42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
😮 Украінцы больш не змогуць трапіць дадому праз Расею. Застаўся толькі шлях праз Беларусь
Пасля паўнамаштабнага ўварвання Расеі ва Украіну большасць памежных пунктаў пропуску была зачыненая: акрамя двух — адзін на мяжы з Расеяй, другі — з Беларуссю.
Цяпер стала вядома, што адзін з іх спыніў працу.
Як украінцам трапіць на радзіму і для чаго выкарыстоўваецца апошні пункт пропуску — чытайце ў нашым матэрыяле.
💱 Курсы валютаў на 20 жніўня
Долар і еўра крыху ўмацаваліся адносна беларускага рубля, а расейскі — крыху здаў пазіцыі.
#курсывалютаў
❗️ «Вясна»: за апошнія содні некаторыя палітвязні выйшлі на волю па памілаванні
Імёны і колькасць гэтых людзей пакуль не публікуюцца дзеля іх бяспекі.
9 гадоў калоніі за згвалтаванне дзіцяці VS 9,5 гадоў калоніі за данаты ў беларускія фонды салідарнасці
Гэтак цяпер выглядае карная сістэма ў Беларусі. Рэжым прызначае больш жорсткія тэрміны за грашовую дапамогу, чым за забойства. А сядзець такія асуджаныя могуць разам, як небяспечныя злачынцы.
Сабралі ўсе самыя жорсткія прысуды, якія ўражваюць сваёй неадэкватнасцю, глядзіце ПА СПАСЫЛЦЫ
Сёння вы можаце легальна адпачываць увесь дзень! Мы дазваляем😉
Справа ў тым, што 20 жніўня адзначаецца міжнародны дзень ляноты. Пра тое, як можна яго святкаваць — глядзіце ў відэа.
🇺🇦 Украінскія вайскоўцы могуць кантраляваць ужо 1250 кв км тэрыторыі Расеі
Пра гэта заявіў Уладзімір Зяленскі. Паводле яго, ЗСУ ўжо ўвайшлі ў 92 населеныя пункты і паспяхова павялічваюць колькасць расейскіх палонных, якіх у далейшым плануецца абмяняць на ўкраінцаў.
«Мы ўжо атрымалі найбольшую колькасць расійскіх палонных за адну аперацыю, і гэта важкі вынік, і гэта адна з нашых мэтаў, і нашы дзеянні працягваюцца», — заявіў Зяленскі.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺БЧБ-сцяг ужо ў Курскай вобласці
Беларускі вайсковец, які ваюе на баку Украіны, паказаў танк з БЧБ-сцягам у Расеі. Ягонае аддзяленне цяпер знаходзіцца там падчас аперацыі ЗСУ. Мы выйшлі на сувязь з байцом і спыталі, што там адбываецца.
🔺Лукашэнка сказаў, што перакінуў да мяжы з Украінай траціну арміі. Гэта як?
Заявы самазванага прэзідэнта пра траціну арміі ля мяжы гучаць вельмі дзіўна. Тым больш сама Украіна ўвогуле нічога не заўважыла. А як сапраўды павінна выглядаць такая колькасць арміі? Паспрабавалі падлічыць, колькі гэта ў жаўнерах і тэхніцы.
🔺Пакуль Лукашэнка вызваляе палітвязняў, ён асуджае ў разы больш беларусаў
Праваабаронцы «Вясны» падлічылі, колькі людзей падпадаюць пад рэпрэсіі і колькі вызваляюцца. Вынік вельмі сумны.
#рэпрэсіі Асноўнае за 19 жніўня
🔻У Менскім гарадскім судзе распачаўся працэс па справе пашкоджання расейскага самалёта ў Мачулішчах
🔻Блогер Аляксандр Кабанаў паведаміў пра затрыманні на Беларускай чыгунцы ў Берасці. Паводле яго звестак, 15 жніўня былі затрыманыя каля 15 чалавек. Некаторых змясцілі ў ІЧУ, некаторых – у СІЗА
🔻Толькі ў ліпені асудзілі па «палітычных» артыкулах мінімум 170 чалавек
🔻Затрымалі жыхара сталіцы, які абмеркаваў у чат-рулетцы з украінскім блогерам сітуацыю ў Беларусі
🔻Праваабаронцы: палітвязням, якія знаходзяцца на «хатняй хіміі», сталі ўзмацняць пакаранне і пераводзіць у калоніі
🔻Шматдзетную маці і евангельскую верніцу пакаралі «хатняй хіміяй» паводле «народнага» 342-га артыкулу
📌 Святлана Ціханоўская дала інтэрв'ю іспанскаму выданню «20 minutos»
Асноўныя моманты з размовы:
🔻 «Санкцыі павінны біць па гандлі дзяржавы, а не па звычайных людзях. Не варта рабіць такія падарункі дыктатару»
🔻«Лукашэнка маніпулюе вайскоўцамі, таму што так гуляе рэжым. Паверце, калі будзе загад з Масквы, ён зноў прапусціць расейскую армію»
🔻«Некаторыя думаюць, што, вырваўшы Украіну з пашчы Расеі, яны пакінуць Беларусь у падарунак Пуціну. Таму мы робім усё, каб гэтага не адбылося. Але час сыходзіць. Лукашэнка крок за крокам прадае нашу незалежнасць Расеі»
😢 «Я не ведаю як тут можна жыць, дзе хавацца»
Расейцы працягваюць знішчаць Мірнаград ракетамі, забіваючы мірных людзей.
Амаль усе з'ехалі, але ёсць тыя, хто застаўся ў сваіх дамах. Паслухайце, што яны распавядаюць.
🔍 Чаму ў Беларусі абвальваюцца аб'ёмы будаўніцтва жытла з падтрыманнем дзяржавы?
«Такое жытло будуецца ў тым ліку за кошт ільготных крэдытаў, а іх аб'ём у гэтым паўгоддзі склаў толькі 29 % ад узроўню мінулага года. Гэта вельмі нізкі паказнік. Ільготнае крэдытаванне скарацілася на 70%», – канстатуе нашая суразмоўца, эканамістка Настасся Лузгіна.
👀 Болей статыстыкі ды інфаграфікі па тэме глядзіце ВОСЬ ТУТ
💬 «Просім захаваць „Белсат“ у цяперашнім выглядзе, як гучны напамін пра тое, што праўду не схаваеш!»
Наш тэлеканал у гэты няпросты час падтрымала ABBA – Асацыяцыя беларускага бізнесу за мяжой.
Прэзідэнт асацыяцыі Яўген Буры скіраваў ліст да прэм’ер-міністра Польшча Дональда Туска. Ён нагадаў, што ў цяперашнія часы, калі вельмі лёгка распаўсюджваецца дэзінфармацыя, надзвычай важна падтрымліваць журналістыку і медыі, вартыя даверу. Менавіта такія медыі спрыяюць пабудове добра інфармаванага грамадства і здаровай дэмакратыі.
💪 Дзякуем за падтрымку
☝️Праваабаронцы: палітвязням, якія знаходзяцца на «хатняй хіміі», сталі ўзмацняць пакаранне і пераводзіць у калоніі
Пачынаючы з чэрвеня суды разгледзелі (або будуць разглядаць у найбліжэйшы час) ужо мінімум 15 справаў пра замену рэжыму пакарання для тых, хто раней атрымаў «хатнюю хімію» па палітычных матывах. Прычым судзяць нават тых (само сабою, завочна), хто пасля першага прысуду здолеў выехаць з Беларусі.
Згодна з заканадаўствам, замена пакарання на больш жорсткае можа адбыцца пасля трох спагнанняў. Праваабаронцы сцвярджаюць, што на палітвязняў на «хатняй хімііі» пастаянна ціснуць: прыязджаюць з праверкамі ўначы, абмяжоўваюць у вольным часе, кідаюць на «содні» за нібыта парушэнні рэжыму.
#рэпрэсіі
😮 У Курскую вобласць уварваўся... танк пад бел-чырвона-белым сцягам!
Гэтыя эксклюзіўныя кадры нам перадаў беларускі вайсковец з пазыўным «Жэрар», камандзір аддзялення эвакуацыі бранятэхнікі 225-га асобнага штурмавога батальёну ЗСУ.
☝️Раней мы расказвалі пра тое, як беларускае танкавае падраздзяленне, якое ўваходзіць у згаданы АШБ, здабыла для Украіны ўнікальны трафей – сучасны расейскі танк Т-90М «Прарыў-3». Гэтая мадыфікацыя – адна з найноўшых расейскіх распрацовак.
👀 А размову з «Жэрарам» пра прарыў на Куршчыну чытайце ПА ГЭТАЙ СПАСЫЛЦЫ
💬 «Там столькі "фірмаў-пракладак", што калі б такое рабіў прыватнік, гэта называлася б "неабаснаваныя пасярэднікі". А калі гэта робіць сям'я Лукашэнкі – то ўсё окей»
Учора ініцыятыва BELPOL выпусціла першую частку расследавання, прысвечанага карупцыі на БелАЗе, якую дзеля ўласнай выгады пакрывае клан Лукашэнкі.
Прадстаўнік BELPOL Уладзімір Жыгар анансаваў у нашай студыі выхад новых частак расследавання, якія пральюць яшчэ болей святла на схемы вакол БелАЗу.
👀 Размову цалкам глядзіце ў свежым выданні «Тыдня»
📌 У Менску, імаверна, прададуць з малатка кватэру вядомага бізнесоўца. Ён крытыкаваў Лукашэнку, трапіў за краты, выйшаў і з’ехаў
Шасціпакаёўка ў «доме Чыжа», уладальнікам якой з’яўляецца Аляксандр Аляксандравіч Мураўёў, з’явілася на аўкцыёне пляцоўкі «Белюрзабеспячэнне». Кватэра двухузроўневая і знаходзіцца на 8 і 9 паверхах, агульная плошча — 377 квадратаў. Аўкцыён прызначаны на 3 верасня і пачнецца з 2 453 000 рублёў.
Імаверна, гаворка вядзецца пра былога ўладальніка ААТ «Мотавела», якога ў 2017 годзе асудзілі на 11 гадоў калоніі і адпусцілі ў 2022 годзе. Пасля гэтага Мураў’ёў пакінуў радзіму. Дарэчы, пасля таго, як мужчыну арыштавалі — «Мотавела» адыйшоў дзяржаве.
Пра тое, што з ім адбывалася, Аляксандр Мураўёў распавядаў у інтэрв’ю нашаму каналу. Паглядзіце!
❌ Вярхоўная Рада прыняла закон аб забароне царквы Маскоўскага патрыярхату
За гэта прагаласавалі 267 дэпутатаў пры неабходных 226. Цяпер УПЦ, якая падпарадкоўваецца патрыярху Кірылу, знаходзіцца па-за законам на тэрыторыі Украіны.
Праблемы ў праваслаўнай царквы пачаліся ва Украіне пасля пачатку поўнамаштабнай вайны. У канцы траўня 2023 года ўдзельнікі сабору УПЦ абвясцілі пра яе поўную самастойнасць і незалежнасць ад РПЦ.
У сакавіку 2024 года паміж УПЦ Маскоўскага патрыярхату і Кіева-Пячэрскай лаўрай быў скасаваны дагавор арэнды. Прадстаўнікоў прамаскоўскай царквы выселілі са святыні.
Таксама ў сакавіку Украінская праваслаўная царква асудзіла апублікаваны «Наказ» Сусветнага расейскага народнага сабору. Прадстаўнікі УПЦ заявілі, што «Украінская Праваслаўная Царква не падтрымлівае і адмаўляецца ад ідэалогіі "русскага свету"».
🙄 Лукашэнкаўцы прыдумалі як вярнуць дактароў у дзяржаўныя паліклінікі. Але насамрэч гэта толькі пагоршыць сітуацыю з медыцынай
☝️ Чаму? Чытайце ў нашым матэрыяле і лепш не хварэйце!
☝️ Займаецеся рамяством? Магчыма, неўзабаве вашыя падаткі вырастуць
Мінэканомікі хоча скараціць пералік відаў рамесніцкай дзейнасці. Тым, чыё рамяство будзе выкрасленае са спісу, давядзецца мяняць статус і плаціць больш падаткаў.
❓ Каго закрануць анансаваныя змены і якія мэты насамрэч пераследуюць лукашэнкаўцы — чытайце ў нашым артыкуле ✅
🤔 Як гэта, сустракацца з былой дзяўчынай Лукашэнкі? Паглядзелі новы канцэрт Славы Камісаранкі, на якога рэжым нядаўна распачаў «спецвытворчаць»
Стэндап-комік распавёў, як ягоны сябра пару гадоў таму меў стасункі з дзяўчынай, аб якой хадзілі чуткі, што яна сустракалася з Лукашэнкам (але нядаўна разышлася).
🔍 Болей гісторый (і канцэрт цалкам) ПА СПАСЫЛЦЫ
Андрэю Гнёту ўжо трэці раз адмовілі ў абароне ад экстрадыцыі ў Беларусь
«Гэта значыць, што цяпер у мяне ўсё яшчэ няма ніякай міжнароднай падтрымкі перад тварам апеляцыйнага суда 27-га жніўня ў Бялградзе. ЕСПЧ лічыць мой запыт заўчасным», — заявіў беларус.
Андрэй правёў 7 месяцаў у сербскай турме па запыце рэжыму Лукашэнкі. Ён можа быць экстрадаваны ў Беларусь, дзе яго ўжо чакае крымінальны пераслед па палітычных матывах.
Канчатковае рашэнне адбудзецца ў сербскім апеляцыйным судзе 27 жніўня. Калі рашэнне аб дэпартацыі пакінуць у сіле, Андрэя Гнёта могуць выслаць у Беларусь цягам некалькіх гадзін.
💥 #галоўнае за 19 жніўня
✔️У Курскую вобласць уварваўся... танк пад бел-чырвона-белым сцягам! Чытайце нашую размову з беларусам, які ўдзельнічае ў гэтай аперацыі
✔️Ваяры Палка Каліноўскага, а таксама Асацыяцыя беларускага бізнесу за мяжою (ABBA) заклікалі польскія ўлады захаваць ранейшую структуру «Белсату»
✔️Аналізуем, чаму Лукашэнка зноў стаў нагнятаць «ваенны псіхоз»
✔️У Віцебску прарвала газаправод. Пад пагрозай быў дзіцячы садок і жылыя дамы
✔️Лукашэнка заявіў, што перакінуў на мяжу з Украінай траціну войска. А Украіна кажа, што нічога такога не заўважыла. Разбіраемся, хто схлусіў (хаця вы і так ведаеце)
✔️Чаму сілавікі «кашмараць» транспартнікаў? Сабралі ўсё, што вядома пра апошнія рэйды
✔️У Беларусі абвальваюцца аб'ёмы будаўніцтва жытла з падтрыманнем дзяржавы. Эканамістка каментуе, чаму так
☕️ У будынку – арамат кавы, а сам будынак зроблены з адпрацаваных кававых зерняў
Паглядзіце, якая ідэя прыйшла ў галаву аўстралійскім інжынерам!
☝️Яшчэ больш цікавінак глядзіце ў нашай новай праграме «Навіны з будучыні» на YouTube-канале «Belsat LIFE»
✈️ Усё, цяпер галоўны самалёт Лукашэнкі – пад санкцыямі
А ведаеце, хто таксама меў падобныя санкцыі і праз гэта трапіў у авіякатастрофу? Загінулы лідар Ірану Раісі.
Паглядзіце наша відэа пра тое, як цяпер Лукашэнка будзе лётаць на сваім самалёце ☝️
🔴 «Аб’ектыў» – галоўныя падзеі дня!
У сённяшнім выданні:
🔸 ЗСУ падарвалі трэці, апошні мост праз раку Сейм
🔸 У Менску судзяць 12 фігурантаў у справе аб дыверсіі супраць расейскага самалёта ў Мачулішчах
🔸 BELPOL: «Белаз» – кармушка для клана Лукашэнкі
🔸 Васкрасенскі заявіў, што палітвязні напісалі 900 прашэнняў аб памілаванні.
Далучайцеся да эфіру ⤵️
https://www.youtube.com/live/602VVL7n-nU
📺Адразу пасля «Аб'ектыву» а 20.25 па менскім часе запрашаем да прагляду «Белсат Zoom» – агляд галоўных навінаў дня, агляд надворʼя, спартовых навінаў!
🤯 У пяць гадоў – за рулём «Lamborghini»
Зайн Сафуаглу – самае хуткае дзіця ў свеце, паглядзіце!
📷 Расейскія ваеннапалонныя ў аб'ектыве фатографа David Guttenfelder
Здымкі ён зрабіў для The New York Times.
Пераважна гэта салдаты тэрміновай службы. Цяпер яны чакаюць абмену.
📍У Берасці выезду ў Польшчу чакаюць 80 пасажырскіх аўтобусаў
Тым часам на выезд у Літву чаргі з аўтобусаў наогул няма. Чарга з легкавікоў ёсць, але ў 10 разоў меншая, чым на КПП «Берасце-Тэрэспаль».
🔍 Працягваем маніторыць сітуацыю на мяжы, чарговы апдэйт глядзіце ПА СПАСЫЛЦЫ
📺 Навіны за 5 хвілін
🔻Распачаўся суд у справе атакі на расейскі самалёт у Мачулішчах
🔻У Віцебску эвакуявалі дзіцячы садок праз выбух газаправоду
🔻Мары пра новую АЭС ад лукашэнкаўцаў
🔻Васкрасенскі справаздачыцца пра павелічэнне колькасці прашэнняў аб памілаванні
🔻Сілавікі затрымалі яшчэ аднаго святара
🔻Трагічная смерць беларускай акторкі ў Маскве
🔻ЗСУ перабілі важную лагістычную артэрыю расейцаў на Куршчыне. На Данбасе тым часам расейская армія ідзе наперад, Украіна эвакуюе новыя гарады
🔻Выбух на расейскім нафтагазавым заводзе
🔻Ілан Маск кажа, што не дарыў Кадыраву Cybertruck
Глядзіце ў кароткім выданні навін на Белсаце 💻
🧐 Лукашэнка заявіў, што перакінуў на мяжу з Украінай траціну войска. А Украіна кажа, што нічога такога не заўважыла. Як так?
І ўвогуле, колькі ў рэальных лічбах складае трэцяя частка ад цяперашняй арміі РБ? Насамрэч, столькі, што ў выпадку яе перакідвання на паўднёвую мяжу незаўважаным бы гэта не засталося.
🔍 Чытайце нашую аналітку па тэме ПА ГЭТАЙ СПАСЫЛЦЫ