AROMATERRA.UZB

16 февраля 2023 09:56

SAVOL
Ovulyatsiya jarayonini qanday kuzatish mumkin?

2-toifali vrach ginekolog KOBILOVA NILUFAR ABDURAHIMOVNA javob berdi

1. Тинч (хордиқ) ҳолатдаги тана ҳароратини ўлчаш. Бу усул 3−4 ҳайз циклида термометр кўрсактичларини солиштириш орқали амалга оширилади. Ҳарорат ҳар куни 5−10 дақиқа мобайнида эрталаб ётоқдан турмасдан соат 7 ларда ўлчаниши керак. Термометр орқа тешикка киргазиб ўлчанади. Кейин шу натижалар билан график тузилади (кун ва ҳарорат ўқлари бўйича). Меъёрда тана ҳарорати аниқ фарқли икки хил фазага эга бўлади. Илк 2 ҳафта ҳарорат ўртача 36,6оС (±0,2оС). Кейин ҳарорат тақрибан 0,4-0,5оС ошиши кузатилади. Бу овуляция бошланганидан далолат беради. Мазкур усулнинг афзалиги осонлиги ва ҳаражат талаб қилмаслиги, камчилиги эса аниқликнинг пастлиги. Ҳар доим ҳам мунтазам вақтида ўлчаш имкони бўлмаслиги мумкин. Ундан ташқари турли инфекцион ва сурункали касалланиш, шамоллаш жараёнлари натижа аниқлигига салбий таъсир қилиши мумкин.​ ​

​2. Экспресс−тестларни қўллаш. Дорихоналарда ҳудди ҳомиладорликни аниқлашдаги каби овуляцияни ҳам аниқловчи тестлар бор. Бу тестлар овуляциядан олдин пешобда ЛГ (лютеинзирловчи гормон) миқдори кўпайганини аниқлаш орқали ишлайди. Ушбу усул ҳам 100% аниқ ишлайди деб айтй олмаймиз.

​3. УТТ (ультратовуш текшируви) назорати. Тухумдонларни УТТ орқали текшириб, етилаётган фолликулани кузатиб бориш усул ановуляция ташхисида ҳозирча энг маъқул усул саналади. Бунда фолликулометрия қилинади. Овуляция вақти ҳам тақрибан аниқланади. Агар кейинги УТТ кўрувида фолликула ёрилган бўлса, шифокор мониторда “сариқ тана” ва қорин бўшлиғида бир миқдор суюқлик кўради. Бу овуляция бошланганига далолат қилади. Агар бу ҳолат кузатилмаса, овуляция бўлмаётганига далолат қилади.

@ginekologik_madad

AROMATERRA.UZB

16 февраля 2023 09:55

Аёл организмида фолликула етилиши ва овуляция жараёни ҳамда ҳомиладорлик бошланиши ҳақида ўзбек тилида қисқа видеоролик. Ҳажми 5.8МБ.
Каналга уланинг:👇
https://t.me/joinchat/AAAAAFBvdBiwu4MpzsQ1zQ

AROMATERRA.UZB

10 февраля 2023 02:50

Ҳомиладор аёллар учун "Тизза-тирсак" ҳолатининг фойдалари:

- қон айланиш тизимини яхшилайди,
- пешоб қопини (мочевой пузырь) босим(нагрузка)дан халос қилади,
- бел, умуртқа, буйрак соҳаларининг дам олишига замин яратади,
- буйрак оғриғи оқибатида келиб чиқадиган шишларнинг олдини олади,
- бола тескари жойлашиб қолган тақдирда ҳолатни тўғри ҳолатга келишига кўмаклашади

Бу ҳолатни ҳомиладорликнинг 20-ҳафтасидан кейин амалга ошириш зарур.

Бир кунда 5-6 марта 15-20 дақиқадан шу ҳолатда туриш фойдали.

Буйраги, бел оғриғи безовта қиладиган ҳомиладорлар учун жуда фойдали машқ.

@ginekologik_madad
https://telegram.me/joinchat/AAAAAEOA_a826I9TPbj0bg

AROMATERRA.UZB

10 февраля 2023 02:50

#маълумот_учун

Туғруқдан кейинги ҳомиладорлик

Аввало ёш она туғруқдан кейин ўз организмида қандай ўзгаришлар кечиши, у навбатдаги ҳомиладорликка қачон тайёр бўлишини билиши керак. Бу борада қуйидаги маълумотлар сизга асқотади, деган умиддамиз.

Ҳомиладорлик даврида «иштирок этган» барча аъзо ва тизимлар яна тикланиши учун муайян вақт керак. Акушер-гинекологлар туғруқдан кейинги давр деганда ҳомиладорлик ҳамда туғруқ билан боғлиқ ўзгаришларга учраган аъзо ва тизимларнинг олдинги ҳолатга қайтиши якунига етадиган даврни назарда тутишади. Бу давр одатда 6-8 ҳафта давом этади ва деярли барча аъзолар фаолияти аста-секин тикланади. Фақат сут безлари ва гормонал тизим «ўзгарган» ҳолида ҳам бутун лактация даври мобайнида «ишлайди».

Туғруқдан кейин ҳайз цикли қачон тикланади?

Илгари аксарият мутахассислар бутун эмизикли давр мобайнида ҳайз кўрмасликни нормал ҳолат деб баҳолашган. Бироқ сўнгги ўн йилликларда бир қатор сабабларга кўра мазкур қоида ўзгарди. Хусусан, бу ўзгариш исталмаган ҳомиладорликдан сақланиш мақсадида аёллар гормонал препаратларидан жадаллик билан фойдаланиши, туғруқнинг дори-дармонлар билан амалга оширилиши ва бошқа кўплаб омилларга боғлиқ. Бундан ташқари, болани қўшимча овқатга эрта ўтказиш ва кўкракдан эрта ажратиш ҳам ҳайз циклининг бирмунча эрта тикланишига таъсир кўрсатади. У ёки бу сабаб билан боласини эмизмайдиган ёш оналарда эса туғруқдан сўнг бир ой ўтгач ҳам ҳайз тикланиши мумкин.

Ҳайз циклининг тикланиши — биринчи галда гормонал жараён. Аёл организмида гормонал ҳолат қанча эрта аслига қайтса, ҳайз цикли ҳам шунча тез тикланади. Ўз навбатида гормонал ҳолат тикланиш тезлиги аввало қандай эмизишга боғлиқ.

Агар бола ҳеч қандай қўшимча озуқасиз, фақат кўкрак сутини эмса ва кечаю кундуз унинг талабига кўра эмизилса, кўпинча ҳайз гўдак бир ёшга етганда, яъни лактация даври тугашига бошланади.

Ёш она болани эмизиш билан бирга унга қўшимча овқат ҳам бера бошласа ва кичкинтой эмизишни талаб қилавермаса, лактация даври тугамасидан ҳам ҳайз кела бошлаши мумкин.

Агар чақалоқ туғилганидан бошлаб ҳам эмиб, ҳам сунъий озиқланса, онада туғруқдан кейинги 3-4-ойга бориб, ҳайз тикланади.

Агар она умуман эмизмаса, овуляция ва ҳайз цикли яна-да эрта, тахминан туғруқдан кейинги 10-12-ҳафтада тикланиши мумкин.

Аммо ҳар бир аёл организми ўзига хос. Шунинг учун туғруқдан кейинги илк ҳайз келиш муддатидаги ўзгаришлар бўлиши мумкин.

Мунтазам ва ўзгарувчан

Аксарият аёлларда туғруқдан кейин қайта тикланган ҳайз циклибирданига мунтазам тусга ўтади. Бироқ баъзиларда дастлабки 2-3 циклдан кейин мунтазам ҳайз тикланади. Бу даврда ҳайз мунтазам бўлмаслиги, муддатдан олдин ёки кечикиб келиши мумкин. Аммо дастлабки 2-3 циклдан кейин мунтазам бўлиши керак. Агар бундай бўлмаса, аёл албатта гинекологга мурожаат қилиши лозим. Чунки бундай аломатлар ички жинсий аъзоларда яллиғланиш жараёнлари, эндометриоз каби патологиялар юзага келганига боғлиқ бўлиши эҳтимоли мавжуд.

22-23 кунлик ҳайз цикли нормал ҳолатми?

28 кунлик ҳайз цикли идеал ҳисобланади. Лекин асабий зўриқиш, стресс, касалликлар, экологиянинг ёмонлашуви ҳайз циклига таъсир кўрсатади. Агар ҳайз цикли 21 кундан кам, 35 кундан кўп бўлмаса, нормал ҳисобланади. Бунда цикллар орасидаги фарқ 10 кундан ошмаслиги керак.

Туғруқдан кейинги ҳомиладорлик

Она саломат бўлгандагина соғлом фарзанд дунёга келади. Шунинг учун туғруқлар оралиғидаги муддат уч йил бўлиши мақсадга мувофиқ. Шунда аёл саломатлиги тўлиқ тикланади, бола соғлом ўсади. Туғруқлар оралиғидаги муддатнинг 3 йилдан кам бўлмаслиги аёл саломатлиги тикланишига, туғилган боланинг жисмоний ва маънавий ўсиши ҳамда кейинги ҳомиланинг соғлом ривожланишига замин яратади.

Мутахассис: Муборак ПИРИМҚУЛОВА, гинеколог.
Журналист: Нилуфар ВАҲОБОВА.

Sugdiyona.uz

AROMATERRA.UZB

07 февраля 2023 05:54

SAVOL
Folekula yorilmasa, po'sti qalin bo‘lsa operatsiya qilib ustini tilib davolash mumkinmi?

Мустақил изланувчи акушер гинеколог ГУЛАММАХМУДОВА ДИЛОБАР ВАЛИЖАНОВНА жавоб берди

Спкя деган ташхис бор. Бу касалликда тухумдон пўстлоқ қисми жуда қалин бўлиши натижасида фолликула ўсади, лекин ёрилмайди. Лекин ҳар доим ҳам фолликула ёрилмаслиги тухумдон пустлоғи қалинлигидан келиб чиқмайди. Гормонларнинг ўзгариши ҳам сабаб бўлиши мумкин.
Спкя ташхисида тухумдон ўлчамлари катта бўлиб, антрал фолликулалар кузатилади. Маслаҳатим аввал жинсий гормонларни текширитиринг ва дори воситалар ёрдамида даволанинг. Оператив усулга ҳар доим улгурасиз.

@ginekologik_madad

Савол юбориш учун линк
https://elmadad.uz/ginekologiya/index/uz

AROMATERRA.UZB

07 февраля 2023 05:54

YOSH QIZLAR GINEKOLOGIYASI

Akusher-ginekolog Sotsuk Anna Grigoryevnaning yosh qizlar onalarining savollariga bergan javoblari.

Qiz bolani necha yoshdan ginekolog ko'rigidan o'tkazish mumkin?

Ohirgi payt jinsiy a'zolar gigyenasi bilan bog'liq infeksiyalar, muddatidan oldin balog'atga yetish, jinsiy a'zolardagi jismoniy nuqsonlar kabi holatlarning ko'payganligi tufayli qiz bolani 1 yoshiga to'lgach yilda 1 marta, keyinchalik esa shikoyatlariga qarab ko'rsatmoq lozim, deb tavsiya qilaman.

🌸🌸🌸

Bog'cha yoshidagi qiz bolani yuvintirayotganda tagini oddiy sovun bilan yuvsa bo'ladimi yoki iliq suvni o'zi yetarlimi?

Kichik yoshdagi qizlarni bolalar sovuni bilan yuvintirish lozim.

🌸🌸🌸

Mening 2 oylik qizimda shifokor tashqi jinsiy a'zolarining terisi yopishib rivojlanayotganini aniqladi va buni tezda operasiya qilishni tavsiya qildi. Operasiyaqilish shartmi?

Tashqi jinsiy a'zolari terisning yopishib ketishi sinehii deb ataladi va bu holat zudlik bilan amalga oshiriladigan plastik operasiyasini talab qiladi va doimiy ravishda terini maxsus gel bilan yoki yog'bilan yog'lab turish kerak. Sinehii borib borib ko'payish hususiyatiga ega.

🌸🌸🌸

Qizim 11.5 yosh, lekinhayzko'rmagan. Bu to'g'rimi?

Bu yoshda hayzko'rmasligi normal holat.

🌸🌸🌸

Qizim 4 oy. Tagliklari tufayli kunda bir necha bor tagini yuvaman. Ikki-uch kundan beri tagi qizarib qoldi, nima qilish kerak?

Bu qizarishning ginekologiyaga aloqasi yo'q bo'lib, tagliklar uchun ishlatiladigan maxsus chaqaloqlar kremidan foydalaning.

🌸🌸🌸

Qizim 14 yosh. Hayz sikli muntazam emas. Baz'ida 21 kunda hayz ko'rsa, ba'zida 45 gacha cho'zilib ketishi mumkin. Hayz ko'rishni o'tgan yilidan boshladi. Buni davolash kerakmi?

Bu holat vaqtinchalik bo'lishi mumkin. Biroz kutib kuzating. Agar hayzsikli normaga tushmasa, u holda ginekoglogga murojaat qiling. Jinsiy a'zolari ultra tovushni diagnostikasi va gormon analizlari talab etiladi.

🌸🌸🌸

Qizim 6 yosh. Olti oyligidan bilan jinsiy a'zolari terisi yopishib rivojlanishi kuzatiladi. Doimiy ravishda maxsus gel bilan terisini surib turamiz. Lekin xanuzgacha bu muammo mavjud. Qachon terisining yopishib ketishi to'xtaydi?Bolani ginekologga va allergologga ko'rsatishingizni tavsiya etaman. Glyukoza va insulinni tekshirtirish ham muhim. Odatda 6 yoshgacha bu muammo yo'q bo'lishi kerak. Qaytalanayotgan bo'lsa, qizingizni yaxshilab tekshirtirish talab etiladi.

Manba: eva.ru

AROMATERRA.UZB

07 февраля 2023 05:54

Қорин чиқиб қолиши ҳақида

AROMATERRA.UZB

04 февраля 2023 03:32

керакли тавсияни бериб, таркибида эстроген бўлган мазь, таблеткалар буюриши мумкин.

Яра ва шишлар

Баъзи аёлларнинг чов қисмида киста ва юмшоқ фиброма ривожланади. Бу ҳомиладор аёлларда учрайдиган жинсий аъзоларнинг варикоз ҳолатини эслатади. Тик турган ҳолатда бу шишлар аёлни кўпроқ безовта қилади. Улар аниқланган вақтидаёқ даволанса, асорат қолдирмайди.

Бироқ жинсий аъзолардаги яраларга жиддий қараш лозим. Улар герпес ёкисаратон белгиси бўлиши мумкин. Қаттиқ шишлар, сўгал, вақти билан рангини йўқотувчи қизил-ясси яралар саратон ўсимтаси аломатлари ҳисобланади.

Манба: Darakchi.uz

AROMATERRA.UZB

31 января 2023 04:05

Мазкур гормоннинг яна бир қизиқарли томони шундаки, у овқат ҳазм қилиш жараёнида ҳам иштирок этади. Шу сабабдан меъёридан ортиқча овқат истеъмол қилганимизда, ортиқча таомни ҳазм қилиш учун кўпроқ мелатонин ишлаб чиқарилади ва бизни уйқу босади.

Серотонин – “Бахт гормони”. Серосотин бош мия нейромедиатори бўлиб, кўпроқ гормон деб аталади. Бош мия марказидаги ғуддасимон безда ишлаб чиқарилади. Инсоннинг психологик ва жисмоний фаолияти билан боғлиқ бўлиб, иштаҳа, кайфият, либидо, ижтимоий хулқ-атвор, когнитив фикрлашга таъсир кўрсатади. Серотонин миқдори ақлий салоҳият, организмга бевосита таъсир кўрсатади. Унинг миқдори қанчалик кўп бўлса, шунча яхши, дейилади тиббий мақолаларда.

Серотонин миқдорини табиий усулда оширган маъқул. Жумладан, осон ҳазм бўлувчи углеводларга бой майдаланмаган донлар, ясмиқ, сули ёрмаси ва ловия истеъмолини канда қилмаслик зарур. Кўп босқичли тозалашдан ўтказилган, носоғлом ва кўп бор қайта ишланган маҳсулотлар (оқ нон, булочки, конфет)дан тийилишни ҳам унутмаслик лозим. Шунингдек, мева ва сабзавотлардаги қимматли углеводлар, В, В6 витаминлари, Омега-3 ёғ кислоталари (балиқ), Қуёш нурлари остида сайр қилиш, мустаҳкам уйқу, жисмоний машқлар ҳам унинг миқдорини ошириш хусусиятига эга.

Ҳар қандай севимли машғулот (хобби), ёқимли мусиқа тинглаш, сузиш ёки велосипед ҳайдаш, яқин инсон ва қадрдон дўстлар суҳбати ҳам нафақат серотонин, балки допамин ва бошқа кўплаб фойдали гормонларнинг ишлаб чиқарилишига олиб келади.

Инсон Яратганнинг буюк мўъжизаси. Табиатда эса биз ҳали англаб етмаган сир-синоатлар сероб. Биз юқорида айрим гормонларнинг асосий хусусиятларини тилга олган бўлсак ҳам, уларнинг вазифалари шулар билангина чекланиб қолмайди.

tib.uz

AROMATERRA.UZB

31 января 2023 04:05

#маълумот_учун
(такрорий)

Биз билган ва билмаган гормонлар

Ҳаётда турли вазиятларга тушиб турамиз. Гоҳида кайфиятимиз яхши бўлса, баъзан тушкунлик гирдобида қоламиз, кимнидир яхши кўрамиз, кимларгадир меҳр-муҳаббат улашамиз. Тонг отса уйқудан уйғониб, ўзимизни тетик ёки ҳолсиз ҳис этамиз, очлик, чарчоқ, уйқу, хуллас, кунимиз минг турфа ҳис-туйғулар ичида ўтаверади. Бизни қамраб олган турли-туман туйғуларнинг сабабларини баъзида билсак, гоҳида улар боисини англаб етмаймиз.

Тўғри, жисмоний ва психологик ҳолатимизга ҳаётдаги турли воқеа-ҳодисалар бевосита таъсир кўрсатиб туради. Аммо бу вақтда пайдо бўлган туйғуларни организмимизда гормонлар бошқаришини биласизми? Қуйида сизнинг ҳар кунлик кайфиятингиз, ички ҳолатингизни белгилаб берувчи асосий гормонлар ҳақида айрим маълумотларни эътиборингизга ҳавола этамиз.

Эстроген — асосан аёллар гормони бўлиб, тухумдонларда ишлаб чиқарилади. Улар томирлар эластиклигини, терининг таранглигини таъминлайди. Аёллар назокати бевосита ушбу гармон миқдорига боғлиқ. Шунингдек, асаб тизимига стресс асоратларига қарши курашишга кўмаклашади. Организмда мазкур гормоннинг етарлича миқдорда ишлаб чиқарилиши Е (ўсимлик ёғи, ловия), К (исмалоқ, ошқовоқ, яшил нўхат, жигар, тухум сариғи) витаминлари ҳамда фолий кислотаси(петрушка, карам) меъёрига чамбарчас боғлиқ.

Тестостерон (андроген) эркакларнинг биринчи рақамли гормони бўлиб, куч-ғайрат манбаи ҳисобланади. Ушбу гормоннинг етишмаслиги эркакларда нафақат асабийлик ва жинсий заифликни, балки бошқа бир қатор муаммоларни ҳам келтириб чиқаради. Жумладан, организмнинг умумий тонуси тушиб кетади, хотира заифлашади, ишчанлик кайфияти йўқолади. Бунинг олдини олиш учун рух(сигир ва қўй гўштлари, денгиз маҳсулотлари, ошқовоқ уруғи) моддаси мвжуд бўлган маҳсулотларни тез-тез истеъмол қилиб туриш керак. Шунингдек, эркаклар кунига ярим литрдан зиёд пиво истеъмол қилиш мунтазам равишда эркаклик гормонларининг камайишига олиб келишини унутмаслик, алькогол ва тамаки маҳсулотларидан имкон қадар четланишлари лозим.

Окситоцин — меҳр ва муҳаббат гормони. Буйрак усти безларида ишлаб чиқарилади. Ҳомиладор аёлларда ушбу гормон фарзандини дунёга келтираётган вақтда жуда зарур. У бачадон қисқаришига хизмат қилади. Бола туғилганидан кейин ҳам окситоцин муҳим роль ўйнайди. Шу боис у оналарнинг гўдагига бераётган она меҳри, деб аташ мумкин. Мазкур гормоннинг етишмаслиги ғам-қайғуни (баъзан мутлақо бесабаб кайфият тушиб кетади) келтириб чиқаради, хавотир даражасини ошириб юборади. Ушбу гормон шоколад, банан, авакадо ва селен моддасига бой бўлган кабачки (қовоқча), сельдерей, патиссон (кулчақовоқ) каби маҳсулотларда кўп миқдорда учрайди. Шунингдек, фарзанди кулган вақтда ота‑она қонида кўп миқдорда мазкур гормон ишлаб чиқарила бошлар экан.

Яна бир муҳим гормон ҳисобланган тироксин қад‑қомат гўзаллиги ва ақл‑идрокнинг шаклланишига жавобгар саналади. Қалқонсимон безларда ишлаб чиқарилувчи ушбу гормон организмда моддалар алмашинуви, ҳаракатлар координацияси ва тана тузилишини бошқаришда иштирок этади. Унинг ортиқчаси мушаклар вазнининг камайишига олиб келса, етишмовчилиги тана вазнининг ортиши (семириш) ҳамда ақлий заифликка сабаб бўлиши мумкин. Унинг меъёри бузилганини уйқусизлик, юрак ўйноғи ёки безовталикдан билиш мумкин. Айтиш жоизки, мазкур гормон организмда йод моддаси меъёрига чамбарчас боғлиқ. Шу боис йодга бой бўлган денгиз карами, денгиз маҳсулотлари ёки йодланган туз, нон ва сут маҳсулотлари истеъмолини канда қилмаслик тавсия қилинади.

Норадреналин ўз‑ўзини ҳимоя қилиш гормони бўлиб, буйрак усти безларида ишлаб чиқарилади. Стресс ҳолатида ушбу гормон бутун организмни “уруш ҳолати”га тайёрлайди. Бу вақтда кучсизланган организмни инфекциялардан ҳимоялайди, иммунитет ишини мувофиқлаштиради.

Ушбу гормоннинг меъёрида эканини юзимиздаги соғлом қизилликдан билиш мумкин. Кунни йогурт истеъмол қилиш билан бошлаган кишиларда мазкур гормон меъёрида бўлиши кафолатланган. Сабаби, йогурт таркибидаги тирозин аминокислотаси норадреналин синтези учун хизмат қилади. Шунингдек, ушбу гормоннинг ишлаб чиқарилишида бета‑каротин (янги сабзи) муҳим рол ўйнайди.

AROMATERRA.UZB

29 января 2023 19:46

Intim joylarning gigienasiga alohida e’tibor bering — tabiiy matodan tayyorlangan ich kiyimlar kiying, kundalik prokladkalardan faqat kerak bo’lganida foydalaning (agar ko’p ajralmalar mavjud bo’lsa, shuningdek ularni har 3-4 soatda almashtiring), hayz davrida vaqtincha muddatga tampon o’rniga prokladkalardan foydalaning.

Stringlar, har qanday noqulay ich kiyim yoki tor va noqulay shim kiymang, ular qichishning kuchayishiga sabab bo’lishi mumkin. Kuniga 2-3 marta tashqi jinsiy a’zolarining tualetini amalga oshiring, bu maqsadda siz moychechak damlamasidan foydalanishingiz mumkin, sovun ishlatmang.

Bu choralar jinsiy a’zo qichishini davolash usuli sanalmaydi, ular faqat yoqimsiz alomatlarni biroz yengillashtirish va mavjud holatni og’irlashtirib yubormaslikka yordam beradi.

Har qanday holatda ham ginekologga tashrifni kechga qoldirmaslik kerak, bo’lmasa keyinchalik buni davolash ancha murakkabroq, uzoqroq va qimmatroq bo’lishi mumkin, siz esa noxush alomatlardan ko’proq aziyat chekkaningiz qoladi.

Qichish va achish sabablarini aniqlash uchun ginekolog nima qiladi?

Tushunganingizdek, bunday alomatlarni keltirib chiqarishi mumkin bo’lgan sabablar juda ko’p va ular turli-tumandir, shu sababli davolashga yondashish ham turlicha bo’ladi.

Sizda mavjud alomatlar mohiyatini faqatgina kerakli tibbiy ko’rikdan so’ng shifokor tushinishi mumkin.

Bemorni so’roq qilib, ko’rik va kolposkopiya o’tkazganidan so’ng, shifokor ma’lum bir vaziyatda talab qilinadigan tahlillar miqdorini aniqlaydi. Asosan quyidagilar kerak bo’lishi mumkin:

Qin florasini aniqlash uchun surtma olish;
Bakteriologik ekish;
IFT va PZR yordamida infektsiyalarni aniqlash tadqiqi;
Kichik tos a’zolarining ultratovush tekshiruvi;
Ichak disbakteriozi uchun tahlil;
Parazit mavjudligini aniqlash uchun tahlil va boshqalar.

Yuqoridagi tadqiqot usullarining qay biri sizga kerak bo’lishini ko’rik vaqtida shifokor belgilaydi.

Jinsiy lablar qichishi va achishi: davolash

Vulvaning qichishishini, achishini davolash ginekolog shifokor tomonidan amalga oshiriladi. Agar kerak bo’lsa, davolanishga boshqa mutaxassislar jalb qilinishi mumkin (muammoning mohiyatiga qarab): terapevt, nevropatolog, allergolog, dermatolog.

Bunday holda, shifokor har safar bir qator individual omillarni hisobga oladi, shuning uchun hatto bir xil kasallikni davolash ham turli bemorlarda sezilarli darajada farq qilishi mumkin.

Demak, yuqorida aytib o’tganimizdek, davolash har doim kasallikning sabablariga bog’liq:

AROMATERRA.UZB

29 января 2023 19:46

Intim joylarning noto'g'ri gigiyenasi ham noqulaylik, qichishish va achishish paydo bo’lishiga olib keladi, terining qizarishi, toshma toshishi kuzatilishi mumkin. Normal vaginal florani saqlab qolishda intim gigiena uchun to’g’ri tanlangan vositalar yordam beradi.

AROMATERRA.UZB

29 января 2023 19:46

#маълумот_учун
манба: mymedic.uz

Ayollar jinsiy a’zosi qichishi va achishi — sabablari, bartaraf etish usullari, davolash

Ayol jinsiy a’zolarining shilliq qavati murakkab ekosistema bo’lib, unda ma’lum bir nisbatda ko’plab turli xil mikroorganizmlar mavjud va ularning miqdori va tarkibi ayolning yoshi va fiziologik holatiga qarab o’zgarib turadi.

Hayotning ma’lum bir davri uchun xarakterli bo’lgan mikroorganizmlar normal nisbati saqlanib turar ekan, ayol intim zonalarida diskomfort sezilmaydi. Bu muvozanat buzilganidan so’ng, ayol jinsiy a’zosi qichishi, diskomforti, qizarishi, quruqligi, achishi va hokazo shikoyatlar paydo bo’la boshlaydi. Bu quruqlik, qichish, achishish va boshqa shu kabi alomatlarning eng keng tarqalgan, ammo yagona sababi emas.

AROMATERRA.UZB

29 января 2023 19:46

Estrogen-progesteron yetishmovchiligi

AROMATERRA.UZB

29 января 2023 19:46

Estrogenlarning yetishmovchiligi

AROMATERRA.UZB

16 февраля 2023 09:56

Овуляция кунлари

Ҳар бир аёл овуляция ҳақида қандайдир маълумотга эга бўлиши керак. Ҳомиладор бўлиш учун у жуда муҳим бўлса, ҳомиладорликдан сақланиш мақсадида ҳам ундан хабардор бўлиш керак. Овулясия ҳақида энг долзарб саволларга жавоб оламиз.

Нега мен овулясия кунларини билишим керак?

Овулясия ҳомиладор бўлиш учун энг муҳим давр ҳисобланади. Нормада аёлда бир ҳайз циклидавомида ўртача 6 кун ичида уруғланиш имконияти мавжуд бўлади. Айнан шу кунларда жинсий алоқа юз берса, аёл ҳомиладор бўлиш эҳтимоли мавжуд бўлади. Овулясия кунларини билиш айниқса, бепуштлик муаммоси юз берганда, жинсий алоқалар мунтазам бўлмаганда, ҳайз циклиҳар хил бўлганида жуда муҳим бўлади. Шунда ҳомиладор бўлиш учун барча ҳаракат айнан ўша овулясия кунларига қаратилган бўлиши талаб этилади.

Қандай қилиб овуляция бўлаётганидан хабар топишим мумкин?

Баъзи аёллар ўзидаги гормонал ўзгаришларни кузатиш жараёнида ўз овулясия кунларини айта оладилар. Бу ўзгаришларга бел оғриши, қинданкўпроқ суюқлик ажралиши ва бошқалар киради. Лекин бу аломатлар орқали овулясияни аниқ белгилаб бўлмайди. Ундан ташқари аптекада сотиладиган овулясия тестлари ва ултра товушли диагностика овулясия бўлаётганини аниқ кўрсатиши мумкин.

Базал ҳарорат нима дегани?

Базал ҳарорат думба кириш жойи(анус) даги ҳароратга айтилади. Бу ҳароратнинг ўзгаришига қараб ҳам овулясияни аниқлаш мумкин. Чунки овулясияга сабабчи прогестерон гормони тана ҳароратини оширади.

Базал ҳарорат орқали овулясияни билиш:
Ҳар куни эрталаб ўриндан турмаган ҳолда ўз базал ҳароратингизни ўлчайсиз ва бир жойга ёзиб қўясиз. Овулясия яқинлашаётганда шу ҳарорат аста ортишни бошлайди. Айнан ҳарорат ортишидан 1-2 кун кейин сиз уруғланиш учун мойилсиз. Ҳарорат ошишини прогноз қилишучун базал ҳарорат камида 3 ой давомида кузатилиб ёзиб борилиши керак. Шунда кейинги циклда тахминан ҳарорат кўтарилиши кузатилишидан сўнг жинсий алоқада бўлиш ҳомиладорликка олиб келиши мумкин. Ҳароратнинг кўтарилгандан сўнг пасайиши овулясия ўтиб кетганидан далолат беради. (Кўтарилиш ва пасайиш одатда 0.4-0.6 даражаниташкил этади)

Овулясия кунларини билиб ҳомиладорликдан сақлансам бўладими?
Баъзи аёллар ҳомиладор бўлмаслик учун овулясия кунларини билиб, шу кунларда жинсий алоқа қилмасликка ёки шу кунлари қўшимча сақланиш воситаларидан фойдаланишга амал қиладилар. Афсуски, бу йўл ҳомиладорликдан сақланиш учун қўл кела олмайди. Чунки овуляция содир бўлиши организмнинг умумий гормонал ҳолатига боғлиқдир. Ҳаттоки, асабийлашиш ҳам режадаги овуляция кунларини ўзгартириб юбориши мумкин.

Овуляция кунларини кутиб, айнан ўша кунлар оралиғида жинсий алоқада бўлсам, ҳомиладор бўлишим аниқми?

Албатта ҳомиладор бўлиш учун аёлда овуясия бўлиши даркор. Лекин ундан ташқари эркакнинг саломатлиги, аёлдаги бошқа гормонал ҳолатлар ва жинсий касаллликлар мавжу бўлмагани муҳим аҳамиятга эга. Шунинг учун ҳомиладорликка тайёргарлик кўраётган аёллар боғланиб қолиб фикри-хаёли уни ҳисоблаб, айнан ўша кунлари алоқада бўлишни мўлжаллаб стрессга тушмай, ўз ҳаётларини ҳар доимгидек давомэттиришлари керак. Стресс, баъзида овуляция бўлмаслигини ҳам келтириб чиқаради. Аёл умуман овуляция кунларинитахминан билиб, шунга мувофиқ йўл тутиши мақсадга мувофиқ бўлади. Лекин эртаю кеч барча ҳаракатини овуляцияни ҳисоблашга қаратиб юрган аёлларда асабийлашиш кучли бўлиб, ҳомиладорлик юз беришига баъзида тўсқинлик қилиши ҳам мумкин.

Манба: Uzbaby.uz

AROMATERRA.UZB

16 февраля 2023 09:55

SAVOL
Agar ovulyats­iya ro'y bergan bo'lsa necha kunda bilin­adi?

Мустақил изланувчи акушер гинеколог ГУЛАММАХМУДОВА ДИЛОБАР ВАЛИЖАНОВНА жавоб берди

Овуляция бўлишидан аввал чўзилувчан ажралмалар қиндан келишни бошлайди. Уй шароитида ажралмани қўл билан чўзиб кўрилганда 10 см.гача чўзилса 1-2 кунда овуляция бўлиши кузатилади.
УЗД орқали текширилганда 5-6 кунгача агар малакали мутахассис бўлса 10 кунгача аниқласа бўлади. Чунки овуляция бўлганда ёриб чиққан тухум хужайра устидаги кобиғи борлиги аниқланади.

@ginekologik_madad

AROMATERRA.UZB

10 февраля 2023 02:50

Ҳомиладорлар учун фойдали "Тизза-тирсак" ҳолати

@ginekologik_madad
https://telegram.me/joinchat/AAAAAEOA_a826I9TPbj0bg

AROMATERRA.UZB

10 февраля 2023 02:50

#АЁЛЛАР_ПСИХОЛОГИЯСИ

Ayol necha yoshda nima istaydi?

❤️22 ёшда
1. Орзумдаги шаҳзодадек кўркам бўлсин!
2. Бир қараганда мафтун эта олсин.
3. Бир касбнинг эгаси, ҳаётда ўз ўрнини топган шахс.
4. Жон қулоғи билан тинглаш санъатига эга.
5. Керакли вақтда, керакли гапни топиб айта оладиган.
6. Жисмонан соғломлиги ҳам муҳим аҳамиятга эга.
7. Дид билан кийиниши шарт!
8. Ажойиб натижали ишни тан олишни ҳам билсин.
9. Кутилмаган совғалар ҳадя этиб турса ёмон бўлмасди.
10. Ҳаётимни эътиборли ва романтик йигит билан боғлашни истайман!

❤️32 ёшда
1. Келишган қадди-қоматини йўқотмасин-да! Айниқса, сочлари эрта тўкилмаса эди.
2. Илтифотлилиги умр бўйи сақлансин. Ахир машинанинг эшигини очиб беришига ўрганиб қолганман.
3. Тўйдан аввалгидек тез-тез тушлик ё кечки овқат учун бирор сокин жойга олиб боришни канда қилмасин.
4. Камроқ гапириб, кўпроқ мени тингласа.
5. Ҳазилкаш бўлсин.
6. Бозор-ўчарни ўзимнинг зиммамга юкпаб қўймасин.
7. Камида битта бўйинбоғи бўлсин. Эримнинг костюмда юришига «касал»ман-да!
8. Тайёрлаган таомимни севиб истеъмол қилсин.
9. Туғилган кунлар, тўйимиз санаси ва шунга ўхшаш мyҳим байрамлар ёдида турсин.
10. Ҳафтада бир бор бўлса ҳам романтик оқшом ҳадя этсин!

❤️42 ёшда
1. «Энди олма-ўрик бўлармидим» демай, ташқи кўринишига эътиборли бўлсин!
2. Янги келин-куёвлигимиздагидек илтифот билан машинага чиқариб қўйса.
3. Ишга муккасидан кетган бўлса ҳам, тушликка уйга келишга вақт ажратсин.
4. Гапирганда бош чайқатиб турсин.
5. Ҳазилни ҳам тушунсин.
6. Жисмонан бақувват бўлсин. Уй жиҳозларининг жойини ўзгартиришда одам йўллашга ҳожат қолмасин.
7. Қорнини ёпадиган кўйлак кийсин.
8. Ичкиликларга ружу қўймасин.
9. Тартибли бўлса, ортидан йиғиштириб юришга тўғри келмасди.
10. Дам олиш кунлари ҳам соч-соқолини олдиришга одатлансин.

❤️52 ёшда
1. Сочини олдириб, кўркам бўлиб юрсин.
2. Барчанинг олдида кекириш, эснашдан ўзини тийсин. Одоб чегарасидан чиқмасин!
3. Қарз олиш касаллигига чалинмасин.
4. Бирор масала юзасидан маслаҳатлашмоқчи бўлганимда, ухлаб қолмасин.
5. Бўлган воқеаларни қайта-қайта айтавермасин.
6. Жисмоний машқлар билан шуғулланишни канда қилмасин. Қарилик гаштини ҳассасиз ўтказсин.
7. Барча либосларини тез-тез алмаштирсин.
8. Телевизордаги кўрсатувга берилиб кетиб, тушликда нима еганининг фарқига бормай қолмасин.
9. Барча яқинларимизнинг номини ёддан чиқармасин. Бунинг учун эса хотира машқларини бажаришни канда қилмасин.
10. Соқолини ўстириб юрмасин.

❤️62 ёшда
1. Ёш болаларни қўрқитмасин.
2. Нима қаерда жойлашганини ёддан чиқармасин.
3. Оила боқиш учун кўп пулга учмасин.
4. Ухлаганида енгил хуррак отса ҳам майли.
5. Нима воқеа сабаб кулгани ёдида турсин.
6. Худди йигитлардек қаддини ғоз тутиб юрсин.
7. Одатдагидек кийинсин.
8. Енгил ҳазм бўладиган маҳсулотлар олиб келсин.
9. Керакли буюмларини қаерда қолдирганини элай олсин.
10. Дам олиш кунлари билан иш кунларини фарқласин.

❤️72 ёшда
1. Тўрт мучаси соғ бўлса бас!
2. Йиқилиб бирор ташвиш
орттирмасин!

Telegram.me/Uzbek_Ladies

AROMATERRA.UZB

07 февраля 2023 05:54

Ushbu mashqda aynan qorinni hamma muskullari ishlaydi. Press mustahkamlanadi, yog'lar eriydi. 4 haftada natijani albatta korasiz☝️
🍃🌸 @Sugdiyona 🌸🍃
🌸🍃 @Ideal_qomat 🍃🌸
🌸 @Dil_kosmetolog 🌸

AROMATERRA.UZB

07 февраля 2023 05:54

ҚИЗ ФАРЗАНДли она учун

Унутманг: фарзанд билан ота-онанинг ўзаро муносабатига боланинг гўдаклигида пойдевор қўйилади. "Қизим ҳали кичкина, нимани ҳам тушунарди” деб ўйламанг! 

Балоғат остонасида 

11 ёшдан бошлаб ҳар бир ўсмир қизнинг руҳияти, дунёқараши ва фикрлаши кундан-кунга ўзгара бошлайди. Она фарзандини тушунишга иложи борича ҳаракат қилиши лозим. Она қизига қанчалик яхши йўл кўрсатиб дашном бермасин, бола ота-онасининг гапига қулоқ солмай, аксинча, яна ҳам баттарроқ ҳаракат билан жавоб қайтариши мумкин.

Аслида онаси уни яхши йўлга бошлашга ҳаракат қилаётгани тўғрисида ўйламаслиги ҳам мумкин.

Шунинг учун иложи борича она ўсмир қизининг кўнлига йўл топгач, яхши гапни ўзига қурол қилиб олиши лозим. Кўп вазиятда ўсмир кизлар жўяли гапга муҳтож бўлган маҳал онаси билан сирлашиб, маслаҳат сўрамоқчи бўлади.

Лекин онасидан қўрққани сабабли ундан сир сақлашга мажбур бўлади. Болаларининг ўсмирлик давридаги ҳавойилигига фақат онанинг сабри чидайди. Чунки бу даврда кимдир қайсар, яна кимдир одамови бўлиб қолади. Сал нарсага жаҳли чиқади. Бу биологик жараён эканлиги ва у яқин орада ўтиб кетиши ёдингиздан кўтарилмасин. 

Унутманг: қиз боланинг жинсий тарбияси учун — она маъсул. Қиз балоғат ёшига етишидан аввалроқ жинслар борасида ҳамда ҳайз жараёни ҳақида етарли маълумотга эга бўлиши лозим. Онадан етарли маълумот ололмаган қиз атрофдан маслаҳатгўйлар қидиришга тушади. 

parvona.com

AROMATERRA.UZB

04 февраля 2023 03:32

Metroendometrit

MЕTRОENDОMЕTRIT (yunоn. metra — bаchаdоn vа lot. endometrit — endоmеtriy) — bаchаdоn muskul vа shilliq qаvаtining yalliglаnishi.

Mеtrоendоmеtritni kаsаllik kеltirib chiqаrаdigаn turli mikrооrgаnizmlаr (strеptоkоkk, stаfilоkоkk, -sil tаyoqchаsi, gоnоkоkk vа b.) qo’zgаtаdi.

Аbоrt(аyniqsа kаsаlxоnаdаn tаshqаridа qilingаn), jinsiy vа ungа yondоsh оrgаnlаrdаgi yalliglаnishlаr, hоmilаdоrlik vа chillа dаvridа gigiеnа qоidаlаrining buzilshi hаm mеtrоendоmеtritgа sаbаb bo’lishi mumkin. Kаsаllikdа ko’pinchа qоrin pаsti оgrib, оqchil yiringli yoki qоn аrаlаsh chiqindi kеlаdi.

Dаrmоnsizlаnаdi, xаyz ishi buzilаdi (xаyz qоni ko’p kеlib, uzоq dаvоm etаdi).

Аsоrаtlаridаn yalliglаnish jаrаyonining yondоsh оrgаnlаrdа o’tishi, bоlа tаshlаsh, hоmilаdоrlikdа bоlа o’rnining qаtlаm-qаtlаm bo’lib ko’chish hоllаri kuzаtilаdi. Mеtrоedоmеtritgа xоs kаsаllik bеlgilаri ko’rinishi bilаn dаrxоl аkushеr-ginеkоlоggа uchrаshish, uning ko’rsаtmаlаrigа qаtiy аmаl qilish lоzim.

Mеtrоedоmеtritning оldini оlish uchun аbоrtdа, hоmilаdоrlik vа chillа dаvrdа tаvsiya etilаdigаn gigiеnik rеjim vа jinsiy gigiеnа qоidаlаrigа аmаl qilish kеrаk.

shumbola.vo.uz

AROMATERRA.UZB

04 февраля 2023 03:32

Гинеколог кўригидан ўтиш учун 6 сабаб

Баъзи аёллар ҳайз циклининг бузилиши, бел ва киндик остидаги оғриқ,оқчил (молочница)ни одатий ҳолдек қабул қилишга ўрганиб қолишган. Гўёки шундай бўлиши керакдек. Тана «шифокорга бораман» деб «SOS» хабарини берганида унга қулоқ тутинг.

Тосдаги оғриқлар

Овуляция тухумдонлар атрофида кучли оғриқларга сабаб бўлиши мумкин. Ҳайз даври ўртасидаги оғриқ ҳолати кўпчилик аёлларга таниш. Мунтазам ёки вақти-вақти билан безовта қилувчи оғриқ 2-3 кун ичида ёки оғриқсизлантирувчи дорилар ёрдамида ўтиб кетади. Лекин тосдаги безовталик сурункали тус олса, гинеколог кўригидан ўтиш тавсия этилади. Бундай вазиятда:

*.эндиометриоз ва бачадондаги хавфсиз миомага қарши текширтириб кўринг.

*.Кучли оғриқ маълум вақт оралиғида тўхтаб, қайта бошланаверса, «Тез ёрдам» чақиринг. Кўпинча оғриқнинг бундай белгилари тухумдон кистаси ва унинг шикастланишида кузатилади.

*.Оғриқ бир неча марта тўсатдан хуруж қилса, тухумдон буралиб қолган бўлиши мумкин. Бу ҳолатда аъзо етарли даражада қон билан таъминланмайди. Томирларнинг сиқилиши юзага келганда инфекция тушса, перитонит касаллигига айланиб кетиш хавфи бор. Баъзан кўнгил айниши, қайт қилиш кузатилади.

*.Қон кетиши билан бирга намоён бўладиган тосдаги оғриқ бачадон ташқарисидаги ҳомиладорликдан дарак бериши мумкин. Бунда уруғланган тухум ҳужайра бачадон бўшлиғига эмас, балки бачадон найига мустаҳкамланаётган бўлади. Зудлик билан гинеколог кўригидан ўтиш лозим.

Тосдаги оғриқ тухумдонлар саратонининг аломати ҳисобланмайди. Қорин дам бўлиши, қабзият ва тухумдонлар атрофида босим кучайиши 2 ҳафта давомида безовта қилса, шифокор кўригидан ўтиш маслаҳат берилади.

Қон кетиши

Агар оз-оздан бўлса-да 1-2 ой давомида сабабсиз қон кетиши кузатилса, зудлик билан шифокорга мурожаат қилиш лозим. Жинсий балоғат ёшига қадар ва ҳомиладорлик давридаги ҳар қандай қон кетишида гинеколог кўригидан ўтиш лозим.

*.Ҳомиладорликка қарши таблеткалар қон кетишини келтириб чиқариши мумкин. Бу унчалик хавфли эмас, бироқ шифокор билан дорини алмаштириш ҳақида маслаҳатлашиш керак.

*.Катта ёшли аёлларда менопаузадан аввал кузатилади. Бу нормал ҳолат.

*.Қалқонсимон без фаолияти бузилса, ҳайз циклида ўзгариш бўлади. Эндокринологга мурожаат қилинг.

*.Ҳар жинсий яқинликдан сўнг қон кетиши кузатилса, сўзак ёки хламидиоз инфекциялари натижаси бўлиш эҳтимоли бор.

*.Менопаузадан кейинги қон кетиши бачадон саратони аломатларидан бўлиши мумкин. Бундай ҳолатда кечиктирмасдан шифокор кўригидан ўтиш зарур, шундагина аниқ ташхис қўйилади. Тухумдонлар саратонидан фарқли равишда уни эрта аниқлаш ва даволаш имконияти бор.

Ажралмалар

Ҳар бир аёл қандай ажралмалар нормал ёки ноодатий эканлигини фарқлай олиши зарур. Баъзан ўткир ҳидли, одатдагидан кўпроқ, қичишиш ва ачишиш кузатилиши, рангининг ўзгариши, қон билан келишини ноодатий дейиш мумкин. Жинсий йўл билан юқувчи аксарият касалликларнинг биринчи белгиси ажралмалар ҳисобланади. Эътиборли бўлиш зарар қилмайди. Турғун, рангсиз ва кўп келаётган ажралма камдан-кам учрайдиган бачадон найи саратони белгиси ҳисобланади.

Қичишиш

Одатда бу жиддий касаллик аломати эмас. Кўпинча унга атир совундан кўп фойдаланиш сабаб бўлади. Аёлларга болалар совуни ёки интим гигиена учун махсус гелдан фойдаланиш мақсадга мувофиқ.

*.Қичишиш ва жинсий аъзолар териси рангининг ўзгариши кузатилса, шифокорга кўриниш зарур. Бу темиратки касаллигининг белгиси бўлиши мумкин. Кўпинча у билан ёши катта аёллар азият чекади.

—Қичишиб, тери кўчганда саратон ўсимталарига таҳлил топшириш тавсия этилади.

Вагинал қуруқлик

Бу муаммо кўпинча эмизикли гўдаги бор аёлларда учрайди. Баъзида боласини эмизаётган аёлларда овуляция жараёни ўз-ўзидан вақтинча тўхтайди. Бунинг натижасида вагинал қуруқлик юзага келади. Вақт ўтиб, овуляция ўз ҳолатига қайтганида бу муаммо йўқолиб кетади. Жинсий яқинликнинг оғриқли бўлиши албатта шифокорга мурожаат этиш учун жиддий асос.

Климаксдан сўнг аёллар организмида эстроген миқдори камаяди, шу сабабли вагинал тўқималар ўлиши ёкиюпқалашиши кузатилади. Жинсий йўл билан юқувчи касалликлардан ҳимояланиш қобилияти аста камайиб боради. Шифокор бундай ҳолатларда

AROMATERRA.UZB

31 января 2023 04:05

Инсулин ширинлик гормони. Ошқозон ости безида ишлаб чиқарилади. Бу гормон биз истеъмол қилган ширинликларни парчалаб, организмимиз учун зарур бўлган энергия, қувватга айлантириб беради. Инсулиннинг нотўғри ишлаб чиқарилиши қандли диабет ҳамда юрак қон‑томир тизими хасталикларининг ривожланишига олиб келади. Ёмон углеводлар (булочка, пирожнийлар) инсулин алмашинувини ёмонлаштирса, яхши углеводлар (йирик майдаланган ундан тайёрланган нон, жигарранг шакар ва сабзавотлар) меъёрини таъминлайди.

Инсулин – ҳаракат гормони ҳамдир. 1 соатлик фитнесдан сўнг унинг миқдори 6‑7 %га ортиши исботланган.

Соматотропин – жисмоний фаоллик гормони. Бош миядаги гипофиз марказида ишлаб чиқарилади. Мушаклар тонуси, ортиқча ёғларни йўқотиш, томирлар мустаҳкамлигига хизмат қилади. Унинг етишмовчилиги натижасида мушаклар ҳолсизланади, қўл териси сўлғинлашади. Унинг ишлаб чиқарилиштда С витамини, тўйинмаган ёғ кислоталари(сельд, тунец, скумбрия, балиқ ёғи), протеинлар(мол, индук, товуқ гўштлари) ва ўсимлик оқсиллари(гуруч, соя, қизил ловия) катта рол ўйнагани боис, уларни мунтазам равишда истеъмол қилиб юриш лозим.

Кортизол – стресс гормони. Ушбу гормон киши хавфли вазиятга тушганда ёки оч қолганда кўп миқдорда ишлаб чиқарила бошлайди. Қонда кортизол миқдори баланд бўлса доимий стресс ва хавотир кузатилиб, моддалар алмашинуви бузилади. Қизил икра (унинг таркибидаги триптофан “бахт гормони” – серотанин ишлаб чиқарилишига хизмат қилади ва стрессни йўқотади, холестерол эса асаб тизимини мустаҳкамлайди), бодом (унинг таркибидаги Е витамини одамни тинчлантириб, стресс гормони даражасини туширади, кўп миқдордаги тўйинмаган ёғлар эса холестеринни камайтиради), писта(қон босимини туширади, ортиқча адреналинни меъёрлаштиради, стрессни юмшатади, тетиклик ва яхши кайфият бахш этади), ловия (ундаги магний моддаси мушакларни бўшаштиради, асабларни тинчлантиради, кортизол миқдорини камайтиради), шунингдек, асал, ромашка, ялпиз дамламалари, сут, шоколад ва пишлоқ ҳам кортизол миқдори ошганда, яъни тушкунлик, стресс, қўрқув ва хавотир вақтида кони фойда.

Дофамин — қониқиш (мақтанчоқлик) гормони J. Адреналинга ўхшаш ушбу гормон инсондаги қониқиш ҳиссини бошқаради. Масалан, мазали таом еганди, бирор ўзига хос ҳолатга дуч келганда ушбу гормон натижасида кимгадир мақтангимиз келади. Бугун ижтимоий тармоқларда мазали таомлар, янги буюм ёки жойлар ҳақидаги хабар ва фотосуратларни жойлаштириш домафин миқдоридан келиб чиққан ҳолда амалга ошмоқда. Мусиқа эшитганда мияда мазкур гормон кўп миқдорда ишлаб чиқарила бошлар экан.

Вазопрессин – ишонч гормони. Гипофизда ишлаб чиқарилади. Молекуляр тузилиши окситоцинни эслатади. Мазкур гормон яқинлик (дўстлик, меҳрибонлик), ғамхўрлик ва эр‑хотин ўртасидаги ўзаро ишончнинг пайдо бўлишига кўмаклашади.

Мелатонин

Мелатонин – уйқу гормони. “Ёшлик гормони” деб ҳам номланади. Инсон миясининг марказий қисмидаги эпифиз марказида (ғуддасимон без) ишлаб чиқарилади. Ёруғликка ўта таъсирчан гормон. Унинг суткалик миқдорини инсон биологик соати белгилайди. Яъни, кундуз куни мелотонин миқдори камайиб, кеч тушиши билан орта бошлайди. Унинг ишлаб чиқарилиши ярим тунда чўққисига етади. Бир оз энг кўп миқдори ушлаб турилади сўнгра аста секинлик билан пасая боради. Мелотонин ишлаб чиқарилиши ёруғлик даражасига бевосита боғлиқ. Яъни, кеч тушса ҳам ёруғлик камаймаса, етарли даражада ишлаб чиқарилмаслиги, натижада уйқусизлик кузатилиши мумкин.

Етти ёшда мелотонин энг кўп миқдорда ишлаб чиқарилар экан. Сўнгра аста‑секинлик билан камайиб боради. 45 ёшда эпифиз ҳажми кичрайишни бошлайди ва унинг ҳужайралари мелотонин ишлаб чиқаришни камайтиради. Шунинг учун ҳам 60 ёшга етганда мелотонин ишлаб чиқарилиши 20 ёшдагига қараганда 50 фоизга ҳам етмайди ва шу сабабли кексалар уйқусизлик билан боғлиқ муаммоларга дуч келишади.

Мелотонин ўзига хос антиоксидант ҳисобланиб, баъзи касалликлар, масалан, саратоннинг айрим турлари(кўкрак бези саратони)га қарши курашда унинг ўрни беқиёс. Мелотонин етишмовчилиги ҳам айрим хасталикларнинг кучайишига олиб келиши мумкин. Зеро, мухтарам ўқувчиларимизга уйқусизлик қанчалик оғир асоратларга олиб келиши яхшигина маълум.

AROMATERRA.UZB

31 января 2023 04:05

72 ёшли "Онахон"ни бажараётган машқини кўриб уятиб кетдику одам🤦‍♂🤦‍♂🤦‍♂
Мана соғлом турмуш тарзини оқибати...
https://t.me/joinchat/AAAAAEiE1KjcwIYAiJViRg

AROMATERRA.UZB

29 января 2023 19:46

Vulaning diskomforti, quruqligi, qichishi va achishi sababi ayol va qizlarda jinsiy yetilish, homiladorlik, hayz, menopauza, stresslar natijasida va organizmdagi boshqa buzilishlarda gormonal fonning o’zgarishlari tufayli yuzaga kelishi mumkin. Bunday holatda shifokor gormonal fonni normallashtirish uchun preparatlarni buyuradi. Qo’shimcha namlantirgich sifatida maxsus yog’lar va gellar tavsiya etiladi.

Ko’pincha achishish siydik-tanosil tizimning yallig’lanishlarida (sistit, servitsit, endometrit, adneksit, metrit) uchraydi. Davolash uchun kompleks tekshiruv o’tkazish, infektsiyani aniqlash va tegishli preparatlarni tanlash zarur.

Ayollar jinsiy a’zosining qichishi va achishi sababi shuningdek psixologik omillarga ham bog’liq bo’lishi mumkin — stress holati, jinsiy aloqadan oldin qo’rquv yoki o’tkazilishi kerak bo’lgan operatsiya tufayli tashvishlanish va hokazo. Bunday holatda alomatlarni bartaraf etish biroz mushkul sanaladi, psixoterapiya qo’llaniladi, sedativ preparatlar belgilanadi.

Intim joylarda achishish va qichish hissi paydo bo’lsa nima qilish kerak?

Tabiiyki, ginekologga tashrif buyurish, alomatlarning sababini aniqlash va patologiyani yanada samarali davolash uchun tekshiruvlardan o’tish kerak.

Ginekologga murojaat qilmaguningizga qadar, jinsiy aloqada bo’lishni davom ettirsangiz, albatta prezervativlardan foydalaning. Yodingizda bo’lsin, alomatlari jinsiy lablar qichishi va achishi bo’lgan ko’plab kasalliklar yuqumli sanaladi va jinsiy yo’l bilan uzatiladi.

Agar siz qichishdan bir necha kun oldin yangi intim gigiena uchun vosita, lubrikant, yangi turdagi prokladkalardan foydalanishni boshlagan bo’lsangiz va bu allergik reaktsiyaga olib kelgan bo’lsa, sabablariga aniqlik kiritilguniga qadar gumon qilinayotgan allergen bilan aloqani bekor qiling.

AROMATERRA.UZB

29 января 2023 19:46

Shuning uchun bu muammoni e’tiborsiz qoldirib bo’lmaydi, uni baribir hal qilish kerak va imkon qadar tezroq boshlash yaxshiroqdir.

Vulvaning qichishi va achishi — bu kasallik emas, bu faqat ma’lum buzilishlarning namoyon bo’lishi, patologik o’zgarishlar sodir bo’lgani va unga e’tibor qaratish kerakligi haqidagi ayol organizmining signalidir. Ko’pgina kasalliklar bunday alomatlarga olib kelishi mumkin.

Ayollarning jinsiy a’zosi qichishi

Achish va qichishish buzilishlarning yagona alomati bo’lishi, shuningdek boshqa alomatlar bilan birgalikda kuzatilishi mumkin:

Jinsiy yo’llardan turli xil tabiatli ajralmalar;
Katta jinsiy lablar terisida va / yoki shilliq qavatida toshma toshishi;
Yoqimsiz, tabiiy bo’lmagan hid;
Qinning quruqligi;
Yopishqoq, qon aralash ajralmalar;
Oraliqda yoki qorin pastidagi og’riqlar;
Qin ichida yot jism mavjudligi hissi.

Achish va qichishishning intensivligi yengil shakldan tortib chidab bo’lmas o’ta yomon diskomfortgacha bo’lishi mumkin. Alomatlar doimiy bo’lishi ham mumkin, davriy ravishda kuzatilishi va hayz yoki ovulyatsiya davri bilan bog’liq bo’lishi ham. Har qanday holda, shifokorning maslahati talab qilinadi.

Ayolning jinsiy a’zolarida qichishish va achish chaqiradigan eng ko’p uchraydigan sabablar

Qin disbakteriozi — qinda achish va qichishga olib keladigan eng keng tarqalgan sabablardan biri. Mahalliy immunitetning pasayishi, turtki bo’ladigan omillar ta’siri ostida qinda disbalans paydo bo’ladi va kandida zamburug’lari, ichak tayoqchasi va gardnerella kabi mikroorganizmlar faol ravishda ko’payishni boshlaydi. Disbakteriozda nafaqat qichish va achish bezovta qiladi, balki qindan ko’p miqdorda ajralmalar ajralishi, yoqimsiz hid ham qayd qilinadi.

Alomatlarni bartaraf etish uchun mikroorganizmlarning disbalansiga nima sabab bo’lganini aniqlash, ushbu omilni bartaraf etish va bu vaziyat kelajakda o’zini qayta namoyon qilmasligi uchun ehtiyot choralarini ko’rish kerak. Bunday holatda shifokor davolash uchun mikroblarga va zamburug’larga qarshi preparatlar bilan bir qatorda, qin normroflorasini qayta tiklaydigan vositalarni ham tayinlaydi.

Ayollar osti qichishi va achishi sabablari orasida ikkinchi o’rinda JYYI — jinsiy yo’l bilan yuqadigan infektsiyalar turadi. Ularga xlamidioz, gonoreya, trixomoniaz, gerpes, papillomavirus infektsiyasi kiradi. Bu infektsiyalar vulvaning qichishi, achishi, yallig’lanishini keltirib chiqarishi mumkin. Samarali davolash kasallikning sababchisi va shaxsiy ko’rsatmalar hisobga olingan holda belgilanishi kerak. Bunday hollarda ko’pincha antibiotiklar bilan davolash talab etiladi.

Allergik reaktsiyalar ham jinsiy lablar sohasida qichish va achishishning sababchisi bo’lishi mumkin. Reaktsiyani turli allergenler bilan aloqa qilish keltirib chiqarishi mumkin.

Ko’pinсha, jinsiy a’zo allergiyasi sababi gigiena vositalari, intim gellar va yog’lar, sintetik ich kiyim, ich kiyimda qolgan kir yuvish kukunining qoldiqlari va hatto jinsiy sherikning spermasi bo’ladi. Agar shifokor alomatlarning allergik tabiatini tasdiqlagan bo’lsa, antigistaminlar va sedativ preparatlar buyuriladi.

Jinsiy lablar qichishi va achishi tor, qisadigan ichki kiyim, stringlar kiyish, doimiy ravishda kundalik prokladkalar ishlatish tufayli chaqirilgan bo’lishi mumkin, chunki buning naijasida patogen organizmlarning rivojlanishi uchun qulay muhit yaratiladi.

Shu sabablar qichish va diskomfortning kuchayishiga olib kelishi ham mumkin, garchi bu alomatlar boshida boshqa omillar tufayli yuzaga kelgan bo’lsa ham.

Ginekologiyaga aloqador bo’lmagan bir qator kasalliklar ham ayol jinsiy a’zosi salomatligi va komfortiga ta’sir qilishi mumkin. Masalan, vulva sohasida qichish va achish qandli diabet, qon kasalliklari, teri sarqiligi bilan kechadigan gepatit, buyrak faoliyatining buzilishi va boshqa patologiyalardan aziyat chekayotgan ayollarda kuzatilishi mumkin.

Bunday holda, vulva qichishi, achishi va boshqa alomatlarni davolash ularga sabab bo’lgan asosiy patologiyani bartaraf etishga, shuningdek normal vaginal ekosistemani saqlab qolishga qaratiladi.

AROMATERRA.UZB

29 января 2023 19:46

Siklning birinchi fazasida past harorat va ovulyatsiyadan so’ng haroratning ozgina o’sishi (0.2-0.3 °C) progesteron va estrogen gormonlarining yetishmasligini ko’rsatishi mumkin.

Ammo ayollarning sog’lig’ini faqat bazal harorat grafigi asosida baholash noto’g’ridir. Aniq tashxisni bir qator tadqiqotlar natijasida shifokor qo’yishi mumkin.

mymedic.uz

AROMATERRA.UZB

29 января 2023 19:46

Siklning birinchi fazasida ayol organizmida estrogen gormoni ustun bo’ladi, uning ta’siri ostida ovulyatsiyadan oldin bazal harorat 36.2-36.5 °C oralig’ida saqlanib turadi. Haroratning ushbu ko’rsatkichdan yuqori bo’lishi estrogen tanqisligini ko’rsatadi. Estrogen yetishmasligi, shuningdek, siklning ikkinchi fazasida ham yuqori (37.1 °C dan yuqori) haroratga sabab bo’ladi.

AROMATERRA.UZB

29 января 2023 19:46

Anovulyator siklda bazal haroratning ko’tarilishiga ta’sir qiluvchi sariq tana paydo bo’lmaydi. Shuning uchun anovulyatsiyada bazal harorat grafigi ovulyatsion chiziqqa ega emas. Grafik harorat o’zgarishi 36,5-36,9 °C bo’lgan monotonik egrilikni namoyon qiladi. Har bir ayolda yiliga bir nechta anovulyator sikllar bo’lishi mumkin. Biroq, agar vaziyat bir necha ketma-ket sikllarda o’zgarmasa, u fertillikning jiddiy ravishda buzilganligi belgisidir.