42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Шайгу распавёў, чаму Расея не можа пайсці на перамовы з Украінай
«Пакуль мы не выкінем іх [ЗСУ] з нашай тэрыторыі, мы, натуральна, ні пра якія перамовы з імі гаварыць не будзем», — сказаў Шайгу ў інтэрв'ю расейскім прапагандыстам.
Паводле экс-кіраўніка мінабароны, у ЗСУ нібыта было «жаданне захапіць Курскую атамную станцыю», каб «ажыццявіць ядзерны тэрор», але ў іх не атрымалася.
Таксама чыноўнік сцвярджае, што была прапанова Украіна да Расеі спыніць удары па інфраструктуры, атамнай энергетыцы і суднаходстве. Пуцін, быццам, пагадзіўся, але пасля ўкраінскі бок страціў цікавасць да перамоваў і пачаў аперацыю ў Курскай вобласці.
Прэс-сакратар Дзмітрый Пяскоў адрэагаваў на гэтае выказванне Шайгу і адзначыў, што «ніякіх дакладных дамоўленасцей не было».
Задайце пытанні героям нашага наступнага выдання!
А мы праверым іхныя адказы на дэтэктары хлусні.
Паліграф у праграме «Шчыра кажучы» будуць праходзіць спікер Каардынацыйнай рады, палітолаг Андрэй Ягораў і кіраўніца ініцыятывы «Честные люди» Алена Жываглод.
Чакаем вашых пытанняў на электронны адрас: scyrakazucy@proton.me
🤡 Вось так цяпер агітуюць галасаваць за Лукашэнку
«Вам может нравиться Александр Григорьевич, вам может не нравиться. С точки зрения политики и особенностей экономики это совершенно вторично»
Паслухайце, як прапагандысты прымушаюць моладзь выбіраць самаабвешчанага на акцыі «Беларусь адзiная» 9 верасня ў менскім Палацы спорту. Таксама школьнікаў і студэнтаў заклікалі весці працу ў сваіх сацсетках.
🥲 Ідэолаг Мінабароны заявіў, што Захад шпіёніць у Беларусі праз пакемонаў
Калі дакладней, праз гульню Pokemon GO. Паводле вайскоўца, дадатак нібыта дапамагаў збіраць звесткі пра авіябазу ў Мачулішчах.
«Гадоў дзесяць таму Pokemon GO была вельмі папулярная. Уключаеш камеру, дапоўненая рэальнасць, і шукаеш нейкіх пакемонаў. Дзе было больш за ўсё пакемонаў у той час?
На тэрыторыі 50-й авіяцыйнай базы, дзе ўзлётна-пасадачная паласа, дзе шмат ваеннай тэхнікі. Ці гэта не разведвальная інфармацыя?»
Колькі менавіта было пакемонаў на авіябазе, ідэолаг не пракаментаваў.
🫥 «Грузія адмовіла ў прытулку майму шасцігадоваму сыну»
Беларускай спартоўцы Марыне Зялёнай і ейнаму маленькаму сыну, у якога скончыўся пашпарт, адмовілі ў палітычным прытулку ў Грузіі з фармулёўкай: «вы адпавядае крытэрам Жэнеўскай канвенцыі аб правах уцекачоў, але не падыходзіце з пункту гледжання Службы дзяржаўнай бяспекі Грузіі».
Гэты выпадак у Грузіі не адзіны нядаўна Грузія адмовіла ў прытулку праваабаронцу Раману Кісляку. Паразмаўлялі з імі пра становішча беларусаў у Грузіі.
Пачытайце (з Беларусі - праз VPN)!
💥 #галоўнае за 9 верасня
✔️ Дзяржсакратар Савета бяспекі Аляксандр Вальфовіч заявіў, што ля мяжы з Украінай знаходзіцца 4,4 тысячы беларускіх вайскоўцаў
✔️ Лукашэнка чакае «значнага прагрэсу» ў адносінах з Паўночнай Карэяй
✔️ Беларусы старэйшыя за 60 гадоў могуць падаць дакументы на польскую гасцявую візу без папярэдняй рэгістрацыі
✔️ Паўднёвая Карэя афіцыйна пашырыла пералік абмежаванняў на экспарт у Беларусь і РФ
✔️ Раману Пратасевічу адмянілі штраф у 24, 5 мільёна рублёў, дзякуючы чаму ён змог паляцець у Дубаі
✔️ Польскія службы выявілі кібер-групу, якая працавала на інтарэсы беларускіх і расейскіх уладаў
✔️ Улады Літвы распрацуюць Нацыянальны план масавай эвакуацыі насельніцтва
✔️ Хто ён, імаверны пераемнік Лукашэнкі?
✔️ Цяпер можна будзе заражаць свой смартфон ад капелюша
✔️ Серыял «Працэсы» стаў фіналістам італьянскага фестывалю «Prix Italia»
✔️ 9 верасня 2001 адбыліся першыя выбары прэзідэнта пры Лукашэнку. Узгадваем, як гэта было
👰♀️ Што можа здарыцца, калі тваё вяселле супадае са святам горада?
Паглядзіце ў нашым відэа ☝️
♟ Адзіны кандыдат з апазіцыі і абнародаваны кампрамат на дыктатара
9 верасня 2001 адбыліся першыя выбары прэзідэнта пры Лукашэнку.
Узгадваем, як гэта было ☝️
🔴 «Аб’ектыў» – галоўныя падзеі дня!
У сённяшнім выданні:
🔸 Дзяржсакратар Савету бяспекі Аляксандр Вальфовіч распавёў сваю версію падзеяў на беларуска-украінскай мяжы
🔸 У Польшчы спынілі дзейнасць дыверсійнай групы, якая здзяйсняла кібератакі на польскую інфраструктуру з тэрыторыі Беларусі
🔸 Лукашэнка павіншаваў Кім Чэн Іна з Днём утварэння КНДР і выказаў спадзеў на супрацу ў сферы эканомікі. Ці ёсць на што спадзявацца?
🔸 Кіберпартызаны атрымалі дакументы аб выдатках на стварэнне хостынгу «videobel.bу». На што выдаткуюць мільёны і ці будзе гэта эфектыўна
🔸 Беларусь акутала дымам ад лясных пажараў
Далучайцеся да эфіру ⤵️
🤔 З міністраў у пастаўшчыкі медабсталявання?
Магчыма такі кар’ерны рост здарыўся ў былога міністра аховы здароўя Дзмітрыя Піневіча.
Некаторы час «прапаў з радараў», а цяпер зноў аб’явіўся ў Беларусі, сцвярджае тэлеграм-канал медыкаў «Белые халаты»:
«Да нас трапіла непацверджаная інфармацыя пра тое, што экс-міністр аховы здароўя Дзмітрый Піневіч вярнуўся ў Беларусь і стаў займацца пастаўкай медычнага абсталявання»
🥳 Серыял «Працэсы» стаў фіналістам італьянскага фестывалю «Prix Italia»
1–4 кастрычніка ў Турыне наш серыял «Працэсы» пазмагаецца за галоўны прыз у катэгорыі «Digital fiction».
«Prix Italia» – адзін з самых прэстыжных міжнародных фестываляў у сферы радыё, кіно, тэлебачання і інтэрнэту. У свой час прызы на ім атрымлівалі Фэдэрыка Фэлліні і Іньмар Бергман.
📺 Навіны за 5 хвілін
✔️Радыёактыўны смог над Гомельшчынай?
✔️Літвы плануе ўзмацніць паветраную абарону краінаў Балтыі
✔️Польшча можа ўвесці персанальныя санкцыі за міграцыйны крызіс
✔️Лукашыстку судзяць пасля сустрэчы з Кубраковым
✔️У Аршанскім раёне трапілі пад суд 27 кіраўнікоў навучальных установаў
✔️У беларускія ВНУ на бюджэт не дабралі мінімум 500 асобаў
✔️У Беларусі пройдуць супольныя з Расеяй вайсковыя вучэнні
Глядзіце ў кароткім выданні навін на Белсаце 💻
🥴 Гэты чыноўнік - імаверны пераемнік Лукашэнкі
Гаворка пра Дзмітрыя Крутога, кіраўніка адміністрацыі Лукашэнкі. Чыноўнік упарта і мэтанакіравана ўскараскаўся па вертыкалі ажно да пасады ледзьве не другой асобы ў краіне.
Распавядаем, што пра яго вядома. Паглядзіце!
🤔 Раману Пратасевічу адмянілі штраф у 24, 5 мільёна рублёў, дзякуючы чаму ён змог паляцець у Дубаі
Пра гэта ён паведаміў прапагандыстам Людміле Гладкай і Канстанціну Прыдыбайла падчас іх сумеснага стрыму.
Раман Пратасевіч разам з жонкай паляцеў у Дубай. На стрыме прапагандысты яго спыталі, як яму ўдалося выехаць з Беларусі.
«Я яшчэ некаторы час таму падаў апеляцыю і мне адмянілі гэты штраф. Усё сумленна, усё законна. Гэта была афіцыйная працэдура, гэта была апеляцыя, гэта былі асобныя судовыя пасяджэнні. Ну і я, як мне здаецца, прывёў дастатковую колькасць аргументаў для таго, каб вось гэты вось велізарны, нават астранамічны штраф адмянілі»
💲 Курсы валютаў на 9 верасня
Усе валюты страцілі пазіцыі.
#курсывалютаў
🤦♀️Два мільёны долараў за 3000 наведнікаў і відэа з Азаронкам
Менавіта столькі ўлады збіраюцца выдаткаванаць на стварэнне відэахостынгу «videobel.bу», гаворыцца ў раследаванні Кіберпартызанаў. Чыноўнікі ўжо называюць новы сервіс беларускім YouTube.
Навошта ён патрэбны ўладам і ці азначае гэта, што сапраўдны YouTube заблакуюць? Разбіраемся ў нашым сюжэце.
Уладзімір Зяленскі плануе спыніць вайну ўжо гэтай восенню
«Я пабудаваў план, зыходзячы з таго, што ён можа стаць рэальнасцю дзякуючы нашым партнёрам, а не дзякуючы волі або адсутнасці волі Расейскай Федэрацыі», — каментуе Прэзідэнт Украіны
Які гэта дакладна план — не паведамляецца, але вось што вядома пра яго:
🔸Паводле плану, вайна можа скончыцца гэтай восенню, калі саюзнікі Украіны акажуць дастатковы ціск на Крэмль
🔸Адзін з ключавых элементаў – аперацыя ў Курскай вобласці, дзе Кіеў цяпер кантралюе каля 1300 квадратных кіламетраў.
🔸План утрымлівае эканамічныя прапановы і вызначае ролю Кіева ў міжнароднай архітэктуры бяспекі.
🔸У дакуменце прапісаны захады, якія павінна прыняць Расея для спынення агрэсіі.
🔸У дадатак да плану, Украіна рыхтуе другі саміт міру на канец года, на які можа быць запрошана Расея (дзеля міжнароднага ціску).
🔸Зяленскі перадасць план заходнім партнёрам ужо ў верасні.
Яна хваліла кожны выступ Лукашэнкі, а цяпер яе судзяць
Інна Галубкова кіравала праўладным саюзам жанчын у Талачынскім раёне. Жанчына ўдзельнічала ў ВНС, ладзіла «дыялогавыя пляцоўкі», дзе неаднаразова адзначала мудрасць Лукашэнкі. Але гэта яе не выратавала.
У пачатку года яе затрымалі за хабар — 3000 рублёў. Цяпер жанчыну абвінавачваюць паводле двух артыкулаў: «атрыманне хабару ў буйным памеры» і «перавышэнне паўнамоцтваў». Інне могуць прызначыць да 15 гадоў калоніі.
Больш за 140 беспілотнікаў уначы атакавалі Расею
Толькі пад Масквой былі збітыя 14 дронаў, — заяўляе Мінабароны РФ. Найбольшая атака адбылася ў Бранскай вобласці — 72 БПЛА.
Вядома пра загінулую жанчыну, пацярпелых і шматлікія разбурэнні.
Таксама расейскія дроны ноччу спрабавалі атакаваць Кіеў, але былі цалкам знішчаны СПА. Паветраная трывога доўжылася амаль 2 гадзіны.
Дабрыдзень, сябры!
Не ведаеце, што пачытаць раніцою? Сабралі для вас найбольш цікавыя матэрыялы «Белсату», якія вы маглі прапусціць:
🔹Дроны-камікадзэ ў мірным небе
Апошнім часам ледзь не штодня маніторынгавыя каналы пішуць пра беспілотнікі ў беларускім небе. Вайна аказалася бліжэй, чым падавалася. Як беларусам бараніцца?
🔹«Сітуацыя застаецца напружанай»
Продаж месцаў у чарзе, «улезуны», содні чакання: што адбываецца на мяжы?
🔹«Вярнуўся ў Беларусь і стаў займацца пастаўкай медычнага абсталявання»
Экс-міністр аховы здароўя Дзмітрый Піневіч пачаў займацца пастаўкамі медабсталявання?
#штопачытаць
#рэпрэсіі Асноўнае за 9 верасня
🔻 Прыхільніцу Лукашэнкі будуць судзіць паводле трох «пратэставых» артыкулаў пасля прыёму ў Кубракова
🔻 Улады хочуць прызнаць фікцыйнай угоду аб продажы маёмасці палітэмігранткі
🔻 Родныя не маюць звестак пра палітвязня Сяргея Ціханоўскага ўжо цягам 550 дзён
🔻 У Бярозе за ўдзел у пратэстах у калонію адправілі яшчэ чатырох чалавек
🔻 Актывістку сёння пачынаюць судзіць за салідарнасць з палітвязнямі
🔻 Папаўненне «спісу экстрэмістаў»
🔻 У Берасці яшчэ 10 чалавек пачалі судзіць за пратэсты 2020-га
🔻 У Краснаполле за «паклёп на Лукашэнку» судзяць супрацоўніка лясгасу
🔻 Былую палітзняволеную з Гродна пачалі паўторна судзіць па двух крымінальных артыкулах
🔻 Менчука затрымалі за ўдзел у паслявыбарчых акцыях пратэсту
🔻 У Горадні распачаўся чарговы суд за салідарнасць з палітвязнямі
🔻 Жыхара Чэрыкава асудзілі на 1,5 года калоніі за «паклёп» на Лукашэнку
🔻 На былога палітвязня завялі чарговую крымінальную справу за інтэрв’ю «Белсату»
🥴 «З улікам таго, што гэтую павязку (бчб) насілі паліцаі, гэта пазорны кусок…»
Блогер Андрэй Павук патэлефанаваў Віталю Леановічу, грамадскаму дзячу і чальцу «Патрыётаў Беларусі».
Калі вы хочаце пачуць пра «сапраўдную» гісторыю Беларусі, то варта паглядзець гэтую эпічную размову.
👉 Глядзець тут
😢 Родныя не маюць звестак пра палітвязня Сяргея Ціханоўскага ўжо цягам 550 дзён
Пра гэта ў сваім тэлеграм-канале напісала Святлана Ціханоўская:
«550 дзён без навінаў ад Сяргея. 550 дзён я не ведаю, ці бачыць ён лісты з малюнкамі ад Агніі і Карнея, якія штодня чакаюць тату. Гэты доўгі час без вестак ад яго цягнецца, як адзін бясконцы і балючы дзень»
🎩 Цяпер вы зможаце заражаць свой смартфон ад…капелюша
Незвычайны галаўны ўбор Power Hat прадставіла на галоўнай еўрапейскай выставе электронікі IFA 2024 кампанія EcoFlow.
Капялюш з гнуткімі сонечнымі панэлямі дазваляе зараджаць смартфоны і іншыя гаджэты. Распрацоўшчыкі сцвярджаюць, што Power Hat можа зарадзіць смартфон з акумулятарам ёмістасцю 4000 мАг «усяго за 3-4 гадзіны». Для гэтага на ніжняй задняй частцы палёў ўсталяваныя парты USB-A і USB-C.
Power Hat мае клас абароны IP65 і вельмі лёгкі - каля 400 грамаў. Каштуе ноў хаў 129 долараў ЗША.
🔥 Беларусы выбралі саўндтрэк беларускага лета – 2024
Ім стала песня «Мама» ад гурта Naviband. Трэк набраў найбольшую колькасць галасоў.
На другім месцы гурт Nochy і яго супольны з Leibonik трэк «Бяда». На трэцім — Višniovy tort з песняй «Zima».
Галасаванне за самы круты летні хіт ладзілі платформа «Новая Беларусь» і аўтар YouTube-канала «Міністэрства сепультуры» Аляксандр Чарнуха.
🎧 Паслухаць увесь летні плэйліст можна на YouTube і ў Spotify.
🇱🇹 Улады Літвы распрацуюць Нацыянальны план масавай эвакуацыі насельніцтва
Яго плануецца падрыхтаваць да пачатку кастрычніка, паведаміла кіраўнік літоўскага МУС Агне Білатайтэ.
«Вайна супраць Украіны працягваецца, краіны нашага рэгіёну падвяргаюцца гібрыдным і дэзынфармацыйным нападам, а дыверсіі – гэта наша новая рэальнасць. Важна адзначыць, што мы знаходзімся на перадавой пазіцыі, таму сёння грамадзянская абарона стала прыярытэтам»
Праца над планам будзе весціся сумесна з Латвіяй і Эстоніяй. На гэтыя мэты краіны будуць запытваць фінансаванне ў Еўрасаюза.
📌 Расейскі беспілотнік, які заляцеў у суботу ў Латвію з Беларусі, быў дронам тыпу «шагэд», абсталяваны выбухоўкай
Пра гэта на прэс-канферэнцыі ў Рызе абвясціла кіраўніцтва латвійскай арміі, паведамляе BBC News | Русская служба.
Латвійскія вайскоўцы мяркуюць, што «шахед» заляцеў у Латвію выпадкова.
Таксама паведамляецца, што беспілотнік упаў у поле на адлегласці ад населеных пунктаў.
📌 Польскія службы выявілі кібер-групу, якая працавала на інтарэсы беларускіх і расейскіх уладаў
Пра гэта распавёў віцэ-прэм'ер, міністр лічбавізацыі Польшчы Кшыштаф Гаўкоўскі.
На праблему звярнулі ўвагу пасля ўцечкі звестак з Польскага антыдопінгавага агенцтва. Пасля чаго сталі правяраць іншыя дзяржустановы на прыкметы пранікнення кібершкоднікаў.
Па словах чыноўніка, за дзеяннямі групы стаялі беларускія і расійскія службы, якія дамагаліся канкрэтнай мэты — «вымагальніцтва інфармацыі, індывідуальнага і інстытуцыйнага шантажу»
Міністр унутраных спраў і каардынатар спецслужбаў Томаш Семоняк запэўніў, што ўрад «робіць высновы з усіх пагроз і падобных сітуацый».
😡 Улады хочуць прызнаць фікцыйнай угоду аб продажы маёмасці палітэмігранткі
Працэс праходзіць у Горадні ў дачыненні да журналісткі, жонкі палітвязня Паўла Мажэйкі Ірыны Чарняўка.
У суд на Ірыну падала пракуратура Горадні і Міністэрства фінансаў.
👉 Чытаць падрабязней ПА СПАСЫЛЦЫ
💃 Сёння - міжнародны дзень прыгажосці
Свята з'явілася па ініцыятыве Міжнароднага камітэта па эстэтыцы і касметалогіі (CIDESCO).
CIDESCO лічыцца галоўнай міжнароднай асацыяцыяй тэрапіі прыгажосці ў свеце, быў заснаваны ў Брусэлі ў 1946 годзе.
👑 А ці ведалі вы, што першую каралеву прыгажосці выбралі 115 гадоў таму. 19 верасня 1888 года на бельгійскім курорце Спа прайшоў першы ў гісторыі конкурс прыгажосці. Прыгажунь адбіралі па фатаграфіях, дасланых у журы. Пераможцай стала 18-гадовая дзяўчына з Гвадэлупы Берта Сукарэ.
У СССР таксама абіралі прыгажунь. «Пробным» стаў конкурс, арганізаваны летам 1987 года ў рамках свята газеты «Маскоўскі камсамолец». Пераможцай тады была абвешчаная студэнтка Марыя Глазоўская.
Аднак першым афіцыяльным конкурсам прыгажосці стаў «Маскоўская прыгажуня», які прайшоў у 1988 годзе. Пераможцай стала 16-гадовая масквічка Маша Калініна.
👸 А вось у Беларусі першы Нацыянальны конкурс прыгажосці «Міс Беларусь» прайшоў у 1998 годзе. Пераможцай стала жыхарка Горадні Святлана Крук.