42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
Долар з еўра падаражэлі, а расейскі рубель патаннеў — такія навіны курсаў валютаў у Беларусі на 23 верасня
#курсывалютаў
Жыхар Магілёву выйшаў на вуліцу з нажом і параніў двух чалавек
Яго скруцілі міліцыянты. Паводле іх, нападнік аказаўся «экстрэмістам», а нажом адбіваўся ад супрацоўнікаў ГУБАЗІКу. У яго нібыта знайшлі яшчэ і пісталет.
Вядома, што інцыдэнт адбыўся на скрыжаванні вуліцы Астроўскага і Пушкінскага праспекта. На месца выехаў старшыня МУС Кубракоў.
«Ніякага спыненню агню» — той самы План Перамогі Украіны гатовы
Дакумент пакуль пад сакрэтам, але высветліліся чатыры асноўныя пункты. Там ёсць нават «страхоўка» ад магчымай перамогі Трампа. Пачытайце ПА СПАСЫЛЦЫ (праз VPN)
😳 Беларусам за мяжой сталі прыходзіць паведамленні ад «камісіі для вяртання»
Такі нечаканы ліст атрымаў у Viber рагачоўскі актывіст Дзяніс Дашкевіч. Ён жыве ў Польшчы з 2020-ага, мае штраф у Беларусі за «фото Анджэя Дуды» і крыміналку за «абразу Лукашэнкі».
І ў адзін цудоўны дзень атрымаў такое: «у выпадку жадання вярнуцца ў Беларусь, вам неабходна звярнуцца ў камісію». Поўны тэкст — чытайце на карцінцы.
Дарэчы, калі вам таксама прыйшло такое паведамленне, пішыце нам у тг-бот @edytorBLST альбо на пошту web@belsat.eu. Гэта бяспечна.
Добрага панядзелку, сябры!
Не ведаеце, што пачытаць раніцою? Сабралі найбольш цікавыя матэрыялы «Белсату», якія вы маглі прапусціць:
✔️Супрацьстаянне да канца нашага жыцця
Эна Эплбаўм пра тое, як дэмакратычнаму свету змагацца з «карпарацыяй дыктатараў».
✔️«Цуды!»: на мяжы Беларусі з краінамі ЕЗ чэргаў амаль няма
Распавядаем пра сітуацыю на мяжы.
✔️«Санкцыі працуюць»
Расейскі апазіцыйны палітык растлумачыў вызваленне палітвязняў у Беларусі.
#штопачытаць
❄️ Афрыку замятае снегам
Не, гэтае відэа не згенераванае нейрасеткай, яно сапраўднае!
🐻 Мядзведзь з дзіўнай мутацыяй выжыў у лесе
У амерыканскім штаце Вірджынія заўважылі мядзведзя, які мае толькі дзве лапкі. Паглядзіце, як жывёліна дае рады ў дзікай прыродзе.
🤓 Толкінаўскаму Хобіту — 87 гадоў!
Упершыню раман «Хобіт, або туды і назад» быў апублікаваны 21 верасня 1937 года. Цікавыя падрабязнасці пра гэтую кнігу глядзіце ў нашым відэа.
І памятайце: «хто шукае, той заўсёды знойдзе… Але ўлічыце, знаходзіш звычайна не тое, што шукаў».
Беларус амаль два тыдні трымаў галадоўку ў Літве
Цяпер ён абвясціў, што спыняе яе і вяртаецца ў Беларусь. На гэты рызыкоўны для здароўя крок ён пайшоў з-за аўтамабіля.
Рыгор набыў машыну Honda на амерыканскім аўкцыёне і хацеў прывезці дадому, але яе затрымалі ў літоўскім порце Клайпеда. Машыну забраць не ўдалося, таму мужчына паехаў разбірацца ў Вільню і нават арганізаваў акцыю ля Сейма, суправаджаючы гэта галадоўкай.
Паводле беларуса, за час галадоўкі ён страціў 10-12 кілаграмаў, пакуль дамагаўся справядлівасці. Праз некаторы час Рыгора запрасілі ў Парламент Літвы, дзе ён напісаў заяву. Яму паабяцалі вырашыць пытанне з мытняй.
Цяпер мужчына збіраецца вярнуцца ў Беларусь, а машына пакуль застаецца ў Літве. Такіх аўтамабіляў беларусаў, што затрымаліся ў порце, цяпер могуць быць тысячы.
У гэта цяжка паверыць, але...
😮 Чэргаў на мяжы ЕЗ і Беларусі амаль няма! На ўсё пра ўсё патрабуецца 1–2 гадзіны. Не верыце — пачытайце самі ПА СПАСЫЛЦЫ (праз VPN)
Беларус прыдумаў схему, як катацца на электрасамакаце бясплатна
❗️Але мы вам не раім гэтым карыстацца, бо цяпер хлопцу не пазайздросціш. Як самакаты могуць пагубіць маладосць — чытайце ПА СПАСЫЛЦЫ (праз VPN).
Канібал-маньяк з Расеі цяпер на волі дзякуючы вайне
Дзмітрый Малышаў быў асуджаны да 25 гадоў турмы за тое, што выразаў і з'еў сэрца сваёй ахвяры. Ён адсядзеў 8 гадоў, пасля чаго адправіўся ваяваць ва Украіну. Цяпер людаед вярнуўся дадому ў адпачынак.
Паводле прапаганды, прыехаўшыя з Украіны расейскія жаўнеры лічацца героямі. Яны прыходзяць у школы і распавядаюць пра «абавязак перад Радзімай». Сярод іх ёсць і амніставаныя былыя зняволеныя па артыкулах за забойства і згвалтаванне.
«Если тебе там надонатили, положи мне на телефон двадцатку тогда»
Павук працягвае наладжваць дыялог з ідэалагічнымі апанентамі. Рэдка калі гэта бывае лёгка, вось і цяпер размова скончылася пасыланнем…
Як будаўнік з Магілёву западозрыў Павука ў ЛГБТ-прапагандзе і што было далей — глядзіце новае выданне «Шухер Шоу» на «Белсат LIFE»
Баевікі «Хезбалы» ноччу масава атакавалі Ізраіль
Групоўка выпусціла больш за сто ракетаў. У выніку траплення ракеты па ферме ў Ізрэельскай даліне загінулі каровы. Таксама вядома пра некалькіх пацярпелых.
Паводле «Хезбалы», абстрэл быў адказам на аперацыі «ЦАХАЛ» па выбуху прыладаў у Ліване на мінулым тыдні.
Ізраільская армія заявіла, што ўзмоцніць атакі ў адказ на гэты абстрэл.
Расея атакавала Харкаў авіябомбамі
Больш за 20 пацярпелых, сярод іх — дзяўчынка 8 гадоў і двое падлеткаў 17 гадоў.
Паводле МУС Украіны, расейская армія магла скінуць тры фугасныя авіябомбы на горад. Адзін з боепрыпасаў выбухнуў каля пад'езду жылога дому, адкуль эвакуявалі 68 чалавек.
😡 Дзяўчына вярнулася ў Беларусь і цяпер ёй пагражае 10 гадоў калоніі
Марына Леановіч — супрацоўніца EPAM, якая доўгі час жыла ў Грузіі. Дзяўчына таксама пісала артыкулы для беларускай Вікіпедыі, рабіла ілюстрацыі, пісала вершы ды займалася перакладамі на мову. У 2023-м яна вярнулася ў Беларусь, дзе яе затрымалі.
Як стала вядома @nashaniva, судзіць Марыну будуць 11 кастрычніка. Яе вінавацяць па двух артыкулах — «фінансаванне экстрэмісцкай дзейнасці» і «фінансаванне вайны». 28-гадовую Марыну могуць асудзіць да дзесяці гадоў калоніі.
#рэпрэсіі
Лукашэнка просіцца ў госці ў Саудаўскую Аравію
«Буду рады прыехаць у зручны для вас час», — так самаабвешчаны напісаў прынцу ўсходняй краіны ў віншаванні з нагоды Нацыянальнага дня.
Такія лісты Лукашэнка адпраўляе ім кожны год. У 2023 годзе ён пераконваў у «неабходнасці актывізацыі гандлю», у 2022-м выказваў спадзеў, «што патэнцыял Беларусі будзе карысным для Каралеўства», у 2021 годзе адзначаў пашырэнне ўзаемадзеяння, а ў 2020-м казаў пра «часовыя цяжкасці».
Нагадаем, што 7-8 студзеня Саудаўскую Аравію наведаў цяпер ужо былы кіраўнік МЗС Сяргей Алейнік. Ён сустрэўся з міністрамі Каралеўства і перадаў дакументы, «прысвечаныя далейшаму развіццю стасункаў».
🤡 Чыноўнікі Беларусі будуць вучыцца ваяваць з «дыверсантамі»
Мінабароны правядзе для супрацоўнікаў Віцебскага аблвыканкама сапраўдныя вайсковыя вучэнні. Яны атрымаюць досвед у фармаванні атрадаў апалчэння, барацьбе з дыверсійнымі групамі і абароне аб'ектаў.
Заняткі будуць праходзіць разам з міліцыяй пад кантролем Генштабу. Падобныя вучэнні ўжо праводзіліся ў траўні ў Магілёве.
🔻Роўна 4 гады таму адбылася таемная інаўгурацыя Лукашэнкі
Яна прайшла на фоне масавых пратэстаў і рэпрэсіяў.
А колькі ўсяго было інаўгурацыяў у дыктатара, і як яны праходзілі? Узгадваем у нашым відэа!
💥 #галоўнае за 22 верасня
▫️Расея атакавала Харкаў авіябомбамі.
▫️Расейскі палітык: Лукашэнка мяняе палітвязняў на дэталі самалётаў.
▫️Баевікі «Хезбалы» ноччу масава атакавалі Ізраіль.
▫️Прадстаўнікі рэжыму Лукашэнкі паляцелі ў ЗША на саміт ААН.
▫️Лукашэнка запрасіў у госці лідара хунты, адказнага за этнічныя чысткі.
▫️Беларускіх пенсіянераў не пусцілі ў Грузію з-за падзеі 15 гадовай даўнасці. Якой?
▫️У Іране выбухнула шахта — загінулі больш за 50 чалавек.
▫️Беларус амаль два тыдні трымаў галадоўку ў Літве з-за аўто.
☝️ Сямейнікі Лукашэнкі робяць бізнес на тым, што забараняюць прадпрымальнікам
У гэтай гісторыі, канешне ж, не абышлося без нявесткі Лукашэнкі — Ганны Сялук. Яна вынайшла тое, што на захадзе існуе ўжо даўно.
І ўжо выкарыстала гэта ў шэрагу дзяржаўных імпрэзаў, а таксама на карпаратыве МАЗу, які «Музычная медыякампанія» Сялук арганізоўвала да 80-цігоддзя беларускага холдынгу.
У нашым відэа распавядаем, якая геніяльная ідэя прыйшла ў галаву Сялук на гэты раз.
💥СТРЫМ. Нядзельнае вечаровае шоу «Тыдзень»
У сённяшнім выданні:
🔸Як Радаслаў Сікорскі падзяліўся тэорыяй на закрытай сустрэчы экспертаў, а ўкраінскія журналісты даведаліся і ледзь да дыпламатычнага скандалу не давялі
🔸Вайна за тэрыторыю, вайна інфармацыйная і ўрэшце — вайна за «душы». Як РПЦ выцясняюць з Еўропы
🔸Як дэмсілы могуць знайсці для сябе месца за сталом перамоваў пасля вайны
🔸Праслухоўка ад кіберпартызанаў: чым жыве намеснік кіраўніка Маскоўскага раёна Менску
Далучайцеся да эфіру ⤵️
🤔 Калі ліберальны свет нарэшце пераможа аўтакратычны?
На жаль, гэта можа заняць дзесяцігоддзі... Так лічыць лаўрэатка Пуліцэраўскай прэміі Эн Эплбаўм, якая глыбока даследуе тэму аўтарытарызму.
Мы задалі ён самыя хвалюючыя пытанні наконт дыктатараў, будучыні Беларусі, пасляваеннай Украіны, і атрымалі цікавыя адказы.
Ці існуе сёння «калектыўны Захад», што аб'ядноўвае дыктатараў Еўропы і Азіі, якія памылкі зрабілі Еўропа і ЗША, і чаму сёння рэвалюцыі не перамагаюць? Пачытайце эксклюзіўнае інтэрв'ю ПА СПАСЫЛЦЫ (праз VPN)
А паглядзець яго можна ў нашых калегаў з «Вот Так»
▪️У Іране выбухнула шахта — загінулі больш за 50 чалавек
Інцыдэнт адбыўся на вугальнай шахце на ўсходзе краіны. Прычынай выбуху стала вялікая колькасць метану. У той момант там знаходзіліся 69 чалавек.
Ужо вядома пра 51 загінулага, 17 былі дастаўлены ў больніцу. У правінцыі Паўднёвы Харасан абвясцілі трохдзённую жалобу.
😡Беларускіх пенсіянераў не пусцілі ў Грузію з-за падзеі 15 гадовай даўнасці
Адмова нават здзівіла турфірму. Беларусам забаранілі ўезд праз ранейшы візіт у Абхазію — піша @nashaniva.
Нашы суайчыннікі наведвалі Абхазію 15 гадоў таму і з таго часу не змянялі пашпарт. Пенсіянеры праехалі вялікі шлях і былі вымушаныя пакінуць аўтобус.
Апошнім часам беларусы ўсё часцей сутыкаюцца з праблемамі пры ўездзе ў Грузію. Нядаўна мы пісалі пра журналіста Андрэя Мялешку, якога дэпартавалі разам з дачкой.
😐 Лукашэнка запрасіў у госці лідара хунты, адказнага за этнічныя чысткі
Запрашэнне накіравалі кіраўніку М'янмы генералу Мін Аўн Хлайну, які знаходзіцца пад міжнароднымі санкцыямі. У 2021 годзе ён захапіў уладу ў краіне ваенным шляхам і потым арганізаваў рэпрэсіі.
ААН абвінаваціла яго ў пераследзе мусульманскай народнасці рохінджа, у выніку чаго загінулі каля 10 тысяч чалавек, 700 тысяч сталі бежанцамі.
Дарэчы, у чэрвені 2020 года Мін Аун Хлайн наведваў ваенны парад у Маскве. «Расейскія ваенныя парады — гэта нешта грандыёзнае», — адзначыў генерал.
Прадстаўнікі рэжыму Лукашэнкі паляцелі ў ЗША на саміт ААН
Экс-кіраўнік МЗС Алейнік і экс-міністр юстыцыі Хаменка вылецелі сёння ў Нью-Ёрк. Прапанову прыняць удзел атрымаў і Лукашэнка (яго запрасіў сам генсек Гутэрыш яшчэ вясной).
Саміт ААН адбудзецца 22-23 верасня. Чыноўнікі плануюць прадставіць там дасягненні Беларусі ў галіне ўстойлівага развіцця.
Ілля Яшын: Лукашэнка мяняе палітвязняў на дэталі самалётаў
«У яго [Лукашэнкі] праблема з "Белавія", і яму трэба чыніць самалёт, яму патрэбныя нейкія дэталі, якія ён не можа атрымаць праз санкцыі. І ён літаральна абменьвае жывых людзей на дэталі для самалётаў. Але зразумелая справа, што ні Марыю Калеснікаву, ні Ціханоўскага, ні Бабарыку ні на якія дэталі ён не абмяняе».
Палітык таксама заявіў, што ў Расеі і Беларусі падобныя праблемы:
«І там, і тут звар'яцелы дзед, які гвалтуе сваю краіну, гвалтуе свой народ і бярэ свой народ у закладнікі. І там, і тут палітвязні, вялікая колькасць. Але там [Беларусь] людзі яшчэ горш сядзяць».
Палітык запэўніў, што трэба разам працаваць з беларускай апазіцыяй дзеля вызвалення палітвязняў.
Арменія затрымала блогера па запыце рэжыму Лукашэнкі, але потым вызваліла
Затрыманы — Аляксандр Лапшын. Ён правёў у аддзяленні армянскай паліцыі чатыры гадзіны праз запыт. На радзіме яго хочуць асудзіць па 7 артыкулах, у тым ліку за «абразу Лукашэнкі».
Вядома, што затрыманне Аляксандра ініцыяваў экс-генпракурор Аляксандр Канюк, які цяпер працуе амбасадарам у Арменіі.
«Канюк падзяліўся з адным з дыпламатаў у Ерэване, што разбярэцца са мной і знойдзе спосаб гэта зрабіць. Ён знаходзіцца ў санкцыйным спісе Еўразвязу і ЗША за жорсткае падаўленне мірных акцый пратэсту ў Мінску летам 2020. Дзякуй армянскаму правасуддзю, якое адмовіла Беларусі ў маім арышце і экстрадыцыі», — гаворыцца ў допісе Лапшына.
☕️ Добрай нядзельнай раніцы ўсім, хто цяпер гартае стужку Тэлеграму 😊
Прапануем вашай увазе тры свежыя матэрыялы «Белсату», якія можна прачытаць, пакуль вы валяецеся ў ложку:
⭕️ «Без тытраў на шаленства не пусцяць». Як змяніліся правілы правозу жывёлінаў у ЕЗ
ЕЗ выкрэсліў Беларусь з пераліку дзяржаваў, дзе сітуацыя з шаленствам не выклікае асцярогі. Прышчэпка ад гэтага вірусу патрабавалася заўсёды, аднак з 16 верасня дадаткова неабходны тэст на колькасць антыцелаў. Але ёсць адна вельмі істотная праблема.
⭕️ У Варшаве прайшоў VII Беларускі бізнес-форум
«Белсат» пабываў на імпрэзе і прасачыў за тым, каму і за якія дасягненні раздалі ўзнагароды
⭕️ Кітай, Катар і Дагестан. Куды ездзілі беларусы адпачываць улетку 2024 года
30 чалавек нават з'ездзілі ў круіз вакол Японіі, што аказалася танней стандартнага тура ў Егіпет.
#штопачытаць