639
كل الخدم تنهان شفناها بالعين بس بكرامة تعيش خدام الحسين
الليله السابعه...
لمت عزه أو نزله
لأستشهاد الأمام العباس ع بمزج التراث
واويلي على العباس/واويلي على العباس
________________________
ياليلة العباس / بكل ليلة ماتنقاس
مانلطم أعله أصدور/ لازم ندگ عالراس
راسه أنشطر نصين / وأمگطع الچفين
بعينه السهم مكسور/ناده حزين أحسين
يزينب را أبو الغيرة / أجيتچ طايح بحيره
ياخويه تلگيني / ظهري أنكسر عينيني
أجيتچ طايح بحيره...
واويلي على العباس/واويلي على العباس
_______
راسه أنرمه بعامود/طاح العلم والجود
والرايه هم طاحت/ من گطعوا الزنود
عالمشرعه من طاح/جسمه أنطعن برماح
زينب عليه صاحت / خدري بوداعك راح
يعباس فگدك هضمنه / يعباس حرگوا خيمنه
واويلي على العباس/واويلي على العباس
_______
آه أعله زينب آه /مو هينه لا والله
راح الگمر عباس/ماظن بعد نلگاه
بحالتها مدري شلون/لوهالعده يعيلون
وتوليها هالأرجاس / وإعليها يتعدون
يالنايم أعلى المشرعه من نومتك گوم
يهنالك النوم
ماتگعد تسوي العليلك والحرم چاره
واويلي على العباس/واويلي على العباس
_______
من طاح أبو النوماس/طاح العلم والطاس
ظل وحده أبو السجاد / والتمت الأرجاس
حاير يدير العين/بلا ناصر ولامعين
همّه كثر وأزداد/من شاهد الچفين
عالمشرعه العباس صاب السهم عينه
أحا ياسهم البين /وأنكسر ظهر حسين
وأحنه أنگطع بينه ...
واويلي على العباس/واويلي على العباس
_______________________
الشاعر (أسعد قاسم الكريعاوي)
لمة عزه
يرتل كل فرض صوت المحبين
سلام الله وملائكته على حسين
حُسيناً وآحُسيناه/حُسيناً وآحُسيناه
_____________________
سلامي عالسكن بالغاضريه
على حسين الأبي وعباس أخيه
وعلى أنصارك بهاي المسيه
الحبيب أبعث سلامي والتحيه
وعلى سنينه الگضن خمسه وسبعين
سلام الله وملائكته على حسين
حُسيناً وآحُسيناه/حُسيناً وآحُسيناه
______
أذكرك في مسائي وفي صباحي
على مصابك كثر وني ونياحي
وعلى جروحك تظل تنزف جراحي
سلامي عالوفي الحر الرياحي
وبرير وعابس وجون الموالين
سلام الله وملائكته على حسين
حُسيناً وآحُسيناه/حُسيناً وآحُسيناه
______
صحابه أختارهم رب السماوات
مثلم بالوفاء أنشوف هيهات
سطروا بالدماء أعظم بطوالات
ونالوا بالوفه أعظم كرامات
شفاعة فاطمه وسيد الكونين
سلام الله وملائكته على حسين
حُسيناً وآحُسيناه/حُسيناً وآحُسيناه
______
أصحاب ويظل خالد ذكرهم
من الواجب علينه أحنه نجلهم
تمنيت أندفن أنه بكترهم
وأسمي ينكتب ويه أسمهم
وتجي وتزورني هاي الملايين
سلام الله وملائكته على حسين
حُسيناً وآحُسيناه/حُسيناً وآحُسيناه
______
بكل حب وأرادة وهمّه وأصرار
صاروا أيد وحده بوجه الأشرار
ضحوا دمهم وأصبحوا أحرار
أنصار الحسين ونعم الأنصار
منين الگه مثلهم بالوفه منين
سلام الله وملائكته على حسين
حُسيناً وآحُسيناه/حُسيناً وآحُسيناه
______
لجل أحسين نالوها الشهاده
يعرفون الممات أويا سعاده
وفه وأخلاص وأصرار وأراده
والعباس عــنوان الـــقياده
نطه عينه الوفي وأنطاه چفين
سلام الله وملائكته على حسين
حُسيناً وآحُسيناه/حُسيناً وآحُسيناه
______
اليخدمك ماخسر وأنطاك عمره
يظل طول العمر مرفوع قدره
وحتى بالگبر يختلف عطره
لأنك ياحسين أنته تحضره
ولو ما تحضره وين المفر وين
سلام الله وملائكته على حسين
حُسيناً وآحُسيناه/حُسيناً وآحُسيناه
______
يبو إليمه وحگ الزهره أمك
دماء الناس ترخص لجل دمك
نظل لآخر نفس أحنه نخدمك
بحاشيت الخدم سجلنه يمك
خِدامك يبو إليمه ومجانين
سلام الله وملائكته على حسين
حُسيناً وآحُسيناه/حُسيناً وآحُسيناه
____________________
الشاعر (أسعد قاسم الكريعاوي)
لمة عزه
لمسلم بن عقيل ع
يامسلم أتركهم غداره نعرفهم
غدروا قبل عمك علي~~~أرجع أرجع
_____________________
يامسلم الكوفة أبد منهم متسلم
غدروا قبل عمك علي وراسه تخذم
ولتأمن بذاك الذي بوجهك تبسم
والصله خلفك عافك وبعده مّسلم
لا لا تعاتبهم / معروفه شيمتهم
باچر يمسلم تنولي~~~أرجع أرجع
______
بالمسجد تصلي ولمن ترفع جبينك
لو سلمت لا يسره تنظر لا يمينك
صدگ مراح أتشاهد إلي أمبايعينك
وحدك تظل بس الله يامسلم يعينك
لوصافحت چفهم / أي والله تعرفهم
أنته العفيف أنته الولي~~~أرجع أرجع
______
لتصدگ بذاك الذي أنظم بصفوفك
ولتصدگ إلي عاهدك والله يعوفك
لو تنتفض ضدّ الظلم باچر يشوفك
يگودك لابن مرجانه ويكبل چفوفك
يامسلم أفضحهم/خل ينكشف سرهم
صيح اليضدنه يبتلي ~~~ أرجع أرجع
______
غدار إبن مرجانه لتصدگ عهوده
باچر عليك أيكثر الجيش وحشوده
ماتلگه بيهم واحد اليوفي بوعوده
بس طوعه تلگه إلي تضمك من جنوده
هالحرمه تسواهم/ تكشفت نواياهم
وصوت الوفيه يعتلي~~~أرجع أرجع
______
أرجع يمسلم والرسائل زوروها
باعوا ذممهم والضماير مارعوها
شنهو العذر لو جثتك باچر رموها
بالكوفة وبكل الأزقه يسحبوها
أي رحمه ماعدهم/باعوا ضمايرهم
بيهم حقد ماينجلي~~~أرجع أرجع
______
أفتح كتاب الله وأخذ منه أستخاره
وسلم على حسين الأبي وأقره الزياره
والظالم بحقك تره صدر قراره
قرر يذبك من على قصر الإماره
جهزوا جحافلهم / سلحوا عساكرهم
بالحق يظل صوتك علّي~~~أرجع أرجع
_______________________
الشاعر (أسعد قاسم الكريعاوي)
أساسية
حوار حميدة مع الحسين ع
عمي يحسين//تسأل حميده
والدي وين // الليله أريده
تأخر عليه______ومارد اليه
الليلة أريده // الليلة أريده
_____________________
عمي يحسين انه بت مسلم حميده
وين أبويه الراح بديار البعيده
إدعي رب الكون إلي بويه يعيده
مثل يوسف رايده مسلم تعيده
موعده طال//يمكن نساني
مدمعي سال//راح وجفاني
ونتي خفيه____ومارد إليه
الليلة أريده // الليلة أريده
______
ليلي ويه ونهار سهرانه بونيني
والصخر ذاب وتفسر من حنيني
لو شخص من والدي عنه يجيني
عمري انطيه وحياتي وكل وسنيني
ياهوه الهاب //مر على الغالي
گلبي مو ذاب//خبره أعله حالي
عيني ربيه_____ومارد إليه
الليلة أريده // الليلة أريده
______
من سمعهه حسين ظل يسعر لهيبه
ياحميده ونينچ الگلبي يصيبه
مايرد مسلم يبنتي من مغيبه
وخله بگليبي جرح يصعب طبيبه
وصلت أخبار //راح ابن عمي
وسجر النار //وزيدلي همي
جته المنيه _ومارد إليه
الليلة أريده // الليلة أريده
______
ليش اشوفك عمي حاير هالمسيه
ودمعه بعيونك يبو أليمه جريه
وتفعل أفعال اليتامه انته بيه
چنه مايرجع بعد مسلم إليه
ويه الأيتام // أمشي يسيره
وأدخل الشام//والحيره حيره
بعده سبيه _ومارد إليه
الليلة أريده // الليلة أريده
______
صاح لخته حسين زينب أحضرينه
وآسي هالطفله أصحبت يختي حزينه
راح ابن عمي وبعد ميرد علينه
بالغدر مسلم يزينب چاتلينه
مسلم وراح// من بين أدينه
بالغدر طاح //يختي الحزينه
تحمل أذيه___ومارد إليه
الليلة أريده // الليلة أريده
______
مسلم بدمه صنع أعظم سفاره
وحافظ اعله وصيت حسين أبجداره
ماخضع للضالم وغير قراره
وذبته الظلام من قصر الإماره
ظل الحسين // يكبد أبهمه
ودمعه بالعين //يجري ابو أليمه
صان الوصية ___ومارد إليه
الليلة أريده // الليلة أريده
____________________
الشاعر (أسعد قاسم الكريعاوي )
نزلة
العباس يخاطب مسلم ع
صاح الگمر صاح ///وينك يمسلم
صاح الگمر صاح ///وينك يمسلم
__________________________
هذا صوت أمن الشريعه من الكفيل الوالي
وينك ينادي يمسلم ظل مكانك خالي
والله لو موجود أنته يبن عمي الغالي
آنه أصير أعله يمينك وأنته عن أشمالي
أتمنه وياي /// وعالحومه نهجم
صاح الگمر صاح///وينك يمسلم
_______
أعرفك زين آنه أعرفك بالحرب أنته كلف
بخزره وحده من عيونك عالأرض توگع ألف
شگد تمنيتك تجيني بكربله چتف بچتف
حصد نحصد جيش أميه حتى لو يكثر ضعف
ونراوي الأعداء /// جمرة جهنم
صاح الگمر صاح///وينك يمسلم
_______
أنته لو ويايه بالطف الأرض بيهم تميل
والشمر وجيوشه كله عالقدم توگع دخيل
آنه أصيحن ها يمسلم وأنته تصرخ ياكفيل
ذوله سبعين ألف نشعر هالعدد عدنه قليل
مانحسب حساب ///بس ننظر الدم
صاح الگمر صاح ///وينك يمسلم
_______
أنته أبن عمي وعضيدي وللظهر أنته حزام
بيدك أتلبسني درعي وأنه أشد ليك اللثام
منهو هذا يگول نوصل نحرگ أعليهم خيام
نجعله مصباح عاشر ينگلب ضدهم ظلام
زلمه يسموا ///ألمن عدنه يسلم
صاح الگمر صاح///وينك يمسلم
_______
حسين قائدنه يمسلم آنه وأنته نبوس أيديه
والله أبد ميخيبه ضنه كلمن أتوكل عليه
حسين بس بيده يأشر سمعا ً وطاعاً نجيه
نجيب أبن جوشن رهينه تحت جدمه مچتفيه
ونگله يحسين /// لا لا لتهتم
صاح الگمر صاح///وينك يمسلم
_______
اليوم أگول الجيش أميه أتنازلوا عن القتال
أحنه أولاد الصميده الينضرب بينه المثال
وأنتوا أتباع إلي أخلع ثوبه أمس وكت النزال
وعلي بس أسمه كفايه وشكثر قاهر رجال
كلمن يعاديه /// الوالدنه يندم
صاح الگمر صاح///وينك يمسلم
_________________________
الشاعر (أسعد قاسم الكريعاوي)
أساسية لمسلم ع
صلاة العشق للحسين عليه السلام
من عالقصر مسلم وكف صله ركعتين
گله الآهي هالصلاه أهديها لحسين
صومي وصلاتي / وعمري وحياتي
أهديها لحسين~~~أهديها لحسين
_____________________
لحظات الأخيره الباقيه بعمره
مسلم بن عقيل أتوجه ويقره
لحسين الزياره وخنگته العبره
وهدم بيها عرش الطاغيه أوقصره
سلم على حسين الأبي وأده الزياره
ماصافح الطاغي ولا غير قراره
معروفه ذاتي / وعمري وحياتي
أهديها لحسين~~~أهديها لحسين
______
صّعدوا عالقصر ومكبله أچفوفه
وكل الناس يمّه ألتمت أتشوفه
صاح بصوت ياوسفه على الكوفه
الله يلعن ألي يغدر أضيوفه
شترجه منكم وأنتوا سفاكين دمي
يامن غدرتوا بحيدر الكرار عمي
باقي بثباتي / وعمري وحياتي
أهديها لحسين~~~أهديها لحسين
______
من فوگ القصر وأتذكر أعياله
ماهمّه مماته ولا بچه الحاله
ولا فكّر شنو ألي راح يجراله
مشغول أعله أبوالسجاد كل باله
مسلم إذا من عالقصر ياناس يرموا
لا شك أبو اليمه إذا يحضر يذبحوا
متهم وفاتي / وعمري وحياتي
أهديها لحسين~~~أهديها لحسين
______
لا يحسين لا تحضر يبن عمي
عليك آنه يبو السجاد كل همي
الرسائل زوروها وزوروا أسمي
دمك يهدره نفس الهدر دمي
غدار أبن مرجانه لتصدگ وعوده
باچر عليك إيكثر ويجمع جنوده
نكروا صفاتي / وعمري وحياتي
أهديها لحسين~~~أهديها لحسين
______
وصل لحسين خبر مقتل أبن عمه
وسط الكوفه مسلم وأنسفك دمه
حيره أحتار بمصابه أبو أليمه
هاي أول مصيبه وزيدت همه
مسلم بقت جثته يبو أليمه غريبه
الله يصبرك ياحُسين أبهل المصيبه
ناده مماتي / وعمري وحياتي
أهديها لحسين~~~أهديها لحسين
______
على مصابك يمسلم ننصب المأتم
ومو أبيض دمعنه نذرفه من دم
ريت أنشلت إيده إلي دفع مسلم
ولا أطفاله بعده أغيابه تتيتم
وتمشي حميده أمچتفه هيه ورقيه
وأخوتها يذبحهم أبن ذاكه الدعيه
ولدي وبناتي / وعمري وحياتي
أهديها لحسين~~~أهديها لحسين
____________________
الشاعر (أسعد قاسم الكريعاوي)
أساسية
حوار أم البنين مع الحسين (ع)
يوليدي يحسين/وين السفر وين
مآخذ هالأعيال /ياگرت العين
___________________
يبني رايح وين يانور الليالي
چنك مسافر ولا ترجع يغالي
أني أدري لو رحت متردلي تالي
بعدك بيا حال يمه يصير حالي
لوتمشي يبني/دهري يذبني
ويتغير الحال /بعدك يالحسين
مآخذ هالأعيال /ياگرت العين
______
يبني أخذني وياك أخفف بعض همك
بلكي أعوضك عن حنان الزهره أمك
صد عليه يبني وآنه الصدري أضمك
ياأعز واحد عليه وغالي أسمك
لو ماتجيني / يكثر ونيني
هاك أربع أبطال/مثل الميامين
مآخذ هالأعيال / ياگرت العين
______
هاك أخذ يبني البنين وياك أخذهم
أربع بدور وألك مايغلى دمهم
هاك أخذهم كلهم أوياهم گمرهم
بس أريدك سالم انته تعود منهم
يبني يعباس/يارفعة الراس
يانعم الارجال /ضحيله چفين
مآخذ هالأعيال /ياگرت العين
______
چن أشوفك رايح ومابيك جيه
وچن أشوفك عاري نايم عالوطيه
وصدرك أيسحگونه بخيول أعوجيه
وراسك يگطعوا أتباع آل اميه
والعيله تنحب/والخيمه تلهب
هيه والاطفال / تدخل دواوين
مآخذ هالأعيال /ياگرت العين
______
آنه كل خوفي أعله زينب لايجوها
هالأعادي ومن خدرها يسلبوها
وبالسياط أعله المتون أيلوعوها
بالأحبال وعالهزيله أيصعدوها
وتمشي يسيره/ديره لديره
عگبك يكفال/مچتوفه الأيدين
مآخذ هالأعيال /ياگرت العين
______
أني راح أبقى أتاني بدرب الضعون
وراح أسأل عنك اليرحون ويجون
وبغيابك لا تظنها تغفه العيون
إله كلكم يمه والله الداري تلفون
وحشه يداري/ ليلي ونهاري
ماجاني مرسال/عنكم يطيبين
مآخذ هالأعيال/ ياگرت العين
____________________
الشاعر (أسعد قاسم الكريعاوي)
أساسيه
يالهمك ثجيل وتدمع العين
أفتح گلبك أباب الجوادين
دگ أبلهفه بابه/تتلگه جوابه
☆☆☆☆☆☆☆☆☆☆☆☆☆☆
عدنه بالعراق أو بالأخص بالكاظمية
مستشفى تجي ليها الخلگ صبح ومسية
للمستعصي أمره يعتنيها المغربية
لأن هذا الوكت بي حاضرة الزهره الزچية
متعوف الجواد بهل رزيه
تلگاها تون ونه شجيه
من تنعه الشبابه/تتلگه جوابه
أفتح گلبك أباب الجوادين
☆☆☆☆
من دمعت عيونك ياموالي حني بابه
وأتذكر رزيته ومحنته ولوعة مصابه
أطلب حاجتك بدموعك أوحلفه بشبابه
لو نشفت دمعتك يعني رجعلك جوابه
ميردك أبد عطاي المراد
وراث هالكرم هذا إبن الإمجاد
لو جيت برحابه/تتلگه جوابه
أفتح گلبك أباب الجوادين
☆☆☆☆
شيخ الوائلي لمن عمت بنته بلهفته
طب الحرضته والعبره مسفوحه بوجنته
حاچاه وطلب منه النظر يرجع لبنته
لحظات وتشافت من فضل الله ورحمته
باب الله الجواد وعنده برهان
ميخلي اليگصده والله حيران
من تشتم ترابه/تتلگه جوابه
أفتح گلبك أباب الجوادين
☆☆☆☆
يلي تحيي ذكره وشاركت هاي الشعيرة
تره محمد يحل كل معضله وعله چبيرة
أبن الزهره من أطهر نسب وأطهر عشيرة
آنه وأنته نمشيله لأن ماعدنه غيرة
هنيال الحضه بهاي الزيارة
تسوه الدنيا گبته والمنارة
من بيت النجابه/تتلگه جوابه
أفتح گلبك أباب الجوادين
☆☆☆☆
لو فعلاً تريد الحاجه تگضي بكل سهوله
لتزعل أبد بأفعالك الباري ورسوله
حاسب نفسك وحافظ على الدين وأصوله
وكلام الحق على گص رگبتك لازم تگوله
يلي تلطم وتبچي على حسين
ميريد الجواد تكون وجهين
من تذكر مصابه/تتلگه جوابه
أفتح گلبك أباب الجوادين
☆☆☆☆
خلي من بداية عمرك والآخر حياتك
مرهونه لبوالزهره وعترته الحد مماتك
تره يوم الحشر همه فقط سر النجاتك
لو عنهم ملت لتصدگ أتنفعك صلاتك
أحفظ جارك وأحفظ لسانك
ويگول المثل لوصنته صانك
وأدعي بالنيابه/تتلگه جوابه
أفتح گلبك أباب الجوادين
☆☆☆☆☆☆☆☆☆☆☆☆☆☆☆
الشاعر(أسعد قاسم الكريعاوي)
قصيدة گعديه لأستشهاد الإمام محمد الجواد عليه السلام
يالجواد يالجواد
نعلن الأجلك حداد
يالجواد يالجواد
ونلبس ثياب سواد
بالمدامع هالمسيه/نعتني للكاظميه
☆☆☆☆☆☆☆☆☆☆☆☆☆☆☆☆
للجواد الليله نعقد /مجلس وننصب عزيه
ونلبس أثياب التعازي / ونعتني للكاظميه
نحمل أعله الهامه نعشه/والمدامع دم جريه
من كل مدينه وكل بلد
نگصد إله بهذا العدد
مشايه للچبده أنمرد/ وللذي شاف الأذيه
بالسواد/بالسواد
نعتني ونلطم ظلعنه
بالسواد/بالسواد
ونشعل بگبره شمعنه
يله ياهل جعفريه/نعتني للكاظميه
☆☆☆☆☆
الليله يم موسى أبن جعفر/ أنحفر مولانا گبره
وأنطفت شمعة شبابه/وماكمّل أثلاثين عمره
فاطمه من المدينه / أتعنته ودمعتها حمره
مثل الحمامه الفاگده
تفتر عليه وتنشده
ودلال هاي الوالده/ الله بس إلي يصبره
تبچي دم/تبچي دم
فاطمه الليله بمصابه
تبچي دم/تبچي دم
عالذي مات بشبابه
ياخلگ ويه الزچيه/نعتني للكاظميه
☆☆☆☆☆
تاسع أنوار الأمامه / هالمسه غدروا شبابه
المعتصم سدد سهامه/وبالچبد ياوسفه صابه
زوجته الملعونه هيه / دست السم بشرابه
وسفه أسمها أم الفضل
المفروض إسمها أم النذل
الأعوج أبد ما ينعدل/ الله يلعنها وكتابه
وشنگول/وشنگول
عالذي تغدر زوجها
وشنگول/وشنگول
ياألآهي بنار زجها
يله خل ندعي سويه/نعتني للكاظميه
☆☆☆☆☆
يصعب أمصابه ورزيته / الجواد إبن الزچيه
عالسطح ياشيعه جسمه/أثلث ليالي ظل رميه
چنه جده حسين لمن/مرمي بأرض الغاضريه
جثته ظلت بالشمس
مثل الذي ظل بالأمس
راد بحزن جده يحس/من بقه فوگ الوطيه
ياحُسين/ياحُسين
بآخر أنفاسه ينادي
ياحُسين/ياحُسين
جدي سموني الأعادي
عالذي شاف الأذيه/نعتني للكاظميه
☆☆☆☆☆
نرفع اليوم التعازي / للأمام العنه غايب
عظم الله أجرك يمهدي/بتاسع العتره الأطايب
عفيه گلبك يابو صالح/شگد حمل هم ونوايب
شايل دليلك چم جرح
أهلك گضوا سم وذبح
اليامحنه دمعك منسفح/كلها صعبه هالمصايب
بالدليل/بالدليل
همك وصبرك تكبده
بالدليل/بالدليل
جرح أبوك حسين بعده
الهل مصاب وهل رزيه/نعتني للكاظميه
☆☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
إِرتدوا ثوبَ السواد/أعلنوا اليوم حداد
☆☆☆☆☆☆☆☆☆☆☆☆☆☆
مات هاليومَ مُحمد الصدِر
برصاصِِ مات من أهل الغدِر
كلُ قلبً فيهِ أمسا منكسِر
مثلَ قتلِ السبط ماتَ منتصِر
نهجهُ منهُ أمتداد/أعلنوا اليوم حداد
☆☆☆☆☆
أي ذنباً دمهُ الطاهر يراق
قتلوهُ فتيه من أهل النفاق
قتلهُ في روحِنا كان أحتراق
وعليهِ اليوم يبكيهِ العراق
تنحبُ السبعُ الشداد/أعلنوا اليوم حداد
☆☆☆☆☆
ماتَ لكن نورهُ لا يُختفى
نورهُ في قلبنا لا يُنطفى
أنته أنته الصدرُ أنته وكفى
والعليلُ أللاذَ فيكَ قد شفى
بابُهُ بابَ المراد/أعلنوا اليوم حداد
☆☆☆☆☆
آين طاغوتِ الزمانِ أمسى اين
بي دماً بارد قضا عالسيدين
وتعالوا وأنظروا شبل الحسين
قبرهُ يسحرُ عين الناظرين
خصمهُ أمسى رِماد/أعلنوا اليوم حداد
☆☆☆☆☆
نم قريرَ العين ياشبل الأسود
أنته والنجلين يارمز الخلود
قد هتفنا وكسرناها القيود
كُلنا للصدرِ أصبحنا جنود
رغمَ أصاحب العناد/أعلنوا اليوم حداد
☆☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
الرابع من ذي القعدة
#جرح_الصدر_النازف
#نعي
لأستشهاد المولى المقدس محمد محمد صادق الصدر قدس الله سره
ماظن ترد/مات الورد
لمن رحت/لمن رحت
☆☆☆☆☆☆☆☆☆
ياسيد محمد تره
لمن سكنت المگبره
يم گبرك ألزمنه سره
نروح ونرد/مات الورد
لمن رحت/لمن رحت
☆☆☆☆☆
واحد بالآخر يتچي
ظلينه بس نوح وبچي
موتك ظلم خصم الحچي
نقره الحمد/مات الورد
لمن رحت/لمن رحت
☆☆☆☆☆
نحچي بدمع وي صورتك
أرجع يبونه بداعتك
ياسيد أحنه بعازتك
مردت الچبد/مات الورد
لمن رحت/لمن رحت
☆☆☆☆☆
فراگك يخلينه نحن
مثل إلذي يعيش بسجن
حگنه أذا لجلك نون
ماتنوجد /مات الورد
لمن رحت/لمن رحت
☆☆☆☆☆
بالكوفه چانت هيبتك
هيبت أمام بطلتك
من الله چانت خطبتك
خطبة مجد/مات الورد
لمن رحت/لمن رحت
☆☆☆☆☆
بس ذكرياتك باقيه
صحنه بمدامع جاريه
يانفسُ أرجعي راضيه
الواحد أحد/مات الورد
لمن رحت/لمن رحت
☆☆☆☆☆
ياشمعة أسنين العمُر
بفراگك أنصبر الصبُر
ماترجع أدري ياصدُر
وماتنحصد/مات الورد
لمن رحت/لمن رحت
☆☆☆☆☆☆☆☆☆☆☆
الشاعر(أسعد قاسم الكريعاوي)
لمة عزه
السلام عليك ياأبا مُصطفى
★★★★★★★★★★★★★★★
أبدي أسلم عالجسد الموسد أبنص التراب
وأعلى الثياب البل دمه متلطخه من الصواب
وأعلى العمامه وصايتك وأعلى الچفن ويه الخطاب
ياسيد الكوفه أشكثر صحيت شياب أو شباب
السلام عليك ياأبا مُصطفى
★★★★
مرت أعوام المقتلك مرت نحسها چل أمس
مرت مثل مر الغيوم لمن تمر أعلى الشمس
يومك وساعة غيبتك علينه أسود وكلش نحس
صح ميت أنته بس يظل صوتك فلا لحظه أنطمس
السلام عليك ياأبا مُصطفى
★★★★
ريت الرصاصه الصابتك ياسيدي بصدري أنرمت
ومن شفت دمك ياصدر ياريتها عيني أنعمت
ملعون من كان السبب وناس الذي بچتلك سعت
مو بس عيالك يتمت كل عيله بيك أتيتمت
السلام عليك ياأبا مُصطفى
★★★★
ياسيد محمد فلا ننساك يانور العيون
صاحب كرامه ومنزله متخيب إلي يگصدون
أبابك شفت ياسيدي چم رايه بيضه أيعلگون
من فضل الله بمرقدك هاي البشر يتبركون
السلام عليك ياأبا مُصطفى
★★★★
خالد تظل ياسيدي مثل الحسين إبن علي
حزنك يظل بينه أبد هذا الحزن ماينجلي
منبر الجمعه وخطبتك هيه شعاري الاولي
وصورتك خير وبركة واضعها أنه أبمنزلي
السلام عليك ياأبا مُصطفى
★★★★★★★★★★★★
الشاعر (أسعد قاسم الگريعاوي)
أساسيه لأستشهاد السيد محمد محمد صادق الصدر رضوان الله عليه
ياصدر لالا تروح/غيبتك هم وجروح
شوفتك تسوى العمر/ياصدرنه ياصدر
★★★★★★★★★★★★★★★★
يالرحت من بين أدينه وظلت أحبابك تنوح
بعازتك أحنه ترانه هذا وكتك لا تروح
أنته أبونه وغالي عدنه وأنته مرجعنه السموح
موتتك والله خسارة ورثّت بينه جروح
وأعتله من عدنه صوت/ريتنه بدالك نموت
وفدوه دمنه ينهدُر / ياصدرنه ياصدر
♢♢♢♢
ياصدر لفنه بعباتك حتى نشعر بالأمان
بلا أمان الدنيا صارت وينك الهذا الزمان
قال أبو الزهره محمد قوله واضح بالبيان
نظرة العالم عباده وشوفتك هيه الجنان
شوفتك تمحي الذنوب/وذكرك إيسر القلوب
يلي وجهك چل بدُر / ياصدرنه ياصدر
♢♢♢♢
كل محب هالليله ناده ريتني بدالك متت
ولا أشوفك ياصدرنه بالرصاص أتصوبت
مصطفى وأبنك مؤمل فوگ صدرك من شفت
حاضنيك بلهفه چانوا وبآخر أنفاسك صحت
دمي هذا إلي أنفدى/فدوه لابني مقتدى
هوه بعدي ينتصُر / ياصدرنه ياصدر
♢♢♢♢
أنته ماميت يسيد حين صوتك نسمعه
بخطبة الجمعة گلتها والأجل متوقعه
يالتحبوني أذكروني إن ذكري منفعه
وأحنه ماناسيك والله ودوم نهجك نتبعه
مرجعي أنته الاولي/أي وحگ حيدر علي
قائدي أنته بكل عصُر / ياصدرنه ياصدر
♢♢♢♢
نهجك الطاهر يسيد مانعوفه للأبد
أنته عنوان الشجاعه وأنته للموطن سند
والسرايا العل سواتر قوة منك تستند
ومقتدى قائد علينه شبل من ذاك الأسد
الحَبه خلي يتبعه /وخلي راسه يرفعه
وبيك خله يفتخُر / ياصدرنه ياصدر
♢♢♢♢
والله تستاهل يسيد نعتنيلك سائرين
مثل مانتعنه نمشي الكربله بالأربعين
ثورة المظلوم تبقى تنتصر عالظالمين
واليعادي الثورة هذي نسحگه بالقدمين
نعلن الأجلك حداد/ونلبس ثياب السواد
ونعتنيلك للگبُر / ياصدرنه ياصدر
★★★★★★★★★★★★★★
الشاعر (أسعد قاسم الگريعاوي)
لمة عزه
للصادق بهذا اليوم/واجب نهل الدمعه
____________________________
جعفر الصادق ياناس / مات ودمعته بخده
يبچي لجل جده حسين/حين الذي ظل وحده
وبسهم مسموم أنصاب/ والچبد سهمه تعده
والأكثر وأصعب چان / ومن ظهره طلع چبده
ماينسه أبد ذيچ الخيل/الداسته وطحنت ظلعه
للصادق بهذا اليوم / واجب نهل الدمعه
_________
كل ساعه كل لحظه ويوم/چان الحُسين أباله
ماينسه أبد جده حسين/من سحِگته الخياله
وكلما يصد للأطفال / يذكر فرار أعياله
وخدر الكفيل العباس / صار الشمر يبراله
وبكربله صار الصار/كل هل صِور تِصدعه
للصادق بهذا اليوم/واجب نهل الدمعه
_________
وما ينسه عمه العباس/عالمشرعه موذرينه
يمه چفوفه مگطعه / هنا يسرته ويمينه
وبالعمد صابوا هامته/ ونابت السهم أبعينه
كل هايه أبد ماهمته / خجلان من أسكينه
مواعدها بالماي وصاح/ماظن بي عمچ رجعه
للصادق بهذا اليوم / واجب نهل الدمعه
_________
والعمِته زينب يون / مهظومه ذيچي الحره
ظلت وحيده بكربله/عالهامه شبچت عشره
تركض تلم بالعايله / وكل خطوه إلها عثره
زينب چبيره إعله اليسُر/لاچن مشت متيسره
ناگتها عرجه من أتسير/گلب العقيله تشلعه
للصادق بهذا اليوم / واجب نهل الدمعه
_________
عضمه مصيبة كربله / إلها يون كل معصوم
حتى ملائكة السمه / والمُرسلين إلها تحوم
ذبحت أحسين أمن الگُفه/هزت العرش القيوم
لا لا تلومنه لون / نبچي لجلها كل يوم
وهاي المجالس ياناس/كلش تحبها البضعه
للصادق بهذا اليوم / واجب نهل الدمعه
_______________________
الشاعر (اسعد قاسم الگريعاوي)
ميمر للأنصار
لا لا تهِم /عندك زلِم
يحسين أبد ماتنهزِم
أنصارك أحنه السبعين/بالروح آلك شرايه
________________________
أنصارك أحنه وما نهاب إعدانه
نقسملك برب السمه وقرآنه
منعوفك الآخر نفس مولانه
يبن النبي/نموت وعلي
ولا زينب أختك تنسبي
طمئنها يحسين وهاي/من عدنه خذها حچايه
_______
لا تعتقد بينه اليغير رايه
وراية أبو فاضل وحگ هالرايه
نعگدها منعوفك وآلك وفايه
هذا العهد/والكل شهد
يرخص ألك مال أو ولد
عدنه بقت بس هالروح/وماتغلى لجلك هايه
_______
هوه العمُر فرصه ويجينه مره
لا مانضيعها وحق الزهره
للباري أحنه نحمده وأنشكره
عدنه القتِل/بدربك سهل
أحلى والأذ أمن العسل
الرايد يشم عطر حسين/متهمه أبد سلايه
_______
هاي الشهاده بدربك أشمحلاها
والجنه وياك وعلي شفناها
والدنيه من بعدك ولا ردناها
هوه العمُر/فتره ويمُر
نتمنه كلنه بفد گبُر
وناس التزورك يحسين/بينه تمُر الغايه
_______
يحسين ألك كلمن يضحي يعله
محظوظ إذا يم گبرك أنته تقبله
اليمك يدفنونه أشيريد أمن الله
هيه النِعم /تعم الخدم
هنياله من عمره أنختم
ويه الغريب العطشان/ويرفعه بايه بايه
_______
من الأنصار أخذ الدرس يالخادم
والله الذي يخلص أله مانادم
وين أندفن گلولي سيد جاسم
مخلص أله/حسين إقبله
وأصبح ضريحه أبكربله
والزار أبو اليمه يزور/ گبره ويذكره أبآيه
______________________
الشاعر (أسعد قاسم الگريعاوي)
الليله السادسه
لمة عزه
لأنصار الأمام الحسين عليه السلام
تصرخ الأنصار غيره مانريد
مانعوف حسين ونبايع يزيد
ياأباعبدالله / ياأباعبدالله
_____________________
ياليلة الأنصار / بيها أشكثر أخبار
أنصاره هذا اليوم/ ثاروا على الأشرار
والله ونعم والله / ماقصروا الأحرار
أنصار أبو السجاد/والله ونعم الأنصار
عالعهد باقين عنه مانحيد
مانعوف حسين ونبايع يزيد
ياأباعبدالله / ياأباعبدالله
_______
هوّس حبيب وصاح/يم خيمة الحره
ناده يبت حيدر / لا تبقي متحيره
لا مانعوف حسين/لآخر دمه وقطره
عاهدنه أخوچ ولا /منعوفه والزهره
لو توذرنه وذر يخت الوحيد
مانعوف حسين ونبايع يزيد
ياأباعبدالله / ياأباعبدالله
_______
جوي أخوت العباس/عبد الله وي جعفر
عون البطل ويصيح / آنه إبن حيدر
جون وبرير وقيس / نافع زهير أو حُر
عابس يصيح بصوت/أليوم أگضي عالعسكر
نلوذ دونه ومرقد بكتره نريد
مانعوف حسين ونبايع يزيد
ياأباعبدالله / ياأباعبدالله
_______
منهم أخذنه دروس / وتخرجّت أجيال
داسوا على الكفار / عدنه الحشد الأبطال
من صحن أبو السجاد/فتوى نطت الأرجال
زلمه الذي خطها / والله ونعم من گال
كل شهيد الطاح كاتب بالوريد
مانعوف حسين ونبايع يزيد
ياأباعبدالله / ياأباعبدالله
________________________
الشاعر (أسعد قاسم الكريعاوي)
أساسية
عنده وصول حميدة لدار طوعه رض
ياطوعه ياطوعه___آنه حميده
ياطوعه ياطوعه___مسلم أريده
جيتچ آنه من السبي/والدي كل مطلبي
آنه حميدة آنه حميدة
_______________________
من كربله للكوفه من وصّل ضعنها
فرت حميده أمن الضعن وأزرگ متنها
تسئل على طوعه وتناشد عن سكنها
من وصلتاها بلهفه والدمعه بجفنها
ياطوعه ياطوعه___حاچيني وينه
ياطوعه ياطوعه___مشتاگه عينه
الحجرته أحَبي حَبي/والدي كل مطلبي
آنه حميدة آنه حميدة
_______
أحچيلي عنه من أجه عطشان چبده
ألمن ذكر من جبتي كاس الماي عنده
دگللها شاف الماي والدمع أعله خده
وگال السلام أعله الحسين وعلى ولده
ياطوعه ياطوعه___حس بعطشنه
ياطوعه ياطوعه___ يلهب گلبنه
جيت أحلفچ بالنبي/والدي كل مطلبي
أنه حميدة أنه حميدة
_______
يابنتي مسلم والدچ وصاني عنچ
گلي أذا طفله تجي أعتبريها بنتچ
وصّفلي كل هاي التفاصيل إلي عندچ
خبرني عن أخوانچ وخبرني بسمچ
ياطوعه ياطوعه___ من تعتنيلچ
ياطوعه ياطوعه___مسلبه تجيلچ
بنار محروگه العبي/والدي كل مطلبي
آنه حميدة آنه حميدة
_______
وين إخوِتچ ماجوي وياچ وشفتهم
بس لا أبن مرجانه يتبّع أثرهم
لو يعثر أعليهم تره مايغفرلهم
ولا مو بعيده هالعدو يگطع نحرهم
ياطوعه ياطوعه___من ضيعتهم
ياطوعه ياطوعه___لا ماشفتهم
أجر بيه أكسبي /والدي كل مطلبي
آنه حميدة آنه حميدة
_______
ياطوعه كل ضني أجي المسلم وشوفه
مشتاگه أحضن والدي والزم چفوفه
ليش أعله مسلم هالعدو جرد سيوفه
ياطوعه ملعون الذي يغدر ضيوفه
ياطوعه ياطوعه___بعده يتيمه
ياطوعه ياطوعه___والله هضيمه
بالغدر چتلوا أبي /والدي كل مطلبي
أنه حميدة أنه حميدة
_______
راح أرجع العمتي أظن تنشد عليه
وراح أمشي ويه العايله وأرجع سبيه
ومدمع عيوني أمزجه بدمعت رقيه
ونصيح يامحلى الوداع أبهل مسيه
ياطوعه ياطوعه___أنتي وفيتي
ياطوعه ياطوعه___وماقصريتي
قصة أحزان أكتبي/والدي كل مطلبي
آنه حميدة آنه حميدة
_____________________
الشاعر(أسعد قاسم الكريعاوي)
أساسية
وصول ورسالة مسلم للكوفه
مسلم سفير حسين/حاير يدير العين
صوته تعاله / يحمل رسالة
مسلم سفير حسين
____________________
مسلم بن عقيل أبن أبو طالب
جينه بحگنه ياعالم نطالب
أهل البيت ذوله أحنه الاطايب
الينصرنه يظل بأعلى المراتب
أبن النبي المختار/متعني والكم سار
هوه وعياله/ يحمل رساله
مسلم سفير حسين
_______
أبن مرجانه حكمه والله ظالم
وظالم أي حكم مايبقى دايم
الحط أچفوفه بيدي يعيش سالم
واليخذلني والله يموت نادم
الحط إيده بأهل البيت/يم الله عالي الصيت
الما غره ماله / يحمل رساله
مسلم سفير حسين/مسلم سفير حسين
_______
الجنه مضمونه الذي يسلك دربنه
النار مأواه كل شخص حاول يضدنه
الدنيا هذي تزول وهناكه وعدنه
نسنده بالآخره كلمن سندنه
اليوم الحشر وياه / منعوفه أبد والله
بينه أتصاله / يحمل رساله
مسلم سفير حسين/مسلم سفير حسين
_______
ألكثير ألمنكم أهنا يعرفوني
ماأظنكم تنكروني وتغدروني
كلمه منكم رايد ولا تخذلوني
أنتوا لو فعلاً رجال أتعاهدوني
من المدينه حسين/ألكم قدم هالحين
من اطهر سلاله/ يحمل رساله
مسلم سفير حسين/مسلم سفير حسين
_______
أشعر تغدروني من هذا حچيكم
مثل عمي المرتضى چتلتوا بديكم
وهذا أبنه حسين جاي ومعتنيكم
لا تذبحونه تره يغضب عليكم
حسين أعتنه ويريد /يخلصكم أمن أيزيد
حسين ورجاله / يحمل رساله
مسلم سفير حسين/مسلم سفير حسين
_______
آنه مآ أهتم لون بيه تغدرون
بس ببو اليمه وعياله لا تخونون
والذي يغدر ضيوفه والله ملعون
لا ندم ينفع تره ولا دمع العيون
وحسين إذا شفتوا / من نحره لتذبحوا
محد وفاله / يحمل رساله
مسلم سفير حسين/مسلم سفير حسين
_______________________
الشاعر (أسعد قاسم الكريعاوي)
لمة عزه أو نزله
حوار مسلم مع طوعه رض
گومي أستقبلي ياطوعه خطارچ
مسلم بن عقيل الليله يم دارچ
__________________
مسلم ظل وحيد وحاير أبأمره
مابين الأزقه يجذب الحسره
عطشان ودليله يستعر جمره
لمن شاف طوعه گلها ياحره
أشوفچ حايره وتوزعي أنظارچ
مسلم بن عقيل الليله يم دارچ
______
ياطوعه آنه مسلم ماتعرفيني
مالي أي گرابه أهنانه تدريني
فضل منچ إذا عندچ تضيفيني
گالتله هلا بجيتك يضي عيني
كريمه وماتردين أدري زوارچ
مسلم بن عقيل الليله يم دارچ
______
مو داري يمسلم أحسبه دارك
ومو خطاري انته أني خطارك
وخلي هذا ليلي يضوي بأنوارك
أدخل لا تشع يامسلم أخبارك
ماقصرتي والله إيعلي مقدارچ
مسلم بن عقيل الليله يم دارچ
______
طب الدار طوعه ومنحني الهامه
مايندل حجرته وهيه گدامه
طاحت من خشوعه بيده العمامه
شايل غيره من أسلافه وأعمامه
والتاريخ باچر يذكر أخبارچ
مسلم بن عقيل الليله يم دارچ
______
خوفي عليك لا باچر يچتلونك
بالكوفة وشوارعها يسحبونك
غدارين أهلها وما يرحمونك
ومن قصر الإماره خوفي يرمونك
من دون النسه الله إلي أختارچ
مسلم بن عقيل الليله يم دارچ
______
إلچ ياطوعه هذهِ وصيه أوصيها
أمانه هالوصيه وزين أحفظيها
أوصيچ بحميده من تشوفيها
عني بالنيابه الهامه مسحيها
سلميلي عليها لو تجي أديارچ
مسلم بن عقيل الليله يم دارچ
____________________
الشاعر ( أسعد قاسم الكريعاوي )
الليله الخامسه
لمة عزه أو نزلة
لمسلم بن عقيل ع
مسلم ينادي بصوت/لاماأهاب الموت
لو أنچتل مرتين/لا ماأعوف حسين
______________________
هله هله أشسوه مسلم من نزل
چنه عمه المرتضى خير العمل
صاروا أينادون أجتلونه بعجل
والي يتقدمله راسه ينفصل
شايل بديه السيف/يگطع رگاب أبكيف
وينادي عالصوبين/لا ماأعوف حسين
______
عاد صولات الغضنفر حيدره
والله للعدوان لزمّهم سره
وشكثر چان العدد محد دره
والله لو ما الغدر محد يگدره
شمرت علي الكرار/من يحمل البتار
يحلف ببو السبطين/لاماأعوف حسين
______
حاوطوا برماح وسهام وسيوف
هوه وحده مسلم بهاي الألوف
هالأسد كل ساعه ويشگ الصفوف
والله ملعون إلي يغدر بالضيوف
بحفرة غدر ياناس/طاح ومدنگ راس
ناده وعليه ألفين/ لا ماأعوف حسين
______
والله لو ما بالغدر ويأمنوا
محد اليگدر عليه ويچتفوا
وبأزقه الكوفه ماچان أسحبوا
ولا لبن مرجانه چان أيدخلوا
ياللأسف غدروا / ومن عالقصر ذبوا
وصاح بدموع العين/لاماأعوف حسين
______
تفتخر بيهِ الإيمه الأثنعش
چي مثل الحسين مات أمن العطش
من رموا جسمه على الگاع أنفرش
لا تشيع مسلم وشال بنعش
أول شهيد الطاح/ وحسين لجله ناح
وفه الوعد والدين /لاماأعوف حسين
_____________________
الشاعر (أسعد قاسم الگريعاوي)
أمك/ ياعباس عباس عباس
يارفعة/الراس الراس الراس
ياگرت العين
لتعوف الحسين
الحد گطع/الأنفاس أنفاس أنفاس
_________________________
أمك يعباس الگمر هاك أستمع وشعندي
عندي وصيه ياشهم ياغالي وأكبر ولدي
تروح الدنيا كلها وينتهي أبن آدم
بس الزين يبقى وتذكره الوادم
ألك موقف شرف ياأبالفضل قادم
حسين أشما يأمرك گله أنه خادم
عباس/أحاچيك أحاچيك أحاچيك
بحسين/ أوصيك أوصيك أوصيك
وهاي الكلمتين
لتعوف الحسين
الحد گطع/الأنفاس أنفاس أنفاس
____
باچر على حسين العده تلتم يراعي الغيره
لتعوفه ياعباس أبد وعنه الوجه لديره
لو محتار أخوك بكربله تشوفه
تتكالب عليهِ الشام والكوفه
صير أنته بكفاه وبالك تعوفه
خاتم صير يابو الغيره بچفوفه
من تلتم/الناس الناس الناس
أبرز / يعباس عباس عباس
وأگلبها صوبين
لتعوف الحسين
الحد گطع/الأنفاس أنفاس أنفاس
____
حلفتك بذاك اللبن وبرضاي عنك يبني
خلي أخوك أبناظرك لو فعلًا أنته تحبني
لو رايد تفوز وتربح الدارين
يابو الغيره لاتترك أخوك حسين
حتى لو يصيبوك بسهم بالعين
أنطي العين لجله وگطعت الچفين
خل دمك / يروح يروح يروح
ضحيله/بالروح بالروح بالروح
وصيت أم البنين
لتعوف الحسين
الحد گطع/الأنفاس أنفاس أنفاس
____
وأختك يبو فاضل تره زينب أمانه عندك
وياك يوم إلي مشت چانت تسير بسدك
هاي البيها وصاك أنته والدها
وصدرك أنته دگيته أمس عدها
وغيرك بالكفاله زينب شعدها
ومشت وياك چي لن تعرفك گدها
هاي أخت/الحسين حسين حسين
خليها / بالعين العين العين
ياكافل الدين
لتعوف الحسين
الحد گطع/الأنفاس أنفاس أنفاس
____
عباس آلك موقف شرف ماينسي بالمره
بيضت وجهي بوكفتك گدام أمه الزهره
عنك راضيه آنه وحگي بيك أفخر
يامن قدمت روحك لأبو الأكبر
هذا العل نهر جسمه غده موذر
وهذا الگالت أخته عنه ماقصر
يل روحي /وياك وياك وياك
لتصدگ/أنساك أنساك أنساك
ياتعب السنين
لتعوف الحسين
الحد گطع/الأنفاس أنفاس أنفاس
____
علّه الله شانك يابطل وانطاك هاي المنزله
من تضحياتك بالأمس ربك وهبلك كربله
الك بيها ضريح وحضره قدسيه
ومناير شامخات وگبه ذهبيه
وملايين التجيك وتعقد النيه
مشايه ألك بل أربعينيه
بعلوي/السماوات سماوات سماوات
مرفوعه / رايات رايات رايات
تزورك ملايين
لتعوف الحسين
الحد گطع/الأنفاس أنفاس أنفاس
______________________
الشاعر (اسعد قاسم الگريعاوي)
أساسيه لإستشهاد الأمام الجواد عليه السلام
نعتني الكاظميه/يله يالجعفريه
نتعنه مشايه/والرايه/بيدينه ترف
والگبره عنايه/وفايه/نوصله زحف
والمدامع جريه/يله يالجعفريه
★★★★★★★★★★★★★★
نلبس ثياب الحزن هاي المسيه
ونعتني مشايه لأرض الكاظميه
بالجواد نواسي هالليله الزچيه
نعزي بمصابه علي حامي الحميه
هالعزه يبقه قائم/والحزن بينه دايم
للحضرة طبينه/ودعينه/للمهدي العجل
واليمته قائمنه/يحكمنه/ بوجوده الأمل
خلي ندعي سويه/يله يالجعفريه
★★★★
للجواد اليوم أجينه نجري دمعه
بليلة الوحشه شعلنه بگبره شمعه
نعشه فوگ الروس أنحمله ونشيعه
وبكتر جده أبن جعفر نودعه
نوسده بكتره هاليوم/موسى هم مثله مسموم
يمه أنحفر لحده/وبچبده/ سمه ماشفه
ونواسي الزهره/بالعبره/وجده المصطفى
شاهد شگد أذيه/يله يالجعفريه
★★★★
تاسع أنوار الرسالة والإمامه
من بني العباس ماعاش بسلامه
أنغدر شاب وترك خمسة يتامه
أبنت المأمون ما راعت مقامه
الهادي ينعه وأخوته/صاح وبعالي صوته
عالفرگه مايگدر /يتصبر/ بعدك هالگلب
مو هين غيابك/وصوابك / يابويه صعب
ننصب أعليه عزيه/يله يالجعفريه
★★★★
گلي هالمأمون وينه أوين گبره
وأعتني يم الجواد وشوف قصره
وزوجته أم الفضل خانت بقدره
من عگب متعينه ياوسفه تغدره
سمه بحشائه صابه/ضاع عمره وشبابه
ماقدرت ضرفه/وتعرفه/أبن المرتضى
وتشوفه يتلوه/وبالگوه/حچيه يلفضه
منها شاف المنيه/يله يالجعفريه
★★★★
اليوم نتعنه مشي لأرض الجوادين
مثل مآ بالأربعين أنزور الحسين
كل سنه تكثر ضعف هاي الملايين
أحنه لأهل البيت عشاگ ومجانين
لا تلوم اليحبهم/واليموت بدربهم
نمشي ونواسيهم/ندريهم/عدهم منزله
كل خطوة نمشيها/ننويها/ للمهدي أله
الأبو صالح هديه/يله يالجعفريه
★★★★
مثل جده حسين نگصد بالمواكب
من مشينه هواي تغتاظ النواصب
والشعائر لازم بحقها نطالب
لازم أنوثقها وي سبعة العجائب
ثامنه لا منقبل/أله وبمرتبه أول
نتنافس بحقها / نوثقها / يوم الأربعين
من ننظر العالم/تتزاحم/وتزور الحسين
ثورة عالناصبيه/يله يالجعفريه
★★★★
أحنه وفايه ونظل لآخر عمرنه
والمجالس هيه عزتنه وفخرنه
أجمل الألوان أسود أحنه عدنه
وعاللطم عودنه ياعالم صدرنه
كلمه من المنابر/لا تضد الشعائر
هذي شعيرتنه/هيبتنه/يم رب السمه
لو مانلبيها / ونحييها / تزعل فاطمه
لا تزعلوا الزچيه/يله يالجعفريه
★★★★★★★★★★★★★
الشاعر(أسعد قاسم الگريعاوي)
شور فزاعي
يشيعونه أبو الهادي يشيعونه
بجوار الكاظم الليله يدفنونه
☆☆☆☆☆☆☆☆☆☆☆☆
بدموع ونوح وبونه يشيعونه
الجواد وفوگ عالهامه يحملونه
ويم موسى أبن جعفر يدفنونه
مسموم بكتر مسموم وارونه
يودعونه المسه أحبابه يودعونه
بجوار الكاظم الليله يدفنونه
☆☆☆☆
ثلث أتيام ظل أعله السطح مطروح
مثل جده البگه بطف كربله مذبوح
على مصابه تنادي شيعته وتنوح
الفعل هذا الفعل من الله وين يروح
تچتلونه شنو ذنبه تچتلونه
بجوار الكاظم الليله يدفنونه
☆☆☆☆
يشيعه شيعوا لأبن الرضا بهمه
تره بتشييعه تحضر فاطمه أمه
تنوح أعله الجواد وتلهج أبأسمه
وتنادي بصوت سموا چبدتك يمُه
يحضرونه أبو وأمه يحضرونه
بجوار الكاظم الليله يدفنونه
☆☆☆☆
وعلي الكرار من النجف بدموعه
يجي لأبنه الجواد وشايل أشموعه
يجي أمن بعيد لاچن ونته مسموعه
يصم إيده علي ويلطم على ظلوعه
يوسدونه علي وطه يوسدونه
بجوار الكاظم الليله يدفنونه
☆☆☆☆
مُحمد يعتني ودموعه هماله
وعلى راسه النعش مو عالمتن شاله
يصيح بصوت طه وحالته حاله
بذبح وبسم قتلتوا المصطفى وآله
دمه عيونه أبو الزهره دمه عيونه
بجوار الكاظم الليله يدفنونه
☆☆☆☆
بحقد أم الفضل سمت أبو الهادي
خذِت ثاري من أمه فاطمه تنادي
ومن المؤمون أبويه آخذ مرادي
أقتلت أبن النبي ورضيت أسيادي
يغدرونه إلي منه وبي يغدرونه
بجوار الكاظم الليله يدفنونه
☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
لغيرك ماجره دمعي / وألك دار
شكيت همومي يم گبرك/والكدار
إلك مرقد يشع يزهي / وألك دار
تگصده الناس كل صبح ومسيه...
تمل الروح مني / وماتملك
دليلي الغير شخصك/ماتملك
نصبنالك يابو مؤمل/مأتم لك
وتنوح أعليك كل الجعفرية...
★★★★★★★★★★
الشاعر ( أسعد قاسم الكريعاوي )
نعي/لأستشهاد السيد الشهيد السعيد محمد الصدر قدس الله سره
☆☆☆☆☆☆☆☆☆
ياصدر ياجرح الأيام
صرنه بأستشهادك أيتام
وصرنه فوگ أعتابك أنام
آه ياجرح السنين
☆☆☆☆
نادتك من ضيمها الروح
ياصدر. أرجوك لتروح
هاك شوف الگلب مجروح
راح يكتلنه الحنين
☆☆☆☆
علگت صورتك بالبيت
گابلتها والله وبچيت
تبقى عايش كون ناديت
بداعت صواب الجبين
☆☆☆☆
أصفه من الذهب نيتك
وگلبك أبيض من لحيتك
مثل أبو الأكبر قضيتك
ياشبيهاً للحُسين
☆☆☆☆
إعليك مابطل بچانه
بعازنك أحنه ترانه
أرجع أرجع ياحمانه
كل گلب لجلك حزين
☆☆☆☆
ياصدر ردلي دخيلك
يالذي ماكو مثيلك
أنذرت روحي بسبيلك
رايح أنته عنه وين
☆☆☆☆
تضوي من أربع جهاتك
ماشفت راحه بحياتك
وحتى ياصدر أبمماتك
بگبرك ونسمع أنين
☆☆☆☆☆☆☆☆☆☆☆
الشاعر(أسعد قاسم الكريعاوي)
السلام عليك ياولي أمر المسلمين يوم ولدت ويوم أستشهد ويوم تبعث حيا
گرب يومك ياصدر/وأشتعل بينه الجمر
الله وياك/لا مننساك /ياصدرنا
☆☆☆☆☆☆☆☆☆☆☆☆☆☆☆
سنين مرت ياصدرنه/موش چم يوم وشهر
عدت وچنها سحابه/العل أرض تنطي مطر
شما تمر سنين تبقى/تعيش بگلوب البشر
أنته مثل حسين أنته/خالد بطول الدهر
يبن وارث الأنبياء/نصبنه لفراگك عزاء
نحيى ذكراك/لا مننساك /ياصدرنا
☆☆☆☆
فتحنه صفحت ذكرياتك/ ياصدرنه بالأمس
چان كل همك علينه/ شايله وبينه تحس
چنت بالكوفه تلالي/تضوي كلك چالشمس
الصلاه وياك چانت / رحمه منها نلتمس
مو بشر عادي نشوف/صلت أوياك الألوف
نبي شفناك/لا مننساك /ياصدرنا
☆☆☆☆
أجذب الحسره يسيد /لمن أنظر صورتك
شگد بريئه شگد حزينه/ألنه چانت نظرتك
چنت تدري أنته تغادر /ياصدر عن دنيتك
طلگتها بالثلاثة / مثل حيدر سيرتك
هدمت عرش الطغاة/من قمت ذيچ الصلاة
راعب أعداك/لا مننساك /ياصدرنا
☆☆☆☆
أحنه مشتاگين صوتك/نسمعه بترس الآذان
من وكت رحت وعفتنه/خيمه چنت ألنه وأمان
والله محتاجيك والله / ياصدرنه الهل زمان
الأبن لو شيبت لحيته / هم يظل فاگد حنان
ياخلگ خيمه الأبو/بصدره تلگه شگد دفو
خيمه ردناك/لا مننساك /ياصدرنا
☆☆☆☆
گلبك أبيض من لحيتك/نيتك أصفه من الذهب
والشجاعة البيك چانت /عجِبت حتى العجب
الموت على أولاد آدم / قدر عالناس أنكتب
لا نبي ومرسل يعوفه / ومنه ماواحد هرب
غادر بطبعك يموت/تاخذ أعزاز بسكوت
هاك أخذ هاك/لا مننساك /ياصدرنا
☆☆☆☆
مثل أبو السجاد أنته/ياصدر مالك مثيل
لو ندور الدنيا كلها / مانظن نلگه بديل
ثابتين بدربك أحنه/ولا تظن عنه نميل
ياأبومؤمل طريقك/گمر وي يضوي الدليل
يعشگك بس الشريف/العنده غيره والنضيف
الليلة صحناك/لا مننساك /ياصدرنا
☆☆☆☆☆☆☆☆☆☆☆☆☆☆☆☆☆
الشاعر ( أسعد قاسم الكريعاوي )
نزله 👇👇👇
لأستشهاد السيد محمد محمد صادق الصدر رضوان الله عليه
ياصدرنه ياصدر/ياصدرنه ياصدر
★★★★★★★★★★
لا تلومه إلي يذوبن بالعشگ
شلون لو محبوبه عنه يفترگ
گلبه يبقى أشما يذكره يحترگ
هالگلب بسم الصدر يبقى يدگ
ياصدرنه ياصدر / ياصدرنه ياصدر
☆☆☆☆
وبغيابك گلي شيفيد الصبر
شلون نگضي بفرگتك هذا العمر
الله يلعن كلمن بچتلك أمر
عظم الله مقتدى لك الأجر
ياصدرنه ياصدر / ياصدرنه ياصدر
☆☆☆☆
دمك ودم ولدك الطاهر نزف
من أجل هالدين صار أعظم شرف
منهو مثلك صله بالكوفه وهتف
ماهفت صوتك ولا عزمك ضعف
ياصدرنه ياصدر / ياصدرنه ياصدر
☆☆☆☆
ثوره صوتك ياصدر ضد الظلم
ماخفت من هددت ذاك الحكم
وينه وينه الحاربك ذاك الخصم
مابقه ذكره ولا گبره وأسم
ياصدرنه ياصدر / ياصدرنه ياصدر
☆☆☆☆
ثابتين أعله الوعود الصادقه
وحبنه ألك هذا بدمانه أنوثقه
واضحون كالشموس المشرقه
الحوزه بأسمك دوم تبقى ناطقه
ياصدرنه ياصدر / ياصدرنه ياصدر
☆☆☆☆
والحچه خل يحچي كم يوم ويمل
أحنه منك ياصدرنه مانمل
أنته طاهر أنته من أشرف نسل
الذيله أعوج لا تظنه ينعدل
ياصدرنه ياصدر / ياصدرنه ياصدر
☆☆☆☆
ياصدرنه نروح كل أحنه فداك
أحنه مجنونين تدرينه بهواك
مايهمنه اليحچي هذا ولا هذاك
كل سنه وكل عام أنجدد عزاك
ياصدرنه ياصدر / ياصدرنه ياصدر
☆☆☆☆
والله محتاجيك أحنه بهل أوان
ياصدرنه مابقی عدنه أمان
أنته ليث المرجعيه بكل زمان
بأسمك أينادي گلبنه واللسان
ياصدرنه ياصدر / ياصدرنه ياصدر
★★★★★★★★★★★
الشاعر ( أسعد قاسم الگريعاوي )
لمة عزه
او نزله 👇👇👇
لأستشهاد السيد محمد محمد صادق الصدر رضوان الله عليه
الوداع الوداع/سيدي حان الوداع
★★★★★★★★★★★★★
راح أودعك ياصدرنه روحت الما بيها رجعه
هذي احبابك يسيد تسفح أعله الوجنه دمعه
راح أبو مؤمل يشيعة واليدفنونه أشيرجعه
تبچي سجادة صلاته وسبحته الليله تودعه
ياشهيد ياشهيد/نهجُك الطاهر يُطاع
الوداع الوداع / سيدي حان الوداع
☆☆☆☆
بالدمع والون نودعك كل سنه ننصب عزيه
والله تستاهل نندبك يل قدت أعظم قضيه
خطبتك بالكوفة چانت شوكة بعيون
آل أميه
ياأسد والكل شهدلك يازعيم المرجعيه
لن تموت لن تموت/أيها الصدر الشجاع
الوداع الوداع / سيدي حان الوداع
☆☆☆☆
هددت عرش الظلاله وبالصدق أنطق لسانك
آه يبو مؤمل أصيحن وسفه يالخانك زمانك
وشكثر يصعب غيابك خالي ياسيد مكانك
بلحظه رحت وفارگتنه وماشبعنه من حنانك
أنت أين أنت أين/سيدي نحنُ ضياع
الوداع الوداع /سيدي حان الوداع
☆☆☆☆
بگينه من بعدك يتامه ياحنين وطيبه ذاتك
يابو ملگه وأبتسامه والكرم أجمل صفاتك
بخيمتك لذنه وگعدنه چل كساء صارت عباتك
كل محب هالليله ناده الموت إلي وتسلم حياتك
سيدي سيدي/للسفينة أنته شراع
الوداع الوداع/سيدي حان الوداع
☆☆☆☆
واجب أعلينه نذكرك يلي صحيت الضماير
چم بطل منك تخرج وماخرس صوت المنابر
وهل زلم لو ماوجودك ماتظل أعله السواتر
صحنه لبيك وننصرك ياوطن لا تبقى حاير
لن نخاف لن نخاف/سوف نقضي عالنزاع
الوداع الوداع. / سيدي حان الوداع
☆☆☆☆
نقسم أحنه مانعوفك ياصدرنه ولايهمك
حررتنه وعلمتنه والأجلنه أرخصته دمك
عايش أنته بالضماير ياگبر هذا اليضمك
نهجك الطاهر نسلكه يالتسمينه أعله أسمك
في القلوب في القلوب/ثابتُ الحُب لايباع
الوداع الوداع / سيدي حان الوداع
★★★★★★★★★★★★★
الشاعر ( أسعد قاسم الگريعاوي )
أبوذيات لأستشهاد الإمام الصادق عليه السلام...
خبر فگده المسه الناعي/يشيعه
گضه مسموم وبحسره / يشيعه
يهنياله الذي أيحمله / ويشيعه
ويحفر لحده يم سيد البريه...
★★★★
أعلى تربية النبي وآله / تربه
أو وجه طه أبو الكاظم/ترا به
تمنيت أعتني وأشتم / ترابه
من أشمه چن أشم الغاضريه...
★★★★
وحگ إن مع العسر / ويسرى
مضه السم بوسط چبده / وسرى
صفگدت أيميني عالصادق/ويسرى
بمصابه فجع كل الجعفريه...
★★★★
الإمام الصادق إيسموا / وسافه
وجرح چبده فلا يضمد / وشافه
يريت المصطفى يحضره/وشافه
وبناته ينوحن أعليه هل مسيه...
★★★★★★★★★
الشاعر (أسعد قاسم الگريعاوي)