42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Лукашэнка памілаваў свайго былога целаахоўніка
Андрэя Уцюрына асудзілі на 12 гадоў за хабар на 192 тысячы долараў. Раней ён кіраваў службай бяспекі Лукашэнкі і быў намеснікам дзяржсакратара Рады бяспекі.
Сілавік паспеў адсядзець 5 з паловай гадоў.
Па памілаванне стала вядома ад блогера Пятрухіна. «Наша Ніва» падцвердзіла гэта праз свае крыніцы.
Вядома, што Андрэя затрымалі ў 2019-м у момант атрымання хабару ад расейскага бізнэсоўца. Сілавік павін быў лабіяваць інтарэсы кампаніі, якая пастаўляе камунікацыйныя абсталяванні ў МУС. Сядзеў ён у калоніі ў Віцьбе. Цякава, што яго бацька некалі ўзначальваў в/ч 3214 (альма-матэр АМАПу).
Вызвалены палітвязень Дзмітрый Лукша сустракаўся з Пачобутам за кратамі
У інтэрв'ю выданню «ТОК» Дзмітрый распавёў, як сядзеў на Валадарцы, і аднойчы ў ягоную камеру завялі новых вязняў:
«Адчыняюцца дзверы, заходзяць тры чалавекі. Я пайшоў даведвацца, у каго якія артыкулы. І Анджэй нешта сказаў: 130-я і яшчэ нешта. Я такі: «А, па палітычных». Я кажу: «Кідай рэчы. Потым падыдзеш, патлумачу, як і што».
Ён глядзіць на мяне і пытаецца: «А ты не Лукша выпадкова?» Я кажу: «Так. А ты хто?» І Анджэй кажа: «Ну, яшчэ даведаешся! Я Пачобут». Мы з Анджэем перасякаліся, калі я яшчэ працаваў на БТ», — распавёў Лукша.
Паводле Дзмітрыя, паміж імі мог быць канфлікт, але ўсё абышлося.
«Мы ўсе шыхтуемся, і Анджэй становіцца побач са мной. Я стаю і думаю: «Ну навошта ты правакуеш? Ну навошта ты сюды стаў? Ну заводзіць жа мяне!» А ён проста стаіць і кажа: «Ну як, Дзіма, нязвыкла?»
Раней журналісты перасякаліся ў 2009 годзе на працы. Дзмітрый браў інтэрв'ю ў Анжалікі Борыс, а Пачобут хадзіў побач. Пазней Анджэй звярнуўся да Анжалікі: «Эй, ты каму інтэрв'ю даеш? Гэта ж той бэтэшнік», — згадвае Лукша.
❗️Фільм пра журналістку Белсату атрымаў узнагароду за найлепшы дэбют
Стужка «Пад шэрым небам», якая распавядае гісторыю Ігара Ільяша і Кацярыны Андрэевай падчас падзеяў 2020-ага, стала фаварытам кінаагляду. Фільм атрымаў на фестывалі ў Гдыні намінацыі «Найлепшы дэбют».
«Я чакаю той прэм’еры стужкі, на якую магла бы прыйсці Кацярына Андрэева», — сказала рэжысёрка Мара Тамковіч.
«Пад шэрым небам» здымаўся пры дапамозе і кансультацыях мужа палітзняволенай журналісткі Ігара Ільяша. Таксама невялікую ролю сыграла Дар’я Чульцова — яна з’яўляецца ў кадры, фатаграфуючы гераіняў-журналістак у час суда.
Расея атакавала Запарожжа 10 авіябомбамі
Адна з іх трапіла ў шматпавярховы дом і моцна яго разбурыла. Ёсць пацярпелыя, пад заваламі могуць знаходзіцца людзі — заявіў кіраўнік вобласці.
Паветраныя сілы Украіны таксама збілі 15 дронаў-«Шахедаў» у Сумскай, Вінніцкай, Мікалаеўскай і Адэскай абласцях. Запуск дронаў адбываўся ў тым ліку з Крыму.
💥 #галоўнае за 28 верасня
▫️Армія абароны Ізраілю абвясціла пра ліквідацыю лідара «Хізбулы» Хасана Насралы.
▫️Расейцы выпусцілі два дроны «Шахед» па больніцы ў Сумах.
▫️Польскі суддзя Томаш Шміт напісаў пра пагрозы жыццю, а потым выдаліў допісы.
▫️У Расеі выбухнула аўтазапраўка — загінулі 12 чалавек.
▫️У Турэччыне прызначылі самы вялікі прысуд у свеце — 865 гадоў турмы.
▫️У сталічным ГЦ на Нямізе адбыўся пажар.
▫️Беларускі зняліся ў модным часопісе «Vogue».
▫️У Беларусі зноў будуць абмежаванні на палёты ў паўднёвых рэгіёнах.
▫️Хітрая спроба Рыжанкова «наладзіць стасункі» з Літвой правалілася.
🤯 Дэпутаты прыдумалі як ашчадзіць на… беспрацоўных!
Цяпер беспрацоўным у Беларусі можна быць толькі 12 месяцаў, а максімальны тэрмін выплаты дапамогі — усяго 3 месяцы.
Вам напэўна цікава, што далей? А далей — за свой кошт.
Ці шмат удалося заашчадзіць такім чынам? Глядзіце ў нашым відэа ад праграмы «Атмасфера».
💔 😭 Неверагодна кранальнае развітанне!
Паглядзіце, як фанаты патэрыяны развітваюцца з ўлюбёнай акторкай.
😳 У Расеі запускаюць праваслаўны мэсанджар, а Дарвіна забароняць?
Абмяркуем самыя «вострыя» навіны ў новым выданні гумарыстычнай праграмы «Вечаровы Шпіль»➡️ youtu.be/TKHXHmq6vu0
🤔Ці можа Масква выкарыстаць ядравую зброю праз Лукашэнку?
🔹Чаму Лукашэнка абнуліў словы ўласнай прапаганды?
🔹Што цяпер галоўнае для Лукашэнкі?
🔹Ці працуе ядравы шантаж Масквы?
Гэтыя ды іншыя пытанні абмяркоўвалі ў праграме «ПраСвет»з экспертам Фінскага інстытуту міжнародных стасункаў Рыгорам Ніжнікавым.
Цалкам выданне глядзіце на YouTube-канале «Белсат NEWS» ▶️
🫢 Ой, Белавія прадае свой апошні «Bombardier»
Але набыць яго і адразу паляцець не атрымаецца. Пачытайце, за што ўлады просяць тры мільёны беларускіх рублеў: ПА СПАСЫЛЦЫ (праз VPN)
«Хізбала» пацвердзіла смерць Хасана Насралы
У заяве баевікоў адзначаецца, што Хасан кіраваў групоўкай амаль 30 гадоў. Яны паабяцалі «працягваць барацьбу з Ізраілем».
Раней пра смерць Хасана Насралы паведаміла армія абароны Ізраілю. Паводле іх, ён быў забіты ў выніку авіяўдару па падземнай штаб-кватэры арганізацыі ў Паўднёвым Бейруце.
У сталічным ГЦ на Нямізе загарэўся павільён
Усіх людзей эвакуявалі. Ніхто не пацярпеў.
Паводле МНС, загарэлася маёмасць у павільёне плошчай 5 кв. м. На месца выехала больш за 10 адзінак тэхнікі. Прычына здарэння ўсталёўваецца.
У Турэччыне прызначылі, верагодна, самы вялікі прысуд
Забудоўшчыка асудзілі на 865 гадоў за тое, што будынак не вытрымаў землятрусу. Паводле суда, гэта эквівалентна 62 пажыццёвым прысудам. Яго абвінавацілі ў «наўмысным прычыненні смерці і ранення многім людзям».
Абвінавачанага арыштавалі на Кіпры, дзе ён хацеў набыць сабе жыллё. Следства сцвярджае, што ён планаваў вывезці з Турцыі 2 мільёны долараў.
Нагадаем, 6 лютага на паўднёвым усходзе Турцыі адбыліся два землятрусы магнітудай 7,7 і 7,6. Тады загінула больш за 50 тысяч чалавек.
Выбухнула расейская аўтазапраўка — загінулі 12 чалавек
Інцыдэнт адбыўся ў Махачкале (сталіца Дагестану). Прычынай выбуху мог стаць газавы балон у кавярні ці ўзгаранне бензіну. Сярод загінулых былі дзеці. Ёсць шмат пацярпелых.
Гэта ўжо 15-ы пажар на аўтазапраўках Дагестану за 10 гадоў. Папярэдні забраў жыцці 37 чалавек.
❗️Армія абароны Ізраілю абвясціла пра ліквідацыю лідара «Хізбулы» Хасана Насралы
Ён быў адным з заснавальнікаў тэрарыстычнай арганізацыі. Разам з Хасанам забіты і Алі Кархі — камандуючы паўднёвым фронтам «Хізбулы» ды іншыя камандзіры.
«Лепей жыць без грошай, чым адчуваць брыдкасць ад супрацы з КДБ»
Лекар, які быў завербаваны спецслужбамі Лукашэнкі, распавёў пра свой досвед
🔥 Белсатаўскі серыял «Працэсы» таксама стаў перможцам
Адбылося гэта ўжо ў Чэхіі на фестывалі «Serial Killer».
«Працэсы» – першы арыгінальны серыял «Белсату». Ён складаецца з чатырох эпізодаў, кожны з якіх распавядае пра той ці іншы бок рэпрэсіўнага апарату Беларусі.
Стваральнікі міні-серыялу – Андрэй Кашперскі і Міхаіл Зуй.
#штопаглядзець
Дроны прыляцелі і ў Расею — пашкоджаны шматпавярховік
Мінабароны РФ сцвярджае пра напад 125 беспілотнікаў. Адзін з іх трапіў у жылы дом у Варонежы і выклікаў пажар. Пацярпелых няма, агонь хутка патушылі.
Тэлеграм-каналы таксама паведамляюць пра «прылёты» па аэрадрому «Балтымор» у Ейску і ў пасёлку Котлубань Валгаградскай вобласці, дзе размешчаны буйны склад боепрыпасаў. Разбурэнняў няма.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺МЗС Літвы выкрыла хлусню Рыжанкова
Нядаўна міністр Рыжанкоў заявіў, што Беларусь нібыта накіроўвала Вільнюсу прапановы пра нармалізацыю стасункаў. МЗС Літвы здзівілася і жорстка адказала беларускаму чыноўніку.
🔺Томаш Шмыт, які паведаміў пра пагрозу жыццю, выдаліў свае допісы
З беглым польскім суддзёй адбываецца нешта незразумелае. Шмыт вечарам пачаў пісаць у сваіх сацыяльных сетках дзіўныя допісы, якія выглядаюць як пагроза смерці. Некаторыя лічаць, што ён быў п'яны, а іншыя згадваюць гісторыю Эміля Чэчка.
🔺«Белавія» прадае свой апошні «Bombardier»
Што прапануе беларуская авіякампанія за тры мільёны рублёў і чаму вам не варта купляць гэты самалёт — чытайце на сайце.
☝️ Чытачы Белсату: у адной з менскіх кавярняў бачылі Ксенію Сабчак з Раманам Пратасевічам
Паводле інфармацыі ад чытача з імі былі яшчэ дзве асобы. Яны сядзелі, смяяліся і нешта абмяркоўвалі.
У той жа час у інстаграме Сабчак з’явіўся пост пра тое, як яна збіралася і ляцела кудысьці, каб сустрэцца з «доўгачаканым госцем».
Магчыма расейская журналістка запісвала інтэрв’ю з «простым беларускім зваршчыкам».
💕 Гэтаму буслу вельмі пашчасціла, калі ён трапіў у бяду
Паглядзіце!
🔴 «Аб’ектыў» — галоўныя падзеі дня!
У сённяшнім выданні:
🔸 МЗС Літвы назвала ўмовы для нармалізацыі стасункаў з афіцыйным Менскам
🔸 dissidentby: КДБ актыўна вярбуе вызваленых палітвязняў. Іх прымушаюць супрацоўнічаць пад пагрозай новага пераследу
🔸 Рыжанкоў у ААН назваў назіральнікаў з БДІПЧ АБСЕ «замежнымі агентамі» і сказаў, што не збіраюцца іх запрашаць на свае «выбары» у 2025 годзе
🔸 Беларускі Гаюн: зону абмежавання палётаў на поўдні Беларусі працягнулі да канца года, пагроза абстрэлаў Украіны захоўваецца
🔸 У выніку ўдараў па Бейруце забіты лідар Хезбуллы Саід Хасан Насралла — Армія абароны Ізраілю
Далучайцеся да эфіру ⤵️
Хітрая спроба Рыжанкова «наладзіць стасункі» правалілася
Два дні таму кіраўнік МЗС Беларусі Рыжанкоў заявіў, што Літве «пасылаліся запыты па нармалізацыі стасункаў». Аднак МЗС Літвы мае іншае меркаванне:
«Міністэрства замежных спраў Літвы па дыпламатычных каналах не атрымала прапаноў ад беларускага боку, пра якія гаворыцца ў апублікаваным артыкуле міністра замежных спраў Беларусі».
Паводле ведамства, стасункі змогуць нармалізавацца, калі Менск вызваліць палітвязняў, правядзе дэмакратычныя рэформы і справядлівыя выбары, а таксама возьме на сябе адказнасць за шкоду, нанесеную пацярпелым у Беларусі і Украіне.
Заяву Рыжанкова таксама назвалі правакацыяй перад літоўскімі выбарамі.
❌ У Беларусі зноў будуць абмежаванні на палёты ў паўднёвых рэгіёнах
Паводле @Hajun_BY, з 1 кастрычніка лётаць там змогуць толькі вайсковыя самалёты, верталёты і сродкі МНС. Абмежаванні працягнуцца да канца года.
Дарэчы, гэтыя меры пачалі дзейнічаць з пачатку паўнамаштабнай вайны. Тады з тэрыторыі Беларусі ва Украіну было запушчана мінімум 721 ракета. Цікава, што толькі 19 верасня 2024 года абмежаванні раптам прыпыніліся.
🔥Беларускі зняліся ў модным часопісе «Vogue»
І гэта былі не проста мадэлі, а спявачкі беларускага хору «SPIEVY». Як яны трапілі ў сюжэт сусветнавядомага выдання, глядзіце ў відэа.
Навукоўцы выгадавалі дрэва з 1000-гадовага насення, знойдзенага ў пячоры на поўначы Іерусаліма яшчэ ў 1980-х гадах
Дрэва атрымала назву Шеба і належыць да роду Commiphora, звязанага з ладанам і мірай, якія шырока згадваюцца ў Святым Пісанні.
У даследаванні прынялі ўдзел навукоўцы з Ізраіля, ЗША і Аўстраліі. Для вывучэння старажытнага насення выкарыстоўваліся самыя сучасныя метады. Дрэва расло на працягу 14 гадоў, што дазволіла навукоўцам правесці яго падрабязнае вывучэнне і параўнанне з іншымі відамі рэгіёну.
Першапачаткова меркавалася, што Шэба магла быць звязанае з «Іудзейскім бальзамам», які згадваецца ў старажытных пісаннях. Аднак наступныя даследаванні паказалі, што дрэва звязанае з гаючай смалой цоры, якая згадваецца ў кнігах Быція, Ераміі і Езекііля.
Ого, паглядзіце, які дом прадаюць у Беларусі за $4,5 млн!
Сабралі для вас самыя «элітная» прапановы жылля на рынку нерухомасці — ПА СПАСЫЛЦЫ (праз VPN)
Не абышлося без Драздоў
🙂 Быў бы ў нас такі кот... мы б тады навіны не пісалі!
Паглядзіце, якія сюрпрызы навучыўся рабіць коцік сваёй гаспадыні.
А як вас здзіўляюць вашыя коцікі
☝️ Скраў, забіў — на вайну
У Расеі ўсплывае ўсё больш інфармацыі пра тое, як злодзеі і забойцы адпраўляюцца не ў турму, а на вайну з Украінай. А потым вяртаюцца і зноў учыняюць злачынствы.
Паглядзіце, як расейцы адчуваюць нечаканыя наступствы гэтай вайны на сабе.
🤔 Томаш Шміт напісаў пра пагрозы жыццю, а потым выдаліў допісы
У збеглага ў Беларусь польскага суддзі ўчора вечарам з'явіліся дзіўныя твіты. Адныя чытачы падумалі, што ён п'яны, іншыя — «мядовы месяц з рэжымам скончыўся».
🔸Пачалося ўсё з допіса «Люблю іх» і спасылкай на песню нямецкага метал-гурта Erdling «Mein Element»
🔸Потым увогуле незразумелае: «Гэтыя ідыёты з Беларусі ніколі гэтага не зразумеюць. Цяпер я развітваюся з Таўмі (магчыма, «вамі»)».
🔸Наступны допіс «Яны заб'юць мяне за гэта». Чытач спытаў, ці п'яны Шміт, на што ён адказаў «Не ў гэтай тэме».
🔸Калі ў яго спыталі, навошта ён піша гэта, суддзя адказаў: «Гэта проста праўда. Мне напляваць на дамоўленасці».
🔸Чытач паспрабаваў супакоіць яго, але Шміт выдаў гэтае «Выкінулі расейца».
🔸Акрамя таго, у каментарах ён пісаў па-польску: «Пляваць на гэта. Я яшчэ магу ім разбурыць гэтую дзяржаву» і «Мае за мной. Цяпер ім проста хана)». Дадаў ён допісам па-расейску «Працую браты».
Зранку ўсе паведамленні былі выдалены. Некаторыя занепакоіліся такімі паводзінамі, а адзін чытат прапанаваў Шміту перадаць прывітанне Эмілю Чэчку (збеглы польскі жаўнер, які скончыў у Беларусі самагубствам, а да гэтага прайшоў той жа медыйны шлях, які і Шміт).