42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Беларуску згвалтавалі на Балі ў секце, якой кіруе расеец
Дзяўчына заявіла, што яе «трымалі ў палоне, пагражалі і здзекаваліся, а затым згвалтавалі». Цяпер паліцыя вядзе расследаванне.
Вядома, што старшыня секты — расеец Антон Сімутаў, які лічыцца там паўбогам. Яго затрымалі, але адправілі на псіхіятрычную экспертызу, бо вёў сябе як варʼят.
Праз два дні пасля арышту, ён збег з больніцы, голымі рукамі пагнуўшы краты на вокнах. Пазней, яго зноў затрымалі.
🔴 «Аб’ектыў» – галоўныя падзеі дня!
У сённяшнім выданні:
🔸 СК Беларусі завёў крымінальныя справы супраць службовых асобаў з Польшчы, Літвы і Латвіі
🔸 Крытычная сітуацыя з медычным абслугоўваннем у Магілёўскай калоніі
🔸 Беларускіх студэнтаў заахвочваюць ехаць «на бульбу» і на будоўлю ў Расею
🔸 Затрымана група страхавых ашуканцаў
Далучайцеся да эфіру ⤵️
https://www.youtube.com/live/2mMsb_i1LDs
📺Адразу пасля «Аб'ектыву» а 20.30 па менскім часе запрашаем да прагляду «Студыя Белсат» – абмяркоўваем актуальныя падзеі дня з нашымі гасцямі!
Святлана Ціханоўская прыляцела з працоўным візітам у Мальту
Сярод сустрэчаў: прэзідэнтка Мальты, старшыня МЗС, мальтыйскія дэпутаты і прадстаўнікі Еўрапарламенту і АБСЕ.
У планах беларускай лідаркі, паводле Офісу Ціханоўскай, абмяркаваць удзел рэжыму Лукашэнкі ў вайне, магчымыя крокі АБСЕ па вызваленні палітвязняў, прыцягненне памагатых рэжыму да адказнасці і падтрымку дэмсілаў.
Таксама Святлана Ціханоўская перадасць просьбу, каб Мальта падчас свайго старшынства ў АБСЕ падымала пытанне Беларусі.
У Нямеччыне арыштавалі беларускага добраахвотніка
Цяпер яго перададуць Польшчы дзеля разбіральніцтва. За што яго затрымалі – невядома.
Ваяр вядомы па мянушцы «Шторм». У 2020-м ён пераехаў у Польшчу, а праз два гады далучыўся да добраахвотнікаў, якія ваююць ва Украіне. Цяпер ён жыве ў Нідэрландах і з'яўляецца прафесійным баксёрам.
😒 Працягваем дзяліць на 3,25
Чарговыя навіны пра курсы валютаў у Беларусі. Сітуацыя стабільна сумная.
🤔 А як там сітуацыя на памежных пераходах?
Чарга соднямі і стаяць тысячы грузавікоў. Падрабязней ніжэй:
▫️Самым загружаным пераходам называюць «Кукурыкі – Казловічы». Па стане на 10:00 уезд у Польшчу чакалі больш за 800 грузавікоў.
▫️Праз пункт пропуску «Мядзінінкай – Каменны Лог» толькі за сотні ўдалося перасекчы ўсяго 17 % фур. Цяпер там стаіць 680 машын.
▫️На адзіным латвійскім пункце пропуску «Патэрніекі – Грыгараўшчына» чакае сваёй чаргі 570 грузавікоў.
▫️У пункце пропуску «Шальчынінкай – Беняконі» за суткі літоўскі бок прыняў толькі 40 % нормы.
Беларусь – на 76-м месце па багаццю ў свеце
Такія лічбы зʼявіліся на падставе звестак Міжнароднага валютнага фонду.
Што датычыцца нашых суседзяў – яны ўсё вышэй, акрамя Украіны, яна цяпер на 110-м месцы.
Паводле рэйтынгу, ВУП Беларусі складае 25 685 долараў. У Польшчы, напрыклад, 49 060, а на першым месце – Люксембург (143 173 долараў).
Расея размяшчаецца на 60-й пазіцыі і мае паказальнік ВУП – 38 292 долараў.
Цапкала адправіў заяву ў Генпракуратуру Беларусі каб завесці на кіраўніка ведамства крымінальную справу
Прычына – прададзеная з аўкцыёну кватэра Цапкалаў.
Паводле палітыка, Андрэй Швед «дзейнічаў у складзе арганізаванай групы, выступаў у якасці саўдзельніка ў авалоданні і перапродажы кватэры па заніжаным кошце».
Валер Цапкала лічыць, што генпракурор парушыў артыкулы Крымінальнага кодэксу, Грамадзянскага кодэксу, Кодэксу аб шлюбе і сям’і, а таксама Жыллёвага кодэксаў і шэраг іншых законаў. Цяпер Швед павінен панесці пакаранне ў выглядзе штрафу і пазбаўлення волі на тэрмін ад пяці да дванаццаці гадоў.
«Мы не Холопы» – цяпер «экстрэмізм»
Рыжым Лукашэнкі забараніў усе сацсеткі адмысловай ініцыятывы. Гэта ўжо двухсотае «экстрэмісцкае фармаванне».
Нагадваем, «эстрэмізмам» у Беларусі цяпер лічацца амаль усе недзяржаўныя медыі, ініцыятывы і блогі, якія не прапагандыруюць рэжым. За ўдзел ці кіраванне такімі фармаваннямі лукашэнкаўскія суды асуджваюць на тэрміны да 7 гадоў зняволення.
◽️«Калі памыцца ў Чысты чацвер вадой са срэбнай манеткай ці лыжкай – будзеш мець моцнае здароўе і прыгажосць»
У праваслаўных вернікаў сёння – чысты чацвер. Гэты дзень багаты на традыцыі. У якія прыкметы верылі нашыя продкі?
Распавядаем у нашым матэрыяле, пачытайце!
✅Праз VPN ❎Без VPN
📍ЗША абвінавацілі Расею ў выкарыстанні хімічнай зброі супраць Украіны
Злучаныя Штаты абвінавацілі РФ ў парушэнні міжнароднай забароны на хімічную зброю шляхам выкарыстання задушлівага агента хлорпікрыну супраць украінскіх войскаў.
«Выкарыстанне такіх хімікатаў не з’яўляецца адзінкавым выпадкам і, верагодна, абумоўленае імкненнем расейскіх сіл выцесніць украінскія войскі з умацаваных пазіцый і дабіцца тактычных поспехаў на полі бою», – гаворыцца ў заяве Дзярждэпартаменту.
У заяве гаворыцца, што ў сувязі з гэтым будуць накладзены санкцыі на тры расейскія дзяржаўныя арганізацыі, звязаныя з маскоўскімі праграмамі па стварэнні хімічнай і біялагічнай зброі
Хлорпікрын уяўляе сабой вадкасць, пары якой раздражняюць скуру і слізістыя, а ў высокіх канцэнтрацыях выклікаюць некантралюемыя канвульсіі цягліц дыяфрагмы. Раней гэта рэчыва выкарыстоўвалі нямецкія войскі падчас Першай сусветнай вайны.
😡Учора вечарам расейцы атакавалі Адэсу балістычнымі ракетамі
Пра гэта паведаміў кіраўнік Адэскай АВА Алег Кіпер.
У выніку ўдару пацярпелі як мінімум 14 чалавек. Таксама пачаўся пажар. Праз абстрэл пашкоджаныя склады пошты, а ў будынках побач выбітыя вокны.
💥 #галоўнае за 1 траўня
✔️ Дзяржаўная прапаганда заявіла пра затрыманне групы «падлеткаў-тэрарыстаў». Што гэта было?
✔️ Якія змены чыноўнікі падрыхтавалі для беларусаў у траўні?
✔️ Лукашэнка загадаў капацца далонямі ў зямлі міністру сельскай гаспадаркі
✔️ Міністэрства культуры і «Беларусьфільм» ніяк не могуць зняць фільм пра «гераізм» сілавікоў у 2020-м годзе. Бо няма добрых сцэнарыяў
✔️ 20 гадоў таму ў гэты дзень да Еўразвязу далучыліся Польшча, Літва, Латвія і яшчэ 7 краінаў
✔️ Што ёсць пра «Белсат» у «злітай» базе даносаў КДБ? Сабралі калекцыю «стукачоў», якія заклікалі «прыняць меры» ў дачыненні нашага каналу
✔️ Рэпартаж з рэпетыцыі «Зэкамерона» ад купалаўцаў
✔️ Святлана Ціханоўская правяла сустрэчу з Наталляй Пінчук – жонкаю Алеся Бяляцкага
✔️ Украінскія дроны атакавалі НПЗ у Разанскай вобласці
👩❤️👨 У Кітаі адгулялі вяселле жаніх і нявеста, чые шляхі разыйшліся на дзясяткі гадоў пасля кароткага раману ў студэнцкія часы
Гэтая гісторыя выклікала ў краіне сапраўдны фурор.
86-гадовы Чжоў Гуйлін і 81-гадовая Янь Шугуй закахаліся адзін у аднаго падчас навучання ў Пекінскім універсітэце больш за 60 гадоў таму. Тады іхны раман не перарос у нешта сур'ёзнае і жыццёвыя шляхі маладзёнаў разыйшліся на дзесяцігоддзі.
Пасля таго, як сужэнцы спадара Чжоў і спадарыні Янь памерлі, яны вырашылі вярнуць былыя стасункі і правесці разам апошнія гады жыцця. Урачыстая цырымонія вяселля выклікала захапленне ў кітайскім інтэрнэце – пара атрымала тысячы блаславенняў і добрых пажаданняў.
🙄 Сілавікі цяпер могуць пакараць нават за скаргу на нейкія камунальныя праблемы
Нядаўна так здарылася з блогерам з Віцебску, да якога прыйшлі пасля таго, як ён зняў на відэа разбітую дарогу.
Навошта гэта лукашэнкаўцам? Пытанне рытарычнае 💁🏻♂️
◾️ Падлетка, які знік 1 сакавіка, знайшлі загінулым
Хлопца звалі Аляксей Давідоўскі, яму было ўсяго 14 год. 1 сакавіка каля 18:00 ён выехаў з дому на ровары ў невядомым кірунку.
«На беразе вадаёма, які знаходзіцца паблізу вёскі, была выяўленая верхняя вопратка падлетка і яго ровар. Ратавальнікі дасталі цела непаўналетняга з вады без прыкмет жыцця», паведамляюць следчыя.
Падлетак жыў у аграгарадку Казловічы Слуцкага раёну.
«У Беларусі бясплатная праца – прыкмета лаяльнасці»
Чыноўнікі сцвярджаюць, што сёлета на суботніку зарабілі на 13% больш грошаў, чым летась. Ці так гэта насамрэч і чаму беларусы ідуць на бясплатную працу?
Разбіраемся ў нашым відэа, паглядзіце!
😡 «Замак Гары Потэра» у Адэсе пацярпеў у выніку расейскага абстрэлу
Гэты будынак – плён архітэктурнай фантазіі экс-дэпутата і былога кіраўніка ўкраінскага Цэнтрвыбаркама Сяргея Ківалава
Паглядзіце!
Сябры, шукаем бацькоў выпускнікоў ці школьнікаў, якія заканчваюць у гэтым годзе 11 класаў
На ўмовах поўнай ананімнасці хочам паразмаўляць пра выпускны вечар: пра бюджэт вечарыны, прайс арганізатараў і пра тое, ці былі з боку школы забароны/абмежаванні на імпрэзе?
Гатовыя падзяліцца інфармацыяй, пішыце ў бот @BelsatBot
Жах: у Кыргызстане грузавік заехаў у натоўп дзяцей
Ён раптоўна сарваўся з гары і патрапіў на свята, дзе збіў 29 дзяцей. Вядома, што сем чалавек цяпер у рэанімацыі, трое – у цяжкім стане.
Паводле МУС, кіроўцы не было ў грузавіку. Ён пакінуў машыну, але тая сарвалася з тармазоў.
Што? Кандыдатка ў Каардынацыйную раду пісала даносы ў КДБ?
Даносы былі ў тым ліку ў бок Эдуарда Пальчыса, якога асудзілі на 13 гадоў калоніі. Цяпер адносна кандыдаткі ідзе праверка. Сама яна адмаўляе сваю віну.
Пачытайце, хто яна такая:
✅ Праз VPN ❎ Без VPN
🎧 Музычны тг-канал «КЛІК» склаў спіс беларускіх хітоў за красавік
Паслухаць плэйліст можна ў Spotify
А які трэк часцей за ўсё гучаў у вашых навушніках? Дзяліцеся ў каментарах (толькі калі вам гэта бяспечна)
МЗС Украіны: пасля 16 чэрвеня могуць пачацца перамовы з Расеяй
Дзмітрый Кулеба заявіў, што пасля мірнага саміту ў Швейцарыі (15-16 чэрвеня) плануе сфармаваць «кааліцыю краін», якія б падтрымалі прапанаваныя ўмовы Уладзіміра Зяленскага: заканчэнне вайны праз вывядзенне расейскіх войск і вяртанне да межаў 1991 года.
«Ёсць толькі два спосабы давесці Расею да сітуацыі, калі яна будзе дзейнічаць добрасумленна. Першы – гэта поспех на полі бою, а другі – наяўнасць кааліцыі краін, тых, хто падзяляе адны і тыя ж прынцыпы і аднолькавыя падыходы. Вось чаму на саміце не мяркуецца ўдзел Расеі. Яна зможа прыняць удзел у перамовах»
На беларуску ў Польшчы напалі, думаючы, што яна з Украіны
22-гадовая дзяўчына размаўляла па-расейску з сяброўкай калі да іх падышлі мужчына з жанчынаю. Яны з мацюкамі запатрабавалі, каб беларуска вярнуліся ва Украіну.
Жанчына плюнула ў твар беларусцы, яна адказала выспяткам, пасля полька схапіла дзяўчыну за валасы, а мужчына нанёс некалькі ўдараў.
Паводле пацярпелай, пара была ў нецвярозым стане. Спачатку ніхто з відавочцаў не ўмешваўся – толькі дасталі тэлефоны і пачалі здымаць, але потым адзін з мінакоў прыгразіў паліцыяй. Тады агрэсары збеглі.
Беларуска напісала заяву ў паліцыі і атрымала даведку ад лекара, які дыягнаставаў траўму галавы. Сама дзяўчына жыве ў Польшчы амаль 6 гадоў.
🫨 Штучны інтэлект актыўна «звальняе» людзей па ўсім свеце
Якія спецыяльнасці ў зоне рызыкі і што рабіць, каб атрымаць перамогу над ШІ ў бітве за працоўнае месца?
Глядзіце ў відэа ⬆️
😍 У італьянскім горадзе Брэсанонэ зладзілі заварожваючае светлавое шоу
Аднак яно было заклікана звярнуць увагу на сур'ёзную глабальную тэму ⬆️
Дабрыдзень, сябры!
Мы вам прынеслі ранішняе чытво: сабралі найбольш цікавыя матэрыялы, якія вы маглі прапусціць:
🔻Як беларусу замяніць пасведчанне кіроўцы за мяжою?
Праз VPN
Распавядаем, як гэтая працэдура выглядае ў розных краінах, дзе жывуць беларусы.
🔻«Зэкамерон» – турэмны кватэрнік ад купалаўцаў
Праз VPN
«Белсат» зазірнуў на рэпетыцыю спектаклю, паразмаўляў з акторамі і рэжысёрам і расказвае, чаму варта «не праспаць» магчымасць трапіць на наступныя паказы.
🔻«Нясуць інфармацыю разладу», «фабрыка фальшывых чутак»
Праз VPN
Што пра «Белсат» пісалі ў КДБ?
#штопачытаць
🙄 Паглядзіце, як у Беларусі адзначылі 1 траўня
Прапагандысты выціснулі з сябе максімальны крэатыў!
Мы вам спачуваем, але глядзець гэта ў адзіноце больш не можам... дзелімся 🫠
💔 Мікалай Брэдзелеў
Прэс-сакратар кампаніі А1.
Вядома, што сілавікі яго моцна збівалі. Яго былы сукамернік казаў, што ў ЦІП «ён прыехаў з цалкам фіялетавымі нагамі».
Карнікі запісалі з ім «пакаяннае відэа», на якім хлопец казаў, што нібыта перадаваў трэцім асобам інфармацыю, звязаную з яго прафесійнай дзейнасцю, але потым у кампаніі заявілі, што Мікалай не меў доступу да звестак кліентаў.
Мужчыну асудзілі за нібыта «Фінансаванне дзейнасці экстрэмісцкага фармавання» і прысудзілі 4 гады зняволення.
📩 Падтрымайце палітвязня: ПК № 22. 225295, Брэсцкая вобласць, г. Івацэвічы, ст. Даманава, а/с 20
#рэпрэсіі
📍Святлана Ціханоўская правяла сустрэчу з Наталляй Пінчук – жонкаю Алеся Бяляцкага
Яны абмяркоўвалі лёсы сваіх палітзняволеных мужоў, а таксама шляхі да вызвалення палітвязняў і тое, як у гэтым можа дапамагчы міжнародная супольнасць.
Чытайце на старонцы:
✅ Праз VPN ❎ Без VPN