42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
▪️На 89-м годзе жыцця не стала знакамітага актора Алэна Дэлона
Цягам сваёй кар'еры ён зняўся амаль у 80 фільмах, а таксама выступаў у ролі кінарэжысёра ды прадусара. Дэлон лічыўся адным з «сэкс-сімвалаў» сусветнага кіно.
У 2019 годзе актор перанёс інсульт. Таксама ў апошнія гады ў яго было дыягнаставана анкалагічнае захворванне.
🎼«Запэўніваю, альбом будзе вельмі смачны»
Музыка Дзяніс Мандзік заявіў, што неўзабаве выйдзе яго новы альбом «М.». Папярэдні быў запісаны яшчэ ў Менску.
У шчырай і кранальнай размове Мандзік распавёў нам, праз што паўстаў гэты альбом, чаму прысвечаныя ягоныя новыя трэкі і пра любоў да Менску.
📍«Рэпрэсіі не толькі не сцішыліся, яны працягваюцца з новай сілай»
Нядаўна стала вядома, што Лукашэнка падпісаў указ аб вызваленні 30 палітвязняў. Ці сведчыць гэта пра пачатак «адлігі» і чаму дыктатар пайшоў на такі крок?
Разбіраемся з экспертам, пачытайце!
💥 #галоўнае за 17 жніўня
✔️«The Washington Post»: Украіна і Расея планавалі правесці перамовы ў Катары, аднак іх сарваў наступ на Куршчыну
✔️Аўтар нашумелага раману «Свінні» Аляксандр Чарнуха збіраецца выдаць новую кнігу
✔️Колькі каму гатовыя плаціць беларускія дзяржаўныя прадпрыемствы? Глядзім банк вакансіяў
✔️На Гарадзеншчыне зноў аддалі шану «Бацькавай булцы»
✔️У Варшаве прэзентавалі кнігу пра агульныя стравы беларускай і габрэйскай кухні
✔️Сітуацыя на мяжы трохі палепшылася: чэргі на выезд у Літву скараціліся ўдвая
✔️У Швецыі выявілі першы выпадак воспы малпаў
🥐 На Гарадзеншчыне зноў праходзіць свята з назваю «Бацькава булка»
Яго, як і раней, прымае мястэчка Свіслач.
Тэлеграм-канал «Пул 4 регион» адзначае, што сёлета «уникальную рецептуру той самой – "Бацькавай булки" мастера заповедных мест Беловежской пущи рассекретили всем желающим».
Фэст, назва якога ператварылася ў мем, у Свіслачы вырашылі праводзіць пасля візіту Лукашэнкі на мясцовы хлебазавод у чэрвені 2021 года. Прадпрыемства было мадэрнізаванае ды адрамантаванае, з таго часу на ім і сталі выпякаць пляцёнку «Бацькава булка».
📷 Фота: @pul4region
🔴 «Аб’ектыў» – галоўныя падзеі дня!
У сённяшнім выданні:
🔸 Трыццаць вызваленых палітвязняў. Цяпер, каб выйсці палітычнаму, мала толькі аднаго прашэння
🔸 Наколькі верагоднае паўтарэнне атакі на Украіну з тэрыторыі Беларусі?
🔸 Карпенка: ЦВК «гатовы правесці выбары ў любы момант»
🔸 У Еўропу прыйшла воспа малпаў. А што Беларусь?
Далучайцеся да эфіру ⤵️
https://www.youtube.com/live/yYfXx8Q0voo
📖 Аўтар нашумелага раману «Свінні» збіраецца выдаць новую кнігу
Аляксандр Чарнуха кажа, што яна будзе вельмі асабістай: ён нават плакаў падчас напісання.
🔍 Якую назву будзе мець кніга і колькі грошай трэба для яе выдання, чытайце ВОСЬ ТУТ
❌ У Нямеччыне пачаўся суд у справе гібелі маладых украінскіх спартоўцаў
Абвінавачаныя – двое немцаў і двое сірыйцаў☝️
🌊 Гэта адначасова страшна і прыгожа
У Кітаі магутна разліўся другі па велічыні вадаспад.
Паглядзіце на моц стыхіі!
📍«The Washington Post»: Украіна і Расея планавалі правесці перамовы ў Катары, аднак іх сарваў наступ на Куршчыну
Гаворка на гэтых перамовах магла ісці пра спыненне ўзаемных удараў па энергетычнай інфраструктуры.
Каля двух месяцаў катарцы праводзілі папярэдняе абмеркаванне з Кіевамі і Масквой, бакі пагадзіліся на сустрэчу ў Дохе. Аднак пасля ўварвання ЗСУ ў Курскую вобласць расейскі бок адмовіўся ўдзельнічаць у перамовах.
🔍 Чытайце падрабязней ВОСЬ ТУТ
❤️🩹«Тыдзень, поўны любові»: вось як мяняюцца бяздомныя жывёліны, калі побач ёсць чалавек
Сёння Міжнародны дзень бяздомнай жывёлы. Паказваем, як змянілася жыццё шчанюка ўсяго за тыдзень пасля таго, як яго забралі да сябе добрыя людзі!
І спадзяемся, што кожны бесхацінец знойдзе свайго чалавека.
💬 «Нават падрыхтоўка некалькіх штурмавых ротаў на тэрыторыі іншых краінаў створыць для Лукашэнкі вялікую палітычную нярвознасць»
Вайсковы аглядальнік «Белсату» Зміцер Міцкевіч каментуе прапанову польскага генерала ў адстаўцы Вальдэмара Скшыпчака стварыць у гэтай краіне Беларускі легіён з эмігрантаў.
👀 Размову цалкам глядзіце тут
◽️«Выйшла – а там аўтаматы, шчыты, каскі, прыехала недзе чалавек 10 [сілавікоў]»
Беларуска паехала на радзіму, каб зрабіць візу, а ў выніку трапіла за краты. Гісторыю жанчыны распавяла «Наша Ніва».
Кацярына (імя змененае) распавяла ім пра атмасферу страху ў Менску, пра тое, як людзей затрымліваюць цэлымі пад'ездамі, ды кранальную гісторыю пра жанчыну, якая адаслала больш за 10 тысяч паштовак затрыманым паводле палітычных справаў.
Чытайце гісторыю Кацярыны па спасылцы
🫥У Швецыі выявілі першы выпадак воспы малпаў
САЗ пацвердзіла выпадак інфекцыйнага захворвання ў пацыента ў Швецыі. Пацыент заразіўся новым штамам віруса ў Афрыцы. Зараз ён знаходзіцца пад наглядам лекараў і атрымлівае неабходнае лячэнне. Іншыя краіны пакуль не паведамлялі пра выпадкі з'яўлення гэтага віруса.
У Беларусі пакуль не зарэгістравана выпадкаў захворвання. Адна чыноўнікі сцвярджаюць, што гатовыя да магчымасці завозу гэтай інфекцыі з іншых краін.
Падрабязнасці чытайце па спасылцы
Дабрыдзень, сябры!
Мы вам ранішняе чытво прынеслі. Сабралі найбольш цікавыя матэрыялы «Белсату», якія вы маглі прапусціць:
🔸Звяры і чырвоная кнопка
Навошта Лукашэнка зноў нагнятае абстаноўку на мяжы з Украінай?
🔸Навукоўцы выявілі, што першапачатковае засяленне Беларусі адбылося нашмат раней
Беларускія навукоўцы знаходзяць усё новыя і новыя пацвярджэнні пра больш ранняе з'яўленне людзей на тэрыторыі сучаснай Беларусі.
🔸«Месячнага заробку беларуса з рэгіёну не хопіць»
Палічылі, колькі сёлета бацькам каштуюць зборы ў школу.
#штопачытаць
🚗 Цяпер ДАІ выкарыстоўвае дроны для выяўлення парушэнняў правілаў дарожнага руху
На борце беспілотніка ёсць камера, якая транслюе відэа на тэлефон дзяржаўтаінспектара. Праглядаючы кадры ў рэжыме анлайн, супрацоўнік міліцыі гатовы па радыёсувязі перадаць інфармацыю пра парушальніка бліжэйшага нараду ДАІ. Батарэйкі хапае хвілін на 50. Калі ўзровень зарада падае да 15 %, дрон аўтаматычна вяртаецца на базу.
Сцвярджаецца, што квадракоптары пастаўлены на ўзбраенне ў падраздзяленні ДАІ ў кожным рэгіёне Беларусі.
Падрабязнасці чытайце тут
💬 «Едьте в Америку и лижите определённые места тем, кому вы продались!»
🕷 У сувязі з апошнімі падзеямі Павук патэлефанаваў у аддзел паліцыі аднаго з раёнаў Курскай вобласці. У адрозненні ад нудных беларускіх чыноўнікаў суразмоўца з Куршчыны аказаўся надзвычай эмацыйным!
🎧 Слухайце (і глядзіце) новы выпуск «Шухер-шоу» на канале «Белсат LIFE»
Дабрыдзень тым, хто ўжо прачнуўся!
Гэта дастаўка ранішняй прэсы! Сабралі для вас найбольш цікавыя матэрыялы «Белсату», якія вы маглі прапусціць:
🔺Напісаў сусветную гісторыю дранікаў
Алесь Белы прэзентаваў сваю новую кнігу «Самы цымус».
🔺«Зачышчалі цэлыя дамы»
Беларуска распавяла, як вярнулася ў Менск за візай і была рэпрэсаваная.
🔺«Там – тэлевізар»
Эвакуіраваныя расейцы вяртаюцца ў свае дамы і мараць знішчыць Суджу з Сумамі.
#штопачытаць
🔹Гомельскі суд надаў «экстрэмісцкі» статус лагатыпу брэнду адзення «Supcable»
Пра гэта паведамляюць праваабаронцы.
Імаверна, справа ў тым, што эмблема «Supcable» магла нагадаць камусьці з чыноўнікаў ці сілавікоў герб нацысцкай Нямеччыны. Аднак дакладная прычына не тлумачыцца. У любым выпадку, брэнд нельга назваць вельмі пашыраным і вядомым на беларускім рынку.
Пастанову выносіў суд Цэнтральнага раёну Гомля.
📍Чэргі на выезд з Беларусі ў Еўразвяз паступова змяншаюцца. Польскія памежнікі абяцаюць пры патрэбе накіраваць у Тэрэспаль дадатаковых афіцэраў
Пра гэта ў каментары «Белсату» заявіў прадстаўнік Надбужанскага аддзелу памежнай службы Дар'юш Сеніцкі.
Мытная служба Польшчы тым часам на наш запыт пакуль не адказала.
🔍 Чытайце матэрыял цалкам ПА СПАСЫЛЦЫ
🌀 Ураган Эрнэста набліжаецца да Бярмудзкіх выспаў
Глядзіце, што ён вырабляе ☝️
💬 «Гэта было мэтазгодна тады, калі думалі, што ніякага супраціву не будзе»
Адзін з дэпутатаў расейскай Дзярждумы нядаўна заявіў, што Расея магла б зноў выкарыстаць тэрыторыю Беларусі для атакі на Украіну, як гэта было на пачатку поўнамаштабнай вайны. Гэта, маўляў, дапамагло б Крамлю дамагчыся перамогі.
Спыталі ў палітолага Валера Карбалевіча, ці варта ўспрымаць гэтыя словы ўсур'ёз ды ці можа паўтарыцца паход расейскай тэхнікі на Кіеў з беларускага Палесся, як гэта было ў лютым 2022-га.
🔍 Чытайце каментар эксперта ПА СПАСЫЛЦЫ
😇 Добрыя навіны тыдня
Сярод таго трэшу, які адбываецца навокал, можна не заўважыць, што здараецца і нешта прыемнае. Каб вы не прапусцілі, мы зрабілі невялікую падборку:
🔅 30 палітзняволеных на волі
🔅З беларускай турмы адпусцілі латышоў, затрыманых падчас фэсту Viva Braslav за невялікую дозу марыхуаны
🔅 Выйшаў падкаст па гісторыі электроннай музыкі Беларусі
🔅 З’явіўся новы мабільны дадатак для знаёмства «Віт!». Ён створаны адмыслова для беларусаў
🔅 У ноч з 12 на 13 жніўня неба ўпрыгожыў паток Персеідаў
🔅 Ратаўнікі МНС выратавалі восліка, які праваліўся ў падвал і дасталі з калодзежа баброў, а яшчэ котку і кацяня
🔅 Фільм «У жывым эфіры», прататыпамі гераінь якога сталі журналісткі «Белсату», стаў дасяжны для прагляду онлайн
🤌 У ЗША можа з'явіцца парфюм з пахам маянэзу
Папулярны мясцовы вытворца гэтага прадукту, фірма Hellman`s, падпісала партнёрскае пагадненне з гульцом у амерыканскі футбол Ўілам Лэвісам.
Сумесна з ім плануецца выпусціць водар Will Levis No. 8, які будзе складацца з адценняў аскомістага лімону, кавы, мускусу, ванілі ды «маянэзнага акорду» (так назвалі гэта ў кампаніі).
Ідэальны водар, каб пайсці на спатканне з аматарам фаст-фуду ☝️
👨🏫 Колькі каштуе сабраць дзіця ў школу?
Цэны на тавары для школы кусаюцца, а чыноўнікі раяць браць крэдыты.
Расказваем, як цяпер выглядае сітуацыя і як можна ашчадзіць. Паглядзіце!
🍲 Гісторык Алесь Белы пачаставаў публіку «смачненькай» кнігаю
Ён сабраў пад адной вокладкаю расповеды пра агульныя стравы для беларусаў і габрэяў (якія стагоддзямі жылі побач).
Белы нават выказаў смелую думку: менавіта габрэі навучылі беларусаў гатаваць дранікі!
🔹Чытайце рэпартаж з прэзентацыі ПА СПАСЫЛЦЫ
📍Расейскія ТГ-каналы паказалі кадры з галавою забітага ўкраінца, насаджанай на шост. Амбудсмэн Вярхоўнай рады звярнуўся ў ААН ды Чырвоны крыж
Паводле аналітыкаў DeepState, відэа было знятае ля прапускнога пункту Калацілаўка ў Краснаяружскім раёне Белгародскай вобласці. ЗСУ спрабавалі прарвацца туды 12 жніўня.
🔍 Чытайце падрабязней ПА СПАСЫЛЦЫ
🤷♀️«Заб’юць, дык заб’юць. Але нікуды ўжо не паедзем»
Нядаўна ўлады Белгарадскай вобласці аб'явілі эвакуацыю, бо ЗСУ ўжо падышлі да Краснаяружскага раёну. Аднак людзі праігнаравалі папярэджанні ўладаў, адмовіліся эвакуіравацца ў іншыя населеныя пункты і вяртаюцца ў свае дамы.
Чаму так адбываецца? Спыталі ў мясцовага жыхара. Што ён адказаў, чытайце па спасылцы
🤷♀️«Не гатовыя плаціць нават сярэдні заробак»
Да нядаўняга часу колькасць вакансіяў у Службе занятасці імкліва расла. Цяпер рост прыпыніўся, але ў Беларусі ўсё яшчэ не хапае 163 тысячы працаўнікоў. І гэта блізка да колькасці беспрацоўных з дзяржаўнай статыстыкі.
Выходзіць, праца ёсць, вольныя працоўныя рукі ёсць – чаму ж колькасць вакансіяў не змяншаецца?
Разбіраемся ў нашым артыкуле, пачытайце!
✌️ Слава Камісаранка: «Сіл і цярпення ўсім беларусам, памятайце, гэта не назаўжды!»
Вядомы беларускі стэндап-комік, адносна якога сёння распачалі спецвытворчасць па некалькіх крымінальных артыкулах, пракаментаваў гэта «Белсату»:
«Вельмі шкада, што Следчы камітэт Беларусі пачаў завочны суд нада мной па трох крымінальных справах ужо сёння, таму што ў панядзелак у мяне выходзіць мой новы канцэрт і, магчыма, крымінальных спраў было б ужо пяць! Ну а калі сур’ёзна, са мной звязаліся ўжо некалькі юрыстаў і прапанавалі дапамогу, каб падаць апеляцыю, але нешта мне падказвае, што чалавек, які адкрывае на цябе тры крымінальныя справы проста за жарты, наўрад ці яе прыме. Сіл і цярпення ўсім беларусам, памятайце гэта не назаўжды! »