42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🔴 «Аб’ектыў» – галоўныя падзеі дня!
У сённяшнім выданні:
🔸Чаго чакаць ад візіту новага Міністра замежных справаў Рыжанкова ў КНДР
🔸Лукашэнка загадаў чыноўнікам знайсці шляхі супрацы з ЕЗ у гандлі
🔸 Офіс Ціханоўскай правёў перамовы з прадстаўнікамі краінаў, што ўвялі абмежаванне для аўто на беларускіх нумарах
🔸Працягваецца ліквідацыя урагану на Гомельшчыне
Далучайцеся да эфіру ⤵️
https://www.youtube.com/live/8-Cn4f04whY
📺Адразу пасля «Аб'ектыву» а 20.25 па менскім часе запрашаем да прагляду «Белсат Zoom» – агляд галоўных навінаў дня, агляд надворʼя, спартовых навінаў!
📌 «Мікола і Ваніш, намагаліся ператварыць полк імя Кастуся Каліноўскага ў сваю ПВК»
Полк Каліноўскага 19 ліпеня выступіў з заявай пра рэформы і змену камандзіра.
А ўжо 22 ліпеня ў сацсетках палку з’явілася паведамленне аб тым, што полк «страчвае элементы самакіравання».
«Белсат» спытаў, што адбываецца, у былога і дзейнага камандзіраў 👇
✅ Праз VPN ❎ Без VPN
📌 Лішняя вага і перасадка органаў – перашкода для ЭКА
У Беларусі змяніліся правілы правядзення ЭКА, заўважыла выданне «Медиазона». Цяпер лячыць бясплоддзе гэтым метадам будзе нельга з дыягназам атлусценне другой ступені і больш, а таксама пры наяўнасці ў жанчыны трансплантаваных органаў і тканак.
☝️ Таксама перад лячэннем неабходна будзе прайсці кансультацыю псіхіятра і нарколага. Даведка аб кансультацыі будзе сапраўдная толькі год.
Адным з паказанняў да ўжывання ЭКА, паводле новага дакументу, з'яўляецца «бясплоддзе, якое не паддаецца лячэнню іншымі метадамі або верагоднасць пераадолення якога з дапамогай дапаможных рэпрадуктыўных тэхналогіяў вышэй, чым пры ўжыванні іншых метадаў лячэння, на працягу 1 года ў жанчын ва ўзросце да 35 гадоў або 6 месяцаў у жанчын ва ўзросце 35 гадоў і старэй».
🔶 Сайт «Белсата» пераходзіць на мінімальны рэжым працы
Паважаныя чытачы! Праз шматлікія тэхнічныя праблемы сайт «Белсата» пераходзіць на мінімальны рэжым працы.
Мы спадзяемся, што ў хуткім часе рэдакцыі ўдасца вырашыць усе пытанні і вярнуцца ў звыклы для нас фармат выхаду матэрыялаў. Просім прабачэння за нязручнасці.
З павагай, рэдакцыя сайту «Белсат»
❗️«Мы пратэстуем супраць паклёпу як на нас асабіста, так і на «Белсат»»
Польскае выданне «Onet» апублікавала матэрыял пра датычнасць да фінансавых парушэнняў на «Белсаце» асобаў з кіраўніцтва «Белсату».
«Абвінавачаныя» далі разгорнуты адказ, які «Белсат» публікуе цалкам 👇
✅ Праз VPN ❎ Без VPN
😢 «А я калі-небудзь выйду адсюль ці не?»
Былая палітзняволеная сядзела разам з Кацярынай Андрэевай. Жанчына расказала, як сябе чуе нашая калега. Спойлер: вельмі кепска.
🏥«Добра, што дачка была адключаная ад кропельніцы. Я хутка да яе і мы паспелі ў бамбасховішча»
8 ліпеня расейцы абстралялі вялікую дзіцячую больніцу «Ахматдыт» у Кіеве. Паглядзіце, як перажылі гэтую атаку пацыенты-дзеці ⤴️
🫤 «Паслуга недаступная. Сервер часова не можа апрацаваць ваш запыт»
У Гомельскай жаночай папраўчай калоніі родныя не могуць дапамагчы з атаваркай зняволеным ужо некалькі тыдняў.
Памылка 503, якую выдае сайт крамы, звычайна азначае альбо перагруз сервера, альбо сведчыць аб тым, што на ім праводзяцца нейкія тэхнічныя працы. Адміністрацыя калоніі сітуацыю ніяк не каментуе.
📌 Уладзімір Зяленскі ўнёс у Вярхоўную раду законапраект аб падаўжэнні ваеннага стану і мабілізацыі яшчэ на 90 дзён
Тэрмін ранейшага падоўжэння заканчваецца 11 жніўня 2024 года.
☝️ Рэгулярнае падаўжэнне ваеннага стану зрабіла немагчымым правядзенне ў краіне парламенцкіх і прэзідэнцкіх выбараў. Афіцыйна тэрмін паўнамоцтваў Уладзіміра Зяленскага скончыўся ў ноч на 21 траўня.
У жніўні мінулага года прэзідэнт Украіны выказваўся супраць правядзення выбараў і падкрэсліў, што большасць украінцаў лічаць галасаванне ў такіх умовах «небяспечным і бессэнсоўным». Тады ж Уладзімір Зяленскі адзначыў, што гэта можа стаць перашкодай далейшаму падтрыманню для Украіны ад ЗША.
⚡️ «Ну вайна проста, толькі няма стрэлаў з аўтаматаў і кулямётаў»
Велізарны шторм прайшоўся па Беларусі, але беларусы пачалі смаарганізоўвацца
і дапамагалі адно аднаму 💪
🍖 Вялікая Брытанія афіцыяльна ўхваліла штучна вырашчанае мяса
Урад гэтай краіны даў зялёнае святло вытворчасці для вырошчвання штучнай кураціны ад кампаніі Meatly. З яе пачнуць рабіць корм для хатніх гадаванцаў.
☝️ Для падрыхтоўкі «кураціны» бяруць невялікі ўзор курынага яйка, узбагачаюць яго вітамінамі і амінакіслотамі, а затым вырошчваюць клеткі ў ёмістасці, падобнай тым, у якіх ферментуецца піва. Па выніку атрымліваецца паста падобная маса.
Даследаванне, праведзенае ўніверсітэтам Вінчэстара, паказала, што 50% апытаных уладальнікаў хатніх жывёлін кармілі б сваіх гадаванцаў такім мясам, а 32% елі б яго самі.
Дарэчы Сінгапур і Ізраіль таксама ўхвалілі штучна вырашчаныя прадукты для ўжывання ў ежу чалавекам. Аднак у ЗША штаты Фларыда і Алабама забаранілі вырошчванне мяса, паколькі палітыкі скардзіліся, што гэтыя прадукты пагражаюць жывёлаводам.
🤔 А вы б давалі сваім гадаванцам такое мяса? Ці можа пагадзіліся б самі яго пакаштаваць?
Беларуска вярнулася з Польшчы і была затрымана на мяжы
Разам з ёй была даведка КДБ аб аплаце кампенсацыі за данаты, якая, магчыма, не спрацавала. Дзяўчыне прысудзілі 6 гадоў калоніі.
Наталля Левая працавала ў Польшчы айцішніцай. У снежні 2023-га яна звольнілася і вырашыла ехаць у Беларусь. Паводле выдання Наша Ніва, калегі адгаворвалі Наталлю, але яна сказала, што моцна сумуе па радзіме. Дзяўчына нават сплаціла ў кратным памеры данаты за 2020-ы і атрымала паперу ад КДБ.
Пасля вяртання на радзіму яна адразу трапіла за краты. 17 ліпеня адбыўся суд. Наталлю абвінавацілі па трох артыкулах – «фінансаванне вайны», «фінансаванне экстрэмісцкага фармавання» і «фінансаванне экстрэмісцкай дзейнасці». Яе асудзілі на 6 гадоў калоніі са штрафам 40 тысяч рублёў.
#рэпрэсіі
Марыя Васілевіч заменіць Маляваныча ў «Калыханцы»
Яшчэ нядаўна «Міс Беларусь» і дэпутатка Васілевіч казала, што не ведае, чым заняцца пасля заканчэння тэрміна сваіх паўнамоцтваў.
«Хочацца знайсці тую сферу, дзе я змагу ўнесці вялікі ўклад, каб яшчэ паляпшаць тыя сферы, якімі я раней займалася», – казала дзяўчына прапагандыстам.
Такую сферу Марыі прапанавала «Белтэлерадыёкампанія» у якасці вядучай самай вядомай дзіцячай праграмы. Раней яна ўжо працавала ў праграме «Добрай раніцы, Беларусь!», а потым пайшла ў дэпутацтва.
Нагадваем, дзяўчына перамагла ў конкурсе «Міс Беларусь» у 2018-м. Праз два месяцы яе ўпершыню заўважылі побач з Лукашэнкам. Потым яны разам сядзелі на хакеі і на «Славянскім базары», танчылі на навагоднім балі і г.д.
💥 #галоўнае за 22 ліпеня
✔️ Лукашэнка заблытаўся ў заканадаўстве і патрабуе правесці рэвізію
✔️ Старшыня Вярхоўнага суда не выключыў новыя памілаванні палітвязняў
✔️ Джо Байдана на выбарах можа замяніць віцэ-прэзідэнтка Камала Гэрыс. Што пра яе вядома?
✔️ Што рабіць з нерухомасцю ў Беларусі, калі вы жывяце за мяжой
✔️ У Беларусі прыдумалі замену YouTube
✔️ Дэлегацыя з Беларусі зноў едзе ў КНДР
✔️ У Гомельскай вобласці паўсюль далі электрычнасць
✔️ Скандал у Палку Каліноўскага
✔️ Лукашэнка заявіў, што Беларусі трэба супрацоўнічаць і гандляваць з ЕЗ
✔️ Дзяржаўная дапамога для пацярпелых ад стыхіі ў сярэднім складае 16.5 долараў
💔 Глеб Дудко
Музыка и прадпымальнік з Добруша. У 2018-м Глеб разам з праграмістам запусціў праект ConcertMaster — праграму, якая можа аўтаматычна акампаніраваць вакалістам.
Глеба затрымалі ў сакавіку 2024 года і прысудзілі яму арышт за «распаўсюд экстрэмісцкіх матэрыялаў». Пасля гэтага мужчыну перавялі ў СІЗА. Суд над Глебам пачаўся 26 чэрвеня ў Гомельскім абласным судзе.
📩 Падтрымайце палітвязня: СІЗА-3. 246003, г. Гомель, вул. Кніжная, 1А
💩 15 гадоў кампанія «Nestlé» зарабляла на продажы вады...з фекаліямі
Такая вада прадавалася нават пад прэміяльнымі брендамі «San Pellegrino» і «Perrier». Падрабязнасці ў нашым сюжэце ⬆️
🤔 Далучэнне да «восі зла»: чаго Беларусь хоча ад Паўночнай Карэі
Міністр замежных справаў Беларусі паляцеў у КНДР. Гэта ўжо другі візіт беларускай дэлегацыі ў гэтую краіну.
🤷♀️ Пра мэты нічога не паведамляецца, а прапагандысты, на дзіва, таксама не спяшаюцца пахваліцца гэткімі міжнароднымі гастролямі беларускіх палітыкаў.
Сярод аналітыкаў ёсць меркаванне, што адной з прычынаў можа быць танная працоўная сіла з КНДР. Паколькі ў Беларусі зараз катастрафічны недахоп кадраў.
«Белсат» спытаў экспертаў, нашто ж Беларусі КНДР 👇
✅ Праз VPN ❎ Без VPN
📌 Беларускае спецыяльнае падраздзяленне «Віцязь» выкарыстоўвае ўкраінскі браніраваны аўтамабіль «Козак-5»
Як адзначае сайт украінскіх вайскоўцаў «Мілітарний», машына не стаіць на ўзбраенні гэтага падраздзялення. Больш за тое, яе ўвогуле няма на ўзбраенні беларускіх войскаў.
☝️ Праз гэта ўкраінскія вайскоўцы робяць выснову, што трапіць у Беларусь аўтамабіль мог разам з расейскімі войскамі, якія адступалі з Кіеўшчыны або пазней, у 2023 годзе разам з часткамі ПВК Вагнэра, якія прыехалі ў Беларусь пасля няўдалага мяцяжу.
У публікацыі таксама гаворыцца, што беларуская тэрытарыяльная абарона ўжо выкарыстоўвала падчас вучэнняў захоплены «КрАЗ Cobra» украінскай вытворчасці.
За апошнія паўгода колькасць беларусаў, зарэгістраваных у польскай сістэме сацстрахавання, вырасла амаль на 5 тыс.чалавек
Пра гэта паведаміла ўпраўленне сацыяльнага страхавання (ZUS).
Усяго па стане на канец 2023 года ў ZUS было зарэгістравана 129 375 грамадзянаў Беларусі.
☝️ Беларусы застаюцца другой па колькасці групай замежнікаў, зарэгістраваных у ZUS. На першым месцы грамадзяне Украіны (771 тыс.), а на другім – Грузіі (27 тыс.).
#лічбадня
📺 Навіны за 5 хвілін
✔️ Патаемныя перамовы аб вызваленні Анджэя Пачобута
✔️ Даведка ад КДБ не дапамагла. Трагічная гісторыя берасцейскай айцішніцы
✔️ Другі энергаблок БелАЭС зачыняюць
✔️ Антон Матолька будзе асуджаны завочна
✔️ Яшчэ болей абмежаванняў для электрасамакатаў
✔️ Еўразвяз у шоку ад паводзінаў Орбана
Глядзіце ў кароткім выданні навін на Белсаце 💻
🏆 98-гадовая даследніца-фізік атрымала доктарскую ступень праз 75 гадоў пасля свайго адкрыцця
Розмары Фаўлер у 1948 годзе адкрыла часціцу каон. А ў 1949-м выйшла замуж і ў яе нарадзілася трое дзяцей. Жанчына была вымушаная кінуць навуку, каб займацца імі.
☝️ Навуковая праца Фаўлер дапамагла здзейсніць прарыў у тэорыі элементарных часціцаў. Дзякуючы ёй, прадказалі існаванне іншых часціц, напрыклад, базона Хігса.
У 2024 годзе рэктар Брыстальскага ўніверсітэту прысвоіў ёй званне ганаровага доктара навук.
👵🏻 Дарэчы сёння Дзень Крутых бабуляў! Яго стварыла Эліс Саламон, якая скончыла каледж ва ўзросце 50 гадоў.
Яна адчувала, што грамадства разглядае жанчынаў яе ўзросту, як больш не актуальных, якія не прыносяць карысці. Менавіта тады ёй прыйшла ў галаву ідэя свята «Крутой бабулі», каб пазбавіцца ўсіх тыповых стэрэатыпаў, якія атачаюць пажылых жанчынаў, і паказаць, што яны яшчэ шмат што могуць зрабіць.
І мы лічым, што Розмары можна смела павіншаваць з гэтым святам. Яна крутая!
🔥 А яшчэ Глэндзін Хэмілтан, Лілія Яноўская, Ганна Канавалава і Ала Зіпа.
А сярод вашых знаёмых ёсць крутыя бабулі?
💱 Курсы валютаў на 23 ліпеня
Еўра страціў больш за 2 капейкі. Долар таксама патанеў амаль на капейку. А вось расейскі рубель трошкі падрос.
#курсывалютаў
📌 Польскія ўлады патрабуюць вызвалення Анджэя Пачобута
Перамовы аб вызваленні палітвязня і спыненні міграцыйнага крызісу на мяжы вядзе Міністэрства замежных спраў і консульскія службы, неафіцыйна заявіў рэпарцёр Радыё ZET Міхал Дзенінскі.
Калі патрабаванні польскага боку не будуць выкананыя, то пагражаюць цалкам закрыць памежныя пераходы з Беларуссю.
«Калі нічога не зменіцца, мы цалкам закрыем памежныя пераходы з Беларуссю»
🤷♀️ Турфірмаў у Беларусі засталося на 3 дні...
За апошнія 5 гадоў беларусы сталі бываць за мяжой у 2 разы радзей, а колькасць турфірмаў у Беларусі скарацілася ў 1,5 разы.
Паводле Белстату, сёння ў краіне засталося 1108 турыстычных фірмаў.
Колькасць занятых у сферы турызму таксама скарацілася ажно на 70 тыс. асобаў – з 257,8 тыс. да 187,8 тыс.
🫤 А вось кошт тураў за апошні год вырас амаль удвая: з 780,3 млн да 1402 млн рублёў.
Даковідны аб’ём турыстычных плыняў у краіне так і не аднавіўся. У параўнанні з 2019 годам на адпачынак за мяжу беларусы цяпер выязджаюць удвая радзей – усё часцей падарожнічаюць па Беларусі.
🤬 Сілавікі ўзяліся за бацькоў вядоўцаў TikTok
На адным з блізкіх да сілавікоў тэлеграм-канале размясцілі некалькі відэа з удзелам 4 чалавек.
🤯 На іх бацькоў блогераў і вядоўцаў каналу «Зеркало» прымусілі асуджаць сваіх дзяцей, казаць, што тое, што іх дзеці зрабілі кепскі выбар, калі з'ехалі з Беларусі і зараз працуюць у «экстрэмісцкіх фармаваннях». І што цяпер бацькі праз іхны выбар маюць клопаты.
#рэпрэсіі
🤬 «Гэта вельмі дарагое «задавальненне» – сядзець у беларускай турме»
Былая палітзняволеная Алена (імя несапраўднае) правяла за кратамі больш за 750 дзён і нядаўна выйшла на свабоду.
І ўявіце сабе, тыя самыя супрацоўнікі ГУБАЗіК, якія пры затрыманні ўзломвалі дзверы майго дому, зневажалі мяне і прычынялі мне фізічную боль, прыехалі пад канец майго тэрміну ў калонію, каб нібыта даведацца пра мае планы пасля вызвалення
😳Новы незвычайны спорт прыйшоў у Беларусь і ён вас здзівіць
Вітайце, хобіхорсінгбол!
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺У Палка Каліноўскага адбыўся скандал?
Беларускія добраахвотнікі заявілі, што страчваюць элементы самакіравання і не згодныя з новай умовай набору рёкрутаў. Спыталі ваяроў і даведаліся падрабязнасцяў.
🔺Як пройдуць выбары ў ЗША пасля сыходу Байдана?
Прэзідэнт ЗША Джо Байдэн прыняў рашэнне не ўдзельнічаць у выбарах 2024 года, падтрымаўшы кандыдатуру Камалы Гарыс. Ці павялічыць гэта шанцы дэмакратаў на перамогу, або перамога Трампа цяпер бясспрэчная? Паспрабавалі разабрацца.
🔺Што вядома пра немца Рыка Крыгера, якога рэжым Лукашэнкі асудзіў на смерць?
21 чэрвеня ў Менску грамадзяніну Нямеччыны прызначылі смяротнае пакаранне. Падрабязнасцяў справы амаль няма і нават прапагандысты з Беларусі і Расеі супярэчыць адзін аднаму. Белсат сабраў усё, што вядома на дадзены момант пра асуджанага.
#рэпрэсіі Асноўнае за 22 ліпеня
🔻 Грамадзянін Нямеччыны Рыка Крыгер не стаў абскарджваць свой прысуд
🔻Палітзняволены Мікалай Казлоў цалкам адбыў тэрмін і выйшаў на волю
🔻 ГУБАЗіК затрымаў адміністратара чата «Чат Бурдейного»
🔻 За «абразу прадстаўніка ўлады» мастачцы з Полацку прызначылі прымусовае лячэнне
🔻 Палітвязня Сяргея Дзяцука асудзілі да яшчэ аднаго года зняволення па новай крымінальнай справе
🔻 Ілюстратарку з Брэста асудзілі да 6 гадоў калоніі за данаты, у тым ліку «Палку Каліноўскага»
🔻 Мужчыну затрымалі за ўдзел у паслявыбарчых акцыях пратэсту
🔻 Двойчы палітвязня з Магілёва зноў асудзілі за каментары да калоніі
🔻«Экстрэмісцкай» прызналі instagram-старонку палітвязня Уладзіслава Савіна — ён знаходзіцца за кратамі ўжо больш за 3 гады
🔻 Жыхара Берасця затрымалі за ўдзел у паслявыбарчай акцыі пратэсту
🔻Супраць Антона Матолькі распачалі спецвытворчасць
😢 У ЗША выйшла на волю жанчына, якая адседзела 43 гады за забойства...якога не здзяйсняла
Суд адмяніў яе прысуд – пажыццёвае зняволенне.
☝️ Сандра Хемме была пажыццёва асуджаная за забойства мясцовай бібліятэкаркі ў 1980 годзе. Адзіным доказам было чыстасардэчнае прызнанне самой жанчыны. Яно было атрыманае ў псіхіятрычным шпіталі, калі Хемме знаходзілася пад дзеяннем транквілізатараў.
Яе выпадак стаў рэкордным па працягласці памылковага турэмнага зняволення для жанчыны ў ЗША.
🫤 Рашэнне аб вызваленні Хемме было прынятае яшчэ ў чэрвені, аднак пракурор штата выступіў супраць. Ён нават асабіста тэлефанаваў начальніку турмы і забараняў яму выпускаць жанчыну. Жанчына змагла выйсці на волю толькі пасля таго, суддзя прыгразіў абвінаваціць генеральную пракуратуру ў непавазе да суда, калі яны працягнуць змагацца супраць яе вызвалення.