Azattyq - Азаттық

24 июня 2023 22:06

🤷‍♂️ Кремль Пригожиннің үстінен қозғалған қылмыстық іс тоқтайтынын, ал “Вагнер” басшысы “Беларуське” кететінін мәлімдеді. Пригожин Беларусьте немен айналысатыны нақты айтылмады.

Azattyq - Азаттық

24 июня 2023 20:46

Пригожин: «Жігіттер, мініңдер, үйге қайтамыз!»

Кейінгі аудиожазбасында Пригожин «заттарын жинап, кері қайтатындарын» айтқан. Ол «Вагнер» әскерімен бір тәулікте 200 км жол жүріп, «жауынгерлердің бір тамшы қанын төкпегенін» айтты. Алда да «орыстардың қаны төгілмес үшін» Мәскеу түбіндегі колоннаны кері бұрып, «жоспар бойынша артқа қайтып, даладағы лагерьлеріне баратынын» мәлімдеді. Оның қандай жоспар туралы айтқаны белгісіз. Ол Лукашенкомен арада болды деген келіссөз туралы да ештеңе айтпады.

Azattyq - Азаттық

24 июня 2023 19:35

Пригожин “Вагнер” әскерін Мәскеуден 200 шақырым жерде тоқтататынын растады. Ол қан төккісі келмейтінін айтты. Пригожиннің аудиосын өзінің баспасөз қызметі таратты.

Azattyq - Азаттық

24 июня 2023 19:05

Зеленский ресейліктерге орысша қайырылды:

“Кремльдегі адам қатты қорқып, бір жерде тығылып отырған сияқты. Мәскеуде емес екеніне сенімдімін. Бір жерлерге хабарласып, не болып жатқанын сұрастырып жатқан болар... Ол неден қорқатынын біледі, себебі осы қатердің бәрін өзі тудырды. Зұлымдық, шығын, қастық – осының бәрін өзі таратып отыр.

Ол бункерлерінің арасында неғұрлым ұзақ қашып жүрген сайын сонша жоғалтасыңдар... Біз, украиналықтар, елімізді қорғаймыз. Еркіндігімізді қорғаймыз. Міндетті түрде жеңіске жетеміз.

Ал сендер ше? Украин жерінде әскерің неғұрлым ұзақ болған сайын Ресей сонша шығынға батады. Бұл адам Кремльде неғұрлым ұзақ отырса, апат та соғұрлым көп болады”

Azattyq - Азаттық

24 июня 2023 18:44

Президент Қасым-Жомарт Тоқаев 25 маусымда Қауіпсіздік кеңесінің кезектен тыс отырысын өткізеді

Ақорданың хабарлауынша, “премьер-Министр, күштік құрылым басшылары Ресейдегі қалыптасқан жағдайға байланысты берілген тапсырмаларының орындалуы жөнінде есеп береді”

“Жиында көрші достас мемлекеттегі ахуалдың Қазақстан азаматтарының қауіпсіздігіне және еліміздің экономикасына тигізетін ықтимал теріс салдарының алдын алу мақсатында шұғыл іс-қимыл жоспары қабылданады деп жоспарланып отыр” деп жазылған хабарламада.

Azattyq - Азаттық

24 июня 2023 18:17

Мәскеу облысында 1 шілдеге дейін далада, білім беру мекемелерінде қоғамдық шаралар өткізілмейтін болды. Бұл жөнінде қаулыға Мәскеу облысының губернаторы Андрей Воробьев қол қойды.

Azattyq - Азаттық

24 июня 2023 18:11

«Бұл ИЛ-96-ны Путиннен басқа ешкім қолданбайды»

«Настоящее время» арнасындағы «Система» зерттеу жобасының журналисі Дмитрий Сухарев тікелей эфирде берген сұхбатында Владимир Путин Мәскеуден Валдайға ұшып кеткен болуы әбден мүмкін екенін айтты.

Оның айтуынша, Кремльдің тек Ресей президенті ұшатын екі ұшағы бар, соның бірі - ИЛ-96. Бұл ұшақты Владимир Путиннен басқа ешкім қолданбайды.

Журналистің дерегі бойынша, бүгін Мәскеуден «Россия» арнайы ұшу отрядының үш ұшағы ұшып шыққан, соның бірі – осы ИЛ-96. Ол Валдай қаласының тұсына барғанда радардан көрінбей қалған.

Валдай – Мәскеуден 380 км, Санкт-Петербургтен 140 км жерде, көл жағасында орналасқан қалашық. Онда Ресей президентінің резиденциясы бар.

Azattyq - Азаттық

24 июня 2023 17:54

Қазақстандағы айырбас пункттерінде Ресей рублінің құны түсіп жатыр

Астанада бір рубльді сатып алу 4,2 теңге, сату 5,2 теңге шамасында. Алматыда рубльді алу құны 4,5 теңге, ал сату құны 5,2 теңге төңірегінде. Кеше ғана рубльдің сатып алу құны 5,25 теңге болған еді.

Azattyq - Азаттық

24 июня 2023 17:39

Захарова: Батыс елдерін Ресейдің ішіндегі жағдайды өз русофобиялық мақсатына пайдалануға тырыспауды ескертеміз

Ресей сыртқы істер министрлігінің ресми өкілі Мария Захарова елде болып жатқан жағдайға қатысты пікір жазды. Евгений Пригожиннің «Вагнер» әскери тобын бастап, Ресейде «әділдік жорығына шығуын» ол «қарулы бүлік бастауға талпыныс» деп атады:

«Қаскөйлердің қитұрқы әрекеті - іс жүзінде Ресейдегі жағдайды тұрақсыздандырып, бірлігімізді шайқап, Ресей Федерациясының халықаралық қауіпсіздікті берік қамтамасыз ету жоспарын бұзуға ұмтылыс. Сондықтан бұл бүлік Ресейдің сыртқы жауларының қалауына сай келеді» деді Захарова.

Ол Батыс елдерін «Ресейдің ішіндегі жағдайды өзінің русофобиялық мақсатына пайдалануға тырыспауды» ескертті.

Azattyq - Азаттық

24 июня 2023 17:22

Латвия мен Эстония Ресеймен шекарасында қауіпсіздікті күшейтті

Ресейдегі жағдайға байланысты Латвия шекарадағы күзетті күшейтіп, ресейліктерге гуманитарлық виза беруді доғарады, деп хабарлады ел президенті Эдгар Ринкевич.

“Латвия Ресейдегі жағдайды мұқият бақылап отыр және одақтастарымен ақпарат алмасып жатыр. Шекарадағы күзет күшейтілді, соңғы оқиғаларға байланысты Ресейден кеткісі келетін азаматтардың виза алуға өтініші қаралмайды. Қазір Латвияға тіке қауіп жоқ” деп жазды ол Twitter-де.

Латвия былтыр ресейліктерге жаңа виза беруді тоқтатқан, тек гуманитарлық виза беріп келген еді.

Эстония премьер-министрі Кая Каллас та шекарада қауіпсіздік күшейтілгенін мәлімдеді

Azattyq - Азаттық

24 июня 2023 16:51

Ресейліктердің Евгений Пригожинге көзқарасы: әлеуметтік сауалнама

Журналист Вадим Борейко украиналық әлеуметтанушы Олександр Шульга жүргізген зерттеу нәтижесін жариялады.

Алғашқы зерттеу 2022 жылдың желтоқсанында жасалса, соңғысы 2023 жылы маусымда жүргізілген.

“Вагнер” жетекшісі Евгений Пригожинге көзқарасыңыз?" деген сұраққа:

▫2022 желтоқсанда сұралғандардың 22 пайызы “сөзсіз жақсы” деп жауап берген.

▫2023 жылы маусымда бұл көрсеткіш 36 пайызға өскен

▫2023 жылы 61 пайызы “жаман емес” деген пікірде екенін айтқан. Былтыр желтоқсанда бұл көрсеткіш 37 пайыз болған.

Статистикаға қарағанда, Пригожиннің “танымалдығы” желтоқсанмен салыстырғанда біраз артқан.

“Пригожиннің Ресейде саяси болашағы бар ма?” деген сұраққа сұралғандардың 50 пайызы “бар” немесе “бар сияқты” деп жауап берген.

“Жоқ” немесе “жоқ сияқты” деген жауапты 36 пайызы таңдаған.

Azattyq - Азаттық

24 июня 2023 16:23

Саясаттанушы: Қарулы бүлік Путин билігінің құлауын жылдамдатады

Саясаттанушы Аббас Галлямов Евгений Пригожиннің бүлігі Владимир Путин билігіне қалай әсер ететіні туралы ойларымен бөлісті

Azattyq - Азаттық

24 июня 2023 16:05

Воронеж облысының солтүстігінде “Вагнер” әскері бұзған жолдағы блокбекеттердің бірі деп айтылады (Видеода балағат сөздер бар)

Azattyq - Азаттық

24 июня 2023 15:28

“Вагнер” колоннасы Липецк облысына жетті

“Вагнер” жалдамалы әскері Липецк облысының Елец қаласына жетті. Полицейлер қалаға кіреберіс жолды бекітіп тастаған. Бұл жөнінде куәгерлерге сүйенген "Вёрстка" хабарлады.

Ақпаратқа қарағанда, “Вагнер” әскері Елец қаласына кірмей, оны жанап өтетін жолдар арқылы негізгі “Дон” трассасына шығуды көздеп отыр.

Бұған дейін жалдамалы әскер Дондағы Ростов пен Воронеждегі әскери нысандарды бақылауына алғаны хабарланған еді.

Azattyq - Азаттық

24 июня 2023 15:04

“Вконтакте” желісіндегі “Вагнер” тобының парақшасы бұғатталды

Аталған желі парақшаны Ресей бас прокуратурасының талабымен жапқан. Дегенмен қазір желіде Пригожинге жақын өзге де пабликтер ашық тұр. Онда Телеграмдағыдай Пригожиннің аудиохабарламалары жарияланып жатыр.

Azattyq - Азаттық

24 июня 2023 20:55

Путин мен Лукашенко тағы сөйлесті

Пригожин әскерін кері бұратынын мәлімдеген соң Лукашенко мен Путин тағы да телефонмен сөйлесті. Лукашенко Ресей басшысына «Вагнер» тобы жетекшісімен болған келіссөз нәтижесі туралы «айтып берген». «Ресей президенті жасаған жұмысы үшін белорус әріптесіне қолдау білдіріп, алғыс айтты» деп хабарлады Лукашенконың баспасөз қызметі.

Azattyq - Азаттық

24 июня 2023 20:37

«Вагнер» қандай шарттармен шегінетін болды?

Лукашенконың айтуынша, Пригожинмен арадағы келісімде «Вагнер» тобы сарбаздарының «қауіпсіздігіне кепілдік берілген». Пригожиннің жеке бас қауіпсіздігіне қандай кепілдік берілгені белгісіз. Кешегі мәлімдемелерінен соң «қарулы бүлікке шақырды» деген себеппен оның үстінен қылмыстық іс қозғалған. Ел басшылығы оны «сатқын» деп атаған.

Ресей қорғаныс министрі Шойгу мен бас штаб басшысы Герасимов орнынан кете ме, жоқ па, ол жағы да белгісіз. Пригожин «әділдік шеруін» бастағанда олардың биліктен кетуін талап еткен еді.

Azattyq - Азаттық

24 июня 2023 19:18

Лукашенко Пригожинмен келісімге келгенін мәлімдеді

Лукашенконың баспасөз қызметінің хабарлауынша, Беларусь басшысы Путиннің келісімімен Евгений Пригожинмен келіссөз жүргізген. Нәтижесінде екеуі “Ресей аумағында қантөгіске жол бермеуге” келіскен.

Ақпаратқа қарағанда, Пригожин Лукашенконың “Ресей аумағында Вагнер әскерінің жорығын тоқтату туралы” ұсынысын қабылдаған және жағдайды ушықтырмауға келіскен.

“Қазір түйткілді шешу үшін өте тиімді және орынды ұсыныс айтылып жатыр, Вагнер жауынгерлерінің қауіпсіздігіне де кепілдік беріледі” деп хабарлады Лукашенконың баспасөз қызметі.

Пригожин мен Ресей билігі әзірге түсініктеме бермеді.

Azattyq - Азаттық

24 июня 2023 18:55

“Верстка” және әскери тілші Евгений Поддубный Воронеж облысында атып түсірілген Ка-52 тікұшағының қалдықтарын көрсетті

Оны “Вагнер” тобы атып түсірген деп айтылады. Құтқарушылар екі адамның денесін тапқан. Поддубный ақпаратты растады

Azattyq - Азаттық

24 июня 2023 18:24

Ростовтағы Оңтүстік әскери округ штабы маңында бес рет оқ атылған. Бұл жөнінде Ресейдің мемлекеттік "РИА Новости" агенттігі хабарлады. Жергілікті «Блокнот» басылымы атыс болды деген жердің видеосын жариялады. Оңтүстік әскери штабты бүгін «Вагнер» әскери тобы басып алған. Ресей басшылығы «бүлікшілерге қарсы контртеррористік операция бастағанын» мәлімдеді.

Azattyq - Азаттық

24 июня 2023 18:16

Мәскеу қаласы. Қазіргі жағдай. Орталықта әсіре оңшыл "Ұлттық азат ету" қозғалысының өкілі плакат ұстап тұр. Бұл ұйым бұрын "Сармат"
ядролық зымыранымен Вашингтонға соққы жасауға үндеген.

Azattyq - Азаттық

24 июня 2023 18:10

“Вагнер” тобының Мәскеу облысына жеткені туралы алғашқы хабар тарай бастады

Куәгерлерге сүйенген кейбір ақпарат көздері “Вагнер” тобы Мәскеу облысының оңтүстігіне жеткенін жазды. Мәскеуде дүйсенбі, 26 маусым жұмыс күні емес. Қалаға әскер әкелініп жатыр. Әлеуметтік желілерде Мәскеуге сап түзеп бара жатқан әскери техникалардың видеосы жарияланды.

Azattyq - Азаттық

24 июня 2023 17:50

«Вагнер» бүлігі басталған соң Ресейдің кей олигархтары Мәскеуден кетіп қалған болуы мүмкін. «Важные истории» басылымының хабарлауынша, олигарх әрі Путиннің досы Аркадий Ротенбергтің Bombardier BD-700 бизнес-джеті бүгін таңертең Әзербайжан астанасы Бакуге қонған. Ротенбергтің баспасөз қызметі оның Мәскеуден кеткенін жоққа шығарды.

Azattyq - Азаттық

24 июня 2023 17:31

Дүйсенбі күні Мәскеуде жұмыс күні емес, деп хабарлады қала мэрі Сергей Собянин. Ол тұрғындарды үйден шықпауға және жолдарды жабуға дайын отыруға үндеді

Azattyq - Азаттық

24 июня 2023 16:58

Мәскеуге кетіп бара жатқан “Вагнер” әскерін тоқтату үшін кейбір аймақта жолдарды осылайша қазып тастаған

Липецк облысынан түсірілген мына суретті әскери тілші Андрей Руденко жариялады. Бұған қоса, Чаплыгин қаласы маңынан да видео жарияланды. Онда экскаватордың асфальтты ойып жатқаны көрінеді.

"Новости Чаплыгина" арнасының жазуынша, Липецкіге кіреберіс те Лебедяни жағынан бекітілген.

Azattyq - Азаттық

24 июня 2023 16:29

Белорус оппозициясының жетекшісі Светлана Тихановская белорус әскерін “мүмкіндікті жіберіп алмай” Беларусьтен барлық Ресей әскерін қуып шығуға үндеді.

Тихановскаяның пікірінше, белорустар Путинді де, Пригожинді де қолдамауы керек – Мәскеуге тәуелділіктен арылу үшін жағдайды пайдалануға тиіс.

Azattyq - Азаттық

24 июня 2023 16:16

Мәскеуде бірқатар қоғамдық орындарға “мина қойылғаны” жайлы ақпараттан кейін жұрт эвакуацияланған

Пушкин музейі, Третьяков галереясы, ГЭС-2 музейі, “Мега Белая Дача”, “Квартал” сауда орталықтарынан адамдар эвакуацияланды, деп хабарлады BBC арнасы.

Azattyq - Азаттық

24 июня 2023 15:43

Липецк облысының губернаторы Игорь Артамонов облыс аумағынан “Вагнер” әскері жылжып бара жатқанын растады. Ол күштік органдар тиісті қауіпсіздік шарасын қолданатынын айтып, тұрғындарды үйлерінен шықпауға үндеді.

Azattyq - Азаттық

24 июня 2023 15:24

BBC сарапшысы Илья Барабанов “Вагнер” жетекшісі Евгений Пригожин бүлігінің мақсаты туралы айтады

Оның айтуынша, жұма күні кешке Пригожин Шойгу мен бас штаб жетекшісі Герасимовті қызметінен кетіруді көздеген. Алайда оның үстінен қылмыстық іс қозғалып, Путин бүгін оның әрекетін “сатқындық” деп бағалағаннан кейін бүліктің мақсаты өзгерген болуы мүмкін.

Путин Пригожиннің талаптарын орындап, қорғаныс министрлігі басшыларын отставкаға кетірсе де, саяси дағдарыс мұнымен бітпейді, деп санайды сарапшы.

“Ресей армиясы Мариуполь, Попасная немесе Бахмутты жермен-жексен еткенде Путин (Белгород облысындағы) Шебекиноның осылайша отқа оранатынын білді ме екен. Путин 8 жыл бойы Украина шығысындағы сепаратистік құрылымдарға Ресейдің қатысы барын мойындамай, онда “азаматтық соғыс жүріп жатыр” деп айтқан кезде Дондағы Ростовты уысынан шығарып аламын, жалдамалы әскер осылайша Мәскеуге қарай жорыққа шығады деп ойлады ма екен. Евгений Пригожин әзірге жаңа мақсат қойған жоқ, бірақ оны енді Мәскеуге жорығының нәтижесі анықтайды” деп жазды сарапшы.

“Егер “Вагнер” жорығы сәтті шықса, Пригожиннің саяси талаптары әлдеқайда радикал болуы мүмкін” деп санайды Илья Барабанов.

Azattyq - Азаттық

24 июня 2023 14:54

Мәскеудің екі тергеу изоляторында тұтқындар бүлік жасады деген ақпарат әзірге расталмады, деп хабарлады Азаттықтың Орыс қызметі