42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🧐Спадзявацца на поўную бяспеку перапісак у Telegram не выпадае?
Нядаўна Дураў заявіў, што будзе перадаваць звесткі карыстальнікаў Telegram на запыт уладаў «адпаведных краінаў». Што гэта за краіны, што гэта значыць для беларусаў і ці робіцца мэсэджэр небяспечным у нашай краіне?
Разбіраемся з кіберюрыстам. Чытайце ПА СПАСЫЛЦЫ (праз VPN)
👆ЗША выдзяляе Украіне яшчэ адзін пакет вайсковай дапамогі
Кошт новага пакету ацэньваецца ў 375 млн. долараў і ўключае ў сябе боепрыпасы для HIMARS, Супрацьтанкавыя ракеты Javelin,
браняваныя, супрацьмінныя і лёгкія тактычныя машыны, стралковую зброю і іншае.
Гэтую дапамогу ЗША плануюць разгарнуць як мага хутчэй.
📸Фота ілюстратыўнае
💥 #галоўнае за 25 верасня
✔️Пуцін ініцыяваў абнаўленне ядравай дактрыны РФ
✔️ Нобэлеўскі лаўрэат сустракае дзень нараджэння за кратамі. Алесю Бяляцкаму спаўняецца 62 гады
✔️ У Рагачове жанчына купіла кватэру са «шпіёнскім» сюрпрызам
✔️ Пасля публікацыі Reform.news аб эксплуатацыі беларускіх палітзняволеных на Ёрга Дорнау падалі ў суд
✔️ У Гомлі прайшло даследаванне посткавідных хваробаў. Паказалі першыя вынікі
✔️ BYPOL апазнаў сілавікоў, якія са здзекамі затрымлівалі панк-рокера Віктара Жаркевіча «Мао»
✔️ Жанчыне ў Гомлі 6 гадоў не давалі адпачынак
✔️ Сястра кіраўніка МЗС Беларусі жыве ў Ніццы, але падтрымлівае «рускі мір»
✔️ Першае выкарыстанне швейцарскай «капсулы смерці» скончылася арыштам
✔️ Літва скасавала дамову з кампаніяй Garsų pasauli, якая была занятая ў праекце «пашпарту Новай Беларусі»
🔸Праваабаронцу, Нобэлеўскаму лаўрэату і палітвязню Алесю Бяляцкаму сёння споўнілася 62 гады
З сярэдзіны ліпеня 2021 года рэжым Лукашэнкі трымае яго ў няволі.
Глядзіце ў нашым сюжэце, як беларусы ў розных кутках Еўропы выходзілі ў сераду на акцыі падтрымання Бяляцкага ☝️
🚑 Куды вязуць параненых на фронце вайскоўцаў ЗСУ?
Калі патрэбная вельмі складаная аперацыя – у шпіталь, які месціцца ў тылу. Аднак часта дапамагчы могуць і медыкі са стабілізацыйных пунктаў.
Гэта своеасаблівыя «палявыя шпіталі», якія месцяцца ў непасрэднай блізкасці ад зоны баявых сутыкненняў.
Глядзіце ў нашым сюжэце, як функцыянуе адзін з такіх пунктаў ☝️
🤔 Амерыканка скарысталася паслугаю швейцарскай фірмы, якая прапаноўвала эўтаназію ў спецыяльнай капсуле. Як высветлілася, фірма парушыла мясцовыя законы
У выніку паліцыя ўзяла пад варту аднаго з кіраўнікоў кампаніі The Last Resort (ёй належыць капсула) і фатографа нідэрландскай газеты Volksrant. Яны абодва, як мяркуецца, прысутнічалі на месцы эўтаназіі.
Капсулу пад назваю The Sarco выкарысталі першы раз. Гэта адбылося 23 верасня ў лесе на мяжы Швейцарыі ды Нямеччыны. «Кліенткаю» стала 64-гадовая грамадзянка ЗША, якая мела цяжкую хваробу ды пакутавала ад нясцерпных боляў. Прынцып дзеяння The Sarco такі: чалавека зачыняюць унутры, далей ён сам націскае кнопку, якая напаўняе капсулу азотам. У выніку колькасць кіслароду ў крыві чалавека паніжаецца, ён спачатку страчвае прытомнасць, а прыкладна праз 10 хвілінаў памірае. Працэс можна спыніць, націснуўшы адмысловую кнопку знутры капсулы.
Эўтаназія ў Швейцарыі дазволеная, таму многія людзі прыязджаюць сюды, каб добраахвотна пайсці з жыцця з дапамогаю медыкаў. Аднак канкрэтна ў гэтым выпадку закон быў парушаны, бо ў Міністэрстве аховы здароўя краіны заявілі, што не праводзілі ніякіх тэстаў капсулы The Sarco ды не ўхвалялі ейнага выкарыстання.
🤡 «Калі ты доўга перабываеш за мяжою, то розніцу паміж нашымі краінамі – Расеяй і Беларуссю – ужо не адчуваеш, гэта для цябе нашая агульная прастора, "рускі мір"»
Сястра кіраўніка МЗС Беларусі Максіма Рыжанкова Дар'я Рыжанкова шмат гадоў жыве ў Ніццы, што не перашкаджае ёй падтрымліваць «русскі мір». Жанчына настолькі захопленая Расеяй, што пастанавіла атрымаць расейскае грамадзянства.
А апошнім часам яна зацікавілася дзяржкіраваннем у СНД. Можа, у Беларусі з'явіцца новая чыноўніца?
👉 Расказваем, што вядома пра Дар'ю ПА СПАСЫЛЦЫ
🤦♀️ Полк імя Кастуся Каліноўскага прызнаны «тэрарыстычнай арганізацыяй»
Па заяве генеральнага пракурора Рэспублікі Беларусь Вярхоўны Суд прызнаў Полк імя Кастуся Каліноўскага «з уваходнымі ў яго структурамі тэрарыстычнай арганізацыяй».
Каліноўцаў абвінавачваюць у «здзяйсненні актаў тэрарызму на тэрыторыі Рэспублікі Беларусь»
😱 Наша улюбёная рубрыка «Крынж дня». Прыбярыце ад экранаў псіхічна нестабільных, дзяцей і цяжарных жанчын!
Прапагандысты зладзілі фотавыставу дзіцячых малюнкаў, прысвечаных дыктатару «Мой прэзідэнт — самы…»
Пасля прагляду палова нашай рэдакцыі папрасілася ў адпачынак.
🤡 Але паводле кіраўніцы Адміністрацыі Прэзідэнта Наталлі Пяткевіч, «гэта і ёсць патрыятызм, калі не проста любіш, але ўдзельнічаеш у справах дзяржавы, суперажываеш, хочаш, каб краіна развівалася»
🤯 «Прыбіральшчыцы ён не патрэбны»
Жанчыне ў Гомлі 6 гадоў не давалі адпачынак.
Жыхарка Гомля акрамя асноўнай працы мела падпрацоўку прыбіральшчыцай у адным з жыллёва-будаўнічых спажывецкіх кааператываў гораду.
Штогод яна звярталася да кіраўніцтва, з запытам даць ёй адпачынак, але заўсёды атрымлівала адказ. Тлумачылі гэта тым, што «Прыбіральшчыцы ён не патрэбны».
👉 Чым скончылася справа чытайце ПА СПАСЫЛЦЫ
💰 Прадпрымальнік з Берасця зарабіў 1,8 млн еўра на незаконных угодах па адчужэнні токенаў
З ліпеня 2022 года па снежань 2023 года ІП, які не быў рэзідэнтам Парку высокіх тэхналогій, нелегальна праводзіў у інтэрнэце аперацыі, аналагічныя дзейнасці аператараў абмену крыптавалютаў. Для гэтага ён арэндаваў офіснае памяшканне ў гандлёвым цэнтры Брэсця. Таксама ў яго былі супрацоўнікі, якія працавалі без заключэння дагавораў, паведамляе Вярхоўны суд Беларусі.
👉 Суд назначыў прадпрымальніку штраф у памеры 6 тысячаў рублеў і канфіскаваў 100% заробку — 6,446 млн рублёў (каля 1,8 млн еўра). У яго таксама канфіскуюць «сродкі здзяйснення адміністрацыйнага правапарушэння» коштам амаль 12 тысячаў рублёў.
😻 Выглядае, як ідэальная экскурсія
Паглядзіце, на гэтую мілату ☝️
💱 Курсы валютаў на 25 верасня
Еўра падрос амаль на 2 капейкі. Крыху ўзмацніўся рубель. А вось долар крыху страціў пазіцыі.
#курсывалютаў
📌 Міністар замежных справаў Польшчы паказаў у ААН здымак, які, з яго словаў, паказвае на шчыльнае супрацоўніцтва Савецкага Саюзу з ІІІ Рэйхам
Міністар замежных справаў Польшчы Радослаў Сікорскі пад час выступу ў Радзе Бясьпекі ААН паказаў здымак з Берасця, зроблены ў 1939 годзе.
«Пастаянныя сябры Рады Бясьпекі ААН мусяць быць ахоўнікамі міру, а ня весьці войны супраць дзяцей іншых народаў. Гэта ганебная старонка для Расеі, якой мы не забудзем і не прабачым. Між іншым, амбасадар Расеі пры ААН Нябензя аспрэчвае супрацу Саветаў з нацыстамі пры ўварваньні ў Польшчу ў 1939 годзе.
Гэта 1939 год. Здымак дэманструе савецка-нацысцкую супрацу. Перакананы, што прадстаўнікі Расеі пазнаюць гэтыя мундуры»
⚖️ Пасля публікацыі Reform.news аб эксплуатацыі беларускіх палітзняволеных на Ёрга Дорнау падалі ў суд
Юрыст з Нямеччыны Фердынанд Мюллер падаў заяву аб узбуджэнні крымінальнай справы ў дачыненні да дэпутата ад AfG Ёрга Дорнау. Пра гэта Мюллер паведаміў у сваёй сацсетцы X:
«Падаў заяву аб узбуджэнні крымінальнай справы ў сувязі з гэтым інцыдэнтам. Калі інфармацыя, прадстаўленая беларускай газетай, пацвердзіцца, то гэта відавочна выпадак эксплуатацыі людзей, якія апынуліся ў цяжкім становішчы»
🤷♀️Мінэканомікі: айцішнікі вяртаюцца ў Беларусь
Пра гэта заявіў намеснік міністра эканомікі Андрэй Картун:
«Мы наконец-таки вышли уже из отрицательной зоны роста и уже перевалили за 100%. Пусть немного, но все-таки есть рост небольшой. В силу определенных причин многие возвращаются айтишники и заходят в отрасль новые. Но тем не менее видим каждый месяц прирост как минимум на 100−200 человек дополнительно в этой отрасли».
Добрага дня, сябры!
Гэта дастаўка ранішняй прэсы! Сабралі для вас найбольш цікавыя матэрыялы «Белсату», якія вы маглі прапусціць:
🔻Між Ізраілем і Ліванам пачалася вайна?
На Блізкім Усходзе эскалацыя, якой даўно не было.
🔻Да 2030 года мусіць з’явіцца «карта беларуса»: навошта?
Паглядзелі, у чым сутнасць беларускага аналагу «карты паляка».
🔻На Генасамблеі ААН – «дзве Беларусі»
Чаго хочуць дэмакратычныя сілы і чаму не відаць лукашэнкаўцаў?
#штопачытаць
#рэпрэсіі Асноўнае за 25 верасня
🔻 Полк імя Кастуся Каліноўскага прызнаны «тэрарыстычнай арганізацыяй»
🔻 Вайсковых пенсіянераў, якія выязджаюць на пастаяннае месца жыхарства ў «несяброўскія» краіны, пазбавяць пенсіяў
🔻 На жыхара Магілёва, які напаў на губазікаўцаў, завялі крымінальную справу
🔻 Мінчука, якога затрымалі за каментары пра тэракт у «Крокусе», будуць судзіць па трох крымінальных артыкулах
🔻 За каментары затрымалі намесніцу дырэктара па навучальнай рабоце адной з менскіх школаў
🔻 У Гомлі пачалі судзіць жанчыну за «паклёп» і «абразу» Лукашэнкі
🔻 Сцэнарыста з Барысава судзяць за «заклікі да санкцыяў»
🔻У «спіс тэрарыстаў» дадалі яшчэ шэсць беларусаў
🔻 Палітзняволенага актывіста анархічнага руху Ігара Аліневіча зноў змясцілі ў ШІЗА
💬 «Пакідаем за сабой права ўжыць ядравую зброю ў выпадку агрэсіі супраць Расеі і Беларусі як удзельніка Саюзнай дзяржавы»
Пуцін прапанаваў абнавіць ядравую дактрыну РФ. Чытайце ПА СПАСЫЛЦЫ, што (хутчэй за ўсё) зменіцца.
🙈 Не аднымі кавунамі і бульбай. Вайскоўцы пахваліліся Лукашэнку айчыннымі беспілотнікамі
24 верасня падчас наведвання Лукашэнкам палігону «Абуз-Лясноўскі» Дзяржаўны ваенна-прамысловы камітэт прэзентаваў больш за 30 вырабаў ваеннага прызначэння беларускай вытворчасці, пераважна ў сферы беспілотных сістэмаў. Ёсць нават з «элементамі штучнага інтэлекту».
👉 «Белсат» пацікавіўся, як выглядае вайсковае імпартазамяшчэнне.
🔴 «Аб’ектыў» – галоўныя падзеі дня!
У сённяшнім выданні:
🔸62 гады Алесю Бяляцкаму. Чатыры апошніх дня народзінаў ён сустракае ў няволі
🔸Генасамблея ААН. З кім сустракаецца і пра што дамаўляецца Святлана Ціханоўская?
🔸У жніўні сярэдні заробак у РБ упаў упершыню за паўгода. Чаму?
🔸Улады Літвы прызналі ненадзейнай кампанію, якая мелася друкаваць «пашпарты Новай Беларусі»
Далучайцеся да эфіру ⤵️
🤦♀️ З’ехаў з Беларусі ў «недружалюбныя» краіны - страціў вайсковую пенсію
Савет рэспублікі ўхваліў законапраект аб зменах у закон аб выплаце пенсій вайскоўцам. Згодна з ім, вайсковыя пенсіянеры, а таксама члены іх сем'яў, якія выязджаюць на пастаяннае месца жыхарства ў «недружалюбныя» краіны, пазбавяцца пенсій.
«Прадугледжваюцца пэўныя льготы для тых, хто пражывае на тэрыторыі Беларусі, а хто з’яжджае ў недружалюбныя краіны — яны пенсійным забеспячэннем карыстацца не будуць. Калі пенсія прызначаная ў савецкі час, яна не мяняецца, яна застаецца. Гэта тычыцца тых людзей, якія ў сённяшні час прымаюць рашэнне, з'язджаюць за мяжу. Яны павінны разумець, што яны пенсійным забеспячэннем карыстацца не будуць»
🫣Беларуская прапаганда ўжо ахрысціла гэты рух «сатанінскай субкультурай»
Але насамрэч ён паўстаў як від спорту, які развівае каардынацыю, гнуткасць і сілу.
Разбіраемся, хто такія квадроберы і ці сапраўды ўсё так страшна, як малююць прапагандысты.
😀 А ведаеце, што такое гурнінг?
Калі хочаце атрымаць незабыўныя эмоцыі – паглядзіце гэтае відэа 🙈
📺 Навіны за 5 хвілін
✔️Алесь Бяляцкі адзначае 62 дзень народзінаў за кратамі
✔️У Нямеччыне склалі пазоў супраць нямецкага дэпутата, які ў сваім бізнесе выкарыстоўвае працу беларускіх палітвязняў
✔️Еўраопт пад прыцэлам кантралёраў
✔️Беларуску затрымалі ў Польшчы за перавозку мігрантаў
✔️Пажар у менскім заапарку
✔️ЗСУ адбіваюць Ваўчанск, але могуць страціць Вуглядар
✔️Тыдзень моды ў Парыжы
Глядзіце ў кароткім выданні навін на Белсаце 💻
🇱🇹 Міністэрства ўнутраных спраў Літвы скасавала дамову з кампаніяй Garsų pasauli, якая займала вытворчасцю бланкаў для літоўскіх дакументаў і была занятая ў праекце пашпарту новай Беларусі
Пра гэта гаворыцца ў паведамленні Літоўскага ведамства.
☝️ Раней беларускія і літоўскія журналісты апублікавалі расследаванне, з якога вынікала, што кампанія мае сувязі з асобамі, набліжанымі да беларускіх уладаў. Пасля чаго Літва распачала праверку.
У выніку літоўскія ўлады адклікалі сертыфікат надзейнасці пастаўшчыка паслуг, раней выдадзены Garsų pasaulis. Пасля гэтага, цэнтр выдачы асабістых дакументаў пры МУС скасаваў дамову аказання паслуг з кампаніяй.
Цяпер літоўскі МУС ініцыяваў новыя міжнародныя закупы бланкаў асабістых дакументаў, запрашаючы да ўдзелу ў тэндары пастаўшчыкоў з краін ЕС.
У МУС Літвы таксама запэўнілі, што наяўных запасаў хопіць да канца года.
❗️BYPOL апазнаў сілавікоў, якія са здзекамі затрымлівалі панк-рокера Віктара Жаркевіча «Мао»
Музыку затрымаў ГУБАЗіК у верасні 2022 года. Яго моцна пабілі, зламалі аб галаву патэльню і прымусілі несці ў пастарунак дзверы ад лядоўні, на якіх былі панк-рокерскія і анархісцкія налепкі.
Былыя сілавікі BYPOL дэананімізіравалі гэтых «герояў» ☝️
🦠 У Гомлі прайшло даследаванне посткавідных хваробаў. Паказалі першыя вынікі
Самымі частымі ўскладненнямі пасля ковіда сталі хваробы органаў дыхання, касцёва-цягліцавай сістэмы і злучальнай тканіны, а таксама сістэм кровазвароту.
👉 Аднак, гэта яшчэ не ўсё. Якія яшчэ хваробы можна было назіраць у перанесшых кавід чытайце ПА СПАСЫЛЦЫ
🥴 У Расеі цяпер таксама будуць сілавікоў гадаваць з дзяцінства
Першы паліцэйскі клас адкрылі ў школе Бураціі. Дзеці пачнуць з васьмі гадоў вывучаць гэткую прафесію.
Вучняў будуць вадзіць на экскурсіі ў аддзяленне паліцыі, вывучаць страявое рыхтаванне, слухаць паліцэйскіх на класных гадзінах.
🤡 Працаўнікі мясцовага МУС упэўненыя, што такім чынам выхаваюць сапраўдных патрыётаў:
«Асноўная мэта стварэння такога класа – патрыятычнае выхаванне і прафарыентацыя новага пакалення»
🔺«Палітвязні лічаць, што лепей схадзіць папрацаваць, чым сядзець у камеры, дзе іх будуць катаваць»
Паразмаўлялі з галоўным рэдактарам Reform.news Фёдарам Паўлючэнкам пра сітуацыю з нямецкім бізнесменам, на плантацыі якога працуюць беларускія палітвязні.
Паслухайце, што ён нам распавёў!
Тэкставую версію можна пачытаць ПА СПАСЫЛЦЫ (праз VPN)
#рэпрэсіі