42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
У «ДНР» асудзілі беларускага добраахвотніка
Ваяру Палка Каліноўскага Александру Думбляускасу «Тунгус» прызначылі 14 гадоў турмы завочна за «найміцтва».
Паводле абвінавацтва, з лютага 2022-га па ліпень 2024-ы беларус ваяваў на баку Украіны і нібыта атрымаў за гэта каля 21,5 тысячы долараў.
Аляксандр сядзеў 11 месяцаў у СІЗА ў Беларусі, пасля чаго быў эвакуяваны. У лютым 2022-ага ён далучыўся да Палка Каліноўскага.
У кандыдатаў на «выбары» засталося ўсяго 10 дзён
Паводле закону, рэгістрацыя ініцыятыўных груп павінна быць завершана не пазней чым за 85 дзён да выбараў. Гэта значыць, што на падачу дакументаў у ЦВК пакінулі ўсяго 10.
Адзін з магчымых кандыдатаў зразумелы, але апошнім часам ён ухіляецца ад прамых адказаў пра свой удзел. Узгадваем, як ён збіраецца і не збіраецца сёмы раз балатавацца — ПА СПАСЫЛЦЫ (праз VPN)
👍 Беларусы змогуць дамагацца правасуддзя праз Польшчу
Цяпер справы аб катаваннях беларусаў, якія пацярпелі ад рэжыму, будуць разглядацца праз польскую юрысдыкцыю. Гэта стала магчыма дзякуючы юрыстам НАУ і адвакацкаму бюро «Kopeć & Zaborowski».
Такое правасуддзе будзе ажыццяўляцца па дзвюх падставах: злачынства тэрарыстычнага характару і выкарыстанне ўніверсальнай юрысдыкцыі.
«Гэтыя дзве акалічнасці ствараюць магчымасць настойваць у пракуратурах Польшчы на расследаванні крымінальных спраў, звязаных са злачынствамі катаванняў у дачыненні да грамадзян Беларусі», — паведамляе АПК Беларусі.
Таксама паведамляецца, што ў аддзеле па барацьбе з арганізаванай злачыннасцю ў Любліне ўжо назапашана 70 тамоў матэрыялаў злачынстваў, учыненых супраць беларусаў.
😔 «Жанчыны вымушаныя ў спадніцы-алоўку чысціць снег»
У жаночых калоніях у дачыненні да жанчын-палітзняволеных выкарыстоўваюць пакаранні, не прадугледжаныя законам: іх саджаюць у клетку за адмову ад выканання патрабаванняў супрацоўнікаў, прымушаюць выконваць зняважлівую і бессэнсоўную працу, ствараюць «палітычным» невыносныя ўмовы, ходзяць за імі па пятах, кажуць неадэкватныя рэчы.
Міжнародны камітэт па расследаванні катаванняў у Беларусі апытаў 20 былы палітзняволеных жанчын, і яны распавялі пра ўмовы ў жаночай калоніі №4. Што яны распавялі, чытайце ПА СПАСЫЛЦЫ (праз VPN)
💥 #галоўнае за 22 кастрычніка
▫️Ва Украіну могуць прыехаць вайсковыя эксперты з Паўднёвай Карэі.
▫️Расея гатовая дапамагчы беларускім сілавікам падчас «выбараў».
▫️Польшча закрыла расейскае генеральнае консульства у Познані.
▫️Маляваныч стаў ахвярай махляроў.
▫️Пачаўся новы праект на «Белсаце» пра беларускую моду.
▫️Каля 800 мастоў у Беларусі патрабуюць рамонту.
🙄 Лукашэнка адправіў на «Міс свету» сваю прыхільніцу
Чым вядомая гэтая дзяўчына і чаму яна заняла чужое месца — глядзіце ў нашым відэа.
🔴 «Аб’ектыў» — галоўныя падзеі дня!
У сённяшнім выданні:
📌 Рэпрэсіі ў Беларусі не спыняюцца, а Масква ўжо абяцае падтрыманне ў выпадку пратэстаў падчас выбараў 2025
📌 КДБ вярбуе актывістаў, каб сачыць за Ціханоўскай і каліноўцамі
📌 Беларуская эканоміка ўмацавалася і перамагла санкцыі — праўда ці трызненні беларускіх чыноўнікаў і Грызлова. Чаму ж тады прадпрыемствы звяртаюцца па зняцце санкцыяў у суд?
📌 Банкрутуе прыватная клініка А1, якую пазбавілі ліцэнзіі
📌 Ад сёння прызыўнікі адпраўляюцца на службу — наколькі агулам цяпер бяспечна і прэстыжна гэтая справа
📌Новая махлярская схема — цяпер падманваюць пад выглядам царквы
📌 Першае рашэнне савету маральнасці — забарона на камедыйны спектакль пра палюбоўніц
Далучайцеся да эфіру ⤵️
А ці ведалі вы, што барацьба з русізмамі можа нашкодзіць беларускай мове?
Часам, калі беларусы адмаўляюцца ўжываць словы, падобныя на расейскія, яны замяняюць іх на іншыя, што часта вядзе да памылак. Як гэта ўплывае на мову — глядзіце ў новым выпуску праграмы «Мова Нанова»: youtu.be/i-iuOrSM5Zo
❤️ Новы праект «Белсату» з Кацярынай Ваданосавай
Хто прыдумаў вышыванку? Як стваралася беларуская мода і чаму нацыянальны строй – гэта не толькі сялянскае? Глядзіце новую аўтарскую праграму пра тое, у чым хадзілі нашыя продкі: youtu.be/4wvS4mErLDo
А прачытаць пра новы праект можна ПА СПАСЫЛЦЫ (праз VPN).
🤔 Краіны ЕЗ змогуць вярнуць мігрантаў назад у Беларусь?
Гэтае пытанне цяпер разглядае Еўрапейскі суд па правах чалавека. Паспрабавалі распісаць прасцей, як ідзе гэты складаны працэс — ПА СПАСЫЛЦЫ (праз VPN)
Дарэчы, а як вы бачыце магчымае вяртанне мігрантаў?
💭 «Я прыдумаў назву «Белсат» – гэта мая ідэя»
Марыюш Машкевіч – польскі дыпламат і навуковец.
Першы ў гісторыі польскі консул у Горадні, а з 1998 да 2002 года – амбасадар Польшчы ў Беларусі.
Адзіны заходні дыпламат, які браў удзел у пратэстах і трапіў за гэта на Акрэсціна
Глядзіце размову цалкам ПА СПАСЫЛЦЫ
✈️ «Мясцовыя ўлады будуць чакаць што будзе, якая рэакцыя будзе з Менску»
Толькі за апошні тыдзень расейскія дроны заляталі ў Беларусь 18 разоў
Пра што маўчаць улады – глядзіце ў нашым відэа ☝️
❓Сябры, ці чулі вы пра асобныя спісы палітычна нядобранадзейных прызыўнікоў у ваенкаматах?
Калі так, ці нават ведаеце гэтыя спісы, напішыце ў наш чат-бот @edytorBLST. Гэта ананімна
Ва Украіну могуць прыехаць вайсковыя эксперты з Паўднёвай Карэі
Гэта будзе адказ на адпраўку ў Расею войскаў КНДР.
Чакаецца, што спецыялісты Паўднёвай Карэі будуць дапытваць або перакладаць у выпадку ўзяцця ў палон ЗСУ паўночнакарэйскіх вайскоўцаў. Яны таксама дадуць Кіеву інфармацыю аб ваеннай тактыцы, дактрыне і аперацыях Пхеньяна, а таксама перададуць зброю.
Паводле ўкраінскай выведкі, жаўнеры Паўночнай Карэі (11 тысяч чалавек) рыхтуюцца на ўсходзе Расеі, каб ваяваць супраць Украіны. 2,6 тысячы з іх адправяць у Курскую вобласць. Выведка Паўднёвай Карэі таксама пацвердзіла 10 000 жаўнераў КНДР.
Ці зменяць «Шахеды» курс Лукашэнкі?
Расейскія дроны ўсё часцей з’яўляюцца ў небе над Беларуссю: у ліпені адзін разбіўся каля Бабруйска, а ў верасні праляцеў праз Пінск і Наваградак да Латвіі. Лукашэнка нават прызнаў праблему, але кажа, што залятаюць як украінскія, так і расейскія беспілотнікі.
Пры гэтым улады жорстка рэагуюць на любыя спробы грамадзянаў абмяркоўваць сітуацыю: за відэа дронаў можна трапіць пад арышт, а на звароты наконт абароны школ ад дронаў адказнасць перакладаюць з аднаго ведамства на іншае.
Дык ці можа Лукашэнка зрабіць сапраўды «мірнае неба», пра якое заўсёды кажа? Эксперт Арцём Брухан лічыць, што ёсць усяго дзве відавочныя рэчы каб самаабвешчаны вырашыў праблему. Але ці хоча ён? Разабраліся ПА СПАСЫЛЦЫ (праз VPN)
Экс-кандыдатка ў прэзідэнты вызвалена пасля 15 содняў арышту
Таццяна Караткевіч цяпер «у парадку» — так напісаў былы палітвязень Андрэй Дзмітрыеў.
12 кастрычніка стала вядома, што Караткевіч затрымалі. Нагодай нібыта стала фота падзеяў 2020-га ў сацсетках.
Так званыя выбары ў Беларусі адбудуцца 26 студзеня 2025 года
Адпаведнае рашэнне сёння прынялі дэпутаты Палаты прадстаўнікоў Нацыянальнага сходу.
Раней ініцыятыва BELPOL паведамляла, што «выбары» могуць адбыцца 24 лютага 2025 года.
14-гадовую школьніцу асудзілі на 10 гадоў калоніі
Суд Горадні абвінаваціў яе ў незаконным абароце наркатычных сродкаў. Дзяўчынка дзейнічала ў складзе арганізаванай групы і зарабляла грошы на закладках.
«Падлеткі знаходзілі аб'явы ў інтэрнэце аб нелегальным заробку. Праз некаторы час з імі звязваўся куратар і абяцаў лёгкія грошы. Падлеткі атрымлівалі партыі наркотыкаў, расфасоўвалі і распаўсюджвалі шляхам закладак на тэрыторыі горада Горадня. Самі наркотыкі яны не ўжывалі, у поле зроку міліцыі раней не траплялі» – распавяла начальніца інспекцыі па справах непаўналетніх РАУС.
Нагадваем, у Беларусі крымінальная адказнасць наступае з 16 гадоў, але за цяжкія злачынствы (туды уваходзіць незаконны абарот наркотыкаў), беларусы адказваюць з 14 гадоў.
Добрай серады, шаноўныя!
Не ведаеце, што пачытаць раніцою? Прынеслі вам найбольш цікавыя матэрыялы «Белсату», які вы маглі прапусціць:
🔹Мар’юш Машкевіч: Лукашэнка – палітычны звер
Якою Захад бачыў Беларусь у канцы 1980-х – пачатку 1990-х, чаму там недаацанілі небяспекі з боку Лукашэнкі і ці ёсць магчымасць паўплываць на яго сёння? Пра гэта «Белсат» паразмаўляў з польскім дыпламат з амаль 30-гадовым досведам працы Мар’юшам Машкевічам.
🔹Расейскія дроны папсавалі Лукашэнку міф пра «мірнае неба» і могуць стаць «чорнымі лебедзямі»
Як дроны пагражаюць не толькі мірным жыхарам, але і самому Лукашэнку.
🔹Святары пачынаюць удзельнічаць у творчасці
Чаму рада маральнасці забараніла камедыю «Каханкі майго мужа».
#штопачытаць
#рэпрэсіі Асноўнае за 22 кастрычніка
▪️Беларускі спектакль, які ішоў 10 гадоў, быў адменены «Саветам па маральнасці».
▪️КДБ стаў больш актыўна вербаваць беларусаў.
▪️У Беларусі затрымалі Ігара Ільяша.
▪️Вядомую школу замежных моваў Streamline — ліквідуюць.
▪️Зноў агонь па сваіх? Паўладнага блогера асудзілі за «экстрэмізм».
▪️Менскага інжынера затрымалі за ўдзел у мірных пратэсту ў жніўні 2020 года.
▪️Судзяць мужчыну, якога затрымалі за каментары пра тэракт у «Крокусе».
▪️Жыхаруку Менску асудзілі на 2,5 гады калоніі за каментары пра сілавікоў, Лукашэнку і ўдзельнікаў вайны ва Украіне.
▪️Былога міліцыянта завочна асудзілі да 15 гадоў калоніі.
🍻 Ці якаснае беларускае піва?
Айчыннае піва трапіла ў рэйтынг сэрвісу «numbeo». Пра тое, на якім яно апынулася месцы і якая сітуацыя з півам у нашых суседзяў — глядзіце ў нашым відэа ад праграмы «Атмасфера».
🥰 Паглядзіце, хто нарадзіўся ў Гарадзенскім заапарку!
Знаёмцеся, гэта Эля, і яна – кітайскі мунтжак!
Гэтыя жывёліны вырастаюць памерам з сабаку і лаюць як сабака. А яшчэ ён ясі мяса. Гэта адзін з нямногіх дагістарычных млекакормячых, які дажыў да нашых дзён.
🫢 Зноў агонь па сваіх? Паўладнага блогера асудзілі за «экстрэмізм»
Аляксандр Петрачкоў так падтрымліваў рэжым, што называў прылёт Лукашэнкі на верталёце «гістарычным момантам», заўсёды асвятляў мерапрыемствы ўладаў і нават удзельнічаў у барацьбе з парушальнікамі грамадскага парадку.
Але яго ўсё роўна затрымалі. Ужо больш за тыдзень на старонцы Аляксандра Петрачкова няма абнаўленняў. Мужчыну вінавацяць у распаўсюдзе экстрэмісцкай прадукцыі.
Якое рашэнне вынес суд, пакуль невядома.
Сілавікі распавялі, за што затрымалі Ігара Ільяша
У праўладных тг-каналах з'явілася новая інфармацыя пра арышт мужа Кацярыны Андрэевай.
Паводле іх, Ігар нібыта «садзейнічаў экстрэмісцкім фармаванням» — так яны могуць называць інтэрв'ю беларускім незалежным медыя, і «займаўся зборам звестак для замежных разведак» (таксама інтэрв'ю, толькі для ўкраінскіх СМІ).
📺 Навіны за 5 хвілін
🔻Сілавікі затрымалі мужа Кацярыны Андрэевай — Ігара Ільяша.
🔻КДБ вярбуе актывістаў унутры краіны.
🔻Масква паабяцала дапамагчы задушыць пратэсты ў Беларусі падчас выбараў 2025-га.
🔻Збройныя сілы Украіны атакавалі тры спіртзаводы ў Расеі.
Цалкам выданне глядзіце на YouTube-старонцы.
Маляваныч стаў ахвярай махляроў
Беларускі актор Аляксандр Ждановіч згубіў сродкі з банкаўскага рахунку праз ашуканцаў. BYSOL распачаў збор дапамогі:
«Мы сто разоў чулі такія гісторыі, зразумела, што трэба быць максімальна ўважлівымі, калі вам тэлефануюць з "банку”. Але, ведаючы, які добры і спагадлівы чалавек Саша, асабліва крыўдна за тое, што махляры падманулі яго!», — напісаў Андрэй Стрыжак.
Маляваныч вядомы як аўтар праграмы «Калыханка». У 2020 годзе яго арыштоўвалі на содні за ўдзел у мірных пратэстах. Два гады таму ён пакінуў Беларусь.
Падтрымаць яго можна тут
Долар і расейскі рубель даражэюць, а еўра таннее
Такія навіны курсаў валютаў у беларусі на сёння.
#курсывалютаў
Самую вялікую школу замежных моваў Streamline — ліквідуюць
Гэта звязваюць з ціскам з боку ўладаў.
Альянс расследавальнікаў Беларусі паведаміў, што ўстанова падала на ліквідацыю 17 кастрычніка. Гэта адбылася праз два тыдні з моманту праверак Камітэту дзяржаўнага кантролю.
«Былі заблакаваныя рахункі. Выкладчыкам не змаглі выплаціць заробак, а студэнты – аплаціць вучобу», – паведамляюць расследавальнікі.
Ліквідацыя таксама можа сведчыць аб жаданні стрымаць адток кадраў за мяжу.
❗️У Беларусі затрымалі Ігара Ільяша
Яго фотаздымак апублікавалі праўладныя тэлеграм-каналы, паведамляе «Вясна». Ігар — муж палітзняволенай журналісткі Кацярыны Бахвалавай (Андрэевай).
#рэпрэсіі
😡 КДБ стаў больш актыўна вербаваць беларусаў
Як піша @nashaniva, ужо вядомыя прынамсі чатыры выпадкі, калі актывістаў, не звязаных з палітыкай, арыштоўвалі і шантажавалі: альбо вярбоўка, альбо надуманая крымінальная справа.
Пытаюцца, хто ўваходзіць у ініцыятыву, як адбываецца камунікацыя, хто фінансуе. Асаблівую цікавасць для чэкістаў уяўляюць структуры, звязаныя з Ціханоўскай і беларускімі добраахвотнікамі ва Украіне.
Пад вербаванне падпадаюць актывісты экалагічных, адукацыйных і жаночых ініцыятыў, якія легальна працуюць у Беларусі.