1338
قناة. خاصه بالقصائد والالحان الحسينيه اشترك بالقناة. ليصلك كل ماهو جديد
لا صايره ولا دايره
المن اروحن حايره
كل ساعه زينب عاثره
حبيبي يا حسين
◇◇◇◇◇◇◇◇◇◇◇◇◇◇
شكد فزعت يهل الرحم _خانكني دخان الخيم
كل ساعه اعثرلي بسهم _ يخوتي
المن اروح المن ارد _ والتل تره ماينصعد
بس انه حزني منفرد _ يخوتي
ابطولي نزلت دمعتي _ والتعب صاير حصتي
يامره حارت حيرتي _ يخوتي
طب الرماد بعيني
عليكم منو يدليني
ولا واحد يحاجيني
حبيبي يا حسين
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
للعسكري الحسن /// عاشكَـ افتخر
للعسكري الحسن /// ناذر العمر
========/////=========//////=====
١/
ما أبدل كلامي // فدوه اروح الإمامي
يشهد اعليه ربي // والبقى جبده ضامي
لجله اضحي بسنيني// وأبجي مو دمعه عيني
الغالي يرخصله كلشي //شنهي جاهي وبنيني
فدوه للعسكري روحي اتروح مو مره ألف
بسمه تسبيحاتي تبدي وتنتهي بسمه اعترف
من عمر يومين غيره مالكه كلبي عرف
وحضرته اول ما شفتهه اعتنيتلهه زحف
للعسكري الحسن /// ماشي من زغر
للعسكري الحسن /// ناذر العمر
====/////=========//////======
٢//
بالذهب ما أبدله /// المشيتي خله عدله
الدنيه ما تسوه عندي /// عانه لو ساعه اخذله
ما اعوفه الدقيقه /// ابقى اسير ابطريقه
وما أجامل عدوه /// هي هاي الحقيقه
شرد اكل للمهدي باجر من يشوف بدفتري
لجل دنيه فانيه اني عفت ابوه العسكري
لا وحق القلع خيبر ما أغير مظهري
خادم وشيعي الإمامي العسكري الحز منحري
للعسكري الحسن /// نحري ينطبر
للعسكري الحسن /// ناذر العمر
====/////=========//////======
٣///
للحسن كَـلبي نبضه /// غصبن اعله اليبغضه
يلهج الساني بسمه /// وخل يولي الميرضه
مو شعار وارفعه /// ولا ادورلي سمعه
والد المهدي احبه // ولآخر ايامي اتبعه
نهجي ثابت ما أغيره ولا يغيره الناصبي
والاخير الدنيه أمشي الأجل عين الطالبي
أمي غذتني محبته وعلماني الخدمه ابي
وانه روحي علمتهه اليبغضه مو صاحبي
للعسكري الحسن /// يسمع الشمر
للعسكري الحسن /// ناذر العمر
====/////=========//////======
٤////
بسمه اظل عالمنابر /// افتخر وابقى افاخر
العابس الجن بمامه /// أنتمي وأمري صادر
للحسن باقي عهدي /// حد نزلتي اعله لحدي
اشهدُ أنَ قصتي /// تنتهي وبسمه تبدي
بالحشر باجر شفيعي العسكري واحجي ابفخر
صاحب الدمعه الجريه على محزوز النحر
حاشا يتركني بحسرتي وحيرتي محني الظهر
طبعه يوفي لليوافي وناصر ابنه المنتضر
للعسكري الحسن /// لطمت الصدر
للعسكري الحسن /// ناذر العمر
=========================
✍️🏻 كلمات #موسى_الخادم ٢٠٢٥
قصيده للامام الحسن العسكري عليه السلام
ليلة دمعه وليلة آه ابن الهادي فارگناه
مسموم مودع دنياه مسموم مودع دنياه
★★★★★★★★★★★★★★★★★★★؛
ليلة حسره وليلة فرگه وليلة هم
گلب الموعود هواي الليله تألم
مفارگ والد بيه كل شيعي يتشيم
مسموم من ارجس خلق الله الما ترحم
نعزي الموعود الليله مهضوم ودمعه يسيله
كاسر ظهر ابنه بفرگاه مسموم مودع دنياه
★★★★★★★★★★★★★★★★★★★؛
شاف المظلوم شگد آهات بعمره
من موطن جده وجابوه السامره
من محنه المحنه يجاهد خلص دهره
ما شاف الراحه وچانت دنياه مره
ظل يعاني من الظلّام الما عدهم ذرة اسلام
عالمسوم اصرخ ويلاه مسموم مودع دنياه
★★★★★★★★★★★★★★★★★★★؛
جبروه يقيم ابيت تحيطه العسكر
وممنوع الشيعه تقرّب صوبه وتحضر
لكن رقم كل العذاب اليقهر
ادّه الرساله وبالعلم ما قصّر
قدّم كلشي لاجل الدين كمّل دور اهله الطيبين
الوجه الباري عمره افناه مسموم مودع دنياه
★★★★★★★★★★★★★★★★★★★؛
غمّض عينه وعاف الشيعه تون وتنوح
بين اليطلم عالراس وبين المجروح
كلها تنادي يبن الهادي وين تروح
شالوه الگبره بدمع العين المسفوح
مو مثل حسين العطشان مگطوع الراس وعريان
مطروح ومحد شالاه مسموم مودع دنياه
★★★★★★★★★★★★★★★★★★★؛
راح المظلوم الخانت بيه الوادم
ومات بسم قاتل من چفوف الحاكم
باچر يُسترجع حقه بچف القائم
موعدنه ويه المهدي ونقتل كل ظالم
موعدنه ويّ الموعود بس يظهر والكون يسود
يا يوم ونحظه بملگاه مسموم مودع دنياه
★★★★★★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
قصيدة استشهاد الامام الحسن العسكري عليه السلام
الحسن بمصابك
حزنانه احبابك
يالعسكري . يالعسكري
.......
كل محب هالليله الك ياسيدي يلوع
من كثر هم مصيبتك يالوالي مفجوع
بالونه والاهات الك هالصوت مسموع
اندگ عله الراس بألم مو بس الضلوع
نوگف عله بابك
حزنانه احبابك
يالعسكري . يالعسكري
........
عشنه الظلم بعدك يبو محمد يمهيوب
متوجره من گد القهر والحسره الگلوب
الايام مره بفرگتك والهضم مكتوب
عانينه ويلات وعسر والمهدي محجوب
نادينه بأعتابك
حزنانه احبابك
يالعسكري . يالعسكري
....
يومك فجعنه سيدي صحنه يمسموم
ماننسه للموت ونظل ننعاه يمظلوم
كل شيعي بعدك يالولي من الفرحه محروم
نعزي الامام المنتظر بمصابك اليوم
مانحمل غيابك
حزنانه احبابك
يالعسكري . يالعسكري
.......
كل شيعتك يبن النبي متلوعه بجروح
مسموم بعدك بالحزن مولانه والنوح
فراگك يبوالمهدي كلف ماتحمله الروح
خله الگلب مهموم ياوالينه مجروح
واويلي بصوابك
حزنانه احبابك
يالعسكري . يالعسكري
.........
صحنه يمولانه الحسن تبچيك العيون
لمن رحت يالغالي بعدك اظلم الكون
مسموم آه يالعسكري كل شيعي محزون
نواسي الزجيه سيدي والگلب مشجون
كلنه فده ترابك
حزنانه احبابك
يالعسكري . يالعسكري
..............
مالك السعيدي
اليوم آيات الكتاب اتـيتـــمت
وچنها اركان الهدايه اتهدمت
ــــــــــــــــــــــــــــــــ
ابلا وحي جبريل ينزل بالبكاء
للنبي ويقراله آيــات الرثــــــاء
والملائك فوگ تلطم بــالسماء
الأنس والجن على امصابه اتألمت
ــــــــــــــــــــــــــــــــ
يـطبگ الصفحات هاليــــوم الكتاب
الچان اله سلوه رحل ياوسفه غاب
والسور مكسوره تـنـــــعه هالمصاب
بصوت الاحزان الثگيله اتــــــكلمت
ــــــــــــــــــــــــــــــــ
يــامحمد يـصرخ اليــــوم الأمير
علي بعد المصطفى يصبح كسير
هذا حال الأخو لو مات الچــبير
من الدمع والـنـايبه عيونه عمت
ــــــــــــــــــــــــــــــــ
الليله ابو الزهراء محــــــرابه نعاه
اشتاگت الترتيله وانفاسه الصلاه
كل ركــــن للدين هالليــلــه رثــــاه
وماصحــــت دنيـــانه بالهم غيمت
ــــــــــــــــــــــــــــــــ
غاب صوت المصطفى عن فاطمه
وابّغيابه ام الحـــــسن متـــــــألمه
والدمع بـعيونـها اصبـــــح دِمـــــه
يعني من هسه الضلوع اتهشمت
ــــــــــــــــــــــــــــــــ
اليوم كل شيعي دليله ابــهـــمه ذاب
وجينه ندعي بـالعزه ابثـگل المصاب
يمته مهدينه يعود إمن الغياب
اجروح بينه ابغيبته لا ما شفت
——--------
حيدر بشار الدراجي
"
▪نرفع أسمى آيات الحزن والعزاء لمقام مولانا صاحب الزمان (عج) ومراجعنا العظام ...
▪وجميع شيعة أهل البيت عليهم السلام بمناسبة ذكرى إستشهاد الرسول الأكرم محمد صلى الله عليه وآله وسلم ...
🏴 أعظم الله أجورنا وأجوركم بهذا المصاب الجلل
🏴
انته نبينه وغالي عدنه___عنك ابد لا مابعدنه
بدربك مشينه____ها يا نبينه
لا مابعدنه
_______
انته غالينه وانته والينه واحنه عن دربك
ماتخلينه
غيرنه العافك بگلبه ماشافك الحارب العتره
واليعادينه
مني خل يسمع حچيه ماينفع اني مااجامل
كلمن ودينه
اليذبح احسينك اشجابه يم دينك وكلمن يتبعه
لايحاچينه
والي حفظ منك وصيه ____هذا التبع عترة نبيه
بنفس السفينه ____هايانبينه
لامابعدنه
_______
احنه خدامك واحنه ايتامك سيدي رحنه
فدوه لجدامك
انته ابو العتره اوالد الزهره انعشگك وكلنه
عشنه الامك
ياجرح بينه _حاشه ناسينه نذرف الدمعه
لهايه ايامك
نشعر شويه الليله لطميه كون نطبرها
الهامه گدامك
تستاهل الدمعه النهلها ___هايابعد عيني واهلها
غالي علينه ___هايانبينه
لامابعدنه
_______
عاشگك هايم _وتعرف الوادم _كون اجي ابصحنك
سيدي خادم
عشگي سواني عابس الثاني بحبك اتجنن
عشگي الك دايم
يمته اجي لبابك واشبگ اعتابك_بشتياقي اني
ربك العالم
كون اشم عطرك _بگبرك اتبرك هايه امنيتي
ياابو القاسم
بس كون اكحل عيني يمك__واوگع على گبرك واشمك
واشگد دعينه ___هايانبينه
لامابعدنه
________
احنه من دونكوداعة اعيونك_كلشي مانسوه
دينك احيانه
دينك النعمه __يانبي الرحمه _ بالعدم چنه
وهوه سوانه
العايش بخيرك مايحب غيرگ وسيدي فضلك
والله غطانه
الله اكرمنه _ وبيك انقذنه _ وثبت اسلامك
وشيد اركانه
شكراً جزيلاً يامحمد ___بيك احنه صرنه الله يشهد
بيك اقتدينه __هايانبينه
لامابعدنه
________
نسئل الباريوالدمع جارييمته وبصحنك
نرفع الرايه
بجية القائم __تگصد الوادم _وتعتني لگبرك
كلها مشايه
ندعي بالدمعه _بداعة البضعه _ربي سهلها
وتعرف الغايه
يم ابو القاسم نجتمع لازم كلنه وبصحنه
نسوي القرايه
هذا حلمنه ويمته يبدي __يتحقق بجيتك يمهدي
شاهد بچينه ___هايانبينه
لامابعدنه
_____
✍️احمد علي البغدادي
اتنوح البتول. الفگد الرسول
ودم تنزف الآيات
اتنادي محمد مات
الفگد الرسول
**
ناحت الافلاك كلها. وحزنت املاك السمه
والبقيه في حياتج كلها نادت فاطمه
اليوم من عظم المصيبة. محني حماي الحمه
وعالوجه جبريل يلطم. والمدينه مظلمه
السبع الشداد. سوت حداد
وبالدمعه والحسرات. اتنادي محمد مات
*
فاضت المختار روحه. ونكسر كلب الحسن
وكله يا جدي بغيابك. بينه شيسوي الزمن
ونام الحسين اعله صدره. بلهفه ودموعه جرن
وعالنبي من ون دليله. العرش وي حسين ون
حان الوداع. وحل الضياع
وتتعثر الجلمات. اتنادي محمد مات
**
انهدمت الأركان كلها. وضهر الإسلام انكسر
والأرض نادت محمد. سيدي اجل السفر
ضلت اتنوح اليتامه. والدمع مثل النهر
وفاطمه الليله حزينه. وعالنبي همها كبر
اهواي الجروح. والمن تروح
والتمت الاهات. اتنادي محمد مات
**
زينب اتودعه بحزنها والمدامع هامله
اتكله يا جدي برحيلك. يا جرح نتحمله
كسر ضلع امي الزجيه ليش كمت اتخيله
وانه ما ادري بجفاها. اشراح اشوف بكربله
بهذا الزمان. ضاع الامان
وشتدت المأسات. اتنادي محمد مات
****
انتقل لله محمد. والصبر مل الصبر
وعالنبي سلمان يصرخ. والكلب يلهب جمر
هوه نور الله وكماله. والسمه بي تفتخر
اشلون ابو الهادي يعالم. أسأل ايضمه الگبر
عگب الحبيب. ازداد النحيب
ورتفعت الصرخات. اتنادي محمد مات
**
تمت
تحسين الخفاجي
الان توفرت خدمة رفع القصيدة كنغمة في حالات الفيس بوك والانستا واليوتيوب والتيك توك
للتواصل واتساب 07732320742
@ahmed_alziwar0
ياناگه هِمّي بممشاچ و الكربله ودّيني
الولياني مشتاگه هواي حيل البُعد ماذيني
ياريت يَمهُم ياريت ماخذني موتي تمنّيت
***
ماصدّگت راح الضّعن للطّف يرد
وأرجع لخوتي وأنسه لوعات البُعد
دگّات گلبي اتزّايدن وبحزني أشد
ياناگه هِمّي الممشه راح الهُم أرد
ما أدري ياناگه شراح الهُم أسولف باچر
عن يامُصيبه وياظيم من ظُهر ذاك العاشر
لگبورهُم لو ردّيت ماخذني موتي تمنّيت
حي البُعد ماذيني
صوت ابن أخَيي ينادي الي ياعمّتي
و أنظر سوه تلاگن دمعته ودمعتي
ناشدتّه يازين العِباد ابونّتي
ياعمّه صح راح أرجع الطّف اخوتي
جاوبني وتهل عيناه دمعة حزن مذبوحه
مكسّره بصدره العبرات تتزّاحم ويه جروحه
وبوجها ساعة صدّيت ماخذني موتي تمنّيت
***
ماغفت عيني الليل لا نوحي سكن
السّاعاته أحسب لمّن اتعدّه وگضن
ياعَمّه گلّي الوالدك شحچي لون
ينشدني شو ماجت رُقيّه ويه الضّعن
شحچيله بالشّام هناك هالطّفله خلّيناها
بذيچ الخرابه اعله الرّاس من ماتت ادفنّاها
وبالباقي ليك تعنّيت ماخذني موتي تمنّيت
***
رحت ورجعت من اليسر بجروح أَشَد
عن طفلته ابن أُمّي شجاوب لو نشد
لا أبو لا عم لا أخو اليمها گعد
موحش عله ابنيتي يزينب هالبلد
يأم الحزن ليش وياچ هالطّفله ما جبتيها
وبگبر واحد ويّاي يازينب ادفنتيها
لبنيتي يختي شتاگيت ماخذني موتي تمنّيت
***
ويّاي روس أهلي جبت للطّف سوه
بس لا هوادج لا حُـــماة ولا لوه
بريتي أنفاسي اختنگت وضاگ الهوى
حين التّراوتلي بوادي نينوى
هاج الحزن بيّه وعاد منظر حسين الضّامي
بگلبه السّهم لمّن طاح عيناه تصد لخيامي
يبن أُمّي صحته وناديت
ماخذني موتي تمنّيت
***
بكل حيلي للتّل اركضت و أنده اله
لخيامي اجت الخيل تركض مجبله
انچانك حَي الحگ الخدر انوله
خويه وبناتك فرّن بوسع الفله
جاوبني رك حيلي وباد يازينب وتدريني
كل جرح بيّه تلچمين من أسمع تندهيني
حَي خويه بعدك لوميت
ماخذني موتي تمنّيت
حيل البُعد ماذيني
***
الشّاعر
أبو سجّاد الجعفري
/channel/sheia
عند رجوع الضعن من الشام الى كربلاء نظرت السيده زينب ورمت بنفسها على قبر الحسين من على ظهر الناقه وبدأت الحكايه
يا حيرة ام عـــــون
يا حيرة ام عــــــون
_•_•_•_•_•_•_•_•_
ردينا بطلاع الروح بدموع وحجي مثلـــــم
يبعدنه الوكت يحسين ولراسك نجي ونلتم
مهضومه اختك من الشام تعبني الدرب والهم
ودتلك رقيه وياي ثوب امطرز من الـــــــدم
خويه الامانه التوصيني بيهــــــــــا
رد منها نيشان يلجمك عليهــــــــــا
ماتت غريبه اعله الطشت
جازاها بالراس الوكــــــت
احجيلك شلــــــــون يا حيرة ام عـــــــون
@@@@@@@@@@@@@@@@
خويه البينا ما ينگال يحسين السكوت احسن
ذبحك والسبي وفرگاك كلهن بختك التمـــــــن
هم صارت گبل يحسين نسوان لقصر طبـــــن
راحن عنك محدبات وبنفس الوضــــــــع ردن
يوم اربعينك وجنك خواتــــك
بعيوني يحسين جبتلك بناتك
تعبني يحسين الـدرب
مشاني وي وادم غرب
ابچي ويضحكــــــــون يا حيرة ام عـــــــــون
@@@@@@@@@@@@@@@@
عفتك عالرمل مطروح ما نزلتك بگبـــــــرك
عالناگه وشفت يحسين حافر طابع بصدرك
سكته وگلبي صاح عليك مجبوره اختك تعبرك
لو ميته بهذاك اليوم من قبلتك بنحــــــــــــرك
لا بيدي عفتك ولا من رضاتي
لو بيدي اجيلك وفيي بعباتي
كل ما شفت راس الرمح
بدموعي يحسين انذبح
وبجيلك عيــــــــون. يا حيرة ام عـــــــــون
@@@@@@@@@@@@@@@
وصلوله الخبر عباس خل يتلگه ضعن اخته
اول مره دمعي يطيح وشكيله ويضل سكته
خافن مستحي اعله الماي خل يرجعلي عاذرته
عندي اوياه سوالف شوگ گلوله العتب عفته
گلوله زينب لفت من سبيها
وتريد اخوها التكفل حديها
مكسورة الخاطر لفت
واحد يفز يهل البخت
ويشوف المتــــــون يا حيرة ام عـــــــون
@@@@@@@@@@@@@@@@
الخادم
كريــــــــــم الابراهيمي
هاي زينب لو بوفاضل هاية
جنها حيدر بيدة شايل راية
ــــــــــــــــــ
هذا تاريخ الذكر أعظم مرة
وارثة الزهرة الزجية الطاهرة
هية ستر الله وأميرة مخدرة
بيها الحسين وشجاعة حيدره
للشجاعة البيها نزلت اية
جنها حيدر بيدة شايل راية
ــــــــــــــــــ
هية شيخة هاشم ونعم النعم
خافت بخطبتها أشباه الزلم
صمدت كبال المواقف بالعزم
الله سددها وابد ما تنهزم
ما يصدعون الجبل بحجايه
جنها حيدر بيدة شايل راية
ــــــــــــــــــ
رجت اركان القصر لمن حجت
وكل طواعيت الزمان تخورست
ما بجت عين العدو هية البجت
من صبرها الدنيا كلها تعلمت
للصبر ام الصبر وفاية
جنها حيدر بيدة شايل راية
ــــــــــــــــــ
جنها كعبة وبت أمام وبت نبي
ذلت وقهرت عدوها الناصبي
ثورة الله انتصرت بهاي العبي
حطمت صرح الغدر والأجنبي
زينب انتصرت وسيلة لغاية
جنها حيدر بيدة شايل راية
ــــــــــــــــــ
هية مشروع الله بعد الطف صَدر
كملت هاي المسيرة من النهر
هيبة الله وجن علي فارس مظر
من حجت ليها استمع حتى الحجر
كل حجر ليها انفجر وبماية
جنها حيدر بيدة شايل راية
ــــــــــــــــــ
هية الانتصرت رغم ذاك التعب
بالقصر حيدر علي لمن خطب
يسكت الطين ولمن يحجي الذهب
مو عجب لهل الكهف منها العجب
يامرة الشافت رزايا هواية
جنها حيدر بيدة شايل راية
ــــــــــــــــــ
هدمت باطلهم وذاك الصنم
كل عبيد السطلة واتباع الخدم
نكست رايتهم ورفعت علم
ثبتت بالدنيا رايات القيم
نصبت بأرض المعارة الثاية
جنها حيدر بيدة شايل راية
ــــــــــــــــــ
الشاعر زين العابدين الشمري
الى امي وكل من فقد امه
وليحفظ الله الباقيات
رسم بعيوني والدتي شلتها
تون وياي وهمومي شلتها
تصير اغطاي بالعله شيلتها
وتزيح الظيم ريحتها النديه
....
ولاغير السواد ابدن حلالهه
روحي والحزن بعدك حلالهه
الناس الذهب تتمنى حلالهه
ونه تمنيت بس وصلك اليه
........
اصيح وماترد ليه يلمعين
بعدهي رسومك بعيني يلمعين
الدمع تدريه ياذيني يلمعين
شعجب خليتها ادموعي سريه
.......
ابوكاظم الحمداني
/channel/Hmzzai
ثقتي بربي تكفيني:
جم حسن عدنه بحسن
سمتَّه جفوف الفتن
وشاهد بهاي الزمن
//////::::::://////////::::::::://////////::::::::://////
١=
نبدي من اول حسن لو نبدي بعده
خلنه نبدي بقصت السمته جعده
القصه معروفه وحجاهه النبي البنته
كلهه ابنج ينقتل مسموم جبده
وتخلص ايامه محن
وبعده ينسم جم حسن
وشاهد بهاي الزمن
////::::::://////////::::::::://////////::::::::://////
٢==
وبربيع الأول انعادت القصه
انكتبت العسكري يجرع كاس غصه
بالسجون المظلمه وسممو جبده
وخلو المهدي اليتم صاراله حصه
ويدفع ادموعه ثمن
من بعد موت الحسن
وشاهد بهاي الزمن
////::::::://////////::::::::://////////::::::::://////
٣===
ناس ما بيهم رحم لا دين عدهم
كل وكت عالعتره متزايد حقدهم
ما رعو حق النبي ولا حق وصيه
جم حسن سممو ضيعنه عددهم
عيون ابو صالح عمن
كل وكت دافن حسن
وشاهد بهاي الزمن
////::::::://////////::::::::://////////::::::::://////
٤====
ضنهم ايطفون نور العسكري بسم
ما درو نوره يطب كل بيت مسلم
الله رافع شانه غصبن عاليبغضه
والدليل بصورته الأملاك ترسم
صورته بجنت عدن
يا سلام اعله الحسن
وشاهد بهاي الزمن
////::::::://////////::::::::://////////::::::::://////
٥=====
الامس حاكم جان سامره ابغروره
وحاسب الدنيا تدوم الحكم جوره
خل يجي وينظر القبر العسكري اليوم
ويحسب اعداد الموالين التزوره
وجم مناره بالصحن
صارت الأغله حسن
وشاهد بهاي الزمن
=========================
✍️🏻 كلمات #موسى_الخادم 2025
/channel/asaadshake
ابأَرض سامراء مَوْعِد للعَزِيَّه
بالإمام العسكري انواسي الزِّچيَّه
لكِ العزاء يافاطمه...لكِ العزاء يافاطمه
........................................
كل سنه انجدد عهد...واحنه اجينه اعله الوعد
لرض سامره نزور الهادي وابنه
بالقلوب الصادقه...انشوف هاي الأروقه
صُفَت مَلجَأ للنُّفُوس المُطمَئِنَّه
ابشوگ نِتعَنَّه الرِّحاب العسكريين
اتنادي مَولاهه الحَسَن هاي المُعَزِّين
ياوِلينه ابخِدمِتَك خِدَّام الحسين
نرجو بالخِدمَه رضا الباري ونَبيَّه
بالإمام العسكري انواسي الزچيه
لكِ العزاء يافاطمه....لكِ العزاء يافاطمه
......................................
بالحَسَن وباتَمَه...انواسي أمَّه فاطمه
انريد نجبر خاطر الزهره الحزينه
ويلي سَمَّوْ چَبدِتَه...والله صعبه امصِيبِتَه
والإمام المُنتَظَر الله يِعيِنه
ينحب الغيبة أبوه ويجري الادموع
حَگَّه وافراگ الغوالي يحني الاضلوع
ايصيح يابويه ودِلِيله ابفگده مَفجوع
واجب اعلينه الحزن هاي المسيه
بالإمام العسكري انواسي الزچيه
لكِ العزاء يافاطمه....لكِ العزاء يافاطمه
............................................
السيِّده نرجس تون...والگلب مَملِي حزن
وعينها اتصب الدمع جمره اعله الاخدود
واحنه من هذا الصَّحن...نندب وننعه الحَسَن
وننتحب بدموعنه وبهدومنه السُّود
نِفزَع ابحسراتنه وبالصَّرخه والنُّوح
واليِهَيِّج كل حِزن وايزيد الاجروح
كل عزاء انصيح واويلاه يَمذبوح
كل مُصيبه هَوِّنَتها الغاضريه
بالإمام العسكري انواسي الزچيه
لكِ العزاء يافاطمه....لكِ العزاء يافاطمه
...........................................
بالمجالس نلتقي...وبالخِدامَه نرتقي
وغير أهل البيت ماعدنه وسيله
عن عقيده وعن وعي...ايبارك الله ابهالسَّعي
ولو نقدم ارواحنه ابحقهم قليله
ونسأل الباري ابعلينه وعسكرينه
ربنه كون ايديم هالنّعمه علينه
نعمة الخدمه كَنِز مابين ادينه
حگنه من نتباهه دنيا وآخريه
بالإمام العسكري انواسي الزچيه
لكِ العزاء يافاطمه.....لكِ العزاء يافاطمه
..........................................
تدعي واتنادي المُهَج...ربنا عَجِّل بالفرج
أهَم مِن كل حاجه هاي الحاجه عدنه
حيل طالت غيبِتَه...واحنه ننطر جَيِّتَه
ولابد المهدي يجي وبيهه اعتقدنه
واحنه من بيت الأمان الليله صِحنه
مانسينه احزانك وجرحك جَرِحنه
ابذكرك احنه ابكل مِسِيَّتنَه وصُبحنه
نرجو دعواتك يَبن سيد البَرِيَّه
بالإمام العسكري انواسي الزچيه
لكِ العزاء يافاطمه.....لكِ العزاء يافاطمه
سيد علي الموسوي
استشهد الامام الحسن العسكري ع
.
الحسن مضلوم واويلي
:::::-----:::::
عمت عيني يغالي حيلي هديته
على فراك وهجر لا وين تاليته
ويكلبي للدفن بجفاك وديته
تره فكدك هدم حيلي
.:::::-----:::::
الحسن مضلوم يا عالم مثل جده
صبري اعليك يصعب ينوصف حده
يغايب طال صبري شكثره يا بعده
ماغمض جفنها ولانمت ليلي
:::::-----:::::
وصبرنه اهوايه لاجن مانفع ذره
شكثر ون بدليلي صار والحسره
كلب مكسور تدري الكلب شيجبره
اشوفك كل وكت مولاي توحيلي
:::::-----:::::
ذبل عود العمر والحيل مترادي
عله امصاب الامام وخلفت الهادي
عله حزني بقيت ونفس محتادي
افزمن نومتي بهموم تحجيلي
:::::-----:::::
نعصر كلبي مثل عصرات ضلع امك
اسولف بالحلم لمن خلص نجمك
يوحيلي بحلات انوم اشوف اسمك
مصايب بس اغمض بدت توميلي
:::::-----:::::
الزمان شلون ضالم غيير الواني
اخذ من الغوالي الوحدي خلاني
ويا دمي التعيش بوسط شرياني
ياعيني بدمع لفراك دم سيلي
:::::-----:::::
حسن صالح العيساوي
آجرك الله يامهدينه
والعسكري اليوم غمضت عينه
...
عظم الله الاجر يبن الحسن
والحسن هاليوم ملفوف بجفن
الذهب وسفه بالاتراب اندفن
والجبد مسموم وامكطعينه
....
مات ابوك وماتت احلام العمر
ابعامك الخامس يمهدي وتنكسر
خيمه عينك صارت ودمعك جمر
وفاجعه التجويك هم تجوينه
...
ضلمه عمرك غابت اليوم الشمس
يايتيم ومحد بحالك يحس
الدنيه ليش اوياك دارت بالعكس
الناس صلفه وحقك امضيعينه
....
الدنيه ليش اتبيع بيك وتشتري
وانته ذاك الهاشمي والحيدري
يالدفنت الروح وي العسكري
والكلب حزناً ترف جنحينه
...
اليوم سامره بسواد اتوشحت
وشعلة الايمان والحك انمحت
المناير والمنابر صرحت
وسيعلم من قتل والينه
...
مشية المكسور صارت مشيتك
ويلي عالمسموم تصرخ دمعتك
يمكن الهاليوم تلطم هامتك
واحنه هم اعله الحسن لطمينه
...
كل عزاء ايصير نجريلك دمع
وجوه خيمتكم يغايب نجتمع
يمته يبن العسكري نورك يشع
عجل الله بالفرج نادينه
...
#اللهم_عجل_لوليك_الفرج
#محمد_الجماسي
قصيده للامام الحسن العسكري عليه السلام
ليلة دمعه وليلة آه ابن الهادي فارگناه
مسموم مودع دنياه مسموم مودع دنياه
★★★★★★★★★★★★★★★★★★★؛
ليلة حسره وليلة فرگه وليلة هم
گلب الموعود هواي الليله تألم
مفارگ والد بيه كل شيعي يتشيم
مسموم من ارجس خلق الله الما ترحم
نعزي الموعود الليله مهضوم ودمعه يسيله
كاسر ظهر ابنه بفرگاه مسموم مودع دنياه
★★★★★★★★★★★★★★★★★★★؛
شاف المظلوم شگد آهات بعمره
من موطن جده وجابوه السامره
من محنه المحنه يجاهد خلص دهره
ما شاف الراحه وچانت دنياه مره
ظل يعاني من الظلّام الما عدهم ذرة اسلام
عالمسوم اصرخ ويلاه مسموم مودع دنياه
★★★★★★★★★★★★★★★★★★★؛
جبروه يقيم ابيت تحيطه العسكر
وممنوع الشيعه تقرّب صوبه وتحضر
لكن رقم كل العذاب اليقهر
ادّه الرساله وبالعلم ما قصّر
قدّم كلشي لاجل الدين كمّل دور اهله الطيبين
الوجه الباري عمره افناه مسموم مودع دنياه
★★★★★★★★★★★★★★★★★★★؛
غمّض عينه وعاف الشيعه تون وتنوح
بين اليطلم عالراس وبين المجروح
كلها تنادي يبن الهادي وين تروح
شالوه الگبره بدمع العين المسفوح
مو مثل حسين العطشان مگطوع الراس وعريان
مطروح ومحد شالاه مسموم مودع دنياه
★★★★★★★★★★★★★★★★★★★؛
راح المظلوم الخانت بيه الوادم
ومات بسم قاتل من چفوف الحاكم
باچر يُسترجع حقه بچف القائم
موعدنه ويه المهدي ونقتل كل ظالم
موعدنه ويّ الموعود بس يظهر والكون يسود
يا يوم ونحظه بملگاه مسموم مودع دنياه
★★★★★★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
يغايب طالت الغيبه شوكت تظهر
نتمنه الوضع يالمهدي يتغير
**
يالمهدي تعال وشوفنه شبينه
من كثر المصايب تدري ملينه
مولاي العجل جم مره نادينه
ونتحمل بعد شوغات ما نكدر
****
يمته اتمر علينه ونسمع اخبارك
الك ثارات يالماتنسه ابد ثارك
بالسرداب نبجي ونصرخ بدارك
وبسامره ندعي والكلب مضطر
****
عنك بالنيابه اشكد تصدقنه
ويالمهدي بوجودك الله رازقنه
يالغايب تعبنه ونوخذ حقنه
الك يبن الحسن كل يوم نتحسر
*
امن بالرسائل من نوديها
الخيانه اتلوح بابك ما نخليها
وهاي انصارك اتشد الضهر بيها
كل شيعي النصرتك سيدي اتحضر
**
حل عصر الفتن واختلفت الوادم
واليسلك طريقك هذا مو نادم
كلها تصيح يمته يضهر القائم
غزتنه اهل النفاق وهمنه ضل يكبر
**
يالمهدي تعال وانشر الرايه
مشتاكين تدري الوجهك اهوايه
يبو صالح شفت ما بيه الكفايه
تبجي دموم جاي وبالارض تفتر
**
يمته يابو صالح يشفن اجروحك
حمام الدوح يسكت لو سمع نوحك
سبي عمتك يغايب ياكل بروحك
وعالزهره تون والصدر المكسر
**
تمت
تحسين الخفاجي
"
▪وَمَا مُحَمَّدٌ إِلَّا رَسُولٌ قَدْ خَلَتْ مِن قَبْلِهِ الرُّسُلُ ۚ أَفَإِن مَّاتَ أَوْ قُتِلَ انقَلَبْتُمْ عَلَىٰ أَعْقَابِكُمْ ۚ وَمَن يَنقَلِبْ عَلَىٰ عَقِبَيْهِ فَلَن يَضُرَّ اللَّهَ شَيْئًا ۗ وَسَيَجْزِي اللَّهُ الشَّاكِرِينَ
#28صفر
#استشهاد_النبي_الأعظم "
#عظم_الله_اجوركم
🏴
شهادة رسول الانسانيه مسموماً😔🥀
تهمل أدموع المصيبه٠٠٠٠٠٠٠٠٠٠٠آ يبويه
عايف أبنيتك غريبه٠٠٠٠٠٠٠٠٠٠٠٠آ يبويه
بويه يالفگدك عذاب
أجرع اشلون الغياب
آيبويه٠٠٠٠٠٠٠٠٠٠٠٠٠٠٠آ يبويه
*
ماأصدگ شلون ترحل عني وتغيب
راسي بِغيابك تحول كله شيب
شكثر وَنَينه عله فگدك يا لحبيب
حته عرش الله سمع ناله نحيب
نبجي انه والحسن٠٠٠٠٠٠٠٠٠٠٠دمع الرزيه
حسين عبراته جرن٠٠٠٠٠٠٠٠٠٠دمع الرزيه
ياأبو الروح الحنينه
دارت الدنيه علينه
آ يبويه٠٠٠٠٠٠٠٠٠٠٠٠٠٠آ يبويه
*
الحنان أبروحتك راح امن اديه
صفى بيتك موحش ومضلم عليه
بويه تدري ابغيبتك شتسوي بيه
تزيد آهاتي و تضل ونّتي خفيه
والله مودنيه عجيبه٠٠٠٠٠٠٠٠بلايه رحمه
عاملوني چن غريبه٠٠٠٠٠٠٠٠٠بلايه رحمه
زهرتك شبعوني أذيه
صرت أترجه المنيه
آ يبويه٠٠٠٠٠٠٠٠٠٠٠٠٠٠٠آ يبويه
*
بويه بنتك مارعوني ذوله لصحاب
بدل ميعزوني اجوني حرگو الباب
تجمعوا كلهم عليه و اهلي غياب
فقط بس لباب اليه اصبح احجاب
بالغدر جمعو حطبهم٠٠٠٠٠٠٠٠بعتبت الدار
وگـــع طفلي وبسببهم٠٠٠٠٠٠٠بعتبت الدار
لذت خلفه للستر
ونبت بسمار الغدر
آ يبويه٠٠٠٠٠٠٠٠٠٠٠٠٠٠آ يبويه
*
بلا رحم هدوا عليه اهل السقيفه
وبالحقد داسو على لعتبه لشريفه
الثاني هوه اللي عصرني وأخذحيفه
ماتكفه ابكسر ضلعي ودم نزيفه
تجاسر اعليه وسطرني٠٠٠٠٠٠٠عله عيوني
بضربته للكاع ذبني٠٠٠٠٠٠٠٠٠عله عيوني
بلا ذنب هجمو عليه
حيل جرعوني الاذيه
آ يبويه٠٠٠٠٠٠٠٠٠٠٠٠آ يبويه
*
انضر الحيدر جمر دلالـــــه صاير
حيل چتفــــته الوصيه وبيها حاير
بالحقد دارو عليه داير مـــــــــداير
ينظر اعليه اشوفه ودمعــــــه فاير
غصبوا الحق من علي٠٠٠٠٠٠٠اهل السقيفه
مارضوا يصبح ولي ٠٠٠٠٠٠٠٠اهل السقيفه
من دره حيدر صبر
گام يتجاسر عمر
آ يبويه ٠٠٠٠٠٠٠٠٠٠٠٠٠آ يبويه
*
خادم الزهراء ص
✍️ ياسر الزيادي
قنواتنا
https://t.me/h_ameer1 /channel/h_ameer2
/channel/h_ameer3
/channel/h_ameer4
وداع الزهراء و النبي محمد ص
انشد ولا خليت واحد
شصاير يمن بالروح گاعد
يابويه اول مره هايه
ملگاك هيج يصير بارد
يالعلمتني شلون بيه
كل ما اجيك تشم اديه
شو هسه مدري شصار بويه
متگوم تتلگه الزجيه
اخ ياشلعان گلبي وياجرح ليل الضلام
بويه محتاجه لحنانك فكلي حضنك ارد انام
يا سلام الباقي ليه وطايح اگبالي السلام
يابويه يابويه
،،،،،،،،،،،،،،،،،،،،،،،،،،،،،،،،،،،،
فراگك ولا بياش حيله
من البجي نگعت الشيله
ابنيه من ايموت ابوها
لا والله ماترتاح لليله
يالفرگت عيونك هضيمه
والروح من بعدك يتيمه
ترجعلي لو مابيك جيه
دنياي صارت جنها هيمه
يالرحت من بين اديه خلاف وجهك امشي وين
الموت موطلعان روح الموت من تفگد حنين
بعد يابيت اليلمني اتطشرت كل السنين
يابويه يابويه
،،،،،،،،،،،،،،،،،،،،،،،،،،،،،،،،،،،،
شتگول لو نرجع سويه
لو رحت بويه وهاي هيه
جا ليش ماتاخذني وياك
شمتانيه ابروحي المنيه
حاجيني بيش يسكتوها
ابنيه من اتريد ابوها
لا يا ابو الزهراء صعبه
تتعثر ابنيتك لگوها
لو حلم سير عليه ولاتهد روحي بجفاك
يالرحت خليت حيدر يركض مهدل وراك
وين رايح يابو عمري امده الموت الخذاك
يابويه يابويه
،،،،،،،،،،،،،،،،،،،،،،،،،،،،،،،،،،،،
يالگتلي اوصيج ابوصيه
يبنيتي لا تبجين اليه
يابويه اعرف قصدك هواي
كل البجي اعله الغاضريه
باجر يضل حسين ثاري
مذبوح فوگ الرمل عاري
والجثه تسحگها الحوافر
ونار الخيام اتصير ناري
باجر انه انشر قميصه وبالسمه يصير الونين
منذبح وبعيني اشوفه ابقه اصرخ يا حسين
لا اخو اليبقاله وسفه وعالنهر توگع ادين
يابويه يابويه
ابوفايز الرافضي
يحسين لو صار الگبر داري
محتاجك إبگد رحمة الباري
غيرك ما إلي . يا ثالث ولي
محتاجك بگد رحمة الباري
ــــــــــــــــــــــــــــــ
لو ملك الأجل قابض إجـه وسل روحي بيده
وإبنادم تــــره غير العمل محــد يفيـــــده
وآنه إبلا عمل جيت إبطرگ دمعــه وقصيـده
وأدري بخدمتك هي الامل يبـــن الصميــده
لو ودعوني صحبتي وناسي
اقسم عليك بآخر انفاســـي
بولاية علي . ياثالث ولي
محتاجك لگد رحمة الباري
ــــــــــــــــــــــــــــــ
لو لفو علـــي خام الچفـــن وأنوو دفنتي
وراحو كل هلي وخلوني بـس آنه وحفرتي
محتاجك ضــوه يابو علــــي إتنور ظلمتي
ليل المگبـــره مــاينسكــن إرحم غربتي
إبليل المگابر ذاك وأشباحــه
وجهك أريده إيضوي مصباحه
وخوفي ينجلي .ياثالث ولي
محتاجك بگد رحمة الباري
ــــــــــــــــــــــــــــــ
لو خدي إنوضـع فوگ الرمل رايد وجـــودك
مو تدري العمر دمع ولطـم راح اعله مودك
خيمه وتنهـــدم جنة عـــدن لو ما عمــودك
والنار التجـــي يم خادمــك يطفيهه جـودك
چم مره إجيتك للگبــر زايــر
معقوله أبقه إبوحشتي وحاير
ترضه انولي . ياثالث ولي
محتاجك بگد رحمة الباري
ــــــــــــــــــــــــــــــ
آنه ادري الدمع يصبح شمـع يبن الزجيــه
وكل جرة نفـس مـن خدمتك محسوبه اليه
إبضغطات الگبر ياسـيـــدي هــتون عليه
إبجاه المرتضـه وحب فاطمه ودمع السبيـه
والدمعه هاي المستعز بيهه
عالنار إذا طــــاحت تطفيهه
وأشلون اصطلي . ياثالث ولي
محتاجك بگد رحمـــة الباري
ــــــــــــــــــــــــــــــ
لوجرني الذنب للهــاويــه والنار اجتنـي
اصرخ ياعلـــي ويافاطمــه كلما چوتنــي
وانصب مأتمـك حته إبسقر يالجنـنتـنـي
ماعوفك ابـــد لا ياجــرح يالعدبتنــي
كل خادم إيذلونه اسيــاده
بس اليخدمك عاليه امجاده
وراسه معتلي . ياثالث ولي
محتاجك بگد رحمة الباري
ــــــــــــــــــــــــــــــ
ادري إبمنبــرك صيوان إلي باچر اشوفــه
ظامي ومجلسك مثل النهـر وإشلون أعوفه
إسمي بعالمـك يا سيـــدي ذابت حروفــه
عبدك والعبــد من شيمتك تترس چفوفـه
خلي يمك للأبــد خـــادم
وجندي اصير بدولة القائم
سجل مايلي . ياثالث ولي
محتاجك بگد رحمة الباري
محمد الجماسي
#اللهم_عجل_لوليك_الفرج
بصوت. مسلم المطيري
ياناگة همي بممشاچ والكربله وديني
كلمات الشاعر
ابو سجاد الجعفري
الأربعين
يَـحسين اجيتك يا ذبيح الغـــاضريّه
زينبكم آنه الـــــ علـهزل راحت سبيّه
............................
زينب واجيتك خويه يا هيبت خواتك
عنك رحت غصبن عَلَـيّ خويه وغلاتك
من الهضم ماتت تره اثنين ابــ بناتك
خوله العزيزه و فتشت اعيونك رُقيّه
............................
شحچي وشسولف خويه من بعدك ولونه
حرگو خيمنه وعلــهزايل رچبونه
بين الزلم وسط المجالس وگفونه
شتمو ابونه وعنّـه گـالو خارجيـــه
............................
شلونچ اذا تسئلني ما ظل خويه كل لون
من نظرة الشمات الي ومن طگ المتون
ابسوط اعله شفتك شاهدت يتجره ملعون
ردت اشگف السوط وُ وسف مچتوفه اديه
............................
ابـعاشر محرم ماتت احلامي و سنيني
والحز وتينك ياوسف ما حز وتيني
هاي اربعينك هلـ اجت مدري أربعيني
آنه العليك انحب واحس تنحب عليه
............................
جبنالك الراس الذي فوگ القنا انشال
مگطوع بس بعيونه ظل ينظر للعيال
يبچي اشكثر لمن يصد بچفوفي الحبال
دمعاته من فوگ الرمح للهاشميًه
............................
ياخويه هضم البينه مر ، مامر مثيله
گبلي انسبت يا هاشميه ويا عقيله ؟
حگك علي لو جفني الك يگطع مسيله
يلــ روحي يمك تعتني ابـ كل مغربيّه
............................
ودعتك الله وراح ارد صوب المدينه
يا اهل يثرب ينعه ناعيها ابولينه
الگه العليله اهناكه وام حادي الضعينه
واهناك اقيمـلّـك يبو اسكينه العزيّه
............................
بس عام اعيشن من بعد عينك يغالي
وبـكل مسيه اتصور الطف ابخيالي
بالشام اموت واندفن يا وسفه تالي
وابگبري ماظن تبرد النار السريّه
............................
سيد علي عبدالزهره الناجي
يالما تگدر تزور.. قلدني الزيارة
ــــــــــــــــــ
يالتخدم بطول النهار وليلك
قلدني يالعندك ظرُف اهديلك
اني الك خطوات دربي امشيلك
ويم الحسين بكربلاء ادعيلك
اني ادعيلك هناك.. .توصلك بشارة
ــــــــــــــــــ
ظرفك حكم هاي السنه ومو غاية
عندك مريض ومارحت مشاية
عنك نيابة اني اشيل الراية
شيعة علي ابيناتهم وفاية
امشي قربة لله… ما بيها خسارة
ــــــــــــــــــ
كل عبرة مرحومة بقلب مكسوره
وينظر حسين المايجيلة يزوره
يالخادم اعرف حسرتك ماجوره
من ابو اليمة خدمتك مشكوره
اعرف هاية متبور… وي الله التجارة
ــــــــــــــــــ
روحك مشت قبل الجسد گدامك
من قبل ما تطلع مسير اجدامك
طلعت مشي من الجفون احلامك
كربلة قبلة والسواد احرامك
كعبة مشهد حسين.. گبة والمنارة
ــــــــــــــــــ
كل المشاعر ذابت من عيونك
فز الحزن غير ملامح لونك
يالما مشيت لكربلء خي عونك
اني بخدمتك بالدرب ممنونك
ابشر واني ممنون .. يالدمعك تجارة
ــــــــــــــــــ
اي نية بخلاص العمل مطلوبة
بدفتر حبيب اسم الگصد محبوبة
والعنده عذره والعذر مكتوبة
من بعد سلم تعتبر محسوبة
سلم من على الدار… محسوبة اعله دارة
ــــــــــــــــــ
كل سنه تمشي تعودت للغالي
ذاك الزمان وبالزمان الحالي
يالگطعوا ايدك والدموع تلالي
بفضل الله وبفضلك مشينة التالي
يالجددت الأحزان…. لحسين ومسارة
ــــــــــــــــــ
الشاعر زين العابدين الشمري
ياباعبدالله
يااباعبدالله
،،،،،،،،،،،،،،،،،،،،،،
فارگــــوني وسهل صار فراگي عــدهم
حتئ نفسي شثگله صاير مــــن بعدهم
انه عفــــــــــــــت الدنيا كلها وماعفتهم
شنهي احبهم انــه اشمهم شنهي احبهم
تعــب گلبي وكتلني الشوگ
اولا ليله الجفـــن مطبـــوگ
علئ احبابه الگلـب محروگ
كتلني الشوگ كتلني الشوگ
اموت احسلي امـوت ارتاح
يگلبي اسكـــت عزيزك راح
بعد مابيــــــــه حتئ صياح
عزيـــــزك راح عزيــزك راح
،،،،،،،،،،،،،،،،،،،،،،،،،،،،،،،،،،،،،،،،،
اه يروحي موتي كــــل العــــدي ماتو
شلون اعيش بدنيا عنها احبابي راحو
انسه كلشي وصعبه انسه اليمي چانو
اكثر مـــــن ابيوت اهلنه بگلبي عاشو
مشـو عنــــك يگلبي شلون
تضل المن ورئ اليمشـــون
ترئ احبابك بعـــــد يبطون
يگلبي شلـون يگلبي شلون
يگلبي اسكــت تدگ شبيك
بعــــــــد محـــد يفكـر بيك
حلم تلگـــه اليموت اعليـك
تدگ شبيــك تدگ شبيـــك
،،،،،،،،،،،،،،،،،،،،،،،،،،،،،،،،،،،،،،،،،،
اليله روحي تريــد اهلها وموتـه اهلها
شلون اسكت روحي بالله وشرد اگلها
الفرگه شده وشــــــــده محد يگدرلها
بليله وحده اعزازي راحــت عني كلها
شيرجعهم شبعـــــت فراگ
وحس حيلـــي يناس انباگ
چـــــذب مثلي بشر يشتاگ
شبعـت فراگ شبعـت فراگ
خلص دمعي وبچيـت الدم
وعلئ عيوني الحـزن ملتم
ورئ اخـــواني كتلني الهم
بچيت الدم بچيت الــــدم
،،،،،،،،،،،،،،،،،،،،،،،،،،،،،،،،،،،،،،،،،،
ياحبيبي الفرگــــه كلش تعبتــــــني
والشماته وليــــــه بفراگ ولتنــــــي
يابو الاكبر يگضي دمعك لو شفتني
ارد اموتن الدنيا بعـــــــدك عذبتني
يالفـــــــــراگك يهد الحيل
نهار ابچــــــي عليك واليل
عفتني المن رحــت للخيل
يهـــد الحيل يهـــد الحيل
يالمخليني بس اخــــيال
وأبد مااخطــر اعله البال
تمنيتـك تشــــوف الحال
بس اخيــال بس اخيـال
،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي