42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤔 Міністэрства аховы здароўя распрацавала пэўныя захады для барацьбы з дэфіцытам кадраў
У беларускіх шпіталях не хапае лекараў. Па ўсёй краіне не стае санітарак, лекараў-спецыялістаў і медычнага персаналу сярэдняга звяна. Агулам зараз у Беларусі - 14 тысяч вакансіяў у медыцыне.
🤡 У той жа час Белстат хваліцца мінімальным узроўнем беспрацоўя.
У чым тут нестыкоўка і як мінздароўя плануе змагацца з недахопам медыкаў, запыталі ў прадстаўніка ініцыятывы «BELPOL» Уладзіміра Жыгара, эканнамісткі Алісы Рыжычэнка і педыятра Міхаіла Самбурскога. Чытайце ПА СПАСЫЛЦЫ
🤡 Гайдукевіч возьме ўдзел у так званых прэзідэнцкіх выбарах
Старшыня ЛДПР, намеснік старшыні Пастаяннай камісіі па міжнародных справах Палаты прадстаўнікоў Алег Гайдукевіч заявіў, што прыняў рашэнне ўдзельнічаць у так званых прэзідэнцкіх выбарах у Рэспубліцы Беларусь.
«Партыя ніколі не прапускала ніводнай выбарчай кампаніі з 1994 года. Мы заўсёды працавалі на ўмацаванне канстытуцыйнага ладу краіны (...) таму я хачу абвясціць аб сваім удзеле ў выбарах і вылучаюся ад Ліберальна-дэмакратычнай партыі ў кандыдаты ў прэзідэнты»
🫥«Адміністрацыя казала – вы ўцекачы, у вас няма правоў»
Беларус Дзмітрый, які папрасіў прытулку ў Славаччыне, змагаўся за правы ўцекачоў у лагеры, але ў выніку трапіў у Паліцэйскі цэнтр затрымання замежнікаў. Там сядзець пераважна тыя, каго збіраюцца дэпартаваць з краіны.
Пра ўмовы ў гэтым цэнтры, вельмі падобныя да Гомельскага ІЧУ, пра стаўленне да ўцекачоў у лагеры і пра тое, што Дзмітрый збіраецца рабіць далей, распавяла ягоная жонка. Пачытайце ПА СПАСЫЛЦЫ (праз VPN)!
💥 #галоўнае за 24 кастрычніка
▫️Сястра Калеснікавай пракаментавала словы Лукашэнкі пра памілаванне.
▫️Святлана Ціханоўская заявіла, што працягне працу пасля «выбараў» 2025.
▫️З сектару Газа эвакуявалі беларуску з дзецьмі. Раней яна адмаўлялася.
▫️Чарговы адукацыйны цэнтр прыпыніў сваю дзейнасць у Беларусі.
▫️Расейскія вайскоўцы здзейснілі 187 злачынстваў у Курскай вобласці.
▫️Расейцы расстралялі яшчэ 4 украінскіх ваеннапалонных.
▫️Ужо 7 краінаў NATO супраць далучэння Украіны да Альянску.
▫️Стала вядома калі пачнецца суд над падазраваным у забойстве беларускі Лізы.
▫️Апазіцыя Венесуэлы атрымала прэмію Сахарава.
▫️У Маргарыты Ляўчук нарадзілася дзіця.
▫️Латвія прыняла важныя змены для беларускіх уцекачоў.
💬 «Наш фокус цяпер ляжыць на Расеі ды Украіне, але ж у нас вялікая трагедыя адбываецца ў Беларусі»
Дэпутат Еўрапарламенту ад Нямеччыны Сяргей Лагадзінскі ў размове з нашым карэспандэнтам расказаў, як спрабуе трымаць тэму Беларусі на еўрапейскім парадку дня.
👀 Інтэрв'ю цалкам глядзіце на нашым расейскамоўным канале «Вот Так»
🔴 «Аб’ектыў» – галоўныя падзеі дня!
У сённяшнім выданні:
📌 Сярэдні заробак у Беларусі зніжаецца другі месяц запар
📌 Працягваем тэму свежапрызначаных «прэзідэнцкіх выбараў»
📌 На саміце BRICS у Казані паказалі валюту, якая мае перамагчы долар
📌 Сейм Латвіі ўнёс змены ў закон, якія прадугледжваюць магчымасць перарэгістрацыі аўтаў з беларускімі нумарамі
Далучайцеся да эфіру ⤵️
❗️Латвія прыняла важныя змены для беларускіх уцекачоў
Памятаеце, як краіны Балтыі вырашылі забараніць аўтамабілі з беларускімі нумарамі і прымусілі ўсіх перарэгістравацца? Цяпер беларусам, якія маюць статус уцекача, дазволілі зрабіць гэта цягам трох гадоў!
Гэта азначае, што ў нашых землякоў, якія ўцяклі ад рэжыму, не будуць канфіскоўваць аўто. Але ўязджаць у Латвію на беларускіх нумарах пакуль яшчэ забаронена.
Беларусы сутыкнуліся з новай праблемай у Польшчы — боты
Гучыць як жарт, але яны ўжо разабралі ўсе месцы ва ўпраўленні па справах іншаземцах! Не зразумелі? Распавядзем ПА СПАСЫЛЦЫ (праз VPN)
Расея ці Еўропа: які шлях выбярэ грузінскі народ?
Набліжаюцца парламенцкія выбары ў Грузіі, якія могуць кардынальна змяніць палітычны кірунак усёй краіны.
Нашы калегі з @vottaktv разабраліся, як грузіны 30 гадоў ішлі да Еўропы і дэмакратыі. Атрымалася вельмі цікава, паглядзіце: youtu.be/MJVzVpCtEFE
📺 Навіны за 5 хвілін
🔻Ціханоўская распавяла, ці працягне сваю дзейнасць у 2025-м годзе.
🔻Лукашэнка пацвердзіў свой намер скарыстаць ядравую зброю.
🔻МЗС: з сектару Газа эвакуявалі беларуску з трыма дзецьмі.
🔻У Мінздароўя прыдумалі, як змагацца з недахопам медыкаў. У дакуменце. Ёсць тры шляхі.
Цалкам выданне глядзіце на YouTube-старонцы.
🫤 Цяпер для шматдзетных будуюць менш
А заклікаюць нараджаць больш
Спыталі экспертаў, што адбываецца ☝️
🫶«Сяргей шмат працаваў, але праводзіў шмат часу з дзецьмі, са мной»
Святлана Ціханоўская падзялілася цёплымі ўспамінамі пра свайго мужа Сяргея і іхнае сямейнае жыццё.
Паслухайце!
Ужо 7 краінаў NATO супраць далучэння Украіны
Блакуюць далучэнне цяпер яшчэ і ЗША з Нямеччынай. Гэта цалкам супярэчыць «Плану Перамогі» Зяленскага.
«Па словах чатырох амерыканскіх і натоўскіх чыноўнікаў і дыпламатаў (на ўмовах ананімнасці), Нямеччына і ЗША з'яўляюцца аднымі з найбуйнейшых дзяржаў, якія не спяшаюцца рэагаваць на заклік Зяленскага аб неадкладным запрашэнні да ўступлення ў NATO», — піша выданне Politico.
Супраць запрашэння Украіны ў NATO таксама выступаюць Вугоршчына, Славакія, Бельгія, Славенія і Іспанія.
Нагадаем, 17 кастрычніка новы генсакратар NATO Марк Рутэ заявіў, што Украіна стане 33-м або 34-м чальцом Альянсу.
😡 Расейцы расстралялі яшчэ 4 украінскіх ваеннапалонных
Гэтыя жаўнеры выконвалі баявыя заданні на пазіцыях у раёне Сялідава, але пасля расейскага штурму трапілі ў палон. Параненых і бяззбройных украінцаў дапытвалі і здымалі на відэа. На наступны дзень, калі ЗСУ вярнулі пазіцыю, яны знайшлі чатыры целы ваеннапалонных.
Забойства ваеннапалонных з'яўляецца грубым парушэннем Жэнеўскіх канвенцый. Украінскія праваахоўнікі маюць доказы ўжо каля сотні такіх злачынстваў.
Ці добры план дэмсілаў галасаваць «супраць усіх»?
Чаму сярод усіх варыянтаў выбралі менавіта яго? Паводле палітыкаў, гэта не знішчыць рэжым, але моцна па яму ўдарыць. Як — чытайце ПА СПАСЫЛЦЫ (праз VPN)
📌 На польска-беларускай мяжы памежнікі ўжываюць зброю ў сярэднім некалькі разоў на дзень
Аднак усе стрэлы – папераджальныя, сцвярджае Міністэрства нацыянальнай абароны Польшчы.
Камандзір «Бяспечнага Падляшша», генерал Аркадыуш Шкутнік, прызнаў, што на мяжы ўжываецца гладкаствольная зброя:
«Ужываем гумовыя кулі, якія не пранікаюць, і гэта скрайняя мера – стрэл у кірунку чалавека. Але дзякуючы гэтаму, пасля некалькіх разоў прымянення гладкаствольнай зброі, высветлілася, што самыя агрэсіўныя мігранты, калі бачаць, што салдаты ўзброеныя такой зброяй, не робяць спробаў агрэсіі, і гэта з’яўляецца эфектыўным фактарам стрымлівання»
😵💫 Беларускіх следчых заклікаюць «ліквідаваць шчыліны пранікнення дэструктыўнага ўплыву»
Рэжым пачаў падрыхтоўку да прэзідэнцкіх выбараў. І пачаў яе, зразумела, з сілавікоў.
24 кастрычніка адбылася сустрэча з асабовым складам следчых падраздзяленняў Брэсцкай вобласці. На ёй старшыня Следчага камітэта Дзмітрый Гара гаварыў, як важна быць прыхільнымі «абароне правоў грамадства і інтарэсаў дзяржавы», упэўненасці ў сваіх сілах, правасці следчых і заклікаў абараняць інтарэсы дзяржавы і надалей.
☝️ Нагадаем, Следчы камітэт актыўна ўцягнуты ў масавыя рэпрэсіі, якія працягваюцца ў Беларусі з 2020 года. Да таго ж, СК актыўна выкарыстоўвае механізм спецвытворчасці для магчымасці рэпрэсаваць апанентаў уладаў, якія знаходзяцца за мяжой.
Добрай пятніцы, дарагія чытачы!
Не ведаеце, што пачытаць раніцою? Сабралі для вас найбольш цікавыя матэрыялы «Белсату», які вы маглі прапусціць:
🔺Галасаваць «супраць усіх», як заклікала Ціханоўская, гэта добры ці кепскі варыянт для «бязвыбараў»?
«Белсат» спытаў палітыкаў і палітычнага аналітыка.
🔺«У мяне быў нож ля горла, бо заканчваўся тэрмін дзеяння дазволу на жыхарства»
Людзі не могуць запісацца ва Управу ў справе замежнікаў – месцы разабралі боты.
🔺«Менавіта падчас цяперашняга тэрміну Лукашэнкі Беларусь зрабілася крыніцаю небяспекі»
Украінскі спецамбасадар выказаў асцярогі наконт далейшага праўлення Лукашэнкі ў Беларусі.
#штопачытаць
#рэпрэсіі Асноўнае за 24 кастрычніка
▪️У Менску пачаўся суд над беларускай, якую летам затрымалі пасля вяртання з-за мяжы.
▪️Затрыманы інжынер за ўдзел у пратэстных акцыях.
▪️За «заклікі да санкцый» судзяць мужчыну — яму пагражае да 12 гадоў калоніі.
▪️4 жыхароў Браслава судзілі за «экстрэмізм».
▪️Мінімум 360 чалавек былі затрыманыя ў Беларусі з ліпеня па верасень.
🥃 Беларускую самагонку цяпер можна вырабляць у большых аб'ёмах
Праўда, не ўсім ☝️
📍Як жыве алкагольная сфера ў РБ і куды прадае сваю прадукцыю, глядзіце ў нашым відэа
🤔 Лукашэнка прагаварыўся пра сваю хваробу
У Казані ён нечакана прагаварыўся пра забароны з боку медыкаў. Чым ён можа быць хворы?
Пра гэта і не толькі – у чарговым выданні праграмы «ПраСвет» з Сяргеем Пелясою⤵️
🔹У чым інтрыга з датай прэзідэнцкіх выбараў у Беларусі?
🔹Ці стануць яны апошнімі для Лукашэнкі?
🔹Як вучэнні «Захад 2025» звязаныя з выбарамі?
🔹Сакрэтныя перамовы Лукашэнкі з Захадам і выбары 2025.
Цалкам выданне глядзіце на YouTube-канале «Белсат NEWS» ▶️
🧐 «Гэта адгаворкі, але цікава, што яны ёсць»
Вось што нам расказаў Юры Дракахруст, палітычны аглядальнік «Радыё Свабода», пра інтэрв'ю Лукашэнкі ВВС.
Паглядзіце!
Калі вы забыліся, як выглядае расейская дыпламатыя
Адказ экс-прэзідэнта Расеі Мядзведзева на закрыццё консульства РФ у Познані…
👶 У Маргарыты Ляўчук нарадзілася дзіця
Навіною пра гэта яна падзялілася на сваёй старонцы ў Instagram, дадаўшы здымак і подпіс: Сыночак💙
Калі пачнецца суд над падазраваным у забойстве беларускі Лізы?
«Белсат» раскрыў даты першага судовага паседжання ў гучнай справе, і яно адбудзецца ўжо сёлета. Падрабязней — ПА СПАСЫЛЦЫ (праз VPN)
Прэмію Сахарава прысудзілі
венесуэльскай апазіцыі
Такую ж ўзнагароду атрымалі беларускія дэмакратычныя сілы ў 2020 годзе.
«Гэта азначае прызнанне Марыі Карыны Мачада як лідаркі дэмакратычных сіл Венесуэлы і Эдмунда Гансалеса Урутыі як абранага прэзідэнта, які прадстаўляе ўсіх венесуэльцаў унутры і за межамі краіны, якія змагаюцца за аднаўленне свабоды і дэмакратыі», – гаворыцца ў паведамленні Еўрапарламента.
Нагадаем, 28 ліпеня 2024 года ў Венесуэле адбыліся прэзідэнцкія выбары, пасля якіх пачаліся масавыя пратэсты. Афіцыйна перамогу атрымаў Нікаляс Мадура (перайшоў на трэці тэрмін), але незалежныя назіральнікі ўпэўнены, што перамагла апазіцыя.
😨 Штош, сёння падаражэла ўсё
Вось такія курсы валютаў у Беларусі на 24 кастрычніка.
#курсывалютаў
Расея адправіць войскі на абарону Лукашэнкі?
Раней расейскі амбасадарар заявіў, што армія РФ можа дапамагчы пры магчымых пратэстах у Беларусі. А што гэта будзе азначаць для самаго Лукашэнкі? Абмяркуем такі сцэнар у новай праграме «Двубой»: youtu.be/djlA8fEj8S8
🤭 Ой, хтосьці памыліўся…
Улады прэзентавалі звычайны крынжовы дызайн «выбараў», але пераблыталі даты (правільная — 26 студзеня). Карцінку хутка выдалілі.
Дарэчы, пра «выбары» у лютым раней распавядала ініцыятыва BELPOL.
Сястра Калеснікавай пракаментавала словы Лукашэнкі пра памілаванне
«Маша будзе гатова разглядаць розныя варыянты, гэта маё меркаванне, але, вядома, да гэтага ёй трэба, мусіць, разумець наогул, што адбываецца.
Я спадзяюся, што ў яе такая магчымасць усё ж будзе, тое, пра што казаў сёння Лукашэнка, што такая магчымасць у яе з’явіцца», – мяркуе Таццяна Хоміч.
Учора Лукашэнка ў інтэрв'ю ВВС заявіў пра гатовасць разгледзець хадайніцтвы аб памілаванні Марыі Калеснікавай. Але дзеля гэтага, як ён кажа, павінен быць зварот ад палітзняволенай.