Bankers.uz - Банк тизими янгиликлари

03 ноября 2023 05:28

🏦 Трастбанк Mastercard билан ҳамкорликда бош соврини "Chevrolet Tracker" бўлган акцияни эълон қилди

"Трастбанк" билан бирга бўлинг ва совғага эга бўлинг" акцияси жорий йил 1 ноябрдан 2024 йил 29 февралга қадар ўтказилади. Унда иштирок этиш учун банкда "Mastercard" халқаро тўлов картасини очиш ҳамда камида 10 АҚШ доллари миқдорида транзакцияларни амалга ошириш керак бўлади.

Акцияда суперютуқ "Chevrolet Tracker" автомобилидан ташқари "Samsung" кир ювиш машинаси (4 дона), "Samsung" телевизори (4 дона) ҳамда "Samsung Galaxy A23" телефони (4 дона) ютуқ сифатида ўйналади.

🌐 Батафсил маълумот учун ҳавола.
📞 Алоқа маркази: 1287

Банк ҳақида барча янгиликлар расмий каналида.

Ҳамкорлик асосида

Bankers.uz - Банк тизими янгиликлари

01 ноября 2023 19:35

💳 Uzum Bank бошқарув раиси ўринбосарларидан яна бири лавозимини тарк этди

Бундан 2 йил аввал фаолиятини бошлаган "Bank Apelsin" АЖ (ҳозирги "Uzum Bank" АЖ) бошқарувининг яна бир вакили, банк ташкил топгандан буён бошқарув раиси ўринбосари лавозимида ишлаб келаётган Анвар Сайдуллаев ўз лавозимини тарк этди. Бу ҳақда Ягона корпоратив ахборот порталида маълум қилинган.

Бу — июнь ойидан буён Uzum Bank бошқарувидан учинчи вакилнинг кетиши ҳисобланади. Дастлаб (июнда) бошқарув раиси Сергей Гимадиев, кейинчалик (сентябрда) раис ўринбосари Шароф Икрамовлар ўз лавозимини тарк этишганди.

Батафсил - https://bankers.uz/news/1271


@bankers_uz

Bankers.uz - Банк тизими янгиликлари

31 октября 2023 16:00

🏦 Трастбанк "Бутунжаҳон жамғариш куни" тадбирларида фаол иштирок этмоқда — фото

Хусусан, Гулистон шаҳридаги Ҳалима Худойбердиева номидаги ижод мактаби ўқувчилари, Жиззах шаҳридаги Ҳиндистоннинг Самбҳрам университети ҳамда ЎзМУ талабалари учун ўтказилган очиқ дарсларда Трастбанк масъуллари томонидан молиявий режалаштириш, рақамли моливайий саводхонлик, банкда турли жамғарма операцияларини амалга ошириш, кредит ва унинг мажбуриятлари каби мавзулар юзасидан асосий тушунчалар берилди.

Батафсил — https://bankers.uz/news/1268


@bankers_uz

Bankers.uz - Банк тизими янгиликлари

27 октября 2023 15:34

🏦 Гарант банкнинг Бухородаги янгиланган филиали иш бошлади

Жорий йилнинг 27 октябр куни "Гарант банк" АЖнинг Бухоро шаҳридаги янгиланган — шаҳар филиалининг очилиш мароси бўлиб ўтди. Филиал Бухоро шаҳри, Б.Нақшбанд кўчаси, 238-уй манзили бўйича иш кунлари соат 9:00 дан 18:00 гача мижозларга кенг турдаги банк хизматларини кўрсатади.

Хусусан, филиалда корпоратив ва дебет карталарини чиқариш, бизнес учун тариф линиялари, пул ва банк ўтказмалари, миллий ва хорижий валютадаги омонатларни расмийлаштириш, коммунал ва бошқа тўлов хизматларидан фойдаланиш мумкин.

📞 Мурожаат учун: 1326

Telegram | Instagram | Facebook | Веб-сайт | Илова

Ҳамкорлик асосида

Bankers.uz - Банк тизими янгиликлари

26 октября 2023 08:42

🏦 Асосий ставка ўзгаришсиз қолдирилди

Марказий банк Бошқарувининг 2023 йил 26 октябрда бўлиб ўтган йиғилишида асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилинди.

Эслатиб ўтамиз, асосий ставка жорий йил 16 март куни 1 бандга пасайтирилиб, 14 фоиз даражасида белгиланган эди.


@bankers_uz

Bankers.uz - Банк тизими янгиликлари

25 октября 2023 18:25

💳 Фарход Маҳмудов OSON тўлов тизими янги босқичга ўтганини маълум қилди

Ўзбекистондаги тўлов тизимлари бозорида асосий ўйинчи бўлиб келган компания ҳозирда муҳим трансформация жараёнини бошдан кечирмоқда. Ҳозирда OSON бош директори Фарҳод Маҳмудов компания устидан ягона назоратга эга ва унинг ягона эгаси ҳисобланади.

Ф.Маҳмудовнинг айтишича, Марказий банкнинг трансчегаравий тўловларни тўхтатиб туриш тўғрисидаги қарорини ҳисобга олган ҳолда, OSON ўз эътиборини маҳаллий бозорга қаратишга қарор қилган.

Батафсил - https://bankers.uz/news/1267


@bankers_uz

Bankers.uz - Банк тизими янгиликлари

25 октября 2023 16:10

🏦 AloqaBank "Талаба картаси" лойиҳасини тақдим қилди

Тошкентда бўлиб ўтаётган ICTWEEK UZBEKISTAN 2023 ҳафталигида AloqaBank "Талаба картаси" лойиҳаси тақдимотини ўтказди. Мазкур карта бир вақтнинг ўзида талаба гувоҳномаси, таълим муассасаси ва кутубхонага рухсатнома, VISA картаси ва онлайн тўловлар учун восита ҳамда транспорт картаси (АТТО) каби функцияларни бажаради.

Ҳозирда лойиҳа ТАТУ ва Молия институтида йўлга қўйилган, келгуси йилдан уни бошқа олий ўқув юртларида жорий қилиш режалаштирилган.

Батафсил — https://bankers.uz/news/1265


@bankers_uz

Bankers.uz - Банк тизими янгиликлари

24 октября 2023 17:30

🏦 Жорий йилнинг сентябрь-октябрь ойларида Агробанк тизими ходимлари ўртасида кенг миқёсли — "Агробанк лидерлари" интеллектуал ўйинлари ўтказилди. Ўйинлар дастлаб ҳудудий босқичлар тарзида барча вилоятларда ташкиллаштирилди ва унда 220 га яқин жамоалар, 1800 дан ортиқ банк ходимлари иштирок этди.

Куни кеча, 21 октябрь куни Тошкентдаги "Hilton" мажмуасида ўйинларнинг финал баҳси бўлиб ўтди. Унда барча ҳудудларда етакчи ўринни эгаллаган жами 42 та жамоа қатнашди.

Бевосита Bankers.uz жамоаси ҳамкорлигида ташкил қилинган ушбу тадбирларнинг финал баҳси видеоҳисоботини эътиборингизга ҳавола этамиз. Финал тадбирнинг тўлиқ видеотрансляцияси ва фотожамланмасини ҳам кўриш мумкин.


@bankers_uz

Bankers.uz - Банк тизими янгиликлари

23 октября 2023 18:52

🏦 Ўзбекистон банкларининг 9 ойда олган соф фойдаси — инфографика

Ўзбекистон банклари 2023 йил 9 ойини жами 8,2 трлн сўм фойда билан якунлаган (2022 йил 9 ойга нисбатан 869,1 млрд сўмга кўп). 1 октябрга 4 та банк - AVO Bank ҳамда янги банклар: Apex Bank, Ҳаётбанк ва Янги банк зарарда бўлган.

"Етакчи ўнталик"дан 2 та давлат банки — Ўзмиллийбанк ва ЎзСҚБ ҳамда 8 та хусусий/бошқа банклар — Капиталбанк, Ҳамкорбанк, Трастбанк, Ипак Йўли банки, Ипотека банк, ОФБ, KDB Bank ва Давр банк ўрин олган. Ўтган йил 9 ойликда 115 млрд сўм зарарда бўлган TBC Bank бу йил 12,8 млрд сўм соф фойда олган, ANORBANK'нинг соф фойдаси 95 млрд сўмга етган.

Батафсил - https://bankers.uz/news/1263


@bankers_uz

Bankers.uz - Банк тизими янгиликлари

19 октября 2023 09:23

🏦 Tenge Bank “Қозоғистон маданий мероси” фестивалига таклиф қилмоқда

"Halyk Bank" ташкил топганлигининг 100 йиллиги муносабати билан банкнинг Ўзбекистондаги шўъба банки - Tenge Bank қозоқ маданияти қадриятлари, халқ анъаналари ва халқ амалий санъати бирлигини тарғиб қилишга қаратилган "Қозоғистон маданий мероси" фестивалини ўтказмоқда.

Тадбир 20 октябрь куни соат 17:00 да Тошкентдаги “Наврўз” этнопаркида бошланади. Фестивалга кириш бепул.

Батафсил - https://bankers.uz/news/1261


@bankers_uz

Bankers.uz - Банк тизими янгиликлари

19 октября 2023 07:00

🏦 Трастбанк ўзини-ўзи банд қилганлар учун микроқарз таклиф этмоқда

Трастбанк ўзини-ўзи банд қилган шахслар учун қуйидаги шартларда микроқарз таклиф этмоқда:

Миқдори: 50 млн сўмгача;
Муддати: 36 ойгача;
Фоиз ставкаси: 23,99% дан бошлаб.

Микроқарзни банк филиалларига ташриф буюриш орқали расмийлаштириш имконияти мавжуд.

Батафсил маълумотни ушбу ҳавола ёки 1287 қисқа рақами орқали олиш мумкин.

Банк ҳақида барча янгиликлар расмий каналида.

Ҳамкорлик асосида

Bankers.uz - Банк тизими янгиликлари

17 октября 2023 08:45

🏦 Bankers.uz ва республикамиз банк тизими жамоаси номидан бугун туғилган кунини нишонлаётган Ўзбекистон Республикаси Марказий банки раисининг биринчи ўринбосари Нодирбек Сайдуллаевни табриклаймиз! (1982 йил туғилган)

Шу муносабат билан, Нодирбек Нарзуллаевичга мустаҳкам соғлик ва куч-қувват ҳамда меҳнат фаолиятида муваффақиятлар тилаб қоламиз.


@bankers_uz

Bankers.uz - Банк тизими янгиликлари

16 октября 2023 16:23

🏦 Сентябрда муаммоли кредитлар 441 млрд сўмга камайган

Сентябрь ойи давомда банкларнинг жами кредит портфели қарийб 6,9 трлн сўмга кўпайган ва 451,6 трлн сўмдан ортган. Портфель давлат банкларининг деярли барчасида (+3,6 трлн сўм) айниқса Агробанк (+1,9 трлн сўм)да ошиши кузатилган. Шунингдек, Капиталбанк, Ипотека-банк, Зираат банк, ОФБ ҳамда Ҳамкор банкларда ҳам кредит портфели нисбатан кўпроққа ўсган.

Августда кескин ортган муаммоли кредитлар ҳажми сентябрда яна камайган (-441 млрд сўм) ва жами портфелдаги улуши 3,7 фоизга тушган (-0,16 фоиз). NPL нинг энг катта миқдорий камайиши Ипотека банкка тўғри келган — 448 млрд сўм.

Батафсил - https://bankers.uz/news/1257


@bankers_uz

Bankers.uz - Банк тизими янгиликлари

13 октября 2023 19:05

🏦 Агробанкнинг HR соҳасидаги фаолияти эътироф этилди

Бугун Тошкентдаги “Hyatt Regency" меҳмонхонасида HR соҳасида Ўзбекистонда энг муносиб иш берувчиларни тақдирлаш учун “EMBRAS-2023” мукофотларини тантанали топшириш маросими ўтказилди. Тадбирда Агробанкдаги трансформация жараёнлари, хусусан банкда HR соҳасида ҳам кўплаб ижобий ютуқларга эришилаётганлиги эътироф этилди.

Банк “Истеъдодларни ривожлантириш” йўналишида мукофотга сазовор бўлди.

Батафсил - https://bankers.uz/news/1255


@bankers_uz

Bankers.uz - Банк тизими янгиликлари

10 октября 2023 06:01

🏦 Банклар ўтган йилнинг мос даврига нисбатан 1,9 трлн сўм кўпроқ ипотека кредити ажратган

Банклар 2023 йил 9 ой давомида 12,2 трлн сўмлик, яъни ўтган йил мос даврига нисбатан 1,9 трлн сўмга кўпроқ ипотека кредитлари ажратган. Кўпайиш асосан Ипотекани қайта молиялаштириш компанияси ва тижорий ипотека кредитлари ҳисобига шаклланган. Кредитларнинг 57 фоизи бирламчи бозордаги уйларни сотиб олишга ажратилган ва асосан Иқтисодиёт ва молия вазирлиги ресурсларидан молиялаштирилган.

Тошкент (3,8 трлн сўм) ажратилган кредитлар бўйича етакчи бўлиб турибди. Бошқа бирор ҳудудда ипотека кредитлари миқдори триллионга етмаган.

Батафсил — https://bankers.uz/news/1251


@bankers_uz

Bankers.uz - Банк тизими янгиликлари

03 ноября 2023 04:48

🏦 Ўзмиллийбанк мобил иловасининг янги версияси учун 71 млрд сўм сарфламоқда

Банк ўз иловаси — "Milliy"нинг янги версиясини яратиш учун 96 млрд сўм бошланғич нарх билан "XT-Xarid" платформасида тендер эълон қилган.

Телеграмдаги "G'azna" канали ушбу тендер ва унинг иштирокчилари қатнашган бошқа тендер ва танловлар бўйича бир қанча шубҳали ҳолатлар борлигига эътибор қаратди. Bankers.uz Ўзмиллийбанкка расмий сўров юборди.

Батафсил - https://bankers.uz/news/1273


@bankers_uz

Bankers.uz - Банк тизими янгиликлари

01 ноября 2023 13:50

Бизнесни ривожлантириш банки ва Тошкент халқаро молиявий бошқарув ва технологиялар университети ўртасида меморандум имзоланди

Меморандум банк соҳасида ходимлар ва талабаларни тайёрлаш, уларнинг малакасини ошириш, махсус ўқув курсларини ташкил этиш, университет талабалари учун амалиёт тадбирларини ташкиллаштириш, турли мавзуларда қўшма амалий машғулотлар ўтказиш каби йўналишларда ҳамкорликни кўзда тутади.

Батафсил - https://bankers.uz/news/1270


@bankers_uz

Bankers.uz - Банк тизими янгиликлари

31 октября 2023 14:58

🏦 Микрокредитбанк Тошкент марказидаги Алоқабанк ва Рақамли технологиялар вазирлиги биноларини сотиб олди

Тошкент марказидаги Рақамли технологиялар вазирлигига қарашли бино 69,9 млрд сўмга ҳамда Алоқабанкка қарашли бино 317,1 млрд сўмга тўғридан-тўғри шартнома орқали Микрокредитбанкка бўлиб тўлаш шарти билан сотилди. Тегишли олди-сотди шартномалари ЎзТХБнинг махсус платформасига жойлаштирилган.

Эслатиб ўтамиз, ушбу бинолар жорий йил апрель ойида самарқандлик тадбиркор Хуршид Тўраевга сотилган, бироқ кейинчалик битим бекор қилинган эди.

Батафсил - https://bankers.uz/news/1269


@bankers_uz

Bankers.uz - Банк тизими янгиликлари

26 октября 2023 11:11

🏦 Айни дамда Ўзбекистон Республикаси Марказий банки биносида “Пул-кредит сиёсатининг 2024 йил ва 2025-2026 йиллар даврига мўлжалланган асосий йўналишларининг дастлабки концептуал лойиҳаси” ҳамда асосий ставкани кўриб чиқиш бўйича Бошқарув йиғилиши қарори юзасидан матбуот анжумани ўтказилмоқда.

Матбуот анжуманини тўғридан тўғри эфирда "O'zbekiston24" ва "UzReportTV" телеканаллари орқали ҳамда UzReportTV телеканалининг YouTube саҳифасида, шунингдек Марказий банкнинг Facebook саҳифасида кузатиш мумкин.


@bankers_uz_live

Bankers.uz - Банк тизими янгиликлари

26 октября 2023 07:31

🏦 Bankers.uz ва республикамиз банк тизими жамоаси номидан бугун туғилган кунини нишонлаётган АТ "Алоқабанк" Бошқаруви раиси Каммуна Ирисбековани табриклаймиз! (1960 йил туғилган)

Шу муносабат билан, Каммуна Наринбаевнага мустаҳкам соғлик ва куч-қувват, меҳнат фаолиятида эса янги ютуқлар тилаб қоламиз.


@bankers_uz

Bankers.uz - Банк тизими янгиликлари

25 октября 2023 16:28

🏦 Банк хизматлари истеъмолчилари ҳуқуқларини бузган 16 та банкка жарима солинган

Марказий банк кредит ва омонатлар ҳақидаги ахборотларни истеъмолчиларга белгиланган тартибда ошкор қилмагани ҳамда банк карталари орқали хизматлар кўрсатишни тўлиқ йўлга қўймагани учун 16 та банкка жарима қўллаган ҳамда 5 та банкка огоҳлантириш берган.

Банкларга ўз хизматлари ҳақидаги маълумотларни тўлиқ ошкор қилиши ва уларнинг шартларини батафсил тушунтириши лозимлиги айтилган.

Батафсил - https://bankers.uz/news/1266


@bankers_uz

Bankers.uz - Банк тизими янгиликлари

25 октября 2023 13:41

🏦 ANORBANK Қарши филиали ишга таклиф қилади

Эртага — 26 октябрь куни соат 11:30 дан 20:00 гача Қарши шаҳри, Мустақиллик кўчасидаги "Grand Sarbon" меҳмонхонасида банк раҳбарияти томонидан очиқ эшиклар куни ўтказилади.

Банк иши бўйича мутахассислар қуйидаги вакансиялар бўйича суҳбатдан ўтишлари мумкин:

➖Сотув офиси бошлиғи;
➖Корпоратив сотув бўлим бошлиғи;
➖Юридик шахсларни кредитлаш бўйича етакчи мутахассис;
➖Кредит мониторинги булими бошлиғи.

Батафсил маълумот: @sab_hranor | Телефон: +998992453636

Bankers.uz - Банк тизими янгиликлари

24 октября 2023 13:32

🏦 ANORBANK ва "Kundalik" ҳамкорлик шартномасини имзолади

Ёш авлод таълимини рағбатлантиришга қаратилган ушбу лойиҳа доирасида аълочи ўқувчиларнинг ота-оналари қимматбаҳо совғаларга эга бўлишлари мумкин. Бунинг учун ота-она банкнинг ANOR Black Mastercard картасига эга бўлиши ҳамда ва eMaktab тизимига уланган бўлиши лозим.

Совринли ўйин 2024 йил 25 майга қадар, 3 босқичга бўлинган ҳолда бўлиб ўтади. Ҳар бир босқичда 100 тадан совға ўйналиши режалаштирилган.

Батафсил - https://bankers.uz/news/1264


@bankers_uz

Bankers.uz - Банк тизими янгиликлари

23 октября 2023 08:07

🏦 InfinBANK ижтимоий масъулиятли бизнеслар ТОП-7 лигида эътироф этилди

Лондонда бўлиб ўтган “Oʻzbekistonlik” халқаро форумида Uzbekistan’s Club жамоаси ижтимоий масъулиятли бизнеслар ТОП-7 лигини тақдим этди. Унда InfinBANK ҳам эътироф этилди.

Миллий ТОП-7 ликка InfinBANK’нинг “Матонат футбол” лойиҳаси кирди. Банк ногирон-ампутантлар футболини ривожлантириш марказига, оёқ-қўлларининг ампутациясидан сўнг ёки туғма патология туфайли ногиронлиги бўлган шахсларга ёрдам кўрсатди.

Батафсил — https://bankers.uz/news/1262


@bankers_uz

Bankers.uz - Банк тизими янгиликлари

19 октября 2023 08:34

🏦 Юридик шахсларнинг депозит қолдиғи йил бошига нисбатан 9,5 трлн сўмга қисқарган

2023 йил 9 ойлик якунларига кўра, юридик шахсларнинг жами депозитлари йил бошига нисбатан 9 трлн 454 млрд сўмга камайиб, 144 трлн 160 млрд сўмни ташкил қилмоқда. Камайиш, асосан, давлат банкларига тўғри келган.

Жами банклардаги депозитлар қолдиғи кўпайишига аҳоли депозитларининг ўсиши (+14,05 трлн сўм) таъсир қилган.

Батафсил — https://bankers.uz/news/1260


@bankers_uz

Bankers.uz - Банк тизими янгиликлари

17 октября 2023 16:53

💳 "UZCARD FORUM" – мамлакатнинг асосий финтех тадбири

Аввал хабар берилганидек, 26 октябрь куни Тошкентда банк ва финтех соҳасининг муҳим воқеаси — "UZCARD FORUM 2023" бўлиб ўтади. Тадбир республикамиз, шунингдек, Қозоғистон, Россия ва Исроилнинг етакчи ва таниқли компаниялари вакилларини битта бизнес майдончада бирлаштиради ва профессионал ҳамжамият учун муҳим муҳокама майдонига айланади.

Форум давомида энг долзарб муаммолар — Ўзбекистон банк сектори учун глобал трендлар, тенденциялар ва муаммолар, big data билан ишлаш, банкларнинг рақамли трансформациясига оид кейслар ва бошқа масалалар муҳокама қилинади. UZCARD ва компания ҳамкорларидан янги дастурий маҳсулотлар тақдимоти бўлиб ўтади.

UZCARD FORUM доирасида, шунингдек, процессинг маркази фаолияти, ахборот хавфсизлиги, тўлов тизимлари, HR, маркетинг бўйича долзарб мавзуларда тақдимотлар, бизнес-тренинглар ва семинарлар ўтказилади.

Сайт | Телеграм | Ҳамкорлик асосида

Bankers.uz - Банк тизими янгиликлари

17 октября 2023 08:15

💳 Ўтган йилга нисбатан 10 баравар: Uzum Bank 3-чорак якунлари тўғрисида ҳисобот берди

2023 йилнинг 3-чорагини Uzum Bank 17,4 млрд сўм фойда билан якунланди, бунда банкнинг фоизли даромадлари йил давомида қарийб 10 баробар (+957 %), банк активлари 2,3 баробар, ўз капитали эса ўткан йилга қараганда 92 фоизга ўсди.

Бугунги кунда Uzum Bank капитали 243,6 млрд сўмни, банк активлари ҳажми эса 584,5 млрд сўмни ташкил этмоқда.

Батафсил — https://bankers.uz/news/1258


@bankers_uz

Bankers.uz - Банк тизими янгиликлари

16 октября 2023 06:51

🏦 Сентябь ойида олтин-валюта захиралари 1,6 млрд долларга камайди

Ўзбекистоннинг халқаро захиралари ҳажми сентябрь ойида 1 млрд 651 млн долларга камайиб, 31 млрд 39 млн АҚШ долларини ташкил қилди. Захираларнинг валюта қисми бир ой ичида 1,31 млрд долларга камайган.

Марказий банк халқаро захиралар камайишинининг 0,9 млрд долларлик қисми сентябрь ойидаги олтин нархининг 1 944,20 доллардан 1 871,60 долларгача пасайгани билан изоҳлаган.

Батафсил - https://bankers.uz/news/1256


@bankers_uz

Bankers.uz - Банк тизими янгиликлари

10 октября 2023 14:34

🏦 Ўзмиллийбанк бошқаруви раисига янги ўринбосар тайинланди

Ўзмиллийбанк кузатув кенгашининг жорий йил 5 октябрдаги қарорига асосан, Рихсиев Боходир Тўлаганович “Ўзмиллийбанк” АЖ бошқарув раиси ўринбосари — Трансформацион офис директори лавозимига тайинланган. Бу ҳақда Ягона корпоратив ахборот порталида маълум қилинган.

Боходир Рихсиев ушбу лавозимга тайинлангунга қадар Ўзмиллийбанк Бухгалтерия ҳисоби ва молиявий менежмент департаменти директори — Бош бухгалтер лавозимида фаолият юритган.


@bankers_uz

Bankers.uz - Банк тизими янгиликлари

06 октября 2023 10:52

🏦 Bankers.uz ва республикамиз банк тизими жамоаси номидан бугун туғилган кунини нишонлаётган "Асакабанк" АЖ бошқаруви раиси Қудратилла Тулягановни самимий табриклаймиз! (1982 йил туғилган)

Шу муносабат билан, Қудратилла Асатуллаевичга куч-қувват, мустаҳкам соғлик, меҳнат фаолиятида муваффақиятлар тилаб қоламиз.


@bankers_uz