42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Анджэй Пачобут быў гатовы з'ехаць з Беларусі
Пра гэта распавяла Анжаліка Борыс пасля сустрэчы з палітвязнем у красавіку. Дзеля гэтага яна пісала ліст з просьбай да Лукашэнкі.
«Я размаўляла з Анджэем дзве з паловай гадзіны. Наша размова тычылася становішча Саюза палякаў. І я, і Анджэй хочам, каб польскасць тут захавалася, каб мы маглі выкладаць польскую мову. Я папрасіла яго разгледзець магчымасць выезду з краіны, калі такая магчымасць з'явіцца. Ён сказаў так: калі ты лічыш, што так трэба паступіць, я так зраблю. Па маёй просьбе ён пагадзіўся пакінуць краіну», — распавяла Анжаліка Борыс.
Па словах былой палітзняволенай, Анджэй выглядае дрэнна і вельмі схуднеў. Падчас наведвання ёй дазволілі перадаць Пачобуту лекі. Пра ягоны стан яна распавяла і прэзідэнту Польшчы Анджэю Дуду.
Раней беларуская прапаганда заявіла, што Лукашэнка нібыта быў гатовы адпусціць Пачобута ў рамках нядаўняга абмену, але «польскі бок адмовіўся». Паводле кіраўніка МУС Польшчы, гэта лухта.
«Нічога падобнага Лукашэнка не прапаноўваў. Ужо некалькі месяцаў мы ўсяляк настойваем, просім і настойваем на вызваленні Анджэя Пачобута. Ніколі такой прапановы ад беларускага боку не было ні ў якой форме», — сказаў міністр.
❗️На Запарожскай АЭС гарыць ахаладжальная устаноўка
МАГАТЭ са спасылкаю на прадстаўнікоў Расеі, якія трымаюць кантроль над станцыяй, паведамляе пра магчымы ўдар беспілотніка па градзірні.
Украінскі бок адмаўляе сваю датычнасць і сцвярджае, што пажар на ЗАЭС учынілі расейцы.
🎨 Banksy ператварыў паліцэйскую будку ў цэнтры Лондана ў «акварыюм»
Гэта ўжо сёмы твор легендарнага мастака ў брытанскай сталіцы, створаны апошнімі днямі. На іншых графіці таксама пераважна былі выявы жывёлаў.
Мінакі фатаграфуюцца з размаляванай будкаю, а тым часам у паліцыі лічаць, што маёмасці была «нанесеная шкода». Аднак знічшаць графіці праваахоўнікі ўсё ж не плануюць.
🍅 На Гарадзеншчыне прайшло свята «Іўеўскі памідор»
Бразільскім карнавалам цяпер ёсць на каго раўняцца☝🏻
💬 «Ніколі не думала, што мне так спадабаецца выступаць. Гэта лепш, чым адкрываць выставы»
Музыка і мастачка Настасся Рыдлеўская рыхтуецца запісаць свой трэці альбом.
У беларускай музыцы дзяўчына з’явілася нядаўна: жыўцом ейныя песні прагучалі гэтым летам на Купальскім «Варушняку».
🔍 У размове з «Белсатам» Настасся расказвае пра шчаслівае жыццё ў Амерыцы ў дзяцінстве, далейшую няпростую адаптацыю ў Беларусі, змаганне з псіхічнымі праблемамі ды траўматычны досвед новай эміграцыі. Ну і, вядома ж, пра ўласную творчасць.
Чытайце ПА СПАСЫЛЦЫ
💁🏻♂️ Мера, якая абмяжоўвае звычайных беларусаў, але не б'е па рэжыме Лукашэнкі. Вось чаму забарона на ўезд легкавікоў з беларускімі нумарамі ў Еўразвяз – сумнеўнае рашэнне
Латвія забараніла ўезд з 16 ліпеня без адтэрміновак, а Эстонія – з 17 ліпеня. Польшча дазваляе ўязджаць на сваю тэрыторыю легкавым аўто з беларускімі нумарамі толькі калі ў машыне ёсць яе ўладальнік.
🔍 Чытайце разбор у матэрыяле ПА СПАСЫЛЦЫ
☝️У Кабардзіна-Балкарыі ратавалі беларуса, у якога падчас пад'ёму на гару здарыўся ацёк лёгкіх
Паведамляецца, што інцыдэнт меў месца сёння раніцай на гары Джангікош. Падчас знаходжання на вышыні прыкладна 3200 метраў грамадзянін Беларусі адчуў сябе кепска. Брыгада ратаўнікоў на верталёце даставіла 34-гадовага мужчыну ў Нальчык, дзе ён быў шпіталізаваны.
Дактары дыягнаставалі ў нашага суайчынніка ацёк лёгкіх.
📷 Фота ілюстрацыйнае
📍«Заставацца на зямлі, пакуль не спыняцца выбухі». «Гомельэнерга» даў жыхарам рэгіёну парады на выпадак налёту беспілотнікаў
Нагадаем, што напярэдадні Лукашэнка заявіў пра «знішчэнне ўкраінскіх беспілотнікаў» у раёне Касцюковічаў увечары 9 жніўня.
Чытайце болей ПА СПАСЫЛЦЫ
🥷Расейская армія па-ранейшаму не можа выціснуць украінцаў з Курскай вобласці
У ноч на нядзелю падраздзяленні ЗСУ ўвайшлі ў яшчэ адзін раён – Бялоўскі. Раней баі расейскіх ды ўкраінскіх войскаў ішлі на тэрыторыі Суджанскага ды Каранеўскага раёнаў Куршчыны.
🔍 Чытайце падрабязней ПА СПАСЫЛЦЫ
Расейская праваслаўная царква лічыць ядравую зброю гарантам міру
Намеснік кіраўніка аднаго з сінадальных аддзелаў РПЦ протаіерэй Канстанцін Татарынцаў заявіў, што асвячаць такую зброю мэтазгодна, калі яна з'яўляецца стрымліваючым фактарам.
«З аднаго боку, можна было б выказаць здагадку, што асвячаць тое, што сее смерць, непрымальна. Але з іншага боку – гэта зброя стрымлівання, каб тыя, у каго яна ёсць, не ўжылі яе супраць нас. Гэта значыць, яна – гарант міру».
Раней сам протаіерэй служыў у далёкай авіяцыі.
🔍 Як прапаганда качае тэму «збітых украінскіх дронаў»? Сабралі галоўнае
10 жніўня Лукашэнка заявіў, што над Беларуссю збілі ўкраінскія ўдарныя беспілотнікі, а міністр абароны Віктар Хрэнін адрапартаваў аб прывядзенні ў «гатовасць № 1» сілаў на мяжы.
Далей тэму падхапілі іншыя дзяржаўныя ведамствы і прапаганда.
📍Чытайце матэрыял ПА СПАСЫЛЦЫ
🔹Антырэкорд з ашаламляльным вынікам. Якой сталася сёлетняя Алімпіяда для беларускіх спартоўцаў?
У Парыжы сёння завяршаюцца летнія Алімпійскія гульні. Беларускія спартоўцы былі рэпрэзентаваныя на іх толькі ў нейтральным статусе – без сцягу ды гімну.
Вынікам выступу беларусаў сталі чатыры медалі, што, на думку нашага эксперта, перавысіла ўсе чаканні (хоць і стала найгоршым паказчыкам у гісторыі для спартоўцаў з нашай краіны).
🔍 Чытайце ПА СПАСЫЛЦЫ
«Спачатку трэба слухаць экспертаў, а потым прымаць палітычнае рашэнне»
Роза Турарбекава выйшла са складу Каардынацыйнай рады 3-га склікання адразу пасля канферэнцыі «Новая Беларусь». Паводле яе, у дэмакратычных сілаў «крызіс вызначэння мэтаў» і патрэбны «аўдыт рэальнасці».
Што гэта за крызіс, як з ім справіцца дэмсілам і што было не так у новай Каардынацыйнай рады? Чытайце ў нашым інтэрв'ю ПА СПАСЫЛЦЫ
🤡 Расейская дэпутатка паскардзілася ў ААН на парушэнні правоў чалавека пасля атакі ЗСУ
Таццяна Маскалькова, якая займае ў Расеі пасаду «ўпаўнаважанага па правах чалавека», паведаміла, што звярнулася да Вярхоўнага камісара ААН з заклікам асудзіць «тэрарызм» з боку Украіны ў сувязі з атакай на жылы дом у Курску.
Таксама чыноўніца патрабуе прыняць меры па недапушчэнні парушэнняў правоў чалавека. Маскалькова чакае, што прадстаўленая Расеяй інфармацыя будзе адлюстравана ў вераснёвым дакладзе УВКПЧ ААН.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺Беларусам распавядаюць што рабіць, калі прыляцяць дроны
У гомельскай вобласці пачалі распаўсюджваюць парады на выпадак налёту беспілотнікаў. Пачытайце, што прапануюць чыноўнікі.
🔺Украінскія вайскоўцы ўвайшлі ў трэці раён Курскай вобласці
Апошняе, што вядома пра раптоўную для ўсіх аперацыю ЗСУ у Расеі. Здаецца, украінцы паспяхова заходзяць у паселішчы.
🔺Якую будучыную чакаюць Лукашэнка па картам Таро?
Так, гэта не зусім навукова, але цікава, што кажуць карты пра Лукашэнку, Пуціна і вайну? Сабралі прадсказанні папулярных тарогалаў за 2024.
💥 #галоўнае за 11 жніўня
✔️«Беларускі Гаюн»: падчас вылету авіяцыі Узброеных сілаў РБ 9 жніўня ніякіх дронаў выяўлена не было
✔️Як прапаганда качае тэму «збітых украінскіх дронаў»? Сабралі галоўнае
✔️«Заставацца на зямлі, пакуль не спыняцца выбухі». «Гомельэнерга» даў жыхарам рэгіёну парады на выпадак налёту беспілотнікаў
✔️Гендырэктар сеткі будаўнічых крамаў «Мацярык» затрыманы ГУБАЗіКам
✔️Нечакана добры антырэкорд. Парадаксальныя вынікі Алімпіяды для беларусаў
✔️Афіцыйны дыджэй гурту «Дай Дарогу!» Андрэй Касцюк ужо больш за год працуе кур'ерам у дастаўцы. І вось што расказвае пра гэтую працу
✔️На Гарадзеншчыне прайшло свята «Іўеўскі памідор». Паглядзіце, як крынжова весела там было!
💰Як беларусам зберагаць свае грошы?
Паводле апытання даследніцкага цэнтру BEROC, абсалютная большасць нашых суграмадзянаў адкладае грошы ў рублях і замежнай валюце.
Якія яшчэ варыянты варта разгледзець беларусам ⤴️
🔹У Расеі кіпяць жарсці вакол вядомага маркетплэйсу «Wildberries». Замяшаны ў справе аказаўся нават Кадыраў
«Wildberries» і кампанія па вонкавай рэкламе «Russ» абвясцілі аб рашэнні аб'яднацца ў кампанію «РВБ». Праўда, гэтага катэгарычна не хоча адзін з заснавальнікаў Уладзіслаў Бакальчук. Праблема ў тым, што іншая заснавальніца – ягоная жонка Таццяна – акурат гэтага хоча і да таго ж мае 99% акцыяў.
А яшчэ яна жадае разыйсціся з Уладзіславам.
🔍 ЧЫТАЙЦЕ БОЛЕЙ пра драматычную сямейную і бізнес-гісторыю
💥СТРЫМ. Нядзельнае вечаровае шоў «Тыдзень»
У сённяшнім выданні:
🔸Прарыў украінскіх сілаў на Куршчыну
🔸Матэрыялы «Кіберпартызанаў»: беларускія прадпрыемствы гандлююць з акупаванымі тэрыторыямі Украіны
🔸Пяты год пасля выбараў – дзе апынуліся дэмсілы і ці працягнуць паўнамоцтвы Ціханоўскай
🔸Куды пайшлі мігранты з польскае мяжы?
🔸Развітваемся з Алімпіядай і падводзім вынікі для беларускіх спартоўцаў
Далучайцеся да эфіру ⤵️
https://www.youtube.com/live/whLz1hOCRos
💵 Колькі зарабляюць кур'еры дастаўкі ў Варшаве? Насамрэч, вельмі няблага ☝️
Блогер і афіцыйны дыджэй гурту «Дай Дарогу!» Андрэй Касцюк працуе кур'ерам ужо больш за год.
На яго думку, гэта найлепшы варыянт для тых эмігрантаў, хто пакуль не знайшоў сябе ў новай краіне.
🔍 Пачытайце ПА СПАСЫЛЦЫ, што Андрэй расказвае пра сваю цяперашнюю працу і наогул пра эмігранцкае жыццё
☝️«Беларускі Гаюн»: падчас вылету авіяцыі Узброеных сілаў РБ 9 жніўня ніякіх дронаў выяўлена не было
Таксама, згодна з інфармацыяй ад маніторынгавай групы @Hajun_BY, не адбывалася запускаў ракет з вынішчальніка Су-30 і верталёта Мі-24.
Калі гэтая інфармацыя праўдзівая, то яна абвяргае нядаўнія гучныя заявы Лукашэнкі пра атаку на Беларусь украінскіх беспілотнікаў.
🎞 Якім будзе сёлетні фестываль «Bulbamovie»?
Да юбілейнага, дзясятага фэсту беларускага кіно ў Варшаве застаецца яшчэ тры месяцы, аднак заяўкі на конкурс ужо прымаюцца.
☝️Размаўляем з нязменным дырэктарам «Bulbamovie» Янушам Гаўрылюком пра тое, як удалося пашырыць фармат фестывалю і якіх сюрпрызаў чакаць у лістападзе.
Пакуйце валізкі! Мы знайшлі вам працу мары😊
Берлінскі заапарк шукае купальшчыка для гіпапатама і цесляра для стварэння ложачкаў для панд!
Справа ў тым, што ў чэрвені нарадзілася маленькая гіпапатама, якая толькі пачынае вучыцца плаваць. Цяпер ёй патрэбен асаблівы нагляд: чалавек, які будзе сачыць за ўзроўнем вады і дапамагаць малой. Аплата працы – да €3200.
А можа гэта ваш шанец 🤔
🕷Павука ўсхваляваў той факт, што ў ліпені ў яго родным Акцябрскім раёне ўпаў расейскі дрон
Перажываючы за мірнае неба над радзімай, ён стаў тэлефанаваць вайсковым чыноўнікам і дзяржаўным прапагандыстам, каб атрымаць хоць нейкую інфармацыю пра інцыдэнт.
👀 Што з гэтага атрымалася – слухайце (і глядзіце) у свежым выпуску «Шухер Шоу»
☝️Гендырэктар сеткі крамаў «Мацярык» затрыманы ГУБАЗіКам
З Аляксандрам Аполькам запісалі «пакаяльнае відэа» і назвалі яго «незадаволеным буржуем».
«Мацярык» – буйная сетка будаўнічых гіпермаркетаў, якая мае свае магазіны ў Менску, Віцебску, Берасці і Горадні.
🔍 Чытайце болей ПА СПАСЫЛЦЫ
🃏🎴Які лёс прадракаюць карты Лукашэнку ды Пуціну? Падвезлі вам «сур'ёзнай аналітыкі» ад варажбітак на Таро
Паводле запытаў Google, гэтая тэма сталася вельмі папулярнай у Беларусі ў канцы 2019 года – пачатку 2020-га. І далей цікавасць да таро-прагнозаў не спадае, выносячы «ў адну браму» ўсіх палітычных і эканамічных экспертаў.
🔍 Чытайце ПА СПАСЫЛЦЫ
🤦♂️ Вось так выглядаюць летнія канікулы ў Беларусі
Дзяцей прывозяць да тураўскіх крыжоў, якія нібыта растуць з зямлі, і прымушаюць кланяцца. А ці верыце вы ў такія цуды?
🤔 Стаміліся чытаць навіны? Паглядзіце галоўныя падзеі тыдня ў фотаздымках
Беларускі марш, пераварот у Бангладэш, вялікія лясныя пажары і не толькі — сабралі для вас самыя моцныя здымкі ПА СПАСЫЛЦЫ
У Расеі збітая ракета трапіла ў жылы дом
Адбылося гэта ў Курску, дзе ўжо шэсць дзён ідуць баі з ЗСУ. Паводле мясцовых уладаў, ад збітай украінскай ракеты пацярпелі 13 чалавек, двое з іх знаходзяцца ў цяжкім стане.
Тым часам расейцы здзейснілі ракетную атаку на Кіеўшчыну — загінулі 35-гадовы мужчына і яго 4-гадовы сын. Яшчэ трое чалавек атрымалі цяжкія траўмы, сярод іх — 13-гадовае дзіця.