Azattyq - Азаттық

12 июня 2023 07:03

Абай облысындағы орман өрті кезінде тағы бір адам жоғалып кеткен

Абай облысында 10 маусымда өрт сөндіруге кеткен Далон ауылының тұрғыны, тракторшы Сергей Архипов іздестіріліп жатыр. Бұл жөнінде жергілікті полиция департаменті хабарлады.

Туыстарының айтуына қарағанда, Сергей Архипов өрт сөндіруге көмектесу үшін тракторымен шыққан. Сол күннен бастап хабар үзілген.

Фото: Абай облысы полиция департаментінің баспасөз қызметі

t.me/azattyq

Azattyq - Азаттық

12 июня 2023 05:22

Еріктілер: Су басқан Голая Пристань қаласын Ресей карантинге жауып тастаған

Каховка СЭС-і жарылғаннан кейін су астында қалған Голая Пристань қаласын Ресей карантинге жауып тастаған. Украинаның Херсон облысындағы бұл қала Ресей әскерінің бақылауында тұр. Зардап шеккен аудандардың халқына көмек беріп жүрген еріктілер мұны "Медуза" мен "Агентствоға" айтқан.

Еріктілердің сөзіне қарағанда, қалаға кіруге де, шығуға да тыйым салынған. Сол себепті қала тұрғындарына гуманитарлық көмек беру мүмкін емес.

Еріктілердің сөзіне сілтеген "Агентство" хабарына қарағанда, 10 маусымда қаланы Ресей әскери қызметкерлері аралап, 11 маусымда Голая Пристань карантинге жабылатынын дауыс зорайтқышпен естірткен. "Медузамен" сөйлескен адам да бұл ақпаратты растаған. Еріктілер мұның себебі су апатынан өлгендердің көптігіне байланысты болуы мүмкін дейді. Ресей билігі сегіз адам ғана өлгенін хабарлаған.

t.me/azattyq

Azattyq - Азаттық

11 июня 2023 18:33

Абай облысындағы өрт:

▫Қазір үш бағытта өртті сөндіру жұмыстары жүріп жатыр

▫Өртті сөндіруге 1500-ге жуық адам, 300-ден астам техника жұмылдырылған. 14 тікұшақ тартылған.

▫Ресми ақпаратта өрт аумағы айтылмайды. Соңғы рет 60 мың гектар жерге өрт жайылғаны айтылған

▫Қалың түтіннің салдарынан Семей қаласы Бұлақ ауылының тұрғындары эвакуацияланды. Әкімшілік жағынан ол Семей қаласына кіреді.

▫Бас прокуратура Абай облысындағы өртке байланысты қылмыстық іс (292-бап) қозғады

▫Президент Қасым-Жомарт Тоқаев Абай облысында өрт кезінде қаза болған 14 орманшыны төтенше жағдайда көрсеткен ерлігі мен жанқиярлығы үшін “Құрмет” орденімен марапаттады

t.me/azattyq

Azattyq - Азаттық

11 июня 2023 13:19

Украинада Каховка СЭС-інің бөгеті жарылған соң шамамен 700 мың адам сусыз қалған

Бұл жөнінде Associated Press агенттігіне берген сұхбатында БҰҰ бас хатшысының гуманитарлық мәселелер бойынша орынбасары Мартин Гриффитс мәлімдеген. Мәселе Украина және Ресей әскері бақылауындағы аумақ тұрғындары жөнінде болып отыр.

Қазір Херсон облысында су ластанғандықтан суда шомылуға және балық аулауға тыйым салынған.

t.me/azattyq

Azattyq - Азаттық

11 июня 2023 10:10

Тоқаев 12 маусымды Абай облысында орман өрті кезінде қаза болған орманшыларды жалпыұлттық аза тұту күні деп жариялады

Azattyq - Азаттық

11 июня 2023 07:32

Каховка су электр станциясының бөгеті жарылған Украинаның Херсон облысында Днепрдің сол жағалауында 374 адам із-түзсіз жоғалған

Бұл аумақ Ресей әскерінің бақылауында. Бұл жөнінде еріктілердің мәліметіне сүйенген "Агентство" басылымы жазды. Үшеуі қаза болған болуы мүмкін деп айтылады.

Су астында қалған ірі елдімекен Алешка қаласына еріктілердің кіруі қиындаған. Қалаға кіреберісте блокбекет тұр. Ол арқылы тек Ресей төтенше жағдай министрлігі қызметкерлері мен Ресей әскерін қолдайтын еріктілер ғана кіре алады. Қалғандары Алешкаға су арқылы ғана бара алады.

t.me/azattyq

Azattyq - Азаттық

11 июня 2023 06:29

Абай облысындағы өрт:

Қазір 5 учаскеде өрт сөндіріліп жатыр (Кеше 9 учаске болған).

Өрт сөндіруге төтенше жағдай министрлігі, орман шаруашылығы комитеті, жергілікті атқару органдары және қорғаныс министрлігінен 1500 жуық адам, 290 астам техника жұмылдырылған.

Өрт басталғалы бері әуеден 486 рет жалпы көлемі 1 000 жуық тонна су төгілген.

Azattyq - Азаттық

11 июня 2023 05:42

Түркия астанасы Анкарада ракета және жарылғыш заттар шығаратын зауытта жарылыс болып, одан кейін өрт басталған

Бұл жөнінде TRT Haber және CNN Türk хабарлады.

Түркия қорғаныс министрлігінің хабарлауынша, 5 адам қаза болған. Бесеуі де – зауыт жұмысшылары. Жергілікті БАҚ көп адамның зардап шеккенін жазды. TRT Haber-дің жазуынша, кейбірі ауруханаға жағдайы ауыр күйде жеткізілген. Оқиға орнында құтқару жұмыстары жүргізіліп жатыр.

t.me/azattyq

Azattyq - Азаттық

10 июня 2023 23:00

⚽Англияның "Манчестер Сити" командасы биылғы Чемпиондар лигасында жеңіске жетті. Ағылшын клубы финалда италиялық "Интер" командасынан 1:0 есебімен басым түсті. Шешуші ойын Стамбулдағы "Ататүрік" стадионында өтті.

"Манчестер Сити" алғаш рет Чемпиондар лигасында топ жарып отыр.

t.me/azattyq

Azattyq - Азаттық

10 июня 2023 11:25

Тоқаев Сырым Шәріпхановты төтенше жағдай министрі қызметіне тағайындады. Тиісті жарлық Ақорда сайтында жарияланды.

Azattyq - Азаттық

10 июня 2023 09:31

Мұстафа Шоқайдың өз үні. Азаттық радиосы елге жеткізген бір мұра

Алғаш Азаттық радиосының эфирінен тараған Мұстафа Шоқай даусының аудио-жазбасын Қазақстанға әкелген кім? Радиода елуінші жылдардан бері сақталған Мұстафа жайлы деректерде не айтылған? "Азаттық радиосына 70 жыл" подкасының бүгінгі эпизоды осыған арналады.

🎙️Apple podcasts
🎙️Google podcasts
🎙️YouTube
🎙️Азаттық сайты

t.me/azattyq

Azattyq - Азаттық

10 июня 2023 09:00

"Назарбаевтан арылудың" кезекті қадамы және "Пекинге бет бұрған" Орталық Азия

Батыс басылымдары бұл аптада экс-президенттің кеңсесін тарату «Назарбаевтан арылу» науқанының кезекті қадамы екенін жазды. Сонымен қатар Пекин Орталық Азиядағы ықпалға таласта Ресейді ығыстыруға ұмтылып жатқанын талдады. Бұдан бөлек "Мәскеуге санкцияларды айналып өтуге қандай елдер көмектеседі" және "оған қалай тоқтам салуға болады" деген сұраққа жауап іздеді.

🔗ОҚУ

t.me/azattyq

Azattyq - Азаттық

10 июня 2023 08:26

Қатысушылардың бірі заңгер Олжас Әбілқайырдан “ҰҚШҰ әскері Украинаға барады” деген әңгіме қайдан шықты” деп сұрады.

Azattyq - Азаттық

10 июня 2023 07:44

“Халық парламентіндегі” заңсыз алынған активтерді елге қайтару туралы заң жобасын талқылау:

Қоғам белсендісі Рысбек Сәрсенбайұлының айтуынша, “заңсыз алынған байлық” деген ұғым жобада бұлыңғыр берілген.

“Ол байлық қандай жолмен алынған? Сыбайлас жемқорлықпен, қызметті асыра пайдалану жағдайы арқылы, алаяқтық жолмен болған. Бұлардың әрқайсысы қылмыс. Жеке-жеке баптары бар. Түрме жазасы бар. Ал бұл ұғымның анықтамасы әншейін жайма-шуақ беріле салған. Байқасаңыздар, қылмыстық деген сөзді қоспаған. Қылмыстық тексеру, зерттеу, қылмыстық қудалау деген терминдер жоқ”

Azattyq - Азаттық

10 июня 2023 07:30

“Халық парламенті” жиынына тікелей қатысы жоқ өзге мәселе:

Алматы қаласы Наурызбай ауданы Қарағайлы ықшамауданының тұрғындары сусыз қалғандарын айтып, дабыл қағып жатыр.

– Бүгіннен бастап тұтас Қарағайлыда суды толық өшіріп тастады. Оның алдында күндіз екі-үш сағат береді де өшіріп тастап жүрген. Ол кезде адамдар жұмыста болады. Кешке келсең су жоқ. Көп адам су жинап үлгере алмай келген. Енді су мүлде жоқ. Өзімнің үйімде судың жоқтығына 4 күн болды. Құбыр бітелген деп айтады. Фильтр станциясын жасаймыз деп уәде бергеніне қанша болды. Әлі жоқ. Бір-біріне сілтейді. Әкімдікке барсақ, “Алматы суға” жібереді, “Алматы суға” барсақ, әкімдікке жібереді. E-otinish-ке жазсақ, алып тастаңыз, сұрағыңызды шешеміз деп алдыртып тастайды, – деді Азаттыққа Гүлбану Абдоллаева 10 маусым күндіз. Оның "ықшамауданда су жоқ" деген сөзін өзге тұрғындар да растады.

Тұрғындар бүгін түсте наразылық білдіретінін айтты.

Azattyq - Азаттық

12 июня 2023 06:25

Абай облысындағы өрт түтіні Жетісу облысының төрт ауданы мен Талдықорған қаласына жеткен

Жетісу облысының Алакөл, Ақсу, Көксу, Қаратал аудандары мен Талдықорған қаласын түтін басқан. Бұл ақпаратты Азаттыққа Жетісу облысының төтенше жағдайлар департаментінің баспасөз қызметі айтты.

Баспасөз қызметінің мәліметіне қаранда, бұл Абай облысындағы өрттен жеткен түтін болуы мүмкін.

25 мамырда орман өртіне байланысты Абай облысының да Бородулиха ауданында төтенше жағдай жарияланған.

Төтенше жағдайлар министрлігінің мәліметінше, 24 мамырда кешкі сағат 9-ға қарай өрт аумағы 3,5 мың гектар болған.

Өрт Ресей аумағынан 22 мамырда шыққан. Қазақстан шекарасына жақын Ресейдің Новенькое ауылында шөп өртенген. Кейін өрт Қазақстанның Абай облысындағы "Семей орманы" резерватына жайылған.

24 мамырда таңертең құтқарушылар Абай облысындағы елді мекендерге төнген қауіп сейілгенін хабарлаған еді.

9 маусымда жергілікті әкімдік Абай облысы Бородулиха ауданында өрт күшейіп, үш орманшы қаза болғанын хабарлаған. "Семей орманы" мемлекеттік табиғи орман резерваты аумағындағы өртке байланысты Семей қаласында төтенше жағдай енгізілген.

9 маусым түсте өрт аумағы бастапқыда 30 мың гектарға жеткені, кейін 60 мың гектарға жеткені туралы ақпарат тараған.

t.me/azattyq

Azattyq - Азаттық

11 июня 2023 18:40

Сербиялық теннисші Новак Джокович Парижде өткен Roland Garros (Франция ашық чемпионаты) жарысының финалында норвегиялық Каспер Руудтан үш сетте басым түсіп, турнир жеңімпазы атанды.

36 жастағы Джокович Grand Slam жарыстарын 23-рет жеңіп, рекорд жаңартты. Бұған дейін бұл рекорд испаниялық Рафаэль Надальға тиесілі еді - 22 жеңіс.

Былтыр Roland Garros турнирін жеңген Надаль биыл жарақатына байланыста турнирге қатыспады.

t.me/azattyq

Azattyq - Азаттық

11 июня 2023 15:20

Абай облысындағы өрт:

Ұйытқыған жел өртті сөндіруге кедергі келтіріп жатыр.

Жедел штабтың хабарлауынша, өрт Қаштақ орман шаруашылығы, Таврия елдімекеніне қарай жылжып барады. Техниканың 65 пайызы сол жақта шоғырланған.

Жерновка ауылында да жағдай қиын деп айтылады. Өрт жайылуы мүмкін деген елдімекенде тұратын халыққа ескерту берілген.

Штабтың айтуынша, өрттен Батпаев және Успен орман шаруашылығы қатты зардап шеккен.

t.me/azattyq

Azattyq - Азаттық

11 июня 2023 11:05

Ресей әскері Украинаның шығысында Донецк және Луганск облыстарын тұтас бақылауға алуға күш салып жатыр

Украина әскері 10 маусымда кешке осылай деп мәлімдеді. Бұған дейін Украина президенті Владимир Зеленский украин күштері қайта шабуылға шыққанын мәлімдеген.

Украина қарулы күштері бас штабының хабарлауынша, 10 маусымда Украина шығысында 28 шайқас болған және украина күштері Ресей әскері шоғырланған пунктерге әуеден 15 соққы жасаған. Ал Ресей армиясы әуеден 66 соққы жасап, ракета кешенімен 39 шабуыл жасаған.

t.me/azattyq

Azattyq - Азаттық

11 июня 2023 08:45

Украинаның НАТО-ға қосылуын ресми түрде қолдаған елдер саны 20-ға жетті деп мәлімдеді Украина президенті кеңсесі жетекшісінің орынбасары Игорь Жовква.

Ол Киевте жүрген Канада премьер-министрі Джастин Трюдомен сенбі күні қол қойылған Канада-Украина декларациясына сүйенген. Онда Оттава "қолайлы жағдай туа салысымен" Украинаны НАТО-ға қосуды ресми түрде қолдайды деп жазылған.

Жовкваның пікірінше, бұл "Үлкен жетілік" елдері арасында айтылған ең қуатты тұжырым.

t.me/azattyq

Azattyq - Азаттық

11 июня 2023 06:54

Қазақстан экология министрлігі "Семей орманы" резерватындағы өрт кезінде қаза болған орманшылардың аты-жөнін жариялады

Орман шаруашылығы комитеті қаза болғандардың жақындары мен туыстарына көңіл айтты.

Экология министрлігінің айтуынша, өз аумағындағы өртті сөндіруге шыққан 14 орманшымен 9 маусымда байланыс үзілген. Ізінше құтқару-іздеу жұмыстары басталған.

t.me/azattyq

Azattyq - Азаттық

11 июня 2023 06:17

Лайк баспау және сынамау. Түркімен режимі блогерлерді елді мақтауға мәжбүрлеген

Түркіменстан билігі танымал блогерлерді жинап, оларға елді «гүлденген әрі бақытты мемлекет» етіп көрсетуді тапсырған. Полиция билікті сынауға болмайтынын, бұл тыйымды бұзғандар түрмеге жабылуы мүмкін екенін ескерткен.

🔗Сілтеме

t.me/azattyq

Azattyq - Азаттық

10 июня 2023 23:35

"Манчестер Сити" командасының Чемпиондар лигасының кубогын алған сәт.

Фото: AP

Azattyq - Азаттық

10 июня 2023 16:50

⚡️⚡️⚡️Абай облысында тағы 11 адамның денесі табылды деп хабарлады өртті сөндіру жедел штабы.

Қаза болғандардың аты-жөні анықталып жатыр.

Бұған дейін үш орманшының денесі табылғаны хабарланған.

Осылайша қаза болғандар саны 14-ке жеткен.

Қазір облыста 9 аумақта өрт сөндіріліп жатыр.

Azattyq - Азаттық

10 июня 2023 10:45

Қазақстан билігі Қырғызстаннан Ресейге заңсыз жеткізілмек болған дрондар партиясын тәркіледі. Бұл жөнінде қазақстандық Orda.kz сайты хабарлады.

Басылымның жазуынша, жалпы құны 16 млн рубль (193 440 доллар) болатын DJI AgrasT30 маркалы 14 дрон шекара арқылы Қазақстанның Жамбыл облысына тасымалданайын деп жатқан кезде ұсталған. Дрондарды қырғызстандық "Импульс-Инвест" фирмасы Қазақстан аумағы арқылы алып өтпек болған, алайда компанияның мұндай тауар түрлерін тасымалдауға лицензиясы болмаған. Ресми түрде дрондар ресейлік "Нова" құрылыс компаниясына жеткізілуі тиіс болған.

"Импульс-Инвест" компаниясына 76 мың теңге (шамамен 14 мың рубль) көлемінде айыппұл салынған. Жамбыл мемлекеттік мүлік және жекешелендіру департаменті тәркіленген дрондарды саудаға шығарған.

t.me/azattyq

Azattyq - Азаттық

10 июня 2023 09:12

"Халық парламентінің" жиыны аяқталды.

Ақпаратқа қарағанда, жиынды ұйымдастырушы Жарқын Күрентаевты полиция жиынға жеткізбей ұстап әкеткен. Бұл жөнінде оның әйелі хабарлады.

Azattyq - Азаттық

10 июня 2023 08:51

“Атажұрт” тіркелмеген партиясының белсендісі Гүлжан Тоқтасын Қазақстан мен Қытайдың цифрлық серіктестігінен қауіп көреді

Azattyq - Азаттық

10 июня 2023 08:08

"Халық парламенті" жиынында екінші мәселе - ҰҚШҰ және Қазақстан әскерін Ресейдің пайдалану мүмкіндігі мәселесі талқыланып жатыр.

Заңгер Олжас Әбілқайыр әскери өнеркәсіп саласында көрші елге тәуелділіктің қауіпті екенін алға тартып, ертеңгі күні Украинадағыдай сценарий қайталанса, ол кезде Қазақстан тек өз күшіне ғана сене білуі керек деген ой айтты.

Azattyq - Азаттық

10 июня 2023 07:33

⚡️⚡️⚡️Президент Юрий Ильинді төтенше жағдай министрі қызметінен босатты. Дәл қазір Абай облысында орман өртеніп жатыр. Қасым-Жомарт Тоқаев шетелге сапарын кейінге қалдырып, апат аймағына баратынын хабарлады.

Azattyq - Азаттық

10 июня 2023 07:23

“Халық парламентінде”заңсыз алынған активтерді қайтару туралы заң жобасын талқылаудан үзінді