Azattyq - Азаттық

21 июня 2023 14:02

Қазақстан, Қырғызстан және Ресей өз азаматтарының жеке деректерімен алмасады

Қырғызстан президенті Садыр Жапаров "жеке дерек алмасу саласында өзара құқықтық көмек туралы келісімді ратификациялау туралы" заңға қол қойды.

Үш мемлекет осы келісім аясында азаматтарының азаматтыққа қатысты деректері, тіркелген жылжымайтын мүліктері, әкімшілік немесе қылмыстық соттылығы бар-жоғы туралы мәліметтермен алмасады.

Бұған дейін ресейлік құқық қорғау органдары Қырғызстан ІІМ-ге іздеуде жүрген 85 мыңнан астам адам туралы ақпарат берген. 2-10 маусым аралығында Қырғызстанның күштік құрылымдары адамның бет-жүзін танитын камералардың көмегімен ТМД аумағында мемлекетаралық іздеуде болған 57 адамды тапқан.

t.me/azattyq

Azattyq - Азаттық

21 июня 2023 12:56

Семейде Қаңтар оқиғасы кезінде ұсталып, азаптаудан өлген Жандос Жотабаевтың ісі бойынша уақытша қамау изоляторының фельдшері Гүлмира Төлеубекова шартты түрде бір жылға сотталды

Бұл жөнінде “Власть” сайты хабарлады.

Сот оны "Кездейсоқ бір адамның өліміне әкелген медицина қызметкерінің кәсіби міндетін тиісті дәрежеде орындамау" бабы (317-бап) бойынша айыпты деп таныған.

Гүлмира Төлеубекованың қорғау тарабы фельдшердің Жотабаев өліміне қатысы жоғын айтып, бұл іс бойынша бірінші кезекте оны азаптаған полиция қызметкерлері мен уақытша қамау изоляторын жауапқа тарту қажеттігін айтқан.

Жотабаевтың өліміне байланысты бөлек процесте "Қатігез, адамгершілікке жатпайтын немесе қадір-қасиетті қорлайтын қарым-қатынас, азаптаулар" (146-бап) бабы бойынша екі полиция қызметкері Әлішер Қанақынов және Ерсұлтан Ағзановқа айып тағылған. Олардың соты енді ғана басталған.

Жандос Жотабаев — Қаңтар оқиғасынан кейін ұсталып, азаптаудан өлген алты адамның бірі.

t.me/azattyq

Azattyq - Азаттық

21 июня 2023 12:08

Джо Байден Си Цзиньпинді диктатор деп атады

АҚШ президенті Джо Байден АҚШ аумағында қытай тыңшылық зондының атып түсірілуіне байланысты Қытай басшысы Си Цзиньпиннің реакциясы туралы айтқан кезде Қытай басшысын диктатор деп атаған. Бұл жөнінде Reuters жазды.

Калифорнияда өзінің сайлау кампаниясына ақша жинау шарасы кезінде сөз сөйлеген Байден "Екі вагон тыңшылық аппараты бар әуе шарын атып түсірген кезде Си Цзиньпин не үшін ашуланды? Себебі ол шар жөнінде білмеген. Ал мұндай нәрсе диктаторларға ұнамайды" деді Байден.

t.me/azattyq

Azattyq - Азаттық

21 июня 2023 10:52

"Қазақстанда АЭС салу туралы шешім әлі қабылданбады"

Энергетика министрі Алмасадам Сәтқалиев Азаттық журналисінің АЭС туралы сұрағына осылай деп жауап берді.

"Әзірге шешім қабылданбады. Қазір қатысушы мен құрылыс векторы бойынша рәсімдер жүріп жатыр. Біз потенциалды технологияларды қарап жатырмыз" деді Сәтқалиев.

Билік “АЭС бойынша шешім қабылданбады” деп жиі қайталағанмен былтыр күзде “Самұрық-Қазына” АЭС жобасына кірісіп кеткенін хабарлаған. Осыған дейін елде АЭС-тің "маңызын түсіндіру жұмыстары" жүргізілетіні де айтылған. Сол үшін былтыр қазақстандық блогерлер Корея мен Францияға да барған.

Билік “энергия тапшылығын шешудің бірден бір жолы АЭС” десе, экобелсенділер, экологтар мен энергетика саласы бойынша бірқатар сарапшы АЭС-ті қауіпсіз санамайтынын және коммерциялық тұрғыда да тиімді емес екенін айтқан.

t.me/azattyq

Azattyq - Азаттық

21 июня 2023 09:46

⚡️ Мәжіліс депутаты Абзал Құспан қамаудағы Қайрат Сатыбалды "Үшқоңырдағы резиденциясын Назарбаевқа сыйлағаны жайлы" Азаттық зерттеуіне байланысты бас прокуратураға сауал әзірлеп жатқанын айтты

"Бұл қолданыстағы қылмыстық-процестік кодекстің талаптарын өрескел бұзу. Бір емес, бірнеше заңның бұзылуына куә болып отырмыз...БАҚ туралы заңға сәйкес, егер ол шындыққа сәйкес болмаса мемлекеттік органдар терістуі тиіс. Кеше көргенім, бас прокуратура атына да, құзырлы органдарға сауал жолданған. Оған тиісті жауап та берілмеген" деді депутат.

Бір күн бұрын Азаттық сайты Алматы облысы, Үшқоңыр жайлауындағы резиденцияны Қайрат Сатыбалды немере ағасы, Қазақстанның бұрынғы президенті Нұрсұлтан Назарбаевқа сыйға тартқаны жөнінде зерттеу жариялаған. Бұл резиденцияның Елбасы қорының меншігіне қалай өткені белгісіз. Ақпаратқа қарағанда, резиденцияның меншік иесі сәуір айында, яғни Қайрат Сатыбалды түрмеде отырған кезде ауысқан.

🔗Зерттеуді оқыңыз

t.me/azattyq

Azattyq - Азаттық

21 июня 2023 09:09

Қаржы мониторинг агенттігі "Қазақстан барысы" турниріне бюджеттен бөлінген миллиард теңгеден астам қаражаттың қаншалықты заңды жұмсалғанын тексереді

Ведомствоның хабарлауынша, қазір жүргізіліп жатқан тергеу амалдары аясында мердігер құрылым өкілдері мен басшылары тергелген, тінту жүрген, құжаттар тексерілген.

Ал "Қазақстан барысы" турнирінің авторы Арман Шораев 20 маусымда Facebook парақшасында Қазақстан билігі оған және жақтастарына қысым жасай бастағанын жазды. Ол көптеген жобаны бірге жүзеге асырған әріптестері "заңсыз қудалауға ұшырағанын" жазды "Кейбірін заңсыз тінтіп жатыр" деп жазды Шораев.

Шораев өзіне азаматтық ұстанымына байланысты қысым жасалып жатыр деп санайды.

t.me/azattyq

Azattyq - Азаттық

21 июня 2023 07:59

"2016 жылы Жер митингілерінен кейін ауыл шаруашылық мақсаттағы жерлерді шетелдіктерге беруге мораторий жарияланды. Оған дейін беріліп қойған жерлер үкіметке қайтты ма?" деген сұраққа ауыл шаруашылығы вице-министрі Тамабек Әбілқайыр жауап береді.

Ол "өзіміз кездескен фактілер бойынша 100 пайыз қайтардық, бірақ база интеграция жасалмағандықтан [қайтарылмаған жерлер] шығуы мүмкін. Оларды қайтаруға дайынбыз" деді.

t.me/azattyq

Azattyq - Азаттық

21 июня 2023 07:15

🪴 Минималист, экофермер: Жаңа киім алмағаныма 20 жылдан асты

Екі жоғары оқу орнын бітірген, мамандығы инженер биотехнолог, бұрынғы бизнесвумэн Лейла Мұхитдинова тұтынатын заттарын саналы түрде қысқартып, минимализм және аскетизмге бет бұрған. Ол суды үнемдеу үшін канализациядан бас тартқан. Фудшерингмен тамақтанады.

Экобелсендінің айтуынша, оның Алматыдан шамамен 30 шақырым жерде шағын фермасы бар. Онда ешкі сияқты ұсақ малдар ұстайды. Қала тұрғындарынан жинаған тағам қалдықтарының жарамдыларын сол малдарға береді, қалғандарын компостайды. Ол “көршілерім бастапқыда маған жынды адамша қарады, ал қазір құрметпен қарайтын болды, кейде саған саясатқа бару керек деп айтады” дейді.

EcoKundelik-тің қалдықсыз өмір салты және пермамәдениет жайлы эпизодын подкастан тыңдаңыз 👇🏻

🎙ITunes
🎙Google Podcasts
🎙Spotify
🎙YouTube
🎙Азаттық сайты

t.me/azattyq

Azattyq - Азаттық

21 июня 2023 05:40

"Араздық туғызатын сөз айтып, бұған мені кінәлайды". Қазақстандағы сепаратистерді әшкерелейтін украин блогермен әңгіме

Украин блогер Василь Гончар интернетте пан Василь деген атпен белгілі. Ол Азаттыққа Қазақстандағы сепаратистік пиғылы барларды әшкерелеуге неліктен атсалысып жүргенін, өзіне қарсы айыптаулар мен провокацияға қалай қарайтынын, қазақтар мен украиндерге ортақ нәрселерді айтып берді.

Украин блогермен бұрын чат-рулеткада сөйлескен бірнеше азамат қылмыстық жауапкершілікке тартылған. Пан Василь 2020 жылы Рудный қаласының тұрғыны Кирилл Божкомен сөйлесіп, оның қазақ халқы мен тілі туралы дөрекі ой-пікірін интернетке жариялағаннан кейін таныла бастады. Божко ұлтаралық араздық туғызғаны үшін екі жылға сотталды, ал пан Василь қазақ блогеріне айналып шыға келді.

"Бірде қазақстандық нөмірден бір жігіттер жазып, арнайы қызметте істейтінін тұспалдап жеткізді. Бірнеше күн жазып жүрді, орфографиялық өзгерістер мен сөйлеу мәнеріне қарап, телефонның арғы жағындағы адамдар ауысып отырғанын байқадым. Ақырында бастығы жазды ғой деймін: "Жарайсың, бізге көмектесіп жүрсің, бірақ шектен шықпа, саясатқа араласпа" деп ескертті. Басқа ешкім жазбады. Бірақ қоқан-лоқы көп болды" дейді Василь Гончар.

Азаттық тілшісі Пётр Троценконың бүгінгі мақаласынан оқыңыздар👇🏻

🔗Сілтеме

t.me/azattyq

Azattyq - Азаттық

20 июня 2023 15:51

20 маусымда не болды? Негізгі жаңалықтар:

📌 Бұрынғы мәдениет және спорт министрі Арыстанбек Мұхамедиұлы сегіз жылға сотталды

📌 Семейде БИ-2 тобының концерті ақыры өтетін болды. Бұл жөнінде қала әкімдігі хабарлады

📌 Тіркелмеген "Атажұртқа" жетекшілік еткені үшін Бекзат Мақсұтханға 172 мың теңге айыппұл салынған

📌 Германия президенті Штайнмайер Тоқаевпен кездесуде "санкцияны айналып өту" де сөз болғанын айтты

📌 Өзбекстан биыл қазан айынан бастап Ресей газын сатып алады. Газ құбыры Қазақстан арқылы өтеді

📌 БАҚ: Ресей Украинадағы ұрыс қимылдарына қатысқысы келмеген солдаттарын жертөлеге қамайды

t.me/azattyq

Azattyq - Азаттық

20 июня 2023 15:16

Бұрынғы мәдениет министрі Арыстанбек Мұхамедиұлының сотында үкім оқылғаннан кейін айыпталушылардың жақындары "Масқара!", "Қазақстанда қашан әділет болады?" деп айқайлады

Мұхамедиұлын сот залынан шығарып жатқанда экс-министрді құшақтағысы келген жақындарына күштік құрылым өкілдері рұқсат бермеді.

Сот шешіміне наразы болған экс-министрдің ұлы "барлық істегендерің үшін жауап бересіңдер!", "жаңа Қазақстан қайда?" деп айқайлап, күштік құрылым өкілдерімен ұстасып қалды.

Азаттық тілшісінің мәліметінше, Мұхамедиұлын сот залынан күшпен алып кеткен.

t.me/azattyq

Azattyq - Азаттық

20 июня 2023 14:29

Бұл іс бойынша сот Ұлттық музей директорының бұрынғы орынбасары Алмаз Нұразхан, "Экспонат" ЖШС директорының орынбасары Азамат Көшенов, "Экспонат" ЖШС бас бухгалтері Айым Сәдуақасованы жеті жылға соттады

Үшеуі де мемлекеттік лауазымды қызмет атқару құқығынан өмір бойына айырылды.

t.me/azattyq

Azattyq - Азаттық

20 июня 2023 13:31

Семейде БИ-2 тобының концерті ақыры өтетін болды. Бұл жөнінде қала әкімдігі хабарлады

t.me/azattyq

Azattyq - Азаттық

20 июня 2023 12:46

Көпір астындағы суреттерді салуға кімнің тапсырыс бергені белгісіз. Алайда муралда KAZ Minerals компаниясының атауы мен логотипі салынған. Азаттық компаниядан ұрланған суреттер туралы сұрап көрді.

"KAZ Minerals бұл жобаны тікелей қаржыландырмады. Ақшалай қаражат бұрын "Ақ Ертіс" қоғамдық қорына жіберілді. Жоба үшін қажетті соманы қор анықтады. Жобаны, суреттерді, эскиздерді таңдауға қатысқан жоқпыз. Жұмысты орындаған мердігерді қор анықтады. Біз тек логотипімізді қолдануға келістік" деп жауап берді компания өкілі Азаттыққа.

Семей әкімдігі бұл жағдайға қатысты әзірге ештеңе демеді.

t.me/azattyq

Azattyq - Азаттық

20 июня 2023 11:21

Германия президенті Штайнмайер Тоқаевпен кездесуде "санкцияны айналып өту" де сөз болғанын айтты

Германия президенті Франк-Вальтер Штайнмайер Қазақстанға кеше кешке, 19 маусымда ресми сапармен келген. Екі мемлекет басшысы Ақордада келіссөз жүргізіп, онда талқыланған мәселелер жөнінде екі ел делегациясының алдында сөйлеген.

Германия президенті Қазақстанмен арадағы сауда-экономикалық қатынастарға тоқталып, оған Ресейдің Украинаға агрессиясы әсер етіп отырғанын аңғартқан.

"Қазақстан мен Еуропа арасындағы сауда транзиті негізінен Ресей және Беларусь жері арқылы өтеді. Біз Қазақстанның осыған балама бағыт іздестіріп жатқанын қолдаймыз" деді Штаймайер.

Германия президентінен кейін сөйлеген Қасым-Жомарт Тоқаев та екі ел арасындағы алыс-беріс жөнінде айтты. Бірақ Штайнмайер секілді "санкцияны айналып өту" мәселесі талқыланғанын сөз етпеді. Ресей мен Украина арасындағы жанжалды меңзеп:

"Қазақстан дауласқан тараптарды бітімге шақырып, келіссөз жүргізу үшін бейтарап алаң ұсынды. Еліміз дауды дипломатиялық жолмен шешуге белсене араласуға дайын" деді.

t.me/azattyq

Azattyq - Азаттық

21 июня 2023 13:35

Минималист, экофермер: Суды үнемдеу үшін канализациядан бас тарттым

Экофермер, экобелсенді Лейла Мұхитдинованы Алматы қаласында экологияға бейжай қарамайтындардың көбі біледі. Ол ескі көлігімен әр апта сайын қала тұрғындарды аралап, тағам қалдықтарын қабылдайды. Бұған қоса, артық киім, пластик, әйнек, бөтелке жинайды. Оның бәрін тиісті жерлерге өткізеді. Киімдерді жағдайы нашар отбасыларға таратады.

"Кейде маған жастар келіп, немен айналысу керек деп сұрайды. Екі-ақ нәрсемен айналысу керек деп айтамын. Бұл таза тамақ өндіру. Екіншісі қалдық мәселесін шешу. Қалған нәрсемен айналыспасақ, аспан айналып, жерге түспейді. Жаңа айфон шығармаса, ешкім өлмейді. Жаңа машина шығармаса немесе жаңа джинсы тікпесе, ешкімге ештеңе болмайды. Егер сапалы тамақ болмаса, егер қалдық мәселесі шешілмесе, ерте ме, кеш ме бәріміз өлеміз" дейді экобелсенді.

Толығырақ оқу үшін сілтемеге өтіңіз.

t.me/azattyq

Azattyq - Азаттық

21 июня 2023 12:23

Әуежайды басып алу ісі: күдікті Әйгерім Тілеужан жауап берді

Алматыда әуежайды «басып алу» ісі бойынша сотталып жатқандардың бірі Әйгерім Тілеужаннан жауап алынды. Ол «күш қолдану, қирату, мүлiктi жою және билік өкiлiне қарулы қарсылық көрсетуге ұласқан жаппай тәртiпсiздiктi ұйымдастырды» деп айыпталып отыр. Әйгерім Тілеужан да, өзге айыпталушылар да тергеу нәтижесімен келіспейді.

t.me/azattyq

Azattyq - Азаттық

21 июня 2023 11:08

Семей әкімдігі қаладағы көпір астына автор рұқсатынсыз салынған суреттер үшін кешірім сұрады

Әкімдік баспасөз қызметінің мәліметінше, Семей қаласы әкімдігінің ішкі саясат бөлімі суретшімен байланысқа шыққан. Бұл мәселені шешу үшін қазір тексеру жүріп жатқанын мәлімдеді.

Фото: Qumash

t.me/azattyq

Azattyq - Азаттық

21 июня 2023 10:20

"Бұл заң осы күйінде қабылданса Қазақстандағы журналистиканы жояды"

Азаттық Factcheck.kz интернет сайтының бас редакторы Думан Смақовтан парламент мәжілісінде талқыланып жатқан "Масс-медиа туралы" заң жобасына қатысты пікірін сұрады. Журналист жобаны қазіргі қалпында қабылдауға болмайды деп есептейді.

Заң жобасына сәйкес, журналист мәртебесі баспасөз картасымен расталады. Енді бұл картаны министрлік жанындағы комиссия береді. Карта алу үшін журналистің кемі үш жыл еңбек тәжірибесі, журналистика немесе соған ұқсас салада жоғары білімі болуы шарт. Дипломы жоқ адамдар салада кем дегенде бес жыл жұмыс істеуі керек.

Заң жобасында журналистер "ерекше жағдайларда" редакция тапсырмасын орындау үшін өкілетті тұлғадан (ұлттық қауіпсіздік комитеті, ішкі істер, қорғаныс және төтенше жағдайлар министрлігі өкілдерінен) рұқсат алуы керек деп жазылған. Журналистер аталған тұлғалардың тапсырмасын бұлжытпай орындап, материалдарын мақұлдауға беруі қажет.

Мәселе мұнымен ғана аяқталмайды: журналистерге күш құрылымдарын сынап, қоғамдық тәртіп пен елдің қорғаныс қабілетіне нұқсан келтіретін ақпарат таратуға тыйым салынады. Мемлекеттік органдарға қандай ақпарат зиян екенін кім анықтайтыны түсініксіз.

Журналистер мен баспасөз ұйымдарының пікірінше, "құжат қабылданса, ақпарат құралдарына мемлекет бақылауы күшейеді".

🔗Сілтемеден өтіп көріңіз

t.me/azattyq

Azattyq - Азаттық

21 июня 2023 09:25

Ауыл шаруашылығы вице-министрі Тамабек Әбілқайыр биыл Маңғыстау мен Қызылорда облысында жауын-шашын мөлшері жеткілікті дәрежеде жауып жатқандықтан қатты қуаңшылық болмайды деп болжайды

"Былтыр 27 млрд теңгеге 234 мың тонна жеп-шөп азық қорын қалыптастырғанбыз. Егер төтенше жағдайлар жарияланып, қуаңшылық болса сол азық-түлік келісімшарт корпорациясында жиналған азықтан жөнелтуге дайынбыз" деді вице-министр.

2021 жылы ерте көктемде жауын-шашын түспеуіне байланысты Маңғыстау облысы мен Қазақстанның тағы да бірқатар өңірлерінде мамыр айынан бастап қуаңшылық күшейіп, мал жаппай қырылған.

t.me/azattyq

Azattyq - Азаттық

21 июня 2023 08:15

Алматы әкімдігі Тереңқұрдағы жер учаскесін мемлекет меншігіне қайтарды

Бұл туралы қала әкімі Ерболат Досаев Медеу ауданының тұрғындарымен кездесуде айтты. Бұған дейін қала тұрғындары Тереңқұрдағы спорт алаңының орнына тұрғын үй салуға қарсы болған.

"Ауданның қоғамдық кеңістігін дамыту аясында Тереңқұрдағы су қоймасының жоғарғы бөлігі мемлекет меншігіне қайтарылды. Бүгінгі таңда оны қайта құру бойынша жобалық-сметалық құжаттама әзірленіп жатыр" деді Досаев.

Әкімнің айтуынша, жыл соңына дейін Терреңқұрда жөндеу жұмыстары жүргізіледі.

t.me/azattyq

Azattyq - Азаттық

21 июня 2023 07:36

Тараздағы "аруақтар сотының" үкіміне қатысты апелляциялық отырыс кейінге қалдырылды

Жамбыл облыстық соты Қаңтар оқиғасы кезінде оққа ұшып, қаза болған бес адамның кезекті апелляциялық сотын 27 маусымға ауыстырды. Бұл жөнінде Азаттыққа марқұм Нұрсұлтан Қуатбаевтың әкесі Бақытжан Шыңғысбеков хабарлады. Айтуынша, істі қарайтын судьялар жоқ.

Ал Жамбыл облыстық сотының баспасөз қызметі Азаттыққа "тараптардың өтініші бойынша кейінге қалдырылды" деп қысқа жауап берді.

Ел арасында "аруақтар ісі" аталып кеткен сот процесінің алғашқы отырысы 23 мамырда Жамбыл облыстық сотында қаралған. Адам құқығын қорғау бюросының мәліметінше, апелляциялық сот отырысы бұған дейін де бірнеше рет кейінге қалған. Істі Абидов, Атибеков, Досымқұлов деген судьялар қарап жатыр.

t.me/azattyq

Azattyq - Азаттық

21 июня 2023 06:14

Ақмола облысындағы Державинск қаласының атауы Кенесары болып өзгертілді

Ақпаратқа қарағанда, тиісті шешім Ақмола облысы Жарқайың ауданы тұрғындарының жиынында қабылданған. Азаматтардың басым көпшілігі қаланың атын ауыстыруға дауыс берген.

"Дауыс саны есептелді, бақылаушылар болды. 325 адам тіркелді, 321 бюллетень берілді. Кенесары қаласы деп өзгертуді қолдағандар — 192 адам, қарсы болғандар — 125, 4 бюллетень жарамсыз" деп айтылды жиында.

Видео: Facebook/Алтынбек Құмырзақ

t.me/azattyq

Azattyq - Азаттық

21 июня 2023 05:15

АҚШ президенті Джо Байденнің ұлы салық төлеуден қашқанын мойындады

BBC мәліметінше, Хантер Байден екі айып бойынша өзін кінәлі деп тануға келісті.

Бірінші айып 2017-2018 жылдары төленбей қалған салыққа байланысты. Кейін Хантер Байден ол соманы толығымен өтеген.

Екінші іс 2018 жылы Хантер Байденнің Colt Cobra 38 special үлгісіндегі тапаншаны сатып алғанына байланысты. Тергеу мәліметіне қарағанда, Хантер онда сатушыдан 11 күн қатарынан есірткі қолданғанын жасырған.

Президенттің ұлы бұл айыптарды мойындағаны үшін қылмыстық жауапкершіліктен құтылуы мүмкін. Ол үшін белгілі талаптарды орындауы керек болады.

t.me/azattyq

Azattyq - Азаттық

20 июня 2023 15:27

Ресей соғысының зардабы, 8 жыл жаза, қаңтаршылар ісі – AzatNEWS | 20.06.23

📌 Ақордада Қазақстан мен Германия президенттері Ресейдің Украинаға ашқан соғысы мен Батыс санкциялары туралы сөйлесті.

📌 Қазақстанның бұрынғы мәдениет министрі Арыстанбек Мұхамедиұлы 8 жылға сотталды.

📌 Қаңтар дүрбелеңі кезінде Алматы әуежайын басып алды деп айыпталған күдіктілер сотта жауап беріп жатыр.

📌 "Халық парламенті" тобының жиынына қатысқаны үшін белсенділерді қудалау әлі бітпеген. Тағы екі адамға айыппұл салынды.

🔗КӨРУ

t.me/azattyq

Azattyq - Азаттық

20 июня 2023 14:41

Қайрат Сатыбалды Үшқоңырдағы резиденцияны Назарбаевқа сыйға тартқан

t.me/azattyq

Azattyq - Азаттық

20 июня 2023 14:06

⚡️ Бұрынғы мәдениет және спорт министрі Арыстанбек Мұхамедиұлы сегіз жылға сотталды

Бұл туралы сот залынан Азаттық тілшісі хабарлады.

20 маусымда Астана қаласы №2 Байқоңыр аудандық сотында үкім шығарған судья Бағлан Ыдырысов экс-министрді Қылмыстық кодекстің 28-бабының 3-бөлімі ("Қылмыстық құқық бұзушылық жасауды ұйымдастырған немесе оның орындалуына басшылық ету, сол сияқты қылмыстық топты құру не оған басшылық ету"), 189-бабы 4-бөлімінің 2-тармағы ("Топ болып немесе астыртын сөз байласып, сенiп тапсырылған бөтен мүлiктi иемденiп алу немесе талан-таражға салуды ұйымдастыру") бойынша айыпты деп таныды.

Арыстанбек Мұхамедиұлына Астанадағы Ұлттық музей директоры болып тұрғанда "бюджет қаржысын жымқырды" (140 млн теңге) деген айып тағылған. Прокурор Арыстанбек Мұхамедиұлын тоғыз жылға бас бостандығынан айыруды сұраған.

t.me/azattyq

Azattyq - Азаттық

20 июня 2023 13:16

Соғыс басталған күн. СССР-дың «Польша жорығы» мен Ресейдің «арнайы әскери операциясы»

1939 жылы, 2-дүниежүзілік соғыс басталар алдына Совет одағы мен Германия өзара шабуыл жасаспау туралы шартқа қол қойды. Бұл шарттың құпия хаттамасында Совет одағы Польшаның шығысын, Германия батысын алатыны көрсетілген. Германия Польшаға кірген соң, артынша Совет әскері де Польшаға басып кірген. Мұны халыққа «Польшаның нацистік билігі құқықтарын таптаған укариндер мен беларустарға көмектесу» деп түсіндірген. 2022 жылы 24 ақпанда Украинаға басып кіргенде Ресей президенті Владимир Путин де осыған ұқсас уәж айтқан еді.

YouTube-арнамыздан "Қалай болды?" жобасының жаңа бөлімін көре отырыңыз 👇🏻

🔗Сілтеме

t.me/azattyq

Azattyq - Азаттық

20 июня 2023 12:42

"Ұялмай суреттерімді ұрлады" Астаналық суретші Семей қаласындағы көпірге суреттері заңсыз қолданылғанын айтты

Бұл туралы суретші Мағира Тілеубердина Instagram парақшасында хабарлады. Оның айтуынша, суреттер Семей қаласындағы аспалы көпірдің астында салынып жатқан демалыс орнына ілінген.

"Семей қаласындағы көпір астына мурал салған ұйым суреттерімді ұрлап, менен рұқсат сұрамай, ақы төлемей, заңсыз түрде өз мақсаттарына пайдаланды. Олар менімен байланысқа шықпады, суреттерімді ұялмай ұрлап, оларды өте нашар етіп салып, бетіме түкірді" деді Тілеубердина Instagram парақшасындағы жазбасында.

t.me/azattyq

Azattyq - Азаттық

20 июня 2023 09:48

Құм құрсауындағы ауыл

Ақтөбе облысы Жылтыр ауылын құм басып барады. Көшкен құмды тоқтату үшін тұрғындар 200 түп ағаш еккен, бірақ құм бой берер емес. Жергілікті билік «Астананың көмегінсіз мәселе шешілмейді» дейді.

t.me/azattyq