Asaxiy да янги лойиҳа!

Asaxiy Pro - профессионаллар учун адабиётлар!

Роппа-роса бир йил олдин Asaxiy Books да болалар адабиёти редакциясини ишга туширган эдик ва лойиҳа доирасида чиққан китоблар сони тўққизтага етди.

Бугун кейинги қадамни босмоқдамиз. Янги лойиҳа - Asaxiy Pro!

Ўзингиз ҳам гувоҳ бўлдингиз, 2018 йилдан бери ўзбек китоб бозорида катта тараққиёт бўлди. Ҳозирга келиб нашриётлар сони ошди, китоблар тури ҳам кўпайди. Энг замонавий китоблар ўзбек тилига тажрима қилинмоқда, тажриба ошган сари сифат ҳам яхшиланмоқда. 2018 йилгача классика ва баъзи бир енгил адабиётлардан ташқари деярли танловга эга бўлмаган ўзбек китобхони учун деярли ҳамма мавзуларда ранг-баранг китоблар ҳозир мавжуд. Лойиҳани бошлаганимизда бу кунларни орзу қилгандик.

Қилинган ишларни янада яхшилаб давом этишдан ташқари, энди кейинги қадамни ташлаш ҳам муҳим.

Муаммо: Ўзбекистонда профессионал адабиётлар етишмайди. Кўпчилик кадрлар бўлса хорижий тилни етарли билмайди ёки вақт етишмайди. Билганлар ҳам қайси китобни ўқишни билмасдан, аксар ҳолда мотивацион ёки оммабоп китоблар ўқиб юришибди.

Давлат ва хусусий сектор учун ўзбек тилида сифатли профессионал контент жуда кам. Билим олишни хоҳлаганлар ҳам қайси китобларни ўқиш кераклигини билмайди.

Ушбу бўшлиқни тўлдириш учун Asaxiy Pro лойиҳасини бошладик. Лойиҳадан мақсад бизнес, банк, молия, IT, педагогика, тиббиёт, саноат, машинасозлик, давлат бошқаруви, қишлоқ хўжалиги, мудофаа, қурилиш, авиация ва бошқа соҳалар учун профессионал адабиётлар рўйхатини шакллантириш ва бирма-бир ўзбек тилига таржима қилиш. Лойиҳа муваффақиятли чиқиши учун уни катта компаниялар, вазирликлар, ташкилотлар билан ҳамкорликда қилиш долзарб ҳисобланади.

Лойиҳа бўйича музокараларни бошлаганмиз. Йирик бир соҳа тепасидаги бир ташкилот аллақачон келишув асосида таржима қилиниши керак бўлган китоблар рўйхатини тақдим этди. Яна 2та вазирликда экспертлар зарурий адабиётлар рўйхатини шакллантирмоқда. Умумий ҳисобда 7та ташкилот ва 2та йирик компания билан музокаралар кетмоқда.

Умиқ қиламанки, яқин 5 йилда соҳаларда ишлаётган ҳам профессионаллар учун фойдали, ҳам шу соҳада профессионал бўлмоқчи бўлган талабалар учун фойдали профессионал адабиётларни ўзбек тилида шакллантириб оламиз ва бу катта ютуғимиз бўлади.

Лойиҳа доирасида натижалар узоқ куттирмайди. Июль ойида бизнес учун Asaxiy Pro доирасида илк Элияҳу Голдраттнинг “Мақсад. Узлуксиз такомиллаштириш жараёни” китобини тақдим қиламиз. Шунингдек, “Asaxiy Books”да чоп этилган профессионал китобларнинг кейинги нашри “Asaxiy Pro” доирасида чоп этилади.


Лойиха доирасида ташкилот ва идораларни ҳамкорликка чақириб қоламан. Соҳангиз келажаги учун муҳим қадамни биргаликда босамиз!


#asaxiy #asaxiypro
@allaevuzb

Читать полностью…

▶️ 100+ ta kitob haqida videolar #4

⚠️Kel Nyuport: "DIQQAT" haqida

❗️Shaxsiy maslahat: "Diqqat"ni o'qib chiqqandan keyin, albatta, Brayan Treysining "Samaradorlikning 21 yo'li" kitobini ham o'qing. Kuningizni reja va tartibli qilish uchun bu ikkala kitob ajoyib kombinatsiya bo'lib beradi!

Aytib qo'yay, qiziqroq ma'lumotlar kitobning 2-qismida boshlanadi. Lekin boshidan o'qimasangiz ko'pgina jumlalarni tushunmay qolishingiz mumkin.

💬 Reaksiya va fikr qoldiring :)
📹 Instagram

Читать полностью…

O‘xshashini topolmaysiz, chunki kafolat beramiz, o‘zbek tilida hali bunaqasini o‘qimagansiz)

Anomaliya: asaxiy.uz/u/anomaliya

@asaxiybooks

Читать полностью…

#agar_sizda 👀

Kitoblar mamlakati tashkil etish imkoni bo‘lsa, u yerda qanday qoidalar o‘rnatilgan bo‘lardi?

Qoidalar ro‘yxatini izohlarda yozing 📜👇

Читать полностью…

O‘zbek adabiyotidan yana bir #yangilik

Xayriddin Sulton: Osmoni falaklarda

🛩 Kitob o‘zbek adabiyotida deyarli yoritilmagan mavzu - uchuvchilar hayotiga bag‘ishlanadi. Unda uchuvchidek mashaqqatli kasb egalarining mardlik va matonat talab etadigan faoliyati aks ettiriladi.

Shiddatli voqealarga boy va keskin syujetli bu kitobda bosh qahramonlarning favqulodda holatlardagi qalb kechinmalari, qat’iyat va irodasi, sevgi va burchga sadoqat tuyg‘ulari chuqur dramatizm bilan tasvirlanadi.

Muqova: qattiq
Yozuv: kirill / lotin
Nashriyot: Adabiyot
Narx: 59 000 so‘m
Sahifa: 168 bet

Buyurtma bering va yangi kitobni birinchilardan mutolaa qiling: asaxiy.uz/u/osmoni_falaklarda

@asaxiybooks

Читать полностью…

Bolalar uchun ajoyib #yangilik

Kumon kitoblari o‘zbek tilida sotuvda!

🇯🇵 Kumon - Yaponiyada yaratilgan va dunyo bo‘ylab millionlab bolalar foydalanayotgan ta’lim metodikasi. U bolalarda mustaqil fikrlash, diqqat jamlash, mantiqiy tafakkur qilish va yozish ko‘nikmalarini rivojlantirishga yordam beradi.

Ushbu metod asosida yaratilgan va 4-5-6 yosh bolalarga mo‘ljallangan kitoblar bilan tanishing:
🔸Mening kitobim. Alifbo o‘yinlari
🔸Mening kitobim. Qofiya so‘zlar
🔸Mening kitobim. Raqamli o‘yinlar
🔸Mening kitobim. Ajoyib labirintlar

Buyurtma bering va o‘yin orqali o‘rganishga imkon yarating: asaxiy.uz/u/kumon

@asaxiybooks

Читать полностью…

Tarjimonlar tanlovi g‘oliblari aniqlandi!

Asaxiy Books tarjimonlar tanlovi nihoyasiga yetdi va 2 g‘olib kim ekanligi aniq bo‘ldi.

200 ga yaqin ishtirokchilar orasidan saralanib, g‘oliblikni qo‘lga kiritganlar bilan tanishing:
🔸Nusratulloyev Shaxzod
🔸Shaymardanova Sabina

G‘oliblar iyun oyidan Asaxiy Books nashriyotida ish boshlashadi. Ularni tabriklaymiz va yangi faoliyatda omad tilaymiz!

@asaxiybooks

Читать полностью…

"Graf Monte-Kristo" haftaning mutlaq bestselleri 🔥

O‘tgan haftada eng ko‘p sotilgan kitoblar ro‘yxati bilan tanishamiz:
1. Aleksandr Dyuma: Graf Monte-Kristo
2. Dunyo daholari: Stiv Jobs
3. Kleyton M.Kristenson, Efosa Ojomo, Karen Dillon: Farovonlik paradoksi
4. Dunyo daholari: Leonardo da Vinchi
5. Dunyo daholari: Muhammad Ali

📌 Reyting hafta davomida Asaxiy orqali qilingan onlayn va oflayn xaridlar soni asosida shakllangan.

@asaxiybooks

Читать полностью…

So‘nggi, bu so‘nggi qo‘ng‘iroq...

Hurmatli bitiruvchi, bugun siz maktab darvozasidan katta hayot tomon qadam qo‘ydingiz. Qalbingiz hayajon va umid, aqlingiz esa rejalar bilan to‘lgan.

Siz qadam qo‘ygan hayot yetuk inson bo‘lishingizda yordam berish uchun yaralgan. Bu yo‘l sizni sinovlar orqali tarbiyalaydi va oltinga teng tajriba beradi.

Hozir va shu yerda ekansiz, demak hozir va shu yerda kerakli insonsiz. Siz o‘zingizga, bizga, jamiyatga va dunyoga keraksiz.

Doim o‘qing, o‘rganing va yaxshiroq bo‘lish ustida ishlang. O‘zingizga ishoning, harakatda davom eting va hech qachon orzularingizdan voz kechmang.

Muhimi - hayotni chin yurakdan his eting, har daqiqani qadrlang va o‘zingizga sodiq qoling. Sizga ishonamiz va go‘zal kelajakni birga quramiz!

Hurmat bilan,
Asaxiy Books

@asaxiybooks

Читать полностью…

"Bir burchak" Youtube kanali "Yashamoq" va "Yapon zobiti" kitoblaridagi o'xshashliklar haqida video qilibdi.

Videoni quyidagi havolada ko'rishgiz mumkin: https://youtu.be/8Vw6Kn6klqo?si=V43Iq1a-T-_MVI7t

Siz bu kitoblardan qaysi birini o'qigansiz? Qaysi biri yoqqan?


#kitob #youtube
@allaevuzb

Читать полностью…

"Yolg‘onlar shahri" 5 yoshda!

Sizni Tehronning asl manzarasi bilan tanishtiradigan ushbu kitob ilk bor 2020-yil 23-mayda premyera qilingan edi. Ramita Navaining bu asari tehronliklar tuzumning shafqatsiz bosimi ostida qanday yashayotgani, tuyg‘ulari, shodlig-u iztiroblarini qanday ifodalayotgani, umuman, turfa xil insonlar taqdiri haqida hikoya qiladi.

Yashab qolish uchun yolg‘on gapirish kerak bo‘lgan shahar va undagi insonlar taqdiri sizni fikrlashga undaydi.

Yosh chegarasi: 18+
Kitob haqida batafsil: asaxiy.uz/u/yolgonlar_shahri

@asaxiybooks

Читать полностью…

Bu o‘yinni har kuni o‘ynaysiz - kitob 🆚 telefon

Kun boshida niyatni to‘g‘ri qiling va samarali kunlardan birini yashab o‘ting. Chunki foydali yashalgan kunlar birlashib mazmunli umrga aylanadi.

Bugun bizning o‘yinda kitob g‘olib bo‘ldi, sizda natija qanday?

@asaxiybooks

Читать полностью…

Sizni ta’limga ilhomlantirgan Tara Vestover haqida✏️

#muallif

Tara Vestover - amerikalik yozuvchi va tarixchi hisoblanadi. U 1986-yilda AQShning Aydaho shtatida mormon oilasida tug‘ilgan. Bu oilada rasmiy ta’lim, tibbiy xizmat yoki davlat yordami hech qachon tan olinmagan.

Tara bog‘cha yoki maktabga bormagan, shu sabab bilimini mustaqil tarzda rivojlantirgan. U birinchi rasmiy ta’limni kollejda olishni boshlagan. Qat’iyati, sabri va bilimga chanqoqligi sabab Kembrij universitetida doktorlik darajasini olgan.

Tara Vestover "Educated" kitobi bilan butun dunyo kitobxonlari e’tiborini qozongan. Ushbu kitob "Talaba" nomi bilan 2024-yilda Asaxiy Books doirasida nashr qilingan. Kitobda Tara o‘z hikoyasi orqali chidamlilik va ta’lim kuchini ko‘rsatadi, shu bilan birga, o‘tmish qoliplaridan chiqib o‘zni qayta kashf qilishga undaydi.

@asaxiybooks

Читать полностью…

"Baxt yetkazish" kitobi 5 yoshga to‘ldi!

Bu kitobda Toni Shey chuvalchang fermasidan tortib eng muvaffaqiyatli kompaniyalardan birida bosh direktor bo‘lishgacha olgan saboqlari bilan o‘rtoqlashadi. Kitob korporativ madaniyat muvaffaqiyat kaliti ekanligi, atrofingizdagi insonlarga baxt ulashish orqali yanada baxtliroq bo‘lishingiz mumkinligini amalda ko‘rsatib beradi.

Milliard dollarlik internet do‘kon tarixi va muallif tajribasi jamlangan "Baxt yetkazish" kitobi bugun 5 yoshga to‘ldi. Kun munosabati bilan uni 20% chegirmada xarid qilishingiz mumkin.

Kitob haqida batafsil: asaxiy.uz/u/baxt_yetkazish

Siz bu kitobdan qanday xulosalar olgansiz? Izohlarda bo‘lishing👇

@asaxiybooks

Читать полностью…

📚 Tarjimonlar tanlovining yakuniy bosqichi o‘tkazildi!

Asaxiy Books tomonidan e’lon qilingan tarjimonlar tanlovi yodingizdami? Kecha ushbu tanlovning yakuniy bosqichi bo‘lib o‘tdi.

200 ga yaqin nomzod ichidan saralangan ishtirokchilar tarjima borasidagi mahoratlarini namoyish etdilar. Endi ularning tarjima matnlari baholanadi va eng kuchlilar Asaxiy jamoasi a’zosiga aylanadi.

🧡 Tanlovda qatnashgan barcha ishtirokchilarga minnatdorlik bildiramiz. Keyingi tanlovlarda ham kutib qolamiz va faoliyatingizda omad tilaymiz!

@asaxiybooks

Читать полностью…

Bolalar uchun kitoblar to‘plami - 2 yoshdan 18 yoshgacha bo‘lganlar uchun maxsus takliflar

🏖 Yozgi ta’til foydali, qiziqarli va mazmunli o‘tishi uchun kitoblar sizga yordamchi bo‘ladi. Ular bolani telefondan yoki televizordan uzoqlashtiradi, yoshiga mos bilim beradi va tasavvur olamini kengaytiradi.

Qulaylik uchun 4 xil yosh toifasiga mos kitoblar sotuvga chiqarildi:
🔸 2-6 yoshli bolajonlar uchun 10 ta kitobli to‘plam
🔸 6-9 yoshli bolalar uchun 10 ta kitobli to‘plam
🔸 8-13 yoshdagi bolalar uchun 10 ta kitobli to‘plam
🔸 13-18 yoshdagi o‘smirlar uchun 10 ta kitobli to‘plam

Har bir to‘plam bolalarning yoshi, qiziqishlari va rivojlanish darajasiga mos tarzda shakllantirilgan.

To‘plam tarkibi bilan tanishing va buyurtma bering: asaxiy.uz/u/bolalar_uchun

@asaxiybooks

Читать полностью…

🎙 Yana bir tanlov e’lon qilamiz - g‘olib Asaxiy ovoziga aylanadi!

Chuqur, ta’sirli va chiroyli ovozga egamisiz? So‘zlarni his qilish va tinglovchilarni ovoz orqali jalb qilish sizga yoqadimi? Kitobga muhabbatingizni ovoz orqali tarqatmoqchimisiz? Unda bu imkoniyat siz uchun!

Asaxiy Books sizni "Asaxiy ovozi" tanloviga chorlaydi. G‘olib ishtirokchi brendimiz ovoziga va jamoamiz a’zosiga aylanadi. 23 yoshgacha bo‘lgan barcha yoshlar qatnashishi mumkin.

📌 1-bosqich: Sinov matnini o‘qish va @asaxiy_ovozi profiliga audio yoki video shaklida yuborish
🔗 Sinov matni: asaxiy.uz/u/tanlov_matni
🗓 Muddat: 10-iyun

Tanlovda qatnashing, g‘olib bo‘ling va Asaxiy ovoziga aylaning!

@asaxiybooks

Читать полностью…

Qayta tahrir qilingan. To‘liq. Senzurasiz. Premium sifatda.

🌊 Agar hali "Graf Monte-Kristo"ni o‘qimagan bo‘lsangiz, bu asar siz uchun hayot, iroda va inson qalbining eng nozik jihatlarini ochib beruvchi hayotiy dars bo‘ladi.

O‘qigan bo‘lsangiz, qayta o‘qishga arziydi - bu safar to‘ldirilgan, izohlar bilan boyitilgan va qayta tahrirlangan shaklda chop etildi.

Havola orqali buyurtma bering, chegirmada oling va asl holida mutolaa qiling: https://asaxiy.uz/u/graf

@asaxiybooks

Читать полностью…

Oy oxiri minuslarda o‘tmasin!

Pul topish va sarflashni bilgan inson uni to‘g‘ri boshqarishni ham bilishi kerak. Aks holda, xarajatlar daromaddan ortib ketadi va natijada hech narsaga ega bo‘lmaslik mumkin.

💵 Pulni boshqarish ilmi muhim va uni hamma o‘rganishi lozim. Bu borada sizga "Latte omili" va "Pul psixologiyasi" kitoblari tavsiya qilamiz.

Hozir ikki kitob narxi: 99 000 so‘m

O‘qing, moliyaviy erkinlikka chiqing va doim plyusda bo‘ling: asaxiy.uz/u/oy_oxiri_minusdamiz

@asaxiybooks

Читать полностью…

Sizda qanday hobbilar bor?

Izohlarda yozing🧡

@asaxiybooks

Читать полностью…

Siz uchun ajoyib sovg‘amiz bor 🎁

Sovg‘alar olish yoqishini bilamiz, shu sabab yana bir aksiya bilan xursand qilamiz:

📚 May oyi yakunigacha 3 va undan ortiq kitob xarid qilganlarga "Yapon zobiti" kitobi sovg‘a qilinadi! Onlayn yoki oflayn xarid amalga oshirib, sovg‘angizni olishingiz mumkin.

Muddat: 31-maygacha
Onlayn xarid: havola
Do‘konlarimiz manzili: havola

P.S. Taklif chegirmada bo‘lgan to‘plamlar uchun amal qilmaydi.

@asaxiybooks

Читать полностью…

"Birgalikda arzon!" to‘plami #yana_sotuvda

Yashamoq + Yapon zobiti

Yuy Xuaning "Yashamoq" kitobi sizga taqdir zarbalariga qanday dosh berishni va insoniylikni yo‘qotmaslikni tushuntiradi.

Ato Hamdamning "Yapon zobiti" esa tarixiy voqealar fonida kuchli shaxsiyat, iroda va burchni anglash mohiyatini ochib beradi.

Ikki kitob birgalikda 99 000 so‘m. Buyurtma bering va javoningizni badiiy asarlar bilan boyiting: asaxiy.uz/u/birgalikda_arzon

@asaxiybooks

Читать полностью…

Bugun kitob suhbati kuni📖

Bugun 20:00 da siz tanlagan “Atom odatlar” kitobi bo‘yicha suhbat o‘tkazamiz.

Qatnashing, fikr almashing va xulosalaringiz bilan bo‘lishing. Faol bo‘lgan Top 3 ishtirokchi keyingi suhbat kitobini yutib olishi mumkin)

@asaxiybooks

Читать полностью…

▪️Hamma narsa inson harakati-yu fazilatlariga bog‘liqmi?
▪️Muvaffaqiyat yo‘lida vaziyat yoki sharoitning roli qanday?
▪️Nega ayrim odamlarda hamma narsa bor, boshqalarda esa yo‘q?

"Zukkolar va landavurlar" kitobi bu savollarga ilmiy asosda javob beradi.

Malkolm Gladuell har doim mutlaqo tasodif hisoblab kelingan muvaffaqiyatlarning zamirida yotgan yashirin qonuniyatlarni topgan birinchi insondir. Bu qonuniyatlar ma’lum sohada buyuk bo‘lgan insonlar muvaffaqiyatida muhit, vaqt va sharoitning o‘rnini ko‘rsatib beradi.

Bugun kitob 6 yoshga to‘ldi. Mutolaa qiling va savollarga javob oling: asaxiy.uz/u/zukkolar_va_landavurlar

@asaxiybooks

Читать полностью…

Bu yo‘lga kirganlarda ortga yo‘l yo‘q

🛣 Yo‘lda yurish juda ko‘p vaqt va sabr talab qiladi. Bu - shunchaki hobbi emas. Bu - hayot mazmuni.

Siz bu yo‘lga qanday kirib qolgansiz?) Izohlarda yozing qoldiring

@asaxiybooks

Читать полностью…

"Uddalasa bo‘ladigan vazifa" nima haqida?

Avval kitob mundarijasi bilan tanishib, so‘ng xarid qaroriga keladigan kitobxonlarimiz bor. Ularga foydali bo‘lishi uchun Marg‘ulan Seysemboy kitobining mundarijasini keltiramiz.

Bu kitob inson baxtli yashashi va samarali karyera qurishi uchun muhim instrumentlarni o‘zida jamlagan. Barcha tavsiyalar muallifning hayoti davomida sinalgan va cho‘ponlikdan milliarderlikkacha bo‘lgan yo‘lida o‘z samarasini bergan.

Kitob mundarijasini ko‘zdan kechiring va mavzular sizga qiziq bo‘lsa, unga buyurtma bering: asaxiy.uz/u/margulan_seysemboy

@asaxiybooks

Читать полностью…

"TALABA". TARA VESTOVER

#book_review #kitobxon_fikri

Men bu kitobni o‘qib bo‘lgach, uzoq vaqt sukunat ichida qoldim. Ko‘z oldimda bir qizning ichki kurashi, qalbining to‘zg‘igan sahifalari, ruhiy qanchalar abgor holatda bo‘lishi mumkinligini yana bir bor his qildim. Tara Vestover bu ismni birinchi bor eshitganimda, u haqida tasavvurim yo‘q edi. Lekin endi, bu ism  menda ilhom, jasorat va o‘z yo‘lini topgan inson timsoli sifatida muhrlanib qoldi.

Tara Vestover amerikalik yozuvchi, tarixshunos va ma'naviy uyg'onish ramzi bo‘lgan zamonaviy shaxsdir. U 1986-yilda Aydaho shtatining qishloq hududida, rasmiy ta’limga qarshi bo‘lgan diniy oilada dunyoga kelgan. Tara hech qachon maktabga bormagan, tug‘ruq paytida vrachga murojaat qilmagan, davlatga ishonmagan oilada ulg‘aygan. Biroq u ichki ishonchi, bilishga bo‘lgan chanqoqligi va o‘zligini topishga intilishi orqali hayotini tubdan o‘zgartira oldi. Uning “Educated” (o‘zbek tiliga “Talaba” deb tarjima qilinadi) nomli xotira kitobi 2018-yilda chop etilib, darhol xalqaro miqyosda katta shov-shuvga sabab bo‘ldi.

Asarni o‘qir ekanman, har bir sahifa menga boshqacha og‘riq berdi. Chunki Tara oilasining sevgisiz emas, aksincha haddan tashqari talabchan sevgisi qurboni edi. Ularning muhabbati Tara uchun ozodlik emas, zanjir bo‘ldi. Ayniqsa, akasining unga nisbatan ruhiy va jismoniy zo‘ravonligi, otasining har qanday fikrga toqatsizligi, onasining esa bunga jim qarab turishi  yuragingizni ezadi.

Ammo... Tara ichidan bir ovoz eshitadi. U ovoz unga shunday deydi: “Sen bundan ortig‘iga loyiqsan. Bu dunyo bitta tog‘ orasidan iborat emas.” Shu ovoz Tara hayotidagi eng katta inqilobni boshlab beradi. U mustaqil o‘qiydi, testlarga tayyorlanadi, birinchi marta kompyuter ko‘radi, universitetga kiradi. Brigham Young Universitetiga ilk bor qadam qo‘yganda u oddiy sanalarda yil, asr, yurt tarixini ajratolmaydigan qiz edi. Tara keyinchalik Kembrij va Garvardda o‘qiydi. Akademik darajalar orttiradi. Lekin eng qiyini  bu diplomlar emas, balki o‘zini anglash edi. U anglaydi, haqiqat har doim ham oila bilan bir yoqda turmaydi. Ba'zida o‘z haqiqating uchun, o‘z ruhiy salomatliging uchun, eng sevimli insonlaringdan voz kechishga to‘g‘ri keladi.

Men bu kitobni o‘qib, ta’lim so‘zi faqat diplom yoki universitet bilan bog‘liq emasligini tushundim. Haqiqiy ta’lim  bu o‘zini anglash, mustaqil fikrlash, ichki ozodlikka erishishdir. Tara menga shuni o‘rgatdi, agar yuragingda nur bo‘lsa, sen qanchalik zulmatda bo‘lma, u seni yo‘ldan adashtirmaydi.

“Talaba” bu ruhiy uyg‘onish kitobi. Tara Vestoverning hayoti menga shuni isbotladi,inson qanday sharoitda tug‘ilmasin, o‘zgarish, o‘sish va ozodlik sari intilish har doim mumkin. Har bir yoshga, ayniqsa, imkoniyat yo‘qligidan shikoyat qilayotganlarga bu kitobni tavsiya qilgan bo‘lardim. Chunki bu asar menga nafaqat bilim, balki jasorat, qat’iyat va ichki kuch haqida saboq berdi.

©️ kitobxonadan

Читать полностью…

Sizda nechta? 👀

@asaxiybooks

Читать полностью…

Erix Mariya Remark: Zafar darvozasi

#yangilik

Urush, muhabbat va hayot o‘rtasida qolgan inson taqdiri...

"Zafar darvozasi" - Remarkning eng chuqur falsafiy asarlaridan biri hisoblanadi. 1945-yilda nashr qilingan bu roman Ikkinchi jahon urushi oldidan Yevropada hukm surgan beqarorlikni va urushdan qochganlar taqdirini tasvirlaydi.

Parij manzarasi fonida kechadigan bu romanda yo‘qotilgan orzular, inson sabri va muhabbat kuchi haqida so‘z boradi.

Muqova: qattiq
Nashriyot: Yangi Asr Avlodi
Narx: 69 000 so‘m
Sahifa: 608 bet

Buyurtma uchun havola: asaxiy.uz/u/zafar_darvozasi

@asaxiybooks

Читать полностью…

4 kun avval e’lon qilingan kitob reytingda 1-O‘RIN🔥

Gap "Graf Monte-Kristo" haqida - u haftaning eng ko‘p sotilgan kitobi bo‘ldi)

To‘liq ro‘yxat bilan tanishing:
1-o‘rin: Graf Monte-Kristo (2 ta kitob)
2-o‘rin: Urush san’ati
3-o‘rin: Farovonlik paradoksi
4-o‘rin: Uddalasa bo‘ladigan vazifa
5-o‘rin: Mahorat

Sizda bu kitoblarning qay biri bor?

@asaxiybooks

Читать полностью…