42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
💬 «У Вашынгтоне і Бруселі няма стратэгіі па Беларусі. Затое яна ёсць у Крамлі»
У новым выданні ток-шоу «План: Б» абмяркоўваем сцэнары Пуціна для нашай краіны, ці ўдасца выкруціцца ад інтэграцыі ды хто супрацьстаіць гэтым працэсам унутры сістэмы?
▶️ https://youtu.be/1i32gWOAP60
🇰🇿 У Казахстане паставілі кропку ў гучнай справе – былому міністру эканомікі, які да смерці збіў жонку, прысудзілі 24 гады турмы
Пасля сваркі з жанчынай у рэстаране Куандык Бішымбаеў 8 гадзін збіваў яе. Пазней Салтанат Нукенава памёрла ад атрыманых траўмаў – дактароў для яе Бішымбаеў выклікаць не стаў, хоць жанчыну яшчэ можна было выратаваць.
Прычынаю такіх паводзінаў экс-чыноўніка сталі падазрэнні ў тым, што жонка яму здраджвае.
📷 Фота: @tengrinews
📺 Навіны за 5 хвілін
✔️ Прапаганда па метадычцы. BELPOL – пра «фабрыкі ботаў», падстаўныя «незалежныя» каналы і блогераў
✔️ Бельгія, Данія і Польшча – шэраг сустрэч Святланы Ціханоўскай
✔️ У Лідзе лекары змагаюцца за жыццё дзяўчынкі, якая выпала з атракцыёну
✔️ Расейцы наступаюць на Харкаўшчыне. Жыхароў Ваўчанску эвакуююць
✔️ У Белгародскай вобласці за содні загінулі ў выніку абстрэлаў 19 чалавек. 15 з іх – пад заваламі разбуранага пад'езду
✔️ Лёс прэзідэнцкай пасады ў Літве вырашыцца ў другім туры выбараў
✔️ У Грузіі працягваюцца жарсці вакол скандальнага закону «Аб замежных агентах»
✔️ На вуліцах Ерэвану патрабуюць адстаўкі Пашыняна
Глядзіце ў кароткім выданні навін на Белсаце 💻
🥰 Гэтая акторка пражыла 95 гадоў і да апошняга выходзіла на сцэну
Стэфанія Станюта нарадзілася роўна 119 гадоў таму, а ўжо ў 1918 годзе яна выйшла на сцэну. Яна аднолькава бліскуча грала і шэкспіраўскіх гераінь, і сялянак. За час сваёй кар’еры спадарыня Стэфанія сыграла каля 200 роляў.
Паглядзіце сюжэт пра нашую выбітную зямлячку!
😊 Паглядзіце на гэтыя смешныя здымкі хатніх гадаванцаў
Усе яны патрапілі ў фінал сёлетняга конкурсу Comedy Pet Photo Award.
📷 Цяпер на афіцыйнай старонцы конкурсу ідзе галасаванне на «Прыз глядацкіх сімпатыяў». Там можна пабачыць усе 30 фатаграфій-фіналістаў і прагаласаваць за тую, якая спадабалася найбольш.
📍З-пад завалаў пад'езду, што ўчора раніцай абрынуўся ў Белгарадзе, дасталі ўжо 15 целаў
Ратавальнікі скончылі разбор завалаў, таму, імаверна, гэтая лічба канчатковая. Яшчэ 17 асобаў былі параненыя, аднак іхныя жыцці ўдалося выратаваць.
Чытайце на сайце:
✅ Праз VPN ❎ Без VPN
🔹Польшча збіраецца выдаткаваць дадатковыя сродкі на мадэрнізацыю агароджы на мяжы з Беларуссю
Пра гэта паведаміў намеснік міністра абароны Польшчы. Паводле яго, агароджа, пабудаваная на цяперашні момант, з’яўляецца часовай і яе плануецца мадэрнізаваць.
Паводле інфармацыі, агучанай Цэзарыем Томчыкам, мадэрнізацыя агароджы абыдзецца прыкладна ў 1,5 мільярда злотых.
Адна з задач, якую павінна выконваць агароджа, паводле Томчыка, гэта спыненне нелегальнай міграцыі. У той жа час намеснік міністра падкрэсліў, што агароджа не з’яўляецца ваенным аб’ектам.
📍Літву чакае другі тур выбараў: у ім сустрэнуцца дзейны прэзідэнт і прэм’ер
Станам на 7 гадзін раніцы 13 траўня пасля падліку на ўсіх 1895 выбарчых участках стала відавочна, што Гітанас Наўседа не пераадолеў парог у 50 %, неабходны для перамогі ў першым туры. Краіну чакае другі тур, які адбудзецца 26 траўня.
Наўседа набраў 44,54 % галасоў, за ім ідзе дзейная прэм’ерка Інгрыда Шыманіце з 19,94 % галасоў. Кандыдат Ігнас Вегеле атрымаў 12,47 %.
💥 #галоўнае за 12 траўня
✔️ У Белгарадзе абрынуўся цэлы пад'езд жылога дому. Губернатар сцвярджае, што з-за прамога патрапляння снараду. З-пад завалаў дасталі целы 12 загінулых
✔️ Пуцін прыбраў Шайгу з пасады міністра абароны
✔️ У Лідзе выпала з атракцыёну 11-гадовая дзяўчынка. Ейны стан лекары ацэньваюць як стабільна цяжкі
✔️ Ці захавае пасаду Гітанас Наўседа? У Літве прайшлі выбары прэзідэнта
✔️ У шведскім Мальмё адбылося самае скандальнае Еўрабачанне апошніх гадоў – падсумоўваем вынікі конкурсу
✔️ Выпусцілі на волю перакладчыцу Вольгу Калацкую, затрыманую 9 траўня
✔️«Варшаўскі мост» перагружаны транспартам: у чарзе стаяць не менш за 400 легкавікоў
🥹 Кранальныя фатаграфіі: харкаўскія школьнікі рыхтуюцца да выпускнога паміж абстрэламі
5 гадзін раніцы. Вось так дзеці ў Харкаве рыхтуюцца да выпускнога, пакуль расейцы на час спынілі абстрэлы горада
📉 Нацбанк падлічыў, што вонкавы гандаль Беларусі ў першым квартале сышоў у мінус
Экспарт зусім крыху, але знізіўся (на 0,1%), а імпарт павялічыўся на 2,3%.
Болей лічбаў на старонцы:
✅ Праз VPN ❎ Без VPN
😨 У Лідзе дзяўчынка звалілася з вышыні, катаючыся на атракцыёне
Перасовачны парк забаваў, дзе ўсё адбылося, прыехаў у райцэнтр некалькі дзён таму.
Дзяўчынку давялося шпіталізаваць.
Чытайце на сайце:
✅ Праз VPN ❎ Без VPN
☝️З-пад завалаў пад'езду, што абрынуўся раніцай у Белгарадзе, дасталі целы двух загінулых
Колькасць пацярпелых складае каля 20 чалавек.
Губернатар Белгарадскай вобласці Гладкоў заяўляў, што пад'езд абваліўся ў выніку патрапляння снараду.
Болей інфармацыі:
✅ Праз VPN ❎ Без VPN
🔸Паглядзіце, як выглядала з вышыні ўчорашняя акцыя пратэсту ў Тбілісі
На вуліцы грузінскай сталіцы выйшлі больш за 100 тысяч людзей.
Вось як гэта было ⬆️
😕 «Лічыцца, дзякуючы прымусу любоў да лукашэнкаўскай сімволікі з'явіцца. Але не зʼявіцца»
Рэжым адзначае гэтак званы Дзень Дзяржаўнага сцяга, гербу і гімну. На «святкаванне» зганяюць бюджэтнікаў і дзяцей, праўладныя СМІ паказваюць фота і відэа тэматычных флэшмобаў.
Як улады намагаюцца навязаць свае сімвалы беларусам, глядзіце ў нашым відэа!
🪂 Вось гэта бітва за рэкорды! 106-гадовы мужчына з Тэхасу вярнуў сабе тытул самага пажылога парашутыста
Першы раз Альфрэд Блашке скокнуў з парашутам у дзень свайго стагоддзя ў 2017 годзе. У 2022-м 103-гадовая шведка Рут Лінэа Інгэгерд Ларсан забрала ў Альфрэда тытул самага пажылога парашутыста. Праз тры гады ён паўтарыў подзвіг, усталяваўшы рэкорд.
«Калі вы думаеце, што чагосьці не можаце, то проста недаацэньваеце сябе. Часам проста трэба наважыцца і паспрабаваць», – заявіў Альфрэд Блашке, калі спусціўся на зямлю.
Разам з Альфрэдам упершыню ў жыцці скокнуў з парашутам і губернатар Тэхаса Грэг Эбат.
🔹 У пятніцу каля 140 мігрантаў паспрабавалі прарваць мяжу з Польшчай у раёне Белавежы
Кадры іхняга «штурму» паказала «Страж Гранічна».
Паводле інфармацыі памежнікаў, мігранты шпурлялі ў польскіх службоўцаў камянямі і галлём, аднак іхную навалу ўдалося адбіць, і ў выніку група замежнікаў вярнулася назад углыб Беларусі.
💁🏻♂️ Міжнародная лізінгавая кампанія «Eleving Group» сышла з беларускага рынку
У Беларусі пад брэндам «Mogo Belarus» яна працавала з 2017 года. Акрамя нашай краіны, прадстаўніцтвы латвійскай кампаніі ёсць яшчэ ў 16 дзяржавах.
Чытайце болей:
✅ Праз VPN ❎ Без VPN
🇸🇪 Прэм'ер-міністр Швецыі заявіў, што ў выпадку вайны ягоная краіна гатовая размясціць ядравую зброю на сваёй тэрыторыі
У той жа час Ульф Крыстэрсан дадаў, што «ўсё сяброўства Швецыі ў NATO і ўся шведская абарона накіраваныя на тое, каб не дапусціць такой сітуацыі».
Чытайце падрабязней:
✅ Праз VPN ❎ Без VPN
🔍 Які ўплыў аказалі на беларускія землі крыжакі і Тэўтонскі ордэн?
Чаму гэты ордэн наогул быў створаны? Навошта адбываліся крыжовыя паходы?
Ну і, нарэшце, якое значэнне мела ў гісторыі ВКЛ і Тэўтонскага ордэна Грунвальдская бітва?
👀 Глядзіце і слухайце пра ўсё гэта ў новым выданні «Вусоў Скарыны»
❓Якія дзяржорганы атрымаюць права патрабаваць запісы камераў назірання з маршрутак і таксі?
Урад падрыхтаваў праект пастановы, неабходнай для рэалізацыі ўказа Лукашэнкі аб пасажырскіх перавозах. Паводле яго, перавознік або кіроўца «абавязаныя неадкладна даваць запісы» на патрабаванне дзяржаўных органаў.
Якіх? Чытайце ў нашым артыкуле:
✅Праз VPN ❎Без VPN
👆Яны балатуюцца ў Каардынацыйную раду: спіс № 11 «Краіна для жыцця»
Мы працягваем распавядаць вам пра кандыдатаў у КР. Гэтым разам прадстаўляем спіс «Грамадскі рух «Краіна для жыцця». Узначальвае яго Віталь Савюк, лідар аднайменнага грамадскага руху. Агулам у спісе – 17 асобаў.
Ці падтрымліваюць чальцы спісу сілавы сцэнар змены ўлады ў Беларусі, ці павінна Беларусь выйсці з інтэграцыйных аб’яднанняў з Расеяй і інтэгравацца ў Еўразвяз?
Чытайце ў нашым артыкуле:
✅Праз VPN ❎Без VPN
Добрага панядзелку, сябры!
Гэта дастаўка ранішняй прэсы! Сабралі для вас найбольш цікавыя матэрыялы «Белсату», якія вы маглі прапусціць:
🔺Гайд па «карце паляка»: хто можа атрымаць і якія перавагі яна дае?
Праз VPN
Што такое «карта паляка», як яе атрымаць і ці бяспечна гэта для беларусаў.
🔺Традыцыйная фотападборка галоўных падзеяў тыдня
Праз VPN
Выбары ў Індыі і пацалунак праз плот на мяжы ЗША і Мексікі.
🔺Кандыдаты ў КР: выбарчы спіс № 1 «Салідарнасць»
Праз VPN
Распавядаем пра спіс «Аб’яднанне палітычных партый «Народная грамада» і Беларуская хрысціянская дэмакратыя «Салідарнасць».
#штопачытаць
🔶 Пуцін зняў Сяргея Шайгу з пасады міністра абароны Расеі
І прапанаваў на гэтую пасаду Андрэя Белавусава, які раней быў першым намеснікам старшыні ўрада
На пасаду ж кіраўніка Падліковай палаты Пуцін прапанаваў Барыса Кавальчука – сына свайго блізкага сябра, акцыянера банку «Расея» Юрыя Кавальчука.
🙏🏻 Дзякую Богу за ўсё, за тое, якія побач са мною людзі
Андрэю Дзмітрыеву споўнілася 43 гады.
З гэтай нагоды палітык запісаў сторыз, дзе чытае кранальны беларускамоўны верш.
Мне сорак тры. Прайшоў турму і войска.Читать полностью…
Трымаўся годна хай і не заўсёды паводзіў сябе па-геройску.
Маю сям'ю, якую вельмі люблю і ёю ганаруся.
Маю сяброў, за якіх часам баюся, малюся.
З усіх шляхоў абіраў той, што вядзе да мары.
І зараз ім рушу да сонца — праз усе перашкоды і хмары.
Мне сорак тры — гэта проста лічбы і тое, што за спіною.
Галоўнае — не адзін, не зламаны, не стомлены, жывы!
Хай раны — без іх не бывае шляхоў да мары.
Ведаю, што жыццё наперадзе — усё будзе!
Дзякую Богу за ўсё, за тое, якія побач са мною людзі.
Рушым далей, няма часу, каб тут спыняцца.
І на гэтым шляху, каб сабой і людзьмі застацца.
💥Нядзельнае вечаровае шоў «Тыдзень»
У сённяшнім выданні:
🔸Цывільныя лётнішчы ў Беларусі аддаюць пад шэфства мясцовых бюджэтаў. Што будзе з рэшткамі грамадзянскай авіяцыі краіны;
🔸Лукашэнка і яго фаварыткі. Што дае жанчынам доступ да цела Лукашэкі;
🔸Прэзідэнцкія выбары ў Літве. Якой пазіцыі прытрымліваюцца кандыдаты адносна Беларусі;
🔸«Зэкамерон» ад Вольных Купалаўцаў. Прэм'ера п'есы паводле твору Максіма Знака;
Далучайцеся да эфіру ⤵️
https://www.youtube.com/watch?v=Wo4GQGmBCY8
🥹 У Пастаўскім раёне муж з жонкаю знайшлі ласяня, якое адбілася ад маці
Ноч жывёла правяла пад адкрытым небам і намокла пад дажджом. Самастойна перасоўвацца ласяня ўжо не магло.
На дапамогу паклікалі супрацоўнікаў раённай інспекцыі прыродных рэсурсаў і аховы навакольнага асяроддзя.
🔸Вольгу Калацкую выпусцілі на волю
Пра гэта стала вядома @nashaniva.
Жанчына была затрыманая 9 траўня. Раней Калацкая адбывала пакаранне ў выглядзе «хатняй хіміі» за поўху, якую дала Азаронку на адной з акцыяў пратэсту.
🇱🇹 Ці захавае пасаду Гітанас Наўседа? У Літве сёння праходзяць выбары прэзідэнта
Паводле апытанняў, за дзейнага кіраўніка дзяржавы гатовыя прагаласаваць болей за 40% выбаршчыкаў, што робіць Наўседу фаварытам прэзідэнцкай гонкі.
Чытайце падрабязней на старонцы:
✅ Праз VPN ❎ Без VPN
🇬🇪 У Тбілісі не спыняюцца пратэсты супраць закону аб «замежных агентах» – учорашняя акцыя стала наймаштабнейшай
Грузінская апазіцыя называе мясцовы законапраект «Аб празрыстасці замежнага ўплыву» калькаю з расейскага закону аб замежных агентах. Менавіта таму абмеркаванне гэтай тэмы ў парламенце выклікае столькі жарсцяў.
Чытайце на старонцы:
✅ Праз VPN ❎ Без VPN