🔸Учора невядомыя абстралялі з пнеўматыкі вокны храма беларускага праваслаўнага прыходу.
🔸Таксама ўчора ў Вільні разбілі вокны ў беларускім цэнтры.
🔸У ліпені ў краме беларусаў разбілі вокны і напісалі абразлівыя надпісы.
🔸А ў жніўні на сцяне ЕГУ напісалі зласлівы заклік Ціханоўскай па-літоўску (з памылкамі).
Вітаем усіх, хто ўжо прачнуўся!
Мы вам ранішняе чытво прынеслі - сабралі найбольш цікавыя матэрыялы «Белсату», якія вы маглі прапусціць:
🔘«Прашэнне не азначае памілавання»
«Белсат» даведаўся ў грамадскай актывісткі і феміністкі Насты Базар, што можа азначаць вызваленне часткі палітвязняў і якія цяпер тэндэнцыі ва ўмовах утрымання і вызвалення палітвязняў.
🔘Новая тактыка: хітры манеўр і ілжывыя цэлі
Палёты шагэдаў над Беларуссю сталі рэгулярнымі. Што адбываецца?
🔘«Надаць легітымнасці ўладзе»
Ці чакаць перамены ва Украіне пасля гучных адставак?
#штопачытаць
💥 #галоўнае за 4 верасня
▫️Расея абстраляла Львоў. Пацярпела больш за 20 чалавек
▫️Памілаваны яшчэ 30 палітвязняў
▫️Рэжым плануе правесці яшчэ адну камісію па памілаванні палітвязняў
▫️Украіна выходзіць з 14 пагадненняў з Беларуссю
▫️Усе грошы з Марафону Салідарнасці размеркаванныя на дапамогу палітвязням
▫️У Беларусь зноў заляталі расейскія дроны
▫️Невядомыя разбілі шкло ў Беларускім цэнтры ў Вільні
#рэпрэсіі Асноўнае за 4 верасня
▪️Стан здароўя Паліны Шарэнды-Панасюк рэзка пагоршыўся
▪️У Берасці за ўдзел у паслявыбарчых пратэстах судзяць адразу 11 чалавек
▪️У Пінску за ўдзел у пратэстах судзяць двух мясцовых жыхароў
▪️У «Спіс экстрэмістаў» дадалі яшчэ 22 чалавекі — цяпер у ім 4375 прозвішчы
▪️КДБ дадаў 12 беларусаў у спіс асобаў «дачыненных да тэрарызму»
▪️У Беларусі 5 новых палітвязняў
▪️Палітвязню Максіму Знаку споўнілася за кратамі 43 гады
❗️ Прапагандысты заявілі, што ў Беларусі затрымалі «агента японскіх спецслужбаў»
Ён, нібыта, збіраў звесткі «аб сітуацыі ў краіне і на мяжы з Украінай», а таксама інфармацыю аб кітайскім праекце «Адзін пояс — адзін шлях».
Затрыманага завуць Наканісі Масатосі. Чалавек з такім жа імём і прозвішчам працуе ў ГДУ імя Ф. Скарыны выкладчыкам.
🔴 «Аб’ектыў» – галоўныя падзеі дня!
У сённяшнім выданні:
🔸 Яшчэ 30 вязняў выйдуць на волю паводле ўказу Лукашэнкі. На фоне гэтай інфармацыі з'явіліся сведчанні, што ў турме памірае Паліна Шарэнда
🔸 У Берасці і Пінску працягваецца пераслед па пратэставых справах
🔸 Чарговыя шахеды ў беларускім небе
🔸 Ратацыя ў кабінеце міністраў ва Украіне
Далучайцеся да эфіру ⤵️
Рэжым плануе правесці яшчэ адну камісію па памілаванні палітвязняў
Па гэта прапагандыстам заявіў генпракурор Андрэй Швед. Паводле яго, плануецца разгледзіць «дастаткова шмат» заяваў. Таксама чыноўнік пракаментаваў і сённяшняе вызваленне палітвязняў:
«Мы ўлічылі той факт, што ўсе гэтыя асобы не здзяйснялі гвалтоўнае злачынства супраць прадстаўнікоў улады. Яны былі асуджаныя ў асноўным за абразу і паклёп у інтэрнэт-прасторы», – сказаў Швед.
Наконт наступнай камісіі ён заявіў, што «асобы ўжо падалі хадайніцтвы пра памілаванне, прызналі віну, шчыра раскаяліся і далі абяцанне весці правапаслухмяны лад жыцця».
🙏 Беларускі культурніцкі праект просіць аб падтрымцы
Вядомыя беларускія акторы плануюць ствараюць сапраўдны эксперымент — пастаноўку прытчы-казкі па матывах твора Уладзіміра Арлова «Ордэн Белай Мышы». Гэта будзе незвычайны спектакаль з гумарам, самаіроніяй і размовамі пра сябе і ўладу.
Каманда праекту, у склад якой уваходзяць купалаўцы, рэжысёры і мастакі, плануе паказаць спектакль больш за 10 разоў у Варшаве і іншых польскіх гарадах, а таксама выехаць на гастролі па Еўропе. Дзеля гэтага яны просяць грашовай дапамогі.
Як падтрымаць праект і якія бонусы можна атрымаць ад данатаў — ПА СПАСЫЛЦЫ.
Палітвязню Максіму Знаку споўнілася за кратамі 43 гады
Гэта ўжо ягоны чацвёрты дзень народзінаў у зняволенні.
Нагадваем, Максіма Знака, адваката і юрыста перадвыбарчага штабу Бабарыкі затрымалі 9 верасня 2020 года. У верасні 2021-га яго пакаралі 10-ю гадамі калоніі ўзмоцненага рэжыму за выкананне сваіх прафесійных абавязкаў.
Дарэчы, Максім вядомы не толькі юрыдычнай дзейнасцю, але і як музыка і пісьменнік. Сабралі цікавыя факты пра палітвязня ПА СПАСЫЛЦЫ (праз VPN)
🤔 Што хоча сказаць Лукашэнка вызваленнем палітвязняў?
Сёння самаабвешчаны выпусціў на волю 30 беларусаў, асуджаных па палітычных матывах. Столькі ж вызвалілі і 16 жніўня. Навошта яму адпускаць людзей дзясяткамі?
Паводле Андрэя Стрыжака, гэта накіравана на тых, хто на Захадзе спрабуе абяліць беларускі рэжым. Хто яны і якая іх мэта — чытайце ПА СПАСЫЛЦЫ (праз VPN)
😡 Невядомыя разбілі шкло ў Беларускім цэнтры ў Вільні
Як кажа дырэктарка цэнтру, гэта можа быць правакацыяй, каб пасварыць беларусаў з літоўскай грамадскасцю:
«Версія ў мяне адна — што гэта расейская ФСБ ці беларускі КДБ прыклаў руку. Хочуць паказаць, што нібыта паміж беларусамі і літоўцамі ёсць нейкая напружанасць. Хаця насамрэч яе няма»
Цэнтр беларускай супольнасці і культуры — арганізацыя беларусаў у Вільні, якая аказвае псіхалагічную дапамогу беларусам, якія пацярпелі ад рэпрэсій. Таксама ў цэнтры ёсць нядзельная школа для беларускіх дзяцей.