4355
قناة الشاعر الأستاذ أبو باقر #عزیز_الفيصلي https://t.me/azizalfesli
عن لسان حال السيدة فاطمة العليلة علیه-السلام
🔘 عــليه مــوحش انهاري ولالاي
🔘 عليله ومابگه من اهلي ولالاي
🔘 اهــز ابـمــهد عــبدالله ولالاي
🔘 بلــچن يــرد وحــشتــهم عليه
#الشاعر_الکبیر_عزیز_الفیصلي
#اللهم_عجل_لوليك_الفرج
قناة الشاعر الأستاذ أبو باقر #عزیز_الفيصلي
/channel/azizalfesli
ابواب نعي عن لسان حال السيدة فاطمة العليلة
هــلی یــادار مــایبــطون نیتهم
ولــو یــبــطون ماعافو ابنیتهم
فــیتهم عــلیه اشــکـبر فــیتهم
یریت ادري مته ویایوم جیتهم
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
ابواب نعي عن لسان حال السيدة فاطمة العليلة
راح اگعد واتاني ابعتبة الدار
وبره اعله السواني ليل وانهار
بلچی ایمر علي طارش بلاخبار
ویگلی اعله اهلی اشصارما صار
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
▪️السلام عليك يافاطمةالعليله بنت‌الحسين{ع}▪️
الشمس من سلهمت بعيون الغروب
ونــهـار الـبـلد كـف اعـلـــه ليلـــــــه
تچن گامـــت الناس وتغلگ الـبوب
ورّوح كــــــل خليل اعـــله خليلــه
ضـــلام الــيـل گـطـع كـل الـدروب
وهـم اليـــل یــا گـــلب الــيــشيلـه
بـيـن الـدور ضـلـت روحـــه اتـلـوب
والمـــــدلولــه ونـــتــهـه ثـــجــيلــه
تـجـلب الـيـل كـلـه ابـلـوعــة ايـوب
ومـن عـظم المــرض صارت نحيلـه
تــحن روحــه اليـفارج فـرد محبوب
اشـــحال الـــفــارگت گومه وقبيلــه
ونتهــــــه تكــسّـــــر صـم الـگـلـــوب
اوتــديــر الـوجهه لله وتـشــتــكــيلـه
يلـــرديـت يـوسـف عـلــــه يـعـگـوب
تــره دمــع الهــجر يــحرگ مـــــسيله
انـه گـلبـي اعله شوفت هلي ملهوب
واخــاف اتــصـير فــرگتهم طـويـله
مـا تـدري ابـدهـــرهــه دار مـگـلوب
وگـلبـــهه بـعـــد مـايـبرد غـليلــــــه
ظـعـن احبابـهه مـاتـدري ياصـوب
مـن ريـــح الـزلم بـس ضـل عليــله
لـن تسـمـع منادي ابـصوت منيوب
يـنادي الظـعــن راجـع مــن رحـيله
طلـعت فـاطمـــه واتـعـثـر بلـثــوب
تـشـوف الـنوگ تـعبانه وهـــزيلــه
بـس نـسـوان ظـعن الـراح مهيوب
لا راجـع احــسـيـنـه ولا چــفـيلـه
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
🔘 عن لسان حال السیدة فاطمة العليله 🔘
گلب المفارج يحن--لو فارگ احبابه
وما تنگطع دمعته--وعينه عله بابه
ونته تفت الصخر--لو صاح يا يابه
لو صوت مر بالفله--وصوبه الهوه جابه
يلچم جرح خاطره--ويهيج بعتابه
لاچنه يبگه بأمل--ودموعه سچابه
اشما يجبل اعليه ظعن--حسباله غيابه
-------------------------
يدرون بيه هلي--ما بيه حيل افراگ
عمر الورد والمرض--ما خله بيه اوراگ
حتى اعله صوت الهوه--روحي تفر واشتاگ
بلچن الاگي هلي--وايشابگوني اشباگ
اليابيت اسير بعد--لو ترس خلگي وضاگ
خالي النزل گل هلي--يلهاب صوب اعراگ
ينطاگ داي المرض--والفرگه ما تنطاگ
------------------------
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
▪️ عله زینب اسیوف الدهر بشط
▪️ مفجوعه و تهرول غدت بشط
▪️ عین اعله المعاره و عین بشط
▪️ تهرول بین ابوالیمه واخیه
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
(السلام عليك يا سفير الحسين_عليه السلام_يا مسلم بن عقيل)
▪️نعي عن لسان السيده حميدة بنت المولى مسلم بن عقيل عليها السلام▪️
▪️ لاعندي ابو ایگلی سکتي
▪️ ولا یمي اخو اینشف دمعتي
▪️ ما عندي ضره غیرچ یعمتي
▪️ من امصیبتچ گمت اخفي ونتي
▪️ یعمه وین انه وین انتي
▪️ فرد مصباح چم امصاب شفتي
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
🔘الگلب بلگوة ما یهجع ویبرة
وجفني ایناطر الدربك ویبرة
مــایلتم کــسر فــگدك ویبرة
یبني اشخذت واشخلیت بیة
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
مظنهة ایطیبلك نومك ویهنة
واحنة انسلب کل عزنة ویهنة
ویــن الیــاکــتر ننــطي ویهنة
وعلینة چل ضلام الغاضریة
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
يـــا ابـــــاالـــــفـــــضـــــل الـــــعـــــبـــــاس
یبحر البل الکرم والجود مدیت
اجــروح الگلب یا عباس مدیت
عله بابــک اچفوف العوز مدیت
وریدك حاجتي تگضیهه لیهّ
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
ومضة الي امير المؤمنين علي بن ابي طالب ((عليه السلام))
یاعلی من الله عالي وعتليت
وانته مجدك ما بعد يعلا مجد
من شهدلك طه ثالث بالأذان
الله من چبد العرش گله أعد
#الشاعر_الکبیر_راضي_الفيصلي
قناة الشاعر الأستاذ أبو باقر #عزیز_الفيصلي
/channel/azizalfesli
بحر الجود کله فضل الحسین
عم کل الخلایج فضل الحسین
مثل عباس محد فضل الحسین
ذبیحة نذر وتگطع لخیه
#عزیز_الفيصلي
قناة الشاعر الأستاذ أبو باقر #عزیز_الفيصلي
/channel/azizalfesli
لعب بلگوم کیفه اشلون مارد
لو چان اویه مارد الف مارد
یاهو الگال لخته ابماي مارد
الفرات ایجره لو تعطش رقیة
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
#محرم
حمدي وسجودي النعمتك یا ربي مشكور
مديت عمري وعاودت اخدم ابعاشور
هاي آنه بلتعزیه + اخدم بلحسينيه
يا ربي مشکور (٢)
*
یاربي اقبل لیك حمدي او شكري
خليتني الهل عام اعيشن عمري
ابعاشور ارد واخدم ووسم صدري
ودموعي حال ادموع زینب تجري
لابس سواد اويه اخوتي واتمنه منواي
ارجع اصطر الاحذيه لو اوضع الماي
خل اسمي يکبر بيه + خادم بلحسينيه
يا ربي مشكور (٢)
*
يا ربي لطفك من عليه ابموتي
اصرخ ابـ آيه يحسين وگطع صوتي
من الطم اكتب شهادة فوتي
و بيرق الأخضر تلف تابوتي
صومي و صلاتي ماتسد مصفره الأيدين
ادري النجاة ابحب علي و ادموعي لحسين
ادري انته ترضه اعليه + خادم بلحسينيه
ياربي مشكور
*
یا ربي لو راید تزید اسنیني
من حبل حیدر لاتهد ایدیني
خافن ادنیه اتبیعني وتشریني
اکنس وصطر الحذیه خلیني
مارید تنشف دمعتي ونسه المصیبه
زینب الگابعهه العرش تصبح غریبه
و ارد اضل للمسبیه + خادم بلحسینیه
یا ربي مشکور (٢)
*
ما ارید انسه وگطع ادموع ابچاي
ولانسه ابوالیمه من ارید اشرب ماي
ادري من اعوف احسین اضیع ابدنیاي
وهل راي عندی و ما ابدل هل راي
الف تسعمیة جرح بلچي اکثر اجروح
وبکتار اویلي امذبحه اثمنطعش مذبوح
خلیني ابهل نیه + خادم بلحسینیه
یاربي مشکور (٢)
*
لو انسه زینب کون اعوف الغیره
من ضلت ابوادي الطفوف ابحیره
الیا صوب ماتدری وجهه ادیره
او مکتوله اهلهه کون تمشی اسیره
ومطشره ابعرض الفله ابلاروس اهلهه
او مابین نیران وسلب شي لم شملهه
ابهل نعمه من علیه + خادم بلحسینیه
یا ربي مشکور (٢)
*
یا ربي لو راید تمن اعلیه
خلیني اضل خادم بلحسینیه
مارید دمعي ینگطع جاریه
او ببچاي اواسي فاطمه المرضیه
لو ترضی عني فاطمه راح اضمن ارضاك
و الما یوالي المرتضی ینعد من اعداك
خلي فیهه اعلیه + خادم بلحسینیه
یا ربي مشکور (٢)
كلمات: #الشاعر_الكبير_عزيز_الفيصلي
قناة الشاعر الأستاذ أبو باقر #عزیز_الفيصلي
/channel/azizalfesli
_السلام علیك يا شبيه المصطفى يا علي الأكبر_
بنيت ابليلك احلامي تلمني ابكبرة ايامي
روح ابروح جيت امعلگ ابگلبي
واشوف ابغصنك ايورد ثمر تعبي
*
يلاكبر ييـــمـه مـــن چنـــــت بحشاي
روح ابـــروح عــايـــش بلنفس وياي
وعودك يلولد مــن گلبي يشرب ماي
وبعـــيناي تكــبـــر يـــا نـــظر عيناي
تعبك راحه عندي واحسب ابرجواي
راح اگـــعد ابفيك لــو كسرت افياي
رجاي ابتالي اسنيني
توافيني و تسد ديني
كـل يوم اليمـر بيك اِحـمدت ربـي
واشوف ابغصنك ايورد ثمر تعبي
*
يوم ابيوم امد شوفي الشمرعودك
و بظعوني ييـــمه انـــقدح اورودك
طولك مــن تماشي يلولد عـــــودك
اَعَوذ اعليك مـــن اعيون حاسودك
مــن گامت الناس اتسولف ابزودك
بل الاكــبر گـــلـــت ارتاح بوجودك
شي تحچي عله مضيفك
شي تحچي ابضرب سيفك
گمت اعليك اخافن من هوي العذبي
واشـوف ابغصنك ايورد ثمر تعبي
*
شاع اسمك ييمه و شلت بيك الراس
گـــد ما سـولفـت يلــولد بــيك الناس
اشمحلاتك ييـمه بــــدرع و الـــطـاس
مـــن تمشي اويه ابوك وعمك العباس
صــرت بيـــن التمني بين گطع اليـاس
تـــدري الأم گــلبهه اعله الولد حسـاس
كلما شفتك اگبالي
ابشبابك تكبر آمالي
ييمه ابكربلـه ماچـان كـل حســبي
واشوف ابغصنك ايورد ثمر تعبي
*
خابت حـــسبتي و لنه الفلك يفتـر
عـــيّن راس گـلبـي و صـابر المگدر
مـثل الـــمـاي و تبـــديـت يــلاكــبر
خلانـي الـدهــر لــزفـافـك اتحـسـر
يا حـــلوه الجهامه و شفتك امطبر
و طيف البي عشت بمصابك اتعبر
ابطيفي اشما چنت ابني
طاح ابطيحتك يبني
يريت ابـدال نحـبك ينگطـع نحبـي
واشوف ابغصنك ايورد ثمر تعبي
*
بستار الخيم مـن شفتـــك اگبــالي
ييمه اتگطــعت بـــوصالك اوصالي
امـــحي يــاصور عمرك من اخيالي
يعايش بيـــن روحــي و بين دلالي
ترانـــي والــده و عـوز الولد تـــالي
وكبــر الـــسن يذل التـفجد الـوالـي
چانت منوتي ابموتي
انته اتشيل تابوتي
و لا عگبك اضل ردت تضل عگبي
واشوف ابغـصنك ايـورد ثمر تعبـي
*
ييمه الحال ابــوك انظر يروح امك
گبل گلبي وصــل گلبه ووگع يمك
راد ايحاضنـــك بلصــدر ويضــمك
كــون ايجــمــعـك يلــولد وايلمــك
گد ما قبلك بـــجروحـك و شمـــك
صبغت شيبته يبني ابحمر دمــك
ضل ايصيح الحومه
يحشم بخوته وگومه
يجيبك للخـيم وعيــوني لك تـــربي
واشوف ابغصنك ايورد ثمر تعبي
#عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
ابواب نعي عن لسان حال السيدة فاطمة العليلة
یطارش لــو وصلــت الغاضریة
کتــابي اتــسلمة وتـبدي التحیة
لبــوالســجاد وتگــلة الــوصــیة
یسلــملي عــله عمــتي الــزچیة
تحب عني الطفل واتحب رقیة
-----------------------------------
مــن ســافــرتو یا عــمه تراني
عیني اعــله الدرب تبره واتاني
کتــلنی افراگکم یهلي ودهاني
یعــمه ویــن ضــیعکــم زماني
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
ابواب نعي عن لسان حال السيدة فاطمة العليلة
اباب البیت وابره الدرب الظعون
واگــل للدار هــا بــاچر تــعودون
واکنسهه وتــرشهه ابماي العیون
یبویه ابهل السفر لاعلي تبطون
وحگ عینک یبویه علتي اتهون
اشلون اصبر عله فرگاکم اشلون
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
ابواب نعي عن لسان حال السيدة فاطمة العليلة
ینوگ الشایله کل هلي واولیاي
مــن تمشین خل مسراچ بهداي
خلف الظعن بس لایصعد اعیاي
ومن شوفت هلي تنحرم عیناي
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
▪️ علیه بیدمن یحسین وصیت
▪️ یفزع لو سمع نخواي وصیت
▪️ عگب ذاك الاسم والخدر وصیت
▪️ ابغربه وناس تتفرج علیه
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
رزاگ الـــســوط بــیــدیــه والیروح
وعجب لو ضل گلب عندي والیروح
عــلــیـه الــجــاي یــتفــرج والیروح
وعــبــیــد اهــلي غــدت تــامــر عــلــیــه
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
نعي خطاب مسلم بن عقيل الى مولانا الحسین_عليه السلام
خویه لومني وصل لیك الخبر
چان بعدك بلوطن عید النظر
ولاتجیب اویاك زینب للسفر
خاف بلکوفه یمر بیهه الدهر
تره شی ابنار شی ترمی ابحجر
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
🔸 مقطوعة بالله وينك 🔹
بـالله ويـنـك يالتكـفـّرنـي تعـال
مسئله وْارجوك بلچي اتحلهه لي
الثلج منّ الماي اصله مـوصحيـح
لَـوَن عاقـل لازم اتگـلّـي بــلـي
اگلاص ماي انجيب وانحط بيه ثلج
ابـلا بُخاري و لا دلـيـل العـامـلـي
ونگعد انتاني الثّلـج لـمّن يـذوب
حتّى نعرف حاصلك من حاصلـي
الثلج منّ ايذوب تحليله اشيصير
يــعنـي رد ّالأوّلــي لـلأوّلــي
آني هيچ اعرف علي ابحبّ الله ذاب
وهذا معـناة العـشگ يا عـاذلي
وأنه هالماي الشربته واشتگول
بالله حبّ الله اشربت لوحب علي
بقلم: #الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
انـادي للـظـعـن تـانـي متاني
واحشم یاهلي واهلي متاني
هلي سوط الشمر ورم متاني
گدما گمت اشاجف عن رقیة
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
هوسه الي سيدالشهداء علية السلام
كل خدمه تذب اسم الرجل للگاع کل خدمه
ولیـــخدم ابوســـجاد یتعلـــه ابشرف أسمه
اخذ العبره من جبريل يلى اتريد هل حكمه
يـــتـــشـــرف مـــن هـــز كـــاروكـــه
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
یـــــــــا حـــــــــســـــــــیـــــــــن
اجروح البل الگلب خزنت ودیت
وروحــی الــغیرکم لاتظن ودیت
یبوالــیمــه الــك مــرسال ودیت
الهسه مابطه اجوابک علیه
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
لعب بلگوم کیفه اشلون مارد
لو چان اویه مارد الف مارد
یاهو الگال لخته ابماي مارد
الفرات ایجره لو تعطش رقیه
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
ابوذیه بحق علي الأکبر علية السلام
کثر ما شوشگ الأکبر هوی حسین
تصور یحس بوجوده هوه حسین
بلطف من هوی الأکبر هوی حسین
الموت احتار بینه و بین ابیه
📝 #الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
كلمات الشاعر
عزيز الفيصلي
#أعياد_شعبان_2024_جديد
🥳💥🥳💥🥳💥🥳💥🥳💥🥳
أمـــــــــــــــــــ❤️ـــــــــــــــــــيري
اميري حسين ونعم الأمير
🥳💥🥳💥🥳💥🥳💥🥳💥🥳
سمعت ام البنين تلولي وتلالي
تناغي الگمرها يبدر الليالي
تراني للحسين نذرتك يغالي
اريدك يعباس تحقق مَنالي
بعلومك يعباس
كووون اتعجب الناس
بعلومك يعباس
كون تعجب الناس
السلطان الوجود اريدك وزير
اميري حسين ونعم الأمير
🥳💥🥳💥🥳💥🥳💥🥳💥🥳
مي حب الحسين در ابصدرها
وترضعه واتزود غيرة گمرها
يومٍ بعد يوم تشبح نضرها
تكبر بالأحلام منوة عمرها
وتشوف الگمر صار
زاهر بين الأقمار
وتشوف الگمر صار
زاهر بين الأقمار
بجناح الأفراح تعلي وتطير
اميري حسين ونعم الأمير
🥳💥🥳💥🥳💥🥳💥🥳💥🥳
صار الگمر صار نعم التريده
يتفده بالروح لاخته وعضيده
حيدر علي انطاه سيف العقيده
شد رايته وگام سلمها بيده
نادت ام البنين
يابدر الميامين
نادت ام البنين
يا بدر الميامين
ويتغازل الشوگ ضمير بضمير
اميري حسين ونعم الأمير
💥🥳💥🥳💥🥳💥🥳💥🥳💥
من عالم الذر ماخذ قراره
تربي اعله عاشور عين انتظاره
وبخوته يريد ينحج مزاره
شيّد على الماي گبه ومناره
حدد للوفه حدود
بين الرايه والجود
حدد للوفه حدود
بين الرايه والجود
سجل على الماي
عهد للغدير
اميري حسين ونعم الأمير
🥳💥🥳💥🥳💥🥳💥🥳💥🥳
يالگاصد اتزور للغاضريه
طب زور الحسين واگصد لأخيه
من عتبة الباب قدم تحيه
واشتم👃بالأنفاس عطر الزچيه
تلگه الزهره يمه
وتطوف اويه امه
تلگه الزهره يمه
وتطوف اويه امه
واتطش على الناس زهور وعبير
اميري حسين ونعم الأمير
💥🥳💥🥳💥🥳💥🥳💥🥳💥
ألـــــ 🫶ـــكاتبه #أزهار_التميمي🌸
قناة الشاعر الأستاذ أبو باقر #عزیز_الفيصلي
/channel/azizalfesli
🔘▪️ السلام عليك يا عريس الطفوف ▪️🔘
خـیـمـتـك نـصـبـوهـا وحنتك عجنوها
و شمعتك علگوها
روح یبني روح یبني عـرس لـمـــبـارك
*
یبنی بالك لـو رحـت ابهیده انگل اجدامك
خـلي عـینك عـلدرب مــو گـلـبـي جـدامك
یبني مـن عـمـري اشیضل لو خذت ایامك
و شـلي بحـلامي بعـد لــو مـاتـت احلامك
خـــل روحــي تبرالك وتماشي اخیالك
زفـــتک تحلالك
روح یبني روح یبني عـــرس لمــبارك
*
یمـــه أنـه حـــگ الـعلی الهـل ســـاعـه ربیتك
مـــن صـــرت و اتـــصـورك بـــعیوني باریتك
تـــکـبر و عــندي أمـــل راح اگـــعــد ابـــیتك
یـــامـه شـفـتک بلـــعـرس و ابطیفي زفـیتك
چنت احسب الیومك وامفصله اهدومك
زفـــافـــتـــك گـــومـــك
روح یبني روح یبني عـــرس لـــمـــبارك
*
یمه یا مــا سلهمت عیني ابهوی اطیوفك
وشفتك ابثوب العـرس و الحنه بچفوفك
و آنه اشــم ابوجنتك و امشطلك ازلوفك
روحــي بیـك اتعــلگـت مــا تقبل اتعوفك
ما مر عله بالي هاذ العرس تالي
بـــلـــحـــومـــه یـــبـــرالـــي
روح یبني روح یبني عـــرس لمــبارك
*
یبـــني اخـــذ اوصیـــتك و الـعـــمك انطیهه
و گلـــه روحـــي ابلاثـــمن لعـــیونك افدیهه
و کـــل مـــحـــرم من یجي شیعتنه وصیهه
بلـصـــوانـــي و الـشمـــع زفــتي اتســـویـهه
یبني اثبت اوجودك وابري ذمتي العودك
و عرسك عله احدودك
روح یبني روح یبني عــــــرس لــمـــبارك
***
یبـــنی گـــر عین الـحسن یا گرة اعیونی
العـــمک ابـــذل مهـجتک وافیلی ادیونی
کـــل محرم مـــن یهــل بسمک یذکرونی
الشیعه و ابدمعه الشمع زفتک یواسونی
ویـــانـه تـــتشـارك و تـــحـــي زوارك
یـــا عـــرس الـــمـــبـــارك
روح یبني روح یبني عرس لـــمـبـــارك
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli
طلع من غيم المخيم گمر شبل الحسن
تهلـهله الصـوارم و الـرمــاح ايـهـوسـن
عروسه ابخيمته تنتظر زفته
*
عله اثـياب العرس جاسم لبـس لامة حرب عوده
يـصـطح نوره و لـشمـسـين يتـلالـن عله اخدوده
و بليل الـشـعر مظــفور خيـط الـشـمـس بجـعوده
طـلــع مــن بـيـن الـمـخـيــم امـشمر للـوغه ازنـوده
امحزم ابغيرته و غبضة بيمنته ابصارمه
اجه العمه و تضج من عنده ريحة فاطمه
جماله و طلعته تنتظر زفته
*
اگبل جاســـم العمـه ونسّــم هـــاب مـــن عـطــره
وضـل يشـتـم ابوالـسـجـاد ريحـة فـاطـمه الزهره
وضل يـتـنـشـگ لــلانـفـاس لاچن خـنـگــته العبره
چــن شاف الـحســن مـجـبل اخـّيـه فـازع ايـنصره
تعـناله الـحـسـن من الـبـقـيـع الكربله
فتح باعه و ينادي يا هله و ميت هله
دموعه ابفرحته تنتظر زفته
*
اويلي من وصـل جـسام و شـابگ حـظـن ابوالـيمه
مــثــل الاكبـر و اكـثـر ضــل ايـحـبـه و يـشـمه
روح ابـروح صار اويــاه شـلون ايــروح مــن يـمه
كـلـمـا زفــه للــمـيـدان يـرجـع يـركـض ايلزمه
يحـس بلـسم چـبدته اتگـطعت من ودعه
ويزفه اعله المنايه و السيوف المشرعه
وشموعه ابحومته تنتظر زفته
*
الـفـارس بـلـحرب قـانـون يـعـلـن كــون عـنــوانـه
و مـن طب جاسم الحومـه صاح ابن الحـسن آنـه
لمن كشـف الـثامـه و شــافـت حـســنــه عــدوانـه
من وجنـاتـه برگـت السـيـف غـازل عــين مـيدانه
غده ايغوض ابكتايبهه و يدولب بلگلب
مثل موج البحر يگلب عساچرهم گلب
عمامه و اخوته تنتظر زفته
*
ابـن اثـلـطـعـش لاچــن خــله الـگـوم تــشـهـدلـه
يگـصـد كل عـجـيد صـياح مـسـتارث طـبع اهـله
وهـوه ابـن الـحـسن ولـيـث من يـخـلف شبل مثله
داخـت بـي مسـامـي الـجــيش مــن حـسـنه فعله
مغـرم ابزفـته و يـلعـب لعب بمطهمه
و هلاهل عمته وامه وعروسه اتشيمه
و بلخيم حنته تنتظر زفته
*
بـلسـبعــين الـف مـاهــم طـب و اگــلب كـتايـبــهه
و الـماحـسبـتــله احـساب ذلــهه و ذل شـواربـهه
بـيـهـم نـــطه حـگ الـسـيف و تـعـده مـضـاربــهه
لـو غـاص ابـمــشارجـهــه يـطلـع مـن مـغاربـهه
نزل من ظهر المطهم حليف المرجله
شسع نعله انگـطع جاسم يـريد ايعدله
هلاهل مهرته تنتظر زفته
***
مـاچـن ابــوسـط مـيــدان لا بـلـگــوم حـسـبــاله
بــلـسـبعــين الـف مـاهـم عـلـيـهـم شــرف انـعـاله
حـقـرهه الـبـطل جـاســم ونـذلـت مـــن افــعـاله
جـرت فـرد جــره اعلـيه وصـابـت قــرة اهـلالـه
نـدب ياعـمي وينـك عـجـل احـضر زفتي
حنت اچفوفي صارت من حمر دم رگبتي
عروسه ابخيمته تنتظر زفته
#الشاعر_الکبیر_عزیز_الفیصلي
قناة الشاعر الأستاذ أبو باقر #عزیز_الفيصلي
/channel/azizalfesli