Azattyq - Азаттық

18 июня 2023 12:58

Полиция кепілден босатылғандардың ешқайсысы зардап шекпегенін хабарлады

Azattyq - Азаттық

18 июня 2023 12:44

Полиция кепілдегі барлық адам босатылғанын хабарлады

Azattyq - Азаттық

18 июня 2023 12:41

Полиция кепілдегі 4 адам босатылғанын хабарлады

Azattyq - Азаттық

18 июня 2023 12:34

АҚШ мемлекеттік хатшысы Энтони Блинкен Пекинге барды

Оның сапары Қытай сыртқы істер министрі Цинь Ганмен келіссөзден басталды. Келіссөз Пекиндегі Дяоюйтай резиденциясында өтіп жатыр.
Блинкеннің Қытайға сапары екі күнге созылады. Сапар барысында Блинкен Қытай басшысы Си Цзиньпинмен кездеседі. Бұған қоса, мемлекеттік хатшы бірқатар қытай шенеуніктерімен де келіссөз жүргізуді жоспарлап отыр.

Бұл Американың жоғары лауазымды шенеунігінің кейінгі бес жылда Қытайға алғашқы сапары.

t.me/azattyq

Azattyq - Азаттық

18 июня 2023 12:09

Жергілікті Телеграм-арналарда "адамдарды кепілге алған" ер адамның суреті де тарап жатыр. Онда жасы шамамен 30-дың ішіндегі ер адам бір қыздың басына пистолет тақап тұрғаны көрінеді. Кейбір арналар оның аты-жөнін де жариялады. Жамбыл облысынан екені де хабарланды.

Полиция әзірге түсініктеме бермеді.

Azattyq - Азаттық

18 июня 2023 12:01

Полиция оқиғаны бақылап тұрған тұрғындарды таратуға тырысты

Видео: Власть

Azattyq - Азаттық

18 июня 2023 11:41

Жергілікті ақпарат құралдарының хабарлауынша, қаруы бар ер адам Kaspi-дің барлық активтерін мүгедек балалар мен жағдайы нашар отбасыларға аударуды талап еткен. Талабын орындауға 3 сағат берген деп айтылады.

Әзірге полиция түсініктеме бермеді.

Azattyq - Азаттық

18 июня 2023 11:33

Снайперлер сауда орталығының төбесіне кетті, деп хабарлады "Информбюро". Кепілге алынғандар арасында үш қыз бары айтылады.

Видео: Информбюро

Azattyq - Азаттық

18 июня 2023 11:22

Полиция: Астанада қарулы ер адам Kaspi банк бөлімшесінде адамдарды кепілге алды

Қазір онымен келіссөз жүріп жатыр, деп хабарлады Polisia.kz

“Достық көшесіндегі Каспий банкінің ғимаратында ер адам мекемеге келушілермен бірге ішінен есікті құлыптап алған туралы хабарлама келіп түсті. Алдын ала мәлімет бойынша, ер адам қарулы. Оқиға орнында полиция қызметкерлері ер адаммен келіссөз жүргізіп жатыр” деп жазылған хабарламада.

Azattyq - Азаттық

18 июня 2023 08:22

Ресей зымыран құрастыруға қажет импорт бөлшектерді қайдан алып отыр?

Ресейдің Украинаға соққы жасап жатқан зымырандарында импорт бөлшектері бар. Украина президенті Владимир Зеленский украин сарапшылардың сөзіне сүйеніп, осылай деп мәлімдеді.

🔗СІЛТЕМЕ

t.me/azattyq

Azattyq - Азаттық

18 июня 2023 07:15

Путин 17 маусымда Африка елдері басшыларымен келіссөз кезінде "Украинаның бейтараптығы туралы келісім" деп аталатын құжатты көрсетті

Оның сөзінше, келісім 2022 жылы соғыс басталған кезде Стамбулда өткен Мәскеу мен Киев арасындағы келіссөзде дайындалған. Ол аталған құжатқа Украина қол қоюдан бас тартқанын айтты.

Путиннің айтуынша, құжат "Украинаның тұрақты бейтараптығы мен қауіпсіздігіне кепілдік туралы келісім" деп аталады. Онда 18 бап бар. Қосымшада украин армиясының максимал саны көрсетілген.

t.me/azattyq

Azattyq - Азаттық

18 июня 2023 05:30

Вашингтон Украинаның солтүстікатлантикалық одаққа қосылу процесін жеңілдетпейді

17 маусымда АҚШ президенті Джо Байден осылай деп мәлімдеді. Оның сөзінше, Киев одаққа қосылу үшін жалпы шарттарына сәйкес келуге тиіс.

"Бұл өзінен өзі бола қалмайды" деді Байден сенбі күні таңертең Вашингтон түбіндегі Эндрюс авиабазасында журналистерге. Десе де, Байден Украина өзінің әскери қабілетін көрсетуге көп күш салды деді.

t.me/azattyq

Azattyq - Азаттық

17 июня 2023 09:12

Келесі жылы ұлттық құрылтай Атырау облысының Сарайшық қаласында өтеді

Azattyq - Азаттық

17 июня 2023 08:28

Тоқаев Қазақстанның шекаралас аймақтарында кейбір елді мекендерде халық саны күрт азайып кеткенін айтып, “Облыстардың ішкі аумақтық-әкімшілік құрылымында ойланатын тұстар бар” деді.

Былтыр үш жаңа облыс құрылғанын атап өткен Тоқаев “Қатон-Қарағай, Марқакөл және Мақаншы аудандарын қалпына келтіру туралы негізгі шешімді қабылдадым. Әрине, бұған арнайы дайындық керек. Қажетті есеп-қисабын жасап, қаражатымызға, бюджеттің мүмкіндігіне қарауымыз керек. Тиісті жұмыстың бәрін биыл аяқтап, алдағы екі жылдың ішінде осы үш ауданды қалпына келтіре бастаймыз” деді.

Azattyq - Азаттық

17 июня 2023 08:20

Мемлекет басшысы “елде жалған ақпарат тарататын басылым-сымақтар бар. Бұл – құпия емес. Олардың артында нақты қалталы адамдар, тіпті, ықпалды елдер бар” деді. Бірақ нақты адам немесе ұйымдардың атын атамады.

Azattyq - Азаттық

18 июня 2023 12:49

"Адамдарды кепілге алған" ер адамды банктен ұстап әкеткен сәт

Видео: Власть

Azattyq - Азаттық

18 июня 2023 12:43

Қарулы адамның ұсталғаны хабарланды

Azattyq - Азаттық

18 июня 2023 12:41

Полиция банкке басып кірді деп хабарлады жергілікті арналар. Видеода банктен адамдардың жүгіріп шығып жатқаны көрінеді

Видео: Бейбіт Молдағали

Azattyq - Азаттық

18 июня 2023 12:21

Полиция болжамынша, ер адам 7 адамды кепілге алған

"Банк келушілерін кепілге алған" ер адаммен кәсіби мамандар келіссөз жүргізіп жатыр, деп хабарлады полиция.

“Болжам бойынша ол 7 адамды кепілде ұстап отыр. Оқиға орнында "Арлан" арнайы жасағының қызметкерлері жұмыс істеп жатыр. Әскери қызметшілер арнайы операцияға тартылған жоқ” деп жазылған полиция хабарламасында

Бұған дейін банк кепілге алынғандар арасында клиенттер жоғын айтқан.

Azattyq - Азаттық

18 июня 2023 12:04

"Банк бөлімшесінде банк қызметкерлері ғана бар, клиенттер жоқ" деп хабарлады банктің баспасөз қызметі

Azattyq - Азаттық

18 июня 2023 11:58

Оқиғаға Kaspi банк түсініктеме берді

Банктің хабарлауынша, қазір банк бөлімшесінде қызметкерлерге қоқан-лоқы жасап тұрған ер адаммен полиция келіссөз жүргізіп жатыр.

Күштік құрылымдар және банк ешкімнің зардап шекпеуіне күш салады деп жазды банк.

Azattyq - Азаттық

18 июня 2023 11:38

Оқиға орнына қосымша арнайы жасақ әкелінді деп хабарлады Власть

Azattyq - Азаттық

18 июня 2023 11:28

"Власть" сайтының жазуынша, бірнеше адам кепілге алынған. Kozachkov offside есікті ішінен іліп алған адамның несиемен мәселесі болған деп жазды. Ақпарат әзірге ресми түрде расталған жоқ.

Azattyq - Азаттық

18 июня 2023 09:21

Оңтүстік Африка республикасының президенті Сирил Рамафосаның күзет қызметкерлері мен пресс-пулы мінген South African Airways әуе компаниясының ұшағы Варшавадан Санкт-Петербургке ұшуға рұқсат ала алмады

Рамафоса Африка елдерінің бітімгершілік миссиясының құрамында Украина мен Ресейді аралап жүр.

Оңтүстікафрикалық News24 порталының хабарлауынша, лайнер 15 маусымда ұшып келген. Бір тәуліктен астам әуежайда тұрып қалған ұшақ Преторияға қайта ұшып кеткен. Ұшақ бортында болған журналистер Варшаваға ұшып келгеннен кейін бірнеше сағаттан соң ғана қонақүйге кіре алғандарын айтқан.

t.me/azattyq

Azattyq - Азаттық

18 июня 2023 07:22

Жанама санкция қаупі және Қытайдың Орталық Азиядағы "синофобиямен күресі"

Батыс басылымдары бұл аптада елдегі ірі қаржы лоббистік топ кепілсіз несиенің мөлшерлемесін төмендету әрекетіне тосқауыл қойғанын жазды. Сонымен қатар Еуроодақ пен АҚШ Қазақстанға жанама санкция салуы мүмкін деген белгілер күшейіп жатқанын талдады. Бұдан бөлек синофобияны азайтуға бағытталған Қытайдың мәдени дипломатиясы Орталық Азияда қалай жұмыс істейтініне тоқталды.

Azattyq - Азаттық

18 июня 2023 06:13

Қазақстанда сатылып жатқан глобустарда Украинаның бір бөлігі Ресей құрамында

Қазақстанда Украинаның оккупацияланған аймақтары Ресей жері деп көрсетілген глобустар сатылып жатқаны туралы ақпарат бірер апта бұрын тараған. Азаттық мұндай глобустар Алматыдағы базарларда жаппай сатылып жатқанын анықтады. Бәрінің өндірушісі бір – Ресей компаниясы.

t.me/azattyq

Azattyq - Азаттық

17 июня 2023 10:00

"Мұстафа Шоқай дауысының бір нұсқасын Уәли Қаюм-Хан сақтаған"

Алаш қайраткерлері туралы арнайы бағдарламалар тізбегін үзбеген Азаттық Мұстафа Шоқай туралы совет пропагандасына қалай қарсы тұрды? Шоқайды "өлтіртті" деген түркістаншы Уәли Қаюм-Хан Азаттыққа ол жайлы не айтты? "Азаттық радиосы – 70 жыл" подкасының кезекті эпизодында радионың бұрынғы қызметкерлері осы туралы еске алды. Уәли Қаюм-Хан Мұстафаның қазасында болған жалғыз түркістандық екенін айтады.

🎧 Азаттық сайты
🎧 YouTube
🎧 Apple pocasts
🎧 Google podcasts

t.me/azattyq

Azattyq - Азаттық

17 июня 2023 08:36

Тоқаев шенеуніктерге президентті мадақтаудан гөрі “жұмысты адал атқарып, халық алдында абыройлы болу әлдеқайда маңызды” дейді.

Десе де, елде Тоқаевты мадақтайтын кинолар түсіріліп, мадақтаулар жиі айтылып жатады. Бұған дейін кей сарапшылар Назарбаев кезеңіндегі жеке басқа табыну белгілері көріне бастағанын айтқан.

Azattyq - Азаттық

17 июня 2023 08:23

Тоқаев: “Жеріміз шетелдіктерге сатылып жатыр” деген сөз ара-тұра айтылып жатады. Бұл – жалған ақпарат.

Оның айтуынша, “жерге қатысты түбегейлі шешім әлдеқашан қабылданған, ол шешім заңмен біржола бекітілген”.

“Шетелдіктерге қазақтың бір қарыс жерін де, бір уыс топырағын да бермейміз. Оны көздің қарашығындай сақтаймыз” деді ол.

Azattyq - Азаттық

17 июня 2023 08:17

Тоқаев кейінгі кезде “оқушылардың бір-біріне қысым, зорлық-зомбылық, әлімжеттік көрсетуі жиілегенін” айтып, “мектептегі тәрбие” ақсап тұр деді. "Отбасында зорлық-зомбылық жасағандар міндетті түрде заң аясында тиісті жазасын алуы керек" деді. Бірақ бұл мәселені әрі қарай тарқатқан жоқ.

Қазақстанда белсенділер мен құқық қорғаушылар тұрмыстық зорлық-зомбылық жасағандарға жауапкершілікті күшейту керектігін көптен бері талап етіп келеді. БҰҰ мәліметінше, Қазақстан жыл сайын шамамен 400 әйел күйеуінің немесе серігінің қолынан қаза болады.