42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
⚔️Сёння адзначаецца гадавіна Грунвальдскай бітвы
15 ліпеня 1410 года злучаныя войскі Польскага Каралеўства і ВКЛ пад кіраўніцтвам князеў Ягайлы і Вітаўта разграмілі войска Тэўтонскага ордэна.
Чым была адметная Грунвальдская бітва – глядзіце ў нашым відэа☝🏻
Байдэн выступіў са зваротам да амерыканцаў
Прэзідэнт ЗША Джо Байдэн заклікаў грамадзянаў знізіць палітычную тэмпературу і памятаць, што яны ўсе суседзі. Такую заяву ён зрабіў пасля таго, як адбыўся стрэл у яго імавернага спаборніка на выбарах Доналда Трампа.
✅Праз VPN ❎Без VPN
🤔Пагрозы падзейнічалі на Лукашэнку?
Прасачыць міграцыйны крызіс у дынаміцы не так і лёгка, але мы вырашылі выправіць гэта і склалі графікі спробаў незаконнага перасячэння беларуска-польскай мяжы.
Ёсць некалькі цікавых момантаў👇🏻
✅Праз VPN ❎Без VPN
⚽️ Пераможцам «Еўра-2024» стала Іспанія
У Нямеччыне завяршыўся чэмпіянат Еўропы па футболе, у фінальнай гульні ў Берліне сустрэліся Іспанія і Англія. Перамогу з лікам 2:1 атрымала Іспанія.
Іспанія першая ў гісторыі нацыянальная зборная, якой удалося чатыры разы перамагчы на Еўра, да гэтага Іспанія была чэмпіёнам у 1964, 2008 і 2012 годзе.
На «Еўра-2024» Іспанія выгуляла ўсе сем гульняў.
❗️ Дзіця загінула ў выніку ўрагану ў Рэчыцкім раёне. Яшчэ шасцёра – траўмаваныя
Загінуламу хлопчыку было 13 гадоў. Іншыя дзеці ўзростам ад 7 да 13 гадоў атрымалі розныя траўмы.
«На тэрыторыі дзіцячага аздараўленчага лагера імя Марата Казея прыкладна ў 17: 20 гадзін, у выніку стыхіі, якая раптам усхадзілася, адбылося імклівае падзенне некалькіх дрэў. У гэты час на канцэртнай пляцоўцы праходзіла забаўляльнае мерапрыемства для выхаванцаў лагера. Калі пачалася бура, дзеці кінуліся ў жылыя карпусы. Паводле папярэдніх звестак, пры падзенні дрэў і абламаных галін пацярпела 7 выхаванцаў лагера»,
💥СТРЫМ. Нядзельнае вечаровае шоу «Тыдзень»
У сённяшнім выданні:
🔸 Трампа спрабавалі забіць. Што адбылося?
🔸Імпартазамяшчэнне па-беларуску: некаторыя прадпрыемствы павялічваюць вытворчасць у 15 разоў
🔸Атмасфера беларушчыны – «Тутака»
🔸Хто пераможа ў Еўра-2024?
Далучайцеся да эфіру ⤵️
🤡 «Можа быць, гэтая ініцыятыва з часам вырасце і перасягне сусветную вядомасць carnaval do Rio»
У Віцебску прайшоў фестываль самбы. «Гей, славяне, самба!», – напісалі пра яго на сайце «Народныя навіны Віцебска».
Адчуваеце гэтае ашчушчэніе праздніка?
🙈 А вось у Беларусі мараць, што гэтае свята можа стаць сусветна вядомым і нават перасягне бразільскі карнавал.
📌 «Паліцыя бегала і не разумела, што адбываецца»
На Доналда Трампа быў здзейснены замах падчас мітынгу ў горадзе Батлеры ў Пенсільваніі. Куля зачапіла правае вуха палітыка, ягонаму жыццю нічога не пагражае, аднак сярод удзельнікаў мітынгу ёсць ахвяры.
☝️ Паводле BBC, відавочцы загадзя заўважылі асобу з вінтоўкаю на даху прамысловага будынку, а паміж стралком і Трампам было каля 130 метраў.
Belsat.eu распавядае, што пра гэта вядома на дадзены момант 👇
✅Праз VPN ❎Без VPN
😇 Добрыя навіны тыдня
Сярод таго трэшу, які адбываецца навокал, можна не заўважыць, што здараецца і нешта прыемнае. Каб вы не прапусцілі, мы зрабілі невялікую падборку:
🔅 Беларусы стварылі платформу для абмену кнігамі па ўсім свеце. Праз яе можна даведацца, у каго, дзе і якія кнігі (перакладзеныя на беларускую, напісаныя па-беларуску ці ад беларускіх аўтараў) ёсць у вашым рэгіёне – і абменьвацца імі.
🔅 Кніга Святланы Алексіевіч «Час сэканд-хэнд» увайшла ў спіс найбольш значных у XXI стагоддзі
🔅 Дакументальная стужка «Белсату» трапіла на Замойскі кінафестываль «Сустрэчы з гісторыяй»
🔅 Лідскія кеды больш не будуць фарбаваць ногі
🔅 Кемлівы коцік з Маларыты выратаваў сваю параненую сяброўку
🔅 Яшчэ адзін куточак дзікай прыроды атрымаў шанец на лепшае захаванне. Заказнік нацыянальнага ўзроўню «Букчанскі-Тапілаўскае» будзе створаны ў Лельчыцкім раёне. На гэтай тэрыторыі шмат чырвонакніжных раслінаў і жывёлінаў, мяркуецца, што заказнік стане надзейнай аховай для рэдкіх відаў.
🤭 Нэо з Матрыцы і Ван Гог
Паглядзіце, як у сацсетках адрэагавалі на замах на Трампа.
⚔️ 1300 рыцараў сышліся ў рэканструкцыі бітвы пад Грунвальдам
У вёсцы Грунвальд на поўначы Польшчы рэканструявалі бітву 1410 года паміж аб’яднаным войскам Кароны Польскай і Вялікага княства Літоўскага з аднаго боку і Тэўтонскім ордэнам ды ягонымі саюзнікамі з іншага.
🤔 Сексам трэба займацца толькі ў афіцыяльным шлюбе, каб не захварэць ІППШ
Прынамсі такую параду дала Андрэю Павуку галоўны спецыяліст Цэнтру акушэрства і гінекалогіі ў Менску на пытанне, як размаўляць з падлеткамі пра секс.
👉 Глядзіце новае выданне «Шухер-шоў».
📌 Былі «асобы, датычныя да здзяйснення крымінальных дзеянняў экстрэмісцкай накіраванасці»
11 асобаў, якіх схапілі на рок-пікніку ў Пінскім раёне, «прыцягнулі да адміністратыўнай адказнасці за распаўсюд нацысцкай сімволікі і экстрэмісцкіх матэрыялаў».
☝️Аднак, паводле МУС, сярод удзельнікаў былі асобы, «датычныя датычныя да здзяйснення крымінальных дзеянняў экстрэмісцкай накіраванасці, у тым ліку тыя, хто браў удзел у масавых беспарадках у 2020 годзе». Таму магчыма, што ў хуткім часе стане вядома пра крымінальныя справы супраць маладзёнаў.
Пра хапун у намётавым лагеры каля Пінску стала вядома 8 ліпеня, і толькі зараз міністэрства ўнутраных справаў раскрыла падрабязнасці. Паводле версіі міліцыянтаў, рок-пікнік быў «незаконным масавым мерапрыемствам», а ўдзельнікі – «дэструктыўныя элементы з ліку неапаганцаў, нацыстаў, нефармалаў-сатаністаў». Як заявілі ў МУС, маладзёны планавалі ўчыніць «дзеянні, што груба парушаюць грамадскі парадак».
✅Праз VPN ❎Без VPN
☝️ Літва з тэхнічных прычынаў часова прыпыніла афармленне легкавога і грузавога транспарту
Як паведамляе пагранкамітэт Беларусі, 14 ліпеня з 03:00 ў літоўскім пункце пропуску Мядзінінкай узніклі праблемы ў працы праграмнага забеспячэння.
🥰 Гэтыя моманты растопяць вашае сэрца, нават калі вы не глядзіце футбол
Сабралі для вас мілыя моманты, якія адбыліся падчас галоўнай футбольнай падзеі гэтага году – «Еўра-2024» ☝🏻
⚫️ На маленькую дзяўчынку абвалілася дрэва падчас непагадзі. Дзіця загінула
Паводле папярэдняй інфармацыі, дзяўчынка з мамай і цёткай накіроўваліся на электрычку да чыгуначнага пункта «Тэкстыльшчык».
«Моцныя парывы ветру прывялі да падзення дрэў, пад адным з якіх апынуліся жанчыны і дзяўчынка. Ад удару бярозы маці дзяўчынкі страціла прытомнасць, малую прыціснула ствалом»
⛈Непагадзь нарабіла шкоды
Навальнічны фронт стаў прычынаю падзення дрэў і галінаў на лініі электраперадачы, што выклікала іх абрывы, пашкоджанні апор. Больш за ўсё адключэнняў электрычнасці было ў Гомельскай і Магілёўскай вобласцях.
У ліквідацыі наступстваў было задзейнічана 805 энергетыкаў, частка з якіх працуе кругласутачна.
☀️ Добры дзень усім, хто пачынае яго разам з Белсатам! Трымайце самыя цікавыя матэрыялы, якія вы маглі прапусціць:
🗞 Без аўтазакаў і турнікетаў. 1300 рыцараў сышліся ў рэканструкцыі бітвы пад Грунвальдам
У вёсцы Грунвальд на поўначы Польшчы, адбылася рэканструкцыя бітвы 1410 года паміж аб’яднаным войскам Кароны Польскай і Вялікага Княства Літоўскага з аднаго боку і Тэўтонскім ордэнам ды ягонымі саюзнікамі – з другога.
🗞 У ЗША адбыўся замах на Доналда Трампа. Што вядома на дадзены момант
На фаварыта прэзідэнцкай гонкі ў ЗША быў здзейснены замах падчас мітынгу ў горадзе Батлер у Пенсільваніі. Куля зачапіла правае вуха палітыка, ягонаму жыццю нічога не пагражае.
🗞 Чэргі на памежных пунктах не змяншаюцца
Напрыканцы тыдня выехаць з Беларусі апынулася хутчэй і лягчэй, чымся вярнуцца дадому. Час чакання ў бок Беларусі ў адным з памежных пунктаў дасягнуў 37 гадзінаў.
#штопачытаць
💥 #галоўнае за 14 ліпеня
✔️ Непагадзь панавала на Гомельшчыне: у лагеры загінула дзіця, палова Мазыра засталася без святла і вады
✔️ На беларускай чыгунцы адбыўся збой у руху цягнікоў
✔️ У ЗША адбыўся замах на кандыдата ў прэзідэнты Трампа
✔️ Беларусы сабраліся на фестывалі «Тутака»
✔️ 1300 рыцараў узялі ўдзел у рэканструкцыі бітвы пад Грунвальдам
🌪 Ураганы дайшлі і да Гомельскай вобласці: некаторыя куткі без вады і электрычнасці
Аварыйныя брыгады працуюць над аднаўленнем электразабеспячэння.
«Сітуацыя знаходзіцца пад кантролем», – сцвярджаюць улады. Але ці сапраўды так – пакажа час.
У некаторых раёнах Мазыра няма вады. Пры гэтым у «Мазырводаканале» сцвярджаюць, што збою ў сістэме водазабеспячэння няма: як толькі ліквідуюць збой у электразабеспячэнні, адразу ж вада паступіць у дамы.
📌 Праз кепскае надвор'е на некалькіх участках беларускай чыгункі ўзніклі перашкоды для руху цягнікоў
Праз навальніцу і моцны вецер дрэвы пападалі на чыгуначныя шляхі і лініі электразабеспячэння.
У БЧ дадаюць, што больш падрабязную інфармацыю наконт часу адпраўлення і прыбыцця цягнікоў можна атрымаць па тэлефоне 105 кантакт-цэнтра Беларускай чыгункі.
😱 У Лунінецкім раёне на вуліцу лепш не выходзіць!
Паглядзіце, які там выпаў град!
📢 Не паспелі ўсачыць за навінамі на выходных?
У нас маецца дадатковы канал з максімальна сціслым апісаннем асноўных падзеяў ➡️ (НЕ)АПОШНІЯ НАВІНЫ.
Вынікі дня, падборкі найлепшых і найважнейшых матэрыялаў. Абяцаем не спаміць, далучайцеся да @vynikidnia
#галоўнае
😮 «Калі я знаходзілася з кімсьці, размаўляла, яму гэта не падабалася, і ў мяне левая рука нямела, гусінай скурай пакрывалася»
Тысячы людзей па ўсім свеце ствараюць тульпаў – уяўных сяброў.
У адрозненне ад некантраляваных галасоў, звязаных з некаторымі псіхічнымі захворваннямі, тульпы ў большасці выпадкаў не палохаюць сваіх гаспадароў, а падтрымліваюць, дапамагаюць справіцца з самотай, ды нават ратуюць жыццё.
Нашыя калегі з «Вот Так» распавядаюць, хто такія тульпаводы і чаму стварэнне тульпы не з'яўляецца псіхічным разладам 👇
✅Праз VPN ❎Без VPN
🔥 Вось гэта талент!
Паглядзіце, што робіць гэты майстар з падручных матэрыялаў ☝️
😡 Клетка для пакаранняў...
У жаночай калоніі № 4 існуе шмат пакаранняў, якія зневажаюць чалавечыя гонар і годнасць.
Адно з такіх – змяшчэнне чалавека клетку, якая знаходзіцца на вуліцы – распавяла «Вясна»
#рэпрэсіі
🥞 Гэта не ежа! Гэта высокае мастацтва!
Паглядзіце, якія незвычайныя бліны пячэ японскі кухар ☝️
❤️ «Нашая Беларусь цяпер знаходзіцца вось тут»
У гэтыя выходныя праходзіць галоўны беларускі пікнік – фестываль «TUTAKA».
Поўны стрым з канцэрту глядзіце на нашым канале «Белсат Music» 🎬
🏆 Ціханоўская – за найлепшых, Вячорка – за Іспанію, Латушка – разрываецца
14 ліпеня ў Берліне адбудзецца фінал чэмпіянату Еўропы па футболе з удзелам зборных Іспаніі і Англіі.
☝️ Фінальная гульня пачнецца а 22:00 паводле беларускага часу. За трафей пазмагаюцца каманды Іспаніі і Англіі.
«Белсат» спытаў вядомых беларусак і беларусаў, за каго яны будуць заўзець.
✅Праз VPN ❎Без VPN
🤔 Калі Расея пераможа Украіну, то можа распачаць вайну з краінамі Балтыі
Пра гэта распавёў аўстрыйскі палітолаг Густаф Карл Грэсэль распавёў у эфіры «Bild».
☝️ Нагодаю для нападу можа паслужыць інсцэнізаванае паўстанне польскай меншасці, якая нібыта падтрымае краіны Балтыі, на захадзе Беларусі, у Гарадзенскай вобласці, лічыць Грэсэль. Для абароны саюзніка Расея атакуе ў адказ балтыйскія краіны.
Палітолаг прыйшоў да такіх высноваў, прааналізаваўшы мапу расейска-беларускіх вучэнняў «Захад-2017». Хоць на словах яны былі абарончымі і антытэрарыстычнымі, Узброеныя сілы РФ тады адпрацоўвалі напад на краіны NATO на некалькіх кірунках, лічыць Густаф Грэсэль.
Цяпер усе вайсковыя сілы Расеі скіраваныя на Украіну, аднак калі яна пераможа ЗСУ, то войскі могуць перакінуць на новую вайну, лічыць аўстрыйскі палітолаг. На карысць такога сцэнара можа таксама сведчыць аднаўленне Ленінградскай вайсковай акругі, мяркуе Грэсэль.