Azattyq - Азаттық

17 июня 2023 07:48

Тоқаев тағы геосаяси жағдайға тоқталып, “халықаралық жағдай бұрын-соңды болмаған дәрежеде ушықты” деді.

“Кейбір ірі елдер өздерінің күн тәртібін, стандарттарын енгізуге тырысып жатыр. Әртүрлі, кейде бір-біріне мүлде қайшы идеялар мен әдіс-тәсілдер тек геосаясат немесе экономикада емес, тіпті мәдениет пен рухани өмірге, идеологияға да ықпал етіп жатыр” деді Тоқаев.

Ол мұның салдары тұтас мемлекеттер мен халықтардың қауіпсіз өмір сүруіне әсер етуі мүмкін екенін айтып, “халықаралық жағдай күрделі, сол себепті Қазақстан Республикасы бұрын-соңды болмаған дәрежеде бірлікке зәру” деді.

Тоқаев кейінгі кезде әрбір сөзінде "геосаяси қауіп" жөнінде айтуды әдетке айналдырған

Azattyq - Азаттық

17 июня 2023 07:29

Құрылтай кезінде кейбір спикерлер Қанды Қаңтар туралы да айтқанмен “бәрін билік қалпына келтірді” деп билікті мақтай сөйледі. Кемінде 238 адамның өмірін қиған Қаңтар кезіндегі әскерилердің оқ атқаны, азаптаулар туралы айтылмады.

“Бейбіт митингті өз пайдасына бұруды көздеген арандатушылар жоғары билікті заңсыз өз қолдарына алмақшы болды. Халық арам пиғылдылардың жетегіне ерген жоқ. Билік тез арада барлығын қалпына келтірді. Қоғамдық пікірдің жікке бөлінуіне жол берілмеді. Осылайша Қаңтар оқиғасы алғашқы күндері ел ішінде дүрелең туғызғанмен халық пен биліктің тұтастығына кірбің түсіре алмады” деді қолданбалы экономика зерттеулері орталығының ғылыми жетекшісі Жақсыбек Күлекеев

Azattyq - Азаттық

17 июня 2023 04:51

Кәрім Мәсімовтің қамау режимі жұмсартылды

Апелляциялық сот ҰҚК-ның бұрынғы басшысы Кәрім Мәсімов пен оның бұрынғы екі орынбасарының қамау режимін жұмсартты. Олар қауіпсіздігі орташа мекемеде жазасын өтейді.

Үкімнің қалған бөлігі өзгермеген.

Биыл сәуірде сот "мемлекетке опасыздық жасады", "билікті күшпен басып алмақ болды", "билікті немесе лауазымдық өкілетті асыра пайдаланды" деп айыпталған ҰҚК-ның бұрынғы басшысы Кәрім Мәсімовті 18 жылға бас бостандығынан айырған.

t.me/azattyq

Azattyq - Азаттық

16 июня 2023 15:54

"Бұлыңғыр тұсы көп". Заңсыз шығарылған активтерді қайтару туралы заң жобасы несімен әлсіз?

Мәжіліс "Заңсыз алынған активтерді мемлекетке қайтару туралы" заң жобасын екінші оқылымда мақұлдап, сенатқа жолдады. Қазіргі қалпында бұл құжат қолды болған байлықты қайтаруға қауқарлы құрал бола ала ма? Қоғам өкілдері жобаның кейбір бабы мемлекетті тонағандарға жауаптан жалтаруға мүмкіндік береді, тіпті заңсыз алған дүние-мүлікті заңдастыруға жағдай жасауы мүмкін деп есептейді. Осы және басқа сұрақтарды шаруашылық дауларымен айналысатын заңгер Бақыт Тоқұловке қойып көрдік.

🔗ОҚУ

/channel/azattyq

Azattyq - Азаттық

16 июня 2023 15:24

Президенттер жертөлеге тығылды, Ахметов кетті, Мұхамедиұлы сөйледі – AzatNEWS | 16.06.23

📌 Экс-министр Арыстанбек Мұхамедиұлы соттағы соңғы сөзін айтты. Атып тастаса да айыпты мойындамайтынын мәлімдеді.

📌 Шығыс Қазақстан облысын үздіксіз 9 жыл билеген Даниал Ахметов қызметінен кетті. Оның орнына Ресейдегі елші Ермек Көшербаев тағайындалды.

📌 Африка президенттері Ресей мен Украина соғысын тоқтататын жоспар алып келген күні Киевке зымыран жауып, қонақтар жертөлеге тығылды.

🔗КӨРУ

http://t.me/azattyq

Azattyq - Азаттық

16 июня 2023 12:30

“Адамды түрмеде азаптап, өлімші халге жеткізген, ал сотқа медицина қызметкерін тартып жатыр” деп жазды Семейде Қаңтар кезінде ұсталып, азаптан қаза болған Жандос Жотабаевтың ісіне қатысты пікірін айтқан Елжан Біртанов.

“Не деген масқара! Адамды түрмеде азаптап, өлімші халге жеткізеді де, медицина қызметкерін соттайды, яғни адамды азаптағандар кінәлі емес екен де, оны құтқара алмаған фельдшер [кінәлі екен]! Бұл – қылмыстық атқару жүйесі комитетінің медицина қызметін денсаулық сақтау министрлігінің қарамағына бергенінің салдары... Сот президент талап еткендей, “дәнді қабығынан ажырата алатын шығар” деп үміттенемін” деп жазды бұрынғы денсаулық сақтау министрі Facebook-те.

Семейде Қаңтар кезінде ұсталып, уақытша қамау изоляторында азапталған, ізінше қайтыс болған Жандос Жотабаевтың өліміне қатысты сот өтіп жатыр.

Жотабаев – билік Қаңтарда азаптаудан өлді деп ресми түрде мойындаған алты адамның бірі. Бұл істе уақытша қамау изоляторының фельдшері Гүлмира Төлеубекова айыпталушы болып отыр. Оған “медицина қызметкерінің кәсiби мiндетін тиiсiнше орындамай, кездейсоқ адам өліміне себеп болған әрекеті” бабы (317-бап) бойынша айып тағылған.

Қорғау тарабы бұл істе уақытша қамау изоляторының қызметкерлері айыпталушы болуы керек деп есептейді.

t.me/azattyq

Azattyq - Азаттық

16 июня 2023 11:31

Сыбайлас жемқорлыққа қарсы іс-қимыл агенттігі “пара алды” деген күдікпен Павлодар әкімінің орынбасарын ұстағанын хабарлады

Ведомствоның хабарлауынша, Павлодар әкімінің орынбасары Арслан Қалиәкбаров "жол жөндеу бойынша мемлекеттік сатып алу құжаттарына қол қойғаны үшін кәсіпкерден пара алды" деген күдікке ілінген.

Жемқорлықпен күрес агенттігі билік тармақтарында жұмыс істейтін шенеуніктердің жемқорлықпен ұсталғанын жиі хабарлайды. Билік парақорлықпен күресу мақсатында көптеген бағдарлама ұсынса да, Қазақстан әлемдік жемқорлық индексінде "парақорлық жайлаған елдердің" қатарында тұр.

t.me/azattyq

Azattyq - Азаттық

16 июня 2023 10:20

Өскеменде полиция ұлдарының өлімін әділ тергеуді талап етіп, пикетке шыққан екі зейнеткерді ұстады.

Олар таңертең мәслихат сессиясы өтетін ғимарат алдына келіп, 2013 жылы қаза болған ұлдарының өлімін тергеуді талап еткен.

“Полицейлер ұстаған кезде оларға күш қолданған (шынтақпен бетті ұрған). Валентина Тарасованың телефонын тартып алған. Оның қан қысымы көтеріліп, жедел жәрдем көлігі шақырылған. Сырылған жерлері тіркелді. Осының бәрін Глубокое ауданының әкімі Эльдар Тұмашинов үнсіз бақылап тұрды. Ол сайлауалды науқан кезінде сайлаушыларын қорғауға уәде беріп, Тарасовтарға да келіп, өзін қолдауды сұраған еді” деп жазды құқық қорғаушы Ғалым Ағелеуов.

Оның айтуынша, Тарасовтарды полицияда үш сағат ұстаған. Ұстау туралы хаттама толтырылмаған, зейнеткерлер адвокатты шақыруды талап еткенмен талаптары орындалмаған.

Полицияда Валентина Тарасованың жағдайы нашарлап, жедел жәрдем көлігі шақырылған. Дәрігерлер оны ауруханаға алып кеткен. Кейін сол жақтан екі зейнеткер үйлеріне қайтқан.

t.me/azattyq

Azattyq - Азаттық

16 июня 2023 08:49

Англияда фермада жұмыс істеген қазақтың хикаясы

Кейінгі жылдары Англияға фермаларда жұмыс істеуге баратын қазақстандықтар көбейді. Ақтаулық Асқар Сағитжан да былтыр досының ұсынысымен маусымдық жұмысқа кеткен. Англияға нәпақа іздеп барған қазақтың хикаясы.

Видео: Мигрант Медиа

t.me/azattyq

Azattyq - Азаттық

16 июня 2023 07:54

Шымкентте Қаңтар оқиғасында қайтыс болғандардың туыстары қала прокуратурасына барып, 5 млн теңге әлеуметтік көмек беру туралы талап қойды. Оларды қала прокуроры қабылдап, екі апта уақыт сұрады.

Шымкентте Қаңтар оқиғасы кезінде 20 адам қаза болған. Бастапқыда құқық қорғау органдары оларға "жаппай тәртіпсіздік" бабы бойынша айып тағуға тырысқанымен, дәлел таба алмай, ақыры істері жабылып, қаза болғандар жәбірленуші деп танылған.

t.me/azattyq

Azattyq - Азаттық

16 июня 2023 07:27

Бұрынғы мәдениет және спорт министрі Арыстанбек Мұхамедиұлы сотта "соңғы сөзін" айтты

Ол өзіне тағылған айыптарды үзілді-кесілді жоққа шығарып, “сот кезінде ақша жымқырғанын дәлелдейтін бірде-бір айғақ келтірілмегенін” атап өтті.

“Құрметті сот! Мен кез келген жазаға келісемін, тіпті атып тастаса да мейлі – бірақ тек ақша жымқыру емес. Қазақтың керемет мақалы бар. Өлімнен ұят күшті” деді.

Оған Астанадағы Ұлттық музей директоры болып тұрғанда "бюджет қаржысын жымқырды" деген айып тағылған. Сот сәуірде басталған.

t.me/azattyq

Azattyq - Азаттық

16 июня 2023 06:19

Азаттық тілшісі мәслихат сессиясы өтеді деген жергілікті университет ғимараты маңынан жағдайды баяндайды

t.me/azattyq

Azattyq - Азаттық

16 июня 2023 05:53

Өскеменде Шығыс Қазақстан облысы мәслихатының сессиясы өтеді деген ғимарат алдында ерлі-зайыпты зейнеткер Тарасовтар пикет өткізіп тұр

Олар 2013 жылы қаза болған ұлдары – кәсіпкер Григорий Тарасовтың өлімін әділ тергеуді талап етеді. Мәслихат ғимаратында облыстың жаңа әкіміне кандидаттарға дауыс беру өтуге тиіс.

Азаттық тілшісін ғимараттың ішіне “алдын ала тіркелмедіңіздер” деп кіргізбеді.

t.me/azattyq

Azattyq - Азаттық

15 июня 2023 16:34

Шымкентте "аят, хадистерді дұрыс оқып, жаттамағаны үшін екі баланы сабаған" мешіт қызметкері жұмыстан босатылды. Қылмыстық іс қозғалды

Бұған дейін әлеуметтік желіде медреседе “аят, хадистерді дұрыс оқып, жаттамаған” 9 және 7 жастағы екі баланың көк ала қойдай сабалған видеосы тараған. Видеода ер адам балаларды молда "ұрып-сабағанын" айтады.

"Медресенің аты қандай?" деген сұраққа балалар "медресе емес, кәдімгі үй" деп жауап береді.

Видео тарағаннан кейін Қазақстан мұсылмандары діни басқармасы балаларды ұрды деген “Таспау Сәлімбай” мешітінің қызметкері жұмыстан босатылғанын мәлімдеді.

Басқарманың айтуынша, оқиға Шымкент қаласында болған. Түркістан облысы Сарыағаш ауданының тұрғындары ағалы-інілі Ешмұратовтар “Таспау Сәлімбай” мешітінің ұстазы Рүстем Асқаровтан ұлдарына үй жағдайында діни сабақ беруді өтінген. Асқаров балаларға қол жұмсаған. Азаттық мешіт қызметкерінен жауап ала алмады.

Полиция “кәмелетке толмаған адамды тәрбиелеу жөнiндегi мiндеттердi орындамау" бабымен (140-бап) қылмыстық іс қозғаған.

Azattyq - Азаттық

15 июня 2023 13:36

Парламент палаталарының бірлескен отырысы кейінге шегерілді

Мәжілістің баспасөз қызметінің хабарлауынша, 21 маусымға белгіленген парламент палаталарының бірлескен отырысы кейінге қалдырылған. Қашан өтетіні әзірге белгісіз. Кейінге қалдырылуының себебі де айтылмайды.

Палаталардың бірлескен отырысы өтетіні туралы хабарлама мәжіліс сайтынан алып тасталды.

t.me/azattyq

Azattyq - Азаттық

17 июня 2023 07:34

Президент Қасым-Жомарт Тоқаев өз сөзін 15 адам қаза болған Абай облысындағы өрттен бастап "біз мұндай оқиғадан сабақ алуымыз керек, нақты шешімдер қабылдауымыз қажет" деді.

Azattyq - Азаттық

17 июня 2023 07:04

Түркістанда ұлттық құрылтайдың екінші отырысы өтіп жатыр. Оған президент Қасым-Жомарт Тоқаев қатысып отыр.

Былтыр жазда Тоқаев 2019 жылы маусымда президент болып сайланғаннан кейін өзі құрған ұлттық қоғамдық сенім кеңесін таратып, осы ұлттық құрылтайды құрған. Бұрынғы кеңеске мүше болғандардың көбі ұлттық құрылтай құрамына енген.

Сол кезде қоғамда құрылтайға билікке сыни көзқарастағы адамдардың кірмей қалғаны, оның үлкен дабырамен дүниеге келіп, кейін жым-жылас жоғалған бастамалардың кебін киеді деген пікір айтылған. Ал билік ұлттық құрылтай "ұзақмерзімді сипаты бар мәселелерді талқылайтын" алаң болмақ деген.

Azattyq - Азаттық

16 июня 2023 18:33

16 маусымда Алматыда Қаңтар оқиғасында қамқоршысынан айырылған балалар салған суреттердің көрмесі ашылды. Бір топ ерікті халықтан жылу жинап, балаларға сурет салуды үйреткен еді. Көрме біткеннен кейін туындылар аукционда сатылады. Ал одан түскен қаржы балалардың отбасына беріледі.

Azattyq - Азаттық

16 июня 2023 15:37

16 маусымда не болды? Негізгі жаңалықтар:

– Шығыс Қазақстан облысын 9 жыл басқарған Даниал Ахметов қызметінен босатылды. Оның орнына Қазақстанның Ресейдегі бұрынғы елшісі Ермек Көшербаев келді.

– Өскеменде полиция ұлдарының өлімін әділ тергеуді талап етіп, пикет өткізген екі зейнеткерді ұстады

– Семейде Қаңтар оқиғасы кезінде ұсталып, уақытша қамау изоляторында қаза болған Елдос Қалиевтің өліміне байланысты айыпталған екі полиция қызметкеріне үкім оқылды

– “Өлімнен ұят күшті”. Бұрынғы мәдениет және спорт министрі Арыстанбек Мұхамедиұлы сотта “соңғы сөзін” айтты

– Қазақстан билігі бурят журналисі Евгения Балтатарованың елде уақытша тұру құжатының мерзімін созудан бас тартқан. Оған депортация қаупі төніп тұр

– Украинада Ресей жағында соғысқан Орталық Азияның кемі 93 азаматы қаза болған

t.me/azattyq

Azattyq - Азаттық

16 июня 2023 13:09

Қазақстан билігі бурят журналисі Евгения Балтатарованың уақытша тұру құжатының мерзімін созудан бас тартты. Оны Ресейге депортациялауы мүмкін.

“Қазақстан билігі “шетел паспортыңмен Қазақстан шекарасын кесіп өтпегенсің” деген желеумен уақытша тұру мерзімін созудан бас тартты. Бірақ мен алғашқы тұрған жылымды рәсімдегенмін және паспортымда шекарадан 2022 жылы 8 наурызда өткенім туралы белгі бар” деп жазды журналист телеграм-арнасында. Ол өзін басқа үшінші елге жібермейтінін, сол себепті Ресейге депортациялауы мүмкін екенін айтты.

Журналист шекара қызметімен соттасып, босқын мәртебесін алуға күш саламын дейді. Бірақ жағдайы мәз емес екенін, себебі “Қазақстанда ешкімге босқын мәртебесі берілмегенін” айтты.

2022 жылы күзде Евгения Балтатарова Ресей “армиясы туралы жалған ақпарат тарату” ісі бойынша Қазақстанда ұсталып, босатылған. Ресей билігінің қысымынан кейін елден кеткен журналиске халықаралық іздеу жарияланған.

t.me/azattyq

Azattyq - Азаттық

16 июня 2023 11:57

Алматыда «Қаңтар» кезінде асыраушысынан айырылған балалардың шығармашылық көрмесі өтіп жатыр. Шараның мақсаты – Қаңтар оқиғасы кезінде асыраушысынан айырылып, қайғы мен тұрмыс ауыртпалығын жалғыз бастан өткеріп жатқан отбасылардағы шығармашыл балаларға мүмкіндік беріп, талантын шыңдай түсуге жәрдемдесу.

Көрме 16,17,18 маусым күндері Абылай хан даңғылы, 62 (Imagine Studios, 6-қабат) мекенжайында өтеді. Көрменің соңында аукцион өткізіліп, суреттер сатылымға шығарылады. Түскен ақша сурет авторларына беріледі. Аукцион жексенбі күні сағат 17.00-де басталады.

t.me/azattyq

Azattyq - Азаттық

16 июня 2023 10:36

Путин ЛГБТ өкілдерін зерттейтін психиатрия институтын құруды тапсырды

Владимир Путин федерациялық психиатрия орталығы жанынан ЛГБТ өкілдерін зерттейтін институт құруды тапсырды. Бұл жөнінде бейсенбі күні жыныс ауыстыруға тыйым салатын заң жобасы қаралған Мемлекеттік дума отырысы кезінде денсаулық сақтау министрі Михаил Мурашко мәлімдеді.

ЛГБТ өкілдеріне сүйенген "Медуза" басылымы "Мурашконың мәлімдемесі Ресейде билік жалған ғылымға негізделген, "адамды гетеросексуал емес бағыттан айықтыруға көмектеседі-міс" делінетін психологиялық-физикалық мәжбүрлеу практикасының жиынтығы – конверсиялық терапияны енгізгісі келетінін көрсетеді, БҰҰ ұйымы мұндай тәсілді азаптауға теңеген" деп жазды.

t.me/azattyq

Azattyq - Азаттық

16 июня 2023 10:00

BBC зерттеуі: Украинада Ресей жағында соғысқан Орталық Азия елдерінің 93 азаматы қаза болған

Украинада Ресей жағында соғысқан Орталық Азия елдерінің кемі 93 азаматы қаза болған: 19-ы – Қырғызстанның, 34-і – Өзбекстанның, 40-ы – Тәжікстанның азаматы. BBC-дің Орыс қызметінің зерттеуінде осындай дерек айтылады.

Материал Ресей түрмелерінен "Вагнер" жекеменшік әскери компаниясы арқылы соғысқа жіберілген еңбек мигранттары туралы болған. Автор еңбекте Ресейде түрлі қылмыс бойынша сотталып, түрмеге түскен, кейін түрмеден Украинадағы соғысқа жіберілген бірнеше қырғыз азаматы туралы айтады.

t.me/azattyq

Azattyq - Азаттық

16 июня 2023 07:58

Арыстанбек Мұхамедиұлының ісі бойынша келесі сот отырысы 19 маусымға қалды. Сот соңында бұрынғы министр ақпарат құралдарының бірді-екілі сұрақтарына жауап беріп үлгерді

t.me/azattyq

Azattyq - Азаттық

16 июня 2023 07:48

Екінші айыпталушы Азамат Қошенов тергеушілер мен прокурорлар “жоғарыдан келген бұйрықтарға тәуелді” екенін айтып, “мұндай жағдайда әділдік туралы не айтуға болады” деді. Ол "соңғы сөзінде" өткен ғасырдың 30-жылдарындағы қуғын-сүргіннен аналогия келтірді.

t.me/azattyq

Azattyq - Азаттық

16 июня 2023 06:31

Ермек Көшербаев Шығыс Қазақстан облысының әкімі болды. Облыстық мәслихат депутаттары оның кандидатурасын мақұлдады. Ізінше тиісті жарлық Ақордада шықты. Заң бойынша, облыс әкімін мәслихат депуттарының мақұлдауымен президент тағайындайды.

58 жастағы Көшербаев 2020 жылдан бері Қазақстанның Ресейдегі елшісі болған. Ол Шығыс Қазақстан облысы әкімдігін 9 жыл басқарған Даниал Ахметовті алмастырды.

t.me/azattyq

Azattyq - Азаттық

16 июня 2023 06:01

Пикет жасап тұрған ерлі-зайыпты зейнеткер Тарасовтардың алдына Глубоков ауданының әкімі шығып, далада ыстық екенін айтып, ішке кіруге шақырды

t.me/azattyq

Azattyq - Азаттық

16 июня 2023 05:04

Даниал Ахметов Шығыс Қазақстан облысының әкімі қызметінен босатылды. Бұл жөнінде Ақорда хабарлады.

Бүгін сағат 10-да Өскеменде мәслихат депутаттары ШҚО әкіміне кандидаттарға дауыс беретіні хабарланған

t.me/azattyq

Azattyq - Азаттық

15 июня 2023 15:24

АЭС және Тоқаев уәдесі, "аруақтар соты", "құзыретсіз" палата - AzatNews | 15.06.23

📌 Атом электр станциясын салу мәселесі референдумға шығарылмайды. Бұл туралы энергетика министрі мәлімдеді. Алайда президент Қасым-Жомарт Тоқаев АЭС халықпен ақылдасып барып қана салынатынын айтқан.

📌Қаңтар оқиғасы кезінде Алматыда оқ тиіп қаза тапқан бес адамға шыққан үкім өзгермеді. Сот марқұмдарды "мемлекеттік ғимараттарға шабуылдады" деген. Адвокаттар тергеу мен сот процесін әділ емес деп есептейді.

📌 Грекияда мигранттар мінген кеме аударылып, 80-ге жуық адам қаза тапты. Ал НАТО ұйымы қарымта шабуылға шыққан Украинаға көмекті аямайтынын айтты.

🔗КӨРУ

http://t.me/azattyq

Azattyq - Азаттық

15 июня 2023 13:25

Абай облысында орман өрті кезінде қаза болғандардың отбасына пәтер кілті тапсырылды

Абай облысы әкімдігінің баспасөз қызметінің хабарлауынша, Семей қаласынан баспана қаза болған тракторшы Сергей Архиповтің де отбасына берілген. Орман өрті кезінде 15 адам қаза болды. Бұған дейін бас прокурордың орынбасары Жандос Өмірәлиев журналистерге Архипов өрт құрбандары санатына жатқызылмағанын айтқан.

t.me/azattyq