42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
☝️Зяленскі памяняў камандуючага Паветранымі сіламі ЗСУ. Хутчэй за ўсё, праз знішчэнне аднаго з F-16
Замест Міколы Алэшчука, які стаяў на чале Паветраных сілаў Украіны больш за тры гады, кіраваць імі цяпер будзе генерал-лейтэнант Анатоль Крываножка.
Учора з'явілася інфармацыя, што падчас маштабнага ракетнага абстрэлу Украіны 26 жніўня пацярпеў катастрофу F-16, за штурвалам якога быў пілот Аляксей Мэсь. Нардэп Украіны Мар'яна Бязуглая заявіла, што самалёт быў збіты памылкова з ЗРК Patriot (то бок сваімі ж) праз адсутнасць каардынацыі паміж падраздзяленнямі. Аднак афіцыйны Кіеў ніяк не каментаваў гэтую версію.
🔴 «Аб’ектыў» – галоўныя падзеі дня!
У сённяшнім выданні:
🔸 Дзень ахвяраў гвалтоўных знікненняў. Хто знік рэальна, а хто ў турмах у рэжыме інкамунікада
🔸 Расея нанесла бомбавы ўдар па жылой забудове Харкава. Ёсць ахвяры
🔸 З 1 кастрычніка набудзе моц забарона Еўразвязу на пастаўкі ў Беларусь адзення сэканд-хэнд
🔸 Лукашэнку – 70. Пра яго асабістыя і прафесійныя якасці за 30 гадоў ва ўладзе
Далучайцеся да эфіру ⤵️
https://www.youtube.com/live/ELmxfuwsi6s
📺Адразу пасля «Аб'ектыву» а 20.25 па менскім часе запрашаем да прагляду «Белсат Zoom» – агляд галоўных навінаў дня, агляд надворʼя, спартовых навінаў!
🇵🇱 Эмігранты, якія шукаюць працу ў Польшчы, могуць сутыкнуцца з новай праблемаю
Мясцовае Міністэрства сям'і, працы і сацыяльнай палітыкі думае над тым, каб іншаземцы болей не маглі атрымаць дазвол на працу, калі ў іх няма працоўнай дамовы пэўнага тыпу.
☝️Прадпрымальнікі гучна крытыкуюць гэты праект і ВОСЬ ЧАМУ
🤔 У Беларусі прызналі «экстрэмісцкім» верш Янкі Купалы? І так, і не
Праваабаронцы звярнулі ўвагу на рашэнне суда Барысаўскага раёну, які яшчэ ў студзені назваў «экстрэмісцкімі» шэраг песень. У тым ліку песню «Ляпісаў», тэкст якой ідэнтычны вершу Купалы.
📍Чытайце ВОСЬ ТУТ падрабязней, пра што ідзе гаворка
☝️У Харкаве «прылёт» па жылым доме – ён часткова абваліўся, ёсць загінулыя
Паводле афіцыйнай інфармацыі на гэты час, загінулі пяцёра людзей. Пацярпелі каля 40 (у тым ліку ад «прылётаў» у іншых лакацыях).
Імаверна, лічбы не канчатковыя. Сярод загінулых ёсць маленькая дзяўчынка, якая гуляла на дзіцячай пляцоўцы.
⚽️ Менскае «Дынама» прыедзе ў Варшаву, каб згуляць у Лізе канферэнцыяў
Гэта будзе першы за 6 гадоў выступ беларускага футбольнага клубу ў асноўнай стадыі еўракубкаў.
Сённяшняе лёсаванне пастанавіла, што супернікамі «Дынама» стануць «Капенгаген», варшаўская «Легія», фінскі «ХІК», шатландскі «Хартс», грэцкі «Панатынаікас» ды «Ларн» з Паўночнай Ірландыі.
Сталічны клуб, які цяпер знаходзіцца «пад крылом» лукашэнкаўскіх сілавікоў, у мінулым сезоне стаў чэмпіёнам Беларусі. Раней такую мэту перад клубам ставіў асабіста Лукашэнка. Галоўныя канкурэнты – салігорскі «Шахцёр», «Энергетык-БДУ» і БАТЭ – былі фактычна знішчаныя. У выніку менскае «Дынама» сабрала ўсе вяршкі беларускага футболу і вялікую групу легіянераў ды ўдала выступіла ў сёлетняй кваліфікацыі еўракубкаў.
Клуб ужо зарабіў болей за свой гадавы бюджэт (€4 мільёны), а цяпер можа атрымаць яшчэ больш грошай, калі ўдала выступіць ў восеньскім этапе Лізе канференцыяў. «Хатняй» арэнаю для «Дынама» стане стадыён у азербайджанскім Сумгаіце, бо праз санкцыі менскі клуб не мае права прымаць супернікаў на тэрыторыі Беларусі.
💬 «У маёй бабулі карані з Беларусі. І яна заўсёды падкрэслівае гэта, яна ўсё жыццё гэтым ганарылася»
Спявачка Манетачка ў адным з апошніх інтэрв'ю раздала беларусам нерэальную колькасць кампліментаў 🥰
І перадала прывітанне ад бабулі, якая ганарыцца сваім беларускім паходжаннем 👌
📍У Расеі Манетачка мае статус «иноагента». Яна пакінула РФ у 2022-м годзе, асудзіўшы ўварванне пуцінскіх войскаў ва Украіну.
😡 Беларусы ўжо больш за 500 дзён не маюць звестак пра 5 палітвязняў
Сярод іх: Віктар Бабарыка, Марыя Калеснікава, Мікалай Статкевіч, Ігар Лосік і Сяргей Ціханоўскі. Рэжым Лукашэнкі увесь гэты час трымае іх без сувязі з роднымі, што з'яўляецца катаваннем.
Дарэчы, 30 жніўня адзначаецца Міжнародны дзень ахвяраў гвалтоўных знікненняў. Ён быў зацверджаны ААН, якая раней прыняла адмысловую канвенцыю аб абароне гэтых асобаў. Беларусь канвенцыю не падпісала.
Нагадваем, яшчэ з 1999 года ў нашай краіне зніклі Юрый Захаранка, Віктар Ганчар, Анатоль Красоўскі і Дзмітрый Завадскі. Усе яны так ці інакш былі звязаныя з беларускай палітыкай.
#рэпрэсіі
🎤 Арганізатары Еўрабачання вызначыліся з горадам, дзе пройдзе наступны конкурс
Тое, што Еўрабачанне-2025 правядуць у Швейцарыі, стала зразумела пасля перамогі прадстаўніка гэтай краіны на папярэднім конкурсе ў траўні. Заставалася вызначыць горад.
🔍 Вось дзе ў выніку правядуць найпапулярнешы спеўны фэст кантыненту
😨 У ЗША арлана ўзяліся даследаваць ветэрынары, бо ён не мог узляцець. Высветлілася, што птушка з'ела янота
Арлана, які відавочна адчуваў сябе не вельмі добра і з нейкай прычыны не мог лётаць, пабачылі наведнікі парку Wilson's Creek National Battlefield у штаце Місуры. Спачатку былі падазрэнні, што птушка мае перабітае крыло альбо нейкае іншае пашкоджанне. Аднак усё аказалася не так празаічна.
Рэнтгенаўскі здымак паказаў, што арлан набраў лішнюю вагу, з'еўшы... янота. Ягоная неперавараная лапа ўсё яшчэ заставалася ў страўніку. Небарака-янот важыў так шмат, што проста не даваў арлану ўзляцець.
Пасля таго, як ветэрынары дагледзелі нацыянальную амерыканскую птушку і пераканаліся, што ёй больш нічога не пагражае, арлана вярнулі ў парк.
👴🏻 «Эра сямідзесяцігадовых кіраўнікоў скончылася»
Так заявіў Лукашэнка, прыходзячы да ўлады ў 94-м. Цяпер яму самому 70
Ужо тры дзесяцігоддзя ён трымае ўладу ў краіне, прайшоўшы шлях ад папуліста да чалавека, якога беларусы і цывілізаваны свет называюць узурпатарам і дыктатарам.
А з чаго ўсё пачыналася? Прыгадаем, як адносна малады палітык прывёў Беларусь да цяперашняга стану: ПА СПАСЫЛЦЫ
ЗСУ атакавалі дронамі аэрапорт і завод у Калуге
Аперацыя адбылася ў 300 кіламетрах ад мяжы з Украінай. Беспілотнікі нанеслі шкоду міжнароднаму аэрапорту і дасягнулі былога завода Volkswagen (з 2022 года там змяніўся ўласнік).
Паведамляецца, што ахвяр няма. Расейская СПА нібыта збіла ўсе дроны, аднак не абышлося без разбурэнняў. Таксама Мінабароны РФ заявіла, што атакі адбыліся ў Бранскай, Белгародскай і Калужскай абласцях, а таксама над анэксаваным Крымам.
📍Пракурор просіць пакараць былога намесніка міністра энергетыкі 6 гадамі ўзмоцненага рэжыму
Міхаілу Міхадзюку выставілі абвінавачванні ў карупцыйным злачынстве.
🔍 Вось які хабар, на думку следства, ён атрымаў
💥 #галоўнае за 29 жніўня
✔️Беларускія вынішчальнікі збілі Shahed над Гомельскай вобласцю. Імаверна, гэта адбылося ўпершыню
✔️Лукашэнка сабраў дзяржаўных прапагандыстаў, каб раздаць ім заданні перад «прэзідэнцкімі выбарамі»
✔️Беларускі плывец Ігар Бокі заваяваў залаты медаль на Паралімпійскіх гульнях у Парыжы
✔️Заканадаўчая пастка для беларускіх абітурыентаў у Польшчы. Разбіраліся ў праблеме
✔️Шведская міграцыёнка перагледзіць справы пра наданне прытулку беларусам
✔️Былы палітвязень расказаў у інтэрв'ю «Белсату» пра «фантастычныя» заробкі ў калоніі ды пра тое, як не «ссучыцца» ў няволі
✔️Падчас маштабнай ракетнай атакі 26 жніўня Украіна страціла адзін F-16 – пілот загінуў
✔️Жанчыны і дзеці Паўла Дурава: зазірнулі за кулісы жыцця заснавальніка Telegram
✔️Савет міністраў РБ дазволіў школьнікам часцей карыстацца грамадскім транспартам бясплатна
#рэпрэсіі:
▫️Сілавікі зладзілі рэйд на «Варшаўскім мосце»: затрыманыя каля 10 чалавек
▫️Затрымалі хлопца, які падчас пратэстаў-2020 частаваў мітынгоўцаў дранікамі
▫️ГУБАЗіК затрымаў мужчыну, якому закідаюць негатыўныя каментары пра расейскія ды беларускія ўлады ды публікацыю відэа са здзекамі з расейскіх палонных
🥇Беларускі плывец Ігар Бокі перамог у заплыве 100 метраў батэрфляем на Паралімпійскіх гульнях у Парыжы
Таксама на п'едэстале апынуліся спартоўцы з Францыі ды Іспаніі.
Для нарадзінца Бабруйску гэта ўжо 19-ты паралімпійскі медаль, прычым 16 ранейшых былі залатымі (цяперашні стаў 17-м).
Бокі выступае ў класе спаборніцтваў S13 (спартоўцы з дрэнным зрокам).
📍«Шпіянаж» і «Спрыянне экстрэмісцкай дзейнасці». У Берасці паводле гэтых артыкулаў судзілі грамадзяніна РФ, але пра сам працэс амаль нічога не вядома
Адзначым, што абвінавачванні ў «шпіянажы» ў Беларусі могуць быць выстаўленыя выключна замежным грамадзянам. З 2020 года паводле гэтага артыкулу асудзілі ўсяго трох чалавек.
🔍 Сабралі болей інфармацыі на нашай старонцы
📷 Фота ілюстрацыйнае
🤔 Дык пойдзе Лукашэнка на новыя выбары ці не?
У апошні час ад самаабвешчанага кіраўніка Беларусі было некалькі намёкаў на тое, што ён хоча пакінуць сваю пасаду і перадаць камусьці ўладу. Чаго вартая толькі публічна агучаная парада «звыкаць да таго, што будзе новы прэзідэнт».
Але ўчора ён сабраў прапагандыстаў, каб абмеркаваць той факт, што «мы хутка ўступаем у перадвыбарчую кампанію». А потым даў разумець, што не адмаўляецца ад ідэі балатавацца.
☝️З дапамогаю Франака Вячоркі і Сяргея Чалага паспрабавалі прааналізаваць, што ўсё гэта можа значыць
👴🏻 «За трыццаць год свайго жыцця не знаў другога бацькі я!»
Бюджэтнікі (хто на што здатны) віншуюць Лукашэнку з 70-гадовым юбілеем. Каментаваць тут асабліва няма чаго, глядзіце самі 💁🏻♂️
Удзельнічаць у гэтым фестывалі крынжу прымусілі нават дзяцей 🙄
🔹Пуцін паедзе ў краіну, дзе яго тэарэтычна могуць арыштаваць
Справа ў тым, што яна далучылася да Рымскага статуту і павінна прыслухоўвацца да рашэнняў Міжнароднага крымінальнага суду. Той летась выдаў ордэр на арышт расейскага прэзідэнта.
💁🏻♂️Аднак у рэальнасці Пуціну наўрад ці ёсць за што перажываць. Чытайце болей ПА СПАСЫЛЦЫ
🆘 Каб выбіць украінцаў з Курскай вобласці, Расея паклікала на дапамогу ПВК. Але не «Вагнэра»
Праўда, як і «вагнэраўцы», раней гэтыя найміты адточвалі сваё майстэрства ў Афрыцы, дзе адказвалі за бяспеку найвышэйшых асобаў адной дзяржавы.
🔍 Чытайце на нашым сайце, з якой менавіта краіны іх выцягнулі
📺 Навіны за 5 хвілін
🔻Беларускім вучням хочуць забараніць карыстацца тэлефонамі падчас перамены ⬆️
🔻Лукашэнка атрымаў ажно два ордэны на сваё 70-годдзе
🔻Дэмсілы заклікалі заходнія краіны не прызнаваць «прэзідэнцкія выбары» 2025 года ў Беларусі
🔻Марыя Калеснікава моцна схуднела за кратамі
🔻У лякарні ў Жыткавічах памерла немаўля
🔻Блокпасты ў Ваўкавыскім раёне: што варта ведаць мясцовым жыхарам?
🔻Беларуская амбасада ў Токіа папярэджвае беларусаў аб тайфуне «Шаньшань»
Глядзіце ў кароткім выданні навін на Белсаце 💻
💬 «Гэтыя контрсанкцыі найперш б’юць па спажыўцу, то бок па простых беларусах»
Савет міністраў нядаўна пашырыў пералік тавараў, якія забаронена ўвозіць для продажу ў Беларусі з «несяброўскіх» дзяржаваў.
👀 У нашым матэрыяле разбіраліся, колькі Еўразвяз зарабляў на гандлі гэтай прадукцыяй з РБ і якімі для каго будуць наступствы ад такога «сіметрычнага адказу».
💱 Курсы валютаў на 30 жніўня
Другі дзень запар долар таннее больш як на капейку. Расейскі рубель падрос у межах статыстычнай пагрэшнасці. Еўра сёння не гандляваўся.
#курсывалютаў
💁🏻♂️ Разабраныя квадрацыклы, рапс, адзенне і абутак. Беларуская мытня за тыдзень спыніла 9 спробаў незаконнага ўвозу тавараў з РФ
Нагадаем, што Беларусь і Расея яшчэ з 2010 года ўваходзяць у Мытны саюз, які ў тэорыі прадугледжвае наяўнасць мытнага кантролю толькі на сваіх «знешніх контурах».
🔍 Чытайце на старонцы
📍Еўракамісія пераконвае сербскія ўлады не экстрадаваць Андрэя Гнёта ў Беларусь
«Дэлегацыя Еўразвязу ў Бялградзе прысутнічала на судовым слуханні – і адразу звязалася з уладамі пасля вынясення рашэння Высокага суда. Мы давялі кіраўніцтву краіны пазіцыю ў дачыненні да справы спадара Гнёта і акрэслілі нашыя чаканні», – адзначыла прэзідэнтка Еўракамісіі Урсула фон дэр Ляен у лісце Святлане Ціханоўскай.
🔍 Чытайце больш пра судовую эпапею вакол Андрэя Гнёта на нашай старонцы
Лукашэнку прысудзілі вышэйшы ордэн Расеі — Андрэя Першазванага
Гэтая ўзнагарода выкарыстоўваецца яшчэ з царскіх часоў і ўручаецца тым, хто даказаў сваю вернасць і лаяльнасць Расеі.
На сайце Крамля гаворыцца, што Лукашэнка атрымаў яе «за выбітныя заслугі ў развіцці адносін паміж Расеяй і Беларуссю, а таксама ва ўмацаванні сяброўскіх сувязяў паміж расейскім і беларускім народамі».
Гэты ордэн можа быць падарункам Лукашэнку, які ў чаговы раз змяніў дату свайго дня народзінаў. Цяпер зноў 30 жніўня (з Мікалаем не супадае).
Марыя Калеснікава ў калоніі схуднела да 45 кг
Пра гэта распавяла сястра палітзняволенай Таццяна Хоміч выданню «Настоящее время»:
«Я ў шоку. Мы раней чулі, што яна вельмі худая, але зараз нават называюць такую лічбу, што Маша важыць 45 кг пры яе росце 1,75 м. Мне складана зразумець логіку, чаму гэта адбываецца.
Я разумею, чаму — магчыма, гэта ізаляцыя. Гэта такое псіхалагічнае ціск на Машу, ізаляцыя ад знешняга свету, каб яна думала, што пра яе ўсе забыліся. І ў той жа час, каб яна не магла, напэўна, перадаваць якія-небудзь навіны, нейкія вестачкі ад сябе, бо лічаць, што нават зараз Маша — гэта чалавек, які вельмі моцна натхняе людзей».
Паводле апошняй інфармацыі з калоніі, Калеснікавай з кастрычніка 2023 года не перадаюць лісты, «рвуць іх» на ейных вачах і «ўсяляк здзекуюцца» з яе.
Нагадаем, у студзені 2022 года Марыю прысудзілі 11 гадоў калоніі.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺Швецыя перагледзіць справы аб прытулку беларусаў
Зусім нядаўна стала вядома пра беларуса, які прыехаў у Швецыю разам з маці і папрасіў палітычнага прытулку. Яму адмовілі і дэпартавалі ў Беларусь, дзе яго адразу затрымалі. Аказваецца, гэта не адзіная гісторыя з адмовай у прытулку беларусам у Швецыі. Шведскія ўлады адрэагавалі на крытыку наконт гэтых спраў — чытайце ў матэрыяле.
🔺Лукашэнка рыхтуе прапаганду да «вайны» на выбарах
Самаабвешчаны сабраў вядомых прапагандыстаў і даў ім парады, як трэба агітаваць за яго (сам ён пакуль не заявіў пра ўдзел). Мы даведаліся, што было ў гэтым інструктажы.
🔺Мінімум пяць прызнаных дзяцей і сотні тысяч еўра аліментаў
Гэта ўсё датычыцца Паўла Дурава, які цяпер пад кантролем французскіх уладаў. За апошнія дні ўвага да стваральніка Telegram павялічылася ў разы па ўсім свеце, а таксама з'явіліся дзіўныя факты з ягонага жыцця. Сабралі самыя цікавыя.
😼 Гэты кот відавочна любіць гуляць на планшэце
Паглядзіце, на што часам здольныя гадаванцы 🫠
📽 Тры беларускія «дакументалкі» сабралі аншлаг у цэнтры Варшавы
Нашыя карэспандэнты наведалі сеансы, што адбыліся ў межах праграмы «Пад супольным небам». Паказы прайшлі ў дворыку на Foksal, 11 – па адрасе, добра знаёмым беларусам Варшавы, бо побач знаходзіцца Музей вольнай Беларусі.
👀 Чытайце рэпартаж ПА СПАСЫЛЦЫ