42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💥 #галоўнае за 7 траўня
▫️Святлана Ціханоўская ўпершыню сустрэлася з кіраўніком NATO.
▫️Берайсцейцы прыйшлі на гастрафэст і масава атруціліся.
▫️25 гадоў таму знік Юрый Захаранка.
▫️90% прыбыткаў ад актываў Расеі ў Еўропе накіруюцца на ваенныя патрэбы Украіны.
▫️Памёр беларускі мастак Васіль Пачыцкі.
▫️Зянон Пазняк распавёў, што Лукашэнка павіншаваў яго з 80-годдзем.
▫️Ва Украіне арыштаваныя агенты ФСБ, якія рыхтавалі напад на Зяленскага.
▫️Сілавікі арыштавалі менчука, які нібыта напісаў 1 200 каментароў.
▫️Супраць Беларусі ўвядуць больш жорсткія санкцыі.
▫️Даносчыца Бондарава прынізіла нявестку Лукашэнкі ў сваім тг-канале. А потым выправіла допіс.
▫️У Вільні праходзіць выстава пра паўстанне Каліноўскага.
📌 Суд выставіў Пратасевічу, Рудзіку і Пуцілу суму кампенсацыі ў 24,5 мільёна рублёў за нанясенне ўрону
На сваім Youtube канале Пратасевіч прызнаецца, што рашэнне суда стала для яго шокам.
Асноўная частка выплатаў павінна перайсці ў МУС на прэміі і пазачарговыя выплаты, адзначыў Пратасевіч.
✅ Праз VPN ❎ Без VPN
👩🚀 SpaceX паказала скафандр для выхаду ў адкрыты космас
Выглядае, як з фільмаў пра будучыню!
💪 Вось такая выстава пра паўстанне Каліноўскага праходзіць у Вільні
Пабачыць экспанаты можна бясплатна ў палацы Вялікіх Князёў.
Інтэрактыўная выстава «Паўстанцы 1863–1864 гадоў» складаецца з 16 павільёнаў і мультымедыйнага купалу ў гонар Кастуся Каліноўскага. Працаваць яна будзе да 18 траўня.
«Галоўная мэта – гэта перамагчы ва Украіне і аслабіць Захад»
Расея рыхтуе тэракты ў Еўропе, атаку на Вялікую Брытанію і ядравую вайну? Пра гэта піша выданне «Financial Times». Калі гэта сапраўды так, навошта гэта Крамлю і што можа супрацьпаставіць NATO?
Разбіраемся ў нашым сюжэце!
«Важна, каб людзі не ўцякалі ад праблемаў, а дапамагалі адно аднаму»
Таццяна Гацура-Яворская робіць вялікія важныя справы ціха і спакойна.
У Беларусі яна шмат гадоў арганізоўвала фестываль праваабарончага кіно WATCH DOCS, адукацыяй у галіне правоў чалавека і дапамагала людзям, якія апынуліся ў цяжкай жыццёвай сітуацыі. Таццяна – маці чатырох дзяцей.
У 2022 годзе выехала з Беларусі таемнымі тропамі і цяпер жыве ва Украіне. Калі пачалася вайна, Таццяна арганізавала дастаўку ва Украіну складанага медычнага абсталявання. А цяпер адкрыла рэабілітацыйны цэнтр для вайскоўцаў.
Паглядзіце гісторыю гэтай неверагоднай жанчыны!
❌ Супраць Беларусі ўвядуць больш жорсткія санкцыі за падтрымку вайны ва Украіне
Адна з мэтаў – перашкодзіць Расеі абыход санкцыяў праз Беларусь.
У праекце прадугледжанае пашырэнне санкцыйнага спісу на тавары падвойнага прызначэння і тэхналогіі. Цяпер пад забарону могуць патрапіць:
🔻навігацыйныя тавары, прадметы раскошы, прамы ці ўскосны імпарт, набыццё ці перадача алмазаў з Беларусі.
🔻імпарт мінеральных прадуктаў, у тым ліку сырой нафты.
🔻кансультатыўныя, аўдытарскія, ІТ-паслугі ды іншыя.
🔻плануецца забарона ўезду на тэрыторыю Еўразвязу прычэпаў і паўпрычэпаў, якія зарэгістраваныя ў Беларусі, а таксама забарона на прыём дэпазітаў з Беларусі.
Выключэнні – харчовая і сельгаспрадукцыя (у тым ліку калійныя ўгнаенні). Гэта зроблена для таго, каб пазбегнуць негатыўных наступстваў для харчовай бяспекі ў свеце.
🤯Выпускныя-2024 пройдуць па сцэнарах чыноўнікаў
У гэтым годзе ў выпускнікоў не будзе ні дыджэяў, ні лімузінаў. Затое ім прапануюць распрацаваць нумары пра Другую сусветную і «год якасці».
Што будзе адбывацца на выпускных, глядзіце ў нашым відэа.
Сілавікі арыштавалі менчука, які нібыта напісаў 1 200 каментароў
Паводле выдання «Медиазона», мужчына падпісаны ў сацсетках як Дзмітрый Лешы.
На «пакаяльным» відэа затрыманы кажа, што працуе дальнабойнікам у Еўропе. Таксама яго прымусілі сказаць, што ён «пакідаў тысячу каментароў з абразамі Лукашэнкі і сілавікоў».
Паводле інфармацыі праваабаронцаў, затрыманы – Дзмітрый Сончык.
Беларуская лідарка ўпершыню сустрэлася з кіраўніком NATO
Святлана Ціханоўская таксама правяла брыфінг для краін-удзельніц Альянсу, дзе абмяняліся меркаваннямі аб крызісе ў Беларусі і перспектывах дыялогу беларускіх дэмсілаў і НАТА.
«Я радая, што гэта сустрэча адбылася, і што ў дэмакратычных сіл Беларусі завязваецца такі дыялог. У падмурак Альянсу закладзеныя блізкія для беларусаў каштоўнасці: індывідуальная свабода, правы чалавека, дэмакратыя і вяршэнства права», – пракаментавала кіраўніца АПК
◼️Памёр беларускі мастак Васіль Пачыцкі
Ён вядомы сваімі працамі ў стыле авангардызм, вострасацыяльнымі малюнкамі і ілюстрацыямі да выдання «БелГазета».
Васіль пайшоў з жыцця ва ўзросце 57 гадоў. Ягоныя працы находзяцца ў прыватных калекцыях і музеях Беларусі, Расеі, Францыі, ЗША, Ірландыі.
Адна з першых ахвяраў рэжыму – 25 гадоў таму знік Юрый Захаранка
Ён уваходзіў у каманду Лукашэнкі ў 1994-м, быў кіраўніком МУС, але пазней не падтрымаў палітыку першага прэзідэнта і выступаў з крытыкай.
7 траўня 1999 года па дарозе дадому Захаранка знік. Праз 20 год баец СОБРу Юрый Гараўскі расказаў, што ён быў забіты «эскадронамі смерці».
🎼Ужо пяты год на Еўрабачанні не выступаюць прадстаўнікі Беларусі. Хто можа перамагчы ў гэтым годзе?
Сёння ў шведскім Мальмё пройдзе першы паўфінал Еўрабачанне-2024. Распавядаем пра ўдзельнікаў конкурсу і пра тое, на каго ставяць у гэтым годзе.
Пачытайце!
✅Праз VPN ❎Без VPN
📍«Безразважна і безадказна». ЗША – пра расейскія вучэнні па выкарыстанні нестратэгічнай ядравай зброі
Прадстаўнікі Белага Дому, Дзярждэпартаменту ЗША і Пентагону падчас брыфінгу выказалі сваю пазіцыю адносна намераў Расеі правесці вучэнні па падрыхтоўцы і выкарыстанні нестратэгічнай ядравай зброі.
Каардынатар Рады нацыянальнай бяспекі ЗША па стратэгічных камунікацыях Джон Кірбі назваў расейскую ядравую рыторыку безразважнай і безадказнай:
«Калі Пуцін і расейскія афіцыйныя асобы занепакоеныя тым, што іхныя войскі ва Украіне могуць быць атакаваныя зброяй, якую вырабілі ў іншых дзяржавах, то самы лёгкі шлях пазбегнуць гэтага – проста вывесці свае войскі».
«Расейская ядравая рыторыка была безразважнай і безадказнай на працягу ўсяго канфлікту. Нягледзячы на ўсё, мы не бачылі ніякіх падставаў для карэкціроўкі нашай уласнай ядравай пазіцыі ў адказ на гэтыя заявы».Читать полностью…
◾️Памёр заслужаны лекар Беларусі Алег Суконка, які заклікаў даваць сумленную статыстыку па каронавірусе
Пра смерць доктара паведаміла піша «Наша Ніва». Прычынаю сталіся праблемы з сэрцам. Спадару Алегу было 72 гады.
Паводле інфармацыі «Нашай Нівы», пахавалі Алега Суконку на Паўночных могілках.
Алег Суконка ўзначальваў Рэспубліканскі навукова-практычны цэнтр анкалогіі і медычнай радыялогіі ім.М.Аляксандрава з 2010 года. Ён лічыўся адным з найлепшых анколагаў Беларусі. У пачатку 2020 года Суконка страціў пасаду дырэктара анкацэнтру. Таксама Суконка крытыкаваў Мінздароўя за публікацыю сфальсіфікаванай статыстыкі па каронавірусе
⚡️ Школы для «сваіх». Расследаванне «Бюро Медыя»
У Беларусі амаль не засталося прыватных школаў. Рэжым палічыў іх рассаднікамі іншадумства і знішчыў.
❓ Каму яны належаць тыя, што засталіся? І як змаглі выжыць пад час «палявання на варажбітак»?
😡 «Я ўжо дзесяць гадоў у адпачынку не быў. Куды можна паехаць з заробкам у дзвесце пяцьдзясят долараў?»
Хутка сезон летніх адпачынкаў.
🏖 Месцаў, куды можна паляцець з Беларусі не так шмат. А каб танна – яшчэ меней.
Дык дзе будуць адпачываць беларусы ўлетку?
✅ Праз VPN ❎ Без VPN
💔 Алег Ермакоў
Юрыст першага класу і былы супрацоўнік пракуратуры.
Абвінавачаны паводле дзвюх артыкулаў КК за перадачу дадзеных супрацоўнікаў праваахоўных органаў пратэсным інфармацыйным рэсурсам.
Асуджаны на 6 гадоў зняволення.
На волі ў яго засталіся жонка і 2 непаўналетнія дочкі.
📩 Падтрымайце палітвязня: ПК № 3. 211322, Віцебская вобласць, п. Віцьба
#рэпрэсіі
🔴 «Аб’ектыў» – галоўныя падзеі дня!
У сённяшнім выданні:
🔸6 школаў замест ранейшых 35.Што стала з прыватнай школьнай адукацыяй у Беларусі;
🔸Польскі суддзя Шмыт не падаваў афіцыйнага прашэнне на прытулак;
🔸Ізраіль захапіў кантрольна-прапускны пункт «Рафах» на мяжы з Егіптам і спыніў яго працу;
🔸25 гадоў без Захаранкі. Узгадваем гісторыю бясследнага знікнення палітычнага апанента Лукашэнкі;
Далучайцеся да эфіру ⤵️
https://www.youtube.com/watch?v=0gN2AJ5aNzQ
📺 Адразу пасля «Аб'ектыву» а 20.30 паводле менскага часу запрашаем да прагляду «Студыі Белсат» на youtube-канале Белсат NEWS – абмяркоўваем актуальныя падзеі дня з нашымі гасцямі!
Чым адрозніваецца праца на БТ ад працы на Белсаце?
Кацярына Ваданасава падзялілася ўспамінамі на Марзалюка і Азаронка, як яна была адзінай беларускамоўнай вядучай на БТ і каму цяпер зайздросціць.
Спытаем самае асабістае праз паліграф у праграме «Шчыра Кажучы»: https://youtu.be/hvQrDOFo9Cs
🙊 Даносчыца Бондарава прынізіла нявестку Лукашэнкі ў сваім тг-канале
Яна назвала жонку Дзмітрыя Лукашэнкі – «змагаркаю»
«Колькі ні пішуць патрыёты пра тое, што непрыгожа да патрыятычных мерапрыемстваў прыцягваць змагароў і дзяржпераваротчыкаў, пральня ўпарта працягвае іх цягнуць. Каторы раз мы сустракаем прозвішча змагаркі Ганны Сялук на канцэртах з удзелам Лукашэнкі».
Ганна Сялук – нявестка самаабвешчанага. Як вы разумееце, допіс быў вельмі хутка выпраўлены.
❗️Яны ідуць у Каардынацыйную раду
Белсат пачынае знаёміць з кандыдатамі ад усіх франкцыяў на выбары ў КР. Сёння — «Хопіць баяцца» пад нумарам 10.
Ці падтрымліваюць яны санкцыі, што думаюць пра сілавы сцэнар змены ўлады і як бачуць далейшыя стасункі Беларусі з Расеяй?
На ўсе пытанні адказалі прадстаўнікі франкцыі пад кіраўніцтвам блогеркі Таццяны Мартынавай:
✅ Праз VPN ❎ Без VPN
📺 Навіны за 5 хвілін:
🔻У Берасці адбылося масавае харчовае атручванне.
🔻У Магілёўскай вобласці пачаўся вучэбны збор тэрабароны.
🔻Пачалі судзіць 39-цігадовую Наталлю Крук, якая падчас запісу пакаяльнага відэа ігнаравала Азаронка.
🔻У Гомлі прайшла рэпетыцыя параду да 9-га траўня.
🔻Пуцін пяты раз уступіў на пасаду прэзідэнта.
🔻У Дзяржынскім раёне загарэўся аўтобус, які перавозіў дзяцей.
https://youtu.be/V92tmj7ebqw
Ва Украіне арыштаваныя агенты ФСБ, якія рыхтавалі напад на Зяленскага
Яны былі палкоўнікамі Упраўлення дзяржаўнай аховы Украіны. У іх задачы ўваходзіла: сачыць за перамяшчэннямі службовых асоб і перадаваць інфармацыю расейскім спецслужбам.
Паводле СБУ, ліквідацыя прэзідэнта Украіны павінна была адбыцца праз ракетны ўдар дзякуючы інфармацыі ад агентаў. Потым планавалася атака дронаў на іншых чыноўнікаў.
Працу агентаў, паводле ўкраінскіх спецслужбаў, кіравала 5-е аддзяленне ФСБ.
Раптоўна: Лукашэнка павіншаваў Зянона Пазняка з 80-годдзем
Адбылося гэта праз дыпламатычную пошту. Такое здарылася ўпершыню.
«Было шмат віншаванняў ад сяброў, ад беларускіх палітыкаў, у тым ліку ў межах паліткарэктнасці (што адзначаю) ад маіх палітычных нязгоднікаў за мяжой (П. Латушка) і ад палітычных праціўнікаў з афіцыёзнай Беларусі (А. Лукашэнка)».
Нагадваем, 24 красавіка беларускаму палітыку Зянону Пазняку споўнілася 80 гадоў.
Еўропа вырашыла, як будзе выкарыстоўваць актывы Расеі
90% прыбыткаў накіруюцца на ваенныя патрэбы Украіны. Пра гэта заявіў канцлер Нямеччыны Олаф Шольц:
«У нас у Еўропе ёсць кансэнсус наконт прыбытку ад расейскіх замарожаных актываў. Гэта значная сума, якая складае некалькі мільярдаў на год. Мы хочам выкарыстоўваць каля 90% гэтых сродкаў для абаронных мэтаў Украіны».
Канчатковая пастанова будзе прынятая на саміце G7 у чэрвені бягучага года.
Берайсцейцы прыйшлі на гастрафэст і масава атруціліся
Пацярпела каля 30 чалавек, 12 – у больніцы.
Паводле выдання «Еўрарадыё» большасць выпадкаў атручвання здарылася з 1 па 4 траўня, калі быў папулярны сэт з чатырох страў.
Цяпер адна з кавярняў, LE’MAR, часова закрытая. Праводзяцца лабараторныя даследаванні.
😳 У цэнтры Воршы заўважылі лася
Магчыма жывёліна проста ратавалася ад спякоты
🤬 Рэжым абірае беларусаў на курорце ў Краснай Паляне
Лукашэнкаўскія васалы прадалі за капейкі зямлю каля гатэлю «Беларусь» у элітным пасёлку ў Расеі. А зараз будуюць там апартаменты, якія прададуць па звышкоштах.
😡 Грошы пойдуць у кішэню дыктатара і прыбліжаных.
Добрага дня, шаноўнае спадарства!
Не ведаеце, што пачытаць раніцою? Сабралі для вас найбольш цікавыя матэрыялы «Белсату», якія вы маглі прапусціць:
🔸Час біць трывогу? Запазычанасць беларусаў перад банкамі расце
Праз VPN
Пазыкі беларусаў растуць як па спажывецкіх крэдытах, так і па банкаўскіх пазыках на будаўніцтва і набыццё нерухомасці.
🔸Што не падзялілі Міністэрства спорту і Беларуская федэрацыя футболу?
Праз VPN
Хто гэтыя асобы, якія канфліктуюць і ў чым сутнасць канфлікту?
🔸Яшчэ адну беларуску ў Польшчы тэрарызуе фірма, якая займаецца гвалтоўным высяленнем
Праз VPN
Распавядаем ейную гісторыю і прыводзім парады юрысткі адносна таго, што рабіць, калі вас незаконна высяляюць.
#штопачытаць