Azattyq - Азаттық

26 июня 2023 14:49

Ондаған оқтан опат болған отбасының өліміне жалғыз жауынгер кінәлі деп танылды

26 маусымда Алматы гарнизонының әскери соты Талдықорғанда Қаңтар оқиғасы кезінде көлігімен кетіп бара жатқан Сейітқұловтар отбасына оқ атқан қатардағы жауынгер Данияр Егембаев деген тұжырымға келіп, жеті жылға соттады. Сот Егембаевтың оғынан «Нұрболат Сейітқұлов пен 15 жастағы қызы Нұрай Оразақын қаза болған» дейді. Ал олармен бірге қаза тапқан Алтынай Етаеваны кім атқаны әлі белгісіз.

t.me/azattyq

Azattyq - Азаттық

26 июня 2023 13:51

Жергілікті БАҚ-та Дәурен Абаевтың Қазақстанның Ресейдегі елшісі болып тағайындалатыны туралы ақпарат тарады. СІМ өкілі бұл туралы не дейді?

"Ешқандай мәлімдеме жасамаймыз, не растай алмаймыз, жоқ деп те айта алмаймын. Тек қана жарлық шыққаннан кейін білеміз" деді Айбек Смадияров.

Бұған дейін мәдениет және спорт министрі болған, биыл наурыздан бері ТМД Бас хатшысының орынбасары болып жүрген Абаевтың елшілікке тағайындалуы туралы ҚазТАГ агенттігі дереккөзіне сүйене отырып хабарлаған. Orda.kz порталы да өз дереккөзіне сүйене отырып "Қазақстан Ресей сыртқы істер министрлігіне Дәурен Абаевты таныстыру үшін құжаттарын жіберген. Енді келісімді күтіп, кандидатураны бекіту қалды" деп жазған.

t.me/azattyq

Azattyq - Азаттық

26 июня 2023 13:14

Беларусь президентінің баспасөз қызметі Александр Лукашенко мен Қазақстанның бұрынғы президенті Нұрсұлтан Назарбаев телефон әңгімесінде "екі ел арасындағы мәселелерді талқылады" деді. Бұл Қазақстанның қазіргі президенті Қасым-Жомарт Тоқаевтың беделіне нұқсан келтірмей ме?

Қазақстан сыртқы істер министрлігінің ресми өкілі Айбек Смадияров жауап берді. Айтуынша, мұндай телефон әңгімесін министрлік мақұлдамайды.

"Екі мемлекеттің арасындағы қатынастар тек қана іс басындағы президенттермен талқыланады. Ал олар не ақылдасты, не сөйлесті, өздерінің жеке әңгімесі. Біз тек қана екі мемлекет басшыларының арасындағы қарым-қатынасқа негізделеміз" деді Смадияров.

t.me/azattyq

Azattyq - Азаттық

26 июня 2023 12:04

БАҚ: Евгений Пригожиннің үстінен қозғалған қылмыстық іс тоқтамаған

"Вагнер" жалдамалыларының жетекшісі Евгений Пригожинді Ресей федералды қауіпсіздік қызметінің тергеушілері тергеп жатыр. Бұл жөнінде "Коммерсантъ" басылымы хабарлады.

РИА "Новости" мен ТАСС-тың Ресей бас прокуратурасындағы дереккөздері де Пригожин үстінен қозғалған қылмыстың істің тоқтамағанын айтқан.

Пригожинге байланысты қылмыстық істің тоқтатылатынын 24 маусымда Путиннің баспасөз хатшысы Дмитрий Песков айтқан. Не себептен, қандай негізде тоқтатылатынын нақтыламаған. Ол "Пригожин Беларусьқа кетеді" деген болатын.

Ресей бас прокуратурасы Пригожин ісі туралы ресми хабар таратпаған. Бейресми ақпаратқа қарағанда, бүлікті тергеу ісі әзір жалғасып жатыр, нақты шешім қабылдауға әзірге ерте.

t.me/azattyq

Azattyq - Азаттық

26 июня 2023 10:41

Мәскеуде Пригожиннің бүлігіне байланысты енгізілген шектеулерді алып тастамақ

"Контртеррористік режимге байланысты енгізілген барлық шектеуді алып тастаймыз. Мектеп оқушыларының бітіру кешін 1 шілдеде өткіземіз" деп жазды Мәскеу қаласының мэрі Сергей Собянин Телеграм-арнасында.

24 маусымда Мәскеу облысының губернаторы Андрей Воробьев 1 шілдеге дейін далада, білім беру мекемелерінде қоғамдық шаралар өткізілмейтіні туралы қаулыға қол қойған.

t.me/azattyq

Azattyq - Азаттық

26 июня 2023 09:39

Астана маңындағы өрт сөндірілді

Төтенше жағдайлар министрлігінің мәліметінше, Талдыкөл көлі ауданындағы 80 гектарға жайылған өрт бүгін сағат 11:22-де сөндірілген.

Өрт Астана маңынан 19 маусымда шыққан. Баспасөз қызметінің мәліметіне қарағанда, құрғақ шөп пен қамыс өртенген.

t.me/azattyq

Azattyq - Азаттық

26 июня 2023 08:05

Шемонаиханың жанармай бекетіндегі жарылыста күйген екі адам қайтыс болған

Бұл туралы жергілікті YK-news.kz басылымы хабарлады.

"Денелері 100 пайызға жуық күйген. Мұндайда аман қалу қиын. Дәрігерлер 48 сағат әрекет жасағанымен, құтқара алмады",- дейді Шығыс Қазақстан облыстық денсаулық сақтау басқармасының баспасөз қызметі.

Жарылыста зардап шеккен тағы бір еркек пен әйелдің беті бері қараған. Олар орта деңгейде күйіп, ауруханаға түскен.

t.me/azattyq

Azattyq - Азаттық

26 июня 2023 07:05

Егембаевтың жақындары сот үкіміне келіспеді және сот процесін түсірген Азаттық тілшісі мен өзге журналистердің камерасын жауып, қоқан-лоқы көрсетті.

t.me/azattyq

Azattyq - Азаттық

26 июня 2023 06:59

Қаңтарда оққа ұшқан отбасы жөніндегі сот: Жауынгер 7 жылға сотталды

Алматы гарнизонының әскери соты "билік өкілетін асыра пайдаланды" деп айыпталған Алматы облысындағы 18 404 әскери бөлімнің қатардағы жауынгер Данияр Егембаевты 7 жылға бостандығынан айырды. Оны сот залында қамауға алды. Бұл туралы сот залынан Азаттық тілшісі хабарлады.

Былтыр 8 қаңтарда Нұрболат Сейітқұлов пен Алтынай Етаева және олардың 15 жастағы қызы Нұрай Талдықорған қаласында кешкі тоғыздар шамасында жеке көліктерімен кетіп бара жатқанда арнайы жасақтың оғына ұшқан. Оқ тиген көліктің сау тамтығы қалмаған. Оқ бірнеше қарудан атылған деген күдіктер айтылған.

Сот кезінде жауынгер Данияр Егембаев Нұрболат Сейітқұлов пен оның қызы Нұрайдың өліміне кінәлі саналып, айыпталушыға айналған. Алтынай Етаеваның қазасы жеке қарастырылатын болған.

t.me/azattyq

Azattyq - Азаттық

26 июня 2023 05:53

Пригожин бүлігінен кейін Александр Лукашенко Нұрсұлтан Назарбаевпен сөйлескен

Бұл туралы Беларусь президентінің баспасөз қызметі хабарлады. Бұл ақпаратқа қарағанда, маусымның 25-іне түске дейін Лукашенко Ресей президенті Владимир Путинмен, түстен кейін Назарбаевпен әңгімелескен.

"Халықаралық жағдай мен аймақтағы ахуалды және Беларусь - Қазақстан қатынастарын талқылады" дейді хабарда.

Лукашенкомен сөйлескені туралы Назарбаевтың баспасөз қызметі хабарламаған.

t.me/azattyq

Azattyq - Азаттық

25 июня 2023 18:31

Алматыда екі белсенді Асхат Берсалимов пен Данияр Макешов 15 тәулікке қамалды. Бұл жөнінде белсенді Марат Тұрымбетов хабарлады

Екі белсендіге “митингіге шақырғаны үшін” (488-бап, 7-бөлік) айып тағылған. Белсенділер бұған дейін 2022 жылдың 1 қыркүйегінен кейін де елге әкелінген шетел көліктерін заңдастыру мәселесін көтерген.

Жексенбі күні күндіз Макешов журналистерге 25 маусымда бастама топ мүшелері митинг өткізгісі келгенін, алайда кеше кейінге шегерілгенін айтқан еді. Бірақ оны соған қарамастан ұстап әкеткен.

Елде шетел көліктерін заңдастыру мерзімі 1 шілдеде аяқталады. Одан кейін тіркеусіз жүргендерге айыппұл салынатыны хабарланған.

Azattyq - Азаттық

25 июня 2023 13:52

Ақмола облысында Зеренді аудандық полиция бөлімі бастығының орынбасары өлі күйде табылған

Облыстық полиция департаментіне сүйенген жергілікті БАҚ-тың хабарлауынша, Тұрар Дүйсембиннің денесі 25 маусым таңертең Қылшықты өзені аумағындағы шұңқырдан табылған.

Демалыста болған Дүйсембиннің жоғалғаны туралы ақпарат 23 маусымда түскен. Ол үйінен 20 маусымда кеткен. Іздеу-құтқару операциясы бір тәуліктен астам жалғасқан.

Ресми ақпаратқа қарағанда, марқұмның денесінде күш қолдану белгілері болмаған. Сараптама тағайындалғаны хабарланды.

t.me/azattyq

Azattyq - Азаттық

25 июня 2023 10:03

Алматыда шетел көліктерін заңдастыру жөніндегі бастама топ мүшесі Данияр Макешов ұсталды

Бұл жөнінде белсенді Марат Тұрымбетов хабарлады. Ол журналист Данияр Молдабековке бастама топ мүшесін көлігімен полиция Алатау аудандық полиция басқармасына жеткізгенін хабарлаған.

Журналистің жазуынша, Макешов жуырда өзге де жүргізушілермен бірге Астанада болып, шенеуніктермен кездескен. Белсенділер 2022 жылдың 1 қыркүйегінен кейін де елге әкелінген шетел көліктерін заңдастыруды талап етеді.

25 маусымда бастама топ мүшелері митинг өткізгісі келген, бірақ кеше митингіні кейінге шегерген. Бірақ полиция оны соған қарамастан ұстап әкеткен. Полиция кешеден бері Ресейдегі бүлікке байланысты қауіпсіздік күшейгенін айтқан.

Елде шетел көліктерін заңдастыру мерзімі 1 шілдеде аяқталады. Одан кейін тіркеусіз жүргендерге айыппұл салынатыны хабарланған.

Azattyq - Азаттық

25 июня 2023 08:31

Балқаш-Іле резерваты аумағындағы қамыс өрті. Төтенше жағдай министрлігі таратқан суреттер

Azattyq - Азаттық

25 июня 2023 08:08

Тоқаев Ресейде “әскери іс-қимылдарды тоқтату жөніндегі келісімді құптады”

Тоқаев жексенбі күні Қауіпсіздік кеңесінің кезектен тыс отырысын өткізді, деп хабарлады Ақорда.

Көрші Ресейде кеше болған “қарулы бүлік” Ақорданың айтуынша, “Ресейдің ішкі мәселесі екеніне қарамастан”, Қазақстан азаматтарын да алаңдатқан.

“Мемлекет басшысы әскери іс-қимылдарды тоқтату жөніндегі келісімді құптады” деп жазды президенттің баспасөз қызметі.

“Жиында еліміздің қаржы-экономикалық тұрақтылығын және азаматтардың қауіпсіздігін қамтамасыз ету қажет екені атап өтілді. Президент барлық ведомство басшыларына дағдарыс жағдайындағы ықтимал қатерлерге қарсы әрекет етуге дайын болуды тапсырды” деп жазылған хабарламада.

Azattyq - Азаттық

26 июня 2023 14:22

"Өзенмұнайгаз" АҚ бас директорының бұрынғы орынбасары ұсталды

Қаржы мониторинг агенттігінің мәліметінше, Ермек Қарамырзаев қызметтегі өкілетін пайдаланып, "КЕЗБИ" ЖШС мен "Өзенмұнайгаз" АҚ-дағы мердігер ұйымдардың заңды кәсіпкерлік жұмысына кедергі жасады деген күдікке ілінген.

"Қарамырзаев конкурстың жекелеген қатысушыларының білік талаптарына сәйкес келмейтінін, олардың мұнай-газ саласындағы жұмыс тәжірибесі туралы жалған құжаттар ұсынғанын біле тұра тендерге қатыстырған. Олардың мүдделерін қолдап, "КЕЗБИ" ЖШС компаниясына ұңғымаларды жерасты жөндеу бойынша тиімсіз шарт жасасуға мәжбүр етті" делінген хабарламада.

Тергеу мәліметтеріне сүйенсек, Қарамырзаев заңсыз әрекеттерімен "КЕЗБИ" ЖШС-нің заңды мүдделеріне елеулі зиян келтіріп, мыңнан астам қызметкердің құқығын бұзған, мердігер ұйымдардың еңбек ұжымдарында әлеуметтік шиеленіс тудырған.

t.me/azattyq

Azattyq - Азаттық

26 июня 2023 13:17

Ресейдегі соңғы жағдайларға байланысты Мәскеу ҰҚШҰ аясында Қазақстаннан көмек сұрады ма?

"Екі президент арасындағы әңгіме бойынша мен ештеңе айта алмаймын. Ақорданың баспасөз қызметіне хабарлассаңыз болады, солар айтып берер. Бірақ сыртқы істер министрлігі тарапынан қандай да бір көмек сұралған жоқ" деді СІМ ресми өкілі Айбек Смадияров.

24 маусымда Ақорда Қазақстан президенті Қасым-Жомарт Тоқаев пен Ресей басшысы Владимир Путиннің сөйлескенін хабарлаған. Хабарламада "Қасым-Жомарт Тоқаев қазір болып жатқан оқиға Ресейдің ішкі мәселесі екенін атап өтті" деп жазылған.

t.me/azattyq

Azattyq - Азаттық

26 июня 2023 12:18

Ресей қорғаныс министрі Шойгу елдегі қарулы бүліктен кейін көпшілік алдына шықты

Бұл жөнінде Ресейдің мемлекеттік "РИА Новости" агенттігі хабарлады. Агенттіктің жазуынша, Сергей Шойгу Украинаның ұрыс аймағындағы "Батыс" әскери тобының басқару пунктіне барған. Іссапардан жарияланған видеоның қашан түсірілгені белгісіз.

Ресейдегі соңғы жағдайларға байланысты Сергей Шойгу көпшілік алдында сөйлемеді, оқиғаға байланысты ешқандай түсініктеме бермеді.

23 маусымда Евгений Пригожин Ресей қорғаныс министрлігін "вагнерліктерге" артиллерия мен әскери тікұшақ көмегімен соққы жасады деп айыптап, Мәскеуге қарай "әділдік маршын" бастаған. Ол қорғаныс министрлігінің басшылары министр Сергей Шойгу мен бас штаб жетекшісі Валерий Герасимовтің отставкасын талап еткен.

Видео: "РИА Новости" агенттігі

t.me/azattyq

Azattyq - Азаттық

26 июня 2023 11:41

Сотталушы Егембаевтың анасы Аяужан Егембаева "ұлым бұйрықты орындаушы ғана, оның қасында 12-13 әскери қызметкер болған" деп санайды

"Жалғыз менің ұлымды кінәлі еткені әділетсіздік. Оның қасында тәжірибелі әскери қызметкерлер, офицерлер, ішкі істер органының арнаулы жасағы болды. Солардың бәрін сотқа әкелу керек еді. Ұлыма бұйрық берген командир де жоқ. 12-13 адамның ішінен тәжірибесі жоқ, 21 жастағы менің ұлымды ғана кінәлі етіп отыр. Бұйрық берген адамдар жауапқа тартылуға тиіс. Сотта 57 оқ атылғаны айтылды. Соның ішінде менің баламның 2 оғы ғана дәлелденіп отыр. Апелляциялық шағым түсіреміз, істі қайта тергеуді талап етеміз" деді сотталушының анасы Азаттыққа.

Марқұм Сейітқұловтың әпкесі, жәбірленуші Дариға Дәуітәлиева "Сейітқұловтарға 120 оқ атылған" деп санайды.

"Сот Нұрболат пен Нұрайдың басына тиген оқтарды дәлелденді деп отыр. Оларға 120 оқ атылған. Бірақ бір адам ғана кінәлі боп шықты. Атқан адамның бәрі жауапқа тартылуға тиіс еді" деді Дәуітәлиева.

🔗Сілтемеден өтіп оқыңыз

t.me/azattyq

Azattyq - Азаттық

26 июня 2023 09:51

Думан Мұхаммедкәрім деген кім? Неліктен оған экстремизмге қатысты айып тағып жатыр?

Журналист, YouTube желісіндегі Ne deidi арнасының авторы Думан Мұхаммедкәрім екі қылмыстық іс бойынша күдікке ілініп, екі айға қамалды. Оған тағылған екі айып та экстремизмге қатысты.

Адвокат Ғалым Нұрпейісовтің айтуынша, Думан Мұхаммедкәрімге қарсы екі қылмыстық іс те Мұхтар Әблязовтан алған сұхбатына байланысты қозғалған.

"Бұл жалған айып. Думан бар болғаны кәсіби жұмысын атқарды. Сұхбат кезінде ҚДТ қозғалысы Қазақстанда экстремистік ұйым деп танылғанын да атап өткен. Осыған қарамастан "тыйым салынған ұйымның ісіне араласты" деу негізсіз" дейді Ғалым Нұрпейісов.

🔗Сілтемеден өтіп оқыңыз

t.me/azattyq

Azattyq - Азаттық

26 июня 2023 08:38

Украина барлау қызметі: Ресей әскері Запорожье АЭС-іне жарылғыш техника жеткізген

Украина барлау қызметінің бастығы Кирилл Буданов The New Statesman басылымына берген сұқбатында "Ресей Запорожье атом электр станциясына теракт жасауға арналған дайындығын аяқтады" деген.

Буданов "Ресей әскері станцияның салқындатқыш бассейнін миналағанын" ескерткен.

Оның сөзінше, салқындатылмаған ядролық реакторлар "он сағаттан 14 күнге дейінгі аралықта еріп кетуі мүмкін." Буданов Ресей "станцияға дейінгі электр желілеріндегі қуатты күшейтсе ядролық апат болады" деп санайды.

Украина әскери барлауы "Ресей әскері алты энергоблоктың төртеуіне жарылғыш техника жеткізгенін" анықтаған. 15 маусымда Халықаралық атом энергиясы агенттігі (МАГАТЕ) барғанда бұл блоктарға кіргізілді ме, жоқ па, белгісіз.

Буданов Ресей Запорожье АЭС-ін жару жөнінде жоспарын "жасап және бекітіп қойғанына" сенімді екенін айтты.

t.me/azattyq

Azattyq - Азаттық

26 июня 2023 07:51

Пригожин бүлігінің беті қайтқан соң Путиннің екі ұшағы Мәскеуге оралған

Flightradar24 сервисінің мәліметіне қарағанда, бірінші ұшақ 25 маусымда түнде 02:00 шамасында Тверь облысы маңынан радарға қосылып, 03:43 кезінде Мәскеуге қонған. Бұл ұшақ сенбі күні 18:43-те Мәскеуден ұшып кеткен.

Екінші ұшақ та Тверь облысы маңынан радарға қосылып, Мәскеуге 01:50-де қонған. Олардың қайдан ұшып келгені белгісіз.

24 маусымда Ресей президентінің баспасөз хатшысы Дмитрий Песков "Путин күні бойы Кремльде жұмыс істеді" деген.

t.me/azattyq

Azattyq - Азаттық

26 июня 2023 07:03

Үкім оқылып жатқанда сотталушы Егембаев айдауылмен жанжалдасып қалды.

t.me/azattyq

Azattyq - Азаттық

26 июня 2023 06:23

"Вагнер" жалдамалылары Ресейдің әуедегі командалық пунктін де атып түсірген

Бұл жөнінде Нидерландының Oryx жобасы мен Ресей телеграм-арналары жазды.

Бірінші арна тілшісі Ирина Куксенкованың сөзіне қарағанда, Ил-22М бортында 10 адам болған, бәрі де өлген.

"Оңтүстік әскери округ штабында Пригожинге "оны неге аттыңдар, әуеден соққы жасайтын ұшақ емес қой" дегенде, Пригожин "колоннадағы ақымақ "пвошник" (әуе қорғанысы жүйесінің атқышы) төбеде ұшқанның бәрін ата беріпті" деп жауап берген. Тілшінің сөзіне қарағанда, Пригожин өлген ұшқыштардың отбасына 50 миллион рубльден өтемақы төлеуге уәде берген. Бұл ақпаратты өзге де телеграм-арналар таратты. Бірақ Пригожин де, Ресей қорғаныс министрлігі де әзірге жақ ашқан жоқ.

t.me/azattyq

Azattyq - Азаттық

26 июня 2023 05:37

Блинкен: "Вагнер" жалдамалылары Путинге айрықша қатер төндірді

"Вагнер" жалдамалыларының Путин билігіне төндірген айрықша қатерінен кейінгі хаос әзірге аяқталмаған болуы мүмкін, әлі ұзақ уақыт тұрақсыздық сақталуы ықтимал. Бұл ойды АҚШ мемлекеттік хатшысы Энтони Блинкен айтқан.

Блинкен телеарнаға берген сұқбатында "23-24 маусымда Евгений Пригожин бүлігіне байланысты Ресейдегі жағдай бірер күннің жемісі емес" деп сөйлеген. "Менің ойымша біз Ресейдегі сызаттың одан әрі тереңдей түскенін көріп отырмыз. Путин алдағы апталар мен айларда шешуге тиіс көптеген мәселе бар", – дейді мемлекеттік хатшы NBC News эфирінде.

t.me/azattyq

Azattyq - Азаттық

25 июня 2023 14:00

24 маусымға қараған түні Киевке жасалған ракета шабуылының салдарынан қаза болғандар 5 адамға жетті

Ресей ракетасының сынығы түсіп, қираған орыннан құтқарушылар тағы екі адамның денесін тапты. Бұл жөнінде қала мэрі Виталий Кличко хабарлады. Бұған дейін үш адам өлгені айтылған еді.

Шабуылдың салдарынан Киевтің Соломен ауданындағы 25 қабатты тұрғын үйдің бір бөлігі қираған.

Украина билігінің хабарлауынша, 24 маусымға қараған түні Ресей әскері шабуылдаушы Ту-95МС ұшағынан Х-101/555 ракетасын ұшырған. Шамамен 20 ракета Киев аумағында атып түсірілген деп айтылады.

t.me/azattyq

Azattyq - Азаттық

25 июня 2023 11:34

Қонаев пен Бекежановтың "қастығы". Назарбаевтың табылмай кеткен сұхбаты тәркіленді ме?

Советтік Қазақстан үкіметінің жетекшісі Нұрсұлтан Назарбаев мәскеулік басылымға берген сұхбатында бұрынғы басшы Дінмұхаммед Қонаев пен оның көмекшісі Дүйсетай Бекежановқа неге қатты шүйлікті? Сұхбатты жариялаған журналдың кейін Қазақстан кітапханаларынан жоғалғаны рас па? Оқиға куәгері не дейді? "Азаттық радиосына 70 жыл" подкасының бүгінгі эпизодында осы сұрақтарға жауап іздедік.

🔗ОҚУ

🎙️ТЫҢДАУ

Azattyq - Азаттық

25 июня 2023 09:13

“Соғысты зерттеу институты” кезекті хабарламасында “Пригожинді бүлік жасауға не итермеледі?” деген сұраққа жауап іздейді

Пригожин “Вагнер” тобын қорғаныс министрлігінен бөлек әскери құрылым ретінде сақтап қалудың жалғыз амалы – Ресей әскери ведомствосына қарсы жорық ұйымдастыру деп ойлаған сияқты, дейді сарапшылар.

Бұған дейін қорғаныс министрлігі еріктілер жасағына министрлікпен келісімшартқа қол қоюға 1 шілдеге дейін уақыт берген. Сарапшылардың ойынша, Пригожин мұны өзіне саяси қатер деп қабылдаған. Сол себепті “Вагнерден” айырылғанша қорғаныс министрлігінің басшыларын ауыстыруға күш салған.

Әскери сарапшылар кеше “Вагнер” жасағының жылдам жүріп, бір-бірімен тез байланысып отырғанына қарағанда Пригожин бүлікті алдын ала ұйымдастырған болуы мүмкін деп болжайды. Алайда мұны ашық дереккөздер арқылы растау мүмкін емес.

“ВАГНЕРДІҢ” БОЛАШАҒЫ

Егер келісім Кремль баспасөз хатшысы Дмитрий Песков айтқан нұсқада жүзеге асса, “Вагнердің” бір бөлігі қорғаныс министрлігі құрамына енеді. Әзірге “Вагнер” күштерінің өздерін министрлікке қосқанға қалай қарайтыны белгісіз. Қорғаныс министрлігіне қарасты күштер де олармен қалай істесетінін де дөп басып айту қиын.

Путиннің бүліктен кейін Шойгу мен Герасимовке көзқарасы да түсініксіз қалды дейді сарапшылар. Песков кез келген әскери кадр алмасу мәселесі Путиннің “айырықша құзыретінде” екенін, кешеден бері бұл мәселе талқыланбағанын айтты.

Azattyq - Азаттық

25 июня 2023 08:30

Журналист Кирилл Павлов жексенбі күні спутник деректеріне сүйене отырып, Балқаш көлі маңында өрт болып жатқанын және оның бүгін ғана өртеніп жатпағанын, биліктен ақпарат жоғын жазған.

Ізінше төтенше жағдай министрлігі өрт туралы ақпарат таратты. Ведомствоның хабарлауынша, Іле-Балқаш резерватының аумағында 150 га қамыс өртеніп жатыр.

“Өрттің жалпы аумағы шамамен 6200 га болды, оның ішінде сөндірілгені - 6050 гектар” деп жазылған хабарламада.

Министрлік “әлеуметтік желілерде таралған космомониторингтің суреттері бүгінгі күні өзектілігін жоғалтқан” деп жазды. (Ал журналист спутник суреті бүгін, 25 маусымда таңертең түсірілгенін айтады).

Ведомствоның айтуынша, “Бақанас орман шаруашылығы учаскелерінде өрт таралмас үшін орман шаруашылығы күштерімен жырту жұмыстары жүргізіліп жатыр”. Елді мекендерге қауіп жоқ екені айтылады.

Azattyq - Азаттық

25 июня 2023 06:26

Пригожинмен келісім жасалмай тұрған кезде ресейлік "Фонтанка" арнасы Пригожиннің Петербургтегі кеңсесін тінту кезінде 5 кило құйма алтын, доллар, 6 тапанша, 5 кило белгісіз ақ ұнтақ және бірнеше паспорт табылғанын хабарлаған. Дмитрий Песков Пригожинге қозғалған іс тоқтатылғаны туралы хабарлағаннан кейін бұл ақпарат өшірілген.