42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🤔 Як лукашэнкаўцы падманулі высланага з Польшчы беларуса
Памятаеце Дзмітрыя Смактуновіча, якога дэпартавалі з Польшчы, бо Літва анулявала ягоны від на жыхарства? Той, якому беларускія сілавікі яшчэ абяцалі, што праблем з законам не будзе? Дык вось – схлусілі.
Жонка Смактуновіча распавяла, што ён адсядзеў некалькі сутак у «КПЗ» за падабайку. А цяпер мужчына працуе кіроўцам маршрутнага таксі Бабруйск-Менск і, здаецца, спрабуе неяк дамагчыся таго, каб вярнуцца ў Польшчу і ўз'яднацца з сямʼёй.
🔴 «Аб’ектыў» – галоўныя падзеі дня!
У сённяшнім выданні:
🔸 У Кіеве адбылася канферэнцыя Каліноўцаў на тэму стварэння вызваленчага руху
🔸 Павел Латушка пракаментаваў спробу замаху на яго
🔸 Латвія ўзмацняе памежжа з нашай краінай
🔸Лукашэнка зноў піярыцца, робячы разнос чыноўнікам Меншчыны
Далучайцеся да эфіру ⤵️
https://www.youtube.com/live/uPd9tPavmKg
📺Адразу пасля «Аб'ектыву» а 20.25 па менскім часе запрашаем да прагляду «Белсат Zoom» – агляд галоўных навінаў дня, агляд надворʼя, спартовых навінаў!
☝️ Яны ўжо не бягуць у сховішча і нават не апускаюць галовы падчас абстрэлаў
Жыхары Курахава ў Данецкай вобласці расказваюць, што ўжо даўно стаміліся хавацца ад расейскіх абстрэлаў. Як жыве прыфрантавы населены пункт, глядзіце ў нашым сюжэце.
🥷 Беларускія ваяры і актывісты ва Украіне стварылі рух «Каліноўцы»
Гэтая арганізацыя возьме на сябе задачы падвышэння баявой гатовасці палка і ўцягвання шырэйшых колаў беларускага грамадства і дэмакратычнага актыву ў дапамогу беларускім добраахвотнікам, у тым ліку палка Каліноўскага. Галоўная ж місія – супрацьдзеянне расейскай агрэсіі і наступнае вызваленне Беларусі ад рэжыму Аляксандра Лукашэнкі.
«Рух «Каліноўцы» – гэта аб’яднанне простых беларусаў, баявое і грамадска-палітычнае крыло беларускіх дэмакратычных сілаў і прадстаўнікоў іншых народаў, якое грунтуецца на агульных для ўсіх удзельнікаў каштоўнасцях і мэтах»,
📺 Навіны за 5 хвілін
✔️ Латвія вырашыла адмежавацца ад Беларусі «зубамі цмока»
✔️ У галоўным універсітэце Украіны адновяць вывучэнне беларускай мовы
✔️ Брытанія павінна рыхтавацца да вайны з Расеяй
✔️ Новыя правілы пабораў з вязняў «хіміі»
Гэта і шмат іншых цікавых навінаў – глядзіце ў кароткім выданні на Белсаце 💻
🧐 У Беларусі, кажуць, заробак вырас... Аж на 21 долар
І гэта толькі за ліпень! Але, паводле Белстату – не ва ўсіх так: у айцішнікаў заробкі наадварот упалі.
❓ А вы адчулі рост ці падзенне?
Больш пра заробкі ў той Беларусі, якую паказваюць у прапагандысцкім ТБ – чытайце ў нашым матэрыяле.
✅ Чытаць праз VPN
🔥 Як вайна ва Украіне абвастрыла нацыянальнае пытанне ў Расеі?
Чаму Бурація стала «донарам» для вайны ва Украіне? Як жывуць татары, бураты і якуты за фасадам «федэратыўнасці» Расеі? Што адбываецца з нацыянальнымі мовамі і культурамі? Якія ў гэтых народаў шанцы на вызваленне?
▶️ Каб зразумець маштаб і кошт барацьбы народаў за сваю свабоду і годнасць, глядзіце праграму «Intermarium» на YouTube-канале «Belsat Histоry»
🤭 Якая краіна, такі і дзённік: прадстаўлены новы дызайн галоўнага сшытка школьнікаў
На апошняй старонцы больш няма выяваў хлопчыка і дзяўчынкі. Цяпер там кантакты Цэнтра псіхалагічнай дапамогі і патрыятычнай платформы.
🤣 Спачатку пераходзіш на патрыяплатформу, а потым тэлефануеш па псіхалагічную дапамогу.
🔻 Грамадзяніна Расеі падазраюць у падрыхтоўцы маштабнай «дэстабілізацыйнай» аперацыі
За пяць дзён да адкрыцця Алімпійскіх гульняў, 21 ліпеня ў Парыжы затрымалі 40-гадовага грамадзяніна Расеі.
Падазраванаму выставілі абвінавачванне ў выведнай дзейнасці ў інтарэсах замежнай дзяржавы «з мэтай распальвання ваенных дзеянняў у Францыі», сцвярджае «Le Parisien».
У час ператрусу ў ягонай парыжскай кватэры знайшлі доказы падрыхтоўкі «аперацыі па дэстабілізацыі». Адна з крыніцаў «Le Parisien» кажа, што рыхтаваўся маштабны праект з сур’ёзнымі наступствамі. Яшчэ адна кажа, што следчыя знайшлі штосьці, што дала падставы меркаваць аб прарасейскай аперацыі ў час Алімпійскіх гульняў.
❌ Адбыванне пакарання на «хіміі» не бясплатнае.
МУС Беларусі зацвердзіла інструкцыю «Аб парадку разліку і кампенсацыі асуджанымі выдаткаў на камунальныя паслугі і прадукты харчавання, фактычна панесеныя папраўчымі ўстановамі адкрытага тыпу»
У плацяжы ўключаныя выдаткі на гарачую і халодную ваду, каналізацыю, камунальныя адходы, ацяпленне, электрычнасць, газ, харчаванне
Заплаціць трэба да 25-га дня наступнага месяца ў безнаяўнай форме на рахунак установы абмежавання волі. Калі не заплаціць, спаганяць маюць у прымусовым парадку.
☀️ Дабрыдзень, сябры!
Мы сабралі найбольш цікавыя матэрыялы «Белсату», якія вы маглі прапусціць:
🗞 Былая палітзняволеная: Мая сям’я выдаткавала за два гады 10 тысяч долараў на адвакатаў і перадачы для мяне
«Гэта вельмі дарагое “задавальненне” – сядзець у беларускай турме»
🗞 Польскія ўлады патрабуюць вызвалення Анджэя Пачобута
Прыйшоў час, калі, ведучы перамовы наконт вызвалення палітвязня, Польшча паставіла свае ўмовы.
🗞 Кіраўніцтва «Белсату»: Артыкул на Onet.pl – паклёп
Разгорнуты адказ на абвінавачванні ў фінансавых парушэннях
#штопачытаць
💥 #галоўнае за 23 ліпеня
✔️ У Беларусі ў чорных буслоў здарыўся «бэбі-бум»
✔️ Вялікая Брытанія афіцыяльна ўхваліла штучна вырашчанае мяса
✔️ За апошнія 5 гадоў беларусы сталі бываць за мяжой у 2 разы радзей
✔️ Польскія ўлады патрабуюць вызвалення Анджэя Пачобута
✔️ 98-гадовая даследніца-фізік атрымала доктарскую ступень праз 75 гадоў пасля свайго адкрыцця
✔️ Кіраўніцтва «Белсату» дало разгорнуты адказ на абвінавачванні ў фінансавых парушэннях
✔️ Беларускія спецпадраздзяленні выкарыстоўваюць захопленую ва Украіне тэхніку
✔️ У Беларусі змяніліся правілы правядзення ЭКА
✔️ Чаго Беларусь хоча ад Паўночнай Карэі
✔️ У цэнтры Менску ўсталююць помнік качцы
✔️ Беларускую мову зноў пачнуць вывучаць у Кіеўскім нацыянальным універсітэце імя Тараса Шаўчэнкі
💔 Дзяніс Жалязко
Ураджэнец Петрыкава, скончыў Беларускі гандлёва-эканамічны ўніверсітэт спажывецкай кааперацыіі, працаваў у гандлёвым доме Рагачоўскага малочнакансервавага камбіната, які знаходзіцца ў Гомелі.
Апошні запіс на ягонай старонцы ў сацыяльнай сетцы «Фэйсбук» быў зроблены яшчэ ў сакавіку 2022 года. Акалічнасці ўзбуджэння крымінальнай справы супраць Дзяніса высвятляюцца праваабаронцамі. Вядома, што мужчыну абвінавачваюць па 9 артыкулах Крымінальнага кодэкса РБ.
📩 Падтрымайце палітвязня: СІЗА-3. 246003, г. Гомель, вул. Кніжная, 1А
🔥 Беларускую мову зноў пачнуць вывучаць у Кіеўскім нацыянальным універсітэце імя Тараса Шаўчэнкі
Пра гэта на брыфінгу паведаміў рэктар ВНУ Уладзімір Бугроў:
«Беларуская мова не з'яўляецца толькі мовай самаабвешчанага Прэзідэнта Аляксандра Лукашэнкі, гэта мова беларускага народу, воінаў беларускіх фармаванняў, якія ў складзе Узброеных Сіл Украіны змагаюцца за свабоду і незалежнасць і для Украіны, і для сваёй Радзімы»
🇺🇸Камала Гэрыс: віцэ-прэзідэнтка ЗША ідзе ў прэзідэнты?
Што зменіцца для Беларусі, калі яна будзе змагацца на прэзідэнцкіх выбарах у ЗША☝🏻
Мінтранс пахваліўся дасягненнем
У Ведамстве заявілі, што дзейнасць нелегальных маршрутчыкаў, якія займаліся перавозкамі пасажыраў без дазволаў, практычна спыненая. Гэтага ўдалося дасягнуць дзякуючы ўказу Лукашэнкі, які дазваляе канфіскацыю транспартных сродкаў да рашэння суда.
Паводле начальніка ўпраўлення аўтамабільнага і гарадскога пасажырскага транспарту Мінтранса Андрэя Гладкага, за бягучы год было канфіскавана каля 280 адзінак легкавога транспарту і каля 70 аўтобусаў, якія выконвалі незаконныя перавозкі.
Нагадаем, што ўлады вырашылі ўвесці больш жорсткі кантроль за перавозчыкамі пасля некалькіх сур’ёзных дарожна-транспартных здарэнняў з удзелам маршрутак.
🗂 Павел Латушка перадаў у польскую пракуратуру матэрыялы пра пагрозы прадстаўнікам беларускіх дэмсілаў
24 ліпеня Павел Латушка даў паказанні ў якасці сведкі паводле крымінальнай справы, датычнай замаху на ягонае жыццё ў Нацыянальнай пракуратуры Польшчы.
«Справа датычыць падбухторвання ўсталяванай асобы да забойства мяне, якое планавалася, наколькі зразумела з тых артыкулаў, на падставе якіх узбуджана крымінальная справа, супрацоўнікамі замежнай выведкі», – расказаў Павел Латушка.
☝🏻У той жа час у рамках сведчанняў Павел Латушка перадаў у пракуратуру больш за 30 матэрыялаў рознага характару, «якія пацвярджаюць як пагрозы, кіраваныя ў мой адрас, так і пагрозы, кіраваныя да прадстаўнікоў дэмакратычных сілаў Беларусі, якія сёння знаходзяцца на тэрыторыі Польшчы», адзначыў палітык.
😜 Прырода вырашыла пажартаваць з турыстаў у Елоўстоўнскім запаведніку
Паглядзіце!
😻Блогер і не падазраваў, як працягнецца гісторыя дапамогі аднаму пацярпеламу кату
Паглядзіце гэтае відэа, напоўненае дабрынёй☝🏻
🤔 Новы міністр замежных справаў Максім Рыжанкоў паехаў да Кім Чэн Ына
Што рэжым шукае ў Паўночнай Карэі (касметыку? 🤭) – глядзіце ў відэа і чытайце на старонцы 👇
✅ Праз VPN ❎ Без VPN
💱 Курсы валютаў на 24 ліпеня
Даляр і еўра працягваюць падаць, а расейскі рубель яшчэ больш умацаваўся.
#курсывалютаў
🦌 Турызм у Японіі справакаваў рост колькасці аленяў
Паглядзіце чаму ☝️
🤦 «Прэждзе чэм заціктокацца і чывота ў інтэрнэце піснуць – ідзі вазьмі тапор, пілу і памагі» – Лукашэнка
Да ліквідацыі наступстваў урагану мінулага тыдня, будуць прыцягнутыя (хто б вы думалі) грамадзяне
Аляксандр Лукашэнка 23 ліпеня падпісаў распараджэнне «Аб ліквідацыі наступстваў небяспечных метэаралагічных з’яваў»
🔺 Ад урагану загінулі 7 чалавек, многія засталіся без святла на працяглы час. Улады рэагавалі павольна, Лукашэнка спачатку раскрытыкаваў чыноўнікаў за дрэнную рэакцыю на наступствы ўрагану, а потым абвінаваціў пацярпелых.
🤔 Тыгр і кенгуру ў Магілёўскай вобласці — гэта праўда?
Верагодна, вы бачылі «беларускія» фэйкі, некаторыя з якіх нават маюць мільёны праглядаў. Адкуль узяліся гэтыя рэдкія зверы, глядзіце ў нашым відэа☝🏻
💭 «Ніхто не ведае: калі б мяне там прэсанулі, можа быць, я б запісаў дзесяць гэтых зваротаў з прабачэннямі»
Сёлета «J:МОРС» спаўняецца 25 гадоў, але лёс склаўся так, што сустракаць дзень нараджэння гурта музыкі будуць не на радзіме
Паразмаўлялі з Уладзімірам Пугачам пра будучы вялікі канцэрт, пра тое, як Варшава стала домам, і пра жыццё на чужыне:
✅ Праз VPN ❎ Без VPN
🎤 Былы футбаліст і трэнер Людас Румбуціс запісаў песню на беларускай мове
Песня «Гарбата, кава і віно» напісаная на словы паэта Леаніда Пранчака. На гітары акампануе вядомы Сяргей Трухановіч – вядомы беларускі музыка, удзельнік гуртоў «Палац» і «Крама»
👉 Паслухаць тут
#штопаслухаць
#рэпрэсіі Асноўнае за 23 ліпеня
🔻 Беларуска вярнулася з Польшчы і была затрымана на мяжы
🔻 Былая палітзняволеная Алена (імя несапраўднае) правяла за кратамі больш за 750 дзён і нядаўна выйшла на свабоду
🔻 Сілавікі ўзяліся за бацькоў вядоўцаў TikTok
🔻 У Гомельскай жаночай папраўчай калоніі родныя не могуць дапамагчы з атаваркай зняволеным ужо некалькі тыдняў
🔻 Былая палітзняволеная расказала як сябе чуе Кацярына Андрэева
🔻 Сёння пачынаюць судзіць чарговую айцішніцу, якая вярнулася дадому з Польшчы
🔻 Пачынаюць завочна судзіць полацкага бізнесмена Уладзіміра Захарава
🔻Вайсковага аналітыка Ягора Лябедка змяшчалі на 10 сутак у ШІЗА
🔻 Стала вядома пра арышт гісторыка Ігара Мельнікава
🐣 У Беларусі ў чорных буслоў здарыўся «бэбі-бум»
Арнітолагі тлумачаць, што гэта звязана з тым, што «дзякуючы пагодным умовам палепшылася харчовая база птушак – з'явілася больш жаб, за якімі не трэба далёка лётаць, як за рыбай».
☝️ У засушлівыя гады чорным буслам не хапала земнаводных, што прымушала іх лётаць па здабычу далёка, нават за дзесяць кіламетраў ад гнязда.
У 2019-2020 гадах у харчаванні чорнага бусла быў вялікі крызіс. Паспяхова размнажаліся толькі 10% ад усіх пар, якія гняздуюцца ў пойме Прыпяці.
👉 Чорны бусел занесены ў Чырвоную кнігу Беларусі. Паводле афіцыйных звестак, у нашай краіне пражывае ад 950 да 1300 пар.
🦆 У цэнтры Менску ўсталююць помнік качцы
«СберБанк» ужо абвясціў конкурс на лепшы праект.
🥚 Напрыканцы траўня качка знесла яйкі на клумбе ля будынку банку і пачала іх выседжваць.
Каб птушцы не перашкаджалі, тэрыторыю абнеслі стужкай, гняздо ўладкавалі і кожны дзень прыносілі корм.
🐣 Калі птушаняты вылупіліся, маці адправілася з імі да ракі Свіслач вучыць плаваць. Качку назвалі Капейка.
❗️ Інфармацыя, што з 1 жніўня 2024 года Польшча забараняе рух асоб на аўтамабілях, зарэгістраваных у Беларусі афіцыйна не пацвердзілася
Журналісты «Белсат» патэлефанавалі прэс-сакратарцы кіраўніка Нацыянальнай падатковай адміністрацыі. Прадстаўніца ведамства не пацвердзіла інфармацыю і перанакіравала да паведамлення, апублікаванага на іх афіцыяльным сайце.
☝️У ім гаворыцца, што згодна з новымі правіламі ўвозу ў Польшчу легкавых аўтамабіляў, якія дзейнічаюць з 1 ліпеня 2024 года, у краіну могуць заехаць транспартныя сродкі, якія належаць фізічным асобам, якія адпавядаюць пэўным умовам. Сярод такіх умоваў пазначана знаходжанне ў транспартным сродку фізічнай асобы – уладальніка і невыкарыстанне транспартнага сродку ў камерцыйных або іншых мэтах, якія парушаюць уведзеныя абмежаванні.