3136
@arabicuz_nahv (nahv-sarf kanal) @arabicuz (hikmat-kanal) @arabicuz_matn (hikmat-matnli kanal) @arabicuz_bot (hikmat-bot) - arabic.uz hikmatlari
12170. Аллоҳ таолонинг бандасига муҳаббати аломатларидан
🔹Суннатга эргашиш;
🔹Бало мусибатлар билан синалиш;
🔹Аллоҳ учун зиёрат қилиш, олди берди қилиш ва насиҳат қилиш;
🔹 Нафл ибодатларни кўпайтириш;
🔹Ёлғиз Аллоҳдан қўрқиш;
🔹Кофирларга иззатли, қатиққўл бўлиш;
🔹Мўминларга ҳокисор (тавозуъли) бўлиш.
▪️Изоҳ: «Айт: «Агар Аллоҳни севсангиз, бас, менга эргашинг, Аллоҳ сизни севадир ва сизларнинг гуноҳларингизни мағфират қиладир». Аллоҳ ўта мағфиратлидир, ўта раҳмлидир», Оли Имрон сураси, 31 - оят.
@arabicuz
iOS | Android
Instagram | Facebook | Twitter | arabicuz">Tiktok | Youtube
12168. Мўминнинг фаросати
Абдуллоҳ ибн Масъуд розияллоҳу анҳу айтади: Одамларнинг энг фаросатлиси учтадир:
1. Биринчиси, Юсуф алайҳиссаломни сотиб олиб, у ҳақда аёлига тайинлаган ҳоким: “Ва уни Мисрда сотиб олган ўз хотинига: «Унинг турар жойини яхши қил, ажаб эмаски, бизга манфаат берса ёки бола қилиб олсак», – деди”. Юсуф сураси, 21-оят.
2. Иккинчиси, Мусо алайҳиссаломни кўриб отасига у ҳақда айтган аёл: “Иккисидан бири: «Эй отажон, уни ишга ёллаб ол. Чунки ишга ёлланадиган энг яхши кимса кучли ва ишончли кимсадир», – деди”. Қосос сураси, 26-оят.
3. Учинчиси, Умар розияллоҳу анҳуни ўзидан кейин халифаликка тайинлаган вақтида Абу Бакр розияллоҳу анҳудир.
Ҳоким айтади: “Аллоҳ ибн Масъуддан рози бўлсин, ушбуларни ўртасини саҳиҳ санад билан жамлаб хайрли иш қилган”.
“Мустадрок”дан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12166. Абул Аббос Мурсий раҳимаҳуллоҳ: “Пайғамбарлар барчалари ҳадядирлар. Пайғамбаримиз соллаллоҳу алайҳи васаллам ҳам ҳадядирлар. Ато этилган, атийя ва ҳадянинг ўртасида фарқ бордир. Чунки атийя муҳтожларга берилади. Ҳадя эса маҳбублар учундир”, деди.
Абу Ҳурайра розияллоҳу анҳудан ривоят қилинади: “Набий соллаллоҳу алайҳи васаллам: “Албатта мен ҳадя қилинган раҳматман”, дедилар”. Ҳоким ва Байҳақийлар ривоят қилган.
Изоҳ: Абу Ҳурайра розияллоҳу анҳудан ривоят қилинади: “Набий соллаллоҳу алайҳи васаллам: “Албатта мен раҳмат ўлароқ юборилдим”, дедилар”. Имом Муслим ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
12164. Аллоҳнинг қанчалаб яширин лутфи марҳаматлари бор
Қуръондаги лутф оятлари 7 тадир. Уларнинг ажиб сир асрорлари бор. Уларни такрор ўқиб юр. Кимки Унинг лутфининг сиррини англаб етаркан, Аллоҳ таоло унга коинотдаги яширин лутфини мусаххар қиладики, токи хоҳлаган нарсалари унга ета бошлайди:
1. «Аллоҳ бандаларига ўта латофатлидир. У Ўзи хоҳлаган кишига ризқ берур», Шууро сураси, 19 – оят.
2. «Албатта, Аллоҳ ўта латофатлидир, ўта хабардордир», Луқмон сураси, 16 – оят.
3. «Яратган Зотнинг Ўзи билмасми? Ҳолбуки, У ўта латофатлидир, ўта хабардордир», Мулк сураси, 14 – оят.
4. «Кўзлар Уни идрок эта олмас, У кўзларни идрок этар. У ҳар бир нарсани дақиқ ва нозик жойларигача билувчидир, ўта хабардордир», Анъом сураси, 103 – оят.
5. «Албатта, Роббим хоҳлаган нарсасига латифдир. Албатта, У Зот билувчидир, ҳакимдир», Юсуф сураси, 100 - оят
6. «Аллоҳ осмондан сув туширганида, ернинг ям-яшил бўлишини кўрмадингми?! Албатта, Аллоҳ ўта латофатлидир, ўта хабардордир», Ҳаж сураси, 63 – оят.
7. «Ва уйларингизда тиловат қилинаётган Аллоҳнинг оятларини ва ҳикматни эсланг. Албатта, Аллоҳ ўта латофатлидир, ўта хабардордир», Аҳзоб сураси, 34 – оят.
@arabicuz
iOS | Android
Instagram | Facebook | Twitter | arabicuz">Tiktok | Youtube
12162. Мусулмон дўстим ва муслима синглим! Қачонки Аллоҳ таолонинг Китобидан пайғамбарлар алайҳиссаломларга уларнинг қавмларининг адовати, душманликларини ўқиган вақтингизда шуни фарзандларингизга англатингларки, ундай қавмлар, одамлар ҳозир ҳам орамизда мавжуддирлар. Улар ҳануз пайғамбарларга эргашувчиларга душманлик қилмоқдалар, ер юзида фасод (бузғунчилик) қилмоқдалар,намозхонларга ҳужум қилмоқдалар ва уларни сажда ва руку қилиб турган ҳолларида қатл қилмоқдалар...
Шайх Ҳасан ибн Али Каттоний.
@arabicuz
iOS | Android
Instagram | Facebook | Twitter | arabicuz">Tiktok | Youtube
12160. Аллоҳ таоло бизга ато этган бу руҳда шундай бир руҳоний қувват борки, у иймон, Аллоҳга муножот, Қуръон ва намоз билан тетиклашади ва у билан шарафланади, юксалади. Бу эса саодат, розилик ва қониқишни келтиради. Ғафлат у руҳни бўшаштиради, заиф қилади.
Доктор Али Муҳаммад Саллобийнинг “Қиссати бадаал ҳолқи ва ҳолқи Адами алайҳиссалами” китобидан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12158. Инсон икки яримдан иборат:
Юқори ярмида қалб ва ақл бордир.
Пастки ярмида қорин ва фарж бордир.
Кимнинг диққат-эътибори юқори ярмига бўлса, малоикалар оламига етишади.
Кимнинг диққат-эътибори пастки ярмига бўлса, ҳайвонот оламига етишади. Тавфиқ Аллоҳдандир.
Доктор Муҳаммад Иброҳим Ашмавий, Азҳари шариф жомеасининг ҳадиси шариф ва илмлари устози.
@arabicuz
iOS | Android
Instagram | Facebook | Twitter | arabicuz">Tiktok | Youtube
12156. Абу Зарр Ғифорий розияллоҳу анҳудан ривоят қилинади: “Набий соллаллоҳу алайҳи васаллам Аллоҳ таборака ва таолодан ривоят қиладилар:
«Эй бандаларим! Албатта, Мен Ўзимга зулмни ҳаром қилдим. Ва сизнинг орангизда ҳам уни ҳаром қилдим. Бас, бир-бирингизга зулм қилманг.
Эй бандаларим! Сизлар кечасию кундузи хато қиласиз. Мен эса парво қилмай, гуноҳларни мағфират этаман. Бас, Менга истиғфор айтинглар, сизларни мағфират қиламан.
Эй бандаларим! Мен таомлантиргандан бошқа барчангиз очсиз. Бас, Мендан таом сўранглар, сизларни таомлантираман. Мен кийинтиргандан бошқа барчангиз яланғочсиз. Бас, Мендан кийим сўранглар, сизни кийинтираман.
Эй бандаларим! Агар аввалингиз ҳам, охирингиз ҳам, инсингиз ҳам, жинингиз ҳам ичингиздаги энг тақводор банданинг қалбига эга бўлса ҳам Менинг мулкимдан бирор нарсани зиёда қила олмайди. Ана ўшаларнинг ҳаммаси тўпланиб, дунёдаги энг фожир одамнинг қалбига эга бўлса ҳам Менинг мулкимдан бирор нарсани камайтирмайди.
Агар бир жойга тўпланиб, Мендан сўрасалар, улардан ҳар бир инсонга сўраганини берсам, бу мулкимдан бирор нарсани камайтирмайди, катта бир денгизга нинани бир марта суқиб олингандек бўлади, холос.
Эй бандаларим! Ҳамма нарса амалларингизга боғлиқ. Мен уларга қараб ҳисоб қиламан. Ким яхшилик топса, Аллоҳга шукр қилсин. Ким ундан бошқани топса, ўзидан бошқани маломат қилмасин».
Имом Бухорий, имом Муслим ва Термизийлар ривоят қилган.
@arabicuz
iOS | Android
Instagram | Facebook | Twitter | arabicuz">Tiktok | Youtube
12154. Аллоҳнинг туғёнга кетган, золимлар устидаги суннати ва уларга (баъзан) дунё уқубатларини туширмаслигининг ҳикмати шулки,, албатта Аллоҳ азза ва жалладан қўрқадиганлар, Унинг иқобидан ҳайиқадиганлар бундан ибрат олишлари учундир. Ва яна, албатта Аллоҳнинг суннати ўзгармас, собит қонун бўлиб, ҳеч кимни четлаб ўтмаслигини билсинлар учундир.
Доктор Али Муҳаммад Саллобийнинг “Фаслил хитоби фий сийрати амирил мўминина Умар ибн Хаттоби розияллоҳу анҳу” китобидан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12152. Ибн Қутайба ҳикоя қилади, Умар ибн Хаттоб розияллоҳу анҳу ўйнаётган болалар олдидан ўтди. Уларнинг орасида Абдуллоҳ ибн Зубайр ҳам бор эди. У зотни кўриб болалар қочиб кетишди, илло Абдуллоҳ қочмай тураверди. Умар розияллоҳу анҳу унга: “Сенга нима бўлди? Нега ўртоқларинг билан бирга қочиб кетмадинг?” деди. У: “Эй амирал мўминин, шубҳа остида эмасманки, сиздан қўрқсам. Йўл тор эмаски, сизга йўл берсам”, деди.
Мовардийнинг “Адабуд дунё вад дийн” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12150. Қалб касалликларимизнинг сабаби ғафлатдир. Ғафлатнинг сабаби зикрнинг камлигидир. Яна “қийлу қол”, яъни “деди-деди”га боғланиб қолганмиз. Шунингдек, яна бир сабаби тариқат ходимига холис муриднинг боғланиши камлиги ҳамдир.
Шайх Аҳмад Фатҳуллоҳ Жомий.
@arabicuz
iOS | Android
Instagram | Facebook | Twitter | arabicuz">Tiktok | Youtube
12148. Ибн Абдул Барр раҳимаҳуллоҳ: “Кимки Аллоҳ учун илм талаб қилса, иншааллоҳ, унинг ками ҳам унга кифоя қилади ва тавфиқ (муваффақиятга эриштириш) Аллоҳдандир”, деди.
“Тамҳийд” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12146. Анас ибн Моликдан ривоят қилинади:
«Расулуллоҳ соллаллоҳу алайҳи васалламнинг даврларида нархлар ошиб кетганда: «Бизга нархларни белгилаб беринг, эй Аллоҳнинг Расули!» дейишди. У зот шундай дедилар: «Нархни белгиловчи ҳам, тутиб турувчи ҳам, кенг қилувчи ҳам, ризқ берувчи ҳам Аллоҳнинг Ўзидир. Мен эса менга бирортангизнинг на қонда, на молда зулм даъвоси бўлмаган ҳолда Роббимга рўбарў бўлишни хоҳлайман».
Абу Довуд ва Термизий ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
12144. Аксар фикрий адашиб кетганлар адашган тоифаларнинг китобларини ўзлари тойилишдан омонда қоламан, деб ўқишган (ва кейинчалик ўшалардан таъсирланиб, чалғиб кетишган).
Аллоҳ таоло ўз пайғамбарини огоҳлантирган нарсадан омондаман деб ўйлаб, хотиржам бўлма: “Уларнинг ҳавойи нафсларига эргашма ва улар сени Аллоҳ сенга нозил қилган нарсада фитнага солишларидан ҳазир бўл”, Моида сураси, 49-оят.
@arabicuz
iOS | Android
Instagram | Facebook | Twitter | arabicuz">Tiktok | Youtube
12142. Ибн Қоййим роҳимаҳуллоҳ: “Диннинг бари хулқдир. Ким сендан хулқда ўзса, демак динда ўзибди”, дедилар.
“Мадорижус соликийни байна маназила ийака наъбуду ва ийяка настаъийн” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12169. Имом Ғаззолий раҳимаҳуллоҳ: “Диндаги фасод унда лафзлар ва кўринишларининг ўзгаришидан юзага келади. Динда жавҳар, асл зоҳирдан, ташқи кўринишдан олдинда туради. У қалбга кириб боради, ўрнашади, сўнгра барча аъзолар уни тасдиқлайди, ишонади”, деди.
@arabicuz
iOS | Android
Instagram | Facebook | Twitter | arabicuz">Tiktok | Youtube
12167. 🔹 Бани Умайя (умавийлар) ҳукмронлиги вақтида
Ҳимолай тоғи узра Хитойда,
Қора Африка қитъасининг жунгли ўрмонларида,
Ҳинд диёрининг чангалзорларида,
Контстантинопол қасрлари узра,
Париж дарвозалари олдида,
Португалия тепаликларида,
Баҳри зулумат (Атлантика океани) қирғоқларида,
Грузиянинг соҳилларида,
Қибрис (Кипр) ороли соҳилларида азон овози баралла янграган эди...
@arabicuz
iOS | Android
Instagram | Facebook | Twitter | arabicuz">Tiktok | Youtube
12165. Аллоҳ сари йўл шундай йўлки, унда Одам алайҳиссалом қанча заҳматлар чекди, Нуҳ алайҳиссалом мана шу йўлни, деб қанча кўз ёш тўкди, Халил (Иброҳим алайҳиссалом) оловга улоқтирилди, Исмоил алайҳиссалом пичоққа бўйин тутди, Юсуф алайҳиссалом арзимас баҳога қул қилиб сотилди, бу йўлда Закариё алайҳиссалом арраланди, ҳасур (гуноҳлардан пок) зот Яҳё алайҳиссалом сўйилди, Айюб алайҳиссаломга зарар ўраб олди, Муҳаммад соллаллоҳу алайҳи васаллам ажмаъийнлар фақирлик ва бошқа турли азиятларни бошдан кечирдилар”.
Ибн Қоййим Жавзия раҳимаҳуллоҳ.
@arabicuz
iOS | Android
Instagram | Facebook | Twitter | arabicuz">Tiktok | Youtube
12163. Шуайб ибн Ҳарб: “Сахий мол-дунёни келишига қарамасдан олиб, уни тарқатувчи эмас, балки сахий унга мол-дунё таклиф этилса, олмайдиган ёки ҳақ йўл билан жамлаб, ҳақиқий ўрнига сарфлаб, қўядиган кишидир”, дедилар.
Ибн Абдулбаррнинг “Баҳжатул мажолис ва анисил мажолис” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12161. Расулуллоҳ соллаллоҳу алайҳи васаллам: “Ҳури ийнлар жаннатда: “Албатта биз ҳури ийнлармиз. Ҳурматли жуфтлар учун яшириб қўйилганмиз “, дея куйлашади” дедилар.
Имом Табаронийнинг «Авсат»даги ривояти.
Изоҳ: Расулуллоҳ соллаллоҳу алайҳи васаллам дедилар: «Ҳақиқатан, жаннат аҳлининг аёллари ўз эрлари учун куйлашади. Ҳеч ким бундан ҳам чиройли овозларни эшитмаган. Уларнинг қўшиқларида: «Биз ҳайрат ила боқувчи гўзал, олижаноб одамларнинг хотинларимиз» деб айтилади».
Яна уларнинг қўшиқларида: «Биз абадий яшаймиз ва ўлмаймиз, ўзимизни хавфсиз ҳис қиламиз ва қўрқувни билмаймиз, биз бу ерда абадий қоламиз ва ҳеч қаерга бормаймиз» деган сўзлар бор».
Табароний “Авсат”да, Абу Нуъайм “Сифатул жанна”да ривоят қилишган.
Али розияллоҳу анҳудан ривоят қилинади: “Набий соллаллоҳу алайҳи ва саллам: «Албатта, жаннатда ҳури ийнлар жамоаси бор. Улар ўзларининг халоиқ унга ўхшашини эшитмаган овозларини кўтариб «Биз абадий қолувчилармиз, тугамаймиз. Биз юмшоқлармиз, қотмаймиз. Биз розилармиз, норози бўлмаймиз. Бизга бўлганларга ва биз уларга бўлганларга яхшиликлар бўлсин!» дейдилар”, дедилар”. Имом Термизий ривоят қилган.
@arabicuz
iOS | Android
Instagram | Facebook | Twitter | arabicuz">Tiktok | Youtube
12159. Ибн Саммок раҳимаҳуллоҳ деди: “Тўсатдан келувчи ўлим сакароти (мастлиги) ва ҳасратидан огоҳ бўлинг, токи ғафлатда қолманг. Унинг ҳеч бир васф қилувчи баён қилиб васф этолмас, у онда (ўлим келганда) сиз йўлиқадиган ва сиз кўрадиган ҳолни таърифлашга қодир бўлолмас”, дедилар.
“Тафсири ибни Ражаб”дан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12157. Зайнаб Нафзавия: Марокаш унинг шарафига бино бўлган аёл
Ибн Халдун у аёлнинг васфида: “Гўзаллик ва раёсатда дунёнинг машҳур аёлларидан бири. Уч марта амирларга турмушга чиққан, тўртинчиси мусулмонлар амири, Муробитлар давлати асосчиси Юсуф ибн Ташфин бўлган. “Истиқсоил ахбар дувалил мағрибил ақсо” китобида баён қилинишича, Нафвазия ибн Ташфин учун саодатининг унвони, мулк, салтанатининг бекаси ҳамда кўплаб мағриб давлатларининг фатҳ этишда гўзал сиёсат юритишига сабаб бўлган аёл бўлган.
Кўплаб ривоятларнинг гувоҳлик беришича, Ибн Ташфин Марокашни у ерга кўчиб ўтиши ва ҳаёт кечириши учун ҳадя сифатида бино қилган. Шу билан бирга, айнан ўша аёл Марокаш шаҳрини муробитлар давлатининг янги пойтахти бўлиши учун кўп жидди жаҳд қилган.
@arabicuz
iOS | Android
Instagram | Facebook | Twitter | arabicuz">Tiktok | Youtube
12155. Фаришталар сенинг ҳаққингга дуо қиладиган 8 ўрин бор, сен уларда дуони кўпайтир:
1. Намозда биринчи сафга келиб турганингда.
2. Намозни тугатгач, туриб кетмасдан ўтириб зикр қилганингда.
3. Касални кўргани борганингда.
4. Аллоҳ йўлидаги биродарингни кўргани борганингда.
5. Биродарингни ҳаққига ғоибона дуо қилганингда.
6. Одамларга яхшиликни таълим берганингда.
7. Таҳорат билан уйқуга ётганингда.
8. Саҳарлик қилганингда.
Аллоҳ таоло сизу бизни холис карамли Юзи учун бўлган ҳолда ушбу саккиз ҳолатга эриштирсин!
@arabicuz
iOS | Android
Instagram | Facebook | Twitter | arabicuz">Tiktok | Youtube
12153. Бағдоддаги халифаликни мўғул татарлар эмас, гуноҳ ва ҳаром лаззатлар, айш-ишратларга тўлган саройлар қулатган. Андалус давлатини салибчилар эмас, балки бўшашган амирлар қулатган.
Улар Ториқ ибн Зиёд ва бошқалар каби ўз жонларини Аллоҳга сотган ва натижада ерларга меросхўр бўлган инсонларга лойиқ ҳалол фарзандлар бўлмадилар.
Умматимиз фақат ўзи ичидан зил кетади, барбод бўлади.
@arabicuz
iOS | Android
Instagram | Facebook | Twitter | arabicuz">Tiktok | Youtube
12151. Усмон ибн Аффон розияллоҳу анҳу: «Агар қалбларингиз пок бўлганида, Аллоҳ азза ва жалланинг Каломига асло тўймаган бўлардинглар», дер эдилар.
Имом ибн Қоййим раҳимаҳуллоҳ: “Покиза қалб ҳаётининг камоли, нури, кирликлар ва нопокликлардан халослиги сабабли Қуръондан тўймайди, фақат унинг ҳақиқатлари билан озиқланади ва фақат унинг даволари билангина даволаниб, шифо топади”, дедилар.
“Иғосатул лаҳфан” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12149. Айюб алайҳиссалом нажотни 18 йил кутдилар...
Юсуф алайҳиссалом 13 йил кутдилар...
Яъқуб алайҳиссалом 14 йил кутдилар...
Мусо алайҳиссалом кушойишга 40 йил интизор бўлдилар...
(Умидингизни сўндирманг, дуоларингиз) албатта тез орада ижобат бўлади.
@arabicuz
iOS | Android
Instagram | Facebook | Twitter | arabicuz">Tiktok | Youtube
12147. ☪️ Абу Ҳурайра розияллоҳу анҳудан ривоят қилинади, Расулуллоҳ соллаллоҳу алайҳи васаллам: “Агар хато қилсанглар, ҳаттоки хатоларингиз осмонга қадар етсада, сўнгра тавба қилсанглар, албатта қабул қилинади”, дедилар. Ибн Можа ривояти
🔹 Аллоҳ субҳанаҳу Тавваб, Раҳим, Ғофур ва Карим Зотдир. Албатта У гуноҳлари қанчага етган бўлмасин, осий бандалари учун тавба эшикларини очиб қўйган.
Бу эса, яъни фасод йўлини тарк этиб, нажот йўлига қайтиш йўлини очиб қўйиши Аллоҳ азза ва жалланинг бандаларига кўрсатган раҳматидир.
🔹 (Шарти), тавба Аллоҳ таолонинг Юзи учун холис бўлмоғи лозим. Унда дунё талаби ёки одамларнинг мақташи ва уларнинг хушомад, санолари ирода қилинмаган бўлиши лозим.
Сўнгра маъсиятдан тўхташ, четланиш, сўнгра унга қайтмасликка азми қарор қилган ҳолда уни амалга оширганидан афсус-надомат чекиш, сўнгра, агар маъсиятда ўзгаларнинг ҳаққи поймол бўлган бўлса, унинг эгаларига ҳаққини қайтариш шарт бўлади. (Масалан, молини зулм билан тортиб олган, ўғирлаб олганни топиб қайтиб бериш ва ҳаказо).
Муҳими, тавба ўлим етиши(жон чиқиши, ғарғара)дан аввал бўлиши лозим.
◽️Изоҳ: «Ким зулмидан кейин тавба этса ва ислоҳ қилса, Аллоҳ албатта тавбасини қабул қиладир. Албатта, Аллоҳ ўта мағфиратли ва ўта раҳмлидир», Моида сураси, 39-оят.
@arabicuz
iOS | Android
Instagram | Facebook | Twitter | arabicuz">Tiktok | Youtube
12145. Унинг эри менинг эримдан кўра яхшироқ, унинг боласи менинг боламдан ақллироқ, унинг уйи меникидан чиройлироқ... Аллоҳ таоло айтади: “Уларни синаш учун дунё ҳаётининг кўрки қилиб, айримларини баҳраманд қилганимиз нарсаларга кўзларингни тикма. Роббингнинг ризқи яхши ва боқийдир”, Тоҳо сураси, 131 – оят.
Ҳасад Аллоҳ таолга нисбатан одобсизликдир. Ўзингни солиштиришлар билан машаққатга қўйма. Чунки ҳар сафар кўзингни (бошқаларни бойлигига) чўзганингда кўксинг торайиб сиқилиб бораверади. (Яхшиси сен) Аллоҳ таоло сенга тақсим қилганига рози бўл ва берган неъмати учун Унга шукр қил, ана шунда инсонларнинг энг бойи бўласан. Шунга аниқ ишонч ҳосил қилки, бу дунёда Аллоҳ таоло ҳамма нарсани ато этиб қўйган биронта инсон йўқдир.
@arabicuz
iOS | Android
Instagram | Facebook | Twitter | arabicuz">Tiktok | Youtube
12143. “Шайхлардан дарс қабул қилишда ва уларнинг суҳбатини лозим тутишда бўшашиш оғир касаллик ва бедаво дарддир”.
Аллома, шайх Муҳаммад Аввома.
@arabicuz
iOS | Android
Instagram | Facebook | Twitter | arabicuz">Tiktok | Youtube
12141. Абу Умома розияллоҳу анҳу ривоят қилади, Расулуллоҳ соллаллоҳу алайҳи васаллам: “Шукр қилувчи қалб, зикр айтувчи тил ва дунё ва дин ишларингда сенга ёрдам берувчи солиҳа аёл(ингни бўлиши) одамлар хазина қилиб жамлайдиган нарсалардан яхшидир”, дедилар.
Имом Байҳақий “Шуъабул иймон”да ривоят қилган.
@arabicuz
iOS | Android
Instagram | Facebook | Twitter | arabicuz">Tiktok | Youtube