Bankers.uz - Банк тизими янгиликлари

18 января 2023 13:58

Сирдарё вилоятида 16,6 млрд. сўм имтиёзли кредит маблағлари мақсадсиз йўналтирилгани аниқланди

Коррупцияга қарши курашиш агентлиги томонидан Сирдарё вилоятида ўтказилган ўрганишда тегишли йўналиш бўйича бириктирилган банкларнинг туман ва шаҳар филиаллари мансабдор шахслари томонидан бошқа шахслар билан олдиндан тил бириктирган ҳолда, 642 нафар фуқаро ва 19 та таъминотчи иштирокида 16,6 млрд. сўмдан ортиқ кредит маблағлари талон-торож қилингани аниқланган. Ҳолат вилоят прокуратураси томонидан ўтказилган терговга қадар текширув натижасида ҳам тасдиқланган.

Ҳозирда тегишли ҳоким ёрдамчилари, 19 та таъминотчи ҳамда банкларнинг мансабдор шахслари ва бошқаларга нисбатан Жиноят кодексининг тегишли банди билан жиноят иши қўзғатилган.

Батафсил - https://bankers.uz/news/1007


@bankers_uz

Bankers.uz - Банк тизими янгиликлари

17 января 2023 09:02

🏦 "CONTINENT ARM INVESTMENTS" компанияси Капиталбанкнинг иккинчи йирик акциядорига айланди

"Капиталбанк" АТБ акциядорлари таркибида яна ўзгариш рўй берди. Маълум бўлишича, банк акциядорларидан бири "CONTINENT ARM INVESTMENTS" МЧЖнинг банк капиталидаги улуши 38,46 фоизга етган.

"CONTINENT ARM INVESTMENTS" МЧЖ банк Кузатув кенгаши аъзолари — ака-ука Абдусаматовларга тегишли "Continent Insurance" МЧЖнинг қайта ташкил қилинган компанияси ҳисобланади. Қайта ташкил қилишда жамиятга яна бир ҳиссадор — Алексей Губайдулин қўшилган. Компания устав капитали 155,3 млрд. сўмни ташкил қилади.

Батафсил - https://bankers.uz/news/1003


@bankers_uz

Bankers.uz - Банк тизими янгиликлари

16 января 2023 09:17

🏦 "Ипак Йўли" банки Яккасаройдаги меҳмонхонани сотувга қўйди

“Ипак Йўли” АИТБ балансидаги, Тошкентнинг Яккасарой тумани, Қушбеги мавзесида жойлашган 4 қаватли “Aman Hotel” меҳмонхонаси онлайн савдога қўйилди. Савдо 6 февраль куни e-auksion электрон платформасида бўлиб ўтади.

Меҳмонхонанинг дастлабки баҳоси 26 млрд. сўмни ташкил қилади. Бино ундирилмаган кредит гарови сифатида банк балансига олинган.

Батафсил - https://bankers.uz/news/1002


@bankers_uz

Bankers.uz - Банк тизими янгиликлари

12 января 2023 14:01

🏦 Туронбанк ўзининг янгиланган мобил иловаси – "MyTuron"ни тақдим қилади!

Тез ва қулай хизматларни хуш кўрувчилар учун банк замонавий интерфейс, ёқимли дизайн ва чегарасиз имкониятларни ўзида жамлаган янги иловани тақдим қилди.

Илова орқали энди исталган жисмоний шахслар, шу жумладан бугунги кунга қадар банк мижози бўлмаганлар ҳам масофадан идентификациядан ўтишлари ва қуйидаги хизматлардан фойдаланишлари мумкин:

➖ Онлайн микроқарз;
➖ Карта ва кредитларга буюртма бериш;
➖ Онлайн омонатлар очиш;
➖ Бонус ва кешбеклардан фойдаланиш.

Юклаб олиш учун ҳавола: Play Market | App Store

🎞 Фойдаланиш бўйича видеоқўлланма “TuronBank Media”да.
🧑‍💻Техник хизмат кўрсатиш - @turon_mobile_support

Қисқа рақам: 1220

Сайт | Telegram | Facebook | Instagram | YouTube

Bankers.uz - Банк тизими янгиликлари

12 января 2023 10:11

🏠 2022 йилда қарийб 14,4 трлн. сўмлик ипотека кредитлари ажратилган

Марказий банк маълумотларига кўра, Ўзбекистон тижорат банклари томонидан 2022 йил давомида 14 трлн. 371 млрд. сўмлик ипотека кредитлари ажратилган. Бу кўрсаткич 2021 йил (9,8 трлн. сўм) га нисбатан 4,6 трлн. сўм кўп демакдир.

Кредитларнинг асосий қисми (72,5 фоизи) Молия вазирлиги ресурслари ҳисобидан ажратилган. Шунингдек, 26,3 фоиз ипотека кредитлари банкларнинг ўз маблағлари ҳисобидан, тижорий шартларда ажратилган ипотека кредитларидан иборат.

Кредитларнинг 75 фоизи бирламчи бозордаги уйларни сотиб олишга, 25 фоизи эса иккиламчи бозордан уй-жой сотиб олишга ажратилган.

Ипотека кредити истеъмолчиларининг 70 фоизи 31-50 ёш оралиғидаги мижозлар, 21 фоизи эса 18-30 ёш оралиғидагилар бўлган. 50 ёшдан ошган ипотека кредити истеъмолчилари 9 фоизни ташкил қилган.

Кредитларнинг 4,3 трлн. сўми Тошкент шаҳридан уй-жой сотиб олиш учун ажратилган.


@bankers_uz

Bankers.uz - Банк тизими янгиликлари

11 января 2023 08:31

🏦 Fitch Ratings Ўзсаноатқурилишбанкнинг узоқ муддатли кредит рейтингини барқарор прогноз билан тасдиқлади

"Fitch Ratings" халқаро рейтинг агентлиги Ўзсаноатқурилишбанк акциядорлик тижорат банки узоқ муддатли кредит рейтингини "BB-" даражасида, истиқболи барқарор прогнози билан тасдиқлади.

Агентлик хабарига кўра, "Ўзсаноатқурилишбанк"нинг кредит рейтинги барқарор бизнес профили, етарли молиялаштириш позицияси ва капиталнинг етарлилиги даражаси билан белгиланади. Агентлик таҳлилчилари банкнинг ҳисобот санасига кўра активлар ҳажми бўйича иккинчи, Ўзбекистон банклари орасида эса капитал бўйича учинчи ўринни эгаллаб турган мустаҳкам бозор позицияларини қайд этган. "Барқарор" прогноз 12-18 ойлик истоқболда рейтингнинг ўзгармаслигини англатади.

Батафсил - https://bankers.uz/news/996


@bankers_uz

Bankers.uz - Банк тизими янгиликлари

10 января 2023 11:46

🏦 Марказий банк ҳудудий бошқармалари биноларида ҳам қуёш панелларини ўрнатишни режалаштирмоқда

Марказий банкнинг бир нечта ҳудудий бош бошқармалари, хусусан, Жиззах, Навоий, Тошкент, Қашқадарё ва Фарғона вилоятларидаги биноларида қуёш панеллари ва қуёш электр станцияларини ўрнатиш учун махсус порталда танлов эълонлари жойлаштирилган.

Ҳар бир ҳудудий бошқармада 400-500 кв.м. майдонга ҚЭС қурилмалари ўрнатилади ва ушбу мақсадда 460-575 млн. сўм оралиғида харажатлар қилиш режалаштирилган.

Шунингдек, Хоразм ва Самарқанд вилоятларидаги бошқармалар учун танлов ўтказиб бўлинган ва ғолиблар аниқланган.

Эслатиб ўтамиз, аввалроқ Марказий банк бош биноси томини қуёш панеллари билан қоплаш учун 3,3 млрд. сўмлик тендер эълон қилгани ҳақида хабар берилганди.


@bankers_uz

Bankers.uz - Банк тизими янгиликлари

09 января 2023 10:32

🏦 Йил якунида олтин-валюта захиралари 2,3 млрд. долларга кўпайди

Марказий банк 1 январга Ўзбекистоннинг халқаро захиралари ҳолатини эълон қилди. Маълумотларга кўра, Ўзбекистоннинг халқаро захиралари ҳажми 35 млрд. 767,5 млн. АҚШ долларини ташкил қилмоқда.

Ўзбекистон Республикаси ялпи халқаро захиралари 2022 йилнинг декабрь ойида ўтган ойга нисбатан 2 млрд. 326,2 млн. долларга кўпайди.

Захира активлар таркибида монетар олтин 23,06 млрд. долларни ташкил этмоқда. Бир ой олдинга нисбатан монетар олтин қиймати 600,8 млн. долларга кўпайган бўлса, олтиннинг физик ҳажми 40 минг унцияга камайган.

Ялпи захираларнинг валюта қисми 2022 йилнинг ноябрь ойи билан солиштирганда камайиш ҳажми 1 млрд. 712,7 млн долларни ташкил қилган. Валюта захиралари ҳозирда 11,6 млрд долларни ташкил қилмоқда.


@bankers_uz

Bankers.uz - Банк тизими янгиликлари

07 января 2023 13:38

❗️Лицензияси бекор қилинган "Hi-Tech bank"нинг регулятор қарори устидан даъвоси рад этилган

Ўтган йил декабрь ойи охирида "Hi-Tech bank" ХАТБ томонидан банкнинг тугатилиши тўғрисидаги регулятор қарори юзасидан судга мурожаат қилгани маълум қилинганди.

Иқтисодчи Отабек Бакировнинг ёзишича, суд "Hi-Tech bank"нинг регуляторнинг лицензияни чақириб олиш тўғрисидаги қарорини бекор қилиш ҳақидаги даъвосини рад этган.

Шунингдек, айтилишича, "Hi-Tech bank" вакилларининг бошқа масалалар бўйича ҳам Марказий банкка даъволари кўриб чиқилмоқда.


@bankers_uz

Bankers.uz - Банк тизими янгиликлари

05 января 2023 12:41

UDEA'нинг Буюк Британияда ўтказилган “Банкларда комплаэнс бўйича профессионал курс” дастури муваффақиятли якунланди

Рақамли иқтисодиёт ва агротехнологиялар университети (UDEA) томонидан Буюк Британиянинг нуфузли – Ковентри университети билан биргаликда “Банкларда комплаэнс бўйича профессионал курс” қисқа муддатли ўқув курси ташкил этилди.

Мазкур ўқув курси тижорат банкларининг рискларни бошқариш ва ғазначилик бўлинмалари ходимлари учун мўлжалланган бўлиб, тингловчиларчиларга тижорат банкларида санкцияларга риоя қилиш ("комплаэнс") билан боғлиқ операцион ва молиявий рискларни тушуниш, таҳлил қилиш ва рискларни камайтириш бўйича билим ва кўникмаларни шакллантириш мақсадларини ўзида жамлаган.

20 нафар банк ходими иштирок этган ўқув курсига жорий йилнинг 6 декабрь куни Тошкент шаҳрида старт берилди, 9 декабрдан бошлаб машғулотлар бевосита Ковентри университетида давом этди.

Эътиборлиси, Дастур доирасида тингловчилар Bloomberg'нинг Лондондаги бош офисига ташриф буюришди, шунингдек, афсонавий Астон Мартин компаниясида ишлаб чиқариш жараёнларини бевосита кузатиш имкониятига эга бўлдилар.

Дастур якунида тингловчилар Ковентри университетининг сертификатлари билан тақдирландилар.

Мурожаат учун:
☎️ +998 78-888-08-00

Telegram | Instagram | Facebook

Bankers.uz - Банк тизими янгиликлари

05 января 2023 06:10

Сбербанк Ўзбекистонда товар белгиларини рўйхатдан ўтказмоқда

Россиянинг энг йирик молиявий экотизими - СБЕР ("Сбербанк России" ОАЖ) Ўзбекистонда товар белгиларини рўйхатдан ўтказмоқда. Тегишли ёзув "Интеллектуал мулк" маълумотлар базасида пайдо бўлди. Ариза 2022 йил 26 декабрда топширилган. Порталда иккита товар белгиси (номлари лотин ва кирилл алифбосидаги) ва логотипни рўйхатдан ўтказиш учун берилган учта сўров мавжуд.

Маълумот учун, 1991 йилда ташкил этилган Сбербанк активлари бўйича Россиядаги энг йирик банки ҳисобланади. Айни пайтда банкнинг Россия Федерациясида 13,6 мингдан ортиқ филиаллари ва 106 миллион фаол мижозлари мавжуд. Москва биржаси маълумотларига кўра, банкнинг бозор капиталлашуви 3 триллион рублдан (43,3 миллиард доллар) ошади.


@bankers_uz

Bankers.uz - Банк тизими янгиликлари

03 января 2023 07:55

🏦 Ўзагроэкспортбанк 5 млн. АҚШ долларига сотилди

“Ўзагроэкспортбанк” АТБ устав капиталидаги 100 фоиз давлат акциялар пакети "Support Level" МЧЖга 5,0 млн. АҚШ долларига сотилди. Бу ҳақда Давактив матбуот хизмати маълум қилди.

Хабарда айтилишича, “Support Level” МЧЖ шунингдек, банкнинг устав капиталини қўшимча камида 29 млрд. сўмга ошириш ҳамда банкка камида 50 млн. АҚШ доллар инвестиция киритиш мажбуриятини ҳам олган. Харидорнинг таклифи хусусийлаштириш бўйича консалтинг компанияси — “Grant Thornton” томонидан маъқулланган.

Очиқ маълумотларга кўра, "Support Level" МЧЖ устав капитали 56 млрд. сўмни ташкил этиб, унинг 100% таъсисчиси Шодиев Олимжон Касимович ҳисобланади. Айрим манбаларга кўра, Олимжон Шодиев миллиардер Фаттоҳ Шодиевга қариндошлиги ҳам айтилади. О.Шодиев шунингдек, НГМК кузатув кенгаши таркибига ҳам киритилган.

Батафсил - https://bankers.uz/news/987


@bankers_uz

Bankers.uz - Банк тизими янгиликлари

31 декабря 2022 20:20

Bankers.uz жамоаси барча юртдошларимизни, шу жумладан Ўзбекистон банк тизимида хизмат қилаётган барча ходимларни кириб келган янги — 2023 йил билан чин дилдан табриклайди!

Ушбу видеороликда якунланган 2022 йил давомида мамлакат банк тизимида юз берган айрим воқеалар, иш жараёнларига оид ва ишдан ташқари ташкиллаштирилган айрим тадбирлардан видеофрагментлар видеоҳисобот шаклида тайёрланди.

2023 йил ўтган йилдагидан ҳам сермаҳсулроқ бўлишига тилакдошмиз! Барчангизга куч-қувват, оилаларингизга бахт ва фаровонлик тилаймиз!


@bankers_uz

Bankers.uz - Банк тизими янгиликлари

31 декабря 2022 18:49

🏦 "Агробанк" акциядорлик тижорат банки

➖ Ташкил топган санаси: (Пахтабанк сифатида) 27 июль, 1995 йил;
➖ Банк шиори: Ҳар ким ўсишга қодир;
➖ Банк Кузатув кенгаши раиси: Аҳадбек Ҳайдаров (Молия вазири ўринбосари);
➖ Банк Бошқарув раиси: Рустам Маматкулов;
➖ Ходимлар сони: 10 000 га яқин;
➖ Манзили: Тошкент шаҳар Муқимий к., 43-уй.

📆 Банкда йил давомида бўлган муҳим воқеалар:

➖ Январь ойида Агробанк Rost24 нашри ташаббуси билан ўтказилган "Йил танлови - 2021" танловида "Халққа энг яқин бўлган банк" деб топилди. Май ойида эса "2021 йил ребрендинги" мукофоти билан тақдирланди, банкнинг 3 та лойиҳаси совриндорлар қаторида эътироф этилди. Октябрь ойида Агробанк ва унинг лойиҳалари TAF'да бир нечта номинация бўйича ғолиб бўлди. 24 ноябрь куни “Davinchi Management Consulting” компанияси томонидан Агробанк HR департаменти "Энг яхши ўқув маркази" номинацияси бўйича 1-ўринни қўлга киритди;

➖ Йил бошида иқтисодчи Беҳзод Ҳошимов Агробанк ёшлари билан учрашди;

➖ Январда банк томонидан янги маҳсулот — 50 млн. сўмгача лимитлик кредит картаси тақдим қилинди;

➖ Февралда Агробанкнинг тўлиқ рақамли форматда хизмат кўрсатиши мўлжалланган Fresh филиали ташкил қилинди. Май ойида эса чакана хизматлар кўрсатишда инсон омили иштирок этмайдиган "Smart office"ни тақдим қилди. Июнь ойида Agromarkaz ҳамда Agrozamin — O'zimizniki лойиҳалари тақдимоти бўлиб ўтди;

➖ Февралда Агробанк 169 та филиалида янги электрон навбат тизимлари ўрнатиш учун 23,52 млрд. сўмлик тендер эълон қилди;

➖ Йил давомида банк Agroworld Uzbekistan 2022 кўргазмаси, "Ўзэкспомарказ"да бўлиб ўттган тармоқлараро саноат ярмаркаси ҳамда "Ҳосил байрами" кўргазмаларида иштирок этди;

➖ Февралда Агробанк ўсимликлар карантини ва ҳимояси бўйича ўқув семинарларини бошлади. Апрелда эса 40 та китобдан иборат “Ўсимликлар ҳимояси” тўплами тақдим қилинди;

➖ Июлда Агробанк UZCARD-MASTERCARD кобейдж картасини эмиссия қила бошлади;

➖ Август ойида Агробанк тизимида Bankers.uz билан ҳамкорликда "Агробанк Лидерлари" интеллектуал ўйинлари ўтказилди;

➖ Мустақиллик байрами арафисида HUMO тўлов тизими томонидан "HUMO карталарини эмиссияси бўйича етакчи" деб топилди;

➖ Октябрда Агробанк вакиллари қишлоқ хўжалиги бўйича хориж тажрибасини ўрганиш мақсадида Туркияга сафар қилди;

➖ Ноябрь ойида Самарқанддаги форум доирасида Агробанк иккита муҳим келишувга эришди;

➖ Агробанк яқинда бўлиб ўтган футбол бўйича жаҳон чемпионатининг Ўзбекистонда трансляция қилиниши бош ҳомийсига айланди. Чемпионат муносабати билан Агробанк мижозлари ўртасида акция ўтказилди ва ғолибларга Қатар-2022 ўйинларидан бирига йўлланма берилди;

➖ Декабрда Агробанк Бошқарув раисига янги ўринбосарлар тасдиқланди;

➖ Жорий йил июнь-декабрь ойларида Агробанк пластик карталарига халқаро пул ўтказмалари қабул қилувчилар ўртасида ҳар ой 5 та Iphone 13, мустақиллик байрами арафасида Нексия-3 автомобили, янги йил арафасида Volkswagen E-bora автомобили ўйналган махсус акция ўтказди;

#йилликдайжест


@bankers_uz

Bankers.uz - Банк тизими янгиликлари

31 декабря 2022 15:30

🏦 "Туронбанк" акциядорлик тижорат банки

➖ Ташкил топган санаси: 6 ноябрь, 1990 йил;
➖ Банк шиори: Барқарорлик белгиси;
➖ Банк Кузатув кенгаши раиси: Жасур Қаршибоев (Молия вазирлиги Департамент директори);
➖ Банк Бошқарув раиси: Чори Мирзаев;
➖ Ходимлар сони: 1800 га яқин;
➖ Манзили: Тошкент шаҳар, Абай к., 4а-уй.

📆 Банкда йил давомида бўлган муҳим воқеалар:

➖ Йил бошида Tourist.uz жамоаси Туронбанкнинг кобренд карталаридан фойдаланишни бошлади;

➖ Банкда чакана кредитлар ажратилиши 10 январдан қайта тикланди. Туронбанк VISA карталари эмиссиясини қайта йўлга қўйди;

➖ 1 февраль куни S&P Ratings банкнинг рейтингини "B/Барқарор" даражада тасдиқлади;

➖ Февралда Туронбанкда “Ислом молияси” мавзусида 5 кунлик тренинг бўлиб ўтди;

➖ 30 май куни банк акциядорлари Кузатув кенгаши таркибига С.Ҳабибуллаев (ЎзТТЖ Бўлим бошлиғи) ҳамда З.Холмахмадов (мустақил номзод)лар сайландилар;

➖ Июль ойида Осиё тараққиёт банки Ўзбекистонда савдони молиялаштириш учун Туронбанкка кредит линияси ажратишини маълум қилди. Августда банк Халқаро Молия корпорацияси билан банк трансформацияси бўйича келишув имзолади. Ноябрда Самарқандда бўлиб ўтган форумда Туронбанк ХСРИК ва СМХИК билан $35 млнлик битим имзолади;

➖ Мустақиллик байрами арафасида HUMO тўлов тизими Туронбанкни "SoftPOS орқали интеграция ва тўловлар бўйича етакчи" сифатида эътироф этди;

➖ Сентябрда Туронбанк “Colvir banking system” автоматлаштирилган банк тизимида ишлашни бошлади;

➖ Сентябрь ойида банк иқтисодиёт йўналишидаги ОТМларга ўқишга кирган 100 нафар иқтидорли талаба учун махсус стипендия жорий қилди;

➖ Октябрда Туронбанк Иқтисодиёт университети ва Молия институти билан, ноябрда эса Жаҳон иқтисодиёти ва дипломатия университети билан ҳамкорлик меморандуми имзолади;

➖ Октябрда Тошкент молия институтида Туронбанкнинг махсус “Инновацион илмий-амалий тадқиқот маркази” расман очилди;

➖ Ноябрь-декабрь ойларида Туронбанк тизими ходимлари ўртасида "Туронбанк - интеллект" ўйинлари ўтказилди. 26 декабрь куни интеллектуал ўйинларнинг финал баҳси бўлиб ўтди;

➖ Ноябрь охирида Туронбанк янгиланган "MyTuron" иловасини тест режимида ишга туширди;

➖ Ноябрда Туронбанк хорижий валютада таклиф қилинаётган омонатлар орасида энг кўп устама тўлайдиган "Оптимум" омонатини таклиф қилди.

➖ Декабрда Шахло Ибрагимова Туронбанк Бошқаруви раиси ўринбосари этиб тайинланди;

➖ 11 декабрь куни Туронбанк “Ҳосил байрами” кўргазмасида ўз стенди билан иштирок этди.

#йилликдайжест


@bankers_uz

Bankers.uz - Банк тизими янгиликлари

18 января 2023 10:17

Россиялик мутахассис Капиталбанк бошқаруви раиси этиб тайинланди

Россиялик банк соҳаси мутахассиси Кирилл Маевский Капиталбанк бошқарув раиси этиб тайинланган. У тайинловга қадар банк кузатув кенгаши аъзоси сифатида фаолият юритиб келаётган эди. Бу ҳақда Капиталбанк матбуот хизмати хабар бермоқда.

Шунингдек, ўтган йил май ойидан буён банк бошқаруви раиси ўринбосари лавозимида ишлаб келаётган Сардор Исмаилов бошқарув раисининг биринчи ўринбосари лавозимига тайинланган.

Эслатиб ўтамиз, январь ойининг бошида 2020 йилдан бери банк бошқаруви раиси лавозимида ишлаб келган Алишер Мирзаевнинг банк кузатув кенгашига ишга ўтиши айтилганди.

Батафсил - https://bankers.uz/news/1005


@bankers_uz

Bankers.uz - Банк тизими янгиликлари

16 января 2023 10:39

Тошкентда хом ашё сотиб олиш учун ажратилган 328 минг евро кредит маблағи талон-торож қилинган

Бош прокуратура ҳузуридаги Иқтисодий жиноятларга қарши курашиш департаменти Тошкент шаҳрининг Яккасарой ва Янгиҳаёт туманларида кредитларни талон-торож қилингани ҳолатлари бўйича маълумот берди.

Хусусан, Яккасаройда МЧЖга сояли шрот хом ашёси сотиб олиш учун ажратилган кредит маблағидан 328 000 евролик қисми жамиятнинг норасмий раҳбари томонидан бошқа мақсадларда сарфлаб, талон-торож қилинган.

Шунингдек, Тошкент шаҳар Янгиҳаёт туманида МЧЖ масъул шахслари корхонага ажратилган кредит маблағи эвазига гаровга қўйилган 700 млн. сўмлик экскаваторни қалбаки ҳужжатлар билан сотиб юборган.

Батафсил - https://bankers.uz/news/1001


@bankers_uz

Bankers.uz - Банк тизими янгиликлари

13 января 2023 07:43

Бухорода оилавий корхона раҳбари 1,3 млрд сўм кредит маблағини ўзлаштиргани аниқланди

Бухоро шаҳрида оилавий корхона раҳбари ҳудудий тижорат банки филиалининг собиқ масъул шахслари билан ўзаро тил бириктириб, корхонага 2019 йилда ажратилган кредит таъминоти учун гаровга қўйилган меҳмонхона биносини қайта гаровга қўйишга эришган. Гаров учун бино сунъий равишда қиммат нархда баҳолатилган ва қўшимча бино қуриш учун яна 900 млн. сўм кредит ажратилишига муваффақ бўлинган. Шу орқали, жами 1,3 млрд. сўм кредит маблағини ўзлаштириш ва растрата қилиш йўли билан талон-торож қилинган.

Мазкур ҳолат юзасидан Жиноят кодексининг 167, 192-11 ва 205-моддалари билан жиноят иши қўзғатилиб, тергов ҳаракатлари олиб борилмоқда.


@bankers_uz

Bankers.uz - Банк тизими янгиликлари

12 января 2023 13:03

‼️Совуқ ҳаво шароитида ташқарида ўрнатилган банкоматлардан фойдаланмаслик тавсия этилмоқда

Бир нечта тижорат банклари фуқаролардан сўнгги кунларда бўлаётган ноодатий совуқ шароитида ташқарида ўрнатилган банкоматлардан фойдаланишда эҳтиёт бўлишни сўраб, мурожаат қилмоқда.

Хусусан бу каби мурожаатлар Қишлоқ қурилиш банк ҳамда Алоқабанк томонидан эълон қилинди. Банклар аномал совуқ туфайли айни кунларда ташқи банкоматларнинг техник ҳолатида носозликлар, хусусан, нақд пул чиқармай қолиш ҳолатлари кузатилаётганини айтган ҳамда мижозларга пластик карточкалардаги пулларни нақдлаштиришда имкон қадар ёпиқ иншоотлардаги банкоматлардан фойдаланишни тавсия этган.

Шунингдек, банклар мижозлардан 24/7 офисларининг эшикларини очиқ қолдирмасликларини сўраб, бу ҳолат шахобчалардаги банкомат, кондиционер ва бошқа техник воситаларнинг ишдан чиқишига олиб келиши мумкинлиги ҳақида огоҳлантирган.

Батафсил - https://bankers.uz/news/999


@bankers_uz

Bankers.uz - Банк тизими янгиликлари

12 января 2023 08:46

🏦 InfinBANK'нинг энг йирик акциядори қолган акциядорларга улушларини сотиб олиш таклифи билан чиқди

"Invest Finance Bank" АТБнинг энг йирик акциядори Фахритдин Маматджанов банкнинг қолган акциядорларига уларга тегишли бўлган акцияларнинг донасини 1000 сўмдан сотиб олиш таклифи билан чиқди. Бу ҳақда Ягона корпоратив ахборот порталида маълумот қолдирилган.

Маълум бўлишича, таклиф 11 январдан бошлаб 30 кун ичида ўз кучида бўлади. Ўз акцияларини сотишни истаган акциядорлар банкка мурожаат қилишлари мумкин.

Давстатқўм маълумотларида Ф.Маматджановнинг банкдаги улуши 48,5 фоиз эканлиги кўрсатилган. Ушбу улушнинг 26,5 фоизи унинг тўғридан-тўғри эгалигида бўлса, қолган 22 фоиз улушга "Prestij Rielt" МЧЖ орқали билвосита эгалик қилади.


@bankers_uz

Bankers.uz - Банк тизими янгиликлари

10 января 2023 13:14

🏦 "Трастбанк"нинг ислом шариати асосида молиявий хизмат кўрсатадиган шўъба компанияси ўз фаолиятини бошлади

2023 йил 10 январь куни "Трастбанк" хусусий акциядорлик банки шўъба лизинг компанияси – “Trast Muamalat” масъулияти чекланган жамиятининг очилиш маросими бўлиб ўтди. Унда "Трастбанк" ХАБ раҳбарияти, Хусусий секторни ривожлантириш бўйича Ислом корпорацияси Сармояга инвестиция киритиш департаменти Маслаҳат-хизмат бўлими бош мутахассиси Музаффар Низамиддинов, жамоатчилик вакиллари ҳамда оммавий ахборот воситалари ходимлари иштирок этдилар.

Таъкидланганидек, “Trast Muamalat” МЧЖнинг асосий вазифаси амалдаги қонунчилик доирасида самарали “Мурабаҳа (насия савдо)” ва “Ижара (лизинг)” операцияларини амалга ошириш орқали молиявий хизматларни кенгайтириш стратегиясини амалга ошириш, шунингдек, халқаро ислом молия институтлари билан ҳамкорликни кенгайтиришдан иборат.

Батафсил - https://bankers.uz/news/995


@bankers_uz

Bankers.uz - Банк тизими янгиликлари

10 января 2023 10:50

🏦 Бугун, 10 январ соат 18:00 да, Самарқанд шаҳрининг "Family Park" савдо марказида Агробанк томонидан ўтказилган махсус акция ғолибига "Volkswagen E-bora" электромобилини топшириш маросими бўлиб ўтади.

Маросимда DJ Macarella ва эстрада хонандаси Ёрқинхўжа Умаров қатнашиши кўзда тутилган. Бундан ташқари, томошабинлар тадбир давомида турли танловларда иштирок этиб, совғалар ютиб олишлари мумкин.

Тадбирга кириш мутлақо бепул.


@bankers_uz_live

Bankers.uz - Банк тизими янгиликлари

07 января 2023 14:11

🏦🏦 Капиталбанк Uzum экотизимининг бир қисмига айланди

Капиталбанкнинг янги мажоритар акциядори — “Finance TCI” компанияси Ўзбекистонда “Uzum” экотизимидаги бир қанча компанияларга ҳам эгалик қилади ва натижада Капиталбанк ҳам ушбу экотизимнинг бир қисмига айланмоқда.

“Uzum” экотизимига қўшилиш орқали, банк мижозлар базасини сезиларли даражада кенгайтиришга эришади. Шунингдек, Ўзбекистондаги энг таниқли банк брендларидан бири ва энг йирик хусусий банк бўлган Капиталбанк ўз хизматларини ривожлантириш билан бирга Uzum бренди билан кооперацияда қўшимча маҳсулотлар турларини таклиф этади.

Батафсил - https://bankers.uz/news/992


@bankers_uz

Bankers.uz - Банк тизими янгиликлари

06 января 2023 05:58

🏦 Капиталбанк бошқаруви раиси лавозимини тарк этди

2020 йил январдан “Капиталбанк” АТБ бошқаруви раиси лавозимида ишлаб келган Алишер Мирзаев банк раҳбарлигидан кетишга қарор қилган. Бу ҳақда банк расмий сайтида маълум қилинмоқда. Хабарда айтилишича Алишер Мирзаев ўз фаолиятини “Капиталбанк” АТБ Кузатув кенгаши таркибида давом эттиради.

Алишер Мирзаевни лавозимидан кузатув маросимида “Капиталбанк” АТБ Кузатув кенгаши раиси Мақсуд Абдусамадов иштирок этган ва сўнгги 3 йил давомида эришилган ютуқларга А.Мирзаевнинг қўшган шахсий ҳиссаси ва муҳим ролини таъкидлаб ўтган.


@bankers_uz

Bankers.uz - Банк тизими янгиликлари

05 января 2023 11:52

🏦 "Finance TCI" компанияси Капиталбанк акциялари назорат пакетини қўлга киритди

"Finance TCI" МЧЖ "Капиталбанк" АТБнинг 61,4 фоиз акцияларига эга қила бошлади ва мажоритар акциядорига айланди. Бу ҳақда банк томонидан Ягона корпоратив ахборот порталида маълумот қолдирилган.

2022 йил 28 декабрда биржа савдоларида МЧЖ банк устав капиталининг 50 фоизини ташкил қилувчи 214,4 млн. дона оддий акциясини сотиб олган эди. Битим 786,89 млрд. сўмга имзоланган ва бир дона акциянинг нархи 3670 сўмдан ҳисобланган.

Ҳозирда "Finance TCI" компаниясига Djuzum SPV эгалик қилмоқда. "Djuzum SPV" LTD айни вақтда "Uzum", "Uzum Market", "Uzum Technologies", шунингдек, "One Factor" ва "Fast Delivery Technogies" компанияларининг ҳам эгаси саналади.


@bankers_uz

Bankers.uz - Банк тизими янгиликлари

04 января 2023 07:01

Тижорат банклари валюта айирбошлаш шахобчаларидаги энг мақбул валюта курслари*

🗓 4 январь, 2023 йил, соат 11:00 ҳолатига

Изоҳ: валюта курслари банкларнинг сайтларидаги маълумотлар асосида тайёрланган.

Батафсил


@bankers_uz

Bankers.uz - Банк тизими янгиликлари

01 января 2023 09:00

🏦 Bankers.uz ва республикамиз банк тизими жамоаси номидан бугун туғилган кунини нишонлаётган "Микрокредитбанк" АТБ бошқаруви раиси Ориф Бутаевни табриклаймиз! (1983 йил туғилган).

Шу муносабат билан, Ориф Алибоевичга мустаҳкам соғлиқ, куч-қувват ҳамда меҳнат фаолиятида янги зафарлар тилаб қоламиз!


@bankers_uz

Bankers.uz - Банк тизими янгиликлари

31 декабря 2022 19:59

Агробанк ва банк экотизими жамоаси барча юртдошларимизни кириб келган янги — 2023 йил билан самимий табриклайди!

Янги йилда барчангизга соғлик ва бахт, оилангизга тинчлик ва фаровонлик тилайди!

Bankers.uz - Банк тизими янгиликлари

31 декабря 2022 17:07

🏦 "Tenge Bank" акциядорлик тижорат банки

➖ Ташкил топган санаси: 18 май, 2019 йил;
➖ Банк шиори: Ёрқинроқ яшанг;
➖ Банк Кузатув кенгаши раиси: Мурат Кошенов;
➖ Банк Бошқарув раиси: Талгат Аюпов;
➖ Ходимлар сони: 600 дан зиёд;
➖ Манзили: Тошкент шаҳар, Паркент кўчаси, 66-уй.

📆 Банкда йил давомида бўлган муҳим воқеалар:

➖ Январда Tenge Bank'нинг "Тошкент" БХМ (Миробод тумани), мартда эса "Магнум-Интегро" (Чилонзор тумани) БХМлари ўз фаолиятини бошлади. Июлда Tenge Bank Бухорода янги офисини очди;

➖ Март ойида Қозоғистон Халқ банки Бошқарув раиси Умут Шаяхметова Тошкентдаги инвестиция форумида Tenge Bank'нинг IPO'си тўғрисида гапирди;

➖ Мартда банк жисмоний шахсларга мўлжалланган Tenge24 мобил иловасини тақдим қилди. Мобил иловада 31 августга қадар P2P пул ўтказмалари учун комиссия олинмайдиган бўлди;

➖ Апрелда банк ўзининг Mastercard картасини намойиш қилди. Банк Mastercard картасига эга мижозлари ўртасида бош соврини Nexia 3 бўлган акция уюштирди ва 29 июль куни ушбу акция ғолибларини тақдирлади;

➖ Апрель ойида Tenge Bank юридик шахслар учун мўлжалланган махсус телеграм бот — @Tenge_Business_bot ни ишга туширди;

➖ Майда банк бир қанча банк хизматларини кўрсатишга мўлжалланган кўчма мобил офисни тақдим қилди;

➖ Май ойида Tenge Bank "Tashkent Travel Mart 2022" халқаро туризм кўргазмасида иштирок этди;

➖ 25-26 май кунлари Тошкентда бўлиб ўтган ПЛАС-форумида банк Бошқарув раиси Т.Аюпов банкни рақамлаштириш бўйича ўз тажрибаси билан ўртоқлашди. Августда Тошкентда ШҲТга аъзо давлатлар минтақалари раҳбарларининг форумида иштирок этди;

➖ Май ойида "Рақамли кредит технологиялари" халқаро конференциясида банк Бошқарув раиси ўринбосари У.Таваккалов иштирок этди;

➖ 30 май куни Tenge Bank акциядорлари банкнинг 2021 йилдаги соф фойдасини тақсимланмаган фойда шаклида қолдиришга қарор қилди;

➖ Июнда банкдаги вакансиялар ва HR жараёнлари билан боғлиқ бошқа маълумотларни бериб борувчи махсус телеграм канални ишга туширди;

➖ Сентябрда банк ўзининг мижозлари бўлмаган жисмоний шахсларга ҳам онлайн микроқарз беришни йўлга қўйди;

➖ Октябрда банк фронт-офис ходимлари учун ноодатий "жума формаси"ни жорий қилди;

➖Ноябрда банк Mastercard картани мижозга мустақил эмиссия қилувчи картомат қурилмасини ишга туширди;

➖ Декабрда “Tenge Bank” АТБ ва Тошкент Молия институти ўртасида кадрларни тайёрлаш борасида ҳамкорлик меморандуми имзоланди;

➖Банк юридик шахслар учун сотув ҳажмини ошириш имконини берувчи "Tenge Market" платформасини ишга туширганини маълум қилди;

#йилликдайжест


@bankers_uz

Bankers.uz - Банк тизими янгиликлари

31 декабря 2022 14:09

🏦 "Давр-банк" хусусий акциядорлик тижорат банки

➖ Ташкил топган санаси: 29 сентябрь, 2001 йил;
➖ Банк шиори: Вақт синовидан ўтган ишонч;
➖ Банк Кузатув кенгаши раиси: Лутфулла Убаев;
➖ Банк Бошқарув раиси: Абдумажид Самадов;
➖ Ходимлар сони: 700 дан ортиқ;
➖ Манзили: Тошкент шаҳар, Шимолий Олмазор к., 17В-уй.

📆 Банкда йил давомида бўлган муҳим воқеалар:

➖ Йил бошида Давр-банкнинг мобил иловасида картадан картага P2P ўтказмалари учун комиссия бекор қилинди;

➖ Январдан банк HUMO карталарни Тошкент шаҳрида бепул етказиб бериш хизматини йўлга қўйди;

➖ Мартда ЕТТБдан аёллар тадбиркорлигини кредитлаш учун 8 млн. АҚШ доллари жалб қилинди. 22 июль куни Давр-банк ЕТТБ билан ҳамкорликда банк мижозлари учун тренинг ташкил қилди;

➖ 1 апрелдан бошлаб банк мурожаатларни тўлиқ электрон шаклда қабул қилишни бошлади;

➖ Май ойида банк корпоратив ипотека кредитларини таклиф қила бошлади. Шунингдек, корпоратив мижозлари учун 3 миллиард сўмгача бўлган "Тендер" суғуртасини йўлга қўйди;

➖ Августда банк дастурий таъминот хатоси туфайли Давр-банк ҳисобварағидан пул ўғирлаган шахслар қўлга тушди;

➖ Сентябрда ОТБ билан Ўзбекистонда савдони қўллаб-қувватлашга қаратилган янги кредит шартномаси имзолади;

➖ Ноябрда банк хорижий валютадаги операциялар учун SWIFT GPI TRACKER маҳсулотини йўлга қўйди;

➖ Декабрда биржадан ташқари савдоларда Давр-банкнинг 220 млрд. сўмлик акциялари сотилди;

➖Банк молиявий кўмаги билан Тошкентда "Mirluxe Plaza" меҳмонхонасининг очилиш маросими бўлиб ўтди, унда бошқаруви раиси А.Самадов ҳамда Туризм ва маданий мерос вазири А.Абдуҳакимов қатнашди.

#йилликдайжест


@bankers_uz