42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
◾️Памерла беларуская праваабаронца і маці «каліноўца» Вераніка Іванава
Ёй было ўсяго 45 гадоў.
Прычына смерці невядомая. Паводле выдання «Медиа-Полесье», апошнім часам здароўе Веранікі пагоршылася, яна хварэла і неаднаразова трапляла ў бальніцу.
Вераніка — грамадская актывістка, лідарка Пінскай рэгіянальнай арганізацыі БСДП (Грамада). Яна маці траіх дзяцей.
У 2020 годзе жанчына аказвала прававую дапамогу ўдзельнікам акцый пратэсту ў Пінску, займалася праваабарончай дзейнасцю, за што была затрыманая 8 разоў на працягу года. А ў 2021 годзе сілавікі правялі ў яе два вобшукі.
😡 Расея ладзіць масавыя атакі па ўсёй тэрыторыі Украіны
Сёння раніцай выбухі прагучалі ў Кіеве, Адэсе, Харкаве, Львове, а таксама ў Запарожскай, Ровенскай і Цярнопальскай абласцях. Яшчэ некалькі ракет дагэтуль знаходзяцца над Украінай.
Вядома пра аднаго загінулага. Таксама ў Луцку пашкоджаны шматпавярховы жылы будынак. Па ўсёй Украіне абвешчаная паветраная трывога.
❗️Польшча падняла свае знішчальнікі на фоне расейскіх абстрэлаў Украіны.
Раскрыты імёны яшчэ трох памілаваных палітвязняў
Сярод іх:
Аляксандр Галуз — гамяльчанін, асуджаны ў 2023 годзе за «парушэнне парадку» і «распальванне варожасці» (прысуд невядомы).
Алег Зыкун — лекар з Берасця, якога ў 2024 годзе асудзілі на 1,5 года калоніі за «незаконныя дзеянні ў адносінах да інфармацыі пра прыватнае жыццё».
Руслан Красоў — у 2022 годзе Гарадзенскі суд пакараў яго 3 гадамі калоніі за «абразу і паклёп на Лукашэнку».
💥 #галоўнае за 25 жніўня
✔️33 гады таму незалежнасць Беларусі ад СССР была канчаткова аформленая
✔️МЗС Украіны выпусціла заяву з заклікам адвесці Узброеныя сілы РБ ад беларуска-ўкраінскай мяжы
✔️Расея нанесла ракетны ўдар па гатэлі ў Краматорску. У выніку загінуў брытанскі журналіст
✔️Як рэагуюць у Расеі ды свеце на затрыманне Паўла Дурава і што далей будзе з Telegram? Разбіраліся тут
✔️Павук працягвае троліць паліцэйскіх з Курскай вобласці. Глядзіце новае выданне «Шухер шоу»
✔️«Талібан» прызнаў жаночы голас «занадта інтымным» і забараніў жанчынам публічна спяваць ды чытаць услых
🤩 Медуза з тысячы дронаў у начным небе
За суткі гэтае відэа набрала ўжо 12 млн праглядаў 📈
Паглядзіце, якая прыгажосць!
❗️МЗС Украіны выпусціла заяву з заклікам адвесці Узброеныя сілы РБ ад беларуска-ўкраінскай мяжы
Прыводзім тэкст гэтай заявы цалкам:
«Паводле інфармацыі органаў выведкі Украіны, Узброеныя сілы Рэспублікі Беларусь пад выглядам вучэнняў канцэнтруюць значную колькасць асабовага складу, у прыватнасці сілаў спецыяльных аперацый, узбраення і ваеннай тэхнікі, уключна з танкамі, артылерыяй, РСЗА, сродкамі СПА ды інжынернай тэхнікаю, у Гомельскай вобласці ля паўночных межаў Украіны. Таксама зафіксаваная прысутнасць наймітаў былой ПВК «Вагнер».
Правядзенне вучэнняў у памежнай зоне і ў непасрэднай блізкасці ад Чарнобыльскай АЭС стварае пагрозу нацыянальнай бяспецы Украіны і сусветнай бяспецы ў цэлым.
Мы заклікаем афіцыйных асобаў Рэспублікі Беларусь не дапускаць трагічных памылак для ўласнай краіны пад ціскам Масквы, а ейныя Узброеныя сілы спыніць несяброўскія дзеянні і адвесці войскі ад дзяржаўнай мяжы Украіны на адлегласць, што перавышае далёкасць паражэння наяўных у РБ сістэмаў агню.
Падкрэсліваем, што Украіна ніколі не рабіла і не збіраецца рабіць ніякіх несяброўскіх дзеянняў супраць беларускага народа.
Папярэджваем, што ў выпадку парушэння дзяржаўнай мяжы Украіны з боку Беларусі нашая дзяржава выкарыстае ўсе неабходныя захады ў парадку рэалізацыі гарантаванага Статутам ААН права на самаабарону. Пры гэтым усе канцэнтрацыі войскаў, вайсковыя аб'екты і шляхі забеспячэння на тэрыторыі Беларусі будуць законнымі цэлямі для Узброеных сілаў Украіны» .
👀 Арыгінал (на ўкраінскай мове) можна прачытаць ВОСЬ ТУТ
💥СТРЫМ. Нядзельнае вечаровае шоў «Тыдзень»
У сённяшнім выданні:
🔸 Магчымы ўваход у Бранск – на мяжу з Беларуссю. Які далейшы план Украіны?
🔸 Бітву за ўраджай – прайгралі? У Беларусі ёсць усе шанцы сабраць рэкордна нізкі ўраджай
🔸 Камала Гэрыс – афіцыйна кандыдатка на прэзідэнта ЗША. Чаму гэта дало надзею дэмакратычнай партыі
Далучайцеся да эфіру ⤵️
https://www.youtube.com/live/jNjC12HslFI
🫨 Навукоўцы навучыліся рабіць... трансплантацыю галавы
Як гэта адбываецца? Расказвае Вольга Старасціна ў другім выпуску нашай новай праграмы «Навіны з будучыні».
Іншыя тэмы:
📍Лічбавыя тэхналогіі з дацкіх лякарняў
📍У Брытаніі выпрабоўваюць вакцыну супраць меланомы
📍Навукоўцы знайшлі сувязь паміж тату і злаякаснымі лімфомамі
📍Чылійцы навучыліся рабіць суп з мяса чарапахі без выкарыстання чарапах
📍У Японіі распрацавалі разумную лыжку, якая робіць ежу салёнай
📍Больш ніякіх страмянак: вынайдзеныя высачэзныя робаты, якія могуць працаваць на складах
👀 Глядзіце «Навіны з будучыні» проста цяпер на канале «Белсат LIFE»
🐊 Акулаў і кракадзілаў заўважана яшчэ не было, але гэта толькі пакуль!
Новыя нетыповыя віды грыбоў, раслінаў і жывых істотаў пранікаюць на тэрыторыю Беларусі.
Якіх гасцей зафіксавалі на нашых землях і водах – глядзіце ў відэа☝️
📷 Як заўсёды ў нядзелю – прапануем вашай увазе падборку фатаздымкаў тыдня
Сёння ў яе патрапілі чарговае вывяржэнне ісландскага вулкану, пратэсты ў Інданезіі, лясныя пажары ў Бразіліі і шмат чаго яшчэ.
📍Таксама глядзіце фатаграфіі тыдня ВОСЬ ТУТ (у нашым «Тэлеграфе»)
🔹Як рэагуюць у Расеі ды свеце на затрыманне Паўла Дурава і што далей будзе з Telegram?
На Захадзе вядомыя асобы рэагуюць на затрыманне ў асноўным крытычна, хаця некаторыя прызнаюць, што да Telegram сапраўды ёсць шмат пытанняў.
А што ў Расеі ды Украіне?
🔍 Сабралі шмат рэакцыяў палітыкаў ды іншых вядомых дзеячаў ПА СПАСЫЛЦЫ
💬 «Прошу принять меры в отношении Путина Владимира Владимировича, потому что он не может защитить Россию»
🕷 Павук працягвае абзвон паліцэйскіх аддзяленняў Курскай вобласці. Гэтым разам ён вырашыў задаць праваахоўнікам два важных пытання: ці гатовыя яны памерці, абараняючы радзіму ды ці дазваляе закон здавацца ў палон ЗСУ? 🤔
📞 Якія адказы ён атрымаў, слухайце ў свежым выданні «Шухер шоу» на канале «Белсат LIFE»
🎵 Фолк-дуэт RALLA прэзентаваў купальскую баладу «Хадзіў-пахадзіў»
Тэкст яшчэ 95 гадоў таму запісаў ад Язэпа Драздовіча беларускі кампазітар і фалькларыст Рыгор Шырма.
Выканалі песню Дар'я Зуева і Алена Кандыба.
Паслухайце як чароўна! ♥️
☝️Уначы ўкраінцы ўдарылі па Белгарадскай вобласці, а расейцы – па Краматорску
Паводле губернатара Белгародчыны Гладкова, удар быў нанесены па пасёлку Ракітнае. У выніку загінулі 5 чалавек, а 12 былі пареныя (сярод іх ёсць дзеці). Таксама гэты ўдар пашкодзіў газаправод (на відэа відаць як ён гарыць).
Тым часам Расея атакавала гатэль у Краматорску Данецкай вобласці (разбурэнні – на здымках). Украінскія крыніцы паведамляюць, што там пражывалі замежныя журналісты (грамадзяне ЗША і Вялікабрытаніі). Сярод іх ёсць параненыя.
Ізраіль нанёс прэвентыўны ўдар па «Хізбале» ў Ліване
Раней тэрарыстычная групоўка планавала запусціць 6000 ракетаў па Ізраілю ў адказ на смерць свайго палявога камандзіра.
«Армія знішчыла тысячы ракет, накіраваных на поўнач краіны, прадухіліла многія іншыя пагрозы і дзейнічае з вялікай сілай — як у абароне, так і ў нападзе», – заявіў прэм’ер-міністр Бэньямін Нэтаньягу.
У адказ на ізраільскія авіаўдары Хізбала выпусціла 320 ракетаў і беспілотнікаў. Вядома пра пацярпелых.
Чаму гэтыя падзеі могуць стаць падставай для яшчэ адной паўнамаштабнай вайны – чытайце ПА СПАСЫЛЦЫ
❗️Уначы ў Беларусь маглі заляцець тры расейскія дроны-«Шахед»
Згодна з @eRadarrua, дроны-камікадзэ парушылі паветраную прастору Беларусі ў 03:26, 03:33 і 04:14. Беспілотнікі былі ў раёне Палескага запаведніка, Брагінскага і Лоеўскага раёнаў.
Як паведамляе «Беларускі Гаюн», авіяцыя не ўзнімалася. Аднак а 9-й раніцы верталёт з Мачулішчаў і знішчальнік з Баранавічаў былі накіраваныя на поўдзень Беларусі.
Прадстаўнік Лукашэнкі ў Берасцейскай вобласці распавёў пра любоў да рапсу
«Гэта абсалютна наша культура. Гэта эканоміка. Для жывёл гэта бялок, неад'емная частка. Ну і, вядома, само алей. Я — чалавек, які ўжо дзесяць гадоў ужывае. Глядзіце, як выглядаю!», — пахваліўся Юрый Шулейка.
Чыноўнік заявіў, што беларускі рапс «карыстаецца вялікім попытам на знешніх рынках», а яго ўраджайнасць у краіне толькі расце.
Юрый Шулейка знаходзіцца пад санкцыямі Еўразвязу, Вялікай Брытаніі, Канады, Швейцарыі і Украіны за падтрымку расейскай агрэсіі.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺Як рэагуюць у свеце на затрыманне Паўла Дурава
Затрыманага заснавальніка Telegram падтрымліваюць не толькі прыхільнікі свабоды слова, але і Z-актывісты. Паводле іх, мэсэджар «даў магчымасць» каардынаваць расейскіх жаўнераў падчас вайны ва Украіне. Сабралі іх рэакцыі на арышт Паўла Дурава.
🔺На беларусак зноў напалі за мяжой
Пацярпелая сведка распавяла нам, што адбылося і як яны выратаваліся з сітуацыі.
🔺Ізраіль зладзіў масавую атаку па пазіцыях «Хізбулы» ў Ліване
У адказ «Хізбула» выпусціла 320 ракет і беспілотнікаў. Што там адбываецца — чытайце ў нашым аглядзе.
🥰 Мілата з Вільні: там адбыліся гонкі сабачак коргі
Іх правялі ў парку Вінгіс.
Хуткасць забегаў коргі была далёка не рэактыўнай, затое мімішнасць проста зашкальвала. Паглядзіце!
📷 Здымкі ўзятыя з тэлеграм-каналу @volna_lt
☝️У выніку расейскага ўдару па гатэлі ў Краматорску загінуў брытанскі журналіст
Пра гэта паведамляе Данецкая абладміністрацыя. Брытанцу было 40 гадоў.
Яшчэ чатыры журналісты, якія пражывалі ў тым жа гатэлі, параненыя. Раненні атрымалі і двое мясцовых жыхароў.
📹 На відэа ад «Радіо Свобода» відаць, як ратаўнікі выносяць цела загінулага з-пад завалаў
⚡️ Адваёўваць Куршчыну давядзецца жаўнерам тэрміновай службы
Працягваем сачыць за баявымі дзеяннямі ў Курскай вобласці.
👀 Глядзіце сюжэт цалкам у праграме «Тыдзень» ☝️
🫥 Расейскія ўлады забралі ў кампаніі Google каля 100 мільёнаў долараў, што захоўваліся ў расейскіх банках
Грошы былі перададзеныя прапагандысцкім рэсурсам, якія падтрымліваюць вайну ва Украіне – у тым ліку тэлеканалам Russia Today і «Царьград».
Гэта вынікае з судовых дакументаў ЗША.
🔍 Чытайце ВОСЬ ТУТ пра судовую «бітву», якая цяпер ідзе паміж Google ды адным з расейскіх алігархаў
☝️Польскі прэзідэнт мяркуе, што магчымасць вызвалення Анджэя Пачобута стала значна бліжэйшай
Анджэй Дуда сказаў пра гэта падчас інтэрв'ю, якое даў проста ў цягніку, вяртаючыся з Кіева ў Варшаву.
🔍 Сабралі ПА СПАСЫЛЦЫ болей выказванняў Дуды пра працу над вызваленнем Пачобута
📍Раман Пратасевіч выказаўся пра затрыманне Паўла Дурава
«Арышт Дурава – гэта прамы выклік для ўсіх, хто сапраўды змагаецца за дэмакратыю, а не проста прыкрываецца лозунгам»
Паводле Пратасевіча, сітуацыя носіць палітычны характар:
«Чаму? Ды вельмі проста! Дураў праз Парыж вяртаўся з афіцыйнага візіту ў Азербайджан, дзе роўна ў той жа час знаходзіўся і Пуцін. Нягледзячы на тое, што па афіцыйных даных сустрэчы з прэзідэнтам РФ не было, ніхто не ведае, як усё было на самой справе. І ці не дамовіўся расейскі лідар са стваральнікам Telegram пра што-небудзь?..
Тады такое раптоўнае затрыманне і ордар, выпісаны за пару хвілін да прызямлення самалёта, цалкам можа апынуцца лагічным», – выказаў свае думкі прапагандыстам Раман.
🌋 У Ісландыі вывяргаецца вулкан Сундхнукур
Разлом дасягнуў шырыні амаль у чатыры кіламетры 🤯
Паглядзіце!
Што азначае Незалежнасць для беларуса?
Уладзімір Арлоў яшчэ ў 1990 годзе выдатна распавёў – якая яна, беларуская незалежнасць.
Нагадваем, 25 жніўня 1991-га Вярхоўны Савет надаў Дэкларацыі аб дзяржаўным суверэнітэце статус канстытуцыйнага закона. Беларусь нарэшце атрымала незалежнасць пасля 70 гадоў знаходжання ў складзе СССР.
🤯 Егіпецкія археолагі адкрылі вялікую астранамічную абсерваторыю VI стагоддзя да нашай эры
Абсерваторыя ў храме Бута на археалагічным месцы Тэль-Эль-Фараін адсочвала рух Сонца і зорак.
«Гэта падкрэслівае перадавыя астранамічныя веды старажытных егіпцян, у тым ліку іх здольнасць вызначаць сонечны каляндар і важныя рэлігійныя і сельскагаспадарчыя даты», – Махамед Ісмаіл Халед, генеральны сакратар Вышэйшага савета па старажытнасцях (SCA).
Абсерваторыя ўяўляе сабой вялікую структуру з цэнтральнай залай, вялікай сцяной з глінянай цэглы (якая нагадвае ўваходы старажытнаегіпецкіх храмаў) і некалькімі складскімі памяшканнямі.
💁🏻♂️ «Талібан» выдаў збор маральных нормаў, згодна з якім жаночы голас прызнаецца «занадта інтымным»
Гэта значыць, што цяпер у Афганістане жанчынам будзе забаронена публічна спяваць, чытаць услых і дэкламаваць.
Таксама ў тэксце прапісаныя і без таго вядомыя негалосныя правілы для жанчын у сучасным Афганістане: хаваць твар і цела перад незнаёмымі мужчынамі, не глядзець на мужчынаў, з якімі яны не звязаныя шлюбам ці па крыві, не перасоўвацца разам з мужчынамі ў транспарце.
Усяго дакумент утрымлівае 114 старонак і 35 артыкулаў. Яго зацвердзіў вярхоўны лідар Хібатула Ахундзада.
😡 На беларусак напалі проста ў цэнтры Вільні
«Можа, быў пад наркотыкамі або псіхічна хворы», – адна з дзяўчын распавяла «Белсату», як ім удалося выратавацца.
Чытайце гісторыю ПА СПАСЫЛЦЫ
🤍❤️🤍 33 гады таму Беларусь дамаглася незалежнасці
У гэты дзень Вярхоўны Савет надаў Дэкларацыі аб дзяржаўным сувэрэнітэце статус канстытуцыйнага закону. Беларусы вярнулі незадежнасць, а за ім і нацыянальны сцяг.
Пра тое, як гэта адбывалася, распавядут сведкі тых падзеяў у нашым фільме ПА СПАСЫЛЦЫ. Паглядзіце!