42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🍻 Купі піва, блаславёнае святаром — дапамажы адрамантаваць мячэць
Святар Эдгар Клара з Партугаліі прыдумаў спосаб зарабіць грошы, каб дапамагчы аднавіць стары будынак мячэці - вытворчасць блаславёнага піва.
Клара служыць у адной з найстарэйшых цэркваў Лісабона, побач з якой знаходзіцца старадаўняя мячэць, дзе, як кажуць, адбылася першая Імша пасля адваявання Лісабона крыжакамі.
🍺 Каб дапамагчы «аднавіць, папулярызаваць і выставіць на ўсеагульны агляд спадчыну гэтага будынка», святар запусціў вытворчасць піва ІРА пад назвай Santa Cruz.
Піва запраўленае кардамонам і блаславёнае непасрэдна святаром.
На аднаўленне алтароў мячэці Клара неабходна сабраць каля 2000 еўра.
Гэты ўкраінскі горад стаў сапраўднай зонай адчужэння
Жыхары Вуглядару кожны дзень літаральна слухаюць неба. У людзей няма вады, будынкі разбураны, у небе лётаюць дроны, а загінулых хаваюць проста ў дварах.
Нашыя калегі з @vottaktv пабывалі ў горадзе на лініі фронту.
«Дзеці ідуць у школу і фатаграфуюць руіны. Гэта страшна»
Беларуская рэжысёрка Ксенія Галубовіч, якая апынулася ў Львове, распавяла пра атмасферу ў горадзе пасля расейскага абстрэлу.
📺 Навіны за 5 хвілін
🔻Яшчэ 30 палітвязняў выйдуць на волю.
🔻«Беларускі Гаюн»: у Беларусь заляцелі расейскія беспілотнікі.
🔻У жаночы інтэрнат у Лоеве засялілі спецназ.
🔻Стала вядома, дзе цяпер працуе Раман Пратасевіч.
🔻Украіна хоча выйсці з 14-ці пагадненняў з Беларуссю.
Цалкам глядзіце ў кароткім выданні навінаў на Белсаце.
◾️Ад сённяшняй расейскай атакі па Львову загінула амаль ўся сям'я
Застаўся ў жывых толькі бацька Яраслаў. Жонка Яўгенія і тры дачкі (Ярына, Дар'я і Эмілія) памёрлі ў сваім доме.
«Не ведаю, якімі словамі падтрымаць Яраслава. Сёння мы ўсе з вамі. Шчырыя спачуванні і светлая памяць», – напісаў мэр Львова.
«Паліна пасылае нам сігнал SOS, каб мы білі трывогу»
Муж палітзняволенай Паліны Шарэнды-Панасюк распавёў «Белсату» падрабязнасці пра яе стан здароўя
Паводле яго, час ідзе не на месяцы, а на тыдні.
💱 Долар і еўра патаннелі, а расейскі рубель падаражэў
Такія курсы валютаў у Беларусі на 4 верасня.
#курсывалютаў
🫥 «Апускаецца жалезная заслона паміж беларусамі і краінамі ЕЗ»
Паводле даследавання «Chatham House», у Беларусі вельмі мала прыхільнікаў еўраінтэграцыі, а 34% нашых землякоў выступаюць за інтэграцыю з Расеяй.
Чаму беларусы аддаляюцца ад ЕЗ, глядзіце ў нашым відэа ⬆️
А Больш падрабязна пра вынікі даследавання чытайце на нашай старонцы (праз VPN)
❤️ Усе грошы з Марафону Салідарнасці размеркаванныя на дапамогу палітвязням
Стала вядома, што 13 фондаў паспяхова прайшлі аўдыт. Гэта азначае, што ўсе грошы, якія данацілі беларусы, адпраўлены рэпрэсаваным. Неўзабаве будзе апублікаваная поўная справаздача.
Нагадваем, падчас Марафону Салідарнасці, усяго за два дні, было сабрана 545 740,22 еўраў.
💥Ужо ў хуткім часе будзе абвешчаная дата новага Марафону Салідарнасці. Сачыце за навінамі на нашым канале.
📞 У Літве беларусам сталі паступаць званкі з пытаннямі пра сувязь з дэмакратычнымі сіламі
Тэлефануе суайчыннікам нібыта літоўскі Дэпартамент міграцыі. Дзяржбяспека Літвы назвала такія званкі ілжывымі і просіць не рэагаваць на іх.
«Калі вы сутыкнуліся з падобнымі выпадкамі, просім паведаміць пра гэта ў Дэпартамент дзяржаўнай бяспекі па тэлефоне +370 700 70 007 ці па электроннай пошце pranesk@vsd.lt», — раіць ведамства.
Хто менавіта можа займацца такімі званкамі, спецслужбы Літвы не пракаментавалі.
КДБ зранку аднавіла спіс асобаў, «дачыненных да тэрарызму»
Да злачынцаў узроўню ІГІЛ і «Аль-Каіды» дадалі яшчэ 12 прозвішчаў беларусаў. Цяпер у гэтым спісе 1158 чалавек (амаль палова — грамадзяне нашай краіны).
Сярод новых асобаў у спісе: Лазарэвіч Уладзімір, Блізнец Аляксандр, Максімовіч Аляксандр, Зайкоў Андрэй, Мірэйчык Андрэй, Судзілоўская Анастасія, Цімашчук Алена, Сауцін Павел, Субцельны Андрэй, Наумаў Сяргей, Германовіч Яўген, Валадзько Анатоль.
Кіраўнік МЗС Украіны плануе сысці з пасады
Адпаведную заяву Дзмітрый Кулеба накіраваў у Вярхоўную Раду. Паводле спікера парламенту Украіны, заява будзе разгледжана на адным з бліжэйшых пленарных пасяджэнняў.
Акрамя таго, стала вядома, што ўчора некалькі міністраў таксама падалі заявы аб адстаўцы.
Добрай серады, сябры!
Гэта дастаўка ранішняй прэсы. Сабралі найбольш цікавыя матэрыялы «Белсату», якія вы маглі прапусціць:
🔸«Сын так пазяхаў, ледзь сківіцу не звіхнуў»
Бацькі расказалі пра ўражанні дзяцей ад школьных лінеек.
🔸Аляксей Кузьміч: «Мне не блізкія мастакі, якія займаюцца нацыяналізмам у мастацтве»
Мастак-акцыяніст Аляксей Кузьміч, які так і не адкапаў Ван Гога, каб пахаваць сябе, распавядае ў інтэрв'ю «Белсату», чаму сышоў з закрыцця выставы, прысвечанай Алесю Пушкіну, і чаму смерць Пушкіна ў беларускай турме не стала творам мастацтва.
🔸«Пад пагрозаю ўся архітэктура міжнароднага правасуддзя»
Чаму Манголія не арыштавала Пуціна?
#штопачытаць
#рэпрэсіі Асноўнае за 3 верасня
🔻 Больш за тры дзясяткі чалавек судзяць паводле «народнага» артыкулу на гэтым тыдні
🔻 У Наваполацкай калоніі знішчаюць асабістыя рэчы асуджаных праз недахоп месца на складах
🔻 У Акадэміі навук супрацоўнікам абмяжуюць доступ у інтэрнет
🔻 Пачынаецца суд над затрыманай падчас рэйду за салідарнасць з палітвязнямі
🔻 На Віцебшчыне ўчора па палітычных матывах асудзілі не менш за 8 чалавек
🔻 Чарговае затрыманне за пратэсты
🔻 У Бярозаўцы затрымалі дырэктарку бара «Столе»
🔻Затрымалі сямейную пару з Кобрына за ўдзел у пратэстах у 2020 годзе
✊ «Мы выходзім на поле бою не са зброяй у руках, а з нашым голасам. Мой голас не забаронены!»
Афганскія жанчыны публікуюць у сацсетках відэа, на якіх яны спяваюць на знак пратэсту супраць законаў руху «Талібан», якія забараняюць жанчынам спяваць і гаварыць на публіцы, піша The Guardian.
🤦♀️ У канцы мінулага месяца рух «Талібан» апублікаваў новыя абмежаванні, накіраваныя на «барацьбу з заганай і прапаганду цноты». Дакумент у тым ліку прадугледжвае забарону жанчынам спяваць і чытаць услых на публіцы, глядзець на мужчын, якія не з'яўляюцца іх крэўнымі крэўнымі сваякамі або мужамі і абавязвае насіць на публіцы шчыльную вопратку, якая цалкам закрывае цела і твар.
Рэжым плануе правесці яшчэ адну камісію па памілаванні палітвязняў
Па гэта прапагандыстам заявіў генпракурор Андрэй Швед. Паводле яго, плануецца разгледзіць «дастаткова шмат» заяваў. Таксама чыноўнік пракаментаваў і сённяшняе вызваленне палітвязняў:
«Мы ўлічылі той факт, што ўсе гэтыя асобы не здзяйснялі гвалтоўнае злачынства супраць прадстаўнікоў улады. Яны былі асуджаныя ў асноўным за абразу і паклёп у інтэрнэт-прасторы», – сказаў Швед.
Наконт наступнай камісіі ён заявіў, што «асобы ўжо падалі хадайніцтвы пра памілаванне, прызналі віну, шчыра раскаяліся і далі абяцанне весці правапаслухмяны лад жыцця».
🙏 Беларускі культурніцкі праект просіць аб падтрымцы
Вядомыя беларускія акторы плануюць ствараюць сапраўдны эксперымент — пастаноўку прытчы-казкі па матывах твора Уладзіміра Арлова «Ордэн Белай Мышы». Гэта будзе незвычайны спектакаль з гумарам, самаіроніяй і размовамі пра сябе і ўладу.
Каманда праекту, у склад якой уваходзяць купалаўцы, рэжысёры і мастакі, плануе паказаць спектакль больш за 10 разоў у Варшаве і іншых польскіх гарадах, а таксама выехаць на гастролі па Еўропе. Дзеля гэтага яны просяць грашовай дапамогі.
Як падтрымаць праект і якія бонусы можна атрымаць ад данатаў — ПА СПАСЫЛЦЫ.
Палітвязню Максіму Знаку споўнілася за кратамі 43 гады
Гэта ўжо ягоны чацвёрты дзень народзінаў у зняволенні.
Нагадваем, Максіма Знака, адваката і юрыста перадвыбарчага штабу Бабарыкі затрымалі 9 верасня 2020 года. У верасні 2021-га яго пакаралі 10-ю гадамі калоніі ўзмоцненага рэжыму за выкананне сваіх прафесійных абавязкаў.
Дарэчы, Максім вядомы не толькі юрыдычнай дзейнасцю, але і як музыка і пісьменнік. Сабралі цікавыя факты пра палітвязня ПА СПАСЫЛЦЫ (праз VPN)
🤔 Што хоча сказаць Лукашэнка вызваленнем палітвязняў?
Сёння самаабвешчаны выпусціў на волю 30 беларусаў, асуджаных па палітычных матывах. Столькі ж вызвалілі і 16 жніўня. Навошта яму адпускаць людзей дзясяткамі?
Паводле Андрэя Стрыжака, гэта накіравана на тых, хто на Захадзе спрабуе абяліць беларускі рэжым. Хто яны і якая іх мэта — чытайце ПА СПАСЫЛЦЫ (праз VPN)
😡 Невядомыя разбілі шкло ў Беларускім цэнтры ў Вільні
Як кажа дырэктарка цэнтру, гэта можа быць правакацыяй, каб пасварыць беларусаў з літоўскай грамадскасцю:
«Версія ў мяне адна — што гэта расейская ФСБ ці беларускі КДБ прыклаў руку. Хочуць паказаць, што нібыта паміж беларусамі і літоўцамі ёсць нейкая напружанасць. Хаця насамрэч яе няма»
Цэнтр беларускай супольнасці і культуры — арганізацыя беларусаў у Вільні, якая аказвае псіхалагічную дапамогу беларусам, якія пацярпелі ад рэпрэсій. Таксама ў цэнтры ёсць нядзельная школа для беларускіх дзяцей.
18-гадовага беларуса асудзілі за ўхіленне ад тэрміновай службы
На судзе хлопец агучыў сваю прычыну не ісці ў войска і яна вас здзівіць. Гэта зусім не тое, пра што вы падумалі.
Як апраўдваўся беларус, чытайце ПА СПАСЫЛЦЫ (праз VPN)
Стан здароўя Паліны Шарэнды-Панасюк рэзка пагоршыўся
Пра гэта напісаў муж палітзняволенай, атрымаўшы навіны з Беларусі.
«Яна пакутуе ад рэзкіх боляў збоку жывата, якія аддаюць у спіне. Патрэбную медыцынскую дапамогу Паліне не аказваюць, даюць толькі абязбольваючыя. Нам вядомы толькі яе дыягназ — хранічны панкрэатыт. Ва ўмовах, якіх утрымліваюць Паліну, гэта проста адтэрмінаваны смяротны прысуд».
Паводле ейнага мужа Андрэя, жанчыну этапавалі у ІЧУ Рэчыцы для правядзення «следчых дзеянняў».
«Умовы ў рэчыцкім ІЧУ нават горшыя за камеры ШІЗА ў калоніі. Там не выдаюць матрацаў, у камерах адсутнічаюць прыбіральня, і вельмі шмат клапоў. Спаць прыходзіцца на падлозе. У мінулым годзе Паліну таксама трымалі там некалькі тыдняў. Тады яна аб'яўляла галадоўку».
Андрэй Шарэнда нагадвае, што беларуска павінна была выйсці на волю ўжо два з паловай гады таму. За час зняволення яна правяла ў жахлівых умовах штрафнога ізалятара і карцара больш 350 дзён.
#рэпрэсіі
❗️Памілаваны яшчэ 30 палітвязняў
Паводле прапагандыстаў, падпісаны ўказ аб памілаванні 30 «асуджаных за злачынствы пратэстнай накіраванасці»
Паведамляецца, што сярод памілаваных — 7 жанчын і 23 мужчыны. Большасць асуджаных з'яўляюцца бацькамі непаўналетніх і малалетніх дзяцей.
❗️У Беларусь зноў мог заляцець расейскі дрон-«Шахед»
UPD: «Беларускі Гаюн» сцвярджае, што было 4 беспілотніка
Паводле ЗСУ, сёння ноччу ўкраінскае СПА знішчыла 22 расейскіх беспілотніка, але адзін заляцеў у Беларусь. Выданне «Флагшток» таксама піша, што раніцай над Гомельшчынай лёталі беларускія знішчальнікі.
Нагадваем, 29 жніўна ў небе над Беларуссю быў упершыню знішчаны расейскі «Шахед».
🫣 Яшчэ адна прафесія ў Беларусі атрымала адзіную форму
Гэта не супрацоўнікі пошты і не правадніцы. Цяпер так будуць выглядаць педагогі ў гімназіі Маладзечна.
«На адным з пасяджэнняў я падзялілася з калегамі ідэяй набыць беларускую тканіну і пашыць для ўсіх аднастайную форму: дзелавы касцюм у адным колеры. Калектыў ідэю адобрыў», — распавяла дырэктарка гімназіі Анжэліка Хандецкая.
Мясцовая газета выклала ў TikTok відэа з фатаграфіямі новай формы. Каментар «Спачуваю ім» атрымаў 1,1 тысячы лайкаў.
🇺🇦Украіна выходзіць з некаторых пагадненняў з Беларуссю
Паведамляецца, што краіна мае намер адмовіцца ад 14 дамоваў у вайсковай, медыцынскай, эканамічнай і іншых сферах, якія былі заключаныя з Беларуссю, Расеяй і СНД.
«Практычная супраца з Расеяй і Беларуссю даўно спынена. Але важна таксама юрыдычна адключыць гэтыя сотні правадоў, якімі наша дзяржава была далучана да Масквы і краін СНД», — пракаментаваў рашэнне Дзмітрый Кулеба.
Таксама Украіна выключае 50-метровы ўчастак мяжы з Беларуссю з Чарнобыльскай зоны адчужэння.
«Рэалізацыя гэтага акту дазволіць Дзяржаўнай памежнай службе Украіны забяспечыць належную ахову і абарону ўкраінска-беларускай мяжы і выкананне яго рэжыму», — заявілі ў МУС Украіны.
🔺Раніцою Расея абстраляла Львоў. Пацярпела больш за 20 чалавек
Пра гэта паведаміў кіраўнік Львоўскай вобласці Максім Казіцкі.
У выніку абстрэлы загінула 5 чалавек (паводле папярэдняй інфармацыі, двое з іх - дзеці), яшчэ 25 атрымалі раненні, сярод іх - 5 дзяцей.
📸Фота: Суспільне Львів/Іванна Дусько
💥 #галоўнае за 3 верасня
✔️ У Манголіі Пуціна не арыштавалі, а сустрэлі чырвонай дарожкай
✔️ Амерыканскія расследвальнікі выявілі імавернае месца разгортвання новай расейскай ядравай ракеты
✔️ У Беларусі ІП больш не змогуць займацца арганізацыяй культурна-відовішчных мерапрыемстваў
✔️ Іранскаму блогеру прысудзілі 12 гадоў турмы за твіт з адной кропкай
✔️ Куды коціцца беларуская адукацыя
✔️ Расея ўдарыла па Палтаве
✔️ Хтосьці распрадае маёмасць BYPOL. Арганізацыя дала афіцыйны адказ
✔️ Новае даследаванне: беларусы не хочуць жыць, як у Еўропе і не лічаць сябе «заходнімі»
✔️ Кыргызстан робіць больш жорсткімі правілы знаходжання для беларусаў
✔️ Для беларусаў стварылі віртуальнага адваката
✔️ Бацькі падзяліліся ўражаннямі дзяцей пасля лінеек
«Капаў магілу і канцэнтраваўся толькі на гэтым. Клікаў Ван Гога і прасіў, каб мастак падняўся…»
Аляксей Кузьміч - мастак-акцыяніст, які так і не адкапаў Ван Гога, каб пахаваць сябе.
У інтэрв'ю «Белсату» ён распавёў, чаму не любіць мастакоў, «якія займаюцца нацыяналізмам у мастацтве», чаму сышоў з закрыцця выставы, прысвечанай Алесю Пушкіну, і чаму смерць Пушкіна ў беларускай турме не стала творам мастацтва.
👉 Чытаць інтэрв’ю тут
🤯 Ня ўсім супрацоўнікам Акадэміі Навук можна будзе карыстацца інтэрнэтам на працы
Па паручэнні старшыні прэзідыума НАН Уладзіміра Гусакова ўжо рыхтуць спісы «абраных» і не вельмі.
Фрагмент дакумента апублікаваў у сваім тэлеграм-канале вядомы беларускі навуковец-хімік Сяргей Бесараб.
🫤 Для навукоўцаў, якія з’ехалі таксама рыхтуюць змены. Іх хочуць пазбавіць званняў акадэмікаў і членаў-карэспандэнтаў. Гусакоў ужо даручыў распрацаваць і ўнесці дапаўненні ў Статут НАН, якія б прадугледжвалі такую магчымасць.